শ্রীশুক উবাচ
ইতি দানবদৈতেযা নাবিন্দন্নমৃতং নৃপ ।
যুক্তাঃ কর্মণি যত্তাশ্চ বাসুদেবপরাঙ্মুখাঃ ॥ ১ ॥
ইতি দানবদৈতেযা নাবিন্দন্নমৃতং নৃপ ।
যুক্তাঃ কর্মণি যত্তাশ্চ বাসুদেবপরাঙ্মুখাঃ ॥ ১ ॥
সাধযিত্বামৃতং রাজন্পাযযিত্বা স্বকান্সুরান্ ।
পশ্যতাং সর্বভূতানাং যযৌ গরুডবাহনঃ ॥ ২ ॥
পশ্যতাং সর্বভূতানাং যযৌ গরুডবাহনঃ ॥ ২ ॥
সপত্নানাং পরামৃদ্ধিং দৃষ্ট্বা তে দিতিনন্দনাঃ ।
অমৃষ্যমাণা উত্পেতুর্দেবান্প্রত্যুদ্যতাযুধাঃ ॥ ৩ ॥
অমৃষ্যমাণা উত্পেতুর্দেবান্প্রত্যুদ্যতাযুধাঃ ॥ ৩ ॥
ততঃ সুরগণাঃ সর্বে সুধযা পীতযৈধিতাঃ ।
প্রতিসংযুযুধুঃ শস্ত্রৈর্নারাযণপদাশ্রযাঃ ॥ ৪ ॥
প্রতিসংযুযুধুঃ শস্ত্রৈর্নারাযণপদাশ্রযাঃ ॥ ৪ ॥
তত্র দৈবাসুরো নাম রণঃ পরমদারুণঃ ।
রোধস্যুদন্বতো রাজংস্তুমুলো রোমহর্ষণঃ ॥ ৫ ॥
রোধস্যুদন্বতো রাজংস্তুমুলো রোমহর্ষণঃ ॥ ৫ ॥
তত্রান্যোন্যং সপত্নাস্তে সংরব্ধমনসো রণে ।
সমাসাদ্যাসিভির্বাণৈর্নিজঘ্নুর্বিবিধাযুধৈঃ ॥ ৬ ॥
সমাসাদ্যাসিভির্বাণৈর্নিজঘ্নুর্বিবিধাযুধৈঃ ॥ ৬ ॥
শঙ্খতূর্যমৃদঙ্গানাং ভেরীডমরিণাং মহান্ ।
হস্ত্যশ্বরথপত্তীনাং নদতাং নিস্বনোঽভবত্ ॥ ৭ ॥
হস্ত্যশ্বরথপত্তীনাং নদতাং নিস্বনোঽভবত্ ॥ ৭ ॥
রথিনো রথিভিস্তত্র পত্তিভিঃ সহ পত্তযঃ ।
হযা হযৈরিভাশ্চেভৈঃ সমসজ্জন্ত সংযুগে ॥ ৮ ॥
হযা হযৈরিভাশ্চেভৈঃ সমসজ্জন্ত সংযুগে ॥ ৮ ॥
উষ্ট্রৈঃ কেচিদিভৈঃ কেচিদপরে যুযুধুঃ খরৈঃ ।
কেচিদ্গৌরমুখৈরৃক্ষৈর্দ্বীপিভির্হরিভির্ভটাঃ ॥ ৯ ॥
কেচিদ্গৌরমুখৈরৃক্ষৈর্দ্বীপিভির্হরিভির্ভটাঃ ॥ ৯ ॥
গৃধ্রৈঃ কঙ্কৈর্বকৈরন্যে শ্যেনভাসৈস্তিমিঙ্গিলৈঃ ।
শরভৈর্মহিষৈঃ খড্গৈর্গোবৃষৈর্গবযারুণৈঃ ॥ ১০ ॥
শরভৈর্মহিষৈঃ খড্গৈর্গোবৃষৈর্গবযারুণৈঃ ॥ ১০ ॥
শিবাভিরাখুভিঃ কেচিত্ কৃকলাসৈঃ শশৈর্নরৈঃ ।
বস্তৈরেকে কৃষ্ণসারৈর্হংসৈরন্যে চ সূকরৈঃ ॥ ১১ ॥
বস্তৈরেকে কৃষ্ণসারৈর্হংসৈরন্যে চ সূকরৈঃ ॥ ১১ ॥
অন্যে জলস্থলখগৈঃ সত্ত্বৈর্বিকৃতবিগ্রহৈঃ ।
সেনযোরুভযো রাজন্বিবিশুস্তেঽগ্রতোঽগ্রতঃ ॥ ১২ ॥
সেনযোরুভযো রাজন্বিবিশুস্তেঽগ্রতোঽগ্রতঃ ॥ ১২ ॥
চিত্রধ্বজপটৈ রাজন্নাতপত্রৈঃ সিতামলৈঃ ।
মহাধনৈর্বজ্রদণ্ডৈর্ব্যজনৈর্বার্হচামরৈঃ ॥ ১৩ ॥
মহাধনৈর্বজ্রদণ্ডৈর্ব্যজনৈর্বার্হচামরৈঃ ॥ ১৩ ॥
বাতোদ্ধূতোত্তরোষ্ণীষৈরর্চির্ভির্বর্মভূষণৈঃ ।
স্ফুরদ্ভির্বিশদৈঃ শস্ত্রৈঃ সুতরাং সূর্যরশ্মিভিঃ ॥ ১৪ ॥
স্ফুরদ্ভির্বিশদৈঃ শস্ত্রৈঃ সুতরাং সূর্যরশ্মিভিঃ ॥ ১৪ ॥
দেবদানববীরাণাং ধ্বজিন্যৌ পাণ্ডুনন্দন ।
রেজতুর্বীরমালাভির্যাদসামিব সাগরৌ ॥ ১৫ ॥
রেজতুর্বীরমালাভির্যাদসামিব সাগরৌ ॥ ১৫ ॥
বৈরোচনো বলিঃ সঙ্খ্যে সোঽসুরাণাং চমূপতিঃ ।
যানং বৈহাযসং নাম কামগং মযনির্মিতম্ ॥ ১৬ ॥
যানং বৈহাযসং নাম কামগং মযনির্মিতম্ ॥ ১৬ ॥
সর্বসাঙ্গ্রামিকোপেতং সর্বাশ্চর্যমযং প্রভো ।
অপ্রতর্ক্যমনির্দেশ্যং দৃশ্যমানমদর্শনম্ ॥ ১৭ ॥
অপ্রতর্ক্যমনির্দেশ্যং দৃশ্যমানমদর্শনম্ ॥ ১৭ ॥
আস্থিতস্তদ্ বিমানাগ্র্যং সর্বানীকাধিপৈর্বৃতঃ ।
বালব্যজনছত্রাগ্র্যৈ রেজে চন্দ্র ইবোদযে ॥ ১৮ ॥
বালব্যজনছত্রাগ্র্যৈ রেজে চন্দ্র ইবোদযে ॥ ১৮ ॥
তস্যাসন্সর্বতো যানৈর্যূথানাং পতযোঽসুরাঃ ।
নমুচিঃ শম্বরো বাণো বিপ্রচিত্তিরযোমুখঃ ॥ ১৯ ॥
নমুচিঃ শম্বরো বাণো বিপ্রচিত্তিরযোমুখঃ ॥ ১৯ ॥
দ্বিমূর্ধা কালনাভোঽথ প্রহেতির্হেতিরিল্বলঃ ।
শকুনির্ভূতসন্তাপো বজ্রদংষ্ট্রো বিরোচনঃ ॥ ২০ ॥
শকুনির্ভূতসন্তাপো বজ্রদংষ্ট্রো বিরোচনঃ ॥ ২০ ॥
হযগ্রীবঃ শঙ্কুশিরাঃ কপিলো মেঘদুন্দুভিঃ ।
তারকশ্চক্রদৃক্ শুম্ভো নিশুম্ভো জম্ভ উত্কলঃ ॥ ২১ ॥
তারকশ্চক্রদৃক্ শুম্ভো নিশুম্ভো জম্ভ উত্কলঃ ॥ ২১ ॥
অরিষ্টোঽরিষ্টনেমিশ্চ মযশ্চ ত্রিপুরাধিপঃ ।
অন্যে পৌলোমকালেযা নিবাতকবচাদযঃ ॥ ২২ ॥
অন্যে পৌলোমকালেযা নিবাতকবচাদযঃ ॥ ২২ ॥
অলব্ধভাগাঃ সোমস্য কেবলং ক্লেশভাগিনঃ ।
সর্ব এতে রণমুখে বহুশো নির্জিতামরাঃ ॥ ২৩ ॥
সর্ব এতে রণমুখে বহুশো নির্জিতামরাঃ ॥ ২৩ ॥
সিংহনাদান্বিমুঞ্চন্তঃ শঙ্খান্দধ্মুর্মহারবান্ ।
দৃষ্ট্বা সপত্নানুত্সিক্তান্বলভিত্ কুপিতো ভৃশম্ ॥ ২৪ ॥
দৃষ্ট্বা সপত্নানুত্সিক্তান্বলভিত্ কুপিতো ভৃশম্ ॥ ২৪ ॥
ঐরাবতং দিক্করিণমারূঢঃ শুশুভে স্বরাট্ ।
যথা স্রবত্প্রস্রবণমুদযাদ্রিমহর্পতিঃ ॥ ২৫ ॥
যথা স্রবত্প্রস্রবণমুদযাদ্রিমহর্পতিঃ ॥ ২৫ ॥
তস্যাসন্সর্বতো দেবা নানাবাহধ্বজাযুধাঃ ।
লোকপালাঃ সহগণৈর্বায্বগ্নিবরুণাদযঃ ॥ ২৬ ॥
লোকপালাঃ সহগণৈর্বায্বগ্নিবরুণাদযঃ ॥ ২৬ ॥
তেঽন্যোন্যমভিসংসৃত্য ক্ষিপন্তো মর্মভির্মিথঃ ।
আহ্বযন্তো বিশন্তোঽগ্রে যুযুধুর্দ্বন্দ্বযোধিনঃ ॥ ২৭ ॥
আহ্বযন্তো বিশন্তোঽগ্রে যুযুধুর্দ্বন্দ্বযোধিনঃ ॥ ২৭ ॥
যুযোধ বলিরিন্দ্রেণ তারকেণ গুহোঽস্যত ।
বরুণো হেতিনাযুধ্যন্মিত্রো রাজন্প্রহেতিনা ॥ ২৮ ॥
বরুণো হেতিনাযুধ্যন্মিত্রো রাজন্প্রহেতিনা ॥ ২৮ ॥
যমস্তু কালনাভেন বিশ্বকর্মা মযেন বৈ ।
শম্বরো যুযুধে ত্বষ্ট্রা সবিত্রা তু বিরোচনঃ ॥ ২৯ ॥
শম্বরো যুযুধে ত্বষ্ট্রা সবিত্রা তু বিরোচনঃ ॥ ২৯ ॥
অপরাজিতেন নমুচিরশ্বিনৌ বৃষপর্বণা ।
সূর্যো বলিসুতৈর্দেবো বাণজ্যেষ্ঠৈঃ শতেন চ ॥ ৩০ ॥
সূর্যো বলিসুতৈর্দেবো বাণজ্যেষ্ঠৈঃ শতেন চ ॥ ৩০ ॥
রাহুণা চ তথা সোমঃ পুলোম্না যুযুধেঽনিলঃ ।
নিশুম্ভশুম্ভযোর্দেবী ভদ্রকালী তরস্বিনী ॥ ৩১ ॥
নিশুম্ভশুম্ভযোর্দেবী ভদ্রকালী তরস্বিনী ॥ ৩১ ॥
বৃষাকপিস্তু জম্ভেন মহিষেণ বিভাবসুঃ ।
ইল্বলঃ সহ বাতাপির্ব্রহ্মপুত্রৈররিন্দম ॥ ৩২ ॥
ইল্বলঃ সহ বাতাপির্ব্রহ্মপুত্রৈররিন্দম ॥ ৩২ ॥
কামদেবেন দুর্মর্ষ উত্কলো মাতৃভিঃ সহ ।
বৃহস্পতিশ্চোশনসা নরকেণ শনৈশ্চরঃ ॥ ৩৩ ॥
বৃহস্পতিশ্চোশনসা নরকেণ শনৈশ্চরঃ ॥ ৩৩ ॥
মরুতো নিবাতকবচৈঃ কালেযৈর্বসবোঽমরাঃ ।
বিশ্বেদেবাস্তু পৌলোমৈ রুদ্রাঃ ক্রোধবশৈঃ সহ ॥ ৩৪ ॥
বিশ্বেদেবাস্তু পৌলোমৈ রুদ্রাঃ ক্রোধবশৈঃ সহ ॥ ৩৪ ॥
ত এবমাজাবসুরাঃ সুরেন্দ্রা
দ্বন্দ্বেন সংহত্য চ যুধ্যমানাঃ ।
অন্যোন্যমাসাদ্য নিজঘ্নুরোজসা
জিগীষবস্তীক্ষ্ণশরাসিতোমরৈঃ ॥ ৩৫ ॥
দ্বন্দ্বেন সংহত্য চ যুধ্যমানাঃ ।
অন্যোন্যমাসাদ্য নিজঘ্নুরোজসা
জিগীষবস্তীক্ষ্ণশরাসিতোমরৈঃ ॥ ৩৫ ॥
ভুশুণ্ডিভিশ্চক্রগদর্ষ্টিপট্টিশৈঃ
শক্ত্যুল্মুকৈঃ প্রাসপরশ্বধৈরপি ।
নিস্ত্রিংশভল্লৈঃ পরিঘৈঃ সমুদ্গরৈঃ
সভিন্দিপালৈশ্চ শিরাংসি চিচ্ছিদুঃ ॥ ৩৬ ॥
শক্ত্যুল্মুকৈঃ প্রাসপরশ্বধৈরপি ।
নিস্ত্রিংশভল্লৈঃ পরিঘৈঃ সমুদ্গরৈঃ
সভিন্দিপালৈশ্চ শিরাংসি চিচ্ছিদুঃ ॥ ৩৬ ॥
গজাস্তুরঙ্গাঃ সরথাঃ পদাতযঃ
সারোহবাহা বিবিধা বিখণ্ডিতাঃ ।
নিকৃত্তবাহূরুশিরোধরাঙ্ঘ্রয-
শ্ছিন্নধ্বজেষ্বাসতনুত্রভূষণাঃ ॥ ৩৭ ॥
সারোহবাহা বিবিধা বিখণ্ডিতাঃ ।
নিকৃত্তবাহূরুশিরোধরাঙ্ঘ্রয-
শ্ছিন্নধ্বজেষ্বাসতনুত্রভূষণাঃ ॥ ৩৭ ॥
তেষাং পদাঘাতরথাঙ্গচূর্ণিতা-
দাযোধনাদুল্বণ উত্থিতস্তদা ।
রেণুর্দিশঃ খং দ্যুমণিং চ ছাদযন্
ন্যবর্ততাসৃক্ স্রুতিভিঃ পরিপ্লুতাত্ ॥ ৩৮ ॥
দাযোধনাদুল্বণ উত্থিতস্তদা ।
রেণুর্দিশঃ খং দ্যুমণিং চ ছাদযন্
ন্যবর্ততাসৃক্ স্রুতিভিঃ পরিপ্লুতাত্ ॥ ৩৮ ॥
শিরোভিরুদ্ধূতকিরীটকুণ্ডলৈঃ
সংরম্ভদৃগ্ভিঃ পরিদষ্টদচ্ছদৈঃ ।
মহাভুজৈঃ সাভরণৈঃ সহাযুধৈঃ
সা প্রাস্তৃতা ভূঃ করভোরুভির্বভৌ ॥ ৩৯ ॥
সংরম্ভদৃগ্ভিঃ পরিদষ্টদচ্ছদৈঃ ।
মহাভুজৈঃ সাভরণৈঃ সহাযুধৈঃ
সা প্রাস্তৃতা ভূঃ করভোরুভির্বভৌ ॥ ৩৯ ॥
কবন্ধাস্তত্র চোত্পেতুঃ পতিতস্বশিরোঽক্ষিভিঃ ।
উদ্যতাযুধদোর্দণ্ডৈরাধাবন্তো ভটান্ মৃধে ॥ ৪০ ॥
উদ্যতাযুধদোর্দণ্ডৈরাধাবন্তো ভটান্ মৃধে ॥ ৪০ ॥
বলির্মহেন্দ্রং দশভিস্ত্রিভিরৈরাবতং শরৈঃ ।
চতুর্ভিশ্চতুরো বাহানেকেনারোহমার্চ্ছযত্ ॥ ৪১ ॥
চতুর্ভিশ্চতুরো বাহানেকেনারোহমার্চ্ছযত্ ॥ ৪১ ॥
স তানাপততঃ শক্রস্তাবদ্ভিঃ শীঘ্রবিক্রমঃ ।
চিচ্ছেদ নিশিতৈর্ভল্লৈরসম্প্রাপ্তান্হসন্নিব ॥ ৪২ ॥
চিচ্ছেদ নিশিতৈর্ভল্লৈরসম্প্রাপ্তান্হসন্নিব ॥ ৪২ ॥
তস্য কর্মোত্তমং বীক্ষ্য দুর্মর্ষঃ শক্তিমাদদে ।
তাং জ্বলন্তীং মহোল্কাভাং হস্তস্থামচ্ছিনদ্ধরিঃ ॥ ৪৩ ॥
তাং জ্বলন্তীং মহোল্কাভাং হস্তস্থামচ্ছিনদ্ধরিঃ ॥ ৪৩ ॥
ততঃ শূলং ততঃ প্রাসং ততস্তোমরমৃষ্টযঃ ।
যদ্ যচ্ছস্ত্রং সমাদদ্যাত্সর্বং তদচ্ছিনদ্ বিভুঃ ॥ ৪৪ ॥
যদ্ যচ্ছস্ত্রং সমাদদ্যাত্সর্বং তদচ্ছিনদ্ বিভুঃ ॥ ৪৪ ॥
সসর্জাথাসুরীং মাযামন্তর্ধানগতোঽসুরঃ ।
ততঃ প্রাদুরভূচ্ছৈলঃ সুরানীকোপরি প্রভো ॥ ৪৫ ॥
ততঃ প্রাদুরভূচ্ছৈলঃ সুরানীকোপরি প্রভো ॥ ৪৫ ॥
ততো নিপেতুস্তরবো দহ্যমানা দবাগ্নিনা ।
শিলাঃ সটঙ্কশিখরাশ্চূর্ণযন্ত্যো দ্বিষদ্বলম্ ॥ ৪৬ ॥
শিলাঃ সটঙ্কশিখরাশ্চূর্ণযন্ত্যো দ্বিষদ্বলম্ ॥ ৪৬ ॥
মহোরগাঃ সমুত্পেতুর্দন্দশূকাঃ সবৃশ্চিকাঃ ।
সিংহব্যাঘ্রবরাহাশ্চ মর্দযন্তো মহাগজাঃ ॥ ৪৭ ॥
সিংহব্যাঘ্রবরাহাশ্চ মর্দযন্তো মহাগজাঃ ॥ ৪৭ ॥
যাতুধান্যশ্চ শতশঃ শূলহস্তা বিবাসসঃ ।
ছিন্ধি ভিন্ধীতি বাদিন্যস্তথা রক্ষোগণাঃ প্রভো ॥ ৪৮ ॥
ছিন্ধি ভিন্ধীতি বাদিন্যস্তথা রক্ষোগণাঃ প্রভো ॥ ৪৮ ॥
ততো মহাঘনা ব্যোম্নি গম্ভীরপরুষস্বনাঃ ।
অঙ্গারান্মুমুচুর্বাতৈরাহতাঃ স্তনযিত্নবঃ ॥ ৪৯ ॥
অঙ্গারান্মুমুচুর্বাতৈরাহতাঃ স্তনযিত্নবঃ ॥ ৪৯ ॥
সৃষ্টো দৈত্যেন সুমহান্বহ্নিঃ শ্বসনসারথিঃ ।
সাংবর্তক ইবাত্যুগ্রো বিবুধধ্বজিনীমধাক্ ॥ ৫০ ॥
সাংবর্তক ইবাত্যুগ্রো বিবুধধ্বজিনীমধাক্ ॥ ৫০ ॥
ততঃ সমুদ্র উদ্বেলঃ সর্বতঃ প্রত্যদৃশ্যত ।
প্রচণ্ডবাতৈরুদ্ধূততরঙ্গাবর্তভীষণঃ ॥ ৫১ ॥
প্রচণ্ডবাতৈরুদ্ধূততরঙ্গাবর্তভীষণঃ ॥ ৫১ ॥
এবং দৈত্যৈর্মহামাযৈরলক্ষ্যগতিভীরণে ।
সৃজ্যমানাসু মাযাসু বিষেদুঃ সুরসৈনিকাঃ ॥ ৫২ ॥
সৃজ্যমানাসু মাযাসু বিষেদুঃ সুরসৈনিকাঃ ॥ ৫২ ॥
ন তত্প্রতিবিধিং যত্র বিদুরিন্দ্রাদযো নৃপ ।
ধ্যাতঃ প্রাদুরভূত্ তত্র ভগবান্বিশ্বভাবনঃ ॥ ৫৩ ॥
ধ্যাতঃ প্রাদুরভূত্ তত্র ভগবান্বিশ্বভাবনঃ ॥ ৫৩ ॥
ততঃ সুপর্ণাংসকৃতাঙ্ঘ্রিপল্লবঃ
পিশঙ্গবাসা নবকঞ্জলোচনঃ ।
অদৃশ্যতাষ্টাযুধবাহুরুল্লস-
চ্ছ্রীকৌস্তুভানর্ঘ্যকিরীটকুণ্ডলঃ ॥ ৫৪ ॥
পিশঙ্গবাসা নবকঞ্জলোচনঃ ।
অদৃশ্যতাষ্টাযুধবাহুরুল্লস-
চ্ছ্রীকৌস্তুভানর্ঘ্যকিরীটকুণ্ডলঃ ॥ ৫৪ ॥
তস্মিন্প্রবিষ্টেঽসুরকূটকর্মজা
মাযা বিনেশুর্মহিনা মহীযসঃ ।
স্বপ্নো যথা হি প্রতিবোধ আগতে
হরিস্মৃতিঃ সর্ববিপদ্বিমোক্ষণম্ ॥ ৫৫ ॥
মাযা বিনেশুর্মহিনা মহীযসঃ ।
স্বপ্নো যথা হি প্রতিবোধ আগতে
হরিস্মৃতিঃ সর্ববিপদ্বিমোক্ষণম্ ॥ ৫৫ ॥
দৃষ্ট্বা মৃধে গরুডবাহমিভারিবাহ
আবিধ্য শূলমহিনোদথ কালনেমিঃ ।
তল্লীলযা গরুডমূর্ধ্নি পতদ্ গৃহীত্বা
তেনাহনন্নৃপ সবাহমরিং ত্র্যধীশঃ ॥ ৫৬ ॥
আবিধ্য শূলমহিনোদথ কালনেমিঃ ।
তল্লীলযা গরুডমূর্ধ্নি পতদ্ গৃহীত্বা
তেনাহনন্নৃপ সবাহমরিং ত্র্যধীশঃ ॥ ৫৬ ॥
মালী সুমাল্যতিবলৌ যুধি পেততুর্য
চ্চক্রেণ কৃত্তশিরসাবথ মাল্যবাংস্তম্ ।
আহত্য তিগ্মগদযাহনদণ্ডজেন্দ্র
তাবচ্ছিরোঽচ্ছিনদরের্নদতোঽরিণাদ্যঃ ॥ ৫৭ ॥
চ্চক্রেণ কৃত্তশিরসাবথ মাল্যবাংস্তম্ ।
আহত্য তিগ্মগদযাহনদণ্ডজেন্দ্র
তাবচ্ছিরোঽচ্ছিনদরের্নদতোঽরিণাদ্যঃ ॥ ৫৭ ॥