শ্রীনারদ উবাচ
এবং দৈত্যসুতৈঃ পৃষ্টো মহাভাগবতোঽসুরঃ ।
উবাচতান্স্মযমানঃ স্মরন্ মদনুভাষিতম্ ॥ ১ ॥
এবং দৈত্যসুতৈঃ পৃষ্টো মহাভাগবতোঽসুরঃ ।
উবাচতান্স্মযমানঃ স্মরন্ মদনুভাষিতম্ ॥ ১ ॥
শ্রীপ্রহ্রাদ উবাচ
পিতরি প্রস্থিতেঽস্মাকং তপসে মন্দরাচলম্ ।
যুদ্ধোদ্যমং পরং চক্রুর্বিবুধা দানবান্প্রতি ॥ ২ ॥ H
পিতরি প্রস্থিতেঽস্মাকং তপসে মন্দরাচলম্ ।
যুদ্ধোদ্যমং পরং চক্রুর্বিবুধা দানবান্প্রতি ॥ ২ ॥ H
পিপীলিকৈরহিরিব দিষ্টযা লোকোপতাপনঃ ।
পাপেন পাপোঽভক্ষীতি বদন্তো বাসবাদযঃ ॥ ৩ ॥
পাপেন পাপোঽভক্ষীতি বদন্তো বাসবাদযঃ ॥ ৩ ॥
তেষামতিবলোদ্যোগং নিশম্যাসুরযূথপাঃ ।
বধ্যমানাঃ সুরৈর্ভীতা দুদ্রুবুঃ সর্বতো দিশম্ ॥ ৪ ॥
বধ্যমানাঃ সুরৈর্ভীতা দুদ্রুবুঃ সর্বতো দিশম্ ॥ ৪ ॥
কলত্রপুত্রবিত্তাপ্তান্গৃহান্পশুপরিচ্ছদান্ ।
নাবেক্ষ্যমাণাস্ত্বরিতাঃ সর্বে প্রাণপরীপ্সবঃ ॥ ৫ ॥
নাবেক্ষ্যমাণাস্ত্বরিতাঃ সর্বে প্রাণপরীপ্সবঃ ॥ ৫ ॥
ব্যলুম্পন্ রাজশিবিরমমরা জযকাঙ্ক্ষিণঃ ।
ইন্দ্রস্তু রাজমহিষীং মাতরং মম চাগ্রহীত্ ॥ ৬ ॥
ইন্দ্রস্তু রাজমহিষীং মাতরং মম চাগ্রহীত্ ॥ ৬ ॥
নীযমানাং ভযোদ্বিগ্নাং রুদতীং কুররীমিব ।
যদৃচ্ছযাগতস্তত্র দেবর্ষির্দদৃশে পথি ॥ ৭ ॥
যদৃচ্ছযাগতস্তত্র দেবর্ষির্দদৃশে পথি ॥ ৭ ॥
প্রাহ নৈনাং সুরপতে নেতুমর্হস্যনাগসম্ ।
মুঞ্চ মুঞ্চ মহাভাগ সতীং পরপরিগ্রহম্ ॥ ৮ ॥
মুঞ্চ মুঞ্চ মহাভাগ সতীং পরপরিগ্রহম্ ॥ ৮ ॥
শ্রীইন্দ্র উবাচ
আস্তেঽস্যা জঠরে বীর্যমবিষহ্যং সুরদ্বিষঃ ।
আস্যতাং যাবত্প্রসবং মোক্ষ্যেঽর্থপদবীং গতঃ ॥ ৯ ॥
আস্তেঽস্যা জঠরে বীর্যমবিষহ্যং সুরদ্বিষঃ ।
আস্যতাং যাবত্প্রসবং মোক্ষ্যেঽর্থপদবীং গতঃ ॥ ৯ ॥
শ্রীনারদ উবাচ
অযং নিষ্কিল্বিষঃ সাক্ষান্মহাভাগবতো মহান্ ।
ত্বযা ন প্রাপ্স্যতে সংস্থামনন্তানুচরো বলী ॥ ১০ ॥
অযং নিষ্কিল্বিষঃ সাক্ষান্মহাভাগবতো মহান্ ।
ত্বযা ন প্রাপ্স্যতে সংস্থামনন্তানুচরো বলী ॥ ১০ ॥
ইত্যুক্তস্তাং বিহাযেন্দ্রো দেবর্ষের্মানযন্বচঃ ।
অনন্তপ্রিযভক্ত্যৈনাং পরিক্রম্য দিবং যযৌ ॥ ১১ ॥
অনন্তপ্রিযভক্ত্যৈনাং পরিক্রম্য দিবং যযৌ ॥ ১১ ॥
ততো মে মাতরমৃষিঃ সমানীয নিজাশ্রমে ।
আশ্বাস্যেহোষ্যতাং বত্সে যাবত্তে ভর্তুরাগমঃ ॥ ১২ ॥
আশ্বাস্যেহোষ্যতাং বত্সে যাবত্তে ভর্তুরাগমঃ ॥ ১২ ॥
তথেত্যবাত্সীদ্দেবর্ষেরন্তিকে সাকুতোভযা ।
যাবদ্দৈত্যপতির্ঘোরাত্তপসো ন ন্যবর্তত ॥ ১৩ ॥
যাবদ্দৈত্যপতির্ঘোরাত্তপসো ন ন্যবর্তত ॥ ১৩ ॥
ঋষিং পর্যচরত্তত্র ভক্ত্যা পরমযা সতী ।
অন্তর্বত্নী স্বগর্ভস্য ক্ষেমাযেচ্ছাপ্রসূতযে ॥ ১৪ ॥
অন্তর্বত্নী স্বগর্ভস্য ক্ষেমাযেচ্ছাপ্রসূতযে ॥ ১৪ ॥
ঋষিঃ কারুণিকস্তস্যাঃ প্রাদাদুভযমীশ্বরঃ ।
ধর্মস্য তত্ত্বং জ্ঞানং চ মামপ্যুদ্দিশ্য নির্মলম্ ॥ ১৫ ॥
ধর্মস্য তত্ত্বং জ্ঞানং চ মামপ্যুদ্দিশ্য নির্মলম্ ॥ ১৫ ॥
তত্তু কালস্য দীর্ঘত্বাত্ স্ত্রীত্বান্মাতুস্তিরোদধে ।
ঋষিণানুগৃহীতং মাং নাধুনাপ্যজহাত্স্মৃতিঃ ॥ ১৬ ॥
ঋষিণানুগৃহীতং মাং নাধুনাপ্যজহাত্স্মৃতিঃ ॥ ১৬ ॥
ভবতামপি ভূযান্মে যদি শ্রদ্দধতে বচঃ ।
বৈশারদী ধীঃ শ্রদ্ধাতঃ স্ত্রীবালানাং চ মে যথা ॥ ১৭ ॥
বৈশারদী ধীঃ শ্রদ্ধাতঃ স্ত্রীবালানাং চ মে যথা ॥ ১৭ ॥
জন্মাদ্যাঃ ষডিমে ভাবা দৃষ্টা দেহস্য নাত্মনঃ ।
ফলানামিব বৃক্ষস্য কালেনেশ্বরমূর্তিনা ॥ ১৮ ॥
ফলানামিব বৃক্ষস্য কালেনেশ্বরমূর্তিনা ॥ ১৮ ॥
আত্মা নিত্যোঽব্যযঃ শুদ্ধ একঃ ক্ষেত্রজ্ঞ আশ্রযঃ ।
অবিক্রিযঃ স্বদৃগ্ হেতুর্ব্যাপকোঽসঙ্গ্যনাবৃতঃ ॥ ১৯ ॥
অবিক্রিযঃ স্বদৃগ্ হেতুর্ব্যাপকোঽসঙ্গ্যনাবৃতঃ ॥ ১৯ ॥
এতৈর্দ্বাদশভির্বিদ্বানাত্মনো লক্ষণৈঃ পরৈঃ ।
অহং মমেত্যসদ্ভাবং দেহাদৌ মোহজং ত্যজেত্ ॥ ২০ ॥
অহং মমেত্যসদ্ভাবং দেহাদৌ মোহজং ত্যজেত্ ॥ ২০ ॥
স্বর্ণং যথা গ্রাবসু হেমকারঃ
ক্ষেত্রেষু যোগৈস্তদভিজ্ঞ আপ্নুযাত্ ।
ক্ষেত্রেষু দেহেষু তথাত্মযোগৈ-
রধ্যাত্মবিদ্ ব্রহ্মগতিং লভেত ॥ ২১ ॥
ক্ষেত্রেষু যোগৈস্তদভিজ্ঞ আপ্নুযাত্ ।
ক্ষেত্রেষু দেহেষু তথাত্মযোগৈ-
রধ্যাত্মবিদ্ ব্রহ্মগতিং লভেত ॥ ২১ ॥
অষ্টৌ প্রকৃতযঃ প্রোক্তাস্ত্রয এব হি তদ্গুণাঃ ।
বিকারাঃ ষোডশাচার্যৈঃ পুমানেকঃ সমন্বযাত্ ॥ ২২ ॥
বিকারাঃ ষোডশাচার্যৈঃ পুমানেকঃ সমন্বযাত্ ॥ ২২ ॥
দেহস্তু সর্বসঙ্ঘাতো জগত্তস্থুরিতি দ্বিধা ।
অত্রৈব মৃগ্যঃ পুরুষো নেতি নেতীত্যতত্ত্যজন্ ॥ ২৩ ॥
অত্রৈব মৃগ্যঃ পুরুষো নেতি নেতীত্যতত্ত্যজন্ ॥ ২৩ ॥
অন্বযব্যতিরেকেণ বিবেকেনোশতাত্মনা ।
স্বর্গস্থানসমাম্নাযৈর্বিমৃশদ্ভিরসত্বরৈঃ ॥ ২৪ ॥
স্বর্গস্থানসমাম্নাযৈর্বিমৃশদ্ভিরসত্বরৈঃ ॥ ২৪ ॥
বুদ্ধের্জাগরণং স্বপ্নঃ সুষুপ্তিরিতি বৃত্তযঃ ।
তা যেনৈবানুভূযন্তে সোঽধ্যক্ষঃ পুরুষঃ পরঃ ॥ ২৫ ॥
তা যেনৈবানুভূযন্তে সোঽধ্যক্ষঃ পুরুষঃ পরঃ ॥ ২৫ ॥
এভিস্ত্রিবর্ণৈঃ পর্যস্তৈর্বুদ্ধিভেদৈঃ ক্রিযোদ্ভবৈঃ ।
স্বরূপমাত্মনো বুধ্যেদ্ গন্ধৈর্বাযুমিবান্বযাত্ ॥ ২৬ ॥
স্বরূপমাত্মনো বুধ্যেদ্ গন্ধৈর্বাযুমিবান্বযাত্ ॥ ২৬ ॥
এতদ্দ্বারো হি সংসারো গুণকর্মনিবন্ধনঃ ।
অজ্ঞানমূলোঽপার্থোঽপি পুংসঃ স্বপ্ন ইবার্প্যতে ॥ ২৭ ॥
অজ্ঞানমূলোঽপার্থোঽপি পুংসঃ স্বপ্ন ইবার্প্যতে ॥ ২৭ ॥
তস্মাদ্ভবদ্ভিঃ কর্তব্যং কর্মণাং ত্রিগুণাত্মনাম্ ।
বীজনির্হরণং যোগঃ প্রবাহোপরমো ধিযঃ ॥ ২৮ ॥
বীজনির্হরণং যোগঃ প্রবাহোপরমো ধিযঃ ॥ ২৮ ॥
তত্রোপাযসহস্রাণামযং ভগবতোদিতঃ ।
যদীশ্বরে ভগবতি যথা যৈরঞ্জসা রতিঃ ॥ ২৯ ॥
যদীশ্বরে ভগবতি যথা যৈরঞ্জসা রতিঃ ॥ ২৯ ॥
গুরুশুশ্রূষযা ভক্ত্যা সর্বলব্ধার্পণেন চ ।
সঙ্গেন সাধুভক্তানামীশ্বরারাধনেন চ ॥ ৩০ ॥
সঙ্গেন সাধুভক্তানামীশ্বরারাধনেন চ ॥ ৩০ ॥
শ্রদ্ধযা তত্কথাযাং চ কীর্তনৈর্গুণকর্মণাম্ ।
তত্পাদাম্বুরুহধ্যানাত তল্লিঙ্গেক্ষার্হণাদিভিঃ ॥ ৩১ ॥
তত্পাদাম্বুরুহধ্যানাত তল্লিঙ্গেক্ষার্হণাদিভিঃ ॥ ৩১ ॥
হরিঃ সর্বেষু ভূতেষু ভগবানাস্ত ঈশ্বরঃ ।
ইতি ভূতানি মনসা কামৈস্তৈঃ সাধু মানযেত্ ॥ ৩২ ॥
ইতি ভূতানি মনসা কামৈস্তৈঃ সাধু মানযেত্ ॥ ৩২ ॥
এবং নির্জিতষড্বর্গৈঃ ক্রিযতে ভক্তিরীশ্বরে ।
বাসুদেবে ভগবতি যযা সংলভ্যতে রতিঃ ॥ ৩৩ ॥
বাসুদেবে ভগবতি যযা সংলভ্যতে রতিঃ ॥ ৩৩ ॥
নিশম্য কর্মাণি গুণানতুল্যান্
বীর্যাণি লীলাতনুভিঃ কৃতানি ।
যদাতিহর্ষোত্পুলকাশ্রুগদ্গদং
প্রোত্কণ্ঠ উদ্গাযতি রৌতি নৃত্যতি ॥ ৩৪ ॥
বীর্যাণি লীলাতনুভিঃ কৃতানি ।
যদাতিহর্ষোত্পুলকাশ্রুগদ্গদং
প্রোত্কণ্ঠ উদ্গাযতি রৌতি নৃত্যতি ॥ ৩৪ ॥
যদা গ্রহগ্রস্ত ইব ক্বচিদ্ধস-
ত্যাক্রন্দতে ধ্যাযতি বন্দতে জনম্ ।
মুহুঃ শ্বসন্বক্তি হরে জগত্পতে
নারাযণেত্যাত্মমতির্গতত্রপঃ ॥ ৩৫ ॥
ত্যাক্রন্দতে ধ্যাযতি বন্দতে জনম্ ।
মুহুঃ শ্বসন্বক্তি হরে জগত্পতে
নারাযণেত্যাত্মমতির্গতত্রপঃ ॥ ৩৫ ॥
তদা পুমান্মুক্তসমস্তবন্ধন-
স্তদ্ভাবভাবানুকৃতাশযাকৃতিঃ ।
নির্দগ্ধবীজানুশযো মহীযসা
ভক্তিপ্রযোগেণ সমেত্যধোক্ষজম্ ॥ ৩৬ ॥
স্তদ্ভাবভাবানুকৃতাশযাকৃতিঃ ।
নির্দগ্ধবীজানুশযো মহীযসা
ভক্তিপ্রযোগেণ সমেত্যধোক্ষজম্ ॥ ৩৬ ॥
অধোক্ষজালম্ভমিহাশুভাত্মনঃ
শরীরিণঃ সংসৃতিচক্রশাতনম্ ।
তদ্ ব্রহ্মনির্বাণসুখং বিদুর্বুধা-
স্ততো ভজধ্বং হৃদযে হৃদীশ্বরম্ ॥ ৩৭ ॥
শরীরিণঃ সংসৃতিচক্রশাতনম্ ।
তদ্ ব্রহ্মনির্বাণসুখং বিদুর্বুধা-
স্ততো ভজধ্বং হৃদযে হৃদীশ্বরম্ ॥ ৩৭ ॥
কোঽতিপ্রযাসোঽসুরবালকা হরে-
রুপাসনে স্বে হৃদি ছিদ্রবত্ সতঃ ।
স্বস্যাত্মনঃ সখ্যুরশেষদেহিনাং
সামান্যতঃ কিং বিষযোপপাদনৈঃ ॥ ৩৮ ॥
রুপাসনে স্বে হৃদি ছিদ্রবত্ সতঃ ।
স্বস্যাত্মনঃ সখ্যুরশেষদেহিনাং
সামান্যতঃ কিং বিষযোপপাদনৈঃ ॥ ৩৮ ॥
রাযঃ কলত্রং পশবঃ সুতাদযো
গৃহা মহী কুঞ্জরকোশভূতযঃ ।
সর্বেঽর্থকামাঃ ক্ষণভঙ্গুরাযুষঃ
কুর্বন্তি মর্ত্যস্য কিযত্ প্রিযং চলাঃ ॥ ৩৯ ॥
গৃহা মহী কুঞ্জরকোশভূতযঃ ।
সর্বেঽর্থকামাঃ ক্ষণভঙ্গুরাযুষঃ
কুর্বন্তি মর্ত্যস্য কিযত্ প্রিযং চলাঃ ॥ ৩৯ ॥
এবং হি লোকাঃ ক্রতুভিঃ কৃতা অমী
ক্ষযিষ্ণবঃ সাতিশযা ন নির্মলাঃ ।
তস্মাদদৃষ্টশ্রুতদূষণং পরং
ভক্ত্যোক্তযেশং ভজতাত্মলব্ধযে ॥ ৪০ ॥
ক্ষযিষ্ণবঃ সাতিশযা ন নির্মলাঃ ।
তস্মাদদৃষ্টশ্রুতদূষণং পরং
ভক্ত্যোক্তযেশং ভজতাত্মলব্ধযে ॥ ৪০ ॥
যদর্থ ইহ কর্মাণি বিদ্বন্মান্যসকৃন্নরঃ ।
করোত্যতো বিপর্যাসমমোঘং বিন্দতে ফলম্ ॥ ৪১ ॥
করোত্যতো বিপর্যাসমমোঘং বিন্দতে ফলম্ ॥ ৪১ ॥
সুখায দুঃখমোক্ষায সঙ্কল্প ইহ কর্মিণঃ ।
সদাপ্নোতীহযা দুঃখমনীহাযাঃ সুখাবৃতঃ ॥ ৪২ ॥
সদাপ্নোতীহযা দুঃখমনীহাযাঃ সুখাবৃতঃ ॥ ৪২ ॥
কামান্কামযতে কাম্যৈর্যদর্থমিহ পূরুষঃ ।
স বৈ দেহস্তু পারক্যো ভঙ্গুরো যাত্যুপৈতি চ ॥ ৪৩ ॥
স বৈ দেহস্তু পারক্যো ভঙ্গুরো যাত্যুপৈতি চ ॥ ৪৩ ॥
কিমু ব্যবহিতাপত্যদারাগারধনাদযঃ ।
রাজ্যকোশগজামাত্যভৃত্যাপ্তা মমতাস্পদাঃ ॥ ৪৪ ॥
রাজ্যকোশগজামাত্যভৃত্যাপ্তা মমতাস্পদাঃ ॥ ৪৪ ॥
কিমেতৈরাত্মনস্তুচ্ছৈঃ সহ দেহেন নশ্বরৈঃ ।
অনর্থৈরর্থসঙ্কাশৈর্নিত্যানন্দরসোদধেঃ ॥ ৪৫ ॥
অনর্থৈরর্থসঙ্কাশৈর্নিত্যানন্দরসোদধেঃ ॥ ৪৫ ॥
নিরূপ্যতামিহ স্বার্থঃ কিযান্দেহভৃতোঽসুরাঃ ।
নিষেকাদিষ্ববস্থাসু ক্লিশ্যমানস্য কর্মভিঃ ॥ ৪৬ ॥
নিষেকাদিষ্ববস্থাসু ক্লিশ্যমানস্য কর্মভিঃ ॥ ৪৬ ॥
কর্মাণ্যারভতে দেহী দেহেনাত্মানুবর্তিনা ।
কর্মভিস্তনুতে দেহমুভযং ত্ববিবেকতঃ ॥ ৪৭ ॥
কর্মভিস্তনুতে দেহমুভযং ত্ববিবেকতঃ ॥ ৪৭ ॥
তস্মাদর্থাশ্চ কামাশ্চ ধর্মাশ্চ যদপাশ্রযাঃ ।
ভজতানীহযাত্মানমনীহং হরিমীশ্বরম্ ॥ ৪৮ ॥
ভজতানীহযাত্মানমনীহং হরিমীশ্বরম্ ॥ ৪৮ ॥
সর্বেষামপি ভূতানাং হরিরাত্মেশ্বরঃ প্রিযঃ ।
ভূতৈর্মহদ্ভিঃ স্বকৃতৈঃ কৃতানাং জীবসংজ্ঞিতঃ ॥ ৪৯ ॥
ভূতৈর্মহদ্ভিঃ স্বকৃতৈঃ কৃতানাং জীবসংজ্ঞিতঃ ॥ ৪৯ ॥
দেবোঽসুরো মনুষ্যো বা যক্ষো গন্ধর্ব এব বা ।
ভজন্মুকুন্দচরণং স্বস্তিমান্ স্যাদ্যথা বযম্ ॥ ৫০ ॥
ভজন্মুকুন্দচরণং স্বস্তিমান্ স্যাদ্যথা বযম্ ॥ ৫০ ॥
নালং দ্বিজত্বং দেবত্বমৃষিত্বং বাসুরাত্মজাঃ ।
প্রীণনায মুকুন্দস্য ন বৃত্তং ন বহুজ্ঞতা ॥ ৫১ ॥
প্রীণনায মুকুন্দস্য ন বৃত্তং ন বহুজ্ঞতা ॥ ৫১ ॥
ন দানং ন তপো নেজ্যা ন শৌচং ন ব্রতানি চ ।
প্রীযতেঽমলযা ভক্ত্যা হরিরন্যদ্ বিডম্বনম্ ॥ ৫২ ॥
প্রীযতেঽমলযা ভক্ত্যা হরিরন্যদ্ বিডম্বনম্ ॥ ৫২ ॥
ততো হরৌ ভগবতি ভক্তিং কুরুত দানবাঃ ।
আত্মৌপম্যেন সর্বত্র সর্বভূতাত্মনীশ্বরে ॥ ৫৩ ॥
আত্মৌপম্যেন সর্বত্র সর্বভূতাত্মনীশ্বরে ॥ ৫৩ ॥
দৈতেযা যক্ষরক্ষাংসি স্ত্রিযঃ শূদ্রা ব্রজৌকসঃ ।
খগা মৃগাঃ পাপজীবাঃ সন্তি হ্যচ্যুততাং গতাঃ ॥ ৫৪ ॥
খগা মৃগাঃ পাপজীবাঃ সন্তি হ্যচ্যুততাং গতাঃ ॥ ৫৪ ॥
এতাবানেব লোকেঽস্মিন্পুংসঃ স্বার্থঃ পরঃ স্মৃতঃ ।
একান্তভক্তির্গোবিন্দে যত্সর্বত্র তদীক্ষণম্ ॥ ৫৫ ॥
একান্তভক্তির্গোবিন্দে যত্সর্বত্র তদীক্ষণম্ ॥ ৫৫ ॥