ശ്രീശുക ഉവാച
വൃത്രേ ഹതേ ത്രയോ ലോകാ വിനാ ശക്രേണ ഭൂരിദ ।
സപാലാ ഹ്യഭവന് സദ്യോ വിജ്വരാ നിര്വൃതേന്ദ്രിയാഃ ॥ ൧ ॥
വൃത്രേ ഹതേ ത്രയോ ലോകാ വിനാ ശക്രേണ ഭൂരിദ ।
സപാലാ ഹ്യഭവന് സദ്യോ വിജ്വരാ നിര്വൃതേന്ദ്രിയാഃ ॥ ൧ ॥
ദേവര്ഷിപിതൃഭൂതാനി ദൈത്യാ ദേവാനുഗാഃ സ്വയമ് ।
പ്രതിജഗ്മുഃ സ്വധിഷ്ണ്യാനി ബ്രഹ്മേശേന്ദ്രാദയസ്തതഃ ॥ ൨ ॥
പ്രതിജഗ്മുഃ സ്വധിഷ്ണ്യാനി ബ്രഹ്മേശേന്ദ്രാദയസ്തതഃ ॥ ൨ ॥
ശ്രീരാജോവാച
ഇന്ദ്രസ്യാനിര്വൃതേര്ഹേതും ശ്രോതുമിച്ഛാമി ഭോ മുനേ ।
യേനാസന് സുഖിനോ ദേവാ ഹരേര്ദുഃഖം കുതോഽഭവത് ॥ ൩ ॥
ഇന്ദ്രസ്യാനിര്വൃതേര്ഹേതും ശ്രോതുമിച്ഛാമി ഭോ മുനേ ।
യേനാസന് സുഖിനോ ദേവാ ഹരേര്ദുഃഖം കുതോഽഭവത് ॥ ൩ ॥
ശ്രീശുക ഉവാച
വൃത്രവിക്രമസംവിഗ്നാഃ സര്വേ ദേവാഃ സഹര്ഷിഭിഃ ।
തദ്വധായാര്ഥയന്നിന്ദ്രം നൈച്ഛദ് ഭീതോ ബൃഹദ്വധാത് ॥ ൪ ॥
വൃത്രവിക്രമസംവിഗ്നാഃ സര്വേ ദേവാഃ സഹര്ഷിഭിഃ ।
തദ്വധായാര്ഥയന്നിന്ദ്രം നൈച്ഛദ് ഭീതോ ബൃഹദ്വധാത് ॥ ൪ ॥
ഇന്ദ്ര ഉവാച
സ്ത്രീഭൂദ്രുമജലൈരേനോ വിശ്വരൂപവധോദ്ഭവമ് ।
വിഭക്തമനുഗൃഹ്ണദ്ഭിര്വൃത്രഹത്യാം ക്വ മാര്ജ്മ്യഹമ് ॥ ൫ ॥
സ്ത്രീഭൂദ്രുമജലൈരേനോ വിശ്വരൂപവധോദ്ഭവമ് ।
വിഭക്തമനുഗൃഹ്ണദ്ഭിര്വൃത്രഹത്യാം ക്വ മാര്ജ്മ്യഹമ് ॥ ൫ ॥
ശ്രീശുക ഉവാച
ഋഷയസ്തദുപാകര്ണ്യ മഹേന്ദ്രമിദമബ്രുവന് ।
യാജയിഷ്യാമ ഭദ്രം തേ ഹയമേധേന മാ സ്മ ഭൈഃ ॥ ൬ ॥
ഋഷയസ്തദുപാകര്ണ്യ മഹേന്ദ്രമിദമബ്രുവന് ।
യാജയിഷ്യാമ ഭദ്രം തേ ഹയമേധേന മാ സ്മ ഭൈഃ ॥ ൬ ॥
ഹയമേധേന പുരുഷം പരമാത്മാനമീശ്വരമ് ।
ഇഷ്ട്വാ നാരായണം ദേവം മോക്ഷ്യസേഽപി ജഗദ്വധാത് ॥ ൭ ॥
ഇഷ്ട്വാ നാരായണം ദേവം മോക്ഷ്യസേഽപി ജഗദ്വധാത് ॥ ൭ ॥
ബ്രഹ്മഹാ പിതൃഹാ ഗോഘ്നോ മാതൃഹാചാര്യഹാഘവാന് ।
ശ്വാദഃ പുല്കസകോ വാപി ശുദ്ധ്യേരന് യസ്യ കീര്തനാത് ॥ ൮ ॥
ശ്വാദഃ പുല്കസകോ വാപി ശുദ്ധ്യേരന് യസ്യ കീര്തനാത് ॥ ൮ ॥
തമശ്വമേധേന മഹാമഖേന
ശ്രദ്ധാന്വിതോഽസ്മാഭിരനുഷ്ഠിതേന ।
ഹത്വാപി സബ്രഹ്മചരാചരം ത്വം
ന ലിപ്യസേ കിം ഖലനിഗ്രഹേണ ॥ ൯ ॥
ശ്രദ്ധാന്വിതോഽസ്മാഭിരനുഷ്ഠിതേന ।
ഹത്വാപി സബ്രഹ്മചരാചരം ത്വം
ന ലിപ്യസേ കിം ഖലനിഗ്രഹേണ ॥ ൯ ॥
ശ്രീശുക ഉവാച
ഏവം സഞ്ചോദിതോ വിപ്രൈര്മരുത്വാനഹനദ്രിപുമ് ।
ബ്രഹ്മഹത്യാ ഹതേ തസ്മിന്നാസസാദ വൃഷാകപിമ് ॥ ൧൦ ॥
ഏവം സഞ്ചോദിതോ വിപ്രൈര്മരുത്വാനഹനദ്രിപുമ് ।
ബ്രഹ്മഹത്യാ ഹതേ തസ്മിന്നാസസാദ വൃഷാകപിമ് ॥ ൧൦ ॥
തയേന്ദ്രഃ സ്മാസഹത്താപം നിര്വൃതിര്നാമുമാവിശത് ।
ഹ്രീമന്തം വാച്യതാം പ്രാപ്തം സുഖയന്ത്യപി നോ ഗുണാഃ ॥ ൧൧ ॥
ഹ്രീമന്തം വാച്യതാം പ്രാപ്തം സുഖയന്ത്യപി നോ ഗുണാഃ ॥ ൧൧ ॥
താം ദദര്ശാനുധാവന്തീം ചാണ്ഡാലീമിവ രൂപിണീമ് ।
ജരയാ വേപമാനാങ്ഗീം യക്ഷ്മഗ്രസ്താമസൃക്പടാമ് ॥ ൧൨ ॥
ജരയാ വേപമാനാങ്ഗീം യക്ഷ്മഗ്രസ്താമസൃക്പടാമ് ॥ ൧൨ ॥
വികീര്യ പലിതാന് കേശാംസ്തിഷ്ഠ തിഷ്ഠേതി ഭാഷിണീമ് ।
മീനഗന്ധ്യസുഗന്ധേന കുര്വതീം മാര്ഗദൂഷണമ് ॥ ൧൩ ॥
മീനഗന്ധ്യസുഗന്ധേന കുര്വതീം മാര്ഗദൂഷണമ് ॥ ൧൩ ॥
നഭോ ഗതോ ദിശഃ സര്വാഃ സഹസ്രാക്ഷോ വിശാമ്പതേ ।
പ്രാഗുദീചീം ദിശം തൂര്ണം പ്രവിഷ്ടോ നൃപ മാനസമ് ॥ ൧൪ ॥
പ്രാഗുദീചീം ദിശം തൂര്ണം പ്രവിഷ്ടോ നൃപ മാനസമ് ॥ ൧൪ ॥
സ ആവസത്പുഷ്കരനാലതന്തൂ-
നലബ്ധഭോഗോ യദിഹാഗ്നിദൂതഃ ।
വര്ഷാണി സാഹസ്രമലക്ഷിതോഽന്തഃ
സഞ്ചിന്തയന് ബ്രഹ്മവധാദ്വിമോക്ഷമ് ॥ ൧൫ ॥
നലബ്ധഭോഗോ യദിഹാഗ്നിദൂതഃ ।
വര്ഷാണി സാഹസ്രമലക്ഷിതോഽന്തഃ
സഞ്ചിന്തയന് ബ്രഹ്മവധാദ്വിമോക്ഷമ് ॥ ൧൫ ॥
താവത്ത്രിണാകം നഹുഷഃ ശശാസ
വിദ്യാതപോയോഗബലാനുഭാവഃ ।
സ സമ്പദൈശ്വര്യമദാന്ധബുദ്ധി-
ര്നീതസ്തിരശ്ചാം ഗതിമിന്ദ്രപത്ന്യാ ॥ ൧൬ ॥
വിദ്യാതപോയോഗബലാനുഭാവഃ ।
സ സമ്പദൈശ്വര്യമദാന്ധബുദ്ധി-
ര്നീതസ്തിരശ്ചാം ഗതിമിന്ദ്രപത്ന്യാ ॥ ൧൬ ॥
തതോ ഗതോ ബ്രഹ്മഗിരോപഹൂത
ഋതമ്ഭരധ്യാനനിവാരിതാഘഃ ।
പാപസ്തു ദിഗ്ദേവതയാ ഹതൌജാ-
സ്തം നാഭ്യഭൂദവിതം വിഷ്ണുപത്ന്യാ ॥ ൧൭ ॥
ഋതമ്ഭരധ്യാനനിവാരിതാഘഃ ।
പാപസ്തു ദിഗ്ദേവതയാ ഹതൌജാ-
സ്തം നാഭ്യഭൂദവിതം വിഷ്ണുപത്ന്യാ ॥ ൧൭ ॥
തം ച ബ്രഹ്മര്ഷയോഽഭ്യേത്യ ഹയമേധേന ഭാരത ।
യഥാവദ്ദീക്ഷഞ്ചക്രുഃ പുരുഷാരാധനേന ഹ ॥ ൧൮ ॥
യഥാവദ്ദീക്ഷഞ്ചക്രുഃ പുരുഷാരാധനേന ഹ ॥ ൧൮ ॥
അഥേജ്യമാനേ പുരുഷേ സര്വദേവമയാത്മനി ।
അശ്വമേധേ മഹേന്ദ്രേണ വിതതേ ബ്രഹ്മവാദിഭിഃ ॥ ൧൯ ॥
അശ്വമേധേ മഹേന്ദ്രേണ വിതതേ ബ്രഹ്മവാദിഭിഃ ॥ ൧൯ ॥
സ വൈ ത്വാഷ്ട്രവധോ ഭൂയാനപി പാപചയോ നൃപ ।
നീതസ്തേനൈവ ശൂന്യായ നീഹാര ഇവ ഭാനുനാ ॥ ൨൦ ॥
നീതസ്തേനൈവ ശൂന്യായ നീഹാര ഇവ ഭാനുനാ ॥ ൨൦ ॥
സ വാജിമേധേന യഥോദിതേന
വിതായമാനേന മരീചിമിശ്രൈഃ ।
ഇഷ്ട്വാധിയജ്ഞം പുരുഷം പുരാണ-
മിന്ദ്രോ മഹാനാസ വിധൂതപാപഃ ॥ ൨൧ ॥
വിതായമാനേന മരീചിമിശ്രൈഃ ।
ഇഷ്ട്വാധിയജ്ഞം പുരുഷം പുരാണ-
മിന്ദ്രോ മഹാനാസ വിധൂതപാപഃ ॥ ൨൧ ॥
ഇദം മഹാഖ്യാനമശേഷപാപ്മനാംപ്രക്ഷാലനം തീര്ഥപദാനുകീര്തനമ് । ഭക്ത്യുച്ഛ്രയം ഭക്തജനാനുവര്ണനംമഹേന്ദ്രമോക്ഷം വിജയം മരുത്വതഃ ॥ ൨൨ ॥
പഠേയുരാഖ്യാനമിദം സദാ ബുധാഃശൃണ്വന്ത്യഥോ പര്വണി പര്വണീന്ദ്രിയമ് । ധന്യം യശസ്യം നിഖിലാഘമോചനംരിപുഞ്ജയം സ്വസ്ത്യയനം തഥായുഷമ് ॥ ൨൩ ॥