ଶ୍ରୀଶୁକ ଉଵାଚ
ତତଃ ପ୍ରାଚେତସୋଽସିକ୍ନ୍ଯାମନୁନୀତଃ ସ୍ଵଯମ୍ଭୁଵା ।
ଷଷ୍ଟିଂ ସଞ୍ଜନଯାମାସ ଦୁହିତୃଃ ପିତୃଵତ୍ସଲାଃ ॥ ୧ ॥
ତତଃ ପ୍ରାଚେତସୋଽସିକ୍ନ୍ଯାମନୁନୀତଃ ସ୍ଵଯମ୍ଭୁଵା ।
ଷଷ୍ଟିଂ ସଞ୍ଜନଯାମାସ ଦୁହିତୃଃ ପିତୃଵତ୍ସଲାଃ ॥ ୧ ॥
ଦଶ ଧର୍ମାଯ କାଯାଦାଦ୍ଦ୍ଵିଷଟ୍ତ୍ରିଣଵ ଚେନ୍ଦଵେ ।
ଭୂତାଙ୍ଗିରଃକୃଶାଶ୍ଵେଭ୍ଯୋ ଦ୍ଵେ ଦ୍ଵେ ତାର୍କ୍ଷ୍ଯାଯ ଚାପରାଃ ॥ ୨ ॥
ଭୂତାଙ୍ଗିରଃକୃଶାଶ୍ଵେଭ୍ଯୋ ଦ୍ଵେ ଦ୍ଵେ ତାର୍କ୍ଷ୍ଯାଯ ଚାପରାଃ ॥ ୨ ॥
ନାମଧେଯାନ୍ଯମୂଷାଂ ତ୍ଵଂ ସାପତ୍ଯାନାଂ ଚ ମେ ଶୃଣୁ ।
ଯାସାଂ ପ୍ରସୂତିପ୍ରସଵୈର୍ଲୋକା ଆପୂରିତାସ୍ତ୍ରଯଃ ॥ ୩ ॥
ଯାସାଂ ପ୍ରସୂତିପ୍ରସଵୈର୍ଲୋକା ଆପୂରିତାସ୍ତ୍ରଯଃ ॥ ୩ ॥
ଭାନୁର୍ଲମ୍ବା କକୁଦ୍ଯାମିର୍ଵିଶ୍ଵା ସାଧ୍ଯା ମରୁତ୍ଵତୀ ।
ଵସୁର୍ମୁହୂର୍ତା ସଙ୍କଲ୍ପା ଧର୍ମପତ୍ନ୍ଯଃ ସୁତାଞ୍ଶୃଣୁ ॥ ୪ ॥
ଵସୁର୍ମୁହୂର୍ତା ସଙ୍କଲ୍ପା ଧର୍ମପତ୍ନ୍ଯଃ ସୁତାଞ୍ଶୃଣୁ ॥ ୪ ॥
ଭାନୋସ୍ତୁ ଦେଵଋଷଭ ଇନ୍ଦ୍ରସେନସ୍ତତୋ ନୃପ ।
ଵିଦ୍ଯୋତ ଆସୀଲ୍ଲମ୍ବାଯାସ୍ତତଶ୍ଚ ସ୍ତନଯିତ୍ନଵଃ ॥ ୫ ॥
ଵିଦ୍ଯୋତ ଆସୀଲ୍ଲମ୍ବାଯାସ୍ତତଶ୍ଚ ସ୍ତନଯିତ୍ନଵଃ ॥ ୫ ॥
କକୁଦଃ ସଙ୍କଟସ୍ତସ୍ଯ କୀକଟସ୍ତନଯୋ ଯତଃ ।
ଭୁଵୋ ଦୁର୍ଗାଣି ଯାମେଯଃ ସ୍ଵର୍ଗୋ ନନ୍ଦିସ୍ତତୋଽଭଵତ୍ ॥ ୬ ॥
ଭୁଵୋ ଦୁର୍ଗାଣି ଯାମେଯଃ ସ୍ଵର୍ଗୋ ନନ୍ଦିସ୍ତତୋଽଭଵତ୍ ॥ ୬ ॥
ଵିଶ୍ଵେଦେଵାସ୍ତୁ ଵିଶ୍ଵାଯା ଅପ୍ରଜାଂସ୍ତାନ୍ ପ୍ରଚକ୍ଷତେ ।
ସାଧ୍ଯୋଗଣଶ୍ଚ ସାଧ୍ଯାଯା ଅର୍ଥସିଦ୍ଧିସ୍ତୁ ତତ୍ସୁତଃ ॥ ୭ ॥
ସାଧ୍ଯୋଗଣଶ୍ଚ ସାଧ୍ଯାଯା ଅର୍ଥସିଦ୍ଧିସ୍ତୁ ତତ୍ସୁତଃ ॥ ୭ ॥
ମରୁତ୍ଵାଂଶ୍ଚ ଜଯନ୍ତଶ୍ଚ ମରୁତ୍ଵତ୍ଯା ବଭୂଵତୁଃ ।
ଜଯନ୍ତୋ ଵାସୁଦେଵାଂଶ ଉପେନ୍ଦ୍ର ଇତି ଯଂ ଵିଦୁଃ ॥ ୮ ॥
ଜଯନ୍ତୋ ଵାସୁଦେଵାଂଶ ଉପେନ୍ଦ୍ର ଇତି ଯଂ ଵିଦୁଃ ॥ ୮ ॥
ମୌହୂର୍ତିକା ଦେଵଗଣା ମୁହୂର୍ତାଯାଶ୍ଚ ଜଜ୍ଞିରେ ।
ଯେ ଵୈ ଫଲଂ ପ୍ରଯଚ୍ଛନ୍ତି ଭୂତାନାଂ ସ୍ଵସ୍ଵକାଲଜମ୍ ॥ ୯ ॥
ଯେ ଵୈ ଫଲଂ ପ୍ରଯଚ୍ଛନ୍ତି ଭୂତାନାଂ ସ୍ଵସ୍ଵକାଲଜମ୍ ॥ ୯ ॥
ସଙ୍କଲ୍ପାଯାସ୍ତୁ ସଙ୍କଲ୍ପଃ କାମଃ ସଙ୍କଲ୍ପଜଃ ସ୍ମୃତଃ ।
ଵସଵୋଽଷ୍ଟୌ ଵସୋଃ ପୁତ୍ରାସ୍ତେଷାଂ ନାମାନି ମେ ଶୃଣୁ ॥ ୧୦ ॥
ଵସଵୋଽଷ୍ଟୌ ଵସୋଃ ପୁତ୍ରାସ୍ତେଷାଂ ନାମାନି ମେ ଶୃଣୁ ॥ ୧୦ ॥
ଦ୍ରୋଣଃ ପ୍ରାଣୋ ଧ୍ରୁଵୋଽର୍କୋଽଗ୍ନିର୍ଦୋଷୋ ଵାସ୍ତୁର୍ଵିଭାଵସୁଃ ।
ଦ୍ରୋଣସ୍ଯାଭିମତେଃ ପତ୍ନ୍ଯା ହର୍ଷଶୋକଭଯାଦଯଃ ॥ ୧୧ ॥
ଦ୍ରୋଣସ୍ଯାଭିମତେଃ ପତ୍ନ୍ଯା ହର୍ଷଶୋକଭଯାଦଯଃ ॥ ୧୧ ॥
ପ୍ରାଣସ୍ଯୋର୍ଜସ୍ଵତୀ ଭାର୍ଯା ସହ ଆଯୁଃ ପୁରୋଜଵଃ ।
ଧ୍ରୁଵସ୍ଯ ଭାର୍ଯା ଧରଣିରସୂତ ଵିଵିଧାଃ ପୁରଃ ॥ ୧୨ ॥
ଧ୍ରୁଵସ୍ଯ ଭାର୍ଯା ଧରଣିରସୂତ ଵିଵିଧାଃ ପୁରଃ ॥ ୧୨ ॥
ଅର୍କସ୍ଯ ଵାସନା ଭାର୍ଯା ପୁତ୍ରାସ୍ତର୍ଷାଦଯଃ ସ୍ମୃତାଃ ।
ଅଗ୍ନେର୍ଭାର୍ଯା ଵସୋର୍ଧାରା ପୁତ୍ରା ଦ୍ରଵିଣକାଦଯଃ ॥ ୧୩ ॥
ଅଗ୍ନେର୍ଭାର୍ଯା ଵସୋର୍ଧାରା ପୁତ୍ରା ଦ୍ରଵିଣକାଦଯଃ ॥ ୧୩ ॥
ସ୍କନ୍ଦଶ୍ଚ କୃତ୍ତିକାପୁତ୍ରୋ ଯେ ଵିଶାଖାଦଯସ୍ତତଃ ।
ଦୋଷସ୍ଯ ଶର୍ଵରୀପୁତ୍ରଃ ଶିଶୁମାରୋ ହରେଃ କଲା ॥ ୧୪ ॥
ଦୋଷସ୍ଯ ଶର୍ଵରୀପୁତ୍ରଃ ଶିଶୁମାରୋ ହରେଃ କଲା ॥ ୧୪ ॥
ଵାସ୍ତୋରାଙ୍ଗିରସୀପୁତ୍ରୋ ଵିଶ୍ଵକର୍ମାକୃତୀପତିଃ ।
ତତୋ ମନୁଶ୍ଚାକ୍ଷୁଷୋଽଭୂଦ୍ ଵିଶ୍ଵେ ସାଧ୍ଯା ମନୋଃ ସୁତାଃ ॥ ୧୫ ॥
ତତୋ ମନୁଶ୍ଚାକ୍ଷୁଷୋଽଭୂଦ୍ ଵିଶ୍ଵେ ସାଧ୍ଯା ମନୋଃ ସୁତାଃ ॥ ୧୫ ॥
ଵିଭାଵସୋରସୂତୋଷା ଵ୍ଯୁଷ୍ଟଂ ରୋଚିଷମାତପମ୍ ।
ପଞ୍ଚଯାମୋଽଥ ଭୂତାନି ଯେନ ଜାଗ୍ରତି କର୍ମସୁ ॥ ୧୬ ॥
ପଞ୍ଚଯାମୋଽଥ ଭୂତାନି ଯେନ ଜାଗ୍ରତି କର୍ମସୁ ॥ ୧୬ ॥
ସରୂପାସୂତ ଭୂତସ୍ଯ ଭାର୍ଯା ରୁଦ୍ରାଂଶ୍ଚ କୋଟିଶଃ ।
ରୈଵତୋଽଜୋ ଭଵୋ ଭୀମୋ ଵାମ ଉଗ୍ରୋ ଵୃଷାକପିଃ ॥ ୧୭ ॥
ରୈଵତୋଽଜୋ ଭଵୋ ଭୀମୋ ଵାମ ଉଗ୍ରୋ ଵୃଷାକପିଃ ॥ ୧୭ ॥
ଅଜୈକପାଦହିର୍ବ୍ରଧ୍ନୋ ବହୁରୂପୋ ମହାନିତି ।
ରୁଦ୍ରସ୍ଯ ପାର୍ଷଦାଶ୍ଚାନ୍ଯେ ଘୋରାଃ ପ୍ରେତଵିନାଯକାଃ ॥ ୧୮ ॥
ରୁଦ୍ରସ୍ଯ ପାର୍ଷଦାଶ୍ଚାନ୍ଯେ ଘୋରାଃ ପ୍ରେତଵିନାଯକାଃ ॥ ୧୮ ॥
ପ୍ରଜାପତେରଙ୍ଗିରସଃ ସ୍ଵଧା ପତ୍ନୀ ପିତୃନଥ ।
ଅଥର୍ଵାଙ୍ଗିରସଂ ଵେଦଂ ପୁତ୍ରତ୍ଵେ ଚାକରୋତ୍ ସତୀ ॥ ୧୯ ॥
ଅଥର୍ଵାଙ୍ଗିରସଂ ଵେଦଂ ପୁତ୍ରତ୍ଵେ ଚାକରୋତ୍ ସତୀ ॥ ୧୯ ॥
କୃଶାଶ୍ଵୋଽର୍ଚିଷି ଭାର୍ଯାଯାଂ ଧୂମକେତୁମଜୀଜନତ୍ ।
ଧିଷଣାଯାଂ ଵେଦଶିରୋ ଦେଵଲଂ ଵଯୁନଂ ମନୁମ୍ ॥ ୨୦ ॥
ଧିଷଣାଯାଂ ଵେଦଶିରୋ ଦେଵଲଂ ଵଯୁନଂ ମନୁମ୍ ॥ ୨୦ ॥
ତାର୍କ୍ଷ୍ଯସ୍ଯ ଵିନତା କଦ୍ରୂଃ ପତଙ୍ଗୀ ଯାମିନୀତି ଚ ।
ପତଙ୍ଗଯସୂତ ପତଗାନ୍ଯାମିନୀ ଶଲଭାନଥ ॥ ୨୧ ॥
ପତଙ୍ଗଯସୂତ ପତଗାନ୍ଯାମିନୀ ଶଲଭାନଥ ॥ ୨୧ ॥
ସୁପର୍ଣାସୂତ ଗରୁଡଂ ସାକ୍ଷାଦ୍ ଯଜ୍ଞେଶଵାହନମ୍ ।
ସୂର୍ଯସୂତମନୂରୁଂ ଚ କଦ୍ରୂର୍ନାଗାନନେକଶଃ ॥ ୨୨ ॥
ସୂର୍ଯସୂତମନୂରୁଂ ଚ କଦ୍ରୂର୍ନାଗାନନେକଶଃ ॥ ୨୨ ॥
କୃତ୍ତିକାଦୀନି ନକ୍ଷତ୍ରାଣୀନ୍ଦୋଃ ପତ୍ନ୍ଯସ୍ତୁ ଭାରତ ।
ଦକ୍ଷଶାପାତ୍ ସୋଽନପତ୍ଯସ୍ତାସୁ ଯକ୍ଷ୍ମଗ୍ରହାର୍ଦିତଃ ॥ ୨୩ ॥
ଦକ୍ଷଶାପାତ୍ ସୋଽନପତ୍ଯସ୍ତାସୁ ଯକ୍ଷ୍ମଗ୍ରହାର୍ଦିତଃ ॥ ୨୩ ॥
ପୁନଃ ପ୍ରସାଦ୍ଯ ତଂ ସୋମଃ କଲା ଲେଭେ କ୍ଷଯେ ଦିତାଃ ।
ଶୃଣୁ ନାମାନି ଲୋକାନାଂ ମାତୃଣାଂ ଶଙ୍କରାଣି ଚ ॥ ୨୪ ॥
ଶୃଣୁ ନାମାନି ଲୋକାନାଂ ମାତୃଣାଂ ଶଙ୍କରାଣି ଚ ॥ ୨୪ ॥
ଅଥ କଶ୍ଯପପତ୍ନୀନାଂ ଯତ୍ପ୍ରସୂତମିଦଂ ଜଗତ୍ ।
ଅଦିତିର୍ଦିତିର୍ଦନୁଃ କାଷ୍ଠା ଅରିଷ୍ଟା ସୁରସା ଇଲା ॥ ୨୫ ॥
ଅଦିତିର୍ଦିତିର୍ଦନୁଃ କାଷ୍ଠା ଅରିଷ୍ଟା ସୁରସା ଇଲା ॥ ୨୫ ॥
ମୁନିଃ କ୍ରୋଧଵଶା ତାମ୍ରା ସୁରଭିଃ ସରମା ତିମିଃ ।
ତିମେର୍ଯାଦୋଗଣା ଆସନ୍ ଶ୍ଵାପଦାଃ ସରମାସୁତାଃ ॥ ୨୬ ॥
ତିମେର୍ଯାଦୋଗଣା ଆସନ୍ ଶ୍ଵାପଦାଃ ସରମାସୁତାଃ ॥ ୨୬ ॥
ସୁରଭେର୍ମହିଷା ଗାଵୋ ଯେ ଚାନ୍ଯେ ଦ୍ଵିଶଫା ନୃପ ।
ତାମ୍ରାଯାଃ ଶ୍ଯେନଗୃଧ୍ରାଦ୍ଯା ମୁନେରପ୍ସରସାଂ ଗଣାଃ ॥ ୨୭ ॥
ତାମ୍ରାଯାଃ ଶ୍ଯେନଗୃଧ୍ରାଦ୍ଯା ମୁନେରପ୍ସରସାଂ ଗଣାଃ ॥ ୨୭ ॥
ଦନ୍ଦଶୂକାଦଯଃ ସର୍ପା ରାଜନ୍ କ୍ରୋଧଵଶାତ୍ମଜାଃ ।
ଇଲାଯା ଭୂରୁହାଃ ସର୍ଵେ ଯାତୁଧାନାଶ୍ଚ ସୌରସାଃ ॥ ୨୮ ॥
ଇଲାଯା ଭୂରୁହାଃ ସର୍ଵେ ଯାତୁଧାନାଶ୍ଚ ସୌରସାଃ ॥ ୨୮ ॥
ଅରିଷ୍ଟାଯାସ୍ତୁ ଗନ୍ଧର୍ଵାଃ କାଷ୍ଠାଯା ଦ୍ଵିଶଫେତରାଃ ।
ସୁତା ଦନୋରେକଷଷ୍ଟିସ୍ତେଷାଂ ପ୍ରାଧାନିକାଞ୍ ଶୃଣୁ ॥ ୨୯ ॥
ସୁତା ଦନୋରେକଷଷ୍ଟିସ୍ତେଷାଂ ପ୍ରାଧାନିକାଞ୍ ଶୃଣୁ ॥ ୨୯ ॥
ଦ୍ଵିମୂର୍ଧା ଶମ୍ବରୋଽରିଷ୍ଟୋ ହଯଗ୍ରୀଵୋ ଵିଭାଵସୁଃ ।
ଅଯୋମୁଖଃ ଶଙ୍କୁଶିରାଃ ସ୍ଵର୍ଭାନୁଃ କପିଲୋଽରୁଣଃ ॥ ୩୦ ॥
ଅଯୋମୁଖଃ ଶଙ୍କୁଶିରାଃ ସ୍ଵର୍ଭାନୁଃ କପିଲୋଽରୁଣଃ ॥ ୩୦ ॥
ପୁଲୋମା ଵୃଷପର୍ଵା ଚ ଏକଚକ୍ରୋଽନୁତାପନଃ ।
ଧୂମ୍ରକେଶୋ ଵିରୂପାକ୍ଷୋ ଵିପ୍ରଚିତ୍ତିଶ୍ଚ ଦୁର୍ଜଯଃ ॥ ୩୧ ॥
ଧୂମ୍ରକେଶୋ ଵିରୂପାକ୍ଷୋ ଵିପ୍ରଚିତ୍ତିଶ୍ଚ ଦୁର୍ଜଯଃ ॥ ୩୧ ॥
ସ୍ଵର୍ଭାନୋଃ ସୁପ୍ରଭାଂ କନ୍ଯାମୁଵାହ ନମୁଚିଃ କିଲ ।
ଵୃଷପର୍ଵଣସ୍ତୁ ଶର୍ମିଷ୍ଠାଂ ଯଯାତିର୍ନାହୁଷୋ ବଲୀ ॥ ୩୨ ॥
ଵୃଷପର୍ଵଣସ୍ତୁ ଶର୍ମିଷ୍ଠାଂ ଯଯାତିର୍ନାହୁଷୋ ବଲୀ ॥ ୩୨ ॥
ଵୈଶ୍ଵାନରସୁତା ଯାଶ୍ଚ ଚତସ୍ରଶ୍ଚାରୁଦର୍ଶନାଃ ।
ଉପଦାନଵୀ ହଯଶିରା ପୁଲୋମା କାଲକା ତଥା ॥ ୩୩ ॥
ଉପଦାନଵୀ ହଯଶିରା ପୁଲୋମା କାଲକା ତଥା ॥ ୩୩ ॥
ଉପଦାନଵୀଂ ହିରଣ୍ଯାକ୍ଷଃ କ୍ରତୁର୍ହଯଶିରାଂ ନୃପ ।
ପୁଲୋମାଂ କାଲକାଂ ଚ ଦ୍ଵେ ଵୈଶ୍ଵାନରସୁତେ ତୁ କଃ ॥ ୩୪ ॥
ପୁଲୋମାଂ କାଲକାଂ ଚ ଦ୍ଵେ ଵୈଶ୍ଵାନରସୁତେ ତୁ କଃ ॥ ୩୪ ॥
ଉପଯେମେଽଥ ଭଗଵାନ୍ କଶ୍ଯପୋ ବ୍ରହ୍ମଚୋଦିତଃ ।
ପୌଲୋମାଃ କାଲକେଯାଶ୍ଚ ଦାନଵା ଯୁଦ୍ଧଶାଲିନଃ ॥ ୩୫ ॥
ପୌଲୋମାଃ କାଲକେଯାଶ୍ଚ ଦାନଵା ଯୁଦ୍ଧଶାଲିନଃ ॥ ୩୫ ॥
ତଯୋଃ ଷଷ୍ଟିସହସ୍ରାଣି ଯଜ୍ଞଘ୍ନାଂସ୍ତେ ପିତୁଃ ପିତା ।
ଜଘାନ ସ୍ଵର୍ଗତୋ ରାଜନ୍ନେକ ଇନ୍ଦ୍ରପ୍ରିଯଙ୍କରଃ ॥ ୩୬ ॥
ଜଘାନ ସ୍ଵର୍ଗତୋ ରାଜନ୍ନେକ ଇନ୍ଦ୍ରପ୍ରିଯଙ୍କରଃ ॥ ୩୬ ॥
ଵିପ୍ରଚିତ୍ତିଃ ସିଂହିକାଯାଂ ଶତଂ ଚୈକମଜୀଜନତ୍ ।
ରାହୁଜ୍ଯେଷ୍ଠଂ କେତୁଶତଂ ଗ୍ରହତ୍ଵଂ ଯ ଉପାଗତାଃ ॥ ୩୭ ॥
ରାହୁଜ୍ଯେଷ୍ଠଂ କେତୁଶତଂ ଗ୍ରହତ୍ଵଂ ଯ ଉପାଗତାଃ ॥ ୩୭ ॥
ଅଥାତଃ ଶ୍ରୂଯତାଂ ଵଂଶୋ ଯୋଽଦିତେରନୁପୂର୍ଵଶଃ ।
ଯତ୍ର ନାରାଯଣୋ ଦେଵଃ ସ୍ଵାଂଶେନାଵାତରଦ୍ଵିଭୁଃ ॥ ୩୮ ॥
ଯତ୍ର ନାରାଯଣୋ ଦେଵଃ ସ୍ଵାଂଶେନାଵାତରଦ୍ଵିଭୁଃ ॥ ୩୮ ॥
ଵିଵସ୍ଵାନର୍ଯମା ପୂଷା ତ୍ଵଷ୍ଟାଥ ସଵିତା ଭଗଃ ।
ଧାତା ଵିଧାତା ଵରୁଣୋ ମିତ୍ରଃ ଶତ୍ରୁ ଉରୁକ୍ରମଃ ॥ ୩୯ ॥
ଧାତା ଵିଧାତା ଵରୁଣୋ ମିତ୍ରଃ ଶତ୍ରୁ ଉରୁକ୍ରମଃ ॥ ୩୯ ॥
ଵିଵସ୍ଵତଃ ଶ୍ରାଦ୍ଧଦେଵଂ ସଂଜ୍ଞାସୂଯତ ଵୈ ମନୁମ୍ ।
ମିଥୁନଂ ଚ ମହାଭାଗା ଯମଂ ଦେଵଂ ଯମୀଂ ତଥା ।
ସୈଵ ଭୂତ୍ଵାଥ ଵଡଵା ନାସତ୍ଯୌ ସୁଷୁଵେ ଭୁଵି ॥ ୪୦ ॥
ମିଥୁନଂ ଚ ମହାଭାଗା ଯମଂ ଦେଵଂ ଯମୀଂ ତଥା ।
ସୈଵ ଭୂତ୍ଵାଥ ଵଡଵା ନାସତ୍ଯୌ ସୁଷୁଵେ ଭୁଵି ॥ ୪୦ ॥
ଛାଯା ଶନୈଶ୍ଚରଂ ଲେଭେ ସାଵର୍ଣିଂ ଚ ମନୁଂ ତତଃ ।
କନ୍ଯାଂ ଚ ତପତୀଂ ଯା ଵୈ ଵଵ୍ରେ ସଂଵରଣଂ ପତିମ୍ ॥ ୪୧ ॥
କନ୍ଯାଂ ଚ ତପତୀଂ ଯା ଵୈ ଵଵ୍ରେ ସଂଵରଣଂ ପତିମ୍ ॥ ୪୧ ॥
ଅର୍ଯମ୍ଣୋ ମାତୃକା ପତ୍ନୀ ତଯୋଶ୍ଚର୍ଷଣଯଃ ସୁତାଃ ।
ଯତ୍ର ଵୈ ମାନୁଷୀ ଜାତିର୍ବ୍ରହ୍ମଣା ଚୋପକଲ୍ପିତା ॥ ୪୨ ॥
ଯତ୍ର ଵୈ ମାନୁଷୀ ଜାତିର୍ବ୍ରହ୍ମଣା ଚୋପକଲ୍ପିତା ॥ ୪୨ ॥
ପୂଷାନପତ୍ଯଃ ପିଷ୍ଟାଦୋ ଭଗ୍ନଦନ୍ତୋଽଭଵତ୍ପୁରା ।
ଯୋଽସୌ ଦକ୍ଷାଯ କୁପିତଂ ଜହାସ ଵିଵୃତଦ୍ଵିଜଃ ॥ ୪୩ ॥
ଯୋଽସୌ ଦକ୍ଷାଯ କୁପିତଂ ଜହାସ ଵିଵୃତଦ୍ଵିଜଃ ॥ ୪୩ ॥
ତ୍ଵଷ୍ଟୁର୍ଦୈତ୍ଯାତ୍ମଜା ଭାର୍ଯା ରଚନା ନାମ କନ୍ଯକା ।
ସନ୍ନିଵେଶସ୍ତଯୋର୍ଜଜ୍ଞେ ଵିଶ୍ଵରୂପଶ୍ଚ ଵୀର୍ଯଵାନ୍ ॥ ୪୪ ॥
ସନ୍ନିଵେଶସ୍ତଯୋର୍ଜଜ୍ଞେ ଵିଶ୍ଵରୂପଶ୍ଚ ଵୀର୍ଯଵାନ୍ ॥ ୪୪ ॥
ତଂ ଵଵ୍ରିରେ ସୁରଗଣା ସ୍ଵସ୍ରୀଯଂ ଦ୍ଵିଷତାମପି ।
ଵିମତେନ ପରିତ୍ଯକ୍ତା ଗୁରୁଣାଙ୍ଗିରସେନ ଯତ୍ ॥ ୪୫ ॥
ଵିମତେନ ପରିତ୍ଯକ୍ତା ଗୁରୁଣାଙ୍ଗିରସେନ ଯତ୍ ॥ ୪୫ ॥