శ్రీశుక ఉవాచ
తతః ప్రాచేతసోఽసిక్న్యామనునీతః స్వయమ్భువా ।
షష్టిం సఞ్జనయామాస దుహితృః పితృవత్సలాః ॥ ౧ ॥
తతః ప్రాచేతసోఽసిక్న్యామనునీతః స్వయమ్భువా ।
షష్టిం సఞ్జనయామాస దుహితృః పితృవత్సలాః ॥ ౧ ॥
దశ ధర్మాయ కాయాదాద్ద్విషట్త్రిణవ చేన్దవే ।
భూతాఙ్గిరఃకృశాశ్వేభ్యో ద్వే ద్వే తార్క్ష్యాయ చాపరాః ॥ ౨ ॥
భూతాఙ్గిరఃకృశాశ్వేభ్యో ద్వే ద్వే తార్క్ష్యాయ చాపరాః ॥ ౨ ॥
నామధేయాన్యమూషాం త్వం సాపత్యానాం చ మే శృణు ।
యాసాం ప్రసూతిప్రసవైర్లోకా ఆపూరితాస్త్రయః ॥ ౩ ॥
యాసాం ప్రసూతిప్రసవైర్లోకా ఆపూరితాస్త్రయః ॥ ౩ ॥
భానుర్లమ్బా కకుద్యామిర్విశ్వా సాధ్యా మరుత్వతీ ।
వసుర్ముహూర్తా సఙ్కల్పా ధర్మపత్న్యః సుతాఞ్శృణు ॥ ౪ ॥
వసుర్ముహూర్తా సఙ్కల్పా ధర్మపత్న్యః సుతాఞ్శృణు ॥ ౪ ॥
భానోస్తు దేవఋషభ ఇన్ద్రసేనస్తతో నృప ।
విద్యోత ఆసీల్లమ్బాయాస్తతశ్చ స్తనయిత్నవః ॥ ౫ ॥
విద్యోత ఆసీల్లమ్బాయాస్తతశ్చ స్తనయిత్నవః ॥ ౫ ॥
కకుదః సఙ్కటస్తస్య కీకటస్తనయో యతః ।
భువో దుర్గాణి యామేయః స్వర్గో నన్దిస్తతోఽభవత్ ॥ ౬ ॥
భువో దుర్గాణి యామేయః స్వర్గో నన్దిస్తతోఽభవత్ ॥ ౬ ॥
విశ్వేదేవాస్తు విశ్వాయా అప్రజాంస్తాన్ ప్రచక్షతే ।
సాధ్యోగణశ్చ సాధ్యాయా అర్థసిద్ధిస్తు తత్సుతః ॥ ౭ ॥
సాధ్యోగణశ్చ సాధ్యాయా అర్థసిద్ధిస్తు తత్సుతః ॥ ౭ ॥
మరుత్వాంశ్చ జయన్తశ్చ మరుత్వత్యా బభూవతుః ।
జయన్తో వాసుదేవాంశ ఉపేన్ద్ర ఇతి యం విదుః ॥ ౮ ॥
జయన్తో వాసుదేవాంశ ఉపేన్ద్ర ఇతి యం విదుః ॥ ౮ ॥
మౌహూర్తికా దేవగణా ముహూర్తాయాశ్చ జజ్ఞిరే ।
యే వై ఫలం ప్రయచ్ఛన్తి భూతానాం స్వస్వకాలజమ్ ॥ ౯ ॥
యే వై ఫలం ప్రయచ్ఛన్తి భూతానాం స్వస్వకాలజమ్ ॥ ౯ ॥
సఙ్కల్పాయాస్తు సఙ్కల్పః కామః సఙ్కల్పజః స్మృతః ।
వసవోఽష్టౌ వసోః పుత్రాస్తేషాం నామాని మే శృణు ॥ ౧౦ ॥
వసవోఽష్టౌ వసోః పుత్రాస్తేషాం నామాని మే శృణు ॥ ౧౦ ॥
ద్రోణః ప్రాణో ధ్రువోఽర్కోఽగ్నిర్దోషో వాస్తుర్విభావసుః ।
ద్రోణస్యాభిమతేః పత్న్యా హర్షశోకభయాదయః ॥ ౧౧ ॥
ద్రోణస్యాభిమతేః పత్న్యా హర్షశోకభయాదయః ॥ ౧౧ ॥
ప్రాణస్యోర్జస్వతీ భార్యా సహ ఆయుః పురోజవః ।
ధ్రువస్య భార్యా ధరణిరసూత వివిధాః పురః ॥ ౧౨ ॥
ధ్రువస్య భార్యా ధరణిరసూత వివిధాః పురః ॥ ౧౨ ॥
అర్కస్య వాసనా భార్యా పుత్రాస్తర్షాదయః స్మృతాః ।
అగ్నేర్భార్యా వసోర్ధారా పుత్రా ద్రవిణకాదయః ॥ ౧౩ ॥
అగ్నేర్భార్యా వసోర్ధారా పుత్రా ద్రవిణకాదయః ॥ ౧౩ ॥
స్కన్దశ్చ కృత్తికాపుత్రో యే విశాఖాదయస్తతః ।
దోషస్య శర్వరీపుత్రః శిశుమారో హరేః కలా ॥ ౧౪ ॥
దోషస్య శర్వరీపుత్రః శిశుమారో హరేః కలా ॥ ౧౪ ॥
వాస్తోరాఙ్గిరసీపుత్రో విశ్వకర్మాకృతీపతిః ।
తతో మనుశ్చాక్షుషోఽభూద్ విశ్వే సాధ్యా మనోః సుతాః ॥ ౧౫ ॥
తతో మనుశ్చాక్షుషోఽభూద్ విశ్వే సాధ్యా మనోః సుతాః ॥ ౧౫ ॥
విభావసోరసూతోషా వ్యుష్టం రోచిషమాతపమ్ ।
పఞ్చయామోఽథ భూతాని యేన జాగ్రతి కర్మసు ॥ ౧౬ ॥
పఞ్చయామోఽథ భూతాని యేన జాగ్రతి కర్మసు ॥ ౧౬ ॥
సరూపాసూత భూతస్య భార్యా రుద్రాంశ్చ కోటిశః ।
రైవతోఽజో భవో భీమో వామ ఉగ్రో వృషాకపిః ॥ ౧౭ ॥
రైవతోఽజో భవో భీమో వామ ఉగ్రో వృషాకపిః ॥ ౧౭ ॥
అజైకపాదహిర్బ్రధ్నో బహురూపో మహానితి ।
రుద్రస్య పార్షదాశ్చాన్యే ఘోరాః ప్రేతవినాయకాః ॥ ౧౮ ॥
రుద్రస్య పార్షదాశ్చాన్యే ఘోరాః ప్రేతవినాయకాః ॥ ౧౮ ॥
ప్రజాపతేరఙ్గిరసః స్వధా పత్నీ పితృనథ ।
అథర్వాఙ్గిరసం వేదం పుత్రత్వే చాకరోత్ సతీ ॥ ౧౯ ॥
అథర్వాఙ్గిరసం వేదం పుత్రత్వే చాకరోత్ సతీ ॥ ౧౯ ॥
కృశాశ్వోఽర్చిషి భార్యాయాం ధూమకేతుమజీజనత్ ।
ధిషణాయాం వేదశిరో దేవలం వయునం మనుమ్ ॥ ౨౦ ॥
ధిషణాయాం వేదశిరో దేవలం వయునం మనుమ్ ॥ ౨౦ ॥
తార్క్ష్యస్య వినతా కద్రూః పతఙ్గీ యామినీతి చ ।
పతఙ్గయసూత పతగాన్యామినీ శలభానథ ॥ ౨౧ ॥
పతఙ్గయసూత పతగాన్యామినీ శలభానథ ॥ ౨౧ ॥
సుపర్ణాసూత గరుడం సాక్షాద్ యజ్ఞేశవాహనమ్ ।
సూర్యసూతమనూరుం చ కద్రూర్నాగాననేకశః ॥ ౨౨ ॥
సూర్యసూతమనూరుం చ కద్రూర్నాగాననేకశః ॥ ౨౨ ॥
కృత్తికాదీని నక్షత్రాణీన్దోః పత్న్యస్తు భారత ।
దక్షశాపాత్ సోఽనపత్యస్తాసు యక్ష్మగ్రహార్దితః ॥ ౨౩ ॥
దక్షశాపాత్ సోఽనపత్యస్తాసు యక్ష్మగ్రహార్దితః ॥ ౨౩ ॥
పునః ప్రసాద్య తం సోమః కలా లేభే క్షయే దితాః ।
శృణు నామాని లోకానాం మాతృణాం శఙ్కరాణి చ ॥ ౨౪ ॥
శృణు నామాని లోకానాం మాతృణాం శఙ్కరాణి చ ॥ ౨౪ ॥
అథ కశ్యపపత్నీనాం యత్ప్రసూతమిదం జగత్ ।
అదితిర్దితిర్దనుః కాష్ఠా అరిష్టా సురసా ఇలా ॥ ౨౫ ॥
అదితిర్దితిర్దనుః కాష్ఠా అరిష్టా సురసా ఇలా ॥ ౨౫ ॥
మునిః క్రోధవశా తామ్రా సురభిః సరమా తిమిః ।
తిమేర్యాదోగణా ఆసన్ శ్వాపదాః సరమాసుతాః ॥ ౨౬ ॥
తిమేర్యాదోగణా ఆసన్ శ్వాపదాః సరమాసుతాః ॥ ౨౬ ॥
సురభేర్మహిషా గావో యే చాన్యే ద్విశఫా నృప ।
తామ్రాయాః శ్యేనగృధ్రాద్యా మునేరప్సరసాం గణాః ॥ ౨౭ ॥
తామ్రాయాః శ్యేనగృధ్రాద్యా మునేరప్సరసాం గణాః ॥ ౨౭ ॥
దన్దశూకాదయః సర్పా రాజన్ క్రోధవశాత్మజాః ।
ఇలాయా భూరుహాః సర్వే యాతుధానాశ్చ సౌరసాః ॥ ౨౮ ॥
ఇలాయా భూరుహాః సర్వే యాతుధానాశ్చ సౌరసాః ॥ ౨౮ ॥
అరిష్టాయాస్తు గన్ధర్వాః కాష్ఠాయా ద్విశఫేతరాః ।
సుతా దనోరేకషష్టిస్తేషాం ప్రాధానికాఞ్ శృణు ॥ ౨౯ ॥
సుతా దనోరేకషష్టిస్తేషాం ప్రాధానికాఞ్ శృణు ॥ ౨౯ ॥
ద్విమూర్ధా శమ్బరోఽరిష్టో హయగ్రీవో విభావసుః ।
అయోముఖః శఙ్కుశిరాః స్వర్భానుః కపిలోఽరుణః ॥ ౩౦ ॥
అయోముఖః శఙ్కుశిరాః స్వర్భానుః కపిలోఽరుణః ॥ ౩౦ ॥
పులోమా వృషపర్వా చ ఏకచక్రోఽనుతాపనః ।
ధూమ్రకేశో విరూపాక్షో విప్రచిత్తిశ్చ దుర్జయః ॥ ౩౧ ॥
ధూమ్రకేశో విరూపాక్షో విప్రచిత్తిశ్చ దుర్జయః ॥ ౩౧ ॥
స్వర్భానోః సుప్రభాం కన్యామువాహ నముచిః కిల ।
వృషపర్వణస్తు శర్మిష్ఠాం యయాతిర్నాహుషో బలీ ॥ ౩౨ ॥
వృషపర్వణస్తు శర్మిష్ఠాం యయాతిర్నాహుషో బలీ ॥ ౩౨ ॥
వైశ్వానరసుతా యాశ్చ చతస్రశ్చారుదర్శనాః ।
ఉపదానవీ హయశిరా పులోమా కాలకా తథా ॥ ౩౩ ॥
ఉపదానవీ హయశిరా పులోమా కాలకా తథా ॥ ౩౩ ॥
ఉపదానవీం హిరణ్యాక్షః క్రతుర్హయశిరాం నృప ।
పులోమాం కాలకాం చ ద్వే వైశ్వానరసుతే తు కః ॥ ౩౪ ॥
పులోమాం కాలకాం చ ద్వే వైశ్వానరసుతే తు కః ॥ ౩౪ ॥
ఉపయేమేఽథ భగవాన్ కశ్యపో బ్రహ్మచోదితః ।
పౌలోమాః కాలకేయాశ్చ దానవా యుద్ధశాలినః ॥ ౩౫ ॥
పౌలోమాః కాలకేయాశ్చ దానవా యుద్ధశాలినః ॥ ౩౫ ॥
తయోః షష్టిసహస్రాణి యజ్ఞఘ్నాంస్తే పితుః పితా ।
జఘాన స్వర్గతో రాజన్నేక ఇన్ద్రప్రియఙ్కరః ॥ ౩౬ ॥
జఘాన స్వర్గతో రాజన్నేక ఇన్ద్రప్రియఙ్కరః ॥ ౩౬ ॥
విప్రచిత్తిః సింహికాయాం శతం చైకమజీజనత్ ।
రాహుజ్యేష్ఠం కేతుశతం గ్రహత్వం య ఉపాగతాః ॥ ౩౭ ॥
రాహుజ్యేష్ఠం కేతుశతం గ్రహత్వం య ఉపాగతాః ॥ ౩౭ ॥
అథాతః శ్రూయతాం వంశో యోఽదితేరనుపూర్వశః ।
యత్ర నారాయణో దేవః స్వాంశేనావాతరద్విభుః ॥ ౩౮ ॥
యత్ర నారాయణో దేవః స్వాంశేనావాతరద్విభుః ॥ ౩౮ ॥
వివస్వానర్యమా పూషా త్వష్టాథ సవితా భగః ।
ధాతా విధాతా వరుణో మిత్రః శత్రు ఉరుక్రమః ॥ ౩౯ ॥
ధాతా విధాతా వరుణో మిత్రః శత్రు ఉరుక్రమః ॥ ౩౯ ॥
వివస్వతః శ్రాద్ధదేవం సంజ్ఞాసూయత వై మనుమ్ ।
మిథునం చ మహాభాగా యమం దేవం యమీం తథా ।
సైవ భూత్వాథ వడవా నాసత్యౌ సుషువే భువి ॥ ౪౦ ॥
మిథునం చ మహాభాగా యమం దేవం యమీం తథా ।
సైవ భూత్వాథ వడవా నాసత్యౌ సుషువే భువి ॥ ౪౦ ॥
ఛాయా శనైశ్చరం లేభే సావర్ణిం చ మనుం తతః ।
కన్యాం చ తపతీం యా వై వవ్రే సంవరణం పతిమ్ ॥ ౪౧ ॥
కన్యాం చ తపతీం యా వై వవ్రే సంవరణం పతిమ్ ॥ ౪౧ ॥
అర్యమ్ణో మాతృకా పత్నీ తయోశ్చర్షణయః సుతాః ।
యత్ర వై మానుషీ జాతిర్బ్రహ్మణా చోపకల్పితా ॥ ౪౨ ॥
యత్ర వై మానుషీ జాతిర్బ్రహ్మణా చోపకల్పితా ॥ ౪౨ ॥
పూషానపత్యః పిష్టాదో భగ్నదన్తోఽభవత్పురా ।
యోఽసౌ దక్షాయ కుపితం జహాస వివృతద్విజః ॥ ౪౩ ॥
యోఽసౌ దక్షాయ కుపితం జహాస వివృతద్విజః ॥ ౪౩ ॥
త్వష్టుర్దైత్యాత్మజా భార్యా రచనా నామ కన్యకా ।
సన్నివేశస్తయోర్జజ్ఞే విశ్వరూపశ్చ వీర్యవాన్ ॥ ౪౪ ॥
సన్నివేశస్తయోర్జజ్ఞే విశ్వరూపశ్చ వీర్యవాన్ ॥ ౪౪ ॥
తం వవ్రిరే సురగణా స్వస్రీయం ద్విషతామపి ।
విమతేన పరిత్యక్తా గురుణాఙ్గిరసేన యత్ ॥ ౪౫ ॥
విమతేన పరిత్యక్తా గురుణాఙ్గిరసేన యత్ ॥ ౪౫ ॥