বিদুর উবাচ
স্বাযম্ভুবস্য চ মনোর্বংশঃ পরমসম্মতঃ ।
কথ্যতাং ভগবন্ যত্র মৈথুনেনৈধিরে প্রজাঃ ॥ ১ ॥
স্বাযম্ভুবস্য চ মনোর্বংশঃ পরমসম্মতঃ ।
কথ্যতাং ভগবন্ যত্র মৈথুনেনৈধিরে প্রজাঃ ॥ ১ ॥
প্রিযব্রতোত্তানপাদৌ সুতৌ স্বাযম্ভুবস্য বৈ ।
যথাধর্মং জুগুপতুঃ সপ্তদ্বীপবতীং মহীম্ ॥ ২ ॥
যথাধর্মং জুগুপতুঃ সপ্তদ্বীপবতীং মহীম্ ॥ ২ ॥
তস্য বৈ দুহিতা ব্রহ্মন্দেবহূতীতি বিশ্রুতা ।
পত্নী প্রজাপতেরুক্তা কর্দমস্য ত্বযানঘ ॥ ৩ ॥
পত্নী প্রজাপতেরুক্তা কর্দমস্য ত্বযানঘ ॥ ৩ ॥
তস্যাং স বৈ মহাযোগী যুক্তাযাং যোগলক্ষণৈঃ ।
সসর্জ কতিধা বীর্যং তন্মে শুশ্রূষবে বদ ॥ ৪ ॥
সসর্জ কতিধা বীর্যং তন্মে শুশ্রূষবে বদ ॥ ৪ ॥
রুচির্যো ভগবান্ ব্রহ্মন্দক্ষো বা ব্রহ্মণঃ সুতঃ ।
যথা সসর্জ ভূতানি লব্ধ্বা ভার্যাং চ মানবীম্ ॥ ৫ ॥
যথা সসর্জ ভূতানি লব্ধ্বা ভার্যাং চ মানবীম্ ॥ ৫ ॥
মৈত্রেয উবাচ
প্রজাঃ সৃজেতি ভগবান্ কর্দমো ব্রহ্মণোদিতঃ ।
সরস্বত্যাং তপস্তেপে সহস্রাণাং সমা দশ ॥ ৬ ॥
প্রজাঃ সৃজেতি ভগবান্ কর্দমো ব্রহ্মণোদিতঃ ।
সরস্বত্যাং তপস্তেপে সহস্রাণাং সমা দশ ॥ ৬ ॥
ততঃ সমাধিযুক্তেন ক্রিযাযোগেন কর্দমঃ ।
সম্প্রপেদে হরিং ভক্ত্যা প্রপন্নবরদাশুষম্ ॥ ৭ ॥
সম্প্রপেদে হরিং ভক্ত্যা প্রপন্নবরদাশুষম্ ॥ ৭ ॥
তাবত্প্রসন্নো ভগবান্ পুষ্করাক্ষঃ কৃতে যুগে ।
দর্শযামাস তং ক্ষত্তঃ শাব্দং ব্রহ্ম দধদ্বপুঃ ॥ ৮ ॥
দর্শযামাস তং ক্ষত্তঃ শাব্দং ব্রহ্ম দধদ্বপুঃ ॥ ৮ ॥
স তং বিরজমর্কাভং সিতপদ্মোত্পলস্রজম্ ।
স্নিগ্ধনীলালকব্রাতবক্ত্রাব্জং বিরজোঽম্বরম্ ॥ ৯ ॥
স্নিগ্ধনীলালকব্রাতবক্ত্রাব্জং বিরজোঽম্বরম্ ॥ ৯ ॥
কিরীটিনং কুণ্ডলিনং শঙ্খচক্রগদাধরম্ ।
শ্বেতোত্পলক্রীডনকং মনঃস্পর্শস্মিতেক্ষণম্ ॥ ১০ ॥
শ্বেতোত্পলক্রীডনকং মনঃস্পর্শস্মিতেক্ষণম্ ॥ ১০ ॥
বিন্যস্তচরণাম্ভোজমংসদেশে গরুত্মতঃ ।
দৃষ্ট্বা খেঽবস্থিতং বক্ষঃশ্রিযং কৌস্তুভকন্ধরম্ ॥ ১১ ॥
দৃষ্ট্বা খেঽবস্থিতং বক্ষঃশ্রিযং কৌস্তুভকন্ধরম্ ॥ ১১ ॥
জাতহর্ষোঽপতন্মূর্ধ্না ক্ষিতৌ লব্ধমনোরথঃ ।
গীর্ভিস্ত্বভ্যগৃণাত্প্রীতিস্বভাবাত্মা কৃতাঞ্জলিঃ ॥ ১২ ॥
গীর্ভিস্ত্বভ্যগৃণাত্প্রীতিস্বভাবাত্মা কৃতাঞ্জলিঃ ॥ ১২ ॥
ঋষিরুবাচ
জুষ্টং বতাদ্যাখিলসত্ত্বরাশেঃ
সাংসিদ্ধ্যমক্ষ্ণোস্তব দর্শনান্নঃ ।
যদ্দর্শনং জন্মভিরীড্য সদ্ভি-
রাশাসতে যোগিনো রূঢযোগাঃ ॥ ১৩ ॥
জুষ্টং বতাদ্যাখিলসত্ত্বরাশেঃ
সাংসিদ্ধ্যমক্ষ্ণোস্তব দর্শনান্নঃ ।
যদ্দর্শনং জন্মভিরীড্য সদ্ভি-
রাশাসতে যোগিনো রূঢযোগাঃ ॥ ১৩ ॥
যে মাযযা তে হতমেধসস্ত্বত্-
পাদারবিন্দং ভবসিন্ধুপোতম্ ।
উপাসতে কামলবায তেষাং
রাসীশ কামান্নিরযেঽপি যে স্যুঃ ॥ ১৪ ॥
পাদারবিন্দং ভবসিন্ধুপোতম্ ।
উপাসতে কামলবায তেষাং
রাসীশ কামান্নিরযেঽপি যে স্যুঃ ॥ ১৪ ॥
তথা স চাহং পরিবোঢুকামঃ
সমানশীলাং গৃহমেধধেনুম্ ।
উপেযিবান্মূলমশেষমূলং
দুরাশযঃ কামদুঘাঙ্ঘ্রিপস্য ॥ ১৫ ॥
সমানশীলাং গৃহমেধধেনুম্ ।
উপেযিবান্মূলমশেষমূলং
দুরাশযঃ কামদুঘাঙ্ঘ্রিপস্য ॥ ১৫ ॥
প্রজাপতেস্তে বচসাধীশ তন্ত্যা
লোকঃ কিলাযং কামহতোঽনুবদ্ধঃ ।
অহং চ লোকানুগতো বহামি
বলিং চ শুক্লানিমিষায তুভ্যম্ ॥ ১৬ ॥
লোকঃ কিলাযং কামহতোঽনুবদ্ধঃ ।
অহং চ লোকানুগতো বহামি
বলিং চ শুক্লানিমিষায তুভ্যম্ ॥ ১৬ ॥
লোকাংশ্চ লোকানুগতান্ পশূংশ্চ
হিত্বা শ্রিতাস্তে চরণাতপত্রম্ ।
পরস্পরং ত্বদ্গুণবাদসীধু-
পীযূষনির্যাপিতদেহধর্মাঃ ॥ ১৭ ॥
হিত্বা শ্রিতাস্তে চরণাতপত্রম্ ।
পরস্পরং ত্বদ্গুণবাদসীধু-
পীযূষনির্যাপিতদেহধর্মাঃ ॥ ১৭ ॥
ন তেঽজরাক্ষভ্রমিরাযুরেষাং
ত্রযোদশারং ত্রিশতং ষষ্টিপর্ব ।
ষণ্নেম্যনন্তচ্ছদি যত্ত্রিণাভি
করালস্রোতো জগদাচ্ছিদ্য ধাবত্ ॥ ১৮ ॥
ত্রযোদশারং ত্রিশতং ষষ্টিপর্ব ।
ষণ্নেম্যনন্তচ্ছদি যত্ত্রিণাভি
করালস্রোতো জগদাচ্ছিদ্য ধাবত্ ॥ ১৮ ॥
একঃ স্বযং সঞ্জগতঃ সিসৃক্ষযা-
দ্বিতীযযাত্মন্নধিযোগমাযযা ।
সৃজস্যদঃ পাসি পুনর্গ্রসিষ্যসে
যথোর্ণনাভির্ভগবন্ স্বশক্তিভিঃ ॥ ১৯ ॥
দ্বিতীযযাত্মন্নধিযোগমাযযা ।
সৃজস্যদঃ পাসি পুনর্গ্রসিষ্যসে
যথোর্ণনাভির্ভগবন্ স্বশক্তিভিঃ ॥ ১৯ ॥
নৈতদ্বতাধীশ পদং তবেপ্সিতং
যন্মাযযা নস্তনুষে ভূতসূক্ষ্মম্ ।
অনুগ্রহাযাস্ত্বপি যর্হী মাযযা
লসত্তুলস্যা ভগবান্ বিলক্ষিতঃ ॥ ২০ ॥
যন্মাযযা নস্তনুষে ভূতসূক্ষ্মম্ ।
অনুগ্রহাযাস্ত্বপি যর্হী মাযযা
লসত্তুলস্যা ভগবান্ বিলক্ষিতঃ ॥ ২০ ॥
তং ত্বানুভূত্যোপরতক্রিযার্থং
স্বমাযযা বর্তিতলোকতন্ত্রম্ ।
নমাম্যভীক্ষ্ণং নমনীযপাদ-
সরোজমল্পীযসি কামবর্ষম্ ॥ ২১ ॥
স্বমাযযা বর্তিতলোকতন্ত্রম্ ।
নমাম্যভীক্ষ্ণং নমনীযপাদ-
সরোজমল্পীযসি কামবর্ষম্ ॥ ২১ ॥
ঋষিরুবাচ
ইত্যব্যলীকং প্রণুতোঽব্জনাভ-
স্তমাবভাষে বচসামৃতেন ।
সুপর্ণপক্ষোপরি রোচমানঃ
প্রেমস্মিতোদ্বীক্ষণবিভ্রমদ্ভ্রূঃ ॥ ২২ ॥
ইত্যব্যলীকং প্রণুতোঽব্জনাভ-
স্তমাবভাষে বচসামৃতেন ।
সুপর্ণপক্ষোপরি রোচমানঃ
প্রেমস্মিতোদ্বীক্ষণবিভ্রমদ্ভ্রূঃ ॥ ২২ ॥
শ্রীভগবানুবাচ
বিদিত্বা তব চৈত্যং মে পুরৈব সমযোজি তত্ ।
যদর্থমাত্মনিযমৈস্ত্বযৈবাহং সমর্চিতঃ ॥ ২৩ ॥
বিদিত্বা তব চৈত্যং মে পুরৈব সমযোজি তত্ ।
যদর্থমাত্মনিযমৈস্ত্বযৈবাহং সমর্চিতঃ ॥ ২৩ ॥
ন বৈ জাতু মৃষৈব স্যাত্প্রজাধ্যক্ষ মদর্হণম্ ।
ভবদ্বিধেষ্বতিতরাং মযি সংগৃভিতাত্মনাম্ ॥ ২৪ ॥
ভবদ্বিধেষ্বতিতরাং মযি সংগৃভিতাত্মনাম্ ॥ ২৪ ॥
প্রজাপতিসুতঃ সম্রাণ্মনুর্বিখ্যাতমঙ্গলঃ ।
ব্রহ্মাবর্তং যোঽধিবসন্ শাস্তি সপ্তার্ণবাং মহীম্ ॥ ২৫ ॥
ব্রহ্মাবর্তং যোঽধিবসন্ শাস্তি সপ্তার্ণবাং মহীম্ ॥ ২৫ ॥
স চেহ বিপ্র রাজর্ষির্মহিষ্যা শতরূপযা ।
আযাস্যতি দিদৃক্ষুস্ত্বাং পরশ্বো ধর্মকোবিদঃ ॥ ২৬ ॥
আযাস্যতি দিদৃক্ষুস্ত্বাং পরশ্বো ধর্মকোবিদঃ ॥ ২৬ ॥
আত্মজামসিতাপাঙ্গীং বযঃশীলগুণান্বিতাম্ ।
মৃগযন্তীং পতিং দাস্যত্যনুরূপায তে প্রভো ॥ ২৭ ॥
মৃগযন্তীং পতিং দাস্যত্যনুরূপায তে প্রভো ॥ ২৭ ॥
সমাহিতং তে হৃদযং যত্রেমান্ পরিবত্সরান্ ।
সা ত্বাং ব্রহ্মন্নৃপবধূঃ কামমাশু ভজিষ্যতি ॥ ২৮ ॥
সা ত্বাং ব্রহ্মন্নৃপবধূঃ কামমাশু ভজিষ্যতি ॥ ২৮ ॥
যা ত আত্মভৃতং বীর্যং নবধা প্রসবিষ্যতি ।
বীর্যে ত্বদীযে ঋষয আধাস্যন্ত্যঞ্জসাত্মনঃ ॥ ২৯ ॥
বীর্যে ত্বদীযে ঋষয আধাস্যন্ত্যঞ্জসাত্মনঃ ॥ ২৯ ॥
ত্বং চ সম্যগনুষ্ঠায নিদেশং ম উশত্তমঃ ।
মযি তীর্থীকৃতাশেষক্রিযার্থো মাং প্রপত্স্যসে ॥ ৩০ ॥
মযি তীর্থীকৃতাশেষক্রিযার্থো মাং প্রপত্স্যসে ॥ ৩০ ॥
কৃত্বা দযাং চ জীবেষু দত্ত্বা চাভযমাত্মবান্ ।
ময্যাত্মানং সহ জগদ্ দ্রক্ষ্যস্যাত্মনি চাপি মাম্ ॥ ৩১ ॥
ময্যাত্মানং সহ জগদ্ দ্রক্ষ্যস্যাত্মনি চাপি মাম্ ॥ ৩১ ॥
সহাহং স্বাংশকলযা ত্বদ্বীর্যেণ মহামুনে ।
তব ক্ষেত্রে দেবহূত্যাং প্রণেষ্যে তত্ত্বসংহিতাম্ ॥ ৩২ ॥
তব ক্ষেত্রে দেবহূত্যাং প্রণেষ্যে তত্ত্বসংহিতাম্ ॥ ৩২ ॥
মৈত্রেয উবাচ
এবং তমনুভাষ্যাথ ভগবান্ প্রত্যগক্ষজঃ ।
জগাম বিন্দুসরসঃ সরস্বত্যা পরিশ্রিতাত্ ॥ ৩৩ ॥
এবং তমনুভাষ্যাথ ভগবান্ প্রত্যগক্ষজঃ ।
জগাম বিন্দুসরসঃ সরস্বত্যা পরিশ্রিতাত্ ॥ ৩৩ ॥
নিরীক্ষতস্তস্য যযাবশেষ-
সিদ্ধেশ্বরাভিষ্টুতসিদ্ধমার্গঃ ।
আকর্ণযন্ পত্ররথেন্দ্রপক্ষৈ-
রুচ্চারিতং স্তোমমুদীর্ণসাম ॥ ৩৪ ॥
সিদ্ধেশ্বরাভিষ্টুতসিদ্ধমার্গঃ ।
আকর্ণযন্ পত্ররথেন্দ্রপক্ষৈ-
রুচ্চারিতং স্তোমমুদীর্ণসাম ॥ ৩৪ ॥
অথ সম্প্রস্থিতে শুক্লে কর্দমো ভগবানৃষিঃ ।
আস্তে স্ম বিন্দুসরসি তং কালং প্রতিপালযন্ ॥ ৩৫ ॥
আস্তে স্ম বিন্দুসরসি তং কালং প্রতিপালযন্ ॥ ৩৫ ॥
মনুঃ স্যন্দনমাস্থায শাতকৌম্ভপরিচ্ছদম্ ।
আরোপ্য স্বাং দুহিতরং সভার্যঃ পর্যটন্মহীম্ ॥ ৩৬ ॥
আরোপ্য স্বাং দুহিতরং সভার্যঃ পর্যটন্মহীম্ ॥ ৩৬ ॥
তস্মিন্ সুধন্বন্নহনি ভগবান্ যত্সমাদিশত্ ।
উপাযাদাশ্রমপদং মুনেঃ শান্তব্রতস্য তত্ ॥ ৩৭ ॥
উপাযাদাশ্রমপদং মুনেঃ শান্তব্রতস্য তত্ ॥ ৩৭ ॥
যস্মিন্ ভগবতো নেত্রান্ন্যপতন্নশ্রুবিন্দবঃ ।
কৃপযা সম্পরীতস্য প্রপন্নেঽর্পিতযা ভৃশম্ ॥ ৩৮ ॥
কৃপযা সম্পরীতস্য প্রপন্নেঽর্পিতযা ভৃশম্ ॥ ৩৮ ॥
তদ্বৈ বিন্দুসরো নাম সরস্বত্যা পরিপ্লুতম্ ।
পুণ্যং শিবামৃতজলং মহর্ষিগণসেবিতম্ ॥ ৩৯ ॥
পুণ্যং শিবামৃতজলং মহর্ষিগণসেবিতম্ ॥ ৩৯ ॥
পুণ্যদ্রুমলতাজালৈঃ কূজত্পুণ্যমৃগদ্বিজৈঃ ।
সর্বর্তুফলপুষ্পাঢ্যং বনরাজিশ্রিযান্বিতম্ ॥ ৪০ ॥
সর্বর্তুফলপুষ্পাঢ্যং বনরাজিশ্রিযান্বিতম্ ॥ ৪০ ॥
মত্তদ্বিজগণৈর্ঘুষ্টং মত্তভ্রমরবিভ্রমম্ ।
মত্তবর্হিনটাটোপমাহ্বযন্মত্তকোকিলম্ ॥ ৪১ ॥
মত্তবর্হিনটাটোপমাহ্বযন্মত্তকোকিলম্ ॥ ৪১ ॥
কদম্বচম্পকাশোককরঞ্জবকুলাসনৈঃ ।
কুন্দমন্দারকুটজৈশ্চূতপোতৈরলঙ্কৃতম্ ॥ ৪২ ॥
কুন্দমন্দারকুটজৈশ্চূতপোতৈরলঙ্কৃতম্ ॥ ৪২ ॥
কারণ্ডবৈঃ প্লবৈর্হংসৈঃ কুররৈর্জলকুক্কুটৈঃ ।
সারসৈশ্চক্রবাকৈশ্চ চকোরৈর্বল্গু কূজিতম্ ॥ ৪৩ ॥
সারসৈশ্চক্রবাকৈশ্চ চকোরৈর্বল্গু কূজিতম্ ॥ ৪৩ ॥
তথৈব হরিণৈঃ ক্রোডৈঃ শ্বাবিদ্গবযকুঞ্জরৈঃ ।
গোপুচ্ছৈর্হরিভির্মর্কৈর্নকুলৈর্নাভিভির্বৃতম্ ॥ ৪৪ ॥
গোপুচ্ছৈর্হরিভির্মর্কৈর্নকুলৈর্নাভিভির্বৃতম্ ॥ ৪৪ ॥
প্রবিশ্য তত্তীর্থবরমাদিরাজঃ সহাত্মজঃ ।
দদর্শ মুনিমাসীনং তস্মিন্ হুতহুতাশনম্ ॥ ৪৫ ॥
দদর্শ মুনিমাসীনং তস্মিন্ হুতহুতাশনম্ ॥ ৪৫ ॥
বিদ্যোতমানং বপুষা তপস্যুগ্রযুজা চিরম্ ।
নাতিক্ষামং ভগবতঃ স্নিগ্ধাপাঙ্গাবলোকনাত্ ।
ত দ্বযহৃতামৃতকলাপীযূষশ্রবণেন চ ॥ ৪৬ ॥
নাতিক্ষামং ভগবতঃ স্নিগ্ধাপাঙ্গাবলোকনাত্ ।
ত দ্বযহৃতামৃতকলাপীযূষশ্রবণেন চ ॥ ৪৬ ॥
প্রাংশুং পদ্মপলাশাক্ষং জটিলং চীরবাসসম্ ।
উপসংশ্রিত্য মলিনং যথার্হণমসংস্কৃতম্ ॥ ৪৭ ॥
উপসংশ্রিত্য মলিনং যথার্হণমসংস্কৃতম্ ॥ ৪৭ ॥
অথোটজমুপাযাতং নৃদেবং প্রণতং পুরঃ ।
সপর্যযা পর্যগৃহ্ণাত্প্রতিনন্দ্যানুরূপযা ॥ ৪৮ ॥
সপর্যযা পর্যগৃহ্ণাত্প্রতিনন্দ্যানুরূপযা ॥ ৪৮ ॥
গৃহীতার্হণমাসীনং সংযতং প্রীণযন্মুনিঃ ।
স্মরন্ ভগবদাদেশমিত্যাহ শ্লক্ষ্ণযা গিরা ॥ ৪৯ ॥
স্মরন্ ভগবদাদেশমিত্যাহ শ্লক্ষ্ণযা গিরা ॥ ৪৯ ॥
নূনং চঙ্ক্রমণং দেব সতাং সংরক্ষণায তে ।
বধায চাসতাং যস্ত্বং হরেঃ শক্তির্হি পালিনী ॥ ৫০ ॥
বধায চাসতাং যস্ত্বং হরেঃ শক্তির্হি পালিনী ॥ ৫০ ॥
যোঽর্কেন্দ্বগ্নীন্দ্রবাযূনাং যমধর্মপ্রচেতসাম্ ।
রূপাণি স্থান আধত্সে তস্মৈ শুক্লায তে নমঃ ॥ ৫১ ॥
রূপাণি স্থান আধত্সে তস্মৈ শুক্লায তে নমঃ ॥ ৫১ ॥
ন যদা রথমাস্থায জৈত্রং মণিগণার্পিতম্ ।
বিস্ফূর্জচ্চণ্ডকোদণ্ডো রথেন ত্রাসযন্নঘান্ ॥ ৫২ ॥
বিস্ফূর্জচ্চণ্ডকোদণ্ডো রথেন ত্রাসযন্নঘান্ ॥ ৫২ ॥
স্বসৈন্যচরণক্ষুণ্ণং বেপযন্মণ্ডলং ভুবঃ ।
বিকর্ষন্ বৃহতীং সেনাং পর্যটস্যংশুমানিব ॥ ৫৩ ॥
বিকর্ষন্ বৃহতীং সেনাং পর্যটস্যংশুমানিব ॥ ৫৩ ॥
তদৈব সেতবঃ সর্বে বর্ণাশ্রমনিবন্ধনাঃ ।
ভগবদ্রচিতা রাজন্ ভিদ্যেরন্ বত দস্যুভিঃ ॥ ৫৪ ॥
ভগবদ্রচিতা রাজন্ ভিদ্যেরন্ বত দস্যুভিঃ ॥ ৫৪ ॥
অধর্মশ্চ সমেধেত লোলুপৈর্ব্যঙ্কুশৈর্নৃভিঃ ।
শযানে ত্বযি লোকোঽযং দস্যুগ্রস্তো বিনঙ্ক্ষ্যতি ॥ ৫৫ ॥
শযানে ত্বযি লোকোঽযং দস্যুগ্রস্তো বিনঙ্ক্ষ্যতি ॥ ৫৫ ॥
অথাপি পৃচ্ছে ত্বাং বীর যদর্থং ত্বমিহাগতঃ ।
তদ্বযং নির্ব্যলীকেন প্রতিপদ্যামহে হৃদা ॥ ৫৬ ॥
তদ্বযং নির্ব্যলীকেন প্রতিপদ্যামহে হৃদা ॥ ৫৬ ॥