শ্রী গণেশায নমঃ ।
শ্রীনারদ উবাচ।
নবীননীরদশ্যামং নীলেন্দীবরলোচনম্ ।
বল্লবীনন্দনং বন্দে কৃষ্ণং গোপালরূপিণম্ ॥ ১॥
শ্রীনারদ উবাচ।
নবীননীরদশ্যামং নীলেন্দীবরলোচনম্ ।
বল্লবীনন্দনং বন্দে কৃষ্ণং গোপালরূপিণম্ ॥ ১॥
স্ফুরদ্বর্হিদলোদ্বদ্ধনীলকুঞ্চিতমূর্ধজম্ ।
কদম্বকুসুমোদ্বদ্ধবনমালাবিভূষিতম্ ॥ ২॥
কদম্বকুসুমোদ্বদ্ধবনমালাবিভূষিতম্ ॥ ২॥
গণ্ডমণ্ডলসংসর্গিচলত্কুঞ্চিতকুন্তলম্ ।
স্থূলং মুক্তাফলোদারহারোদ্যোতিতবক্ষসম্ ॥ ৩॥
স্থূলং মুক্তাফলোদারহারোদ্যোতিতবক্ষসম্ ॥ ৩॥
হেমাঙ্গদতুলাকোটিকিরীটোজ্জ্বলবিগ্রহম্ ।
মন্দমারুতসংক্ষোভচলিতাম্বরসঞ্চযম্ ॥ ৪॥
মন্দমারুতসংক্ষোভচলিতাম্বরসঞ্চযম্ ॥ ৪॥
রুচিরৌষ্ঠপুটন্যস্তবংশীমধুরনিঃস্বনৈঃ ।
লসদ্গোপালিকাচেতো মোহযন্তং পুনঃ পুনঃ ॥ ৫॥
লসদ্গোপালিকাচেতো মোহযন্তং পুনঃ পুনঃ ॥ ৫॥
বল্লবীবদনাম্ভোজমধুপানমধুব্রতম্ ।
ক্ষোভযন্তং মনস্তাসাং সস্মেরাপাঙ্গবীক্ষণৈঃ ॥ ৬॥
ক্ষোভযন্তং মনস্তাসাং সস্মেরাপাঙ্গবীক্ষণৈঃ ॥ ৬॥
যৌবনোদ্ভিদেহাভিঃ সংসক্তাভিঃ পরস্পরম্ ।
বিচিত্রাম্বরভূষাভির্গোপনারীভিরাবৃতম্ ॥ ৭॥
বিচিত্রাম্বরভূষাভির্গোপনারীভিরাবৃতম্ ॥ ৭॥
প্রভিন্নাঞ্জনকালিন্দীজলকেলিকলোত্সুকম্ ।
যোধযন্তং ক্বচিদ্গোপান্ ব্যাহরন্তং গবাং গণম্ ॥ ৮॥
যোধযন্তং ক্বচিদ্গোপান্ ব্যাহরন্তং গবাং গণম্ ॥ ৮॥
কালিন্দীজলসংসর্গিশীতলানিলসেবিতে ।
কদম্বপাদপচ্ছাযে স্থিতং বৃন্দাবনে ক্বচিত্ ॥ ৯॥
কদম্বপাদপচ্ছাযে স্থিতং বৃন্দাবনে ক্বচিত্ ॥ ৯॥
রত্নভূধরসংলগ্নরত্নাসনপরিগ্রহম্ ।
কল্পপাদপমধ্যস্থহেমমণ্ডপিকাগতম্ ॥ ১০॥
কল্পপাদপমধ্যস্থহেমমণ্ডপিকাগতম্ ॥ ১০॥
বসন্তকুসুমামোদসুরভীকৃতদিঙ্মুখে ।
গোবর্ধনগিরৌ রম্যে স্থিতং রাসরসোত্সুকম্ ॥ ১১॥
গোবর্ধনগিরৌ রম্যে স্থিতং রাসরসোত্সুকম্ ॥ ১১॥
সব্যহস্ততলন্যস্তগিরিবর্যাতপত্রকম্ ।
খণ্ডিতাখণ্ডলোন্মুক্তমুক্তাসারঘনাঘনম্ ॥ ১২॥
খণ্ডিতাখণ্ডলোন্মুক্তমুক্তাসারঘনাঘনম্ ॥ ১২॥
বেণুবাদ্যমহোল্লাসকৃতহুঙ্কারনিঃস্বনৈঃ ।
সবত্সৈরুন্মুখৈঃ শশ্বদ্গোকুলৈরভিবীক্ষিতম্ ॥ ১৩॥
সবত্সৈরুন্মুখৈঃ শশ্বদ্গোকুলৈরভিবীক্ষিতম্ ॥ ১৩॥
কৃষ্ণমেবানুগাযদ্ভিস্তচ্চেষ্টাবশবর্তিভিঃ ।
দণ্ডপাশোদ্যতকরৈর্গোপালৈরূপশোভিতম্ ॥ ১৪॥
দণ্ডপাশোদ্যতকরৈর্গোপালৈরূপশোভিতম্ ॥ ১৪॥
নারদাদ্যৈর্মুনিশ্রেষ্ঠৈর্বেদবেদাঙ্গপারগৈঃ ।
প্রীতিসুস্নিগ্ধযা বাচা স্তূযমানং পরাত্পরম্ ॥ ১৫॥
প্রীতিসুস্নিগ্ধযা বাচা স্তূযমানং পরাত্পরম্ ॥ ১৫॥
য এবং চিন্তযেদ্দেবং ভক্ত্যা সংস্তৌতি মানবঃ ।
ত্রিসন্ধ্যং তস্য তুষ্টোঽসৌ দদাতি বরমীপ্সিতম্ ॥ ১৬॥
ত্রিসন্ধ্যং তস্য তুষ্টোঽসৌ দদাতি বরমীপ্সিতম্ ॥ ১৬॥
রাজবল্লভতামেতি ভবেত্সর্বজনপ্রিযঃ ।
অচলাং শ্রিযমাপ্নোতি স বাগ্মী জাযতে ধ্রুবম্ ॥ ১৭॥
অচলাং শ্রিযমাপ্নোতি স বাগ্মী জাযতে ধ্রুবম্ ॥ ১৭॥
॥ ইতি শ্রীনারদপঞ্চরাত্রে গোপালস্তোত্রং সমাপ্তম্ ॥