গোপাল সহস্ৰ নাম স্তোত্ৰম্

কৈলাসশিখৰে ৰম্যে গৌৰী পপ্ৰচ্ছ শঙ্কৰম্ ।
ব্ৰহ্মাণ্ডাখিলনাথস্ত্ৱং সৃষ্টিসংহাৰকাৰকঃ ॥ 1 ॥

ত্ৱমেৱ পূজ্যসে লোকৈৰ্ব্ৰহ্মৱিষ্ণুসুৰাদিভিঃ ।
নিত্যং পঠসি দেৱেশ কস্য স্তোত্ৰং মহেশ্ৱৰ ॥ 2 ॥

আশ্চৰ্যমিদমত্যন্তং জাযতে মম শঙ্কৰ ।
তত্প্ৰাণেশ মহাপ্ৰাজ্ঞ সংশযং ছিন্ধি মে প্ৰভো ॥ 3 ॥

শ্ৰীমহাদেৱ উৱাচ-
ধন্যাসি কৃতপুণ্যাসি পাৰ্ৱতি প্ৰাণৱল্লভে ।
ৰহস্যাতিৰহস্যং চ যত্পৃচ্ছসি ৱৰাননে ॥ 4 ॥

স্ত্ৰীস্ৱভাৱান্মহাদেৱি পুনস্ত্ৱং পৰিপৃচ্ছসি ।
গোপনীযং গোপনীযং গোপনীযং প্ৰযত্নতঃ ॥ 5 ॥

দত্তে চ সিদ্ধিহানিঃ স্যাত্তস্মাদ্যত্নেন গোপযেত্ ।
ইদং ৰহস্যং পৰমং পুৰুষাৰ্থপ্ৰদাযকম্ ॥ 6 ॥

ধনৰত্নৌঘমাণিক্যং তুৰঙ্গং চ গজাদিকম্ ।
দদাতি স্মৰণাদেৱ মহামোক্ষপ্ৰদাযকম্ ॥ 7 ॥

তত্তেঽহং সম্প্ৰৱক্ষ্যামি শৃণুষ্ৱাৱহিতা প্ৰিযে ।
যোঽসৌ নিৰঞ্জনো দেৱশ্চিত্স্ৱৰূপী জনাৰ্দনঃ ॥ 8 ॥

সংসাৰসাগৰোত্তাৰকাৰণায নৃণাং সদা ।
শ্ৰীৰঙ্গাদিকৰূপেণ ত্ৰৈলোক্যং ৱ্যাপ্য তিষ্ঠতি ॥ 9 ॥

ততো লোকা মহামূঢা ৱিষ্ণুভক্তিৱিৱৰ্জিতাঃ ।
নিশ্চযং নাধিগচ্ছন্তি পুনৰ্নাৰাযণো হৰিঃ ॥ 10 ॥

নিৰঞ্জনো নিৰাকাৰো ভক্তানাং প্ৰীতিকামদঃ ।
বৃন্দাৱনৱিহাৰায গোপালং ৰূপমুদ্ৱহন্ ॥ 11 ॥

মুৰলীৱাদনাধাৰী ৰাধাযৈ প্ৰীতিমাৱহন্ ।
অংশাংশেভ্যঃ সমুন্মীল্য পূৰ্ণৰূপকলাযুতঃ ॥ 12 ॥

শ্ৰীকৃষ্ণচন্দ্ৰো ভগৱান্ নন্দগোপৱৰোদ্যতঃ ।
ধৰণীৰূপিণী মাতা যশোদা নন্দগেহিনী ॥ 13 ॥

দ্ৱাভ্যাং প্ৰযাচিতো নাথো দেৱক্যাং ৱসুদেৱতঃ ।
ব্ৰহ্মণাঽভ্যৰ্থিতো দেৱো দেৱৈৰপি সুৰেশ্ৱৰঃ ॥ 14 ॥

জাতোঽৱন্যাং চ মুদিতো মুৰলীৱাচনেচ্ছযা ।
শ্ৰিযা সাৰ্ধং ৱচঃ কৃত্ৱা ততো জাতো মহীতলে ॥ 15 ॥

সংসাৰসাৰসৰ্ৱস্ৱং শ্যামলং মহদুজ্জ্ৱলম্ ।
এতজ্জ্যোতিৰহং ৱন্দ্যং চিন্তযামি সনাতনম্ ॥ 16 ॥

গৌৰতেজো ৱিনা যস্তু শ্যামতেজস্সমৰ্চযেত্ ।
জপেদ্ৱা ধ্যাযতে ৱাপি স ভৱেত্পাতকী শিৱে ॥ 17 ॥

স ব্ৰহ্মহা সুৰাপী চ স্ৱৰ্ণস্তেযী চ পঞ্চমঃ ।
এতৈৰ্দোষৈৰ্ৱিলিপ্যেত তেজোভেদান্মহীশ্ৱৰি ॥ 18 ॥

তস্মাজ্জ্যোতিৰভূদ্দ্ৱেধা ৰাধামাধৱৰূপকম্ ।
তস্মাদিদং মহাদেৱি গোপালেনৈৱ ভাষিতম্ ॥ 19 ॥

দুৰ্ৱাসসো মুনেৰ্মোহে কাৰ্তিক্যাং ৰাসমণ্ডলে ।
ততঃ পৃষ্টৱতী ৰাধা সন্দেহং ভেদমাত্মনঃ ॥ 20 ॥

নিৰঞ্জনাত্সমুত্পন্নং মাযাতীতং জগন্মযম্ ।
শ্ৰীকৃষ্ণেন ততঃ প্ৰোক্তং ৰাধাযৈ নাৰদায চ ॥ 21 ॥

ততো নাৰদতস্সৰ্ৱং ৱিৰলা ৱৈষ্ণৱাস্তথা ।
কলৌ জানন্তি দেৱেশি গোপনীযং প্ৰযত্নতঃ ॥ 22 ॥

শঠায কৃপণাযাথ ডাম্ভিকায সুৰেশ্ৱৰি ।
ব্ৰহ্মহত্যামৱাপ্নোতি তস্মাদ্যত্নেন গোপযেত্ ॥ 23 ॥

ওঁ অস্য শ্ৰীগোপালসহস্ৰনামস্তোত্ৰ মহামন্ত্ৰস্য শ্ৰীনাৰদ ঋষিঃ, অনুষ্টুপ্ ছন্দঃ, শ্ৰীগোপালো দেৱতা, কামো বীজং, মাযা শক্তিঃ, চন্দ্ৰঃ কীলকং, শ্ৰীকৃষ্ণচন্দ্ৰ ভক্তিৰূপফলপ্ৰাপ্তযে শ্ৰীগোপালসহস্ৰনামস্তোত্ৰজপে ৱিনিযোগঃ ।
ওঁ ঐং ক্লীং বীজং, শ্ৰীং হ্ৰীং শক্তিঃ, শ্ৰী বৃন্দাৱননিৱাসঃ কীলকং, শ্ৰীৰাধাপ্ৰিযং পৰং ব্ৰহ্মেতি মন্ত্ৰঃ, ধৰ্মাদি চতুৰ্ৱিধ পুৰুষাৰ্থসিদ্ধ্যৰ্থে জপে ৱিনিযোগঃ ।

ন্যাসঃ ।
ওঁ নাৰদ ঋষযে নমঃ শিৰসি ।
অনুষ্টুপ্ ছন্দসে নমঃ মুখে ।
শ্ৰীগোপালদেৱতাযৈ নমঃ হৃদযে ।
ক্লীং কীলকায নমঃ নাভৌ ।
হ্ৰীং শক্তযে নমঃ গুহ্যে ।
শ্ৰীং কীলকায নমঃ ফালযোঃ ।
ওঁ ক্লীং কৃষ্ণায গোৱিন্দায গোপীজনৱল্লভায স্ৱাহা

ইতি মূলমন্ত্ৰঃ ।

কৰন্যাসঃ ।
ওঁ ক্লাং অঙ্গুষ্ঠাভ্যাং নমঃ ।
ওঁ ক্লীং তৰ্জনীভ্যাং নমঃ ।
ওঁ ক্লূং মধ্যমাভ্যাং নমঃ ।
ওঁ ক্লৈং অনামিকাভ্যাং নমঃ ।
ওঁ ক্লৌং কনিষ্ঠিকাভ্যাং নমঃ ।
ওঁ ক্লঃ কৰতলকৰপৃষ্ঠাভ্যাং নমঃ ।
হৃদযাদিন্যাসঃ ।
ওঁ ক্লাং হৃদযায নমঃ ।
ওঁ ক্লীং শিৰসে স্ৱাহা ।
ওঁ ক্লূং শিখাযৈ ৱষট্ ।
ওঁ ক্লৈং কৱচায হুম্ ।
ওঁ ক্লৌং নেত্ৰত্ৰযায ৱৌষট্ ।
ওঁ ক্লঃ অস্ত্ৰায ফট্ ।
মূলমন্ত্ৰন্যাসঃ ।
ক্লীং অঙ্গুষ্ঠাভ্যাং নমঃ ।
কৃষ্ণায তৰ্জনীভ্যাং নমঃ ।
গোৱিন্দায মধ্যমাভ্যাং নমঃ ।
গোপীজন অনামিকাভ্যাং নমঃ ।
ৱল্লভায কনিষ্ঠিকাভ্যাং নমঃ ।
স্ৱাহা কৰতলকৰপৃষ্ঠাভ্যাং নমঃ ।
ক্লীং হৃদযায নমঃ ।
কৃষ্ণায শিৰসে স্ৱাহা ।
গোৱিন্দায শিখাযৈ ৱষট্ ।
গোপীজন কৱচায হুম্ ।
ৱল্লভায নেত্ৰত্ৰযায ৱৌষট্ ।
স্ৱাহা অস্ত্ৰায ফট্ ।

ধ্যানম্ ।

ফুল্লেন্দীৱৰকান্তিমিন্দুৱদনং বৰ্হাৱতংসপ্ৰিযং
শ্ৰীৱত্সাঙ্কমুদাৰকৌস্তুভধৰং পীতাম্বৰং সুন্দৰম্ ।
গোপীনাং নযনোত্পলাৰ্চিততনুং গোগোপসঙ্ঘাৱৃতং
গোৱিন্দং কলৱেণুৱাদনপৰং দিৱ্যাঙ্গভূষং ভজে ॥ 1 ॥

কস্তূৰীতিলকং ললাটফলকে ৱক্ষস্স্থলে কৌস্তুভং
নাসাগ্ৰে ৱৰমৌক্তিকং কৰতলে ৱেণুং কৰে কঙ্কণম্ ।
সৰ্ৱাঙ্গে হৰিচন্দনং চ কলযন্ কণ্ঠে চ মুক্তাৱলিং
গোপস্ত্ৰীপৰিৱেষ্টিতো ৱিজযতে গোপালচূডামণিঃ ॥ 2 ॥

ওঁ ক্লীং দেৱঃ কামদেৱঃ কামবীজশিৰোমণিঃ ।
শ্ৰীগোপালো মহীপালো ৱেদৱেদাঙ্গপাৰগঃ ॥ 1 ॥

কৃষ্ণঃ কমলপত্ৰাক্ষঃ পুণ্ডৰীকঃ সনাতনঃ ।
গোপতিৰ্ভূপতিঃ শাস্তা প্ৰহৰ্তা ৱিশ্ৱতোমুখঃ ॥ 2 ॥

আদিকৰ্তা মহাকৰ্তা মহাকালঃ প্ৰতাপৱান্ ।
জগজ্জীৱো জগদ্ধাতা জগদ্ভৰ্তা জগদ্ৱসুঃ ॥ 3 ॥

মত্স্যো ভীমঃ কুহূভৰ্তা হৰ্তা ৱাৰাহমূৰ্তিমান্ ।
নাৰাযণো হৃষীকেশো গোৱিন্দো গৰুডধ্ৱজঃ ॥ 4 ॥

গোকুলেশো মহাচন্দ্ৰঃ শৰ্ৱৰীপ্ৰিযকাৰকঃ ।
কমলামুখলোলাক্ষঃ পুণ্ডৰীকঃ শুভাৱহঃ ॥ 5 ॥

দুৰ্ৱাসাঃ কপিলো ভৌমঃ সিন্ধুসাগৰসঙ্গমঃ ।
গোৱিন্দো গোপতিৰ্গোত্ৰঃ কালিন্দীপ্ৰেমপূৰকঃ ॥ 6 ॥

গোপস্ৱামী গোকুলেন্দ্ৰঃ গোৱৰ্ধনৱৰপ্ৰদঃ ।
নন্দাদিগোকুলত্ৰাতা দাতা দাৰিদ্ৰ্যভঞ্জনঃ ॥ 7 ॥

সৰ্ৱমঙ্গলদাতা চ সৰ্ৱকামৱৰপ্ৰদঃ ।
আদিকৰ্তা মহীভৰ্তা সৰ্ৱসাগৰসিন্ধুজঃ ॥ 8 ॥

গজগামী গজোদ্ধাৰী কামী কামকলানিধিঃ ।
কলঙ্কৰহিতশ্চন্দ্ৰো বিম্বাস্যো বিম্বসত্তমঃ ॥ 9 ॥

মালাকাৰঃ কৃপাকাৰঃ কোকিলস্ৱৰভূষণঃ ।
ৰামো নীলাম্বৰো দেহী হলী দ্ৱিৱিদমৰ্দনঃ ॥ 10 ॥

সহস্ৰাক্ষপুৰীভেত্তা মহামাৰীৱিনাশনঃ ।
শিৱঃ শিৱতমো ভেত্তা বলাৰাতিপ্ৰপূজকঃ ॥ 11 ॥

কুমাৰীৱৰদাযী চ ৱৰেণ্যো মীনকেতনঃ ।
নৰো নাৰাযণো ধীৰো ধৰাপতিৰুদাৰধীঃ ॥ 12 ॥

শ্ৰীপতিঃ শ্ৰীনিধিঃ শ্ৰীমান্ মাপতিঃ প্ৰতিৰাজহা ।
বৃন্দাপতিঃ কুলং গ্ৰামী ধাম ব্ৰহ্মসনাতনঃ ॥ 13 ॥

ৰেৱতীৰমণো ৰামঃ প্ৰিযশ্চঞ্চললোচনঃ ।
ৰামাযণশৰীৰশ্চ ৰামো ৰামঃ শ্ৰিযঃপতিঃ ॥ 14 ॥

শৰ্ৱৰঃ শৰ্ৱৰী শৰ্ৱঃ সৰ্ৱত্ৰ শুভদাযকঃ ।
ৰাধাৰাধযিতাৰাধী ৰাধাচিত্তপ্ৰমোদকঃ ॥ 15 ॥

ৰাধাৰতিসুখোপেতো ৰাধামোহনতত্পৰঃ ।
ৰাধাৱশীকৰো ৰাধাহৃদযাম্ভোজষট্পদঃ ॥ 16 ॥

ৰাধালিঙ্গনসম্মোদো ৰাধানৰ্তনকৌতুকঃ ।
ৰাধাসঞ্জাতসম্প্ৰীতো ৰাধাকামফলপ্ৰদঃ ॥ 17 ॥

বৃন্দাপতিঃ কোকনিধিঃ কোকশোকৱিনাশনঃ ।
চন্দ্ৰাপতিশ্চন্দ্ৰপতিশ্চণ্ডকোদণ্ডভঞ্জনঃ ॥ 18 ॥

ৰামো দাশৰথী ৰামো ভৃগুৱংশসমুদ্ভৱঃ ।
আত্মাৰামো জিতক্ৰোধো মোহো মোহান্ধভঞ্জনঃ ॥ 19 ॥

ৱৃষভানুভৱো ভাৱী কাশ্যপিঃ কৰুণানিধিঃ ।
কোলাহলো হলো হালী হলী হলধৰপ্ৰিযঃ ॥ 20 ॥

ৰাধামুখাব্জমাৰ্তাণ্ডো ভাস্কৰো ৰৱিজো ৱিধুঃ ।
ৱিধিৰ্ৱিধাতা ৱৰুণো ৱাৰুণো ৱাৰুণীপ্ৰিযঃ ॥ 21 ॥

ৰোহিণীহৃদযানন্দী ৱসুদেৱাত্মজো বলিঃ ।
নীলাম্বৰো ৰৌহিণেযো জৰাসন্ধৱধোঽমলঃ ॥ 22 ॥

নাগো জৱাম্ভো ৱিৰুদো ৱীৰহা ৱৰদো বলী ।
গোপদো ৱিজযী ৱিদ্ৱান্ শিপিৱিষ্টঃ সনাতনঃ ॥ 23 ॥

পৰশুৰামৱচোগ্ৰাহী ৱৰগ্ৰাহী সৃগালহা ।
দমঘোষোপদেষ্টা চ ৰথগ্ৰাহী সুদৰ্শনঃ ॥ 24 ॥

ৱীৰপত্নীযশস্ত্ৰাতা জৰাৱ্যাধিৱিঘাতকঃ ।
দ্ৱাৰকাৱাসতত্ত্ৱজ্ঞো হুতাশনৱৰপ্ৰদঃ ॥ 25 ॥

যমুনাৱেগসংহাৰী নীলাম্বৰধৰঃ প্ৰভুঃ ।
ৱিভুঃ শৰাসনো ধন্ৱী গণেশো গণনাযকঃ ॥ 26 ॥

লক্ষ্মণো লক্ষণো লক্ষ্যো ৰক্ষোৱংশৱিনাশকঃ ।
ৱামনো ৱামনীভূতো ৱমনো ৱমনাৰুহঃ ॥ 27 ॥

যশোদানন্দনঃ কৰ্তা যমলাৰ্জুনমুক্তিদঃ ।
উলূখলী মহামানো দামবদ্ধাহ্ৱযী শমী ॥ 28 ॥

ভক্তানুকাৰী ভগৱান্ কেশৱোঽচলধাৰকঃ ।
কেশিহা মধুহা মোহী ৱৃষাসুৰৱিঘাতকঃ ॥ 29 ॥

অঘাসুৰৱিঘাতী চ পূতনামোক্ষদাযকঃ ।
কুব্জাৱিনোদী ভগৱান্ কংসমৃত্যুৰ্মহামুখী ॥ 30 ॥

অশ্ৱমেধো ৱাজপেযো গোমেধো নৰমেধৱান্ ।
কন্দৰ্পকোটিলাৱণ্যশ্চন্দ্ৰকোটিসুশীতলঃ ॥ 31 ॥

ৰৱিকোটিপ্ৰতীকাশো ৱাযুকোটিমহাবলঃ ।
ব্ৰহ্মা ব্ৰহ্মাণ্ডকৰ্তা চ কমলাৱাঞ্ছিতপ্ৰদঃ ॥ 32 ॥

কমলী কমলাক্ষশ্চ কমলামুখলোলুপঃ ।
কমলাৱ্ৰতধাৰী চ কমলাভঃ পুৰন্দৰঃ ॥ 33 ॥

সৌভাগ্যাধিকচিত্তশ্চ মহামাযী মদোত্কটঃ ।
তাটকাৰিঃ সুৰত্ৰাতা মাৰীচক্ষোভকাৰকঃ ॥ 34 ॥

ৱিশ্ৱামিত্ৰপ্ৰিযো দান্তো ৰামো ৰাজীৱলোচনঃ ।
লঙ্কাধিপকুলধ্ৱংসী ৱিভীষণৱৰপ্ৰদঃ ॥ 35 ॥

সীতানন্দকৰো ৰামো ৱীৰো ৱাৰিধিবন্ধনঃ ।
খৰদূষণসংহাৰী সাকেতপুৰৱাসৱান্ ॥ 36 ॥

চন্দ্ৰাৱলিপতিঃ কূলঃ কেশিকংসৱধোঽমৰঃ ।
মাধৱো মধুহা মাধ্ৱী মাধ্ৱীকো মাধৱী ৱিভুঃ ॥ 37 ॥

মুঞ্জাটৱীগাহমানো ধেনুকাৰিৰ্দশাত্মজঃ ।
ৱংশীৱটৱিহাৰী চ গোৱৰ্ধনৱনাশ্ৰযঃ ॥ 38 ॥

তথা তালৱনোদ্দেশী ভাণ্ডীৰৱনশঙ্কৰঃ ।
তৃণাৱৰ্তকৃপাকাৰী ৱৃষভানুসুতাপতিঃ ॥ 39 ॥

ৰাধাপ্ৰাণসমো ৰাধাৱদনাব্জমধূত্কটঃ ।
গোপীৰঞ্জনদৈৱজ্ঞঃ লীলাকমলপূজিতঃ ॥ 40 ॥

ক্ৰীডাকমলসন্দোহো গোপিকাপ্ৰীতিৰঞ্জনঃ ।
ৰঞ্জকো ৰঞ্জনো ৰঙ্গো ৰঙ্গী ৰঙ্গমহীৰুহঃ ॥ 41 ॥

কামঃ কামাৰিভক্তশ্চ পুৰাণপুৰুষঃ কৱিঃ ।
নাৰদো দেৱলো ভীমো বালো বালমুখাম্বুজঃ ॥ 42 ॥

অম্বুজো ব্ৰহ্মসাক্ষী চ যোগী দত্তৱৰো মুনিঃ ।
ঋষভঃ পৰ্ৱতো গ্ৰামো নদীপৱনৱল্লভঃ ॥ 43 ॥

পদ্মনাভঃ সুৰজ্যেষ্ঠো ব্ৰহ্মা ৰুদ্ৰোঽহিভূষিতঃ ।
গণানাং ত্ৰাণকৰ্তা চ গণেশো গ্ৰহিলো গ্ৰহিঃ ॥ 44 ॥

গণাশ্ৰযো গণাধ্যক্ষো ক্ৰোডীকৃতজগত্ত্ৰযঃ ।
যাদৱেন্দ্ৰো দ্ৱাৰকেন্দ্ৰো মথুৰাৱল্লভো ধুৰী ॥ 45 ॥

ভ্ৰমৰঃ কুন্তলী কুন্তীসুতৰক্ষী মহামনাঃ ।
যমুনাৱৰদাতা চ কাশ্যপস্য ৱৰপ্ৰদঃ ॥ 46 ॥

শঙ্খচূডৱধোদ্দামো গোপীৰক্ষণতত্পৰঃ ।
পাঞ্চজন্যকৰো ৰামী ত্ৰিৰামী ৱনজো জযঃ ॥ 47 ॥

ফাল্গুণঃ ফল্গুনসখো ৱিৰাধৱধকাৰকঃ ।
ৰুক্মিণীপ্ৰাণনাথশ্চ সত্যভামাপ্ৰিযঙ্কৰঃ ॥ 48 ॥

কল্পৱৃক্ষো মহাৱৃক্ষো দানৱৃক্ষো মহাফলঃ ।
অঙ্কুশো ভূসুৰো ভাৱো ভামকো ভ্ৰামকো হৰিঃ ॥ 49 ॥

সৰলঃ শাশ্ৱতো ৱীৰো যদুৱংশশিৱাত্মকঃ ।
প্ৰদ্যুম্নো বলকৰ্তা চ প্ৰহৰ্তা দৈত্যহা প্ৰভুঃ ॥ 50 ॥

মহাধনো মহাৱীৰো ৱনমালাৱিভূষণঃ ।
তুলসীদামশোভাঢ্যো জালন্ধৰৱিনাশনঃ ॥ 51 ॥

সূৰঃ সূৰ্যো মৃকণ্ডুশ্চ ভাস্ৱৰো ৱিশ্ৱপূজিতঃ ।
ৰৱিস্তমোহা ৱহ্নিশ্চ বাডবো বডবানলঃ ॥ 52 ॥

দৈত্যদৰ্পৱিনাশী চ গৰুডো গৰুডাগ্ৰজঃ ।
গোপীনাথো মহীনাথো বৃন্দানাথোঽৱৰোধকঃ ॥ 53 ॥

প্ৰপঞ্চী পঞ্চৰূপশ্চ লতাগুল্মশ্চ গোমতিঃ ।
গঙ্গা চ যমুনাৰূপো গোদা ৱেত্ৰৱতী তথা ॥ 54 ॥

কাৱেৰী নৰ্মদা তাপী গণ্ডকী সৰযূ ৰজঃ ।
ৰাজসস্তামসস্সত্ত্ৱী সৰ্ৱাঙ্গী সৰ্ৱলোচনঃ ॥ 55 ॥

সুধামযোঽমৃতমযো যোগিনাং ৱল্লভঃ শিৱঃ ।
বুদ্ধো বুদ্ধিমতাং শ্ৰেষ্ঠো ৱিষ্ণুৰ্জিষ্ণুঃ শচীপতিঃ ॥ 56 ॥

ৱংশী ৱংশধৰো লোকো ৱিলোকো মোহনাশনঃ ।
ৰৱৰাৱো ৰৱো ৰাৱো ৱলো ৱালো ৱলাহকঃ ॥ 57 ॥

শিৱো ৰুদ্ৰো নলো নীলো লাঙ্গলী লাঙ্গলাশ্ৰযঃ ।
পাৰদঃ পাৱনো হংসো হংসাৰূঢো জগত্পতিঃ ॥ 58 ॥

মোহিনীমোহনো মাযী মহামাযো মহাসুখী ।
ৱৃষো ৱৃষাকপিঃ কালঃ কালীদমনকাৰকঃ ॥ 59 ॥

কুব্জাভাগ্যপ্ৰদো ৱীৰো ৰজকক্ষযকাৰকঃ ।
কোমলো ৱাৰুণী ৰাজা জলজো জলধাৰকঃ ॥ 60 ॥

হাৰকঃ সৰ্ৱপাপঘ্নঃ পৰমেষ্ঠী পিতামহঃ ।
খড্গধাৰী কৃপাকাৰী ৰাধাৰমণসুন্দৰঃ ॥ 61 ॥

দ্ৱাদশাৰণ্যসম্ভোগী শেষনাগফণালযঃ ।
কামঃ শ্যামঃ সুখশ্ৰীদঃ শ্ৰীপতিঃ শ্ৰীনিধিঃ কৃতিঃ ॥ 62 ॥

হৰিৰ্হৰো নৰো নাৰো নৰোত্তম ইষুপ্ৰিযঃ ।
গোপালচিত্তহৰ্তা চ কৰ্তা সংসাৰতাৰকঃ ॥ 63 ॥

আদিদেৱো মহাদেৱো গৌৰীগুৰুৰনাশ্ৰযঃ ।
সাধুৰ্মধুৰ্ৱিধুৰ্ধাতা ত্ৰাতাঽক্ৰূৰপৰাযণঃ ॥ 64 ॥

ৰোলম্বী চ হযগ্ৰীৱো ৱানৰাৰিৰ্ৱনাশ্ৰযঃ ।
ৱনং ৱনী ৱনাধ্যক্ষো মহাৱন্দ্যো মহামুনিঃ ॥ 65 ॥

স্যমন্তকমণিপ্ৰাজ্ঞঃ ৱিজ্ঞো ৱিঘ্নৱিঘাতকঃ ।
গোৱৰ্ধনো ৱৰ্ধনীযো ৱৰ্ধনী ৱৰ্ধনপ্ৰিযঃ ॥ 66 ॥

ৱাৰ্ধন্যো ৱৰ্ধনো ৱৰ্ধী ৱৰ্ধিষ্ণস্তু সুখপ্ৰিযঃ ।
ৱৰ্ধিতো ৱৰ্ধকো ৱৃদ্ধো বৃন্দাৰকজনপ্ৰিযঃ ॥ 67 ॥

গোপালৰমণীভৰ্তা সাম্বকুষ্ঠৱিনাশনঃ ।
ৰুক্মিণীহৰণপ্ৰেমা প্ৰেমী চন্দ্ৰাৱলীপতিঃ ॥ 68 ॥

শ্ৰীকৰ্তা ৱিশ্ৱভৰ্তা চ নাৰাযণ নৰো বলী ।
গণো গণপতিশ্চৈৱ দত্তাত্ৰেযো মহামুনিঃ ॥ 69 ॥

ৱ্যাসো নাৰাযণো দিৱ্যো ভৱ্যো ভাৱুকধাৰকঃ ।
শ্ৱঃশ্ৰেযসং শিৱং ভদ্ৰং ভাৱুকং ভৱুকং শুভম্ ॥ 70 ॥

শুভাত্মকঃ শুভঃ শাস্তা প্ৰশস্তো মেঘনাদহা ।
ব্ৰহ্মণ্যদেৱো দীনানামুদ্ধাৰকৰণক্ষমঃ ॥ 71 ॥

কৃষ্ণঃ কমলপত্ৰাক্ষঃ কৃষ্ণঃ কমললোচনঃ ।
কৃষ্ণঃ কামী সদা কৃষ্ণঃ সমস্তপ্ৰিযকাৰকঃ ॥ 72 ॥

নন্দো নন্দী মহানন্দী মাদী মাদনকঃ কিলী ।
মীলী হিলী গিলী গোলী গোলো গোলালযো গুলী ॥ 73 ॥

গুগ্গুলী মাৰকী শাখী ৱটঃ পিপ্পলকঃ কৃতী ।
ম্লেচ্ছহা কালহৰ্তা চ যশোদা যশ এৱ চ ॥ 74 ॥

অচ্যুতঃ কেশৱো ৱিষ্ণুঃ হৰিঃ সত্যো জনাৰ্দনঃ ।
হংসো নাৰাযণো নীলো লীনো ভক্তিপৰাযণঃ ॥ 75 ॥

জানকীৱল্লভো ৰামো ৱিৰামো ৱিষনাশনঃ ।
সিংহভানুৰ্মহাভানু-ৰ্ৱীৰভানুৰ্মহোদধিঃ ॥ 76 ॥

সমুদ্ৰোঽব্ধিৰকূপাৰঃ পাৰাৱাৰঃ সৰিত্পতিঃ ।
গোকুলানন্দকাৰী চ প্ৰতিজ্ঞাপৰিপালকঃ ॥ 77 ॥

সদাৰামঃ কৃপাৰামো মহাৰামো ধনুৰ্ধৰঃ ।
পৰ্ৱতঃ পৰ্ৱতাকাৰো গযো গেযো দ্ৱিজপ্ৰিযঃ ॥ 78 ॥

কমলাশ্ৱতৰো ৰামো ৰামাযণপ্ৰৱৰ্তকঃ ।
দ্যৌৰ্দিৱো দিৱসো দিৱ্যো ভৱ্যো ভাগী ভযাপহঃ ॥ 79 ॥

পাৰ্ৱতীভাগ্যসহিতো ভৰ্তা লক্ষ্মীসহাযৱান্ । [ৱিলাসৱান্]
ৱিলাসী সাহসী সৰ্ৱী গৰ্ৱী গৰ্ৱিতলোচনঃ ॥ 80 ॥

সুৰাৰিৰ্লোকধৰ্মজ্ঞো জীৱনো জীৱনান্তকঃ ।
যমো যমাৰিৰ্যমনো যমী যামৱিঘাতকঃ ॥ 81 ॥

ৱংশুলী পাংশুলী পাংসুঃ পাণ্ডুৰৰ্জুনৱল্লভঃ ।
ললিতা চন্দ্ৰিকামালা মালী মালাম্বুজাশ্ৰযঃ ॥ 82 ॥

অম্বুজাক্ষো মহাযক্ষো দক্ষশ্চিন্তামণিপ্ৰভুঃ ।
মণিৰ্দিনমণিশ্চৈৱ কেদাৰো বদৰীশ্ৰযঃ ॥ 83 ॥

বদৰীৱনসম্প্ৰীতো ৱ্যাসঃ সত্যৱতীসুতঃ ।
অমৰাৰিনিহন্তা চ সুধাসিন্ধুৱিধূদযঃ ॥ 84 ॥

চন্দ্ৰো ৰৱিঃ শিৱঃ শূলী চক্ৰী চৈৱ গদাধৰঃ ।
শ্ৰীকৰ্তা শ্ৰীপতিঃ শ্ৰীদঃ শ্ৰীদেৱো দেৱকীসুতঃ ॥ 85 ॥

শ্ৰীপতিঃ পুণ্ডৰীকাক্ষঃ পদ্মনাভো জগত্পতিঃ ।
ৱাসুদেৱোঽপ্ৰমেযাত্মা কেশৱো গৰুডধ্ৱজঃ ॥ 86 ॥

নাৰাযণঃ পৰং ধাম দেৱদেৱো মহেশ্ৱৰঃ ।
চক্ৰপাণিঃ কলাপূৰ্ণো ৱেদৱেদ্যো দযানিধিঃ ॥ 87 ॥

ভগৱান্ সৰ্ৱভূতেশো গোপালঃ সৰ্ৱপালকঃ ।
অনন্তো নিৰ্গুণো নিত্যো নিৰ্ৱিকল্পো নিৰঞ্জনঃ ॥ 88 ॥

নিৰাধাৰো নিৰাকাৰো নিৰাভাসো নিৰাশ্ৰযঃ ।
পুৰুষঃ প্ৰণৱাতীতো মুকুন্দঃ পৰমেশ্ৱৰঃ ॥ 89 ॥

ক্ষণাৱনিঃ সাৰ্ৱভৌমো ৱৈকুণ্ঠো ভক্তৱত্সলঃ ।
ৱিষ্ণুৰ্দামোদৰঃ কৃষ্ণো মাধৱো মথুৰাপতিঃ ॥ 90 ॥

দেৱকীগৰ্ভসম্ভূতো যশোদাৱত্সলো হৰিঃ ।
শিৱঃ সঙ্কৰ্ষণঃ শম্ভুৰ্ভূতনাথো দিৱস্পতিঃ ॥ 91 ॥

অৱ্যযঃ সৰ্ৱধৰ্মজ্ঞো নিৰ্মলো নিৰুপদ্ৰৱঃ ।
নিৰ্ৱাণনাযকো নিত্যো নীলজীমূতসন্নিভঃ ॥ 92 ॥

কলাক্ষযশ্চ সৰ্ৱজ্ঞঃ কমলাৰূপতত্পৰঃ ।
হৃষীকেশঃ পীতৱাসা ৱসুদেৱপ্ৰিযাত্মজঃ ॥ 93 ॥

নন্দগোপকুমাৰাৰ্যো নৱনীতাশনো ৱিভুঃ ।
পুৰাণঃ পুৰুষশ্ৰেষ্ঠঃ শঙ্খপাণিঃ সুৱিক্ৰমঃ ॥ 94 ॥

অনিৰুদ্ধশ্চক্ৰধৰঃ শাৰ্ঙ্গপাণিশ্চতুৰ্ভুজঃ ।
গদাধৰঃ সুৰাৰ্তিঘ্নো গোৱিন্দো নন্দকাযুধঃ ॥ 95 ॥

বৃন্দাৱনচৰঃ শৌৰিৰ্ৱেণুৱাদ্যৱিশাৰদঃ ।
তৃণাৱৰ্তান্তকো ভীমসাহসো বহুৱিক্ৰমঃ ॥ 96 ॥

শকটাসুৰসংহাৰী বকাসুৰৱিনাশনঃ ।
ধেনুকাসুৰসংহাৰী পূতনাৰিৰ্নৃকেসৰী ॥ 97 ॥

পিতামহো গুৰুস্সাক্ষী প্ৰত্যগাত্মা সদাশিৱঃ ।
অপ্ৰমেযঃ প্ৰভুঃ প্ৰাজ্ঞোঽপ্ৰতৰ্ক্যঃ স্ৱপ্নৱৰ্ধনঃ ॥ 98 ॥

ধন্যো মান্যো ভৱো ভাৱো ধীৰঃ শান্তো জগদ্গুৰুঃ ।
অন্তৰ্যামীশ্ৱৰো দিৱ্যো দৈৱজ্ঞো দেৱসংস্তুতঃ ॥ 99 ॥

ক্ষীৰাব্ধিশযনো ধাতা লক্ষ্মীৱান্ লক্ষ্মণাগ্ৰজঃ ।
ধাত্ৰীপতিৰমেযাত্মা চন্দ্ৰশেখৰপূজিতঃ ॥ 100 ॥

লোকসাক্ষী জগচ্চক্ষুঃ পুণ্যচাৰিত্ৰকীৰ্তনঃ ।
কোটিমন্মথসৌন্দৰ্যো জগন্মোহনৱিগ্ৰহঃ ॥ 101 ॥

মন্দস্মিততনুৰ্গোপগোপিকাপৰিৱেষ্টিতঃ ।
ফুল্লাৰৱিন্দনযনশ্চাণূৰান্ধ্ৰনিষূদনঃ ॥ 102 ॥

ইন্দীৱৰদলশ্যামো বৰ্হিবৰ্হাৱতংসকঃ ।
মুৰলীনিনদাহ্লাদো দিৱ্যমালাম্বৰাৱৃতঃ ॥ 103 ॥

সুকপোলযুগঃ সুভ্ৰূযুগলঃ সুললাটকম্ ।
কম্বুগ্ৰীৱো ৱিশালাক্ষো লক্ষ্মীৱাঞ্ছুভলক্ষণঃ ॥ 104 ॥

পীনৱক্ষাশ্চতুৰ্বাহুশ্চতুৰ্মূৰ্তিস্ত্ৰিৱিক্ৰমঃ ।
কলঙ্কৰহিতঃ শুদ্ধো দুষ্টশত্ৰুনিবৰ্হণঃ ॥ 105 ॥

কিৰীটকুণ্ডলধৰঃ কটকাঙ্গদমণ্ডিতঃ ।
মুদ্ৰিকাভৰণোপেতঃ কটিসূত্ৰৱিৰাজিতঃ ॥ 106 ॥

মঞ্জীৰৰঞ্জিতপদঃ সৰ্ৱাভৰণভূষিতঃ ।
ৱিন্যস্তপাদযুগলো দিৱ্যমঙ্গলৱিগ্ৰহঃ ॥ 107 ॥

গোপিকানযনানন্দঃ পূৰ্ণচন্দ্ৰনিভাননঃ ।
সমস্তজগদানন্দঃ সুন্দৰো লোকনন্দনঃ ॥ 108 ॥

যমুনাতীৰসঞ্চাৰী ৰাধামন্মথৱৈভৱঃ ।
গোপনাৰীপ্ৰিযো দান্তো গোপীৱস্ত্ৰাপহাৰকঃ ॥ 109 ॥

শৃঙ্গাৰমূৰ্তিঃ শ্ৰীধামা তাৰকো মূলকাৰণম্ ।
সৃষ্টিসংৰক্ষণোপাযঃ ক্ৰূৰাসুৰৱিভঞ্জনঃ ॥ 110 ॥

নৰকাসুৰসংহাৰী মুৰাৰিৰ্ৱৈৰিমৰ্দনঃ ।
আদিতেযপ্ৰিযো দৈত্যভীকৰো যদুশেখৰঃ ॥ 111 ॥

জৰাসন্ধকুলধ্ৱংসী কংসাৰাতিঃ সুৱিক্ৰমঃ ।
পুণ্যশ্লোকঃ কীৰ্তনীযো যাদৱেন্দ্ৰো জগন্নুতঃ ॥ 112 ॥

ৰুক্মিণীৰমণঃ সত্যভামাজাম্বৱতীপ্ৰিযঃ ।
মিত্ৰৱিন্দানাগ্নজিতীলক্ষ্মণাসমুপাসিতঃ ॥ 113 ॥

সুধাকৰকুলে জাতোঽনন্তঃ প্ৰবলৱিক্ৰমঃ ।
সৰ্ৱসৌভাগ্যসম্পন্নো দ্ৱাৰকাপট্টণস্থিতঃ ॥ 114 ॥

ভদ্ৰাসূৰ্যসুতানাথো লীলামানুষৱিগ্ৰহঃ ।
সহস্ৰষোডশস্ত্ৰীশো ভোগমোক্ষৈকদাযকঃ ॥ 115 ॥

ৱেদান্তৱেদ্যঃ সংৱেদ্যো ৱৈদ্যো ব্ৰহ্মাণ্ডনাযকঃ ।
গোৱৰ্ধনধৰো নাথঃ সৰ্ৱজীৱদযাপৰঃ ॥ 116 ॥

মূৰ্তিমান্ সৰ্ৱভূতাত্মা আৰ্তত্ৰাণপৰাযণঃ ।
সৰ্ৱজ্ঞঃ সৰ্ৱসুলভঃ সৰ্ৱশাস্ত্ৰৱিশাৰদঃ ॥ 117 ॥

ষড্গুণৈশ্ৱৰ্যসম্পন্নঃ পূৰ্ণকামো ধুৰন্ধৰঃ ।
মহানুভাৱঃ কৈৱল্যদাযকো লোকনাযকঃ ॥ 118 ॥

আদিমধ্যান্তৰহিতঃ শুদ্ধসাত্ত্ৱিকৱিগ্ৰহঃ ।
অসমানঃ সমস্তাত্মা শৰণাগতৱত্সলঃ ॥ 119 ॥

উত্পত্তিস্থিতিসংহাৰকাৰণং সৰ্ৱকাৰণম্ ।
গম্ভীৰঃ সৰ্ৱভাৱজ্ঞঃ সচ্চিদানন্দৱিগ্ৰহঃ ॥ 120 ॥

ৱিষ্ৱক্সেনঃ সত্যসন্ধঃ সত্যৱাক্ সত্যৱিক্ৰমঃ ।
সত্যৱ্ৰতঃ সত্যৰতঃ সত্যধৰ্মপৰাযণঃ ॥ 121 ॥

আপন্নাৰ্তিপ্ৰশমনঃ দ্ৰৌপদীমানৰক্ষকঃ ।
কন্দৰ্পজনকঃ প্ৰাজ্ঞো জগন্নাটকৱৈভৱঃ ॥ 122 ॥

ভক্তিৱশ্যো গুণাতীতঃ সৰ্ৱৈশ্ৱৰ্যপ্ৰদাযকঃ ।
দমঘোষসুতদ্ৱেষী বাণবাহুৱিখণ্ডনঃ ॥ 123 ॥

ভীষ্মভক্তিপ্ৰদো দিৱ্যঃ কৌৰৱান্ৱযনাশনঃ ।
কৌন্তেযপ্ৰিযবন্ধুশ্চ পাৰ্থস্যন্দনসাৰথিঃ ॥ 124 ॥

নাৰসিংহো মহাৱীৰঃ স্তম্ভজাতো মহাবলঃ ।
প্ৰহ্লাদৱৰদঃ সত্যো দেৱপূজ্যোঽভযঙ্কৰঃ ॥ 125 ॥

উপেন্দ্ৰ ইন্দ্ৰাৱৰজো ৱামনো বলিবন্ধনঃ ।
গজেন্দ্ৰৱৰদঃ স্ৱামী সৰ্ৱদেৱনমস্কৃতঃ ॥ 126 ॥

শেষপৰ্যঙ্কশযনো ৱৈনতেযৰথো জযী ।
অৱ্যাহতবলৈশ্ৱৰ্যসম্পন্নঃ পূৰ্ণমানসঃ ॥ 127 ॥

যোগীশ্ৱৰেশ্ৱৰঃ সাক্ষী ক্ষেত্ৰজ্ঞো জ্ঞানদাযকঃ ।
যোগিহৃত্পঙ্কজাৱাসো যোগমাযাসমন্ৱিতঃ ॥ 128 ॥

নাদবিন্দুকলাতীতশ্চতুৰ্ৱৰ্গফলপ্ৰদঃ ।
সুষুম্নামাৰ্গসঞ্চাৰী দেহস্যান্তৰসংস্থিতঃ ॥ 129 ॥

দেহেন্দ্ৰিযমনঃপ্ৰাণসাক্ষী চেতঃপ্ৰসাদকঃ ।
সূক্ষ্মঃ সৰ্ৱগতো দেহী জ্ঞানদৰ্পণগোচৰঃ ॥ 130 ॥

তত্ত্ৱত্ৰযাত্মকোঽৱ্যক্তঃ কুণ্ডলী সমুপাশ্ৰিতঃ ।
ব্ৰহ্মণ্যঃ সৰ্ৱধৰ্মজ্ঞঃ শান্তো দান্তো গতক্লমঃ ॥ 131 ॥

শ্ৰীনিৱাসঃ সদানন্দো ৱিশ্ৱমূৰ্তিৰ্মহাপ্ৰভুঃ ।
সহস্ৰশীৰ্ষা পুৰুষঃ সহস্ৰাক্ষঃ সহস্ৰপাত্ ॥ 132 ॥

সমস্তভুৱনাধাৰঃ সমস্তপ্ৰাণৰক্ষকঃ ।
সমস্তস্সৰ্ৱভাৱজ্ঞো গোপিকাপ্ৰাণৱল্লভঃ ॥ 133 ॥

নিত্যোত্সৱো নিত্যসৌখ্যো নিত্যশ্ৰীৰ্নিত্যমঙ্গলম্ ।
ৱ্যূহাৰ্চিতো জগন্নাথঃ শ্ৰীৱৈকুণ্ঠপুৰাধিপঃ ॥ 134 ॥

পূৰ্ণানন্দঘনীভূতো গোপৱেষধৰো হৰিঃ ।
কলাপকুসুমশ্যামঃ কোমলঃ শান্তৱিগ্ৰহঃ ॥ 135 ॥

গোপাঙ্গনাৱৃতোঽনন্তো বৃন্দাৱনসমাশ্ৰযঃ ।
ৱেণুনাদৰতঃ শ্ৰেষ্ঠো দেৱানাং হিতকাৰকঃ ॥ 136 ॥

জলক্ৰীডাসমাসক্তো নৱনীতস্য তস্কৰঃ ।
গোপালকামিনীজাৰশ্চোৰজাৰশিখামণিঃ ॥ 137 ॥

পৰঞ্জ্যোতিঃ পৰাকাশঃ পৰাৱাসঃ পৰিস্ফুটঃ ।
অষ্টাদশাক্ষৰো মন্ত্ৰো ৱ্যাপকো লোকপাৱনঃ ॥ 138 ॥

সপ্তকোটিমহামন্ত্ৰশেখৰো দেৱশেখৰঃ ।
ৱিজ্ঞানজ্ঞানসন্ধানস্তেজোৰাশিৰ্জগত্পতিঃ ॥ 139 ॥

ভক্তলোকপ্ৰসন্নাত্মা ভক্তমন্দাৰৱিগ্ৰহঃ ।
ভক্তদাৰিদ্ৰ্যশমনো ভক্তানাং প্ৰীতিদাযকঃ ॥ 140 ॥

ভক্তাধীনমনাঃ পূজ্যো ভক্তলোকশিৱঙ্কৰঃ ।
ভক্তাভীষ্টপ্ৰদঃ সৰ্ৱভক্তাঘৌঘনিকৃন্তকঃ ॥ 141 ॥

অপাৰকৰুণাসিন্ধুৰ্ভগৱান্ ভক্ততত্পৰঃ ॥ 142 ॥

[ইতি শ্ৰীৰাধিকানাথ নাম্নাং সাহস্ৰমীৰিতম্ । ]

স্মৰণাত্পাপৰাশীনাং খণ্ডনং মৃত্যুনাশনম্ ॥ 1 ॥

ৱৈষ্ণৱানাং প্ৰিযকৰং মহাদাৰিদ্ৰ্যনাশনম্ ।
ব্ৰহ্মহত্যাসুৰাপানং পৰস্ত্ৰীগমনং তথা ॥ 2 ॥

পৰদ্ৰৱ্যাপহৰণং পৰদ্ৱেষসমন্ৱিতম্ ।
মানসং ৱাচিকং কাযং যত্পাপং পাপসম্ভৱম্ ॥ 3 ॥

সহস্ৰনামপঠনাত্সৰ্ৱে নশ্যন্তি তত্ক্ষণাত্ ।
মহাদাৰিদ্ৰ্যযুক্তো ৱৈ ৱৈষ্ণৱো ৱিষ্ণুভক্তিমান্ ॥ 4 ॥

কাৰ্তিক্যাং যঃ পঠেদ্ৰাত্ৰৌ শতমষ্টোত্তৰং ক্ৰমাত্ ।
পীতাম্বৰধৰো ধীমান্ সুগন্ধী পুষ্পচন্দনৈঃ ॥ 5 ॥

পুস্তকং পূজযিত্ৱা চ নৈৱেদ্যাদিভিৰেৱ চ ।
ৰাধাধ্যানাঙ্কিতো ধীৰো ৱনমালাৱিভূষিতঃ ॥ 6 ॥

শতমষ্টোত্তৰং দেৱি পঠেন্নামসহস্ৰকম্ ।
চৈত্ৰে কৃষ্ণে চ শুক্লে চ কুহূসঙ্ক্ৰান্তিৱাসৰে ॥ 7 ॥

পঠিতৱ্যং প্ৰযত্নেন ত্ৰৈলোক্যং মোহযেত্ ক্ষণাত্ ।
তুলসীমালযা যুক্তো ৱৈষ্ণৱো ভক্তিতত্পৰঃ ॥ 8 ॥

ৰৱিৱাৰে চ শুক্ৰে চ দ্ৱাদশ্যাং শ্ৰাদ্ধৱাসৰে ।
ব্ৰাহ্মণং পূজযিত্ৱা চ ভোজযিত্ৱা ৱিধানতঃ ॥ 9 ॥

পঠেন্নামসহস্ৰং চ ততঃ সিদ্ধিঃ প্ৰজাযতে ।
মহানিশাযাং সততং ৱৈষ্ণৱো যঃ পঠেত্সদা ॥ 10 ॥

দেশান্তৰগতা লক্ষ্মীঃ সমাযাতি ন সংশযঃ ।
ত্ৰৈলোক্যে তু মহাদেৱি সুন্দৰ্যঃ কামমোহিতাঃ ॥ 11 ॥

মুগ্ধাঃ স্ৱযং সমাযান্তি ৱৈষ্ণৱং চ ভজন্তি তাঃ ।
ৰোগী ৰোগাত্প্ৰমুচ্যেত বদ্ধো মুচ্যেত বন্ধনাত্ ॥ 12 ॥

গৰ্ভিণী জনযেত্পুত্ৰং কন্যা ৱিন্দতি সত্পতিম্ ।
ৰাজানো ৱশতাং যান্তি কিং পুনঃ ক্ষুদ্ৰমানুষাঃ ॥ 13 ॥

সহস্ৰনামশ্ৰৱণাত্ পঠনাত্ পূজনাত্ প্ৰিযে ।
ধাৰণাত্ সৰ্ৱমাপ্নোতি ৱৈষ্ণৱো নাত্ৰ সংশযঃ ॥ 14 ॥

ৱংশীৱটে চান্যৱটে তথা পিপ্পলকেঽথ ৱা ।
কদম্বপাদপতলে শ্ৰীগোপালস্য সন্নিধৌ ॥ 15 ॥

যঃ পঠেদ্ৱৈষ্ণৱো নিত্যং স যাতি হৰিমন্দিৰম্ ।
কৃষ্ণেনোক্তং ৰাধিকাযৈ তযা প্ৰোক্তং পুৰা শিৱে ॥ 16 ॥

নাৰদায মযা প্ৰোক্তং নাৰদেন প্ৰকাশিতম্ ।
মযা তৱ ৱৰাৰোহে প্ৰোক্তমেতত্সুদুৰ্লভম্ ॥ 17 ॥

গোপনীযং প্ৰযত্নেন ন প্ৰকাশ্যং কদাচন ।
শঠায পাপিনে চৈৱ লম্পটায ৱিশেষতঃ ॥ 18 ॥

ন দাতৱ্যং ন দাতৱ্যং ন দাতৱ্যং কদাচন ।
দেযং শান্তায শিষ্যায ৱিষ্ণুভক্তিৰতায চ ॥ 19 ॥

গোদানব্ৰহ্মযজ্ঞাদেৰ্ৱাজপেযশতস্য চ ।
অশ্ৱমেধসহস্ৰস্য ফলং পাঠে ভৱেদ্ধ্ৰুৱম্ ॥ 20 ॥

মোহনং স্তম্ভনং চৈৱ মাৰণোচ্চাটনাদিকম্ ।
যদ্যদ্ৱাঞ্ছতি চিত্তেন তত্তত্প্ৰাপ্নোতি ৱৈষ্ণৱঃ ॥ 21 ॥

একাদশ্যাং নৰঃ স্নাত্ৱা সুগন্ধদ্ৰৱ্যতৈলকৈঃ ।
আহাৰং ব্ৰাহ্মণে দত্ত্ৱা দক্ষিণাং স্ৱৰ্ণভূষণম্ ॥ 22 ॥

ততঃ প্ৰাৰম্ভকৰ্তাসৌ সৰ্ৱং প্ৰাপ্নোতি মানৱঃ ।
শতাৱৃত্ত সহস্ৰং চ যঃ পঠেদ্ৱৈষ্ণৱো জনঃ ॥ 23 ॥

শ্ৰীবৃন্দাৱনচন্দ্ৰস্য প্ৰসাদাত্সৰ্ৱমাপ্নুযাত্ ।
যদ্গৃহে পুস্তকং দেৱি পূজিতং চৈৱ তিষ্ঠতি ॥ 24 ॥

ন মাৰী ন চ দুৰ্ভিক্ষং নোপসৰ্গভযং ক্ৱচিত্ ।
সৰ্পাদিভূতযক্ষাদ্যা নশ্যন্তে নাত্ৰ সংশযঃ ॥ 25 ॥

শ্ৰীগোপালো মহাদেৱি ৱসেত্তস্য গৃহে সদা ।
যদ্গৃহে চ সহস্ৰং চ নাম্নাং তিষ্ঠতি পূজিতম্ ॥ 26 ॥