శ్రీశుక ఉవాచ
తేఽన్యోన్యతోఽసురాః పాత్రం హరన్తస్త్యక్తసౌహృదాః ।
క్షిపన్తో దస్యుధర్మాణ ఆయాన్తీం దదృశుః స్త్రియమ్ ॥ ౧ ॥
తేఽన్యోన్యతోఽసురాః పాత్రం హరన్తస్త్యక్తసౌహృదాః ।
క్షిపన్తో దస్యుధర్మాణ ఆయాన్తీం దదృశుః స్త్రియమ్ ॥ ౧ ॥
అహో రూపమహో ధామ అహో అస్యా నవం వయః ।
ఇతి తే తామభిద్రుత్య పప్రచ్ఛుర్జాతహృచ్ఛయాః ॥ ౨ ॥
ఇతి తే తామభిద్రుత్య పప్రచ్ఛుర్జాతహృచ్ఛయాః ॥ ౨ ॥
కా త్వం కఞ్జపలాశాక్షి కుతో వా కిం చికీర్షసి ।
కస్యాసి వద వామోరు మథ్నతీవ మనాంసి నః ॥ ౩ ॥
కస్యాసి వద వామోరు మథ్నతీవ మనాంసి నః ॥ ౩ ॥
న వయం త్వామరైర్దైత్యైః సిద్ధగన్ధర్వచారణైః ।
నాస్పృష్టపూర్వాం జానీమో లోకేశైశ్చ కుతో నృభిః ॥ ౪ ॥
నాస్పృష్టపూర్వాం జానీమో లోకేశైశ్చ కుతో నృభిః ॥ ౪ ॥
నూనం త్వం విధినా సుభ్రూః ప్రేషితాసి శరీరిణామ్ ।
సర్వేన్ద్రియమనఃప్రీతిం విధాతుం సఘృణేన కిమ్ ॥ ౫ ॥
సర్వేన్ద్రియమనఃప్రీతిం విధాతుం సఘృణేన కిమ్ ॥ ౫ ॥
సా త్వం నః స్పర్ధమానానామేకవస్తుని మానిని ।
జ్ఞాతీనాం బద్ధవైరాణాం శం విధత్స్వ సుమధ్యమే ॥ ౬ ॥
జ్ఞాతీనాం బద్ధవైరాణాం శం విధత్స్వ సుమధ్యమే ॥ ౬ ॥
వయం కశ్యపదాయాదా భ్రాతరః కృతపౌరుషాః ।
విభజస్వ యథాన్యాయం నైవ భేదో యథా భవేత్ ॥ ౭ ॥
విభజస్వ యథాన్యాయం నైవ భేదో యథా భవేత్ ॥ ౭ ॥
ఇత్యుపామన్త్రితో దైత్యైర్మాయాయోషిద్వపుర్హరిః ।
ప్రహస్య రుచిరాపాఙ్గైర్నిరీక్షన్నిదమబ్రవీత్ ॥ ౮ ॥
ప్రహస్య రుచిరాపాఙ్గైర్నిరీక్షన్నిదమబ్రవీత్ ॥ ౮ ॥
శ్రీభగవానువాచ
కథం కశ్యపదాయాదాః పుంశ్చల్యాం మయి సఙ్గతాః ।
విశ్వాసం పణ్డితో జాతు కామినీషు న యాతి హి ॥ ౯ ॥
కథం కశ్యపదాయాదాః పుంశ్చల్యాం మయి సఙ్గతాః ।
విశ్వాసం పణ్డితో జాతు కామినీషు న యాతి హి ॥ ౯ ॥
సాలావృకాణాం స్త్రీణాం చ స్వైరిణీనాం సురద్విషః ।
సఖ్యాన్యాహురనిత్యాని నూత్నం నూత్నం విచిన్వతామ్ ॥ ౧౦ ॥
సఖ్యాన్యాహురనిత్యాని నూత్నం నూత్నం విచిన్వతామ్ ॥ ౧౦ ॥
శ్రీశుక ఉవాచ
ఇతి తే క్ష్వేలితైస్తస్యా ఆశ్వస్తమనసోఽసురాః ।
జహసుర్భావగమ్భీరం దదుశ్చామృతభాజనమ్ ॥ ౧౧ ॥
ఇతి తే క్ష్వేలితైస్తస్యా ఆశ్వస్తమనసోఽసురాః ।
జహసుర్భావగమ్భీరం దదుశ్చామృతభాజనమ్ ॥ ౧౧ ॥
తతో గృహీత్వామృతభాజనం హరి-
ర్బభాష ఈషత్స్మితశోభయా గిరా ।
యద్యభ్యుపేతం క్వ చ సాధ్వసాధు వా
కృతం మయా వో విభజే సుధామిమామ్ ॥ ౧౨ ॥
ర్బభాష ఈషత్స్మితశోభయా గిరా ।
యద్యభ్యుపేతం క్వ చ సాధ్వసాధు వా
కృతం మయా వో విభజే సుధామిమామ్ ॥ ౧౨ ॥
ఇత్యభివ్యాహృతం తస్యా ఆకర్ణ్యాసురపుఙ్గవాః ।
అప్రమాణవిదస్తస్యాస్తత్ తథేత్యన్వమంసత ॥ ౧౩ ॥
అప్రమాణవిదస్తస్యాస్తత్ తథేత్యన్వమంసత ॥ ౧౩ ॥
అథోపోష్య కృతస్నానా హుత్వా చ హవిషానలమ్ ।
దత్త్వా గోవిప్రభూతేభ్యః కృతస్వస్త్యయనా ద్విజైః ॥ ౧౪ ॥
దత్త్వా గోవిప్రభూతేభ్యః కృతస్వస్త్యయనా ద్విజైః ॥ ౧౪ ॥
యథోపజోషం వాసాంసి పరిధాయాహతాని తే ।
కుశేషు ప్రావిశన్సర్వే ప్రాగగ్రేష్వభిభూషితాః ॥ ౧౫ ॥
కుశేషు ప్రావిశన్సర్వే ప్రాగగ్రేష్వభిభూషితాః ॥ ౧౫ ॥
ప్రాఙ్ముఖేషూపవిష్టేషు సురేషు దితిజేషు చ ।
ధూపామోదితశాలాయాం జుష్టాయాం మాల్యదీపకైః ॥ ౧౬ ॥
ధూపామోదితశాలాయాం జుష్టాయాం మాల్యదీపకైః ॥ ౧౬ ॥
తస్యాం నరేన్ద్ర కరభోరురుశద్దుకూల-
శ్రోణీతటాలసగతిర్మదవిహ్వలాక్షీ ।
సా కూజతీ కనకనూపురశిఞ్జితేన
కుమ్భస్తనీ కలసపాణిరథావివేశ ॥ ౧౭ ॥
శ్రోణీతటాలసగతిర్మదవిహ్వలాక్షీ ।
సా కూజతీ కనకనూపురశిఞ్జితేన
కుమ్భస్తనీ కలసపాణిరథావివేశ ॥ ౧౭ ॥
తాం శ్రీసఖీం కనకకుణ్డలచారుకర్ణ-
నాసాకపోలవదనాం పరదేవతాఖ్యామ్ ।
సంవీక్ష్య సమ్ముముహురుత్స్మితవీక్షణేన
దేవాసురా విగలితస్తనపట్టికాన్తామ్ ॥ ౧౮ ॥
నాసాకపోలవదనాం పరదేవతాఖ్యామ్ ।
సంవీక్ష్య సమ్ముముహురుత్స్మితవీక్షణేన
దేవాసురా విగలితస్తనపట్టికాన్తామ్ ॥ ౧౮ ॥
అసురాణాం సుధాదానం సర్పాణామివ దుర్నయమ్ ।
మత్వా జాతినృశంసానాం న తాం వ్యభజదచ్యుతః ॥ ౧౯ ॥
మత్వా జాతినృశంసానాం న తాం వ్యభజదచ్యుతః ॥ ౧౯ ॥
కల్పయిత్వా పృథక్ పఙ్క్తీరుభయేషాం జగత్పతిః ।
తాంశ్చోపవేశయామాస స్వేషు స్వేషు చ పఙ్క్తిషు ॥ ౨౦ ॥
తాంశ్చోపవేశయామాస స్వేషు స్వేషు చ పఙ్క్తిషు ॥ ౨౦ ॥
దైత్యాన్గృహీతకలసో వఞ్చయన్నుపసఞ్చరైః ।
దూరస్థాన్ పాయయామాస జరామృత్యుహరాం సుధామ్ ॥ ౨౧ ॥
దూరస్థాన్ పాయయామాస జరామృత్యుహరాం సుధామ్ ॥ ౨౧ ॥
తే పాలయన్తః సమయమసురాః స్వకృతం నృప ।
తూష్ణీమాసన్కృతస్నేహాః స్త్రీవివాదజుగుప్సయా ॥ ౨౨ ॥
తూష్ణీమాసన్కృతస్నేహాః స్త్రీవివాదజుగుప్సయా ॥ ౨౨ ॥
తస్యాం కృతాతిప్రణయాః ప్రణయాపాయకాతరాః ।
బహుమానేన చాబద్ధా నోచుః కిఞ్చన విప్రియమ్ ॥ ౨౩ ॥
బహుమానేన చాబద్ధా నోచుః కిఞ్చన విప్రియమ్ ॥ ౨౩ ॥
దేవలిఙ్గప్రతిచ్ఛన్నః స్వర్భానుర్దేవసంసది ।
ప్రవిష్టః సోమమపిబచ్చన్ద్రార్కాభ్యాం చ సూచితః ॥ ౨౪ ॥
ప్రవిష్టః సోమమపిబచ్చన్ద్రార్కాభ్యాం చ సూచితః ॥ ౨౪ ॥
చక్రేణ క్షురధారేణ జహార పిబతః శిరః ।
హరిస్తస్య కబన్ధస్తు సుధయాప్లావితోఽపతత్ ॥ ౨౫ ॥
హరిస్తస్య కబన్ధస్తు సుధయాప్లావితోఽపతత్ ॥ ౨౫ ॥
శిరస్త్వమరతాం నీతమజో గ్రహమచీక్లృపత్ ।
యస్తు పర్వణి చన్ద్రార్కావభిధావతి వైరధీః ॥ ౨౬ ॥
యస్తు పర్వణి చన్ద్రార్కావభిధావతి వైరధీః ॥ ౨౬ ॥
పీతప్రాయేఽమృతే దేవైర్భగవాన్ లోకభావనః ।
పశ్యతామసురేన్ద్రాణాం స్వం రూపం జగృహే హరిః ॥ ౨౭ ॥
పశ్యతామసురేన్ద్రాణాం స్వం రూపం జగృహే హరిః ॥ ౨౭ ॥
ఏవం సురాసురగణాః సమదేశకాల-
హేత్వర్థకర్మమతయోఽపి ఫలే వికల్పాః ।
తత్రామృతం సురగణాః ఫలమఞ్జసాపు-
ర్యత్పాదపఙ్కజరజఃశ్రయణాన్న దైత్యాః ॥ ౨౮ ॥
హేత్వర్థకర్మమతయోఽపి ఫలే వికల్పాః ।
తత్రామృతం సురగణాః ఫలమఞ్జసాపు-
ర్యత్పాదపఙ్కజరజఃశ్రయణాన్న దైత్యాః ॥ ౨౮ ॥
యద్ యుజ్యతేఽసువసుకర్మమనోవచోభి-
ర్దేహాత్మజాదిషు నృభిస్తదసత్ పృథక్త్వాత్ ।
తైరేవ సద్ భవతి యత్ క్రియతేఽపృథక్త్వాత్
సర్వస్య తద్ భవతి మూలనిషేచనం యత్ ॥ ౨౯ ॥
ర్దేహాత్మజాదిషు నృభిస్తదసత్ పృథక్త్వాత్ ।
తైరేవ సద్ భవతి యత్ క్రియతేఽపృథక్త్వాత్
సర్వస్య తద్ భవతి మూలనిషేచనం యత్ ॥ ౨౯ ॥