শ্রীশুক উবাচ
ইত্যুক্তবন্তং পুরুষং পুরাতনং
মহানুভাবোঽখিলসাধুসম্মতঃ ।
বদ্ধাঞ্জলির্বাষ্পকলাকুলেক্ষণো
ভক্ত্যুত্কলো গদ্গদযা গিরাব্রবীত্ ॥ ১ ॥
ইত্যুক্তবন্তং পুরুষং পুরাতনং
মহানুভাবোঽখিলসাধুসম্মতঃ ।
বদ্ধাঞ্জলির্বাষ্পকলাকুলেক্ষণো
ভক্ত্যুত্কলো গদ্গদযা গিরাব্রবীত্ ॥ ১ ॥
শ্রীবলিরুবাচ
অহো প্রণামায কৃতঃ সমুদ্যমঃ
প্রপন্নভক্তার্থবিধৌ সমাহিতঃ ।
যল্লোকপালৈস্ত্বদনুগ্রহোঽমরৈ-
রলব্ধপূর্বোঽপসদেঽসুরেঽর্পিতঃ ॥ ২ ॥
অহো প্রণামায কৃতঃ সমুদ্যমঃ
প্রপন্নভক্তার্থবিধৌ সমাহিতঃ ।
যল্লোকপালৈস্ত্বদনুগ্রহোঽমরৈ-
রলব্ধপূর্বোঽপসদেঽসুরেঽর্পিতঃ ॥ ২ ॥
শ্রীশুক উবাচ
ইত্যুক্ত্বা হরিমানত্য ব্রহ্মাণং সভবং ততঃ ।
বিবেশ সুতলং প্রীতো বলির্মুক্তঃ সহাসুরৈঃ ॥ ৩ ॥
ইত্যুক্ত্বা হরিমানত্য ব্রহ্মাণং সভবং ততঃ ।
বিবেশ সুতলং প্রীতো বলির্মুক্তঃ সহাসুরৈঃ ॥ ৩ ॥
এবমিন্দ্রায ভগবান্ প্রত্যানীয ত্রিবিষ্টপম্ ।
পূরযিত্বাদিতেঃ কামমশাসত্ সকলং জগত্ ॥ ৪ ॥
পূরযিত্বাদিতেঃ কামমশাসত্ সকলং জগত্ ॥ ৪ ॥
লব্ধপ্রসাদং নির্মুক্তং পৌত্রং বংশধরং বলিম্ ।
নিশাম্য ভক্তিপ্রবণঃ প্রহ্লাদ ইদমব্রবীত্ ॥ ৫ ॥
নিশাম্য ভক্তিপ্রবণঃ প্রহ্লাদ ইদমব্রবীত্ ॥ ৫ ॥
শ্রীপ্রহ্লাদ উবাচ
নেমং বিরিঞ্চো লভতে প্রসাদং
ন শ্রীর্ন শর্বঃ কিমুতাপরেঽন্যে ।
যন্নোঽসুরাণামসি দুর্গপালো
বিশ্বাভিবন্দ্যৈরভিবন্দিতাঙ্ঘ্রিঃ ॥ ৬ ॥
নেমং বিরিঞ্চো লভতে প্রসাদং
ন শ্রীর্ন শর্বঃ কিমুতাপরেঽন্যে ।
যন্নোঽসুরাণামসি দুর্গপালো
বিশ্বাভিবন্দ্যৈরভিবন্দিতাঙ্ঘ্রিঃ ॥ ৬ ॥
যত্পাদপদ্মমকরন্দনিষেবণেন
ব্রহ্মাদযঃ শরণদাশ্নুবতে বিভূতীঃ ।
কস্মাদ্ বযং কুসৃতযঃ খলযোনযস্তে
দাক্ষিণ্যদৃষ্টিপদবীং ভবতঃ প্রণীতাঃ ॥ ৭ ॥
ব্রহ্মাদযঃ শরণদাশ্নুবতে বিভূতীঃ ।
কস্মাদ্ বযং কুসৃতযঃ খলযোনযস্তে
দাক্ষিণ্যদৃষ্টিপদবীং ভবতঃ প্রণীতাঃ ॥ ৭ ॥
চিত্রং তবেহিতমহোঽমিতযোগমাযা-
লীলাবিসৃষ্টভুবনস্য বিশারদস্য ।
সর্বাত্মনঃ সমদৃশোঽবিষমঃ স্বভাবো
ভক্তপ্রিযো যদসি কল্পতরুস্বভাবঃ ॥ ৮ ॥
লীলাবিসৃষ্টভুবনস্য বিশারদস্য ।
সর্বাত্মনঃ সমদৃশোঽবিষমঃ স্বভাবো
ভক্তপ্রিযো যদসি কল্পতরুস্বভাবঃ ॥ ৮ ॥
শ্রীভগবানুবাচ
বত্স প্রহ্লাদ ভদ্রং তে প্রযাহি সুতলালযম্ ।
মোদমানঃ স্বপৌত্রেণ জ্ঞাতীনাং সুখমাবহ ॥ ৯ ॥
বত্স প্রহ্লাদ ভদ্রং তে প্রযাহি সুতলালযম্ ।
মোদমানঃ স্বপৌত্রেণ জ্ঞাতীনাং সুখমাবহ ॥ ৯ ॥
নিত্যং দ্রষ্টাসি মাং তত্র গদাপাণিমবস্থিতম্ ।
মদ্দর্শনমহাহ্লাদধ্বস্তকর্মনিবন্ধনঃ ॥ ১০ ॥
মদ্দর্শনমহাহ্লাদধ্বস্তকর্মনিবন্ধনঃ ॥ ১০ ॥
শ্রীশুক উবাচ
আজ্ঞাং ভগবতো রাজন্প্রহ্লাদো বলিনা সহ ।
বাঢমিত্যমলপ্রজ্ঞো মূর্ধ্ন্যাধায কৃতাঞ্জলিঃ ॥ ১১ ॥
আজ্ঞাং ভগবতো রাজন্প্রহ্লাদো বলিনা সহ ।
বাঢমিত্যমলপ্রজ্ঞো মূর্ধ্ন্যাধায কৃতাঞ্জলিঃ ॥ ১১ ॥
পরিক্রম্যাদিপুরুষং সর্বাসুরচমূপতিঃ ।
প্রণতস্তদনুজ্ঞাতঃ প্রবিবেশ মহাবিলম্ ॥ ১২ ॥
প্রণতস্তদনুজ্ঞাতঃ প্রবিবেশ মহাবিলম্ ॥ ১২ ॥
অথাহোশনসং রাজন্হরির্নারাযণোঽন্তিকে ।
আসীনমৃত্বিজাং মধ্যে সদসি ব্রহ্মবাদিনাম্ ॥ ১৩ ॥
আসীনমৃত্বিজাং মধ্যে সদসি ব্রহ্মবাদিনাম্ ॥ ১৩ ॥
ব্রহ্মন্ সন্তনু শিষ্যস্য কর্মচ্ছিদ্রং বিতন্বতঃ ।
যত্ তত্ কর্মসু বৈষম্যং ব্রহ্মদৃষ্টং সমং ভবেত্ ॥ ১৪ ॥
যত্ তত্ কর্মসু বৈষম্যং ব্রহ্মদৃষ্টং সমং ভবেত্ ॥ ১৪ ॥
শ্রীশুক্র উবাচ
কুতস্তত্কর্মবৈষম্যং যস্য কর্মেশ্বরো ভবান্ ।
যজ্ঞেশো যজ্ঞপুরুষঃ সর্বভাবেন পূজিতঃ ॥ ১৫ ॥
কুতস্তত্কর্মবৈষম্যং যস্য কর্মেশ্বরো ভবান্ ।
যজ্ঞেশো যজ্ঞপুরুষঃ সর্বভাবেন পূজিতঃ ॥ ১৫ ॥
মন্ত্রতস্তন্ত্রতশ্ছিদ্রং দেশকালার্হবস্তুতঃ ।
সর্বং করোতি নিশ্ছিদ্রমনুসঙ্কীর্তনং তব ॥ ১৬ ॥
সর্বং করোতি নিশ্ছিদ্রমনুসঙ্কীর্তনং তব ॥ ১৬ ॥
তথাপি বদতো ভূমন্ করিষ্যাম্যনুশাসনম্ ।
এতচ্ছ্রেযঃ পরং পুংসাং যত্ তবাজ্ঞানুপালনম্ ॥ ১৭ ॥
এতচ্ছ্রেযঃ পরং পুংসাং যত্ তবাজ্ঞানুপালনম্ ॥ ১৭ ॥
শ্রীশুক উবাচ
প্রতিনন্দ্য হরেরাজ্ঞামুশনা ভগবানিতি ।
যজ্ঞচ্ছিদ্রং সমাধত্ত বলের্বিপ্রর্ষিভিঃ সহ ॥ ১৮ ॥
প্রতিনন্দ্য হরেরাজ্ঞামুশনা ভগবানিতি ।
যজ্ঞচ্ছিদ্রং সমাধত্ত বলের্বিপ্রর্ষিভিঃ সহ ॥ ১৮ ॥
এবং বলের্মহীং রাজন্ ভিক্ষিত্বা বামনো হরিঃ ।
দদৌ ভ্রাত্রে মহেন্দ্রায ত্রিদিবং যত্পরৈর্হৃতম্ ॥ ১৯ ॥
দদৌ ভ্রাত্রে মহেন্দ্রায ত্রিদিবং যত্পরৈর্হৃতম্ ॥ ১৯ ॥
প্রজাপতিপতির্ব্রহ্মা দেবর্ষিপিতৃভূমিপৈঃ ।
দক্ষভৃগ্বঙ্গিরোমুখ্যৈঃ কুমারেণ ভবেন চ ॥ ২০ ॥
দক্ষভৃগ্বঙ্গিরোমুখ্যৈঃ কুমারেণ ভবেন চ ॥ ২০ ॥
কশ্যপস্যাদিতেঃ প্রীত্যৈ সর্বভূতভবায চ ।
লোকানাং লোকপালানামকরোদ্ বামনং পতিম্ ॥ ২১ ॥
লোকানাং লোকপালানামকরোদ্ বামনং পতিম্ ॥ ২১ ॥
বেদানাং সর্বদেবানাং ধর্মস্য যশসঃ শ্রিযঃ ।
মঙ্গলানাং ব্রতানাং চ কল্পং স্বর্গাপবর্গযোঃ ॥ ২২ ॥
মঙ্গলানাং ব্রতানাং চ কল্পং স্বর্গাপবর্গযোঃ ॥ ২২ ॥
উপেন্দ্রং কল্পযাংচক্রে পতিং সর্ববিভূতযে ।
তদা সর্বাণি ভূতানি ভৃশং মুমুদিরে নৃপ ॥ ২৩ ॥
তদা সর্বাণি ভূতানি ভৃশং মুমুদিরে নৃপ ॥ ২৩ ॥
ততস্ত্বিন্দ্রঃ পুরস্কৃত্য দেবযানেন বামনম্ ।
লোকপালৈর্দিবং নিন্যে ব্রহ্মণা চানুমোদিতঃ ॥ ২৪ ॥
লোকপালৈর্দিবং নিন্যে ব্রহ্মণা চানুমোদিতঃ ॥ ২৪ ॥
প্রাপ্য ত্রিভুবনং চেন্দ্র উপেন্দ্রভুজপালিতঃ ।
শ্রিযা পরমযা জুষ্টো মুমুদে গতসাধ্বসঃ ॥ ২৫ ॥
শ্রিযা পরমযা জুষ্টো মুমুদে গতসাধ্বসঃ ॥ ২৫ ॥
ব্রহ্মা শর্বঃ কুমারশ্চ ভৃগ্বাদ্যা মুনযো নৃপ ।
পিতরঃ সর্বভূতানি সিদ্ধা বৈমানিকাশ্চ যে ॥ ২৬ ॥
পিতরঃ সর্বভূতানি সিদ্ধা বৈমানিকাশ্চ যে ॥ ২৬ ॥
সুমহত্ কর্ম তদ্ বিষ্ণোর্গাযন্তঃ পরমদ্ভুতম্ ।
ধিষ্ণ্যানি স্বানি তে জগ্মুরদিতিং চ শশংসিরে ॥ ২৭ ॥
ধিষ্ণ্যানি স্বানি তে জগ্মুরদিতিং চ শশংসিরে ॥ ২৭ ॥
সর্বমেতন্মযাখ্যাতং ভবতঃ কুলনন্দন ।
উরুক্রমস্য চরিতং শ্রোতৃণামঘমোচনম্ ॥ ২৮ ॥
উরুক্রমস্য চরিতং শ্রোতৃণামঘমোচনম্ ॥ ২৮ ॥
পারং মহিম্ন উরুবিক্রমতো গৃণানো
যঃ পার্থিবানি বিমমে স রজাংসি মর্ত্যঃ ।
কিং জাযমান উত জাত উপৈতি মর্ত্য
ইত্যাহ মন্ত্রদৃগৃষিঃ পুরুষস্য যস্য ॥ ২৯ ॥
যঃ পার্থিবানি বিমমে স রজাংসি মর্ত্যঃ ।
কিং জাযমান উত জাত উপৈতি মর্ত্য
ইত্যাহ মন্ত্রদৃগৃষিঃ পুরুষস্য যস্য ॥ ২৯ ॥
য ইদং দেবদেবস্য হরেরদ্ভুতকর্মণঃ ।
অবতারানুচরিতং শৃণ্বন্ যাতি পরাং গতিম্ ॥ ৩০ ॥
অবতারানুচরিতং শৃণ্বন্ যাতি পরাং গতিম্ ॥ ৩০ ॥
ক্রিযমাণে কর্মণীদং দৈবে পিত্র্যেঽথ মানুষে ।
যত্র যত্রানুকীর্ত্যেত তত্ তেষাং সুকৃতং বিদুঃ ॥ ৩১ ॥
যত্র যত্রানুকীর্ত্যেত তত্ তেষাং সুকৃতং বিদুঃ ॥ ৩১ ॥