শ্ৰীশুক উৱাচ
ইত্যুক্তৱন্তং পুৰুষং পুৰাতনং
মহানুভাৱোঽখিলসাধুসম্মতঃ ।
বদ্ধাঞ্জলিৰ্বাষ্পকলাকুলেক্ষণো
ভক্ত্যুত্কলো গদ্গদযা গিৰাব্ৰৱীত্ ॥ ১ ॥
ইত্যুক্তৱন্তং পুৰুষং পুৰাতনং
মহানুভাৱোঽখিলসাধুসম্মতঃ ।
বদ্ধাঞ্জলিৰ্বাষ্পকলাকুলেক্ষণো
ভক্ত্যুত্কলো গদ্গদযা গিৰাব্ৰৱীত্ ॥ ১ ॥
শ্ৰীবলিৰুৱাচ
অহো প্ৰণামায কৃতঃ সমুদ্যমঃ
প্ৰপন্নভক্তাৰ্থৱিধৌ সমাহিতঃ ।
যল্লোকপালৈস্ত্ৱদনুগ্ৰহোঽমৰৈ-
ৰলব্ধপূৰ্ৱোঽপসদেঽসুৰেঽৰ্পিতঃ ॥ ২ ॥
অহো প্ৰণামায কৃতঃ সমুদ্যমঃ
প্ৰপন্নভক্তাৰ্থৱিধৌ সমাহিতঃ ।
যল্লোকপালৈস্ত্ৱদনুগ্ৰহোঽমৰৈ-
ৰলব্ধপূৰ্ৱোঽপসদেঽসুৰেঽৰ্পিতঃ ॥ ২ ॥
শ্ৰীশুক উৱাচ
ইত্যুক্ত্ৱা হৰিমানত্য ব্ৰহ্মাণং সভৱং ততঃ ।
ৱিৱেশ সুতলং প্ৰীতো বলিৰ্মুক্তঃ সহাসুৰৈঃ ॥ ৩ ॥
ইত্যুক্ত্ৱা হৰিমানত্য ব্ৰহ্মাণং সভৱং ততঃ ।
ৱিৱেশ সুতলং প্ৰীতো বলিৰ্মুক্তঃ সহাসুৰৈঃ ॥ ৩ ॥
এৱমিন্দ্ৰায ভগৱান্ প্ৰত্যানীয ত্ৰিৱিষ্টপম্ ।
পূৰযিত্ৱাদিতেঃ কামমশাসত্ সকলং জগত্ ॥ ৪ ॥
পূৰযিত্ৱাদিতেঃ কামমশাসত্ সকলং জগত্ ॥ ৪ ॥
লব্ধপ্ৰসাদং নিৰ্মুক্তং পৌত্ৰং ৱংশধৰং বলিম্ ।
নিশাম্য ভক্তিপ্ৰৱণঃ প্ৰহ্লাদ ইদমব্ৰৱীত্ ॥ ৫ ॥
নিশাম্য ভক্তিপ্ৰৱণঃ প্ৰহ্লাদ ইদমব্ৰৱীত্ ॥ ৫ ॥
শ্ৰীপ্ৰহ্লাদ উৱাচ
নেমং ৱিৰিঞ্চো লভতে প্ৰসাদং
ন শ্ৰীৰ্ন শৰ্ৱঃ কিমুতাপৰেঽন্যে ।
যন্নোঽসুৰাণামসি দুৰ্গপালো
ৱিশ্ৱাভিৱন্দ্যৈৰভিৱন্দিতাঙ্ঘ্ৰিঃ ॥ ৬ ॥
নেমং ৱিৰিঞ্চো লভতে প্ৰসাদং
ন শ্ৰীৰ্ন শৰ্ৱঃ কিমুতাপৰেঽন্যে ।
যন্নোঽসুৰাণামসি দুৰ্গপালো
ৱিশ্ৱাভিৱন্দ্যৈৰভিৱন্দিতাঙ্ঘ্ৰিঃ ॥ ৬ ॥
যত্পাদপদ্মমকৰন্দনিষেৱণেন
ব্ৰহ্মাদযঃ শৰণদাশ্নুৱতে ৱিভূতীঃ ।
কস্মাদ্ ৱযং কুসৃতযঃ খলযোনযস্তে
দাক্ষিণ্যদৃষ্টিপদৱীং ভৱতঃ প্ৰণীতাঃ ॥ ৭ ॥
ব্ৰহ্মাদযঃ শৰণদাশ্নুৱতে ৱিভূতীঃ ।
কস্মাদ্ ৱযং কুসৃতযঃ খলযোনযস্তে
দাক্ষিণ্যদৃষ্টিপদৱীং ভৱতঃ প্ৰণীতাঃ ॥ ৭ ॥
চিত্ৰং তৱেহিতমহোঽমিতযোগমাযা-
লীলাৱিসৃষ্টভুৱনস্য ৱিশাৰদস্য ।
সৰ্ৱাত্মনঃ সমদৃশোঽৱিষমঃ স্ৱভাৱো
ভক্তপ্ৰিযো যদসি কল্পতৰুস্ৱভাৱঃ ॥ ৮ ॥
লীলাৱিসৃষ্টভুৱনস্য ৱিশাৰদস্য ।
সৰ্ৱাত্মনঃ সমদৃশোঽৱিষমঃ স্ৱভাৱো
ভক্তপ্ৰিযো যদসি কল্পতৰুস্ৱভাৱঃ ॥ ৮ ॥
শ্ৰীভগৱানুৱাচ
ৱত্স প্ৰহ্লাদ ভদ্ৰং তে প্ৰযাহি সুতলালযম্ ।
মোদমানঃ স্ৱপৌত্ৰেণ জ্ঞাতীনাং সুখমাৱহ ॥ ৯ ॥
ৱত্স প্ৰহ্লাদ ভদ্ৰং তে প্ৰযাহি সুতলালযম্ ।
মোদমানঃ স্ৱপৌত্ৰেণ জ্ঞাতীনাং সুখমাৱহ ॥ ৯ ॥
নিত্যং দ্ৰষ্টাসি মাং তত্ৰ গদাপাণিমৱস্থিতম্ ।
মদ্দৰ্শনমহাহ্লাদধ্ৱস্তকৰ্মনিবন্ধনঃ ॥ ১০ ॥
মদ্দৰ্শনমহাহ্লাদধ্ৱস্তকৰ্মনিবন্ধনঃ ॥ ১০ ॥
শ্ৰীশুক উৱাচ
আজ্ঞাং ভগৱতো ৰাজন্প্ৰহ্লাদো বলিনা সহ ।
বাঢমিত্যমলপ্ৰজ্ঞো মূৰ্ধ্ন্যাধায কৃতাঞ্জলিঃ ॥ ১১ ॥
আজ্ঞাং ভগৱতো ৰাজন্প্ৰহ্লাদো বলিনা সহ ।
বাঢমিত্যমলপ্ৰজ্ঞো মূৰ্ধ্ন্যাধায কৃতাঞ্জলিঃ ॥ ১১ ॥
পৰিক্ৰম্যাদিপুৰুষং সৰ্ৱাসুৰচমূপতিঃ ।
প্ৰণতস্তদনুজ্ঞাতঃ প্ৰৱিৱেশ মহাবিলম্ ॥ ১২ ॥
প্ৰণতস্তদনুজ্ঞাতঃ প্ৰৱিৱেশ মহাবিলম্ ॥ ১২ ॥
অথাহোশনসং ৰাজন্হৰিৰ্নাৰাযণোঽন্তিকে ।
আসীনমৃত্ৱিজাং মধ্যে সদসি ব্ৰহ্মৱাদিনাম্ ॥ ১৩ ॥
আসীনমৃত্ৱিজাং মধ্যে সদসি ব্ৰহ্মৱাদিনাম্ ॥ ১৩ ॥
ব্ৰহ্মন্ সন্তনু শিষ্যস্য কৰ্মচ্ছিদ্ৰং ৱিতন্ৱতঃ ।
যত্ তত্ কৰ্মসু ৱৈষম্যং ব্ৰহ্মদৃষ্টং সমং ভৱেত্ ॥ ১৪ ॥
যত্ তত্ কৰ্মসু ৱৈষম্যং ব্ৰহ্মদৃষ্টং সমং ভৱেত্ ॥ ১৪ ॥
শ্ৰীশুক্ৰ উৱাচ
কুতস্তত্কৰ্মৱৈষম্যং যস্য কৰ্মেশ্ৱৰো ভৱান্ ।
যজ্ঞেশো যজ্ঞপুৰুষঃ সৰ্ৱভাৱেন পূজিতঃ ॥ ১৫ ॥
কুতস্তত্কৰ্মৱৈষম্যং যস্য কৰ্মেশ্ৱৰো ভৱান্ ।
যজ্ঞেশো যজ্ঞপুৰুষঃ সৰ্ৱভাৱেন পূজিতঃ ॥ ১৫ ॥
মন্ত্ৰতস্তন্ত্ৰতশ্ছিদ্ৰং দেশকালাৰ্হৱস্তুতঃ ।
সৰ্ৱং কৰোতি নিশ্ছিদ্ৰমনুসঙ্কীৰ্তনং তৱ ॥ ১৬ ॥
সৰ্ৱং কৰোতি নিশ্ছিদ্ৰমনুসঙ্কীৰ্তনং তৱ ॥ ১৬ ॥
তথাপি ৱদতো ভূমন্ কৰিষ্যাম্যনুশাসনম্ ।
এতচ্ছ্ৰেযঃ পৰং পুংসাং যত্ তৱাজ্ঞানুপালনম্ ॥ ১৭ ॥
এতচ্ছ্ৰেযঃ পৰং পুংসাং যত্ তৱাজ্ঞানুপালনম্ ॥ ১৭ ॥
শ্ৰীশুক উৱাচ
প্ৰতিনন্দ্য হৰেৰাজ্ঞামুশনা ভগৱানিতি ।
যজ্ঞচ্ছিদ্ৰং সমাধত্ত বলেৰ্ৱিপ্ৰৰ্ষিভিঃ সহ ॥ ১৮ ॥
প্ৰতিনন্দ্য হৰেৰাজ্ঞামুশনা ভগৱানিতি ।
যজ্ঞচ্ছিদ্ৰং সমাধত্ত বলেৰ্ৱিপ্ৰৰ্ষিভিঃ সহ ॥ ১৮ ॥
এৱং বলেৰ্মহীং ৰাজন্ ভিক্ষিত্ৱা ৱামনো হৰিঃ ।
দদৌ ভ্ৰাত্ৰে মহেন্দ্ৰায ত্ৰিদিৱং যত্পৰৈৰ্হৃতম্ ॥ ১৯ ॥
দদৌ ভ্ৰাত্ৰে মহেন্দ্ৰায ত্ৰিদিৱং যত্পৰৈৰ্হৃতম্ ॥ ১৯ ॥
প্ৰজাপতিপতিৰ্ব্ৰহ্মা দেৱৰ্ষিপিতৃভূমিপৈঃ ।
দক্ষভৃগ্ৱঙ্গিৰোমুখ্যৈঃ কুমাৰেণ ভৱেন চ ॥ ২০ ॥
দক্ষভৃগ্ৱঙ্গিৰোমুখ্যৈঃ কুমাৰেণ ভৱেন চ ॥ ২০ ॥
কশ্যপস্যাদিতেঃ প্ৰীত্যৈ সৰ্ৱভূতভৱায চ ।
লোকানাং লোকপালানামকৰোদ্ ৱামনং পতিম্ ॥ ২১ ॥
লোকানাং লোকপালানামকৰোদ্ ৱামনং পতিম্ ॥ ২১ ॥
ৱেদানাং সৰ্ৱদেৱানাং ধৰ্মস্য যশসঃ শ্ৰিযঃ ।
মঙ্গলানাং ৱ্ৰতানাং চ কল্পং স্ৱৰ্গাপৱৰ্গযোঃ ॥ ২২ ॥
মঙ্গলানাং ৱ্ৰতানাং চ কল্পং স্ৱৰ্গাপৱৰ্গযোঃ ॥ ২২ ॥
উপেন্দ্ৰং কল্পযাংচক্ৰে পতিং সৰ্ৱৱিভূতযে ।
তদা সৰ্ৱাণি ভূতানি ভৃশং মুমুদিৰে নৃপ ॥ ২৩ ॥
তদা সৰ্ৱাণি ভূতানি ভৃশং মুমুদিৰে নৃপ ॥ ২৩ ॥
ততস্ত্ৱিন্দ্ৰঃ পুৰস্কৃত্য দেৱযানেন ৱামনম্ ।
লোকপালৈৰ্দিৱং নিন্যে ব্ৰহ্মণা চানুমোদিতঃ ॥ ২৪ ॥
লোকপালৈৰ্দিৱং নিন্যে ব্ৰহ্মণা চানুমোদিতঃ ॥ ২৪ ॥
প্ৰাপ্য ত্ৰিভুৱনং চেন্দ্ৰ উপেন্দ্ৰভুজপালিতঃ ।
শ্ৰিযা পৰমযা জুষ্টো মুমুদে গতসাধ্ৱসঃ ॥ ২৫ ॥
শ্ৰিযা পৰমযা জুষ্টো মুমুদে গতসাধ্ৱসঃ ॥ ২৫ ॥
ব্ৰহ্মা শৰ্ৱঃ কুমাৰশ্চ ভৃগ্ৱাদ্যা মুনযো নৃপ ।
পিতৰঃ সৰ্ৱভূতানি সিদ্ধা ৱৈমানিকাশ্চ যে ॥ ২৬ ॥
পিতৰঃ সৰ্ৱভূতানি সিদ্ধা ৱৈমানিকাশ্চ যে ॥ ২৬ ॥
সুমহত্ কৰ্ম তদ্ ৱিষ্ণোৰ্গাযন্তঃ পৰমদ্ভুতম্ ।
ধিষ্ণ্যানি স্ৱানি তে জগ্মুৰদিতিং চ শশংসিৰে ॥ ২৭ ॥
ধিষ্ণ্যানি স্ৱানি তে জগ্মুৰদিতিং চ শশংসিৰে ॥ ২৭ ॥
সৰ্ৱমেতন্মযাখ্যাতং ভৱতঃ কুলনন্দন ।
উৰুক্ৰমস্য চৰিতং শ্ৰোতৃণামঘমোচনম্ ॥ ২৮ ॥
উৰুক্ৰমস্য চৰিতং শ্ৰোতৃণামঘমোচনম্ ॥ ২৮ ॥
পাৰং মহিম্ন উৰুৱিক্ৰমতো গৃণানো
যঃ পাৰ্থিৱানি ৱিমমে স ৰজাংসি মৰ্ত্যঃ ।
কিং জাযমান উত জাত উপৈতি মৰ্ত্য
ইত্যাহ মন্ত্ৰদৃগৃষিঃ পুৰুষস্য যস্য ॥ ২৯ ॥
যঃ পাৰ্থিৱানি ৱিমমে স ৰজাংসি মৰ্ত্যঃ ।
কিং জাযমান উত জাত উপৈতি মৰ্ত্য
ইত্যাহ মন্ত্ৰদৃগৃষিঃ পুৰুষস্য যস্য ॥ ২৯ ॥
য ইদং দেৱদেৱস্য হৰেৰদ্ভুতকৰ্মণঃ ।
অৱতাৰানুচৰিতং শৃণ্ৱন্ যাতি পৰাং গতিম্ ॥ ৩০ ॥
অৱতাৰানুচৰিতং শৃণ্ৱন্ যাতি পৰাং গতিম্ ॥ ৩০ ॥
ক্ৰিযমাণে কৰ্মণীদং দৈৱে পিত্ৰ্যেঽথ মানুষে ।
যত্ৰ যত্ৰানুকীৰ্ত্যেত তত্ তেষাং সুকৃতং ৱিদুঃ ॥ ৩১ ॥
যত্ৰ যত্ৰানুকীৰ্ত্যেত তত্ তেষাং সুকৃতং ৱিদুঃ ॥ ৩১ ॥