শ্ৰীনাৰদ উৱাচ
এৱং ৱৃতঃ শতধৃতিৰ্হিৰণ্যকশিপোৰথ ।
প্ৰাদাত্তত্তপসা প্ৰীতো ৱৰাংস্তস্য সুদুৰ্লভান্ ॥ ১ ॥
এৱং ৱৃতঃ শতধৃতিৰ্হিৰণ্যকশিপোৰথ ।
প্ৰাদাত্তত্তপসা প্ৰীতো ৱৰাংস্তস্য সুদুৰ্লভান্ ॥ ১ ॥
শ্ৰীব্ৰহ্মোৱাচ
তাতেমে দুৰ্লভাঃ পুংসাং যান্ ৱৃণীষে ৱৰান্ মম ।
তথাপি ৱিতৰাম্যঙ্গ ৱৰান্ যদ্যপি দুৰ্লভান্ ॥ ২ ॥
তাতেমে দুৰ্লভাঃ পুংসাং যান্ ৱৃণীষে ৱৰান্ মম ।
তথাপি ৱিতৰাম্যঙ্গ ৱৰান্ যদ্যপি দুৰ্লভান্ ॥ ২ ॥
ততো জগাম ভগৱানমোঘানুগ্ৰহো ৱিভুঃ ।
পূজিতোঽসুৰৱৰ্যেণ স্তূযমানঃ প্ৰজেশ্ৱৰৈঃ ॥ ৩ ॥
পূজিতোঽসুৰৱৰ্যেণ স্তূযমানঃ প্ৰজেশ্ৱৰৈঃ ॥ ৩ ॥
এৱং লব্ধৱৰো দৈত্যো বিভ্ৰদ্ধেমমযং ৱপুঃ ।
ভগৱত্যকৰোদ্ দ্ৱেষং ভ্ৰাতুৰ্ৱধমনুস্মৰন্ ॥ ৪ ॥
ভগৱত্যকৰোদ্ দ্ৱেষং ভ্ৰাতুৰ্ৱধমনুস্মৰন্ ॥ ৪ ॥
স ৱিজিত্য দিশঃ সৰ্ৱা লোকাংশ্চ ত্ৰীন্ মহাসুৰঃ ।
দেৱাসুৰমনুষ্যেন্দ্ৰগন্ধৰ্ৱগৰুডোৰগান্ ॥ ৫ ॥
দেৱাসুৰমনুষ্যেন্দ্ৰগন্ধৰ্ৱগৰুডোৰগান্ ॥ ৫ ॥
সিদ্ধচাৰণৱিদ্যাধ্ৰানৃষীন্ পিতৃপতীন্মনূন্ ।
যক্ষৰক্ষঃপিশাচেশান্ প্ৰেতভূতপতীনপি ॥ ৬ ॥
যক্ষৰক্ষঃপিশাচেশান্ প্ৰেতভূতপতীনপি ॥ ৬ ॥
সৰ্ৱসত্ত্ৱপতীঞ্জিত্ৱা ৱশমানীয ৱিশ্ৱজিত্ ।
জহাৰ লোকপালানাং স্থানানি সহ তেজসা ॥ ৭ ॥
জহাৰ লোকপালানাং স্থানানি সহ তেজসা ॥ ৭ ॥
দেৱোদ্যানশ্ৰিযা জুষ্টমধ্যাস্তে স্ম ত্ৰিপিষ্টপম্ ।
মহেন্দ্ৰভৱনং সাক্ষান্নিৰ্মিতং ৱিশ্ৱকৰ্মণা ।
ত্ৰৈলোক্যলক্ষ্ম্যাযতনমধ্যুৱাসাখিলৰ্দ্ধিমত্ ॥ ৮ ॥
মহেন্দ্ৰভৱনং সাক্ষান্নিৰ্মিতং ৱিশ্ৱকৰ্মণা ।
ত্ৰৈলোক্যলক্ষ্ম্যাযতনমধ্যুৱাসাখিলৰ্দ্ধিমত্ ॥ ৮ ॥
যত্ৰ ৱিদ্ৰুমসোপানা মহামাৰকতা ভুৱঃ ।
যত্ৰ স্ফাটিককুড্যানি ৱৈদূৰ্যস্তম্ভপঙ্ক্তযঃ ॥ ৯ ॥
যত্ৰ স্ফাটিককুড্যানি ৱৈদূৰ্যস্তম্ভপঙ্ক্তযঃ ॥ ৯ ॥
যত্ৰ চিত্ৰৱিতানানি পদ্মৰাগাসনানি চ ।
পযঃফেননিভাঃ শয্যা মুক্তাদামপৰিচ্ছদাঃ ॥ ১০ ॥
পযঃফেননিভাঃ শয্যা মুক্তাদামপৰিচ্ছদাঃ ॥ ১০ ॥
কূজদ্ভিৰ্নূপুৰৈৰ্দেৱ্যঃ শব্দযন্ত্য ইতস্ততঃ ।
ৰত্নস্থলীষু পশ্যন্তি সুদতীঃ সুন্দৰং মুখম্ ॥ ১১ ॥
ৰত্নস্থলীষু পশ্যন্তি সুদতীঃ সুন্দৰং মুখম্ ॥ ১১ ॥
তস্মিন্মহেন্দ্ৰভৱনে মহাবলো
মহামনা নিৰ্জিতলোক একৰাট্ ।
ৰেমেঽভিৱন্দ্যাঙ্ঘ্ৰিযুগঃ সুৰাদিভিঃ
প্ৰতাপিতৈৰূৰ্জিতচণ্ডশাসনঃ ॥ ১২ ॥
মহামনা নিৰ্জিতলোক একৰাট্ ।
ৰেমেঽভিৱন্দ্যাঙ্ঘ্ৰিযুগঃ সুৰাদিভিঃ
প্ৰতাপিতৈৰূৰ্জিতচণ্ডশাসনঃ ॥ ১২ ॥
তমঙ্গ মত্তং মধুনোৰুগন্ধিনা
ৱিৱৃত্ততাম্ৰাক্ষমশেষধিষ্ণ্যপাঃ ।
উপাসতোপাযনপাণিভিৰ্ৱিনা
ত্ৰিভিস্তপোযোগবলৌজসাং পদম্ ॥ ১৩ ॥
ৱিৱৃত্ততাম্ৰাক্ষমশেষধিষ্ণ্যপাঃ ।
উপাসতোপাযনপাণিভিৰ্ৱিনা
ত্ৰিভিস্তপোযোগবলৌজসাং পদম্ ॥ ১৩ ॥
জগুৰ্মহেন্দ্ৰাসনমোজসা স্থিতং
ৱিশ্ৱাৱসুস্তুম্বুৰুৰস্মদাদযঃ ।
গন্ধৰ্ৱসিদ্ধা ঋষযোঽস্তুৱন্মুহু-
ৰ্ৱিদ্যাধৰাশ্চাপ্সৰসশ্চ পাণ্ডৱ ॥ ১৪ ॥
ৱিশ্ৱাৱসুস্তুম্বুৰুৰস্মদাদযঃ ।
গন্ধৰ্ৱসিদ্ধা ঋষযোঽস্তুৱন্মুহু-
ৰ্ৱিদ্যাধৰাশ্চাপ্সৰসশ্চ পাণ্ডৱ ॥ ১৪ ॥
স এৱ ৱৰ্ণাশ্ৰমিভিঃ ক্ৰতুভিৰ্ভূৰিদক্ষিণৈঃ ।
ইজ্যমানো হৱিৰ্ভাগানগ্ৰহীত্ স্ৱেন তেজসা ॥ ১৫ ॥
ইজ্যমানো হৱিৰ্ভাগানগ্ৰহীত্ স্ৱেন তেজসা ॥ ১৫ ॥
অকৃষ্টপচ্যা তস্যাসীত্ সপ্তদ্ৱীপৱতী মহী ।
তথা কামদুঘা গাৱো নানাশ্চৰ্যপদং নভঃ ॥ ১৬ ॥
তথা কামদুঘা গাৱো নানাশ্চৰ্যপদং নভঃ ॥ ১৬ ॥
ৰত্নাকৰাশ্চ ৰত্নৌঘাংস্তত্পত্ন্যশ্চোহুৰূৰ্মিভিঃ ।
ক্ষাৰসীধুঘৃতক্ষৌদ্ৰদধিক্ষীৰামৃতোদকাঃ ॥ ১৭ ॥
ক্ষাৰসীধুঘৃতক্ষৌদ্ৰদধিক্ষীৰামৃতোদকাঃ ॥ ১৭ ॥
শৈলা দ্ৰোণীভিৰাক্ৰীডং সৰ্ৱৰ্তুষু গুণান্ দ্ৰুমাঃ ।
দধাৰ লোকপালানামেক এৱ পৃথগ্গুণান্ ॥ ১৮ ॥
দধাৰ লোকপালানামেক এৱ পৃথগ্গুণান্ ॥ ১৮ ॥
স ইত্থং নিৰ্জিতককুবেকৰাড্ ৱিষযান্ প্ৰিযান্ ।
যথোপজোষং ভুঞ্জানো নাতৃপ্যদজিতেন্দ্ৰিযঃ ॥ ১৯ ॥
যথোপজোষং ভুঞ্জানো নাতৃপ্যদজিতেন্দ্ৰিযঃ ॥ ১৯ ॥
এৱমৈশ্ৱৰ্যমত্তস্য দৃপ্তস্যোচ্ছাস্ত্ৰৱৰ্তিনঃ ।
কালো মহান্ ৱ্যতীযায ব্ৰহ্মশাপমুপেযুষঃ ॥ ২০ ॥
কালো মহান্ ৱ্যতীযায ব্ৰহ্মশাপমুপেযুষঃ ॥ ২০ ॥
তস্যোগ্ৰদণ্ডসংৱিগ্নাঃ সৰ্ৱে লোকাঃ সপালকাঃ ।
অন্যত্ৰালব্ধশৰণাঃ শৰণং যযুৰচ্যুতম্ ॥ ২১ ॥
অন্যত্ৰালব্ধশৰণাঃ শৰণং যযুৰচ্যুতম্ ॥ ২১ ॥
তস্যৈ নমোঽস্তু কাষ্ঠাযৈ যত্ৰাত্মা হৰিৰীশ্ৱৰঃ ।
যদ্গত্ৱা ন নিৱৰ্তন্তে শান্তাঃ সংন্যাসিনোঽমলাঃ ॥ ২২ ॥
যদ্গত্ৱা ন নিৱৰ্তন্তে শান্তাঃ সংন্যাসিনোঽমলাঃ ॥ ২২ ॥
ইতি তে সংযতাত্মানঃ সমাহিতধিযোঽমলাঃ ।
উপতস্থুৰ্হৃষীকেশং ৱিনিদ্ৰা ৱাযুভোজনাঃ ॥ ২৩ ॥
উপতস্থুৰ্হৃষীকেশং ৱিনিদ্ৰা ৱাযুভোজনাঃ ॥ ২৩ ॥
তেষামাৱিৰভূদ্ৱাণী অৰূপা মেঘনিঃস্ৱনা ।
সন্নাদযন্তী ককুভঃ সাধূনামভযঙ্কৰী ॥ ২৪ ॥
সন্নাদযন্তী ককুভঃ সাধূনামভযঙ্কৰী ॥ ২৪ ॥
মা ভৈষ্ট ৱিবুধশ্ৰেষ্ঠাঃ সৰ্ৱেষাং ভদ্ৰমস্তু ৱঃ ।
মদ্দৰ্শনং হি ভূতানাং সৰ্ৱশ্ৰেযোপপত্তযে ॥ ২৫ ॥
মদ্দৰ্শনং হি ভূতানাং সৰ্ৱশ্ৰেযোপপত্তযে ॥ ২৫ ॥
জ্ঞাতমেতস্য দৌৰাত্ম্যং দৈতেযাপসদস্য যত্ ।
তস্য শান্তিং কৰিষ্যামি কালং তাৱত্প্ৰতীক্ষত ॥ ২৬ ॥
তস্য শান্তিং কৰিষ্যামি কালং তাৱত্প্ৰতীক্ষত ॥ ২৬ ॥
যদা দেৱেষু ৱেদেষু গোষু ৱিপ্ৰেষু সাধুষু ।
ধৰ্মে মযি চ ৱিদ্ৱেষঃ স ৱা আশু ৱিনশ্যতি ॥ ২৭ ॥
ধৰ্মে মযি চ ৱিদ্ৱেষঃ স ৱা আশু ৱিনশ্যতি ॥ ২৭ ॥
নিৰ্ৱৈৰায প্ৰশান্তায স্ৱসুতায মহাত্মনে ।
প্ৰহ্ৰাদায যদা দ্ৰুহ্যেদ্ধনিষ্যেঽপি ৱৰোৰ্জিতম্ ॥ ২৮ ॥
প্ৰহ্ৰাদায যদা দ্ৰুহ্যেদ্ধনিষ্যেঽপি ৱৰোৰ্জিতম্ ॥ ২৮ ॥
শ্ৰীনাৰদ উৱাচ
ইত্যুক্তা লোকগুৰুণা তং প্ৰণম্য দিৱৌকসঃ ।
ন্যৱৰ্তন্ত গতোদ্ৱেগা মেনিৰে চাসুৰং হতম্ ॥ ২৯ ॥
ইত্যুক্তা লোকগুৰুণা তং প্ৰণম্য দিৱৌকসঃ ।
ন্যৱৰ্তন্ত গতোদ্ৱেগা মেনিৰে চাসুৰং হতম্ ॥ ২৯ ॥
তস্য দৈত্যপতেঃ পুত্ৰাশ্চত্ৱাৰঃ পৰমাদ্ভুতাঃ ।
প্ৰহ্ৰাদোঽভূন্মহাংস্তেষাং গুণৈৰ্মহদুপাসকঃ ॥ ৩০ ॥
প্ৰহ্ৰাদোঽভূন্মহাংস্তেষাং গুণৈৰ্মহদুপাসকঃ ॥ ৩০ ॥
ব্ৰহ্মণ্যঃ শীলসম্পন্নঃ সত্যসন্ধো জিতেন্দ্ৰিযঃ ।
আত্মৱত্সৰ্ৱভূতানামেকপ্ৰিযসুহৃত্তমঃ ।
দাসৱত্সন্নতাৰ্যাঙ্ঘ্ৰিঃ পিতৃৱদ্দীনৱত্সলঃ ॥ ৩১ ॥
আত্মৱত্সৰ্ৱভূতানামেকপ্ৰিযসুহৃত্তমঃ ।
দাসৱত্সন্নতাৰ্যাঙ্ঘ্ৰিঃ পিতৃৱদ্দীনৱত্সলঃ ॥ ৩১ ॥
ভ্ৰাতৃৱত্সদৃশে স্নিগ্ধো গুৰুষ্ৱীশ্ৱৰভাৱনঃ ।
ৱিদ্যাৰ্থৰূপজন্মাঢ্যো মানস্তম্ভৱিৱৰ্জিতঃ ॥ ৩২ ॥
ৱিদ্যাৰ্থৰূপজন্মাঢ্যো মানস্তম্ভৱিৱৰ্জিতঃ ॥ ৩২ ॥
নোদ্ৱিগ্নচিত্তো ৱ্যসনেষু নিঃস্পৃহঃ
শ্ৰুতেষু দৃষ্টেষু গুণেষ্ৱৱস্তুদৃক্ ।
দান্তেন্দ্ৰিযপ্ৰাণশৰীৰধীঃ সদা
প্ৰশান্তকামো ৰহিতাসুৰোঽসুৰঃ ॥ ৩৩ ॥
শ্ৰুতেষু দৃষ্টেষু গুণেষ্ৱৱস্তুদৃক্ ।
দান্তেন্দ্ৰিযপ্ৰাণশৰীৰধীঃ সদা
প্ৰশান্তকামো ৰহিতাসুৰোঽসুৰঃ ॥ ৩৩ ॥
যস্মিন্মহদ্গুণা ৰাজন্গৃহ্যন্তে কৱিভিৰ্মুহুঃ ।
ন তেঽধুনা পিধীযন্তে যথা ভগৱতীশ্ৱৰে ॥ ৩৪ ॥
ন তেঽধুনা পিধীযন্তে যথা ভগৱতীশ্ৱৰে ॥ ৩৪ ॥
যং সাধুগাথাসদসি ৰিপৱোঽপি সুৰা নৃপ ।
প্ৰতিমানং প্ৰকুৰ্ৱন্তি কিমুতান্যে ভৱাদৃশাঃ ॥ ৩৫ ॥
প্ৰতিমানং প্ৰকুৰ্ৱন্তি কিমুতান্যে ভৱাদৃশাঃ ॥ ৩৫ ॥
গুণৈৰলমসঙ্খ্যেযৈৰ্মাহাত্ম্যং তস্য সূচ্যতে ।
ৱাসুদেৱে ভগৱতি যস্য নৈসৰ্গিকী ৰতিঃ ॥ ৩৬ ॥
ৱাসুদেৱে ভগৱতি যস্য নৈসৰ্গিকী ৰতিঃ ॥ ৩৬ ॥
ন্যস্তক্ৰীডনকো বালো জডৱত্তন্মনস্তযা ।
কৃষ্ণগ্ৰহগৃহীতাত্মা ন ৱেদ জগদীদৃশম্ ॥ ৩৭ ॥
কৃষ্ণগ্ৰহগৃহীতাত্মা ন ৱেদ জগদীদৃশম্ ॥ ৩৭ ॥
আসীনঃ পৰ্যটন্নশ্নন্ শযানঃ প্ৰপিবন্ ব্ৰুৱন্ ।
নানুসন্ধত্ত এতানি গোৱিন্দপৰিৰম্ভিতঃ ॥ ৩৮ ॥
নানুসন্ধত্ত এতানি গোৱিন্দপৰিৰম্ভিতঃ ॥ ৩৮ ॥
ক্ৱচিদ্ৰুদতি ৱৈকুণ্ঠচিন্তাশবলচেতনঃ ।
ক্ৱচিদ্ধসতি তচ্চিন্তাহ্লাদ উদ্গাযতি ক্ৱচিত্ ॥ ৩৯ ॥
ক্ৱচিদ্ধসতি তচ্চিন্তাহ্লাদ উদ্গাযতি ক্ৱচিত্ ॥ ৩৯ ॥
নদতি ক্ৱচিদুত্কণ্ঠো ৱিলজ্জো নৃত্যতি ক্ৱচিত্ ।
ক্ৱচিত্তদ্ভাৱনাযুক্তস্তন্মযোঽনুচকাৰ হ ॥ ৪০ ॥
ক্ৱচিত্তদ্ভাৱনাযুক্তস্তন্মযোঽনুচকাৰ হ ॥ ৪০ ॥
ক্ৱচিদুত্পুলকস্তূষ্ণীমাস্তে সংস্পৰ্শনিৰ্ৱৃতঃ ।
অস্পন্দপ্ৰণযানন্দসলিলামীলিতেক্ষণঃ ॥ ৪১ ॥
অস্পন্দপ্ৰণযানন্দসলিলামীলিতেক্ষণঃ ॥ ৪১ ॥
স উত্তমশ্লোকপদাৰৱিন্দযো-
ৰ্নিষেৱযাকিঞ্চনসঙ্গলব্ধযা ।
তন্ৱন্ পৰাং নিৰ্ৱৃতিমাত্মনো মুহু-
ৰ্দুঃসঙ্গদীনস্য মনঃ শমং ৱ্যধাত্ ॥ ৪২ ॥
ৰ্নিষেৱযাকিঞ্চনসঙ্গলব্ধযা ।
তন্ৱন্ পৰাং নিৰ্ৱৃতিমাত্মনো মুহু-
ৰ্দুঃসঙ্গদীনস্য মনঃ শমং ৱ্যধাত্ ॥ ৪২ ॥
তস্মিন্মহাভাগৱতে মহাভাগে মহাত্মনি ।
হিৰণ্যকশিপূ ৰাজন্নকৰোদঘমাত্মজে ॥ ৪৩ ॥
হিৰণ্যকশিপূ ৰাজন্নকৰোদঘমাত্মজে ॥ ৪৩ ॥
শ্ৰীযুধিষ্ঠিৰ উৱাচ
দেৱৰ্ষ এতদিচ্ছামো ৱেদিতুং তৱ সুৱ্ৰত ।
যদাত্মজায শুদ্ধায পিতাদাত্ সাধৱে হ্যঘম্ ॥ ৪৪ ॥
দেৱৰ্ষ এতদিচ্ছামো ৱেদিতুং তৱ সুৱ্ৰত ।
যদাত্মজায শুদ্ধায পিতাদাত্ সাধৱে হ্যঘম্ ॥ ৪৪ ॥
পুত্ৰান্ ৱিপ্ৰতিকূলান্ স্ৱান্ পিতৰঃ পুত্ৰৱত্সলাঃ ।
উপালভন্তে শিক্ষাৰ্থং নৈৱাঘমপৰো যথা ॥ ৪৫ ॥
উপালভন্তে শিক্ষাৰ্থং নৈৱাঘমপৰো যথা ॥ ৪৫ ॥
কিমুতানুৱশান্ সাধূংস্তাদৃশান্ গুৰুদেৱতান্ ।
এতত্কৌতূহলং ব্ৰহ্মন্নস্মাকং ৱিধম প্ৰভো ।
পিতুঃ পুত্ৰায যদ্দ্ৱেষো মৰণায প্ৰযোজিতঃ ॥ ৪৬ ॥
এতত্কৌতূহলং ব্ৰহ্মন্নস্মাকং ৱিধম প্ৰভো ।
পিতুঃ পুত্ৰায যদ্দ্ৱেষো মৰণায প্ৰযোজিতঃ ॥ ৪৬ ॥