శ్రీశుక ఉవాచ
యతశ్చాన్తర్హితోఽనన్తస్తస్యై కృత్వా దిశే నమః ।
విద్యాధరశ్చిత్రకేతుశ్చచార గగనే చరః ॥ ౧ ॥
యతశ్చాన్తర్హితోఽనన్తస్తస్యై కృత్వా దిశే నమః ।
విద్యాధరశ్చిత్రకేతుశ్చచార గగనే చరః ॥ ౧ ॥
స లక్షం వర్షలక్షాణామవ్యాహతబలేన్ద్రియః ।
స్తూయమానో మహాయోగీ మునిభిః సిద్ధచారణైః ॥ ౨ ॥
స్తూయమానో మహాయోగీ మునిభిః సిద్ధచారణైః ॥ ౨ ॥
కులాచలేన్ద్రద్రోణీషు నానాసఙ్కల్పసిద్ధిషు ।
రేమే విద్యాధరస్త్రీభిర్గాపయన్ హరిమీశ్వరమ్ ॥ ౩ ॥
రేమే విద్యాధరస్త్రీభిర్గాపయన్ హరిమీశ్వరమ్ ॥ ౩ ॥
ఏకదా స విమానేన విష్ణుదత్తేన భాస్వతా ।
గిరిశం దదృశే గచ్ఛన్ పరీతం సిద్ధచారణైః ॥ ౪ ॥
గిరిశం దదృశే గచ్ఛన్ పరీతం సిద్ధచారణైః ॥ ౪ ॥
ఆలిఙ్గయాఙ్కీకృతాం దేవీం బాహునా మునిసంసది ।
ఉవాచదేవ్యాః శృణ్వన్త్యా జహాసోచ్చైస్తదన్తికే ॥ ౫ ॥
ఉవాచదేవ్యాః శృణ్వన్త్యా జహాసోచ్చైస్తదన్తికే ॥ ౫ ॥
చిత్రకేతురువాచ
ఏష లోకగురుః సాక్షాద్ధర్మం వక్తా శరీరిణామ్ ।
ఆస్తే ముఖ్యః సభాయాం వై మిథునీభూయ భార్యయా ॥ ౬ ॥
ఏష లోకగురుః సాక్షాద్ధర్మం వక్తా శరీరిణామ్ ।
ఆస్తే ముఖ్యః సభాయాం వై మిథునీభూయ భార్యయా ॥ ౬ ॥
జటాధరస్తీవ్రతపా బ్రహ్మవాదిసభాపతిః ।
అఙ్కీకృత్య స్త్రియం చాస్తే గతహ్రీః ప్రాకృతో యథా ॥ ౭ ॥
అఙ్కీకృత్య స్త్రియం చాస్తే గతహ్రీః ప్రాకృతో యథా ॥ ౭ ॥
ప్రాయశః ప్రాకృతాశ్చాపి స్త్రియం రహసి బిభ్రతి ।
అయం మహావ్రతధరో బిభర్తి సదసి స్త్రియమ్ ॥ ౮ ॥
అయం మహావ్రతధరో బిభర్తి సదసి స్త్రియమ్ ॥ ౮ ॥
శ్రీశుక ఉవాచ
భగవానపి తచ్ఛ్రుత్వా ప్రహస్యాగాధధీర్నృప ।
తూష్ణీం బభూవ సదసి సభ్యాశ్చ తదనువ్రతాః ॥ ౯ ॥
భగవానపి తచ్ఛ్రుత్వా ప్రహస్యాగాధధీర్నృప ।
తూష్ణీం బభూవ సదసి సభ్యాశ్చ తదనువ్రతాః ॥ ౯ ॥
ఇత్యతద్వీర్యవిదుషి బ్రువాణే బహ్వశోభనమ్ ।
రుషాహ దేవీ ధృష్టాయ నిర్జితాత్మాభిమానినే ॥ ౧౦ ॥
రుషాహ దేవీ ధృష్టాయ నిర్జితాత్మాభిమానినే ॥ ౧౦ ॥
శ్రీపార్వత్యువాచ
అయం కిమధునా లోకే శాస్తా దణ్డధరః ప్రభుః ।
అస్మద్విధానాం దుష్టానాం నిర్లజ్జానాం చ విప్రకృత్ ॥ ౧౧ ॥
అయం కిమధునా లోకే శాస్తా దణ్డధరః ప్రభుః ।
అస్మద్విధానాం దుష్టానాం నిర్లజ్జానాం చ విప్రకృత్ ॥ ౧౧ ॥
న వేద ధర్మం కిల పద్మయోని-
ర్న బ్రహ్మపుత్రా భృగునారదాద్యాః ।
న వై కుమారః కపిలో మనుశ్చ
యే నో నిషేధన్త్యతివర్తినం హరమ్ ॥ ౧౨ ॥
ర్న బ్రహ్మపుత్రా భృగునారదాద్యాః ।
న వై కుమారః కపిలో మనుశ్చ
యే నో నిషేధన్త్యతివర్తినం హరమ్ ॥ ౧౨ ॥
ఏషామనుధ్యేయపదాబ్జయుగ్మం
జగద్గురుం మఙ్గలమఙ్గలం స్వయమ్ ।
యః క్షత్రబన్ధుః పరిభూయ సూరీన్
ప్రశాస్తి ధృష్టస్తదయం హి దణ్డ్యః ॥ ౧౩ ॥
జగద్గురుం మఙ్గలమఙ్గలం స్వయమ్ ।
యః క్షత్రబన్ధుః పరిభూయ సూరీన్
ప్రశాస్తి ధృష్టస్తదయం హి దణ్డ్యః ॥ ౧౩ ॥
నాయమర్హతి వైకుణ్ఠపాదమూలోపసర్పణమ్ ।
సమ్భావితమతిః స్తబ్ధః సాధుభిః పర్యుపాసితమ్ ॥ ౧౪ ॥
సమ్భావితమతిః స్తబ్ధః సాధుభిః పర్యుపాసితమ్ ॥ ౧౪ ॥
అతః పాపీయసీం యోనిమాసురీం యాహి దుర్మతే ।
యథేహ భూయో మహతాం న కర్తా పుత్ర కిల్బిషమ్ ॥ ౧౫ ॥
యథేహ భూయో మహతాం న కర్తా పుత్ర కిల్బిషమ్ ॥ ౧౫ ॥
శ్రీశుక ఉవాచ
ఏవం శప్తశ్చిత్రకేతుర్విమానాదవరుహ్య సః ।
ప్రసాదయామాస సతీం మూర్ధ్నా నమ్రేణ భారత ॥ ౧౬ ॥
ఏవం శప్తశ్చిత్రకేతుర్విమానాదవరుహ్య సః ।
ప్రసాదయామాస సతీం మూర్ధ్నా నమ్రేణ భారత ॥ ౧౬ ॥
చిత్రకేతురువాచ
ప్రతిగృహ్ణామి తే శాపమాత్మనోఽఞ్జలినామ్బికే ।
దేవైర్మర్త్యాయ యత్ప్రోక్తం పూర్వదిష్టం హి తస్య తత్ ॥ ౧౭ ॥
ప్రతిగృహ్ణామి తే శాపమాత్మనోఽఞ్జలినామ్బికే ।
దేవైర్మర్త్యాయ యత్ప్రోక్తం పూర్వదిష్టం హి తస్య తత్ ॥ ౧౭ ॥
సంసారచక్ర ఏతస్మిఞ్జన్తురజ్ఞానమోహితః ।
భ్రామ్యన్ సుఖం చ దుఃఖం చ భుఙ్క్తే సర్వత్ర సర్వదా ॥ ౧౮ ॥
భ్రామ్యన్ సుఖం చ దుఃఖం చ భుఙ్క్తే సర్వత్ర సర్వదా ॥ ౧౮ ॥
నైవాత్మా న పరశ్చాపి కర్తా స్యాత్ సుఖదుఃఖయోః ।
కర్తారం మన్యతేఽత్రాజ్ఞ ఆత్మానం పరమేవ చ ॥ ౧౯ ॥
కర్తారం మన్యతేఽత్రాజ్ఞ ఆత్మానం పరమేవ చ ॥ ౧౯ ॥
గుణప్రవాహ ఏతస్మిన్ కః శాపః కో న్వనుగ్రహః ।
కః స్వర్గో నరకః కో వా కిం సుఖం దుఃఖమేవ వా ॥ ౨౦ ॥
కః స్వర్గో నరకః కో వా కిం సుఖం దుఃఖమేవ వా ॥ ౨౦ ॥
ఏకః సృజతి భూతాని భగవానాత్మమాయయా ।
ఏషాం బన్ధం చ మోక్షం చ సుఖం దుఃఖం చ నిష్కలః ॥ ౨౧ ॥
ఏషాం బన్ధం చ మోక్షం చ సుఖం దుఃఖం చ నిష్కలః ॥ ౨౧ ॥
న తస్య కశ్చిద్దయితః ప్రతీపో
న జ్ఞాతిబన్ధుర్న పరో న చ స్వః ।
సమస్య సర్వత్ర నిరఞ్జనస్య
సుఖే న రాగః కుత ఏవ రోషః ॥ ౨౨ ॥
న జ్ఞాతిబన్ధుర్న పరో న చ స్వః ।
సమస్య సర్వత్ర నిరఞ్జనస్య
సుఖే న రాగః కుత ఏవ రోషః ॥ ౨౨ ॥
తథాపి తచ్ఛక్తివిసర్గ ఏషాం
సుఖాయ దుఃఖాయ హితాహితాయ ।
బన్ధాయ మోక్షాయ చ మృత్యుజన్మనోః
శరీరిణాం సంసృతయేఽవకల్పతే ॥ ౨౩ ॥
సుఖాయ దుఃఖాయ హితాహితాయ ।
బన్ధాయ మోక్షాయ చ మృత్యుజన్మనోః
శరీరిణాం సంసృతయేఽవకల్పతే ॥ ౨౩ ॥
అథ ప్రసాదయే న త్వాం శాపమోక్షాయ భామిని ।
యన్మన్యసే హ్యసాధూక్తం మమ తత్క్షమ్యతాం సతి ॥ ౨౪ ॥
యన్మన్యసే హ్యసాధూక్తం మమ తత్క్షమ్యతాం సతి ॥ ౨౪ ॥
శ్రీశుక ఉవాచ
ఇతి ప్రసాద్య గిరిశౌ చిత్రకేతురరిన్దమ ।
జగామ స్వవిమానేన పశ్యతోః స్మయతోస్తయోః ॥ ౨౫ ॥
ఇతి ప్రసాద్య గిరిశౌ చిత్రకేతురరిన్దమ ।
జగామ స్వవిమానేన పశ్యతోః స్మయతోస్తయోః ॥ ౨౫ ॥
తతస్తు భగవాన్ రుద్రో రుద్రాణీమిదమబ్రవీత్ ।
దేవర్షిదైత్యసిద్ధానాం పార్షదానాం చ శృణ్వతామ్ ॥ ౨౬ ॥
దేవర్షిదైత్యసిద్ధానాం పార్షదానాం చ శృణ్వతామ్ ॥ ౨౬ ॥
శ్రీరుద్ర ఉవాచ
దృష్టవత్యసి సుశ్రోణి హరేరద్భుతకర్మణః ।
మాహాత్మ్యం భృత్యభృత్యానాం నిఃస్పృహాణాం మహాత్మనామ్ ॥ ౨౭ ॥
దృష్టవత్యసి సుశ్రోణి హరేరద్భుతకర్మణః ।
మాహాత్మ్యం భృత్యభృత్యానాం నిఃస్పృహాణాం మహాత్మనామ్ ॥ ౨౭ ॥
నారాయణపరాః సర్వే న కుతశ్చన బిభ్యతి ।
స్వర్గాపవర్గనరకేష్వపి తుల్యార్థదర్శినః ॥ ౨౮ ॥
స్వర్గాపవర్గనరకేష్వపి తుల్యార్థదర్శినః ॥ ౨౮ ॥
దేహినాం దేహసంయోగాద్ ద్వన్ద్వానీశ్వరలీలయా ।
సుఖం దుఃఖం మృతిర్జన్మ శాపోఽనుగ్రహ ఏవ చ ॥ ౨౯ ॥
సుఖం దుఃఖం మృతిర్జన్మ శాపోఽనుగ్రహ ఏవ చ ॥ ౨౯ ॥
అవివేకకృతః పుంసో హ్యర్థభేద ఇవాత్మని ।
గుణదోషవికల్పశ్చ భిదేవ స్రజివత్కృతః ॥ ౩౦ ॥
గుణదోషవికల్పశ్చ భిదేవ స్రజివత్కృతః ॥ ౩౦ ॥
వాసుదేవే భగవతి భక్తిముద్వహతాం నృణామ్ ।
జ్ఞానవైరాగ్యవీర్యాణాం న హి కశ్చిద్ వ్యపాశ్రయః ॥ ౩౧ ॥
జ్ఞానవైరాగ్యవీర్యాణాం న హి కశ్చిద్ వ్యపాశ్రయః ॥ ౩౧ ॥
నాహం విరిఞ్చో న కుమారనారదౌ
న బ్రహ్మపుత్రా మునయః సురేశాః ।
విదామ యస్యేహితమంశకాంశకా
న తత్స్వరూపం పృథగీశమానినః ॥ ౩౨ ॥
న బ్రహ్మపుత్రా మునయః సురేశాః ।
విదామ యస్యేహితమంశకాంశకా
న తత్స్వరూపం పృథగీశమానినః ॥ ౩౨ ॥
న హ్యస్యాస్తి ప్రియః కశ్చిన్నాప్రియః స్వః పరోఽపి వా ।
ఆత్మత్వాత్సర్వభూతానాం సర్వభూతప్రియో హరిః ॥ ౩౩ ॥
ఆత్మత్వాత్సర్వభూతానాం సర్వభూతప్రియో హరిః ॥ ౩౩ ॥
తస్య చాయం మహాభాగశ్చిత్రకేతుః ప్రియోఽనుగః ।
సర్వత్ర సమదృక్ శాన్తో హ్యహం చైవాచ్యుతప్రియః ॥ ౩౪ ॥
సర్వత్ర సమదృక్ శాన్తో హ్యహం చైవాచ్యుతప్రియః ॥ ౩౪ ॥
తస్మాన్న విస్మయః కార్యః పురుషేషు మహాత్మసు ।
మహాపురుషభక్తేషు శాన్తేషు సమదర్శిషు ॥ ౩౫ ॥
మహాపురుషభక్తేషు శాన్తేషు సమదర్శిషు ॥ ౩౫ ॥
శ్రీశుక ఉవాచ
ఇతి శ్రుత్వా భగవతః శివస్యోమాభిభాషితమ్ ।
బభూవ శాన్తధీ రాజన్ దేవీ విగతవిస్మయా ॥ ౩౬ ॥
ఇతి శ్రుత్వా భగవతః శివస్యోమాభిభాషితమ్ ।
బభూవ శాన్తధీ రాజన్ దేవీ విగతవిస్మయా ॥ ౩౬ ॥
ఇతి భాగవతో దేవ్యాః ప్రతిశప్తుమలన్తమః ।
మూర్ధ్నా స జగృహే శాపమేతావత్సాధులక్షణమ్ ॥ ౩౭ ॥
మూర్ధ్నా స జగృహే శాపమేతావత్సాధులక్షణమ్ ॥ ౩౭ ॥
జజ్ఞే త్వష్టుర్దక్షిణాగ్నౌ దానవీం యోనిమాశ్రితః ।
వృత్ర ఇత్యభివిఖ్యాతో జ్ఞానవిజ్ఞానసంయుతః ॥ ౩౮ ॥
వృత్ర ఇత్యభివిఖ్యాతో జ్ఞానవిజ్ఞానసంయుతః ॥ ౩౮ ॥
ఏతత్తే సర్వమాఖ్యాతం యన్మాం త్వం పరిపృచ్ఛసి ।
వృత్రస్యాసురజాతేశ్చ కారణం భగవన్మతేః ॥ ౩౯ ॥
వృత్రస్యాసురజాతేశ్చ కారణం భగవన్మతేః ॥ ౩౯ ॥
ఇతిహాసమిమం పుణ్యం చిత్రకేతోర్మహాత్మనః ।
మాహాత్మ్యం విష్ణుభక్తానాం శ్రుత్వా బన్ధాద్విముచ్యతే ॥ ౪౦ ॥
మాహాత్మ్యం విష్ణుభక్తానాం శ్రుత్వా బన్ధాద్విముచ్యతే ॥ ౪౦ ॥
య ఏతత్ప్రాతరుత్థాయ శ్రద్ధయా వాగ్యతః పఠేత్ ।
ఇతిహాసం హరిం స్మృత్వా స యాతి పరమాం గతిమ్ ॥ ౪౧ ॥
ఇతిహాసం హరిం స్మృత్వా స యాతి పరమాం గతిమ్ ॥ ౪౧ ॥