শ্রীশুক উবাচ
যতশ্চান্তর্হিতোঽনন্তস্তস্যৈ কৃত্বা দিশে নমঃ ।
বিদ্যাধরশ্চিত্রকেতুশ্চচার গগনে চরঃ ॥ ১ ॥
যতশ্চান্তর্হিতোঽনন্তস্তস্যৈ কৃত্বা দিশে নমঃ ।
বিদ্যাধরশ্চিত্রকেতুশ্চচার গগনে চরঃ ॥ ১ ॥
স লক্ষং বর্ষলক্ষাণামব্যাহতবলেন্দ্রিযঃ ।
স্তূযমানো মহাযোগী মুনিভিঃ সিদ্ধচারণৈঃ ॥ ২ ॥
স্তূযমানো মহাযোগী মুনিভিঃ সিদ্ধচারণৈঃ ॥ ২ ॥
কুলাচলেন্দ্রদ্রোণীষু নানাসঙ্কল্পসিদ্ধিষু ।
রেমে বিদ্যাধরস্ত্রীভির্গাপযন্ হরিমীশ্বরম্ ॥ ৩ ॥
রেমে বিদ্যাধরস্ত্রীভির্গাপযন্ হরিমীশ্বরম্ ॥ ৩ ॥
একদা স বিমানেন বিষ্ণুদত্তেন ভাস্বতা ।
গিরিশং দদৃশে গচ্ছন্ পরীতং সিদ্ধচারণৈঃ ॥ ৪ ॥
গিরিশং দদৃশে গচ্ছন্ পরীতং সিদ্ধচারণৈঃ ॥ ৪ ॥
আলিঙ্গযাঙ্কীকৃতাং দেবীং বাহুনা মুনিসংসদি ।
উবাচদেব্যাঃ শৃণ্বন্ত্যা জহাসোচ্চৈস্তদন্তিকে ॥ ৫ ॥
উবাচদেব্যাঃ শৃণ্বন্ত্যা জহাসোচ্চৈস্তদন্তিকে ॥ ৫ ॥
চিত্রকেতুরুবাচ
এষ লোকগুরুঃ সাক্ষাদ্ধর্মং বক্তা শরীরিণাম্ ।
আস্তে মুখ্যঃ সভাযাং বৈ মিথুনীভূয ভার্যযা ॥ ৬ ॥
এষ লোকগুরুঃ সাক্ষাদ্ধর্মং বক্তা শরীরিণাম্ ।
আস্তে মুখ্যঃ সভাযাং বৈ মিথুনীভূয ভার্যযা ॥ ৬ ॥
জটাধরস্তীব্রতপা ব্রহ্মবাদিসভাপতিঃ ।
অঙ্কীকৃত্য স্ত্রিযং চাস্তে গতহ্রীঃ প্রাকৃতো যথা ॥ ৭ ॥
অঙ্কীকৃত্য স্ত্রিযং চাস্তে গতহ্রীঃ প্রাকৃতো যথা ॥ ৭ ॥
প্রাযশঃ প্রাকৃতাশ্চাপি স্ত্রিযং রহসি বিভ্রতি ।
অযং মহাব্রতধরো বিভর্তি সদসি স্ত্রিযম্ ॥ ৮ ॥
অযং মহাব্রতধরো বিভর্তি সদসি স্ত্রিযম্ ॥ ৮ ॥
শ্রীশুক উবাচ
ভগবানপি তচ্ছ্রুত্বা প্রহস্যাগাধধীর্নৃপ ।
তূষ্ণীং বভূব সদসি সভ্যাশ্চ তদনুব্রতাঃ ॥ ৯ ॥
ভগবানপি তচ্ছ্রুত্বা প্রহস্যাগাধধীর্নৃপ ।
তূষ্ণীং বভূব সদসি সভ্যাশ্চ তদনুব্রতাঃ ॥ ৯ ॥
ইত্যতদ্বীর্যবিদুষি ব্রুবাণে বহ্বশোভনম্ ।
রুষাহ দেবী ধৃষ্টায নির্জিতাত্মাভিমানিনে ॥ ১০ ॥
রুষাহ দেবী ধৃষ্টায নির্জিতাত্মাভিমানিনে ॥ ১০ ॥
শ্রীপার্বত্যুবাচ
অযং কিমধুনা লোকে শাস্তা দণ্ডধরঃ প্রভুঃ ।
অস্মদ্বিধানাং দুষ্টানাং নির্লজ্জানাং চ বিপ্রকৃত্ ॥ ১১ ॥
অযং কিমধুনা লোকে শাস্তা দণ্ডধরঃ প্রভুঃ ।
অস্মদ্বিধানাং দুষ্টানাং নির্লজ্জানাং চ বিপ্রকৃত্ ॥ ১১ ॥
ন বেদ ধর্মং কিল পদ্মযোনি-
র্ন ব্রহ্মপুত্রা ভৃগুনারদাদ্যাঃ ।
ন বৈ কুমারঃ কপিলো মনুশ্চ
যে নো নিষেধন্ত্যতিবর্তিনং হরম্ ॥ ১২ ॥
র্ন ব্রহ্মপুত্রা ভৃগুনারদাদ্যাঃ ।
ন বৈ কুমারঃ কপিলো মনুশ্চ
যে নো নিষেধন্ত্যতিবর্তিনং হরম্ ॥ ১২ ॥
এষামনুধ্যেযপদাব্জযুগ্মং
জগদ্গুরুং মঙ্গলমঙ্গলং স্বযম্ ।
যঃ ক্ষত্রবন্ধুঃ পরিভূয সূরীন্
প্রশাস্তি ধৃষ্টস্তদযং হি দণ্ড্যঃ ॥ ১৩ ॥
জগদ্গুরুং মঙ্গলমঙ্গলং স্বযম্ ।
যঃ ক্ষত্রবন্ধুঃ পরিভূয সূরীন্
প্রশাস্তি ধৃষ্টস্তদযং হি দণ্ড্যঃ ॥ ১৩ ॥
নাযমর্হতি বৈকুণ্ঠপাদমূলোপসর্পণম্ ।
সম্ভাবিতমতিঃ স্তব্ধঃ সাধুভিঃ পর্যুপাসিতম্ ॥ ১৪ ॥
সম্ভাবিতমতিঃ স্তব্ধঃ সাধুভিঃ পর্যুপাসিতম্ ॥ ১৪ ॥
অতঃ পাপীযসীং যোনিমাসুরীং যাহি দুর্মতে ।
যথেহ ভূযো মহতাং ন কর্তা পুত্র কিল্বিষম্ ॥ ১৫ ॥
যথেহ ভূযো মহতাং ন কর্তা পুত্র কিল্বিষম্ ॥ ১৫ ॥
শ্রীশুক উবাচ
এবং শপ্তশ্চিত্রকেতুর্বিমানাদবরুহ্য সঃ ।
প্রসাদযামাস সতীং মূর্ধ্না নম্রেণ ভারত ॥ ১৬ ॥
এবং শপ্তশ্চিত্রকেতুর্বিমানাদবরুহ্য সঃ ।
প্রসাদযামাস সতীং মূর্ধ্না নম্রেণ ভারত ॥ ১৬ ॥
চিত্রকেতুরুবাচ
প্রতিগৃহ্ণামি তে শাপমাত্মনোঽঞ্জলিনাম্বিকে ।
দেবৈর্মর্ত্যায যত্প্রোক্তং পূর্বদিষ্টং হি তস্য তত্ ॥ ১৭ ॥
প্রতিগৃহ্ণামি তে শাপমাত্মনোঽঞ্জলিনাম্বিকে ।
দেবৈর্মর্ত্যায যত্প্রোক্তং পূর্বদিষ্টং হি তস্য তত্ ॥ ১৭ ॥
সংসারচক্র এতস্মিঞ্জন্তুরজ্ঞানমোহিতঃ ।
ভ্রাম্যন্ সুখং চ দুঃখং চ ভুঙ্ক্তে সর্বত্র সর্বদা ॥ ১৮ ॥
ভ্রাম্যন্ সুখং চ দুঃখং চ ভুঙ্ক্তে সর্বত্র সর্বদা ॥ ১৮ ॥
নৈবাত্মা ন পরশ্চাপি কর্তা স্যাত্ সুখদুঃখযোঃ ।
কর্তারং মন্যতেঽত্রাজ্ঞ আত্মানং পরমেব চ ॥ ১৯ ॥
কর্তারং মন্যতেঽত্রাজ্ঞ আত্মানং পরমেব চ ॥ ১৯ ॥
গুণপ্রবাহ এতস্মিন্ কঃ শাপঃ কো ন্বনুগ্রহঃ ।
কঃ স্বর্গো নরকঃ কো বা কিং সুখং দুঃখমেব বা ॥ ২০ ॥
কঃ স্বর্গো নরকঃ কো বা কিং সুখং দুঃখমেব বা ॥ ২০ ॥
একঃ সৃজতি ভূতানি ভগবানাত্মমাযযা ।
এষাং বন্ধং চ মোক্ষং চ সুখং দুঃখং চ নিষ্কলঃ ॥ ২১ ॥
এষাং বন্ধং চ মোক্ষং চ সুখং দুঃখং চ নিষ্কলঃ ॥ ২১ ॥
ন তস্য কশ্চিদ্দযিতঃ প্রতীপো
ন জ্ঞাতিবন্ধুর্ন পরো ন চ স্বঃ ।
সমস্য সর্বত্র নিরঞ্জনস্য
সুখে ন রাগঃ কুত এব রোষঃ ॥ ২২ ॥
ন জ্ঞাতিবন্ধুর্ন পরো ন চ স্বঃ ।
সমস্য সর্বত্র নিরঞ্জনস্য
সুখে ন রাগঃ কুত এব রোষঃ ॥ ২২ ॥
তথাপি তচ্ছক্তিবিসর্গ এষাং
সুখায দুঃখায হিতাহিতায ।
বন্ধায মোক্ষায চ মৃত্যুজন্মনোঃ
শরীরিণাং সংসৃতযেঽবকল্পতে ॥ ২৩ ॥
সুখায দুঃখায হিতাহিতায ।
বন্ধায মোক্ষায চ মৃত্যুজন্মনোঃ
শরীরিণাং সংসৃতযেঽবকল্পতে ॥ ২৩ ॥
অথ প্রসাদযে ন ত্বাং শাপমোক্ষায ভামিনি ।
যন্মন্যসে হ্যসাধূক্তং মম তত্ক্ষম্যতাং সতি ॥ ২৪ ॥
যন্মন্যসে হ্যসাধূক্তং মম তত্ক্ষম্যতাং সতি ॥ ২৪ ॥
শ্রীশুক উবাচ
ইতি প্রসাদ্য গিরিশৌ চিত্রকেতুররিন্দম ।
জগাম স্ববিমানেন পশ্যতোঃ স্মযতোস্তযোঃ ॥ ২৫ ॥
ইতি প্রসাদ্য গিরিশৌ চিত্রকেতুররিন্দম ।
জগাম স্ববিমানেন পশ্যতোঃ স্মযতোস্তযোঃ ॥ ২৫ ॥
ততস্তু ভগবান্ রুদ্রো রুদ্রাণীমিদমব্রবীত্ ।
দেবর্ষিদৈত্যসিদ্ধানাং পার্ষদানাং চ শৃণ্বতাম্ ॥ ২৬ ॥
দেবর্ষিদৈত্যসিদ্ধানাং পার্ষদানাং চ শৃণ্বতাম্ ॥ ২৬ ॥
শ্রীরুদ্র উবাচ
দৃষ্টবত্যসি সুশ্রোণি হরেরদ্ভুতকর্মণঃ ।
মাহাত্ম্যং ভৃত্যভৃত্যানাং নিঃস্পৃহাণাং মহাত্মনাম্ ॥ ২৭ ॥
দৃষ্টবত্যসি সুশ্রোণি হরেরদ্ভুতকর্মণঃ ।
মাহাত্ম্যং ভৃত্যভৃত্যানাং নিঃস্পৃহাণাং মহাত্মনাম্ ॥ ২৭ ॥
নারাযণপরাঃ সর্বে ন কুতশ্চন বিভ্যতি ।
স্বর্গাপবর্গনরকেষ্বপি তুল্যার্থদর্শিনঃ ॥ ২৮ ॥
স্বর্গাপবর্গনরকেষ্বপি তুল্যার্থদর্শিনঃ ॥ ২৮ ॥
দেহিনাং দেহসংযোগাদ্ দ্বন্দ্বানীশ্বরলীলযা ।
সুখং দুঃখং মৃতির্জন্ম শাপোঽনুগ্রহ এব চ ॥ ২৯ ॥
সুখং দুঃখং মৃতির্জন্ম শাপোঽনুগ্রহ এব চ ॥ ২৯ ॥
অবিবেককৃতঃ পুংসো হ্যর্থভেদ ইবাত্মনি ।
গুণদোষবিকল্পশ্চ ভিদেব স্রজিবত্কৃতঃ ॥ ৩০ ॥
গুণদোষবিকল্পশ্চ ভিদেব স্রজিবত্কৃতঃ ॥ ৩০ ॥
বাসুদেবে ভগবতি ভক্তিমুদ্বহতাং নৃণাম্ ।
জ্ঞানবৈরাগ্যবীর্যাণাং ন হি কশ্চিদ্ ব্যপাশ্রযঃ ॥ ৩১ ॥
জ্ঞানবৈরাগ্যবীর্যাণাং ন হি কশ্চিদ্ ব্যপাশ্রযঃ ॥ ৩১ ॥
নাহং বিরিঞ্চো ন কুমারনারদৌ
ন ব্রহ্মপুত্রা মুনযঃ সুরেশাঃ ।
বিদাম যস্যেহিতমংশকাংশকা
ন তত্স্বরূপং পৃথগীশমানিনঃ ॥ ৩২ ॥
ন ব্রহ্মপুত্রা মুনযঃ সুরেশাঃ ।
বিদাম যস্যেহিতমংশকাংশকা
ন তত্স্বরূপং পৃথগীশমানিনঃ ॥ ৩২ ॥
ন হ্যস্যাস্তি প্রিযঃ কশ্চিন্নাপ্রিযঃ স্বঃ পরোঽপি বা ।
আত্মত্বাত্সর্বভূতানাং সর্বভূতপ্রিযো হরিঃ ॥ ৩৩ ॥
আত্মত্বাত্সর্বভূতানাং সর্বভূতপ্রিযো হরিঃ ॥ ৩৩ ॥
তস্য চাযং মহাভাগশ্চিত্রকেতুঃ প্রিযোঽনুগঃ ।
সর্বত্র সমদৃক্ শান্তো হ্যহং চৈবাচ্যুতপ্রিযঃ ॥ ৩৪ ॥
সর্বত্র সমদৃক্ শান্তো হ্যহং চৈবাচ্যুতপ্রিযঃ ॥ ৩৪ ॥
তস্মান্ন বিস্মযঃ কার্যঃ পুরুষেষু মহাত্মসু ।
মহাপুরুষভক্তেষু শান্তেষু সমদর্শিষু ॥ ৩৫ ॥
মহাপুরুষভক্তেষু শান্তেষু সমদর্শিষু ॥ ৩৫ ॥
শ্রীশুক উবাচ
ইতি শ্রুত্বা ভগবতঃ শিবস্যোমাভিভাষিতম্ ।
বভূব শান্তধী রাজন্ দেবী বিগতবিস্মযা ॥ ৩৬ ॥
ইতি শ্রুত্বা ভগবতঃ শিবস্যোমাভিভাষিতম্ ।
বভূব শান্তধী রাজন্ দেবী বিগতবিস্মযা ॥ ৩৬ ॥
ইতি ভাগবতো দেব্যাঃ প্রতিশপ্তুমলন্তমঃ ।
মূর্ধ্না স জগৃহে শাপমেতাবত্সাধুলক্ষণম্ ॥ ৩৭ ॥
মূর্ধ্না স জগৃহে শাপমেতাবত্সাধুলক্ষণম্ ॥ ৩৭ ॥
জজ্ঞে ত্বষ্টুর্দক্ষিণাগ্নৌ দানবীং যোনিমাশ্রিতঃ ।
বৃত্র ইত্যভিবিখ্যাতো জ্ঞানবিজ্ঞানসংযুতঃ ॥ ৩৮ ॥
বৃত্র ইত্যভিবিখ্যাতো জ্ঞানবিজ্ঞানসংযুতঃ ॥ ৩৮ ॥
এতত্তে সর্বমাখ্যাতং যন্মাং ত্বং পরিপৃচ্ছসি ।
বৃত্রস্যাসুরজাতেশ্চ কারণং ভগবন্মতেঃ ॥ ৩৯ ॥
বৃত্রস্যাসুরজাতেশ্চ কারণং ভগবন্মতেঃ ॥ ৩৯ ॥
ইতিহাসমিমং পুণ্যং চিত্রকেতোর্মহাত্মনঃ ।
মাহাত্ম্যং বিষ্ণুভক্তানাং শ্রুত্বা বন্ধাদ্বিমুচ্যতে ॥ ৪০ ॥
মাহাত্ম্যং বিষ্ণুভক্তানাং শ্রুত্বা বন্ধাদ্বিমুচ্যতে ॥ ৪০ ॥
য এতত্প্রাতরুত্থায শ্রদ্ধযা বাগ্যতঃ পঠেত্ ।
ইতিহাসং হরিং স্মৃত্বা স যাতি পরমাং গতিম্ ॥ ৪১ ॥
ইতিহাসং হরিং স্মৃত্বা স যাতি পরমাং গতিম্ ॥ ৪১ ॥