ಶ್ರೀ ಗಣೇಶಾಯ ನಮಃ ।
ಓಂ ಅಸ್ಯ ಶ್ರೀ ಗೋಪಾಲಹೃದಯಸ್ತೋತ್ರಮನ್ತ್ರಸ್ಯ । ಶ್ರೀಭಗವಾನ್ ಸಙ್ಕರ್ಷಣ ಋಷಿ ।
ಗಾಯತ್ರೀ ಛನ್ದಃ । ಓಂ ಬೀಜಮ್ । ಲಕ್ಷ್ಮೀಃ ಶಕ್ತಿಃ । ಗೋಪಾಲಃ ಪರಮಾತ್ಮಾ ದೇವತಾ ।
ಪ್ರದ್ಯುಮ್ನಃ ಕೀಲಕಮ್ । ಮನೋವಾಕ್ಕಾಯಾರ್ಜಿತಸರ್ವಪಾಪಕ್ಷಯಾರ್ಥೇ
ಶ್ರೀಗೋಪಾಲಪ್ರೀತ್ಯರ್ಥೇ ಗೋಪಾಲಹೃದಯಸ್ತೋತ್ರಜಪೇ ವಿನಿಯೋಗಃ ।
ಶ್ರೀಗೋಪಾಲಪ್ರೀತ್ಯರ್ಥೇ ಗೋಪಾಲಹೃದಯಸ್ತೋತ್ರಜಪೇ ವಿನಿಯೋಗಃ ।
ಶ್ರೀಸಙ್ಕರ್ಷಣ ಉವಾಚ।
ಓಂ ಮಮಾಗ್ರತಃ ಸದಾ ವಿಷ್ಣುಃ ಪೃಷ್ಠತಶ್ಚಾಪಿ ಕೇಶವಃ ।
ಗೋವಿನ್ದೋ ದಕ್ಷಿಣೇ ಪಾರ್ಶ್ವೇ ವಾಮೇ ಚ ಮಧುಸೂದನಃ ॥ ೧॥
ಉಪರಿಷ್ಟಾತ್ತು ವೈಕುಣ್ಠೋ ವಾರಾಹಃ ಪೃಥಿವೀತಲೇ ।
ಅವಾನ್ತರದಿಶಃ ಪಾತು ತಾಸು ಸರ್ವಾಸು ಮಾಧವಃ ॥ ೨॥
ಗಚ್ಛತಸ್ತಿಷ್ಠತೋ ವಾಪಿ ಜಾಗ್ರತಃ ಸ್ವಪತೋಽಪಿ ವಾ ।
ನರಸಿಂಹಕೃತಾದ್ಗುಪ್ತಿರ್ವಾಸುದೇವಮಯೋ ಹ್ಯಯಮ್ ॥ ೩॥
ಅವ್ಯಕ್ತಂ ಚೈವಾಸ್ಯ ಯೋನಿಂ ವದನ್ತಿ ವ್ಯಕ್ತಂ ದೇಹಂ ದೀರ್ಘಮಾಯುರ್ಗತಿಶ್ಚ ।
ವಹ್ನಿರ್ವಕ್ತ್ರಂ ಚನ್ದ್ರಸೂರ್ಯೌ ಚ ನೇತ್ರೇ ದಿಶಃ ಶ್ರೋತೇ ಘ್ರಾಣಮಾಯುಶ್ಚ ವಾಯುಮ್ ॥ ೪॥
ವಾಚಂ ವೇದಾ ಹೃದಯಂ ವೈ ನಭಶ್ಚ ಪೃಥ್ವೀ ಪಾದೌ ತಾರಕಾ ರೋಮಕೂಪಾಃ ।
ಅಙ್ಗಾನ್ಯುಪಾಙ್ಗಾನ್ಯಧಿದೇವತಾ ಚ ವಿದ್ಯಾದುಪಸ್ಥಂ ಹಿ ತಥಾ ಸಮುದ್ರಮ್ ॥ ೫॥
ತಂ ದೇವದೇವಂ ಶರಣಂ ಪ್ರಜಾನಾಂ ಯಜ್ಞಾತ್ಮಕಂ ಸರ್ವಲೋಕಪ್ರತಿಷ್ಠಮ್ ।
ಅಜಂ ವರೇಣ್ಯಂ ವರದಂ ವರಿಷ್ಠಂ ಬ್ರಹ್ಮಾಣಮೀಶಂ ಪುರುಷಂ ನಮಸ್ತೇ ॥ ೬॥
ಆದ್ಯಂ ಪುರುಷಮೀಶಾನಂ ಪುರುಹೂತಂ ಪುರಸ್ಕೃತಮ್ ।
ಋತಮೇಕಾಕ್ಷರಂ ಬ್ರಹ್ಮ ವ್ಯಕ್ತಾಸಕ್ತಂ ಸನಾತನಮ್ ॥ ೭॥
ಮಹಾಭಾರತಮಾಖ್ಯಾನಂ ಕುರುಕ್ಷೇತ್ರಂ ಸರಸ್ವತೀಮ್ ।
ಕೇಶವಂ ಗಾಂ ಚ ಗಙ್ಗಾಂ ಚ ಕೀರ್ತಯೇನ್ಮಾಂ ಪ್ರಸೀದತಿ ॥ ೮॥
ಓಂ ಭೂಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಭುವಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಸ್ವಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಮಹಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಜನಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ತಪಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಸತ್ಯಂ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಭೂರ್ಭುವಃ ಸ್ವಃ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ವಾಸುದೇವಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಸಙ್ಕರ್ಷಣಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಪ್ರದ್ಯುಮ್ನಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಅನಿರುದ್ಧಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಹಯಗ್ರೀವಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಭವಾದ್ಭವಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಕೇಶವಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ನಾರಾಯಣಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಮಾಧವಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಗೋವಿನ್ದಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ವಿಷ್ಣವೇ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಮಧುಸೂದನಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ವೈಕುಣ್ಠಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಅಚ್ಯುತಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ತ್ರಿವಿಕ್ರಮಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ವಾಮನಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಶ್ರೀಧರಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಹೃಷೀಕೇಶಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಪದ್ಮನಾಭಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಮುಕುನ್ದಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ದಾಮೋದರಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಸತ್ಯಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಈಶಾನಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ತತ್ಪುರುಷಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಪುರುಷೋತ್ತಮಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಶ್ರೀ ರಾಮಚನ್ದ್ರಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಶ್ರೀ ನೃಸಿಂಹಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಅನನ್ತಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ವಿಶ್ವರೂಪಾಯ ಪುರುಷಾಯ ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಓಂ ಪ್ರಣವೇನ್ದುವಹ್ನಿರವಿಸಹಸ್ರನೇತ್ರಾಯ ಪುರುಷಾಯ
ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಪುರುಷರೂಪಾಯ ವಾಸುದೇವಾಯ ನಮೋ ನಮಃ ।
ಯ ಇದಂ ಗೋಪಾಲಹೃದಯಮಧೀತೇ ಸ ಬ್ರಹ್ಮಹತ್ಯಾಯಾಃ ಪೂತೋ ಭವತಿ ।
ಸುರಾಪಾನಾತ್ ಸ್ವರ್ಣಸ್ತೇಯಾತ್ ವೃಷಲೀಗಮನಾತ್ ಪತಿ ಸಮ್ಭಾಷಣಾತ್
ಅಸತ್ಯಾದಗಮ್ಯಾಗಮನಾತ್ ಅಪೇಯಪಾನಾದಭಕ್ಷ್ಯಭಕ್ಷಣಾಚ್ಚ ಪೂತೋ ಭವತಿ ।
ಅಸತ್ಯಾದಗಮ್ಯಾಗಮನಾತ್ ಅಪೇಯಪಾನಾದಭಕ್ಷ್ಯಭಕ್ಷಣಾಚ್ಚ ಪೂತೋ ಭವತಿ ।
ಅಬ್ರಹ್ಮಚಾರೀ ಬ್ರಹ್ಮಚಾರೀ ಭವತಿ । ಭಗವಾನ್ಮಹಾವಿಷ್ಣುರಿತ್ಯಾಹ ।
॥ ಇತಿ ಗೋಪಾಲಹೃದಯಸ್ತೋತ್ರಂ ಸಮ್ಪೂರ್ಣಮ್ ॥