hanumatpañjarastotram

śrīparāśarasaṃhitāntargate catussaptatitamaḥ paṭalaḥ
hanumatpañjarakathanaṃ -
parāśaraḥ -
pañjarantu pravakṣyāmi śaṛṇu maitreya ! ādarāt || 1||

|| atha viniyogaḥ ||

asya pañjarasya ṛṣiḥ śrīrāmacandra bhagavāniti ca |
chando'nuṣṭup | śrīpañcavaktrahanumāna devateti ca | hrāṃ bījam |
svāhā śaktiḥ | praṇavo kīlakaṃ smṛtaḥ | mantrokta
devatāprasādasidhyarthe viniyogaḥ ||

dīrghayāmāyayāyuktaiḥ ṣaḍaṅgaiḥ parikīrtitaḥ |
rāmadūta, vānaramukha, vāyunandana tathā nṛsiṃhamukhapūrvakaṃ
añjanāsūnuḥ parañca | garuḍamukha ca tathā harimarkaṭa padaṃ param |
kroḍamukhaṃ padañcāntaṃ rāmakāryadhurandharaḥ |
tato aśvamukhañcāntam | sarvarākṣasanāśanaḥ |
sarvemukhaśabdāntāḥ sarvaṃ caturghyaṃ taṃ gatāḥ |
ṣaḍaṅge karāṅgādayo hrāṃ ṣaṭkādibhissaṃyutam | nyasetsarva mananyadhīḥ |
tato dhyānaṃ paṭhitvātu pūrvoktamārgato vāpi pañjaramārabhettataḥ || 2||

ādau praṇavamuccāryaṃ vande haripadaṃ tataḥ |
uccārya markaṭapadaṃ markaṭāyeti coccaret || 3||

agnijāyāṃ samuccārya dvādaśārṇo mahāmanuḥ || 4||

śiraḥ pātu mama sadā sarvasaukhyapradāyakaḥ || 5||

ādau praṇavamuccārya kapibījaṃ tatoccaret |
nṛsiṃhabījamuccārya gāruḍañca samuccaret || 6||

varāhabījamuccārya hayagrīvaṃ tatoccaren |
namaḥ padaṃ tatoccārya sa pañcāsya mahākapeḥ |
caturdaśārṇamantro'yaṃ mukhaṃ pāyātsadā mama || 7||

ādau praṇavamuccārya namo bhagavate padaṃ |
pañcavadanāya coccārya pūrvamukheti coccaret || 8||

vānaraṃ bījamuccārya kapimukhāya coccaret |
sarvaśatruharāyeti mahābalāya coccaret || 9||

agnijāyāṃ tatoccārya saptatriṃśākṣarābhidhaḥ |
kaṇṭhaṃ mama sadā pātu sarvaśatruvināśakaḥ || 10||

uccāryaṃ praṇavaṃ cādau namo bhagavatetica |
nārasiṃha mahābīja karālapadamuccaret || 11||

nṛsiṃhāya padaṃ coktyā sakalabhūtapretaca |
piśāccabrahmarākṣasa pramathanāya padaṃ vadet || 12||

agnijāyāṃ tatoccārya vasu vedārṇako manuḥ |
hṛdayaṃ me sadā pātu sarvaśatruvināśakaḥ || 13||

oṃ namo bhagavateti pañcavadanāya tataḥ |
paścimamukheti coccārya gāruḍaṃ bījamuccaret || 14||

vīragaruḍāya mahābalāyeti padaṃ tataḥ |
sarvanāga pramathanā yānte sakalaviṣeti || 15||

harāya svāhā tvaṃ tataḥ vedābhyakṣarasaṃyutaḥ |
hanumanmamodaraṃ pātu sarvaroganibarhaṇaḥ || 16||

oṃ namo bhagavateti pañcavadanāya tataḥ |
uttaramukhe cojcāryaṃ kroḍavāgbījamuccaret || 17||

ādivārāha sarvasampatpradāya nidhi bhūmica |
pradāya paścājjvareti roga nikṛntana svāhā || 18||

nābhiṃ pātu mama sadā sukhasaubhāgya hetukaḥ |
netra bāṇārṇako manoḥ paścātpraṇavamuccaret || 19||

oṃ namo bhagavate pañcavadanāya padaṃ tataḥ |
ūrdhvamukhetyante hayabījaṃ tataḥ param || 20||

hayagrīvāya sakalapradāya sakaletica |
janavaśīkaraṇāya sakala dānavāntakāya || 21||

paścātprājñāya svāheti ṣaṭpañcāśadvarṇako manuḥ |
mama jānudvayaṃ pātu sarva rākṣasanāśakaḥ || 22||

oṃ ca hrīmityayaṃ coktvā namo bhagavate tataḥ |
brahmāstrasaṃhārakāya rākṣasakulanāśayeti || 23||

patāka hanumateti māyābījatrayaṃ tataḥ |
kroḍāstra vahnijāyāṃ taṃ manuḥ pādadvayaṃ mama || 24||

hrāṃ namaḥ pañcavaktrāya nābhideśaṃ sadā mama |
hrīṃ namaḥ pañcavaktrāya pātu jaṅghadvayaṃ mama |
hrūṃ namaḥ pañcavaktrāya pātu jānudvayaṃ mama |
hraiṃ namaḥ pañcavaktrāya pādadvandvaṃ sadāvatu |
hrauṃ namaḥ pañcavaktrāya kaṭideśaṃ sadāvatu |
hraḥ namaḥ pañcavaktrāya codaraṃ pātu sarvadā |
aiṃ namaḥ pañcavaktrāya hṛdayaṃ pātu sarvadā |
klāṃ namaḥ pañcavaktrāya bāhuyugmaṃ sadāvatu |
klīṃ namaḥ pañcavaktrāya karayugmaṃ sadā mama |
klūṃ namaḥ pañcavaktrāya kaṇṭhadeśaṃ sadāvatu |
klaiṃ namaḥ pañcavaktrāya cubukaṃ me sadāvatu |
klauṃ namaḥ pañcavaktrāya pātu coṣṭhadvayaṃ mama |
klaḥ namaḥ pañcavaktrāya netrayugmaṃ sadāvatu |
rāṃ namaḥ pañcavaktrāya śotrayugmaṃ sadāvatu |
rīṃ namaḥ pañcavaktrāya phālaṃ pātu mahābalaḥ |
rūṃ namaḥ pañcavaktrāya śiraḥ pāyātsadā mama |
raiṃ namaḥ pañcavaktrāya śikhāṃ mama sadāvatu |
rauṃ namaḥ pañcavaktrāya mūrdhānaṃ pātu sarvadā |
raḥ namaḥ pañcavaktrāya mukhaṃ pātu sadā mama |
kṣrāṃ namaḥ pañcavaktrāya śrotrayugmaṃ sadāvatu |
kṣrīṃ namaḥ pañcavaktrāya netrayugmaṃ sadā mama |
kṣrūṃ namaḥ pañcavaktrāya pātu coṣṭhadvayaṃ mama |
kṣraiṃ namaḥ pañcavaktrāya bhṝyugmaṃ pātu sarvadā |
kṣrauṃ namaḥ pañcavaktrāya nāsikāṃ pātu sarvadā |
kṣaḥ namaḥ pañcavaktrāya kaṇṭhaṃ pātu kapīśvaraḥ |
glāṃ namaḥ pañcavaktrāya pātu vakṣasthalaṃ mama |
glīṃ namaḥ pañcavaktrāya bāhuyugmaṃ sadā mama |
glūṃ namaḥ pañcavaktrāya karayugmaṃ sadāvatu |
glaiṃ namaḥ pañcavaktrāya mama pātu valitraya |
glauṃ namaḥ pañcavaktrāya coradaṃ pātu sarvadā |
glaḥ namaḥ pañcavaktrāya nābhiṃ pātu sadā mama |
āṃ namaḥ pañcavaktrāya vānarāya kaṭiṃ mama |
īṃ namaḥ pañcavaktrāya ūruyugmaṃ sadāvatu |
ūṃ namaḥ pañcavaktrāya jānudvandvaṃ sadā mama |
aiṃ namaḥ pañcavaktrāya gulphadvandvaṃ sadāvatu |
auṃ namaḥ pañcavaktrāya pādadvandvaṃ sadāvatu |
aḥ namaḥ pañcavaktrāya sarvāṅgāni sadāvatu || 25||

vānaraḥ pūrvataḥ pātu dakṣiṇe narakesariḥ |
pratīcyāṃ pātu garuḍa uttare pātu sūkaraḥ |
ūrdhvaṃ hayānanaḥ pātu sarvataḥ pātu mṛtyuhā || 26||

vānaraḥ pūrvataḥ pātu āgneyyāṃ vāyunandanaḥ |
dakṣiṇe pātu hanumān nirṛte kesarīpriyaḥ || 27||

pratīcyāṃ pātu daityāriḥ vāyavyāṃ pātu maṅgalaḥ |
uttare rāmadāsastu nimnaṃ yuddhaviśāradaḥ || 28||

ūrdhve rāmasakhaḥ pātu pātāle ca kapīśvaraḥ |
sarvataḥ pātu pañcāsyaḥ sarvarogavikṛntanaḥ || 29||

hanumāna pūrvataḥ pātu dakṣiṇe pavanātmajaḥ |
pātu pratīci makṣaghno udīcyāṃ sāgaratārakaḥ || 30||

ūrdhvaṃ kesarīnandanaḥ pātvadhastādviṣṇubhaktaḥ |
pātu madhyapradeśetu sarvalaṅkā vidāhakaḥ || 31||

evaṃ sarvato māṃ pātu pañcavaktraḥ sadā kapiḥ || 32||

sugrīvasacivaḥ pātu mastakaṃ mama sarvadā |
vāyunandanaḥ phālaṃ me mahāvīraḥ bhrūmadhyamam || 33||

netre chāyāpahārīca pātu śrotre plavaṅgamaḥ |
kapolau karṇamūleca pātu śrīrāmakiṅkaraḥ || 34||

nāsāgramañjanāsūnuḥ pātu vaktraḥ harīśvaraḥ |
pātu kaṇṭhaca daityāriḥ skandhau pātusurārcitaḥ || 35||

jānau pātu mahātejaḥ kūrparau caraṇāyudhaḥ |
nakhān nakhāyudhaḥ pātu kakṣaṃ pātu kapīśvaraḥ || 36||

sītāśokāpahārītu stanau pātu nirantaram |
lakṣmaṇaprāṇadātā'sau kukṣi pātvaniśaṃ mama || 37||

vakṣau mudrāpahārīca pātu bhujāyudhaḥ |
lakhiṇībhañjanaḥ pātu pṛṣṭhadeśe nirantaram || 38||

nābhiñca rāmadāsastu kaṭiṃ pātvanilātmajaḥ |
guhyaṃ pātu mahāprājñaḥ sandhau pātu śivapriyaḥ || 39||

ūrūca jānunī pātu laṅkāprāsādabhañjanaḥ |
jaṅghau pātu kapiśreṣṭhaḥ gulpho pātu mahābalaḥ || 40||

acaloddhārakaḥ pātu pādau bhāskarasannibhaḥ |
aṅgānyamitasatvāḍhyaḥ pātu pādāṅgulissadā || 41||

sarvāṅgāni mahāśūraḥ pātu māṃ romavān sadā |
bhāryāṃ pātu mahātejaḥ putrān pātu nakhāyudhaḥ || 42||

paśūn pañcānanaḥ pātu kṣetraṃ pātu kapīśvaraḥ |
bandhūn pātu raghuśreṣṭhaḥ dāsaḥ pavanasambhavaḥ || 43||

sītā śokāpahārī saḥ gṛhān mama sadāvatu || 44||

|| atha phalaśrutiḥ ||

hanumatpañjaraṃ yastu paṭhedvidvān vicakṣaṇaḥ |
sa eṣa puruṣaśreṣṭho bhakti muktiñca vindati || 45||

kālatraye'pyekakāle paṭhenmāsatrayaṃ naraḥ |
sarvaśatrūn kṣaṇe jitvā svayañca vijayī bhavet || 46||

ardharātrau jale sthitvā saptavāraṃ paṭhedyadi |
kṣayāpasmārakuṣṭhādi tāpajvaranivāraṇam || 47||

arkavāre'śvatthamūle sthitvā paṭhati yaḥ pumān |
sa pumān śriyamāpnoti saṅgrāme vijayī bhavet || 48||

anena mantritaṃ cāpi yaḥ pibet rogapīḍitaḥ |
sa naro roganirmuktaḥ sukhī bhavati niścayaḥ || 49||

yo nityaṃ dhyāyedyastu sarvamantravinirmitam |
taṃ dṛṣṭvā devatāssarve namasyanti kapīśvaram || 50||

rākṣasāstu palāyante bhūtā dhāvanti sarvataḥ || 51||

idaṃ pañjaramajñātvā yo japanmantranāyakam |
na śīghraṃ phalamāpnoti satyaṃ satyaṃ mayoditam || 52||

trikālamekakālaṃ vā pañjaraṃ dhārayecchubham |
pañjaraṃ vidhivajjaptvā stotraiḥ vedāntasammitaiḥ |
toṣayedañjanāsūnuṃ sarvarākṣasamardanam || 53||

itīdaṃ pañjaraṃ yastu pañcavaktrahanumataḥ |
dhārayet śrāvayedvāpi kṛtakṛtyo bhavennaraḥ || 54||