লক্ষ্মীভৰ্তুৰ্ভুজাগ্ৰে কৃতৱসতি সিতং যস্য ৰূপং ৱিশালং
নীলাদ্ৰেস্তুঙ্গশৃঙ্গস্থিতমিৱ ৰজনীনাথবিম্বং ৱিভাতি ।
পাযান্নঃ পাঞ্চজন্যঃ স দিতিসুতকুলত্ৰাসনৈঃ পূৰযন্স্ৱৈ-
-ৰ্নিধ্ৱানৈৰ্নীৰদৌঘধ্ৱনিপৰিভৱদৈৰম্বৰং কম্বুৰাজঃ ॥ 1 ॥
নীলাদ্ৰেস্তুঙ্গশৃঙ্গস্থিতমিৱ ৰজনীনাথবিম্বং ৱিভাতি ।
পাযান্নঃ পাঞ্চজন্যঃ স দিতিসুতকুলত্ৰাসনৈঃ পূৰযন্স্ৱৈ-
-ৰ্নিধ্ৱানৈৰ্নীৰদৌঘধ্ৱনিপৰিভৱদৈৰম্বৰং কম্বুৰাজঃ ॥ 1 ॥
আহুৰ্যস্য স্ৱৰূপং ক্ষণমুখমখিলং সূৰযঃ কালমেতং
ধ্ৱান্তস্যৈকান্তমন্তং যদপি চ পৰমং সৰ্ৱধাম্নাং চ ধাম ।
চক্ৰং তচ্চক্ৰপাণেৰ্দিতিজতনুগলদ্ৰক্তধাৰাক্তধাৰং
শশ্ৱন্নো ৱিশ্ৱৱন্দ্যং ৱিতৰতু ৱিপুলং শৰ্ম ধৰ্মাংশুশোভম্ ॥ 2 ॥
ধ্ৱান্তস্যৈকান্তমন্তং যদপি চ পৰমং সৰ্ৱধাম্নাং চ ধাম ।
চক্ৰং তচ্চক্ৰপাণেৰ্দিতিজতনুগলদ্ৰক্তধাৰাক্তধাৰং
শশ্ৱন্নো ৱিশ্ৱৱন্দ্যং ৱিতৰতু ৱিপুলং শৰ্ম ধৰ্মাংশুশোভম্ ॥ 2 ॥
অৱ্যান্নিৰ্ঘাতঘোৰো হৰিভুজপৱনামৰ্শনাধ্মাতমূৰ্তে-
-ৰস্মান্ৱিস্মেৰনেত্ৰত্ৰিদশনুতিৱচঃসাধুকাৰৈঃ সুতাৰঃ ।
সৰ্ৱং সংহৰ্তুমিচ্ছোৰৰিকুলভুৱন স্ফাৰৱিষ্ফাৰনাদঃ
সংযত্কল্পান্তসিন্ধৌ শৰসলিলঘটাৱাৰ্মুচঃ কাৰ্মুকস্য ॥ 3 ॥
-ৰস্মান্ৱিস্মেৰনেত্ৰত্ৰিদশনুতিৱচঃসাধুকাৰৈঃ সুতাৰঃ ।
সৰ্ৱং সংহৰ্তুমিচ্ছোৰৰিকুলভুৱন স্ফাৰৱিষ্ফাৰনাদঃ
সংযত্কল্পান্তসিন্ধৌ শৰসলিলঘটাৱাৰ্মুচঃ কাৰ্মুকস্য ॥ 3 ॥
জীমূতশ্যামভাসা মুহুৰপি ভগৱদ্বাহুনা মোহযন্তী
যুদ্ধেষূদ্ধূযমানা ঝটিতি তটিদিৱালক্ষ্যতে যস্য মূৰ্তিঃ ।
সোঽসিস্ত্ৰাসাকুলাক্ষত্ৰিদশৰিপুৱপুঃশোণিতাস্ৱাদতৃপ্তো
নিত্যানন্দায ভূযান্মধুমথনমনোনন্দনো নন্দকো নঃ ॥ 4 ॥
যুদ্ধেষূদ্ধূযমানা ঝটিতি তটিদিৱালক্ষ্যতে যস্য মূৰ্তিঃ ।
সোঽসিস্ত্ৰাসাকুলাক্ষত্ৰিদশৰিপুৱপুঃশোণিতাস্ৱাদতৃপ্তো
নিত্যানন্দায ভূযান্মধুমথনমনোনন্দনো নন্দকো নঃ ॥ 4 ॥
কম্ৰাকাৰা মুৰাৰেঃ কৰকমলতলেনানুৰাগাদ্গৃহীতা
সম্যগ্ৱৃত্তা স্থিতাগ্ৰে সপদি ন সহতে দৰ্শনং যা পৰেষাম্ ।
ৰাজন্তী দৈত্যজীৱাসৱমদমুদিতা লোহিতালেপনাৰ্দ্ৰা
কামং দীপ্তাংশুকান্তা প্ৰদিশতু দযিতেৱাস্য কৌমোদকী নঃ ॥ 5 ॥
সম্যগ্ৱৃত্তা স্থিতাগ্ৰে সপদি ন সহতে দৰ্শনং যা পৰেষাম্ ।
ৰাজন্তী দৈত্যজীৱাসৱমদমুদিতা লোহিতালেপনাৰ্দ্ৰা
কামং দীপ্তাংশুকান্তা প্ৰদিশতু দযিতেৱাস্য কৌমোদকী নঃ ॥ 5 ॥
যো ৱিশ্ৱপ্ৰাণভূতস্তনুৰপি চ হৰেৰ্যানকেতুস্ৱৰূপো
যং সঞ্চিন্ত্যৈৱ সদ্যঃ স্ৱযমুৰগৱধূৱৰ্গগৰ্ভাঃ পতন্তি ।
চঞ্চচ্চণ্ডোৰুতুণ্ডত্ৰুটিতফণিৱসাৰক্তপঙ্কাঙ্কিতস্যং
ৱন্দে ছন্দোমযং তং খগপতিমমলস্ৱৰ্ণৱৰ্ণং সুপৰ্ণম্ ॥ 6 ॥
যং সঞ্চিন্ত্যৈৱ সদ্যঃ স্ৱযমুৰগৱধূৱৰ্গগৰ্ভাঃ পতন্তি ।
চঞ্চচ্চণ্ডোৰুতুণ্ডত্ৰুটিতফণিৱসাৰক্তপঙ্কাঙ্কিতস্যং
ৱন্দে ছন্দোমযং তং খগপতিমমলস্ৱৰ্ণৱৰ্ণং সুপৰ্ণম্ ॥ 6 ॥
ৱিষ্ণোৰ্ৱিশ্ৱেশ্ৱৰস্য প্ৰৱৰশযনকৃত্সৰ্ৱলোকৈকধৰ্তা
সোঽনন্তঃ সৰ্ৱভূতঃ পৃথুৱিমলযশাঃ সৰ্ৱৱেদৈশ্চ ৱেদ্যঃ ।
পাতা ৱিশ্ৱস্য শশ্ৱত্সকলসুৰৰিপুধ্ৱংসনঃ পাপহন্তা
সৰ্ৱজ্ঞঃ সৰ্ৱসাক্ষী সকলৱিষভযাত্পাতু ভোগীশ্ৱৰো নঃ ॥ 7 ॥
সোঽনন্তঃ সৰ্ৱভূতঃ পৃথুৱিমলযশাঃ সৰ্ৱৱেদৈশ্চ ৱেদ্যঃ ।
পাতা ৱিশ্ৱস্য শশ্ৱত্সকলসুৰৰিপুধ্ৱংসনঃ পাপহন্তা
সৰ্ৱজ্ঞঃ সৰ্ৱসাক্ষী সকলৱিষভযাত্পাতু ভোগীশ্ৱৰো নঃ ॥ 7 ॥
ৱাগ্ভূগৈৰ্যাদিভেদৈৰ্ৱিদুৰিহ মুনযো যাং যদীযৈশ্চ পুংসাং
কাৰুণ্যাৰ্দ্ৰৈঃ কটাক্ষৈঃ সকৃদপি পতিতৈঃ সম্পদঃ স্যুঃ সমগ্ৰাঃ ।
কুন্দেন্দুস্ৱচ্ছমন্দস্মিতমধুৰমুখাম্ভোৰুহাং সুন্দৰাঙ্গীং
ৱন্দে ৱন্দ্যামশেষৈৰপি মুৰভিদুৰোমন্দিৰামিন্দিৰাং তাম্ ॥ 8 ॥
কাৰুণ্যাৰ্দ্ৰৈঃ কটাক্ষৈঃ সকৃদপি পতিতৈঃ সম্পদঃ স্যুঃ সমগ্ৰাঃ ।
কুন্দেন্দুস্ৱচ্ছমন্দস্মিতমধুৰমুখাম্ভোৰুহাং সুন্দৰাঙ্গীং
ৱন্দে ৱন্দ্যামশেষৈৰপি মুৰভিদুৰোমন্দিৰামিন্দিৰাং তাম্ ॥ 8 ॥
যা সূতে সত্ত্ৱজালং সকলমপি সদা সন্নিধানেন পুংসো
ধত্তে যা তত্ত্ৱযোগাচ্চৰমচৰমিদং ভূতযে ভূতজাতম্ ।
ধাত্ৰীং স্থাত্ৰীং জনিত্ৰীং প্ৰকৃতিমৱিকৃতিং ৱিশ্ৱশক্তিং ৱিধাত্ৰীং
ৱিষ্ণোৰ্ৱিশ্ৱাত্মনস্তাং ৱিপুলগুণমযীং প্ৰাণনাথাং প্ৰণৌমি ॥ 9 ॥
ধত্তে যা তত্ত্ৱযোগাচ্চৰমচৰমিদং ভূতযে ভূতজাতম্ ।
ধাত্ৰীং স্থাত্ৰীং জনিত্ৰীং প্ৰকৃতিমৱিকৃতিং ৱিশ্ৱশক্তিং ৱিধাত্ৰীং
ৱিষ্ণোৰ্ৱিশ্ৱাত্মনস্তাং ৱিপুলগুণমযীং প্ৰাণনাথাং প্ৰণৌমি ॥ 9 ॥
যেভ্যোঽসূযদ্ভিৰুচ্চৈঃ সপদি পদমুৰু ত্যজ্যতে দৈত্যৱৰ্গৈ-
-ৰ্যেভো ধৰ্তুং চ মূৰ্ধ্না স্পৃহযতি সততং সৰ্ৱগীৰ্ৱাণৱৰ্গঃ ।
নিত্যং নিৰ্মূলযেযুৰ্নিচিততৰমমী ভক্তিনিঘ্নাত্মনাং নঃ
পদ্মাক্ষস্যাঙ্ঘ্ৰিপদ্মদ্ৱযতলনিলযাঃ পাংসৱঃ পাপপঙ্কম্ ॥ 10 ॥
-ৰ্যেভো ধৰ্তুং চ মূৰ্ধ্না স্পৃহযতি সততং সৰ্ৱগীৰ্ৱাণৱৰ্গঃ ।
নিত্যং নিৰ্মূলযেযুৰ্নিচিততৰমমী ভক্তিনিঘ্নাত্মনাং নঃ
পদ্মাক্ষস্যাঙ্ঘ্ৰিপদ্মদ্ৱযতলনিলযাঃ পাংসৱঃ পাপপঙ্কম্ ॥ 10 ॥
ৰেখা লেখাদিৱন্দ্যাশ্চৰণতলগতাশ্চক্ৰমত্স্যাদিৰূপাঃ
স্নিগ্ধাঃ সূক্ষ্মাঃ সুজাতা মৃদুললিততৰক্ষৌমসূত্ৰাযমাণাঃ ।
দদ্যুৰ্নো মঙ্গলানি ভ্ৰমৰভৰজুষা কোমলেনাব্ধিজাযাঃ
কম্ৰেণাম্ৰেড্যমানাঃ কিসলযমৃদুনা পাণিনা চক্ৰপাণেঃ ॥ 11 ॥
স্নিগ্ধাঃ সূক্ষ্মাঃ সুজাতা মৃদুললিততৰক্ষৌমসূত্ৰাযমাণাঃ ।
দদ্যুৰ্নো মঙ্গলানি ভ্ৰমৰভৰজুষা কোমলেনাব্ধিজাযাঃ
কম্ৰেণাম্ৰেড্যমানাঃ কিসলযমৃদুনা পাণিনা চক্ৰপাণেঃ ॥ 11 ॥
যস্মাদাক্ৰামতো দ্যাং গৰুডমণিশিলাকেতুদণ্ডাযমানা
দাশ্চ্যোতন্তী বভাসে সুৰসৰিদমলা ৱৈজযন্তীৱ কান্তা ।
ভূমিষ্ঠো যস্তথান্যো ভুৱনগৃহবৃহত্স্তম্ভশোভাং দধৌ নঃ
পাতামেতৌ পাযোজোদৰললিততলৌ পঙ্কজাক্ষস্য পাদৌ ॥ 12 ॥
দাশ্চ্যোতন্তী বভাসে সুৰসৰিদমলা ৱৈজযন্তীৱ কান্তা ।
ভূমিষ্ঠো যস্তথান্যো ভুৱনগৃহবৃহত্স্তম্ভশোভাং দধৌ নঃ
পাতামেতৌ পাযোজোদৰললিততলৌ পঙ্কজাক্ষস্য পাদৌ ॥ 12 ॥
আক্ৰামদ্ভ্যাং ত্ৰিলোকীমসুৰসুৰপতী তত্ক্ষণাদেৱ নীতৌ
যাভ্যাং ৱৈৰোচনীন্দ্ৰৌ যুগপদপি ৱিপত্সম্পদোৰেকধামঃ ।
তাভ্যাং তাম্ৰোদৰাভ্যাং মুহুৰহমজিতস্যাঞ্চিতাভ্যামুভাভ্যাং
প্ৰাজ্যৈশ্ৱৰ্যপ্ৰদাভ্যাং প্ৰণতিমুপগতঃ পাদপঙ্কেৰুহাভ্যাম্ ॥ 13 ॥
যাভ্যাং ৱৈৰোচনীন্দ্ৰৌ যুগপদপি ৱিপত্সম্পদোৰেকধামঃ ।
তাভ্যাং তাম্ৰোদৰাভ্যাং মুহুৰহমজিতস্যাঞ্চিতাভ্যামুভাভ্যাং
প্ৰাজ্যৈশ্ৱৰ্যপ্ৰদাভ্যাং প্ৰণতিমুপগতঃ পাদপঙ্কেৰুহাভ্যাম্ ॥ 13 ॥
যেভ্যো ৱৰ্ণশ্চতুৰ্থশ্চৰমত উদভূদাদিসৰ্গে প্ৰজানাং
সাহস্ৰী চাপি সঙ্খ্যা প্ৰকটমভিহিতা সৰ্ৱৱেদেষু যেষাম্ ।
প্ৰাপ্তা ৱিশ্ৱম্ভৰা যৈৰতিৱিতততনোৰ্ৱিশ্ৱমূৰ্তেৰ্ৱিৰাজো
ৱিষ্ণোস্তেভ্যো মহদ্ভ্যঃ সততমপি নমোঽস্ত্ৱঙ্ঘ্ৰিপঙ্কেৰুহেভ্যঃ ॥ 14 ॥
সাহস্ৰী চাপি সঙ্খ্যা প্ৰকটমভিহিতা সৰ্ৱৱেদেষু যেষাম্ ।
প্ৰাপ্তা ৱিশ্ৱম্ভৰা যৈৰতিৱিতততনোৰ্ৱিশ্ৱমূৰ্তেৰ্ৱিৰাজো
ৱিষ্ণোস্তেভ্যো মহদ্ভ্যঃ সততমপি নমোঽস্ত্ৱঙ্ঘ্ৰিপঙ্কেৰুহেভ্যঃ ॥ 14 ॥
ৱিষ্ণোঃ পাদদ্ৱযাগ্ৰে ৱিমলনখমণিভ্ৰাজিতা ৰাজতে যা
ৰাজীৱস্যেৱ ৰম্যা হিমজলকণিকালঙ্কৃতাগ্ৰা দলালী ।
অস্মাকং ৱিস্মযাৰ্হাণ্যখিলজনমন প্ৰাৰ্থনীযা হি সেযং
দদ্যাদাদ্যানৱদ্যা ততিৰতিৰুচিৰা মঙ্গলান্যঙ্গুলীনাম্ ॥ 15 ॥
ৰাজীৱস্যেৱ ৰম্যা হিমজলকণিকালঙ্কৃতাগ্ৰা দলালী ।
অস্মাকং ৱিস্মযাৰ্হাণ্যখিলজনমন প্ৰাৰ্থনীযা হি সেযং
দদ্যাদাদ্যানৱদ্যা ততিৰতিৰুচিৰা মঙ্গলান্যঙ্গুলীনাম্ ॥ 15 ॥
যস্যাং দৃষ্ট্ৱামলাযাং প্ৰতিকৃতিমমৰাঃ সম্ভৱন্ত্যানমন্তঃ
সেন্দ্ৰাঃ সান্দ্ৰীকৃতেৰ্ষ্যাস্ত্ৱপৰসুৰকুলাশঙ্কযাতঙ্কৱন্তঃ ।
সা সদ্যঃ সাতিৰেকাং সকলসুখকৰীং সম্পদং সাধযেন্ন-
-শ্চঞ্চচ্চাৰ্ৱংশুচক্ৰা চৰণনলিনযোশ্চক্ৰপাণেৰ্নখালী ॥ 16 ॥
সেন্দ্ৰাঃ সান্দ্ৰীকৃতেৰ্ষ্যাস্ত্ৱপৰসুৰকুলাশঙ্কযাতঙ্কৱন্তঃ ।
সা সদ্যঃ সাতিৰেকাং সকলসুখকৰীং সম্পদং সাধযেন্ন-
-শ্চঞ্চচ্চাৰ্ৱংশুচক্ৰা চৰণনলিনযোশ্চক্ৰপাণেৰ্নখালী ॥ 16 ॥
পাদাম্ভোজন্মসেৱাসমৱনতসুৰৱ্ৰাতভাস্ৱত্কিৰীট-
-প্ৰত্যুপ্তোচ্চাৱচাশ্মপ্ৰৱৰকৰগণৈশ্চিন্তিতং যদ্ৱিভাতি ।
নম্ৰাঙ্গানাং হৰেৰ্নো হৰিদুপলমহাকূৰ্মসৌন্দৰ্যহাৰি-
-চ্ছাযং শ্ৰেযঃপ্ৰদাযি প্ৰপদযুগমিদং প্ৰাপযেত্পাপমন্তম্ ॥ 17 ॥
-প্ৰত্যুপ্তোচ্চাৱচাশ্মপ্ৰৱৰকৰগণৈশ্চিন্তিতং যদ্ৱিভাতি ।
নম্ৰাঙ্গানাং হৰেৰ্নো হৰিদুপলমহাকূৰ্মসৌন্দৰ্যহাৰি-
-চ্ছাযং শ্ৰেযঃপ্ৰদাযি প্ৰপদযুগমিদং প্ৰাপযেত্পাপমন্তম্ ॥ 17 ॥
শ্ৰীমত্যৌ চাৰুৱৃত্তে কৰপৰিমলনানন্দহৃষ্টে ৰমাযাঃ
সৌন্দৰ্যাঢ্যেন্দ্ৰনীলোপলৰচিতমহাদণ্ডযোঃ কান্তিচোৰে ।
সূৰীন্দ্ৰৈঃ স্তূযমানে সুৰকুলসুখদে সূদিতাৰাতিসঙ্ঘে
জঙ্ঘে নাৰাযণীযে মুহুৰপি জযতামস্মদংহো হৰন্ত্যৌ ॥ 18 ॥
সৌন্দৰ্যাঢ্যেন্দ্ৰনীলোপলৰচিতমহাদণ্ডযোঃ কান্তিচোৰে ।
সূৰীন্দ্ৰৈঃ স্তূযমানে সুৰকুলসুখদে সূদিতাৰাতিসঙ্ঘে
জঙ্ঘে নাৰাযণীযে মুহুৰপি জযতামস্মদংহো হৰন্ত্যৌ ॥ 18 ॥
সম্যক্সাহ্যং ৱিধাতুং সমমিৱ সততং জঙ্ঘযোঃ খিন্নযোৰ্যে
ভাৰীভূতোৰুদণ্ডদ্ৱযভৰণকৃতোত্তম্ভভাৱং ভজেতে ।
চিত্তাদৰ্শং নিধাতুং মহিতমিৱ সতাং তে সমুদ্ৰাযমানে
ৱৃত্তাকাৰে ৱিধত্তাং হ্যদি মুদমজিতস্যানিশং জানুনী নঃ ॥ 19 ॥
ভাৰীভূতোৰুদণ্ডদ্ৱযভৰণকৃতোত্তম্ভভাৱং ভজেতে ।
চিত্তাদৰ্শং নিধাতুং মহিতমিৱ সতাং তে সমুদ্ৰাযমানে
ৱৃত্তাকাৰে ৱিধত্তাং হ্যদি মুদমজিতস্যানিশং জানুনী নঃ ॥ 19 ॥
দেৱো ভীতিং ৱিধাতুঃ সপদি ৱিদধতৌ কৈটভাখ্যং মধুং চা-
-প্যাৰোপ্যাৰূঢগৰ্ৱাৱধিজলধি যযোৰাদিদৈত্যৌ জঘান ।
ৱৃত্তাৱন্যোন্যতুল্যৌ চতুৰমুপচযং বিভ্ৰতাৱভ্ৰনীলা-
-ৱূৰূ চাৰূ হৰেস্তৌ মুদমতিশযিনীং মানসে নো ৱিধত্তাম্ ॥ 20 ॥
-প্যাৰোপ্যাৰূঢগৰ্ৱাৱধিজলধি যযোৰাদিদৈত্যৌ জঘান ।
ৱৃত্তাৱন্যোন্যতুল্যৌ চতুৰমুপচযং বিভ্ৰতাৱভ্ৰনীলা-
-ৱূৰূ চাৰূ হৰেস্তৌ মুদমতিশযিনীং মানসে নো ৱিধত্তাম্ ॥ 20 ॥
পীতেন দ্যোততে যচ্চতুৰপৰিহিতেনাম্বৰেণাত্যুদাৰং
জাতালঙ্কাৰযোগং জলমিৱ জলধেৰ্বাডবাগ্নিপ্ৰভাভিঃ ।
এতত্পাতিত্যদান্নো জঘনমতিঘনাদেনসো মাননীযং
সাতত্যেনৈৱ চেতোৱিষযমৱতৰত্পাতু পীতাম্বৰস্য ॥ 21 ॥
জাতালঙ্কাৰযোগং জলমিৱ জলধেৰ্বাডবাগ্নিপ্ৰভাভিঃ ।
এতত্পাতিত্যদান্নো জঘনমতিঘনাদেনসো মাননীযং
সাতত্যেনৈৱ চেতোৱিষযমৱতৰত্পাতু পীতাম্বৰস্য ॥ 21 ॥
যস্যা দাম্না ত্ৰিধাম্নো জঘনকলিতযা ভ্ৰাজতেঽঙ্গং যথাব্ধে-
-ৰ্মধ্যস্থো মন্দৰাদ্ৰিৰ্ভুজগপতিমহাভোগসন্নদ্ধমধ্যঃ ।
কাঞ্চী সা কাঞ্চনাভা মণিৱৰকিৰণৈৰুল্লসদ্ভিঃ প্ৰদীপ্তা
কল্যাং কল্যাণদাত্ৰীং মম মতিমনিশং কম্ৰৰূপাং কৰোতু ॥ 22 ॥
-ৰ্মধ্যস্থো মন্দৰাদ্ৰিৰ্ভুজগপতিমহাভোগসন্নদ্ধমধ্যঃ ।
কাঞ্চী সা কাঞ্চনাভা মণিৱৰকিৰণৈৰুল্লসদ্ভিঃ প্ৰদীপ্তা
কল্যাং কল্যাণদাত্ৰীং মম মতিমনিশং কম্ৰৰূপাং কৰোতু ॥ 22 ॥
উন্নম্ৰং কম্ৰমুচ্চৈৰুপচিতমুদভূদ্যত্ৰ পত্ৰৈৰ্ৱিচিত্ৰৈঃ
পূৰ্ৱং গীৰ্ৱাণপূজ্যং কমলজমধুপস্যাস্পদং তত্পযোজম্ ।
যস্মিন্নীলাশ্মনীলৈস্তৰলৰুচিজলৈঃ পূৰিতে কেলিবুদ্ধ্যা
নালীকাক্ষস্য নাভীসৰসি ৱসতু নশ্চিত্তহংসশ্চিৰায ॥ 23 ॥
পূৰ্ৱং গীৰ্ৱাণপূজ্যং কমলজমধুপস্যাস্পদং তত্পযোজম্ ।
যস্মিন্নীলাশ্মনীলৈস্তৰলৰুচিজলৈঃ পূৰিতে কেলিবুদ্ধ্যা
নালীকাক্ষস্য নাভীসৰসি ৱসতু নশ্চিত্তহংসশ্চিৰায ॥ 23 ॥
পাতালং যস্য নালং ৱলযমপি দিশাং পত্ৰপঙ্ক্তীৰ্নগেন্দ্ৰা-
-ন্ৱিদ্ৱাংসঃ কেসৰালীৰ্ৱিদুৰিহ ৱিপুলাং কৰ্ণিকাং স্ৱৰ্ণশৈলম্ ।
ভূযাদ্গাযত্স্ৱযম্ভূমধুকৰভৱনং ভূমযং কামদং নো
নালীকং নাভিপদ্মাকৰভৱমুৰু তন্নাগশয্যস্য শৌৰেঃ ॥ 24 ॥
-ন্ৱিদ্ৱাংসঃ কেসৰালীৰ্ৱিদুৰিহ ৱিপুলাং কৰ্ণিকাং স্ৱৰ্ণশৈলম্ ।
ভূযাদ্গাযত্স্ৱযম্ভূমধুকৰভৱনং ভূমযং কামদং নো
নালীকং নাভিপদ্মাকৰভৱমুৰু তন্নাগশয্যস্য শৌৰেঃ ॥ 24 ॥
আদৌ কল্পস্য যস্মাত্প্ৰভৱতি ৱিততং ৱিশ্ৱমেতদ্ৱিকল্পৈঃ
কল্পান্তে যস্য চান্ত প্ৰৱিশতি সকলং স্থাৱৰং জঙ্গমং চ ।
অত্যন্তাচিন্ত্যমূৰ্তেশ্চিৰতৰমজিতস্যান্তৰিক্ষস্ৱৰূপে
তস্মিন্নস্মাকমন্তঃকৰণমতিমুদা ক্ৰীডতাত্ক্ৰোডভাগে ॥ 25 ॥
কল্পান্তে যস্য চান্ত প্ৰৱিশতি সকলং স্থাৱৰং জঙ্গমং চ ।
অত্যন্তাচিন্ত্যমূৰ্তেশ্চিৰতৰমজিতস্যান্তৰিক্ষস্ৱৰূপে
তস্মিন্নস্মাকমন্তঃকৰণমতিমুদা ক্ৰীডতাত্ক্ৰোডভাগে ॥ 25 ॥
কান্ত্যম্ভঃপূৰপূৰ্ণে লসদসিতৱলীভঙ্গভাস্ৱত্তৰঙ্গে
গম্ভীৰাকাৰনাভীচতুৰতৰমহাৱৰ্তশোভিন্যুদাৰে ।
ক্ৰীডত্ৱানদ্ৱহেমোদৰনহনমহাবাডবাগ্নিপ্ৰভাঢ্যে
কামং দামোদৰীযোদৰসলিলনিধৌ চিত্তমত্স্যশ্চিৰং নঃ ॥ 26 ॥
গম্ভীৰাকাৰনাভীচতুৰতৰমহাৱৰ্তশোভিন্যুদাৰে ।
ক্ৰীডত্ৱানদ্ৱহেমোদৰনহনমহাবাডবাগ্নিপ্ৰভাঢ্যে
কামং দামোদৰীযোদৰসলিলনিধৌ চিত্তমত্স্যশ্চিৰং নঃ ॥ 26 ॥
নাভীনালীকমূলাদধিকপৰিমলোন্মোহিতানামলীনাং
মালা নীলেৱ যান্তী স্ফুৰতি ৰুচিমতী ৱক্ত্ৰপদ্মোন্মুখী যা ।
ৰম্যা সা ৰোমৰাজিৰ্মহিতৰুচিকৰী মধ্যভাগস্য ৱিষ্ণো-
-শ্চিত্তস্থা মা ৱিৰংসীচ্চিৰতৰমুচিতাং সাধযন্তী শ্ৰিযং নঃ ॥ 27 ॥
মালা নীলেৱ যান্তী স্ফুৰতি ৰুচিমতী ৱক্ত্ৰপদ্মোন্মুখী যা ।
ৰম্যা সা ৰোমৰাজিৰ্মহিতৰুচিকৰী মধ্যভাগস্য ৱিষ্ণো-
-শ্চিত্তস্থা মা ৱিৰংসীচ্চিৰতৰমুচিতাং সাধযন্তী শ্ৰিযং নঃ ॥ 27 ॥
সংস্তীৰ্ণং কৌস্তুভাংশুপ্ৰসৰকিসলযৈৰ্মুগ্ধমুক্তাফলাঢ্যং
শ্ৰীৱত্সোল্লাসি ফুল্লপ্ৰতিনৱৱনমালাঙ্কি ৰাজদ্ভুজান্তম্ ।
ৱক্ষঃ শ্ৰীৱৃক্ষকান্তং মধুকৰনিকৰশ্যামলং শাৰ্ঙ্গপাণেঃ
সংসাৰাধ্ৱশ্ৰমাৰ্তৈৰুপৱনমিৱ যত্সেৱিতং তত্প্ৰপদ্যে ॥ 28 ॥
শ্ৰীৱত্সোল্লাসি ফুল্লপ্ৰতিনৱৱনমালাঙ্কি ৰাজদ্ভুজান্তম্ ।
ৱক্ষঃ শ্ৰীৱৃক্ষকান্তং মধুকৰনিকৰশ্যামলং শাৰ্ঙ্গপাণেঃ
সংসাৰাধ্ৱশ্ৰমাৰ্তৈৰুপৱনমিৱ যত্সেৱিতং তত্প্ৰপদ্যে ॥ 28 ॥
কান্তং ৱক্ষো নিতান্তং ৱিদধদিৱ গলং কালিমা কালশত্ৰো-
-ৰিন্দোৰ্বিম্বং যথাঙ্কো মধুপ ইৱ তৰোৰ্মঞ্জৰীং ৰাজতে যঃ ।
শ্ৰীমান্নিত্যং ৱিধেযাদৱিৰলমিলিতঃ কৌস্তুভশ্ৰীপ্ৰতানৈঃ
শ্ৰীৱত্সঃ শ্ৰীপতেঃ স শ্ৰিয ইৱ দযিতো ৱত্স উচ্চৈঃশ্ৰিযং নঃ ॥ 29 ॥
-ৰিন্দোৰ্বিম্বং যথাঙ্কো মধুপ ইৱ তৰোৰ্মঞ্জৰীং ৰাজতে যঃ ।
শ্ৰীমান্নিত্যং ৱিধেযাদৱিৰলমিলিতঃ কৌস্তুভশ্ৰীপ্ৰতানৈঃ
শ্ৰীৱত্সঃ শ্ৰীপতেঃ স শ্ৰিয ইৱ দযিতো ৱত্স উচ্চৈঃশ্ৰিযং নঃ ॥ 29 ॥
সম্ভূযাম্ভোধিমধ্যাত্সপদি সহজযা যঃ শ্ৰিযা সন্নিধত্তে
নীলে নাৰাযণোৰঃস্থলগগনতলে হাৰতাৰোপসেৱ্যে ।
আশাঃ সৰ্ৱাঃ প্ৰকাশা ৱিদধদপিদধচ্চাত্মভাসান্যতেজা-
-স্যাশ্চৰ্যস্যাকৰো নো দ্যুমণিৰিৱ মণিঃ কৌস্তুভঃ সোঽস্তুভূত্যৈ ॥ 30 ॥
নীলে নাৰাযণোৰঃস্থলগগনতলে হাৰতাৰোপসেৱ্যে ।
আশাঃ সৰ্ৱাঃ প্ৰকাশা ৱিদধদপিদধচ্চাত্মভাসান্যতেজা-
-স্যাশ্চৰ্যস্যাকৰো নো দ্যুমণিৰিৱ মণিঃ কৌস্তুভঃ সোঽস্তুভূত্যৈ ॥ 30 ॥
যা ৱাযাৱানুকূল্যাত্সৰতি মণিৰুচা ভাসমানা সমানা
সাকং সাকম্পমংসে ৱসতি ৱিদধতী ৱাসুভদ্ৰং সুভদ্ৰম্ ।
সাৰং সাৰঙ্গসঙ্ঘৈৰ্মুখৰিতকুসুমা মেচকান্তা চ কান্তা
মালা মালালিতাস্মান্ন ৱিৰমতু সুখৈৰ্যোজযন্তী জযন্তী ॥ 31 ॥
সাকং সাকম্পমংসে ৱসতি ৱিদধতী ৱাসুভদ্ৰং সুভদ্ৰম্ ।
সাৰং সাৰঙ্গসঙ্ঘৈৰ্মুখৰিতকুসুমা মেচকান্তা চ কান্তা
মালা মালালিতাস্মান্ন ৱিৰমতু সুখৈৰ্যোজযন্তী জযন্তী ॥ 31 ॥
হাৰস্যোৰুপ্ৰভাভিঃ প্ৰতিনৱৱনমালাশুভিঃ প্ৰাংশুৰূপৈঃ
শ্ৰীভিশ্চাপ্যঙ্গদানাং কবলিতৰুচি যন্নিষ্কভাভিশ্চ ভাতি ।
বাহুল্যেনৈৱ বদ্ধাঞ্জলিপুটমজিতস্যাভিযাচামহে ত-
-দ্ৱন্ধাৰ্তিং বাধতাং নো বহুৱিহতিকৰীং বন্ধুৰং বাহুমূলম্ ॥ 32 ॥
শ্ৰীভিশ্চাপ্যঙ্গদানাং কবলিতৰুচি যন্নিষ্কভাভিশ্চ ভাতি ।
বাহুল্যেনৈৱ বদ্ধাঞ্জলিপুটমজিতস্যাভিযাচামহে ত-
-দ্ৱন্ধাৰ্তিং বাধতাং নো বহুৱিহতিকৰীং বন্ধুৰং বাহুমূলম্ ॥ 32 ॥
ৱিশ্ৱত্ৰাণৈকদীক্ষাস্তদনুগুণগুণক্ষত্ৰনিৰ্মাণদক্ষাঃ
কৰ্তাৰো দুৰ্নিৰূপস্ফুটগুণযশসা কৰ্মণামদ্ভুতানাম্ ।
শাৰ্ঙ্গং বাণং কৃপাণং ফলকমৰিগদে পদ্মশঙ্খৌ সহস্ৰং
বিভ্ৰাণাঃ শস্ত্ৰজালং মম দধতু হৰেৰ্বাহৱো মোহহানিম্ ॥ 33 ॥
কৰ্তাৰো দুৰ্নিৰূপস্ফুটগুণযশসা কৰ্মণামদ্ভুতানাম্ ।
শাৰ্ঙ্গং বাণং কৃপাণং ফলকমৰিগদে পদ্মশঙ্খৌ সহস্ৰং
বিভ্ৰাণাঃ শস্ত্ৰজালং মম দধতু হৰেৰ্বাহৱো মোহহানিম্ ॥ 33 ॥
কণ্ঠাকল্পোদ্গতৈৰ্যঃ কনকমযলসত্কুণ্ডলোত্থৈৰুদাৰৈ-
-ৰুদ্যোতৈঃ কৌস্তুভস্যাপ্যুৰুভিৰুপচিতশ্চিত্ৰৱৰ্ণো ৱিভাতি ।
কণ্ঠাশ্লেষে ৰমাযাঃ কৰৱলযপদৈৰ্মুদ্ৰিতে ভদ্ৰৰূপে
ৱৈকুণ্ঠীযেঽত্ৰ কণ্ঠে ৱসতু মম মতিঃ কুণ্ঠভাৱং ৱিহায ॥ 34 ॥
-ৰুদ্যোতৈঃ কৌস্তুভস্যাপ্যুৰুভিৰুপচিতশ্চিত্ৰৱৰ্ণো ৱিভাতি ।
কণ্ঠাশ্লেষে ৰমাযাঃ কৰৱলযপদৈৰ্মুদ্ৰিতে ভদ্ৰৰূপে
ৱৈকুণ্ঠীযেঽত্ৰ কণ্ঠে ৱসতু মম মতিঃ কুণ্ঠভাৱং ৱিহায ॥ 34 ॥
পদ্মানন্দপ্ৰদাতা পৰিলসদৰুণশ্ৰীপৰীতাগ্ৰভাগঃ
কালে কালে চ কম্বুপ্ৰৱৰশশধৰাপূৰণে যঃ প্ৰৱীণঃ ।
ৱক্ত্ৰাকাশান্তৰস্থস্তিৰযতি নিতৰাং দন্ততাৰৌঘশোভাং
শ্ৰীভৰ্তুৰ্দন্তৱাসোদ্যুমণিৰঘতমোনাশনাযাস্ত্ৱসৌ নঃ ॥ 35 ॥
কালে কালে চ কম্বুপ্ৰৱৰশশধৰাপূৰণে যঃ প্ৰৱীণঃ ।
ৱক্ত্ৰাকাশান্তৰস্থস্তিৰযতি নিতৰাং দন্ততাৰৌঘশোভাং
শ্ৰীভৰ্তুৰ্দন্তৱাসোদ্যুমণিৰঘতমোনাশনাযাস্ত্ৱসৌ নঃ ॥ 35 ॥
নিত্যং স্নেহাতিৰেকান্নিজকমিতুৰলং ৱিপ্ৰযোগাক্ষমা যা
ৱক্ত্ৰেন্দোৰন্তৰালে কৃতৱসতিৰিৱাভাতি নক্ষত্ৰৰাজিঃ ।
লক্ষ্মীকান্তস্য কান্তাকৃতিৰতিৱিলসন্মুগ্ধমুক্তাৱলিশ্ৰী-
-ৰ্দন্তালী সন্ততং সা নতিনুতিনিৰতানক্ষতান্ৰক্ষতান্নঃ ॥ 36 ॥
ৱক্ত্ৰেন্দোৰন্তৰালে কৃতৱসতিৰিৱাভাতি নক্ষত্ৰৰাজিঃ ।
লক্ষ্মীকান্তস্য কান্তাকৃতিৰতিৱিলসন্মুগ্ধমুক্তাৱলিশ্ৰী-
-ৰ্দন্তালী সন্ততং সা নতিনুতিনিৰতানক্ষতান্ৰক্ষতান্নঃ ॥ 36 ॥
ব্ৰহ্মন্ব্ৰহ্মণ্যজিহ্মাং মতিমপি কুৰুষে দেৱ সম্ভাৱযে ত্ৱাং
শম্ভো শক্ৰ ত্ৰিলোকীমৱসি কিমমৰৈৰ্নাৰদাদ্যাঃ সুখং ৱঃ ।
ইত্থং সেৱাৱনম্ৰং সুৰমুনিনিকৰং ৱীক্ষ্য ৱিষ্ণোঃ প্ৰসন্ন-
-স্যাস্যেন্দোৰাস্ৰৱন্তী ৱৰৱচনসুধাহ্লাদযেন্মানসং নঃ ॥ 37 ॥
শম্ভো শক্ৰ ত্ৰিলোকীমৱসি কিমমৰৈৰ্নাৰদাদ্যাঃ সুখং ৱঃ ।
ইত্থং সেৱাৱনম্ৰং সুৰমুনিনিকৰং ৱীক্ষ্য ৱিষ্ণোঃ প্ৰসন্ন-
-স্যাস্যেন্দোৰাস্ৰৱন্তী ৱৰৱচনসুধাহ্লাদযেন্মানসং নঃ ॥ 37 ॥
কৰ্ণস্থস্ৱৰ্ণকম্ৰোজ্জ্ৱলমকৰমহাকুণ্ডলপ্ৰোতদীপ্য-
-ন্মাণিক্যশ্ৰীপ্ৰতানৈঃ পৰিমিলিতমলিশ্যামলং কোমলং যত্ ।
প্ৰোদ্যত্সূৰ্যাংশুৰাজন্মৰকতমুকুৰাকাৰচোৰং মুৰাৰে-
-ৰ্গাঢামাগামিনীং নঃ শমযতু ৱিপদং গণ্ডযোৰ্মণ্ডলং তত্ ॥ 38 ॥
-ন্মাণিক্যশ্ৰীপ্ৰতানৈঃ পৰিমিলিতমলিশ্যামলং কোমলং যত্ ।
প্ৰোদ্যত্সূৰ্যাংশুৰাজন্মৰকতমুকুৰাকাৰচোৰং মুৰাৰে-
-ৰ্গাঢামাগামিনীং নঃ শমযতু ৱিপদং গণ্ডযোৰ্মণ্ডলং তত্ ॥ 38 ॥
ৱক্ত্ৰাম্ভোজে লসন্তং মুহুৰধৰমণিং পক্ৱবিম্বাভিৰামং
দৃষ্ট্ৱা দ্ৰষ্টুং শুকস্য স্ফুটমৱতৰতস্তুণ্ডদণ্ডাযতে যঃ ।
ঘোণঃ শোণীকৃতাত্মা শ্ৰৱণযুগলসত্কুণ্ডলোস্ৰৈৰ্মুৰাৰেঃ
প্ৰাণাখ্যস্যানিলস্য প্ৰসৰণসৰণিঃ প্ৰাণদানায নঃ স্যাত্ ॥ 39 ॥
দৃষ্ট্ৱা দ্ৰষ্টুং শুকস্য স্ফুটমৱতৰতস্তুণ্ডদণ্ডাযতে যঃ ।
ঘোণঃ শোণীকৃতাত্মা শ্ৰৱণযুগলসত্কুণ্ডলোস্ৰৈৰ্মুৰাৰেঃ
প্ৰাণাখ্যস্যানিলস্য প্ৰসৰণসৰণিঃ প্ৰাণদানায নঃ স্যাত্ ॥ 39 ॥
দিক্কালৌ ৱেদযন্তৌ জগতি মুহুৰিমৌ সঞ্চৰন্তৌ ৰৱীন্দূ
ত্ৰৈলোক্যালোকদীপাৱভিদধতি যযোৰেৱ ৰূপং মুনীন্দ্ৰাঃ ।
অস্মানব্জপ্ৰভে তে প্ৰচুৰতৰকৃপানিৰ্ভৰং প্ৰেক্ষমাণে
পাতামাতাম্ৰশুক্লাসিতৰুচিৰুচিৰে পদ্মনেত্ৰস্য নেত্ৰে ॥ 40 ॥
ত্ৰৈলোক্যালোকদীপাৱভিদধতি যযোৰেৱ ৰূপং মুনীন্দ্ৰাঃ ।
অস্মানব্জপ্ৰভে তে প্ৰচুৰতৰকৃপানিৰ্ভৰং প্ৰেক্ষমাণে
পাতামাতাম্ৰশুক্লাসিতৰুচিৰুচিৰে পদ্মনেত্ৰস্য নেত্ৰে ॥ 40 ॥
পাতাত্পাতালপাতাত্পতগপতিগতেৰ্ভ্ৰূযুগং ভুগ্নমধ্যং
যেনেষচ্চালিতেন স্ৱপদনিযমিতাঃ সাসুৰা দেৱসঙ্ঘাঃ ।
নৃত্যল্লালাটৰঙ্গে ৰজনিকৰতনোৰৰ্ধখণ্ডাৱদাতে
কালৱ্যালদ্ৱযং ৱা ৱিলসতি সমযা ৱালিকামাতৰং নঃ ॥ 41 ॥
যেনেষচ্চালিতেন স্ৱপদনিযমিতাঃ সাসুৰা দেৱসঙ্ঘাঃ ।
নৃত্যল্লালাটৰঙ্গে ৰজনিকৰতনোৰৰ্ধখণ্ডাৱদাতে
কালৱ্যালদ্ৱযং ৱা ৱিলসতি সমযা ৱালিকামাতৰং নঃ ॥ 41 ॥
লক্ষ্মাকাৰালকালিস্ফুৰদলিকশশাঙ্কাৰ্ধসন্দৰ্শমীল-
-ন্নেত্ৰাম্ভোজপ্ৰবোধোত্সুকনিভৃততৰালীনভৃঙ্গচ্ছটাভে ।
লক্ষ্মীনাথস্য লক্ষ্যীকৃতৱিবুধগণাপাঙ্গবাণাসনাৰ্ধ-
-চ্ছাযে নো ভূৰিভূতিপ্ৰসৱকুশলতে ভ্ৰূলতে পালযেতাম্ ॥ 42 ॥
-ন্নেত্ৰাম্ভোজপ্ৰবোধোত্সুকনিভৃততৰালীনভৃঙ্গচ্ছটাভে ।
লক্ষ্মীনাথস্য লক্ষ্যীকৃতৱিবুধগণাপাঙ্গবাণাসনাৰ্ধ-
-চ্ছাযে নো ভূৰিভূতিপ্ৰসৱকুশলতে ভ্ৰূলতে পালযেতাম্ ॥ 42 ॥
ৰূক্ষস্মাৰেক্ষুচাপচ্যুতশৰনিকৰক্ষীণলক্ষ্মীকটাক্ষ-
-প্ৰোত্ফুল্লত্পদ্মমালাৱিলসিতমহিতস্ফাটিকৈশানলিঙ্গম্ ।
ভূযাদ্ভূযো ৱিভূত্যৈ মম ভুৱনপতেৰ্ভ্ৰূলতাদ্ৱন্দ্ৱমধ্যা-
-দুত্থং তত্পুণ্ড্ৰমূৰ্ধ্ৱং জনিমৰণতমঃখণ্ডনং মণ্ডনং চ ॥ 43 ॥
-প্ৰোত্ফুল্লত্পদ্মমালাৱিলসিতমহিতস্ফাটিকৈশানলিঙ্গম্ ।
ভূযাদ্ভূযো ৱিভূত্যৈ মম ভুৱনপতেৰ্ভ্ৰূলতাদ্ৱন্দ্ৱমধ্যা-
-দুত্থং তত্পুণ্ড্ৰমূৰ্ধ্ৱং জনিমৰণতমঃখণ্ডনং মণ্ডনং চ ॥ 43 ॥
পীঠীভূতালকান্তে কৃতমকুটমহাদেৱলিঙ্গপ্ৰতিষ্ঠে
লালাটে নাট্যৰঙ্গে ৱিকটতৰতটে কৈটভাৰেশ্চিৰায ।
প্ৰোদ্ধাট্যৈৱাত্মতন্দ্ৰীপ্ৰকটপটকুটীং প্ৰস্ফুৰন্তীং স্ফুটাঙ্গং
পট্ৱীযং ভাৱনাখ্যাং চটুলমতিনটী নাটিকাং নাটযেন্নঃ ॥ 44 ॥
লালাটে নাট্যৰঙ্গে ৱিকটতৰতটে কৈটভাৰেশ্চিৰায ।
প্ৰোদ্ধাট্যৈৱাত্মতন্দ্ৰীপ্ৰকটপটকুটীং প্ৰস্ফুৰন্তীং স্ফুটাঙ্গং
পট্ৱীযং ভাৱনাখ্যাং চটুলমতিনটী নাটিকাং নাটযেন্নঃ ॥ 44 ॥
মালালীৱালিধাম্নঃ কুৱলযকলিতা শ্ৰীপতেঃ কুন্তলালী
কালিন্দ্যাৰুহ্য মূৰ্ধ্নো গলতি হৰশিৰঃস্ৱৰ্ধুনীস্পৰ্ধযা নু ।
ৰাহুৰ্ৱা যাতি ৱক্ত্ৰং সকলশশিকলাভ্ৰান্তিলোলান্তৰাত্মা
লোকৈৰালোক্যতে যা প্ৰদিশতু সততং সাখিলং মঙ্গলং নঃ ॥ 45 ॥
কালিন্দ্যাৰুহ্য মূৰ্ধ্নো গলতি হৰশিৰঃস্ৱৰ্ধুনীস্পৰ্ধযা নু ।
ৰাহুৰ্ৱা যাতি ৱক্ত্ৰং সকলশশিকলাভ্ৰান্তিলোলান্তৰাত্মা
লোকৈৰালোক্যতে যা প্ৰদিশতু সততং সাখিলং মঙ্গলং নঃ ॥ 45 ॥
সুপ্তাকাৰাঃ প্ৰসুপ্তে ভগৱতি ৱিবুধৈৰপ্যদৃষ্টস্ৱৰূপা
ৱ্যাপ্তৱ্যোমান্তৰালাস্তৰলমণিৰুচা ৰঞ্জিতাঃ স্পষ্টভাসঃ ।
দেহচ্ছাযোদ্গমাভা ৰিপুৱপুৰগুৰুপ্লোষৰোষাগ্নিধূম্যাঃ
কেশাঃ কেশিদ্ৱিষো নো ৱিদধতু ৱিপুলক্লেশপাশপ্ৰণাশম্ ॥ 46 ॥
ৱ্যাপ্তৱ্যোমান্তৰালাস্তৰলমণিৰুচা ৰঞ্জিতাঃ স্পষ্টভাসঃ ।
দেহচ্ছাযোদ্গমাভা ৰিপুৱপুৰগুৰুপ্লোষৰোষাগ্নিধূম্যাঃ
কেশাঃ কেশিদ্ৱিষো নো ৱিদধতু ৱিপুলক্লেশপাশপ্ৰণাশম্ ॥ 46 ॥
যত্ৰ প্ৰত্যুপ্তৰত্নপ্ৰৱৰপৰিলসদ্ভূৰিৰোচিষ্প্ৰতান-
-স্ফূৰ্ত্যাং মূৰ্তিৰ্মুৰাৰেৰ্দ্যুমণিশতচিতৱ্যোমৱদ্দুৰ্নিৰীক্ষ্যা ।
কুৰ্ৱত্পাৰেপযোধি জ্ৱলদকৃশশিখাভাস্ৱদৌৰ্ৱাগ্নিশঙ্কাং
শশ্ৱন্নঃ শৰ্ম দিশ্যাত্কলিকলুষতমঃপাটনং তত্কিৰীটম্ ॥ 47 ॥
-স্ফূৰ্ত্যাং মূৰ্তিৰ্মুৰাৰেৰ্দ্যুমণিশতচিতৱ্যোমৱদ্দুৰ্নিৰীক্ষ্যা ।
কুৰ্ৱত্পাৰেপযোধি জ্ৱলদকৃশশিখাভাস্ৱদৌৰ্ৱাগ্নিশঙ্কাং
শশ্ৱন্নঃ শৰ্ম দিশ্যাত্কলিকলুষতমঃপাটনং তত্কিৰীটম্ ॥ 47 ॥
ভ্ৰান্ত্ৱা ভ্ৰান্ত্ৱা যদন্তস্ত্ৰিভুৱনগুৰুৰপ্যব্দকোটীৰনেকা
গন্তুং নান্তং সমৰ্থো ভ্ৰমৰ ইৱ পুনৰ্নাভিনালীকনালাত্ ।
উন্মজ্জন্নূৰ্জিতশ্ৰীস্ত্ৰিভুৱনমপৰং নিৰ্মমে তত্সদৃক্ষং
দেহাম্ভোধিঃ স দেযান্নিৰৱধিৰমৃতং দৈত্যৱিদ্ৱেষিণো নঃ ॥ 48 ॥
গন্তুং নান্তং সমৰ্থো ভ্ৰমৰ ইৱ পুনৰ্নাভিনালীকনালাত্ ।
উন্মজ্জন্নূৰ্জিতশ্ৰীস্ত্ৰিভুৱনমপৰং নিৰ্মমে তত্সদৃক্ষং
দেহাম্ভোধিঃ স দেযান্নিৰৱধিৰমৃতং দৈত্যৱিদ্ৱেষিণো নঃ ॥ 48 ॥
মত্স্যঃ কূৰ্মো ৱৰাহো নৰহৰিণপতিৰ্ৱামনো জামদগ্ন্যঃ
কাকুত্স্থঃ কংসঘাতী মনসিজৱিজযী যশ্চ কল্কিৰ্ভৱিষ্যন্ ।
ৱিষ্ণোৰংশাৱতৰা ভুৱনহিতকৰা ধৰ্মসংস্থাপনাৰ্থাঃ
পাযাসুৰ্মাং ত এতে গুৰুতৰকৰুণাভাৰখিন্নাশযা যে ॥ 49 ॥
কাকুত্স্থঃ কংসঘাতী মনসিজৱিজযী যশ্চ কল্কিৰ্ভৱিষ্যন্ ।
ৱিষ্ণোৰংশাৱতৰা ভুৱনহিতকৰা ধৰ্মসংস্থাপনাৰ্থাঃ
পাযাসুৰ্মাং ত এতে গুৰুতৰকৰুণাভাৰখিন্নাশযা যে ॥ 49 ॥
যস্মাদ্ৱাচো নিৱৃত্তাঃ সমমপি মনসা লক্ষণামীক্ষমাণাঃ
স্ৱাৰ্থালাভাত্পৰাৰ্থৱ্যপগমকথনশ্লাঘিনো ৱেদৱাদাঃ ।
নিত্যানন্দং স্ৱসংৱিন্নিৰৱধিৱিমলস্ৱান্তসঙ্ক্ৰান্তবিম্ব-
-চ্ছাযাপত্যাপি নিত্যং সুখযতি যমিনো যত্তদৱ্যান্মহো নঃ ॥ 50 ॥
স্ৱাৰ্থালাভাত্পৰাৰ্থৱ্যপগমকথনশ্লাঘিনো ৱেদৱাদাঃ ।
নিত্যানন্দং স্ৱসংৱিন্নিৰৱধিৱিমলস্ৱান্তসঙ্ক্ৰান্তবিম্ব-
-চ্ছাযাপত্যাপি নিত্যং সুখযতি যমিনো যত্তদৱ্যান্মহো নঃ ॥ 50 ॥
আপাদাদা চ শীৰ্ষাদ্ৱপুৰিদমনঘং ৱৈষ্ণৱং যঃ স্ৱচিত্তে
ধত্তে নিত্যং নিৰস্তাখিলকলিকলুষ সন্ততান্তঃ প্ৰমোদম্ ।
জুহ্ৱজ্জিহ্ৱাকৃশানৌ হৰিচৰিতহৱিঃ স্তোত্ৰমন্ত্ৰানুপাঠৈ-
-স্তত্পাদাম্ভোৰুহাভ্যাং সততমপি নমস্কুৰ্মহে নিৰ্মলাভ্যাম্ ॥ 51 ॥
ধত্তে নিত্যং নিৰস্তাখিলকলিকলুষ সন্ততান্তঃ প্ৰমোদম্ ।
জুহ্ৱজ্জিহ্ৱাকৃশানৌ হৰিচৰিতহৱিঃ স্তোত্ৰমন্ত্ৰানুপাঠৈ-
-স্তত্পাদাম্ভোৰুহাভ্যাং সততমপি নমস্কুৰ্মহে নিৰ্মলাভ্যাম্ ॥ 51 ॥
মোদাত্পাদাদিকেশস্তুতিমিতিৰচিতা কীৰ্তযিত্ৱা ত্ৰিধাম্ন
পাদাব্জদ্ৱন্দ্ৱসেৱাসমযনতমতিৰ্মস্তকেনানমেদ্য ।
উন্মুচ্যৈৱাত্মনৈনোনিচযকৱচক পঞ্চতামেত্য ভানো-
-ৰ্বিম্বান্তৰ্গোচৰ স প্ৰৱিশতি পৰমানন্দমাত্মস্ৱৰূপম্ ॥ 52 ॥
পাদাব্জদ্ৱন্দ্ৱসেৱাসমযনতমতিৰ্মস্তকেনানমেদ্য ।
উন্মুচ্যৈৱাত্মনৈনোনিচযকৱচক পঞ্চতামেত্য ভানো-
-ৰ্বিম্বান্তৰ্গোচৰ স প্ৰৱিশতি পৰমানন্দমাত্মস্ৱৰূপম্ ॥ 52 ॥
ইতি শ্ৰীমত্পৰমহংসপৰিৱ্ৰাজকাচাৰ্যস্য শ্ৰীগোৱিন্দভগৱত্পূজ্যপাদশিষ্যস্য শ্ৰীমচ্ছঙ্কৰভগৱতঃ কৃতৌ শ্ৰী ৱিষ্ণু পাদাদিকেশান্তৱৰ্ণণ স্তোত্ৰং সম্পূৰ্ণম্ ।