ಉದ್ಯನ್ನದ್ಯವಿವಸ್ವಾನಾರೋಹನ್ನುತ್ತರಾಂ ದಿವಂ ದೇವಃ ।
ಹೃದ್ರೋಗಂ ಮಮ ಸೂರ್ಯೋ ಹರಿಮಾಣಂ ಚಾಽಽಶು ನಾಶಯತು ॥ 1 ॥
ಹೃದ್ರೋಗಂ ಮಮ ಸೂರ್ಯೋ ಹರಿಮಾಣಂ ಚಾಽಽಶು ನಾಶಯತು ॥ 1 ॥
ನಿಮಿಷಾರ್ಧೇನೈಕೇನ ದ್ವೇ ಚ ಶತೇ ದ್ವೇ ಸಹಸ್ರೇ ದ್ವೇ ।
ಕ್ರಮಮಾಣ ಯೋಜನಾನಾಂ ನಮೋಽಸ್ತು ತೇ ನಲಿನನಾಥಾಯ ॥ 2 ॥
ಕ್ರಮಮಾಣ ಯೋಜನಾನಾಂ ನಮೋಽಸ್ತು ತೇ ನಲಿನನಾಥಾಯ ॥ 2 ॥
ಕರ್ಮಜ್ಞಾನಖದಶಕಂ ಮನಶ್ಚ ಜೀವ ಇತಿ ವಿಶ್ವಸರ್ಗಾಯ ।
ದ್ವಾದಶಧಾ ಯೋ ವಿಚರತಿ ಸ ದ್ವಾದಶಮೂರ್ತಿರಸ್ತು ಮೋದಾಯ ॥ 3 ॥
ದ್ವಾದಶಧಾ ಯೋ ವಿಚರತಿ ಸ ದ್ವಾದಶಮೂರ್ತಿರಸ್ತು ಮೋದಾಯ ॥ 3 ॥
ತ್ವಂ ಹಿ ಯಜೂಋಕ್ಸಾಮಃ ತ್ವಮಾಗಮಸ್ತ್ವಂ ವಷಟ್ಕಾರಃ ।
ತ್ವಂ ವಿಶ್ವಂ ತ್ವಂ ಹಂಸಃ ತ್ವಂ ಭಾನೋ ಪರಮಹಂಸಶ್ಚ ॥ 4 ॥
ತ್ವಂ ವಿಶ್ವಂ ತ್ವಂ ಹಂಸಃ ತ್ವಂ ಭಾನೋ ಪರಮಹಂಸಶ್ಚ ॥ 4 ॥
ಶಿವರೂಪಾತ್ ಜ್ಞಾನಮಹಂ ತ್ವತ್ತೋ ಮುಕ್ತಿಂ ಜನಾರ್ದನಾಕಾರಾತ್ ।
ಶಿಖಿರೂಪಾದೈಶ್ವರ್ಯಂ ತ್ವತ್ತಶ್ಚಾರೋಗ್ಯಮಿಚ್ಛಾಮಿ ॥ 5 ॥
ಶಿಖಿರೂಪಾದೈಶ್ವರ್ಯಂ ತ್ವತ್ತಶ್ಚಾರೋಗ್ಯಮಿಚ್ಛಾಮಿ ॥ 5 ॥
ತ್ವಚಿ ದೋಷಾ ದೃಶಿ ದೋಷಾಃ ಹೃದಿ ದೋಷಾ ಯೇಽಖಿಲೇನ್ದ್ರಿಯಜದೋಷಾಃ ।
ತಾನ್ ಪೂಷಾ ಹತದೋಷಃ ಕಿಞ್ಚಿದ್ರೋಷಾಗ್ನಿನಾ ದಹತು ॥ 6 ॥
ತಾನ್ ಪೂಷಾ ಹತದೋಷಃ ಕಿಞ್ಚಿದ್ರೋಷಾಗ್ನಿನಾ ದಹತು ॥ 6 ॥
ಧರ್ಮಾರ್ಥಕಾಮಮೋಕ್ಷಪ್ರತಿರೋಧಾನುಗ್ರತಾಪವೇಗಕರಾನ್ ।
ಬನ್ದೀಕೃತೇನ್ದ್ರಿಯಗಣಾನ್ ಗದಾನ್ ವಿಖಣ್ಡಯತು ಚಣ್ಡಾಂಶುಃ ॥ 7 ॥
ಬನ್ದೀಕೃತೇನ್ದ್ರಿಯಗಣಾನ್ ಗದಾನ್ ವಿಖಣ್ಡಯತು ಚಣ್ಡಾಂಶುಃ ॥ 7 ॥
ಯೇನ ವಿನೇದಂ ತಿಮಿರಂ ಜಗದೇತ್ಯ ಗ್ರಸತಿ ಚರಮಚರಮಖಿಲಮ್ ।
ಧೃತಬೋಧಂ ತಂ ನಲಿನೀಭರ್ತಾರಂ ಹರ್ತಾರಮಾಪದಾಮೀಡೇ ॥ 8 ॥
ಧೃತಬೋಧಂ ತಂ ನಲಿನೀಭರ್ತಾರಂ ಹರ್ತಾರಮಾಪದಾಮೀಡೇ ॥ 8 ॥
ಯಸ್ಯ ಸಹಸ್ರಾಭೀಶೋರಭೀಶು ಲೇಶೋ ಹಿಮಾಂಶುಬಿಮ್ಬಗತಃ ।
ಭಾಸಯತಿ ನಕ್ತಮಖಿಲಂ ಭೇದಯತು ವಿಪದ್ಗಣಾನರುಣಃ ॥ 9 ॥
ಭಾಸಯತಿ ನಕ್ತಮಖಿಲಂ ಭೇದಯತು ವಿಪದ್ಗಣಾನರುಣಃ ॥ 9 ॥
ತಿಮಿರಮಿವ ನೇತ್ರತಿಮಿರಂ ಪಟಲಮಿವಾಽಶೇಷರೋಗಪಟಲಂ ನಃ ।
ಕಾಶಮಿವಾಧಿನಿಕಾಯಂ ಕಾಲಪಿತಾ ರೋಗಯುಕ್ತತಾಂ ಹರತಾತ್ ॥ 10 ॥
ಕಾಶಮಿವಾಧಿನಿಕಾಯಂ ಕಾಲಪಿತಾ ರೋಗಯುಕ್ತತಾಂ ಹರತಾತ್ ॥ 10 ॥
ವಾತಾಶ್ಮರೀಗದಾರ್ಶಸ್ತ್ವಗ್ದೋಷಮಹೋದರಪ್ರಮೇಹಾಂಶ್ಚ ।
ಗ್ರಹಣೀಭಗನ್ಧರಾಖ್ಯಾ ಮಹತೀಸ್ತ್ವಂ ಮೇ ರುಜೋ ಹಂಸಿ ॥ 11 ॥
ಗ್ರಹಣೀಭಗನ್ಧರಾಖ್ಯಾ ಮಹತೀಸ್ತ್ವಂ ಮೇ ರುಜೋ ಹಂಸಿ ॥ 11 ॥
ತ್ವಂ ಮಾತಾ ತ್ವಂ ಶರಣಂ ತ್ವಂ ಧಾತಾ ತ್ವಂ ಧನಂ ತ್ವಮಾಚಾರ್ಯಃ ।
ತ್ವಂ ತ್ರಾತಾ ತ್ವಂ ಹರ್ತಾ ವಿಪದಾಮರ್ಕ ಪ್ರಸೀದ ಮಮ ಭಾನೋ ॥ 12 ॥
ತ್ವಂ ತ್ರಾತಾ ತ್ವಂ ಹರ್ತಾ ವಿಪದಾಮರ್ಕ ಪ್ರಸೀದ ಮಮ ಭಾನೋ ॥ 12 ॥
ಇತ್ಯಾರ್ಯಾದ್ವಾದಶಕಂ ಸಾಮ್ಬಸ್ಯ ಪುರೋ ನಭಃಸ್ಥಲಾತ್ಪತಿತಮ್ ।
ಪಠತಾಂ ಭಾಗ್ಯಸಮೃದ್ಧಿಃ ಸಮಸ್ತರೋಗಕ್ಷಯಶ್ಚ ಸ್ಯಾತ್ ॥ 13 ॥
ಪಠತಾಂ ಭಾಗ್ಯಸಮೃದ್ಧಿಃ ಸಮಸ್ತರೋಗಕ್ಷಯಶ್ಚ ಸ್ಯಾತ್ ॥ 13 ॥
ಇತಿ ಶ್ರೀಸಾಮ್ಬಕೃತದ್ವಾದಶಾರ್ಯಾಸೂರ್ಯಸ್ತುತಿಃ ।