মৈত্ৰেয উৱাচ
অথ দেৱগণাঃ সৰ্ৱে ৰুদ্ৰানীকৈঃ পৰাজিতাঃ ।
শূলপট্টিশনিস্ত্ৰিংশগদাপৰিঘমুদ্গৰৈঃ ॥ ১ ॥
অথ দেৱগণাঃ সৰ্ৱে ৰুদ্ৰানীকৈঃ পৰাজিতাঃ ।
শূলপট্টিশনিস্ত্ৰিংশগদাপৰিঘমুদ্গৰৈঃ ॥ ১ ॥
সঞ্ছিন্নভিন্নসৰ্ৱাঙ্গাঃ সৰ্ত্ৱিক্সভ্যা ভযাকুলাঃ ।
স্ৱযম্ভুৱে নমস্কৃত্য কাৰ্ত্স্ন্যেনৈতন্ন্যৱেদযন্ ॥ ২ ॥
স্ৱযম্ভুৱে নমস্কৃত্য কাৰ্ত্স্ন্যেনৈতন্ন্যৱেদযন্ ॥ ২ ॥
উপলভ্য পুৰৈৱৈতদ্ভগৱানব্জসম্ভৱঃ ।
নাৰাযণশ্চ ৱিশ্ৱাত্মা ন কস্যাধ্ৱৰমীযতুঃ ॥ ৩ ॥
নাৰাযণশ্চ ৱিশ্ৱাত্মা ন কস্যাধ্ৱৰমীযতুঃ ॥ ৩ ॥
তদাকৰ্ণ্য ৱিভুঃ প্ৰাহ তেজীযসি কৃতাগসি ।
ক্ষেমায তত্ৰ সা ভূযান্ন প্ৰাযেণ বুভূষতাম্ ॥ ৪ ॥
ক্ষেমায তত্ৰ সা ভূযান্ন প্ৰাযেণ বুভূষতাম্ ॥ ৪ ॥
অথাপি যূযং কৃতকিল্বিষা ভৱং
যে বৰ্হিষো ভাগভাজং পৰাদুঃ ।
প্ৰসাদযধ্ৱং পৰিশুদ্ধচেতসা
ক্ষিপ্ৰপ্ৰসাদং প্ৰগৃহীতাঙ্ঘ্ৰিঃপদ্মম্ ॥ ৫ ॥
যে বৰ্হিষো ভাগভাজং পৰাদুঃ ।
প্ৰসাদযধ্ৱং পৰিশুদ্ধচেতসা
ক্ষিপ্ৰপ্ৰসাদং প্ৰগৃহীতাঙ্ঘ্ৰিঃপদ্মম্ ॥ ৫ ॥
আশাসানা জীৱিতমধ্ৱৰস্য
লোকঃ সপালঃ কুপিতে ন যস্মিন্ ।
তমাশু দেৱং প্ৰিযযা ৱিহীনং
ক্ষমাপযধ্ৱং হৃদি ৱিদ্ধং দুৰুক্তৈঃ ॥ ৬ ॥
লোকঃ সপালঃ কুপিতে ন যস্মিন্ ।
তমাশু দেৱং প্ৰিযযা ৱিহীনং
ক্ষমাপযধ্ৱং হৃদি ৱিদ্ধং দুৰুক্তৈঃ ॥ ৬ ॥
নাহং ন যজ্ঞো ন চ যূযমন্যে
যে দেহভাজো মুনযশ্চ তত্ত্ৱম্ ।
ৱিদুঃ প্ৰমাণং বলৱীৰ্যযোৰ্ৱা
যস্যাত্মতন্ত্ৰস্য ক উপাযং ৱিধিত্সেত্ ॥ ৭ ॥
যে দেহভাজো মুনযশ্চ তত্ত্ৱম্ ।
ৱিদুঃ প্ৰমাণং বলৱীৰ্যযোৰ্ৱা
যস্যাত্মতন্ত্ৰস্য ক উপাযং ৱিধিত্সেত্ ॥ ৭ ॥
স ইত্থমাদিশ্য সুৰানজস্তু তৈঃ
সমন্ৱিতঃ পিতৃভিঃ সপ্ৰজেশৈঃ ।
যযৌ স্ৱধিষ্ণ্যান্নিলযং পুৰদ্ৱিষঃ
কৈলাসমদ্ৰিপ্ৰৱৰং প্ৰিযং প্ৰভোঃ ॥ ৮ ॥
সমন্ৱিতঃ পিতৃভিঃ সপ্ৰজেশৈঃ ।
যযৌ স্ৱধিষ্ণ্যান্নিলযং পুৰদ্ৱিষঃ
কৈলাসমদ্ৰিপ্ৰৱৰং প্ৰিযং প্ৰভোঃ ॥ ৮ ॥
জন্মৌষধিতপোমন্ত্ৰযোগসিদ্ধৈৰ্নৰেতৰৈঃ ।
জুষ্টং কিন্নৰগন্ধৰ্ৱৈৰপ্সৰোভিৰ্ৱৃতং সদা ॥ ৯ ॥
জুষ্টং কিন্নৰগন্ধৰ্ৱৈৰপ্সৰোভিৰ্ৱৃতং সদা ॥ ৯ ॥
নানামণিমযৈঃ শৃঙ্গৈৰ্নানাধাতুৱিচিত্ৰিতৈঃ ।
নানাদ্ৰুমলতাগুল্মৈৰ্নানামৃগগণাৱৃতৈঃ ॥ ১০ ॥
নানাদ্ৰুমলতাগুল্মৈৰ্নানামৃগগণাৱৃতৈঃ ॥ ১০ ॥
নানামলপ্ৰস্ৰৱণৈৰ্নানাকন্দৰসানুভিঃ ।
ৰমণং ৱিহৰন্তীনাং ৰমণৈঃ সিদ্ধযোষিতাম্ ॥ ১১ ॥
ৰমণং ৱিহৰন্তীনাং ৰমণৈঃ সিদ্ধযোষিতাম্ ॥ ১১ ॥
মযূৰকেকাভিৰুতং মদান্ধালিৱিমূৰ্চ্ছিতম্ ।
প্লাৱিতৈ ৰক্তকণ্ঠানাং কূজিতৈশ্চ পতত্ত্ৰিণাম্ ॥ ১২ ॥
প্লাৱিতৈ ৰক্তকণ্ঠানাং কূজিতৈশ্চ পতত্ত্ৰিণাম্ ॥ ১২ ॥
আহ্ৱযন্তমিৱোদ্ধস্তৈৰ্দ্ৱিজান্ কামদুঘৈৰ্দ্ৰুমৈঃ ।
ৱ্ৰজন্তমিৱ মাতঙ্গৈৰ্গৃণন্তমিৱ নিৰ্ঝৰৈঃ ॥ ১৩ ॥
ৱ্ৰজন্তমিৱ মাতঙ্গৈৰ্গৃণন্তমিৱ নিৰ্ঝৰৈঃ ॥ ১৩ ॥
মন্দাৰৈঃ পাৰিজাতৈশ্চ সৰলৈশ্চোপশোভিতম্ ।
তমালৈঃ শালতালৈশ্চ কোৱিদাৰাসনাৰ্জুনৈঃ ॥ ১৪ ॥
তমালৈঃ শালতালৈশ্চ কোৱিদাৰাসনাৰ্জুনৈঃ ॥ ১৪ ॥
চূতৈঃ কদম্বৈৰ্নীপৈশ্চ নাগপুন্নাগচম্পকৈঃ ।
পাটলাশোকবকুলৈঃ কুন্দৈঃ কুৰবকৈৰপি ॥ ১৫ ॥
পাটলাশোকবকুলৈঃ কুন্দৈঃ কুৰবকৈৰপি ॥ ১৫ ॥
স্ৱৰ্ণাৰ্ণশতপত্ৰৈশ্চ ৱৰৰেণুকজাতিভিঃ ।
কুব্জকৈৰ্মল্লিকাভিশ্চ মাধৱীভিশ্চ মণ্ডিতম্ ॥ ১৬ ॥
কুব্জকৈৰ্মল্লিকাভিশ্চ মাধৱীভিশ্চ মণ্ডিতম্ ॥ ১৬ ॥
পনসোদুম্বৰাশ্ৱত্থপ্লক্ষন্যগ্ৰোধহিঙ্গুভিঃ ।
ভূৰ্জৈৰোষধিভিঃ পূগৈ ৰাজপূগৈশ্চ জম্বুভিঃ ॥ ১৭ ॥
ভূৰ্জৈৰোষধিভিঃ পূগৈ ৰাজপূগৈশ্চ জম্বুভিঃ ॥ ১৭ ॥
খৰ্জূৰাম্ৰাতকাম্ৰাদ্যৈঃ প্ৰিযালমধুকেঙ্গুদৈঃ ।
দ্ৰুমজাতিভিৰন্যৈশ্চ ৰাজিতং ৱেণুকীচকৈঃ ॥ ১৮ ॥
দ্ৰুমজাতিভিৰন্যৈশ্চ ৰাজিতং ৱেণুকীচকৈঃ ॥ ১৮ ॥
কুমুদোত্পলকহ্লাৰশতপত্ৰৱনৰ্দ্ধিভিঃ ।
নলিনীষু কলং কূজত্খগৱৃন্দোপশোভিতম্ ॥ ১৯ ॥
নলিনীষু কলং কূজত্খগৱৃন্দোপশোভিতম্ ॥ ১৯ ॥
মৃগৈঃ শাখামৃগৈঃ ক্ৰোডৈৰ্মৃগেন্দ্ৰৈৰ্ঋ ক্ষশল্যকৈঃ ।
গৱযৈঃ শৰভৈৰ্ৱ্যাঘ্ৰৈ ৰুৰুভিৰ্মহিষাদিভিঃ ॥ ২০ ॥
গৱযৈঃ শৰভৈৰ্ৱ্যাঘ্ৰৈ ৰুৰুভিৰ্মহিষাদিভিঃ ॥ ২০ ॥
কৰ্ণান্ত্ৰৈকপদাশ্ৱাস্যৈৰ্নিৰ্জুষ্টং ৱৃকনাভিভিঃ ।
কদলীখণ্ডসংৰুদ্ধনলিনীপুলিনশ্ৰিযম্ ॥ ২১ ॥
কদলীখণ্ডসংৰুদ্ধনলিনীপুলিনশ্ৰিযম্ ॥ ২১ ॥
পৰ্যস্তং নন্দযা সত্যাঃ স্নানপুণ্যতৰোদযা ।
ৱিলোক্য ভূতেশগিৰিং ৱিবুধা ৱিস্মযং যযুঃ ॥ ২২ ॥
ৱিলোক্য ভূতেশগিৰিং ৱিবুধা ৱিস্মযং যযুঃ ॥ ২২ ॥
দদৃশুস্তত্ৰ তে ৰম্যামলকাং নাম ৱৈ পুৰীম্ ।
ৱনং সৌগন্ধিকং চাপি যত্ৰ তন্নাম পঙ্কজম্ ॥ ২৩ ॥
ৱনং সৌগন্ধিকং চাপি যত্ৰ তন্নাম পঙ্কজম্ ॥ ২৩ ॥
নন্দা চালকনন্দা চ সৰিতৌ বাহ্যতঃ পুৰঃ ।
তীৰ্থপাদপদাম্ভোজৰজসাতীৱ পাৱনে ॥ ২৪ ॥
তীৰ্থপাদপদাম্ভোজৰজসাতীৱ পাৱনে ॥ ২৪ ॥
যযোঃ সুৰস্ত্ৰিযঃ ক্ষত্তৰৱৰুহ্য স্ৱধিষ্ণ্যতঃ ।
ক্ৰীডন্তি পুংসঃ সিঞ্চন্ত্যো ৱিগাহ্য ৰতিকৰ্শিতাঃ ॥ ২৫ ॥
ক্ৰীডন্তি পুংসঃ সিঞ্চন্ত্যো ৱিগাহ্য ৰতিকৰ্শিতাঃ ॥ ২৫ ॥
যযোস্তত্স্নানৱিভ্ৰষ্টনৱকুঙ্কুমপিঞ্জৰম্ ।
ৱিতৃষোঽপি পিবন্ত্যম্ভঃ পাযযন্তো গজা গজীঃ ॥ ২৬ ॥
ৱিতৃষোঽপি পিবন্ত্যম্ভঃ পাযযন্তো গজা গজীঃ ॥ ২৬ ॥
তাৰহেমমহাৰত্নৱিমানশতসঙ্কুলাম্ ।
জুষ্টাং পুণ্যজনস্ত্ৰীভিৰ্যথা খং সতডিদ্ঘনম্ ॥ ২৭ ॥
জুষ্টাং পুণ্যজনস্ত্ৰীভিৰ্যথা খং সতডিদ্ঘনম্ ॥ ২৭ ॥
হিত্ৱা যক্ষেশ্ৱৰপুৰীং ৱনং সৌগন্ধিকং চ তত্ ।
দ্ৰুমৈঃ কামদুঘৈৰ্হৃদ্যং চিত্ৰমাল্যফলচ্ছদৈঃ ॥ ২৮ ॥
দ্ৰুমৈঃ কামদুঘৈৰ্হৃদ্যং চিত্ৰমাল্যফলচ্ছদৈঃ ॥ ২৮ ॥
ৰক্তকণ্ঠখগানীকস্ৱৰমণ্ডিতষট্পদম্ ।
কলহংসকুলপ্ৰেষ্ঠং খৰদণ্ডজলাশযম্ ॥ ২৯ ॥
কলহংসকুলপ্ৰেষ্ঠং খৰদণ্ডজলাশযম্ ॥ ২৯ ॥
ৱনকুঞ্জৰসঙ্ঘৃষ্টহৰিচন্দনৱাযুনা ।
অধি পুণ্যজনস্ত্ৰীণাং মুহুৰুন্মথযন্মনঃ ॥ ৩০ ॥
অধি পুণ্যজনস্ত্ৰীণাং মুহুৰুন্মথযন্মনঃ ॥ ৩০ ॥
ৱৈদূৰ্যকৃতসোপানা ৱাপ্য উত্পলমালিনীঃ ।
প্ৰাপ্তং কিম্পুৰুষৈৰ্দৃষ্ট্ৱা ত আৰাদ্দদৃশুৰ্ৱটম্ ॥ ৩১ ॥
প্ৰাপ্তং কিম্পুৰুষৈৰ্দৃষ্ট্ৱা ত আৰাদ্দদৃশুৰ্ৱটম্ ॥ ৩১ ॥
স যোজনশতোত্সেধঃ পাদোনৱিটপাযতঃ ।
পৰ্যক্কৃতাচলচ্ছাযো নিৰ্নীডস্তাপৱৰ্জিতঃ ॥ ৩২ ॥
পৰ্যক্কৃতাচলচ্ছাযো নিৰ্নীডস্তাপৱৰ্জিতঃ ॥ ৩২ ॥
তস্মিন্মহাযোগমযে মুমুক্ষুশৰণে সুৰাঃ ।
দদৃশুঃ শিৱমাসীনং ত্যক্তামৰ্ষমিৱান্তকম্ ॥ ৩৩ ॥
দদৃশুঃ শিৱমাসীনং ত্যক্তামৰ্ষমিৱান্তকম্ ॥ ৩৩ ॥
সনন্দনাদ্যৈৰ্মহাসিদ্ধৈঃ শান্তৈঃ সংশান্তৱিগ্ৰহম্ ।
উপাস্যমানং সখ্যা চ ভৰ্ত্ৰা গুহ্যকৰক্ষসাম্ ॥ ৩৪ ॥
উপাস্যমানং সখ্যা চ ভৰ্ত্ৰা গুহ্যকৰক্ষসাম্ ॥ ৩৪ ॥
ৱিদ্যাতপোযোগপথমাস্থিতং তমধীশ্ৱৰম্ ।
চৰন্তং ৱিশ্ৱসুহৃদং ৱাত্সল্যাল্লোকমঙ্গলম্ ॥ ৩৫ ॥
চৰন্তং ৱিশ্ৱসুহৃদং ৱাত্সল্যাল্লোকমঙ্গলম্ ॥ ৩৫ ॥
লিঙ্গং চ তাপসাভীষ্টং ভস্মদণ্ডজটাজিনম্ ।
অঙ্গেন সন্ধ্যাভ্ৰৰুচা চন্দ্ৰলেখাং চ বিভ্ৰতম্ ॥ ৩৬ ॥
অঙ্গেন সন্ধ্যাভ্ৰৰুচা চন্দ্ৰলেখাং চ বিভ্ৰতম্ ॥ ৩৬ ॥
উপৱিষ্টং দৰ্ভময্যাং বৃস্যাং ব্ৰহ্ম সনাতনম্ ।
নাৰদায প্ৰৱোচন্তং পৃচ্ছতে শৃণ্ৱতাং সতাম্ ॥ ৩৭ ॥
নাৰদায প্ৰৱোচন্তং পৃচ্ছতে শৃণ্ৱতাং সতাম্ ॥ ৩৭ ॥
কৃত্ৱোৰৌ দক্ষিণে সৱ্যং পাদপদ্মং চ জানুনি ।
বাহুং প্ৰকোষ্ঠেঽক্ষমালাম্ আসীনং তৰ্কমুদ্ৰযা ॥ ৩৮ ॥
বাহুং প্ৰকোষ্ঠেঽক্ষমালাম্ আসীনং তৰ্কমুদ্ৰযা ॥ ৩৮ ॥
তং ব্ৰহ্মনিৰ্ৱাণসমাধিমাশ্ৰিতং
ৱ্যুপাশ্ৰিতং গিৰিশং যোগকক্ষাম্ ।
সলোকপালা মুনযো মনূনাম্
আদ্যং মনুং প্ৰাঞ্জলযঃ প্ৰণেমুঃ ॥ ৩৯ ॥
ৱ্যুপাশ্ৰিতং গিৰিশং যোগকক্ষাম্ ।
সলোকপালা মুনযো মনূনাম্
আদ্যং মনুং প্ৰাঞ্জলযঃ প্ৰণেমুঃ ॥ ৩৯ ॥
স তূপলভ্যাগতমাত্মযোনিং
সুৰাসুৰেশৈৰভিৱন্দিতাঙ্ঘ্ৰিঃ ।
উত্থায চক্ৰে শিৰসাভিৱন্দন-
মৰ্হত্তমঃ কস্য যথৈৱ ৱিষ্ণুঃ ॥ ৪০ ॥
সুৰাসুৰেশৈৰভিৱন্দিতাঙ্ঘ্ৰিঃ ।
উত্থায চক্ৰে শিৰসাভিৱন্দন-
মৰ্হত্তমঃ কস্য যথৈৱ ৱিষ্ণুঃ ॥ ৪০ ॥
তথাপৰে সিদ্ধগণা মহৰ্ষিভি-
ৰ্যে ৱৈ সমন্তাদনু নীললোহিতম্ ।
নমস্কৃতঃ প্ৰাহ শশাঙ্কশেখৰং
কৃতপ্ৰণামং প্ৰহসন্নিৱাত্মভূঃ ॥ ৪১ ॥
ৰ্যে ৱৈ সমন্তাদনু নীললোহিতম্ ।
নমস্কৃতঃ প্ৰাহ শশাঙ্কশেখৰং
কৃতপ্ৰণামং প্ৰহসন্নিৱাত্মভূঃ ॥ ৪১ ॥
ব্ৰহ্মোৱাচ
জানে ত্ৱামীশং ৱিশ্ৱস্য জগতো যোনিবীজযোঃ ।
শক্তেঃ শিৱস্য চ পৰং যত্তদ্ব্ৰহ্ম নিৰন্তৰম্ ॥ ৪২ ॥
জানে ত্ৱামীশং ৱিশ্ৱস্য জগতো যোনিবীজযোঃ ।
শক্তেঃ শিৱস্য চ পৰং যত্তদ্ব্ৰহ্ম নিৰন্তৰম্ ॥ ৪২ ॥
ত্ৱমেৱ ভগৱন্নেতচ্ছিৱশক্ত্যোঃ স্ৱৰূপযোঃ ।
ৱিশ্ৱং সৃজসি পাস্যত্সি ক্ৰীডন্নূৰ্ণপটো যথা ॥ ৪৩ ॥
ৱিশ্ৱং সৃজসি পাস্যত্সি ক্ৰীডন্নূৰ্ণপটো যথা ॥ ৪৩ ॥
ত্ৱমেৱ ধৰ্মাৰ্থদুঘাভিপত্তযে
দক্ষেণ সূত্ৰেণ সসৰ্জিথাধ্ৱৰম্ ।
ত্ৱযৈৱ লোকেঽৱসিতাশ্চ সেতৱো
যান্ব্ৰাহ্মণাঃ শ্ৰদ্দধতে ধৃতৱ্ৰতাঃ ॥ ৪৪ ॥
দক্ষেণ সূত্ৰেণ সসৰ্জিথাধ্ৱৰম্ ।
ত্ৱযৈৱ লোকেঽৱসিতাশ্চ সেতৱো
যান্ব্ৰাহ্মণাঃ শ্ৰদ্দধতে ধৃতৱ্ৰতাঃ ॥ ৪৪ ॥
ত্ৱং কৰ্মণাং মঙ্গল মঙ্গলানাং
কৰ্তুঃ স্ৱলোকং তনুষে স্ৱঃ পৰং ৱা ।
অমঙ্গলানাং চ তমিস্ৰমুল্বণং
ৱিপৰ্যযঃ কেন তদেৱ কস্যচিত্ ॥ ৪৫ ॥
কৰ্তুঃ স্ৱলোকং তনুষে স্ৱঃ পৰং ৱা ।
অমঙ্গলানাং চ তমিস্ৰমুল্বণং
ৱিপৰ্যযঃ কেন তদেৱ কস্যচিত্ ॥ ৪৫ ॥
ন ৱৈ সতাং ত্ৱচ্চৰণাৰ্পিতাত্মনাং
ভূতেষু সৰ্ৱেষ্ৱভিপশ্যতাং তৱ ।
ভূতানি চাত্মন্যপৃথগ্দিদৃক্ষতাং
প্ৰাযেণ ৰোষোঽভিভৱেদ্যথা পশুম্ ॥ ৪৬ ॥
ভূতেষু সৰ্ৱেষ্ৱভিপশ্যতাং তৱ ।
ভূতানি চাত্মন্যপৃথগ্দিদৃক্ষতাং
প্ৰাযেণ ৰোষোঽভিভৱেদ্যথা পশুম্ ॥ ৪৬ ॥
পৃথগ্ধিযঃ কৰ্মদৃশো দুৰাশযাঃ
পৰোদযেনাৰ্পিতহৃদ্ৰুজোঽনিশম্ ।
পৰান্ দুৰুক্তৈৰ্ৱিতুদন্ত্যৰুন্তুদা-
স্তান্মাৱধীদ্দৈৱৱধান্ভৱদ্ৱিধঃ ॥ ৪৭ ॥
পৰোদযেনাৰ্পিতহৃদ্ৰুজোঽনিশম্ ।
পৰান্ দুৰুক্তৈৰ্ৱিতুদন্ত্যৰুন্তুদা-
স্তান্মাৱধীদ্দৈৱৱধান্ভৱদ্ৱিধঃ ॥ ৪৭ ॥
যস্মিন্যদা পুষ্কৰনাভমাযযা
দুৰন্তযা স্পৃষ্টধিযঃ পৃথগ্দৃশঃ ।
কুৰ্ৱন্তি তত্ৰ হ্যনুকম্পযা কৃপাং
ন সাধৱো দৈৱবলাত্কৃতে ক্ৰমম্ ॥ ৪৮ ॥
দুৰন্তযা স্পৃষ্টধিযঃ পৃথগ্দৃশঃ ।
কুৰ্ৱন্তি তত্ৰ হ্যনুকম্পযা কৃপাং
ন সাধৱো দৈৱবলাত্কৃতে ক্ৰমম্ ॥ ৪৮ ॥
ভৱাংস্তু পুংসঃ পৰমস্য মাযযা
দুৰন্তযাস্পৃষ্টমতিঃ সমস্তদৃক্ ।
তযা হতাত্মস্ৱনুকৰ্মচেতঃ-
স্ৱনুগ্ৰহং কৰ্তুমিহাৰ্হসি প্ৰভো ॥ ৪৯ ॥
দুৰন্তযাস্পৃষ্টমতিঃ সমস্তদৃক্ ।
তযা হতাত্মস্ৱনুকৰ্মচেতঃ-
স্ৱনুগ্ৰহং কৰ্তুমিহাৰ্হসি প্ৰভো ॥ ৪৯ ॥
কুৰ্ৱধ্ৱৰস্যোদ্ধৰণং হতস্য ভোঃ
ত্ৱযাসমাপ্তস্য মনো প্ৰজাপতেঃ ।
ন যত্ৰ ভাগং তৱ ভাগিনো দদুঃ
কুযাজিনো যেন মখো নিনীযতে ॥ ৫০ ॥
ত্ৱযাসমাপ্তস্য মনো প্ৰজাপতেঃ ।
ন যত্ৰ ভাগং তৱ ভাগিনো দদুঃ
কুযাজিনো যেন মখো নিনীযতে ॥ ৫০ ॥
জীৱতাদ্যজমানোঽযং প্ৰপদ্যেতাক্ষিণী ভগঃ ।
ভৃগোঃ শ্মশ্ৰূণি ৰোহন্তু পূষ্ণো দন্তাশ্চ পূৰ্ৱৱত্ ॥ ৫১ ॥
ভৃগোঃ শ্মশ্ৰূণি ৰোহন্তু পূষ্ণো দন্তাশ্চ পূৰ্ৱৱত্ ॥ ৫১ ॥
দেৱানাং ভগ্নগাত্ৰাণামৃত্ৱিজাং চাযুধাশ্মভিঃ ।
ভৱতানুগৃহীতানামাশু মন্যোঽস্ত্ৱনাতুৰম্ ॥ ৫২ ॥
ভৱতানুগৃহীতানামাশু মন্যোঽস্ত্ৱনাতুৰম্ ॥ ৫২ ॥
এষ তে ৰুদ্ৰ ভাগোঽস্তু যদুচ্ছিষ্টোঽধ্ৱৰস্য ৱৈ ।
যজ্ঞস্তে ৰুদ্ৰভাগেন কল্পতামদ্য যজ্ঞহন্ ॥ ৫৩ ॥
যজ্ঞস্তে ৰুদ্ৰভাগেন কল্পতামদ্য যজ্ঞহন্ ॥ ৫৩ ॥