What is Varahi Sahasra Nama Stotram?

Read Varahi Sahasra Nama Stotram in Telugu script — full lyrics with English meaning and transliteration. The Varahi Sahasra Nama Stotram is a powerful devotional hymn dedicated to Goddess Varahi, the fierce and protective feminine energy of Lord Varaha. Originating from the Rudra Yamala Tantra, this sacred text praises the thousand names of the Goddess, who is revered as a Matrika and a commander of the forces of Lalita Tripurasundari. Chanting these names is believed to bestow immense spiritual strength, remove negative energies, overcome obstacles, and provide protection from enemies. It serves as a profound meditative tool for seekers desiring to invoke the transformative and empowering grace of the Divine Mother.

Which deity is Varahi Sahasra Nama Stotram dedicated to?

Varahi Sahasra Nama Stotram is a Sanskrit hymn dedicated to Goddess Varahi.

Who composed Varahi Sahasra Nama Stotram?

Varahi Sahasra Nama Stotram is traditionally attributed to From Rudra Yamala Tantra.

Varahi Sahasra Nama Stotram in Telugu – Lyrics

దేవ్యువాచ।

శ్రీకణ్ఠ కరుణాసిన్ధో దీనబన్ధో జగత్పతే ।
భూతిభూషితసర్వాఙ్గ పరాత్పరతర ప్రభో ॥ 1 ॥

కృతాఞ్జలిపుటా భూత్వా పృచ్ఛామ్యేకం దయానిధే ।
ఆద్యా యా చిత్స్వరూపా యా నిర్వికారా నిరఞ్జనా ॥ 2 ॥

బోధాతీతా జ్ఞానగమ్యా కూటస్థానన్దవిగ్రహా ।
అగ్రాహ్యాతీన్ద్రియా శుద్ధా నిరీహా స్వావభాసికా ॥ 3 ॥

గుణాతీతా నిష్ప్రపఞ్చా హ్యవాఙ్మనసగోచరా ।
ప్రకృతిర్జగదుత్పత్తిస్థితిసంహారకారిణీ ॥ 4 ॥

రక్షార్థం జగతో దేవకార్యార్థం వా సురద్విషామ్ ।
నాశాయ ధత్తే సా దేహం తత్తత్కార్యైకసాధకమ్ ॥ 5 ॥

తత్ర భూధరణార్థాయ యజ్ఞవిస్తారహేతవే ।
విద్యుత్కేశహిరణ్యాక్షబాలాకాదివధాయ చ ॥ 6 ॥

ఆవిర్బభూవ యా శక్తిర్ఘోరా భూదారరూపిణీ ।
వారాహీ వికటాకారా దానవాసురనాశినీ ॥ 7 ॥

సద్యః సిద్ధికరీ దేవీ ఘోరాద్ఘోరతరా శివా ।
తస్యాః సహస్రనామాఖ్యం స్తోత్రం మే సముదీరయ ॥ 8 ॥

కృపాలేశోఽస్తి మయి చేద్భాగ్యం మే యది వా భవేత్ ।
అనుగ్రాహ్యా యద్యహం స్యాం తదా వద దయానిధే ॥ 9 ॥

ఈశ్వర ఉవాచ।
సాధు సాధు వరారోహే ధన్యా బహుమతాసి మే ।
శుశ్రూషయా సముత్పన్నా భక్తిః శ్రద్ధాన్వితా తవ ॥ 10 ॥

సహస్రనామ వారాహ్యాః సర్వసిద్ధివిధాయి చ ।
తవ చేన్న ప్రవక్ష్యామి ప్రియే కస్య వదామ్యహమ్ ॥ 11 ॥

కిన్తు గోప్యం ప్రయత్నేన సంరక్ష్యం ప్రాణతోఽపి చ ।
విశేషతః కలియుగే న దేయం యస్య కస్యచిత్ ।
సర్వేఽన్యథా సిద్ధిభాజో భవిష్యన్తి వరాననే ॥ 12 ॥

ఓం అస్య శ్రీవారాహీసహస్రనామస్తోత్రస్య మహాదేవ ఋషిః । అనుష్టుప్ ఛన్దః । వారాహీ దేవతా । ఐం బీజమ్ । క్రోం శక్తిః । హుం కీలకమ్ । మమ సర్వార్థసిద్ధ్యర్థే జపే వినియోగః ।
ఓం వారాహీ వామనీ వామా బగలా వాసవీ వసుః ।
వైదేహీ వీరసూర్బాలా వరదా విష్ణువల్లభా ॥ 13 ॥

వన్దితా వసుదా వశ్యా వ్యాత్తాస్యా వఞ్చినీ బలా ।
వసున్ధరా వీతిహోత్రా వీతరాగా విహాయసీ ॥ 14 ॥

సర్వా ఖనిప్రియా కామ్యా కమలా కాఞ్చనీ రమా ।
ధూమ్రా కపాలినీ వామా కురుకుల్లా కలావతీ ॥ 15 ॥

యామ్యాఽఽగ్నేయీ ధరా ధన్యా ధర్మిణీ ధ్యానినీ ధ్రువా ।
ధృతిర్లక్ష్మీర్జయా తుష్టిః శక్తిర్మేధా తపస్వినీ ॥ 16 ॥

వేధా జయా కృతిః కాన్తిః స్వాహా శాన్తిర్దమా రతిః ।
లజ్జా మతిః స్మృతిర్నిద్రా తన్త్రా గౌరీ శివా స్వధా ॥ 17 ॥

చణ్డీ దుర్గాఽభయా భీమా భాషా భామా భయానకా ।
భూదారా భయహా భీరుర్భైరవీ భఙ్గరా భటీ ॥ 18 ॥

ఘుర్ఘురా ఘోషణా ఘోరా ఘోషిణీ ఘోణసంయుతా ।
ఘనాఘనా ఘర్ఘరా చ ఘోణయుక్తాఽఘనాశినీ ॥ 19 ॥

పూర్వాగ్నేయీ యాతు యామ్యా వాయవ్యుత్తరవారుణీ ।
ఐశాన్యూర్ధ్వాధఃస్థితా చ పృష్ఠదక్షాగ్రవామగా ॥ 20 ॥

హృన్నాభిబ్రహ్మరన్ధ్రార్కస్వర్గపాతాలభూమిగా ।
ఐం శ్రీః హ్రీః క్లీం తీర్థగతిః ప్రీతిర్ధీర్గీః కలాఽవ్యయా ॥ 21 ॥

ఋగ్యజుః సామరూపా చ పరా పోత్రిణ్యుదుమ్బరా ।
గదాసిశక్తిచాపేషుశూలచక్రర్ష్టిధారిణీ ॥ 22 ॥

జరతీ యువతీ బాలా చతురఙ్గబలోత్కటా ।
సత్యాక్షరా నిధిర్నేత్రీ ధాత్రీ పోత్రీ పరా పటుః ॥ 23 ॥

క్షేత్రజ్ఞా కమ్పినీ జ్యేష్ఠా దురాధర్షా ధురన్ధరా ।
మాలినీ మానినీ మాతా మాననీయా మనస్వినీ ॥ 24 ॥

మదోత్కటా మన్యుకరీ మనురూపా మనోజవా ।
మేదస్వినీ మద్యరతా మధుపా మఙ్గలాఽమరా ॥ 25 ॥

మాయా మాతాఽఽమయహరీ మృడానీ మహిలా మృతిః ।
మహాదేవీ మోహహరీ మఞ్జుర్మృత్యుఞ్జయాఽమలా ॥ 26 ॥

మాంసలా మానవా మూలా మహారాత్రిర్మదాలసా ।
మృగాఙ్కా మేనకా మాన్యా మహిషఘ్నీ మదన్తికా ॥ 27 ॥

మూర్ఛామోహమృషామోఘామదమృత్యుమలాపహా ।
సింహర్క్షమహిషవ్యాఘ్రమృగక్రోడాననా ధునీ ॥ 28 ॥

ధరిణీ ధారిణీ ధేనుర్ధరిత్రీ ధావనీ ధవా ।
ధర్మధ్వనా ధ్యానపరా ధనధాన్యధరాప్రదా ॥ 29 ॥

పాపదోషరిపువ్యాధినాశినీ సిద్ధిదాయినీ ।
కలాకాష్ఠాక్షమాపక్షాహస్త్రుటిశ్వాసరూపిణీ ॥ 30 ॥

సమృద్ధా సుభుజా రౌద్రీ రాధా రాగా రమారణిః ।
రామా రతిప్రియా రుష్టా రక్షిణీ రవిమధ్యగా ॥ 31 ॥

రజనీ రమణీ రేవా రఙ్కినీ రఞ్జినీ రమా ।
రోషా రోషవతీ రూక్షా కరిరాజ్యప్రదా రతా ॥ 32 ॥

రూక్షా రూపవతీ రాస్యా రుద్రాణీ రణపణ్డితా ।
గఙ్గా చ యమునా చైవ సరస్వతిస్వసూర్మధుః ॥ 33 ॥

గణ్డకీ తుఙ్గభద్రా చ కావేరీ కౌశికీ పటుః ।
కట్వోరగవతీ చారా సహస్రాక్షా ప్రతర్దనా ॥ 34 ॥

సర్వజ్ఞా శాఙ్కరీ శాస్త్రీ జటాధారిణ్యయోరదా ।
యావనీ సౌరభీ కుబ్జా వక్రతుణ్డా వధోద్యతా ॥ 35 ॥

చన్ద్రాపీడా వేదవేద్యా శఙ్ఖినీ నీలలోహితా ।
ధ్యానాతీతాఽపరిచ్ఛేద్యా మృత్యురూపా త్రివర్గదా ॥ 36 ॥

అరూపా బహురూపా చ నానారూపా నతాననా ।
వృషాకపిర్వృషారూఢా వృషేశీ వృషవాహనా ॥ 37 ॥

వృషప్రియా వృషావర్తా వృషపర్వా వృషాకృతిః ।
కోదణ్డినీ నాగచూడా చక్షుష్యా పరమార్థికా ॥ 38 ॥

దుర్వాసా దుర్గహా దేవీ దురావాసా దురారిహా ।
దుర్గా రాధా దుఃఖహన్త్రీ దురారాధ్యా దవీయసీ ॥ 39 ॥

దురావాసా దుష్ప్రహస్తా దుష్ప్రకమ్పా దురూహిణీ ।
సువేణీ రమణీ శ్యామా మృగవ్యాధార్ఘతాపినీ ॥ 40 ॥

ఉగ్రా తార్క్షీ పాశుపతీ కౌణపీ కుణపాశనా । [దుర్గా]
కపర్దినీ కామకామా కమనీయా కలోజ్జ్వలా ॥ 41 ॥

కాసావహృత్కారకానీ కమ్బుకణ్ఠీ కృతాగమా ।
కర్కశా కారణా కాన్తా కల్పాఽకల్పా కటఙ్కటా ॥ 42 ॥

శ్మశాననిలయా భిన్నా గజారుఢా గజాపహా ।
తత్ప్రియా తత్పరా రాయా స్వర్భానుః కాలవఞ్చినీ ॥ 43 ॥

శాఖా విశాఖా గోశాఖా సుశాఖా శేషశాఖినీ ।
వ్యఙ్గా శుభాఙ్గా వామాఙ్గా నీలాఙ్గాఽనఙ్గరూపిణీ ॥ 44 ॥

సాఙ్గోపాఙ్గా చ సారఙ్గా సుభాఙ్గా రఙ్గరూపిణీ ।
భద్రా సుభద్రా భద్రాక్షీ సింహికా వినతాఽదితిః ॥ 45 ॥

హృద్యాఽవద్యా సుపద్యా చ గద్యపద్యప్రియా ప్రసూః ।
చర్చికా భోగవత్యమ్బా సారసీ శబరీ నటీ ॥ 46 ॥

యోగినీ పుష్కలాఽనన్తా పరా సాఙ్ఖ్యా శచీ సతీ ।
నిమ్నగా నిమ్ననాభిశ్చ సహిష్ణుర్జాగృతీ లిపిః ॥ 47 ॥

దమయన్తీ దమీ దణ్డోద్దణ్డినీ దారదాయికా ।
దీపినీ దావినీ ధాత్రీ దక్షకన్యా దమ్యా దరత్ ॥ 48 ॥

దాహినీ ద్రవిణీ దర్వీ దణ్డినీ దణ్డనాయికా ।
దానప్రియా దోషహన్త్రీ దుఃఖదారిద్ర్యనాశినీ ॥ 49 ॥

దోషదా దోషకృద్దోగ్ధ్రీ దోహతీ దేవికాఽధనా ।
దర్వీకరీ దుర్వలితా దుర్యుగాఽద్వయవాదినీ ॥ 50 ॥

చరాచరాఽనన్తవృష్టిరున్మత్తా కమలాఽలసా ।
తారిణీ తారకాన్తారా పరమాత్మాబ్జలోచనా ॥ 51 ॥

ఇన్దుర్హిరణ్యకవచా వ్యవస్థా వ్యవసాఈకా ।
ఈశనన్దా నదీ నాగీ యక్షిణీ సర్పిణీ వరీ ॥ 52 ॥

సుధా సురా విశ్వసహా సువర్ణాఙ్గదధారిణీ ।
జననీ ప్రీతిభాగేశీ సామ్రాజ్ఞీ సంవిదుత్తమా ॥ 53 ॥

అమేయాఽరిష్టదమనీ పిఙ్గలా లిఙ్గధారిణీ ।
చాముణ్డా ప్లావినీ హాలా బృహజ్జ్యోతిరురుక్రమా ॥ 54 ॥

సుప్రతీకా చ సుగ్రీవా హవ్యవాహా ప్రలాపినీ ।
నభస్యా మాధవీ జ్యేష్ఠా శిశిరా జ్వాలినీ రుచిః ॥ 55 ॥

శుక్లా శుక్రా శుచా శోకా శుకీ భేకీ పికీ బకీ ।
పృషదశ్వా నభోయోనిః సుప్రతీకా విభావరీ ॥ 56 ॥

గర్వితా గుర్విణీ గణ్యా గురుర్గురుధరీ గయా ।
గన్ధర్వీ గణికా గున్ద్రా గారుడీ గోపికాఽగ్రగా ॥ 57 ॥

గణేశీ గామినీ గన్తా గోపతిర్గన్ధినీ గవీ ।
గర్జితా గాననీ గోనా గోరక్షా గోవిదాం గతిః ॥ 58 ॥

గ్రాథికీ గ్రథికృద్గోష్ఠీ గర్భరూపా గుణైషిణీ ।
పారస్కరీ పాఞ్చనదా బహురూపా విరూపికా ॥ 59 ॥

ఊహా వ్యూహా దురూహా చ సమ్మోహా మోహహారిణీ ।
యజ్ఞవిగ్రహిణీ యజ్ఞా యాయజూకా యశస్వినీ ॥ 60 ॥

అగ్నిష్టోమాఽత్యగ్నిష్టోమా వాజపేయశ్చ షోడశీ ।
పుణ్డరీకాఽశ్వమేధశ్చ రాజసూయశ్చ నాభసః ॥ 61 ॥

స్విష్టకృద్బహుసౌవర్ణో గోసవశ్చ మహావ్రతః ।
విశ్వజిద్బ్రహ్మయజ్ఞశ్చ ప్రాజాపత్యః శిలాయవః ॥ 62 ॥

అశ్వక్రాన్తా రథక్రాన్తా విష్ణుక్రాన్తా విభావసుః ।
సూర్యక్రాన్తా గజక్రాన్తా బలిభిన్నాగయజ్ఞకః ॥ 63 ॥

సావిత్రీ చార్ధసావిత్రీ సర్వతోభద్రవారుణా ।
ఆదిత్యామయ గోదోహ గవామయ మృగామయా ॥ 64 ॥

సర్పమయః కాలపిఞ్జః కౌణ్డిన్యోపనాగాహలః ।
అగ్నివిద్ద్వాదశాహస్వోపాంశుః సోమ విధో హనః ॥ 65 ॥

అశ్వప్రతిగ్రహో బర్హిరథోఽభ్యుదయ ఋద్ధిరాట్ ।
సర్వస్వదక్షిణో దీక్షా సోమాఖ్యా సమిదాహ్వయః ॥ 66 ॥

కఠాయనశ్చ గోదోహః స్వాహాకారస్తనూనపాత్ ।
దణ్డా పురుష మేధశ్చ శ్యేనో వజ్ర ఇషుర్యమః ॥ 67 ॥

అఙ్గిరాః కఙ్కభేరుణ్డా చాన్ద్రాయణపరాయణా ।
జ్యోతిష్టోమః గుదో దర్శో నన్ద్యాఖ్యః పౌర్ణమాసికః ॥ 68 ॥

గజప్రతిగ్రహో రాత్రిః సౌరభః శాఙ్కలాయనః ।
సౌభాగ్యకృచ్చ కారీషో బైదలాయనరామఠౌ ॥ 69 ॥

శోచిష్కారీ నాచికేతః శాన్తికృత్పుష్టికృత్తథా ।
వైనతేయోచ్చాటనౌ చ వశీకరణ మారణే ॥ 70 ॥

త్రైలోక్యమోహనో వీరః కన్దర్పబలశాతనః ।
శఙ్ఖచూడో గజచ్ఛాయో రౌద్రాఖ్యో విష్ణువిక్రమః ॥ 71 ॥

భైరవః కవహాఖ్యశ్చావభృథోఽష్టకపాలకః ।
శ్రౌషట్ వౌషట్ వషట్కారః పాకసంస్థా పరిశ్రుతీ ॥ 72 ॥

చయనో నరమేధశ్చ కారీరీ రత్నదానికా ।
సౌత్రామణీ చ భారున్దా బార్హస్పత్యో బలఙ్గమః ॥ 73 ॥

ప్రచేతాః సర్వసత్రశ్చ గజమేధః కరమ్భకః ।
హవిఃసంస్థా సోమసంస్థా పాకసంస్థా గరుత్మతీ ॥ 74 ॥

సత్యసూర్యశ్చమసః స్రుక్ స్రువోలూఖల మేక్షణీ ।
చపలో మన్థనీ మేఢీ యూపః ప్రాగ్వంశకుఞ్చికా ॥ 75 ॥

రశ్మిరంశుశ్చ దోభ్యశ్చ వారుణోదః పవిః కుథా ।
ఆప్తోర్యామో ద్రోణకలశో మైత్రావరుణ ఆశ్వినః ॥ 76 ॥

పాత్నీవతశ్చ మన్థీ చ హారియోజన ఏవ చ ।
ప్రతిప్రస్థానశుక్రౌ చ సామిధేనీ సమిత్సమా ॥ 77 ॥

హోతాఽధ్వర్యుస్తథోద్గాతా నేతా త్వష్టా చ యోత్రికా ।
ఆగ్నీధ్రోఽచ్ఛావకాష్టావగ్గ్రావస్తుత్ప్రతర్దకః ॥ 78 ॥

సుబ్రహ్మణ్యో బ్రాహ్మణశ్చ మైత్రావరుణవారుణౌ ।
ప్రస్తోతా ప్రతిప్రస్థాతా యజమానో ధ్రువన్త్రికా ॥ 79 ॥

ఆమిక్షా పృషదాజ్యం చ హవ్యం కవ్యం చరుః పయః ।
జుహుద్ఘ్రావోపభృద్బ్రహ్మా త్రయీ త్రేతా తరస్వినీ ॥ 80 ॥

పురోడాశః పశూకర్షః ప్రోక్షణీ బ్రహ్మయజ్ఞినీ ।
అగ్నిజిహ్వా దర్భరోమా బ్రహ్మశీర్షా మహోదరీ ॥ 81 ॥

అమృతప్రాశికా నారాయణీ నగ్నా దిగమ్బరా ।
ఓఙ్కారిణీ చతుర్వేదరూపా శ్రుతిరనుల్బణా ॥ 82 ॥

అష్టాదశభుజా రమ్భా సత్యా గగనచారిణీ ।
భీమవక్త్రా మహావక్త్రా కీర్తిరాకృష్ణపిఙ్గలా ॥ 83 ॥

కృష్ణమూర్ధా మహామూర్ధా ఘోరమూర్ధా భయాననా ।
ఘోరాననా ఘోరజిహ్వా ఘోరరావా మహావ్రతా ॥ 84 ॥

దీప్తాస్యా దీప్తనేత్రా చ చణ్డప్రహరణా జటీ ।
సురభీ సౌలభీ వీచీ ఛాయా సన్ధ్యా చ మాంసలా ॥ 85 ॥

కృష్ణా కృష్ణామ్బరా కృష్ణశార్ఙ్గిణీ కృష్ణవల్లభా ।
త్రాసినీ మోహినీ ద్వేష్యా మృత్యురూపా భయాపహా ॥ 86 ॥

భీషణా దానవేన్ద్రఘ్నీ కల్పకర్తా క్షయఙ్కరీ ।
అభయా పృథివీ సాధ్వీ కేశినీ వ్యాధిజన్మహా ॥ 87 ॥

అక్షోభ్యాఽఽహ్లాదినీ కన్యా పవిత్రా రోపిణీ శుభా ।
కన్యాదేవీ సురాదేవీ భీమాదేవీ మదన్తికా ॥ 88 ॥

శాకమ్భరీ మహాశ్వేతా ధూమ్రా ధూమ్రేశ్వరీశ్వరీ ।
వీరభద్రా మహాభద్రా మహాదేవీ మహాసురీ ॥ 89 ॥

శ్మశానవాసినీ దీప్తా చితిసంస్థా చితిప్రియా ।
కపాలహస్తా ఖట్వాఙ్గీ ఖడ్గినీ శూలినీ హలీ ॥ 90 ॥

కాన్తారిణీ మహాయోగీ యోగమార్గా యుగగ్రహా ।
ధూమ్రకేతుర్మహాస్యాయుర్యుగానాం పరివర్తినీ ॥ 91 ॥

అఙ్గారిణ్యఙ్కుశకరా ఘణ్టావర్ణా చ చక్రిణీ ।
వేతాలీ బ్రహ్మవేతాలీ మహావేతాలికా తథా ॥ 92 ॥

విద్యారాజ్ఞీ మోహరాజ్ఞీ మహారాజ్ఞీ మహోదరీ ।
భూతం భవ్యం భవిష్యం చ సాఙ్ఖ్యం యోగస్తపో దమః ॥ 93 ॥

అధ్యాత్మం చాధిదైవం చాధిభూతాంశ ఏవ చ ।
ఘణ్టారవా విరూపాక్షీ శిఖివిచ్ఛ్రీచయప్రియా ॥ 94 ॥

ఖడ్గశూలగదాహస్తా మహిషాసురమర్దినీ ।
మాతఙ్గీ మత్తమాతఙ్గీ కౌశికీ బ్రహ్మవాదినీ ॥ 95 ॥

ఉగ్రతేజా సిద్ధసేనా జృమ్భిణీ మోహినీ తథా ।
జయా చ విజయా చైవ వినతా కద్రురేవ చ ॥ 96 ॥

ధాత్రీ విధాత్రీ విక్రాన్తా ధ్వస్తా మూర్ఛా చ మూర్ఛనీ ।
దమనీ ధర్మిణీ దమ్యా ఛేదినీ తాపినీ తపీ ॥ 97 ॥

బన్ధినీ బాధినీ బన్ధా బోధాతీతా బుధప్రియా ।
హరిణీ హారిణీ హన్త్రీ ధరిణీ ధారిణీ ధరా ॥ 98 ॥

విసాధినీ సాధినీ చ సన్ధ్యా సఙ్గోపనీ ప్రియా ।
రేవతీ కాలకర్ణీ చ సిద్ధిర్లక్ష్మీరరున్ధతీ ॥ 99 ॥

ధర్మప్రియా ధర్మరతిః ధర్మిష్ఠా ధర్మచారిణీ ।
వ్యుష్టిః ఖ్యాతిః సినీవాలీ కుహూః ఋతుమతీ మృతిః ॥ 100 ॥

త్వాష్ట్రీ వైరోచనీ మైత్రీ నీరజా కైటభేశ్వరీ ।
భ్రమణీ భ్రామణీ భ్రామా భ్రమరీ భ్రామరీ భ్రమా ॥ 101 ॥

నిష్కలా కలహా నీతా కౌలాకారా కలేబరా ।
విద్యుజ్జిహ్వా వర్షిణీ చ హిరణ్యాక్షనిపాతినీ ॥ 102 ॥

జితకామా కామృగయా కోలా కల్పాఙ్గినీ కలా । [కామగమా]
ప్రధానా తారకా తారా హితాత్మా హితభేదినీ ॥ 103 ॥

దురక్షరా పరబ్రహ్మ మహాదానా మహాహవా ।
వారుణీ వ్యరుణీ వాణీ వీణా వేణీ విహఙ్గమా ॥ 104 ॥

మోదప్రియా మోదకినీ ప్లవనీ ప్లావినీ ప్లుతిః ।
అజరా లోహితా లాక్షా ప్రతప్తా విశ్వభోజినీ ॥ 105 ॥

మనో బుద్ధిరహఙ్కారః క్షేత్రజ్ఞా క్షేత్రపాలికా ।
చతుర్వేదా చతుర్భారా చతురన్తా చరుప్రియా ॥ 106 ॥

చర్విణీ చోరిణీ చారీ శాఙ్కరీ చర్మభైరవీ ।
నిర్లేపా నిష్ప్రపఞ్చా చ ప్రశాన్తా నిత్యవిగ్రహా ॥ 107 ॥

స్తవ్యా స్తవప్రియా వ్యాలా గురురాశ్రితవత్సలా ।
నిష్కలఙ్కా నిరాలమ్బా నిర్ద్వన్ద్వా నిష్పరిగ్రహా ॥ 108 ॥

నిర్గుణా నిర్మలా నిత్యా నిరీహా నిరఘా నవా ।
నిరిన్ద్రియా నిరాభాసా నిర్మోహా నీతినాయికా ॥ 109 ॥

నిరిన్ధనా నిష్కలా చ లీలాకారా నిరామయా ।
ముణ్డా విరూపా వికృతా పిఙ్గలాక్షీ గుణోత్తరా ॥ 110 ॥

పద్మగర్భా మహాగర్భా విశ్వగర్భా విలక్షణా ।
పరమాత్మా పరేశానీ పరా పారా పరన్తపా ॥ 111 ॥

సంసారసేతుః క్రూరాక్షీ మూర్ఛాముక్తా మనుప్రియా । [మగ్నా]
విస్మయా దుర్జయా దక్షా దనుహన్త్రీ దయాలయా ॥ 112 ॥

పరబ్రహ్మాఽఽనన్దరూపా సర్వసిద్ధివిధాయినీ । ఓమ్ ।
ఏవముడ్డామరాతన్త్రాన్మయోద్ధృత్య ప్రకాశితమ్ ॥ 113 ॥

గోపనీయం ప్రయత్నేన నాఖ్యేయం యస్య కస్యచిత్ ।
యదీచ్ఛసి ద్రుతం సిద్ధిమైశ్వర్యం చిరజీవితామ్ ॥ 114 ॥

ఆరోగ్యం నృపసమ్మానం దానాన్యస్య తు కీర్తయేత్ ।
నామ్నాం సహస్రం వారాహ్యాః మయా తే సముదీరితమ్ ॥ 115 ॥

యః పఠేచ్ఛృణుయాద్వాపి సర్వపాపైః ప్రముచ్యతే ।
అశ్వమేధసహస్రస్య వాజపేయశతస్య చ ॥ 116 ॥

పుణ్డరీకాయుతస్యాపి ఫలం పాఠాత్ ప్రజాయతే ।
పఠతః సర్వభావేన సర్వా స్యుః సిద్ధయః కరే ॥ 117 ॥

జాయతే మహదైశ్వర్యం సర్వేషాం దయితో భవేత్ ।
ఘనసారాయతే వహ్నిరగాధోబ్ధిః కణాయతే ॥ 118 ॥

సిద్ధయశ్చ తృణాయన్తే విషమప్యమృతాయతే ।
హారాయన్తే మహాసర్పాః సింహః క్రీడామృగాయతే ॥ 119 ॥

దాసాయన్తే మహీపాలా జగన్మిత్రాయతేఽఖిలమ్ ।
తస్మాన్నామ్నాం సహస్రేణ స్తుతా సా జగదమ్బికా ।
ప్రయచ్ఛత్యఖిలాన్ కామాన్ దేహాన్తే పరమాం గతిమ్ ॥ 120 ॥

ఇతి ఉడ్డామరతన్త్రే శ్రీ ఆదివారాహీ సహస్రనామ స్తోత్రమ్ ॥

వారాహీ సహస్ర నామ స్తోత్రమ్

Explore More

More Varahi Stotras

Explore More