శ్రీశుక ఉవాచ
కృత్వా దైత్యవధం కృష్ణః సరామో యదుభిర్వృతః ।
భువోఽవతారయద్ భారం జవిష్ఠం జనయన్ కలిమ్ ॥ ౧ ॥
కృత్వా దైత్యవధం కృష్ణః సరామో యదుభిర్వృతః ।
భువోఽవతారయద్ భారం జవిష్ఠం జనయన్ కలిమ్ ॥ ౧ ॥
యే కోపితాః సుబహు పాణ్డుసుతాః సపత్నై-
ర్దుర్ద్యూతహేలనకచగ్రహణాదిభిస్తాన్ ।
కృత్వా నిమిత్తమితరేతరతః సమేతాన్
హత్వా నృపాన్ నిరహరత్ క్షితిభారమీశః ॥ ౨ ॥
ర్దుర్ద్యూతహేలనకచగ్రహణాదిభిస్తాన్ ।
కృత్వా నిమిత్తమితరేతరతః సమేతాన్
హత్వా నృపాన్ నిరహరత్ క్షితిభారమీశః ॥ ౨ ॥
భూభారరాజపృతనా యదుభిర్నిరస్య
గుప్తైః స్వబాహుభిరచిన్తయదప్రమేయః ।
మన్యేఽవనేర్నను గతోఽప్యగతం హి భారం
యద్ యాదవం కులమహో అవిషహ్యమాస్తే ॥ ౩ ॥
గుప్తైః స్వబాహుభిరచిన్తయదప్రమేయః ।
మన్యేఽవనేర్నను గతోఽప్యగతం హి భారం
యద్ యాదవం కులమహో అవిషహ్యమాస్తే ॥ ౩ ॥
నైవాన్యతః పరిభవోఽస్య భవేత్ కథఞ్చిన్
మత్సంశ్రయస్య విభవోన్నహనస్య నిత్యమ్ ।
అన్తఃకలిం యదుకులస్య విధాయ వేణు-
స్తమ్బస్య వహ్నిమివ శాన్తిముపైమి ధామ ॥ ౪ ॥
మత్సంశ్రయస్య విభవోన్నహనస్య నిత్యమ్ ।
అన్తఃకలిం యదుకులస్య విధాయ వేణు-
స్తమ్బస్య వహ్నిమివ శాన్తిముపైమి ధామ ॥ ౪ ॥
ఏవం వ్యవసితో రాజన్ సత్యసఙ్కల్ప ఈశ్వరః ।
శాపవ్యాజేన విప్రాణాం సఞ్జహ్రే స్వకులం విభుః ॥ ౫ ॥
శాపవ్యాజేన విప్రాణాం సఞ్జహ్రే స్వకులం విభుః ॥ ౫ ॥
స్వమూర్త్యా లోకలావణ్యనిర్ముక్త్యా లోచనం నృణామ్ ।
గీర్భిస్తాః స్మరతాం చిత్తం పదైస్తానీక్షతాం క్రియాః ॥ ౬ ॥
గీర్భిస్తాః స్మరతాం చిత్తం పదైస్తానీక్షతాం క్రియాః ॥ ౬ ॥
ఆచ్ఛిద్య కీర్తిం సుశ్లోకాం వితత్య హ్యఞ్జసా ను కౌ ।
తమోఽనయా తరిష్యన్తీత్యగాత్ స్వం పదమీశ్వరః ॥ ౭ ॥
తమోఽనయా తరిష్యన్తీత్యగాత్ స్వం పదమీశ్వరః ॥ ౭ ॥
శ్రీరాజోవాచ
బ్రహ్మణ్యానాం వదాన్యానాం నిత్యం వృద్ధోపసేవినామ్ ।
విప్రశాపః కథమభూద్ వృష్ణీనాం కృష్ణచేతసామ్ ॥ ౮ ॥
బ్రహ్మణ్యానాం వదాన్యానాం నిత్యం వృద్ధోపసేవినామ్ ।
విప్రశాపః కథమభూద్ వృష్ణీనాం కృష్ణచేతసామ్ ॥ ౮ ॥
యన్నిమిత్తః స వై శాపో యాదృశో ద్విజసత్తమ ।
కథమేకాత్మనాం భేద ఏతత్ సర్వం వదస్వ మే ॥ ౯ ॥
కథమేకాత్మనాం భేద ఏతత్ సర్వం వదస్వ మే ॥ ౯ ॥
శ్రీబాదరాయణిరువాచ
బిభ్రద్ వపుః సకలసున్దరసన్నివేశం
కర్మాచరన్ భువి సుమఙ్గలమాప్తకామః ।
ఆస్థాయ ధామ రమమాణ ఉదారకీర్తిః
సంహర్తుమైచ్ఛత కులం స్థితకృత్యశేషః ॥ ౧౦ ॥
బిభ్రద్ వపుః సకలసున్దరసన్నివేశం
కర్మాచరన్ భువి సుమఙ్గలమాప్తకామః ।
ఆస్థాయ ధామ రమమాణ ఉదారకీర్తిః
సంహర్తుమైచ్ఛత కులం స్థితకృత్యశేషః ॥ ౧౦ ॥
కర్మాణి పుణ్యనివహాని సుమఙ్గలాని
గాయజ్జగత్కలిమలాపహరాణి కృత్వా ।
కాలాత్మనా నివసతా యదుదేవగేహే
పిణ్డారకం సమగమన్ మునయో నిసృష్టాః ॥ ౧౧ ॥
గాయజ్జగత్కలిమలాపహరాణి కృత్వా ।
కాలాత్మనా నివసతా యదుదేవగేహే
పిణ్డారకం సమగమన్ మునయో నిసృష్టాః ॥ ౧౧ ॥
విశ్వామిత్రోఽసితః కణ్వో దుర్వాసా భృగురఙ్గిరాః ।
కశ్యపో వామదేవోఽత్రిర్వసిష్ఠో నారదాదయః ॥ ౧౨ ॥
కశ్యపో వామదేవోఽత్రిర్వసిష్ఠో నారదాదయః ॥ ౧౨ ॥
క్రీడన్తస్తానుపవ్రజ్య కుమారా యదునన్దనాః ।
ఉపసఙ్గృహ్య పప్రచ్ఛురవినీతా వినీతవత్ ॥ ౧౩ ॥
ఉపసఙ్గృహ్య పప్రచ్ఛురవినీతా వినీతవత్ ॥ ౧౩ ॥
తే వేషయిత్వా స్త్రీవేషైః సామ్బం జామ్బవతీసుతమ్ ।
ఏషా పృచ్ఛతి వో విప్రా అన్తర్వత్న్యసితేక్షణా ॥ ౧౪ ॥
ఏషా పృచ్ఛతి వో విప్రా అన్తర్వత్న్యసితేక్షణా ॥ ౧౪ ॥
ప్రష్టుం విలజ్జతీ సాక్షాత్ ప్రబ్రూతామోఘదర్శనాః ।
ప్రసోష్యన్తీ పుత్రకామా కింస్విత్ సఞ్జనయిష్యతి ॥ ౧౫ ॥
ప్రసోష్యన్తీ పుత్రకామా కింస్విత్ సఞ్జనయిష్యతి ॥ ౧౫ ॥
ఏవం ప్రలబ్ధా మునయస్తానూచుః కుపితా నృప ।
జనయిష్యతి వో మన్దా ముషలం కులనాశనమ్ ॥ ౧౬ ॥
జనయిష్యతి వో మన్దా ముషలం కులనాశనమ్ ॥ ౧౬ ॥
తచ్ఛ్రుత్వా తేఽతిసన్త్రస్తా విముచ్య సహసోదరమ్ ।
సామ్బస్య దదృశుస్తస్మిన్ ముషలం ఖల్వయస్మయమ్ ॥ ౧౭ ॥
సామ్బస్య దదృశుస్తస్మిన్ ముషలం ఖల్వయస్మయమ్ ॥ ౧౭ ॥
కిం కృతం మన్దభాగ్యైర్నః కిం వదిష్యన్తి నో జనాః ।
ఇతి విహ్వలితా గేహానాదాయ ముషలం యయుః ॥ ౧౮ ॥
ఇతి విహ్వలితా గేహానాదాయ ముషలం యయుః ॥ ౧౮ ॥
తచ్చోపనీయ సదసి పరిమ్లానముఖశ్రియః ।
రాజ్ఞ ఆవేదయాంచక్రుః సర్వయాదవసన్నిధౌ ॥ ౧౯ ॥
రాజ్ఞ ఆవేదయాంచక్రుః సర్వయాదవసన్నిధౌ ॥ ౧౯ ॥
శ్రుత్వామోఘం విప్రశాపం దృష్ట్వా చ ముషలం నృప ।
విస్మితా భయసన్త్రస్తా బభూవుర్ద్వారకౌకసః ॥ ౨౦ ॥
విస్మితా భయసన్త్రస్తా బభూవుర్ద్వారకౌకసః ॥ ౨౦ ॥
తచ్చూర్ణయిత్వా ముషలం యదురాజః స ఆహుకః ।
సముద్రసలిలే ప్రాస్యల్లోహం చాస్యావశేషితమ్ ॥ ౨౧ ॥
సముద్రసలిలే ప్రాస్యల్లోహం చాస్యావశేషితమ్ ॥ ౨౧ ॥
కశ్చిన్మత్స్యోఽగ్రసీల్లోహం చూర్ణాని తరలైస్తతః ।
ఉహ్యమానాని వేలాయాం లగ్నాన్యాసన్ కిలైరకాః ॥ ౨౨ ॥
ఉహ్యమానాని వేలాయాం లగ్నాన్యాసన్ కిలైరకాః ॥ ౨౨ ॥
మత్స్యో గృహీతో మత్స్యఘ్నైర్జాలేనాన్యైః సహార్ణవే ।
తస్యోదరగతం లోహం స శల్యే లుబ్ధకోఽకరోత్ ॥ ౨౩ ॥
తస్యోదరగతం లోహం స శల్యే లుబ్ధకోఽకరోత్ ॥ ౨౩ ॥
భగవాఞ్జ్ఞాతసర్వార్థ ఈశ్వరోఽపి తదన్యథా ।
కర్తుం నైచ్ఛద్ విప్రశాపం కాలరూప్యన్వమోదత ॥ ౨౪ ॥
కర్తుం నైచ్ఛద్ విప్రశాపం కాలరూప్యన్వమోదత ॥ ౨౪ ॥