What is Agastya Krita Shri Lakshmi Stotram?

Read Agastya Krita Shri Lakshmi Stotram in Gujarati script — full lyrics with English meaning and transliteration. Composed by the venerable sage Agastya, this powerful hymn is dedicated to Goddess Lakshmi, the divine embodiment of wealth, prosperity, and spiritual abundance. By offering heartfelt prayers to the consort of Lord Vishnu, devotees seek her blessings to overcome the turbulent ocean of worldly existence. Regular recitation of this stotra is believed to dissolve financial distress, remove obstacles, and cultivate inner peace. It serves as a sacred invocation to invite divine grace, wisdom, and auspiciousness into one's life, fostering both material growth and deep spiritual liberation for the earnest seeker.

Which deity is Agastya Krita Shri Lakshmi Stotram dedicated to?

Agastya Krita Shri Lakshmi Stotram is a Sanskrit hymn dedicated to Goddess Lakshmi.

Who composed Agastya Krita Shri Lakshmi Stotram?

Agastya Krita Shri Lakshmi Stotram is traditionally attributed to Agastya Rishi.

Agastya Krita Shri Lakshmi Stotram in Gujarati – Meaning

જય પદ્મપલાશાક્ષિ જય ત્વં શ્રીપતિપ્રિયે ।
જય માતર્મહાલક્ષ્મિ સંસારાર્ણવતારિણિ ॥ 1 ॥

મહાલક્ષ્મિ નમસ્તુભ્યં નમસ્તુભ્યં સુરેશ્વરિ ।
હરિપ્રિયે નમસ્તુભ્યં નમસ્તુભ્યં દયાનિધે ॥ 2 ॥

પદ્માલયે નમસ્તુભ્યં નમસ્તુભ્યં ચ સર્વદે ।
સર્વભૂતહિતાર્થાય વસુવૃષ્ટિં સદા કુરુ ॥ 3 ॥

જગન્માતર્નમસ્તુભ્યં નમસ્તુભ્યં દયાનિધે ।
દયાવતિ નમસ્તુભ્યં વિશ્વેશ્વરિ નમોઽસ્તુ તે ॥ 4 ॥

નમઃ ક્ષીરાર્ણવસુતે નમસ્ત્રૈલોક્યધારિણિ ।
વસુવૃષ્ટે નમસ્તુભ્યં રક્ષ માં શરણાગતમ્ ॥ 5 ॥

રક્ષ ત્વં દેવદેવેશિ દેવદેવસ્ય વલ્લભે ।
દારિદ્ર્યાત્ત્રાહિ માં લક્ષ્મિ કૃપાં કુરુ મમોપરિ ॥ 6 ॥

નમસ્ત્રૈલોક્યજનનિ નમસ્ત્રૈલોક્યપાવનિ ।
બ્રહ્માદયો નમન્તિ ત્વાં જગદાનન્દદાયિનિ ॥ 7 ॥

વિષ્ણુપ્રિયે નમસ્તુભ્યં નમસ્તુભ્યં જગદ્ધિતે ।
આર્તિહન્ત્રિ નમસ્તુભ્યં સમૃદ્ધિં કુરુ મે સદા ॥ 8 ॥

અબ્જવાસે નમસ્તુભ્યં ચપલાયૈ નમો નમઃ ।
ચઞ્ચલાયૈ નમસ્તુભ્યં લલિતાયૈ નમો નમઃ ॥ 9 ॥

નમઃ પ્રદ્યુમ્નજનનિ માતસ્તુભ્યં નમો નમઃ ।
પરિપાલય માં માતઃ માં તુભ્યં શરણાગતમ્ ॥ 10 ॥

શરણ્યે ત્વાં પ્રપન્નોઽસ્મિ કમલે કમલાલયે ।
ત્રાહિ ત્રાહિ મહાલક્ષ્મિ પરિત્રાણપરાયણે ॥ 11 ॥

પાણ્ડિત્યં શોભતે નૈવ ન શોભન્તે ગુણા નરે ।
શીલત્વં નૈવ શોભેત મહાલક્ષ્મિ ત્વયા વિના ॥ 12 ॥

તાવદ્વિરાજતે રૂપં તાવચ્છીલં વિરાજતે ।
તાવદ્ગુણા નરાણાં ચ યાવલ્લક્ષ્મીઃ પ્રસીદતિ ॥ 13 ॥

લક્ષ્મિ ત્વયાઽલઙ્કૃતમાનવા યે
પાપૈર્વિમુક્તા નૃપલોકમાન્યાઃ ।
ગુણૈર્વિહીના ગુણિનો ભવન્તિ
દુશ્શીલિનઃ શીલવતાં વરિષ્ઠાઃ ॥ 14 ॥

લક્ષ્મીર્ભૂષયતે રૂપં લક્ષ્મીર્ભૂષયતે કુલમ્ ।
લક્ષ્મીર્ભૂષયતે વિદ્યાં સર્વા લક્ષ્મીર્વિશિષ્યતે ॥ 15 ॥

લક્ષ્મી ત્વદ્ગુણકીર્તનેન કમલા ભૂર્યાત્યલં જિહ્મતામ્
રુદ્રાદ્યા રવિચન્દ્રદેવપતયો વક્તું ચ નૈવ ક્ષમાઃ ।
અસ્માભિસ્તવ રૂપલક્ષણગુણાન્વક્તું કથં શક્યતે
માતર્માં પરિપાહિ વિશ્વજનની કૃત્વા મમેષ્ટં ધ્રુવમ્ ॥ 16 ॥

દીનાર્તિભીતં ભવતાપપીડિતં
ધનૈર્વિહીનં તવ પાર્શ્વમાગતમ્ ।
કૃપાનિધિત્વાન્મમ લક્ષ્મિ સત્વરં
ધનપ્રદાનાદ્ધનનાયકં કુરુ ॥ 17 ॥

માં વિલોક્ય જનની હરિપ્રિયે
નિર્ધનં તવ સમીપમાગતમ્ ।
દેહિ મે ઝટિતિ લક્ષ્મિ કરાગ્રં
વસ્ત્રકાઞ્ચનવરાન્નમદ્ભુતમ્ ॥ 18 ॥

ત્વમેવ જનની લક્ષ્મીઃ પિતા લક્ષ્મીસ્ત્વમેવ ચ ।
ભ્રાતા ત્વં ચ સખા લક્ષ્મીર્વિદ્યા લક્ષ્મીસ્ત્વમેવ ચ ॥ 19 ॥

ત્રાહિ ત્રાહિ મહાલક્ષ્મિ ત્રાહિ ત્રાહિ સુરેશ્વરિ ।
ત્રાહિ ત્રાહિ જગન્માતઃ દારિદ્ર્યાત્ત્રાહિ વેગતઃ ॥ 20 ॥

નમસ્તુભ્યં જગદ્ધાત્રિ નમસ્તુભ્યં નમો નમઃ ।
ધર્માધારે નમસ્તુભ્યં નમઃ સમ્પત્તિદાયિની ॥ 21 ॥

દારિદ્ર્યાર્ણવમગ્નોઽહં નિમગ્નોઽહં રસાતલે ।
મજ્જન્તં માં કરે ધૃત્વા તૂદ્ધર ત્વં રમે દ્રુતમ્ ॥ 22 ॥

કિં લક્ષ્મિ બહુનોક્તેન જલ્પિતેન પુનઃ પુનઃ ।
અન્યન્મે શરણં નાસ્તિ સત્યં સત્યં હરિપ્રિયે ॥ 23 ॥

એતચ્છ્રુત્વાઽગસ્ત્યવાક્યં હૃષ્યમાણા હરિપ્રિયા ।
ઉવાચમધુરાં વાણીં તુષ્ટાઽહં તવ સર્વદા ॥ 24 ॥

શ્રીલક્ષ્મીરુવાચ ।
યત્ત્વયોક્તમિદં સ્તોત્રં યઃ પઠિષ્યતિ માનવઃ ।
શૃણોતિ ચ મહાભાગસ્તસ્યાહં વશવર્તિની ॥ 25 ॥

નિત્યં પઠતિ યો ભક્ત્યા ત્વલક્ષ્મીસ્તસ્ય નશ્યતિ ।
ઋણં ચ નશ્યતે તીવ્રં વિયોગં નૈવ પશ્યતિ ॥ 26 ॥

યઃ પઠેત્પ્રાતરુત્થાય શ્રદ્ધાભક્તિસમન્વિતઃ ।
ગૃહે તસ્ય સદા તિષ્ટેન્નિત્યં શ્રીઃ પતિના સહ ॥ 27 ॥

સુખસૌભાગ્યસમ્પન્નો મનસ્વી બુદ્ધિમાન્ભવેત્ ।
પુત્રવાન્ ગુણવાન્ શ્રેષ્ઠો ભોગભોક્તા ચ માનવઃ ॥ 28 ॥

ઇદં સ્તોત્રં મહાપુણ્યં લક્ષ્મ્યાગસ્ત્યપ્રકીર્તિતમ્ ।
વિષ્ણુપ્રસાદજનનં ચતુર્વર્ગફલપ્રદમ્ ॥ 29 ॥

રાજદ્વારે જયશ્ચૈવ શત્રોશ્ચૈવ પરાજયઃ ।
ભૂતપ્રેતપિશાચાનાં વ્યાઘ્રાણાં ન ભયં તથા ॥ 30 ॥

ન શસ્ત્રાનલતોયૌઘાદ્ભયં તસ્ય પ્રજાયતે ।
દુર્વૃત્તાનાં ચ પાપાનાં બહુહાનિકરં પરમ્ ॥ 31 ॥

મન્દુરાકરિશાલાસુ ગવાં ગોષ્ઠે સમાહિતઃ ।
પઠેત્તદ્દોષશાન્ત્યર્થં મહાપાતકનાશનમ્ ॥ 32 ॥

સર્વસૌખ્યકરં નૄણામાયુરારોગ્યદં તથા ।
અગસ્ત્યમુનિના પ્રોક્તં પ્રજાનાં હિતકામ્યયા ॥ 33 ॥

ઇત્યગસ્ત્યવિરચિતં શ્રી લક્ષ્મી સ્તોત્રમ્ ।

અગસ્ત્ય કૃત શ્રી લક્ષ્મી સ્તોત્રં

Explore More

More Lakshmi Stotras

Explore More