శ్రీశుక ఉవాచ
వృత్రే హతే త్రయో లోకా వినా శక్రేణ భూరిద ।
సపాలా హ్యభవన్ సద్యో విజ్వరా నిర్వృతేన్ద్రియాః ॥ ౧ ॥
వృత్రే హతే త్రయో లోకా వినా శక్రేణ భూరిద ।
సపాలా హ్యభవన్ సద్యో విజ్వరా నిర్వృతేన్ద్రియాః ॥ ౧ ॥
దేవర్షిపితృభూతాని దైత్యా దేవానుగాః స్వయమ్ ।
ప్రతిజగ్ముః స్వధిష్ణ్యాని బ్రహ్మేశేన్ద్రాదయస్తతః ॥ ౨ ॥
ప్రతిజగ్ముః స్వధిష్ణ్యాని బ్రహ్మేశేన్ద్రాదయస్తతః ॥ ౨ ॥
శ్రీరాజోవాచ
ఇన్ద్రస్యానిర్వృతేర్హేతుం శ్రోతుమిచ్ఛామి భో మునే ।
యేనాసన్ సుఖినో దేవా హరేర్దుఃఖం కుతోఽభవత్ ॥ ౩ ॥
ఇన్ద్రస్యానిర్వృతేర్హేతుం శ్రోతుమిచ్ఛామి భో మునే ।
యేనాసన్ సుఖినో దేవా హరేర్దుఃఖం కుతోఽభవత్ ॥ ౩ ॥
శ్రీశుక ఉవాచ
వృత్రవిక్రమసంవిగ్నాః సర్వే దేవాః సహర్షిభిః ।
తద్వధాయార్థయన్నిన్ద్రం నైచ్ఛద్ భీతో బృహద్వధాత్ ॥ ౪ ॥
వృత్రవిక్రమసంవిగ్నాః సర్వే దేవాః సహర్షిభిః ।
తద్వధాయార్థయన్నిన్ద్రం నైచ్ఛద్ భీతో బృహద్వధాత్ ॥ ౪ ॥
ఇన్ద్ర ఉవాచ
స్త్రీభూద్రుమజలైరేనో విశ్వరూపవధోద్భవమ్ ।
విభక్తమనుగృహ్ణద్భిర్వృత్రహత్యాం క్వ మార్జ్మ్యహమ్ ॥ ౫ ॥
స్త్రీభూద్రుమజలైరేనో విశ్వరూపవధోద్భవమ్ ।
విభక్తమనుగృహ్ణద్భిర్వృత్రహత్యాం క్వ మార్జ్మ్యహమ్ ॥ ౫ ॥
శ్రీశుక ఉవాచ
ఋషయస్తదుపాకర్ణ్య మహేన్ద్రమిదమబ్రువన్ ।
యాజయిష్యామ భద్రం తే హయమేధేన మా స్మ భైః ॥ ౬ ॥
ఋషయస్తదుపాకర్ణ్య మహేన్ద్రమిదమబ్రువన్ ।
యాజయిష్యామ భద్రం తే హయమేధేన మా స్మ భైః ॥ ౬ ॥
హయమేధేన పురుషం పరమాత్మానమీశ్వరమ్ ।
ఇష్ట్వా నారాయణం దేవం మోక్ష్యసేఽపి జగద్వధాత్ ॥ ౭ ॥
ఇష్ట్వా నారాయణం దేవం మోక్ష్యసేఽపి జగద్వధాత్ ॥ ౭ ॥
బ్రహ్మహా పితృహా గోఘ్నో మాతృహాచార్యహాఘవాన్ ।
శ్వాదః పుల్కసకో వాపి శుద్ధ్యేరన్ యస్య కీర్తనాత్ ॥ ౮ ॥
శ్వాదః పుల్కసకో వాపి శుద్ధ్యేరన్ యస్య కీర్తనాత్ ॥ ౮ ॥
తమశ్వమేధేన మహామఖేన
శ్రద్ధాన్వితోఽస్మాభిరనుష్ఠితేన ।
హత్వాపి సబ్రహ్మచరాచరం త్వం
న లిప్యసే కిం ఖలనిగ్రహేణ ॥ ౯ ॥
శ్రద్ధాన్వితోఽస్మాభిరనుష్ఠితేన ।
హత్వాపి సబ్రహ్మచరాచరం త్వం
న లిప్యసే కిం ఖలనిగ్రహేణ ॥ ౯ ॥
శ్రీశుక ఉవాచ
ఏవం సఞ్చోదితో విప్రైర్మరుత్వానహనద్రిపుమ్ ।
బ్రహ్మహత్యా హతే తస్మిన్నాససాద వృషాకపిమ్ ॥ ౧౦ ॥
ఏవం సఞ్చోదితో విప్రైర్మరుత్వానహనద్రిపుమ్ ।
బ్రహ్మహత్యా హతే తస్మిన్నాససాద వృషాకపిమ్ ॥ ౧౦ ॥
తయేన్ద్రః స్మాసహత్తాపం నిర్వృతిర్నాముమావిశత్ ।
హ్రీమన్తం వాచ్యతాం ప్రాప్తం సుఖయన్త్యపి నో గుణాః ॥ ౧౧ ॥
హ్రీమన్తం వాచ్యతాం ప్రాప్తం సుఖయన్త్యపి నో గుణాః ॥ ౧౧ ॥
తాం దదర్శానుధావన్తీం చాణ్డాలీమివ రూపిణీమ్ ।
జరయా వేపమానాఙ్గీం యక్ష్మగ్రస్తామసృక్పటామ్ ॥ ౧౨ ॥
జరయా వేపమానాఙ్గీం యక్ష్మగ్రస్తామసృక్పటామ్ ॥ ౧౨ ॥
వికీర్య పలితాన్ కేశాంస్తిష్ఠ తిష్ఠేతి భాషిణీమ్ ।
మీనగన్ధ్యసుగన్ధేన కుర్వతీం మార్గదూషణమ్ ॥ ౧౩ ॥
మీనగన్ధ్యసుగన్ధేన కుర్వతీం మార్గదూషణమ్ ॥ ౧౩ ॥
నభో గతో దిశః సర్వాః సహస్రాక్షో విశామ్పతే ।
ప్రాగుదీచీం దిశం తూర్ణం ప్రవిష్టో నృప మానసమ్ ॥ ౧౪ ॥
ప్రాగుదీచీం దిశం తూర్ణం ప్రవిష్టో నృప మానసమ్ ॥ ౧౪ ॥
స ఆవసత్పుష్కరనాలతన్తూ-
నలబ్ధభోగో యదిహాగ్నిదూతః ।
వర్షాణి సాహస్రమలక్షితోఽన్తః
సఞ్చిన్తయన్ బ్రహ్మవధాద్విమోక్షమ్ ॥ ౧౫ ॥
నలబ్ధభోగో యదిహాగ్నిదూతః ।
వర్షాణి సాహస్రమలక్షితోఽన్తః
సఞ్చిన్తయన్ బ్రహ్మవధాద్విమోక్షమ్ ॥ ౧౫ ॥
తావత్త్రిణాకం నహుషః శశాస
విద్యాతపోయోగబలానుభావః ।
స సమ్పదైశ్వర్యమదాన్ధబుద్ధి-
ర్నీతస్తిరశ్చాం గతిమిన్ద్రపత్న్యా ॥ ౧౬ ॥
విద్యాతపోయోగబలానుభావః ।
స సమ్పదైశ్వర్యమదాన్ధబుద్ధి-
ర్నీతస్తిరశ్చాం గతిమిన్ద్రపత్న్యా ॥ ౧౬ ॥
తతో గతో బ్రహ్మగిరోపహూత
ఋతమ్భరధ్యాననివారితాఘః ।
పాపస్తు దిగ్దేవతయా హతౌజా-
స్తం నాభ్యభూదవితం విష్ణుపత్న్యా ॥ ౧౭ ॥
ఋతమ్భరధ్యాననివారితాఘః ।
పాపస్తు దిగ్దేవతయా హతౌజా-
స్తం నాభ్యభూదవితం విష్ణుపత్న్యా ॥ ౧౭ ॥
తం చ బ్రహ్మర్షయోఽభ్యేత్య హయమేధేన భారత ।
యథావద్దీక్షఞ్చక్రుః పురుషారాధనేన హ ॥ ౧౮ ॥
యథావద్దీక్షఞ్చక్రుః పురుషారాధనేన హ ॥ ౧౮ ॥
అథేజ్యమానే పురుషే సర్వదేవమయాత్మని ।
అశ్వమేధే మహేన్ద్రేణ వితతే బ్రహ్మవాదిభిః ॥ ౧౯ ॥
అశ్వమేధే మహేన్ద్రేణ వితతే బ్రహ్మవాదిభిః ॥ ౧౯ ॥
స వై త్వాష్ట్రవధో భూయానపి పాపచయో నృప ।
నీతస్తేనైవ శూన్యాయ నీహార ఇవ భానునా ॥ ౨౦ ॥
నీతస్తేనైవ శూన్యాయ నీహార ఇవ భానునా ॥ ౨౦ ॥
స వాజిమేధేన యథోదితేన
వితాయమానేన మరీచిమిశ్రైః ।
ఇష్ట్వాధియజ్ఞం పురుషం పురాణ-
మిన్ద్రో మహానాస విధూతపాపః ॥ ౨౧ ॥
వితాయమానేన మరీచిమిశ్రైః ।
ఇష్ట్వాధియజ్ఞం పురుషం పురాణ-
మిన్ద్రో మహానాస విధూతపాపః ॥ ౨౧ ॥
ఇదం మహాఖ్యానమశేషపాప్మనాంప్రక్షాలనం తీర్థపదానుకీర్తనమ్ । భక్త్యుచ్ఛ్రయం భక్తజనానువర్ణనంమహేన్ద్రమోక్షం విజయం మరుత్వతః ॥ ౨౨ ॥
పఠేయురాఖ్యానమిదం సదా బుధాఃశృణ్వన్త్యథో పర్వణి పర్వణీన్ద్రియమ్ । ధన్యం యశస్యం నిఖిలాఘమోచనంరిపుఞ్జయం స్వస్త్యయనం తథాయుషమ్ ॥ ౨౩ ॥