ഹനുമത്പഞ്ജരസ്തോത്രമ്

ശ്രീപരാശരസംഹിതാന്തര്ഗതേ ചതുസ്സപ്തതിതമഃ പടലഃ
ഹനുമത്പഞ്ജരകഥനം -
പരാശരഃ -
പഞ്ജരന്തു പ്രവക്ഷ്യാമി ശൃണു മൈത്രേയ ! ആദരാത് ॥ ൧॥

॥ അഥ വിനിയോഗഃ ॥

അസ്യ പഞ്ജരസ്യ ഋഷിഃ ശ്രീരാമചന്ദ്ര ഭഗവാനിതി ച ।
ഛന്ദോഽനുഷ്ടുപ് । ശ്രീപഞ്ചവക്ത്രഹനുമാന ദേവതേതി ച । ഹ്രാം ബീജമ് ।
സ്വാഹാ ശക്തിഃ । പ്രണവോ കീലകം സ്മൃതഃ । മന്ത്രോക്ത
ദേവതാപ്രസാദസിധ്യര്ഥേ വിനിയോഗഃ ॥

ദീര്ഘയാമായയായുക്തൈഃ ഷഡങ്ഗൈഃ പരികീര്തിതഃ ।
രാമദൂത, വാനരമുഖ, വായുനന്ദന തഥാ നൃസിംഹമുഖപൂര്വകം
അഞ്ജനാസൂനുഃ പരഞ്ച । ഗരുഡമുഖ ച തഥാ ഹരിമര്കട പദം പരമ് ।
ക്രോഡമുഖം പദഞ്ചാന്തം രാമകാര്യധുരന്ധരഃ ।
തതോ അശ്വമുഖഞ്ചാന്തമ് । സര്വരാക്ഷസനാശനഃ ।
സര്വേമുഖശബ്ദാന്താഃ സര്വം ചതുര്ഘ്യം തം ഗതാഃ ।
ഷഡങ്ഗേ കരാങ്ഗാദയോ ഹ്രാം ഷട്കാദിഭിസ്സംയുതമ് । ന്യസേത്സര്വ മനന്യധീഃ ।
തതോ ധ്യാനം പഠിത്വാതു പൂര്വോക്തമാര്ഗതോ വാപി പഞ്ജരമാരഭേത്തതഃ ॥ ൨॥

ആദൌ പ്രണവമുച്ചാര്യം വന്ദേ ഹരിപദം തതഃ ।
ഉച്ചാര്യ മര്കടപദം മര്കടായേതി ചോച്ചരേത് ॥ ൩॥

അഗ്നിജായാം സമുച്ചാര്യ ദ്വാദശാര്ണോ മഹാമനുഃ ॥ ൪॥

ശിരഃ പാതു മമ സദാ സര്വസൌഖ്യപ്രദായകഃ ॥ ൫॥

ആദൌ പ്രണവമുച്ചാര്യ കപിബീജം തതോച്ചരേത് ।
നൃസിംഹബീജമുച്ചാര്യ ഗാരുഡഞ്ച സമുച്ചരേത് ॥ ൬॥

വരാഹബീജമുച്ചാര്യ ഹയഗ്രീവം തതോച്ചരേന് ।
നമഃ പദം തതോച്ചാര്യ സ പഞ്ചാസ്യ മഹാകപേഃ ।
ചതുര്ദശാര്ണമന്ത്രോഽയം മുഖം പായാത്സദാ മമ ॥ ൭॥

ആദൌ പ്രണവമുച്ചാര്യ നമോ ഭഗവതേ പദം ।
പഞ്ചവദനായ ചോച്ചാര്യ പൂര്വമുഖേതി ചോച്ചരേത് ॥ ൮॥

വാനരം ബീജമുച്ചാര്യ കപിമുഖായ ചോച്ചരേത് ।
സര്വശത്രുഹരായേതി മഹാബലായ ചോച്ചരേത് ॥ ൯॥

അഗ്നിജായാം തതോച്ചാര്യ സപ്തത്രിംശാക്ഷരാഭിധഃ ।
കണ്ഠം മമ സദാ പാതു സര്വശത്രുവിനാശകഃ ॥ ൧൦॥

ഉച്ചാര്യം പ്രണവം ചാദൌ നമോ ഭഗവതേതിച ।
നാരസിംഹ മഹാബീജ കരാലപദമുച്ചരേത് ॥ ൧൧॥

നൃസിംഹായ പദം ചോക്ത്യാ സകലഭൂതപ്രേതച ।
പിശാച്ചബ്രഹ്മരാക്ഷസ പ്രമഥനായ പദം വദേത് ॥ ൧൨॥

അഗ്നിജായാം തതോച്ചാര്യ വസു വേദാര്ണകോ മനുഃ ।
ഹൃദയം മേ സദാ പാതു സര്വശത്രുവിനാശകഃ ॥ ൧൩॥

ഓം നമോ ഭഗവതേതി പഞ്ചവദനായ തതഃ ।
പശ്ചിമമുഖേതി ചോച്ചാര്യ ഗാരുഡം ബീജമുച്ചരേത് ॥ ൧൪॥

വീരഗരുഡായ മഹാബലായേതി പദം തതഃ ।
സര്വനാഗ പ്രമഥനാ യാന്തേ സകലവിഷേതി ॥ ൧൫॥

ഹരായ സ്വാഹാ ത്വം തതഃ വേദാഭ്യക്ഷരസംയുതഃ ।
ഹനുമന്മമോദരം പാതു സര്വരോഗനിബര്ഹണഃ ॥ ൧൬॥

ഓം നമോ ഭഗവതേതി പഞ്ചവദനായ തതഃ ।
ഉത്തരമുഖേ ചോജ്ചാര്യം ക്രോഡവാഗ്ബീജമുച്ചരേത് ॥ ൧൭॥

ആദിവാരാഹ സര്വസമ്പത്പ്രദായ നിധി ഭൂമിച ।
പ്രദായ പശ്ചാജ്ജ്വരേതി രോഗ നികൃന്തന സ്വാഹാ ॥ ൧൮॥

നാഭിം പാതു മമ സദാ സുഖസൌഭാഗ്യ ഹേതുകഃ ।
നേത്ര ബാണാര്ണകോ മനോഃ പശ്ചാത്പ്രണവമുച്ചരേത് ॥ ൧൯॥

ഓം നമോ ഭഗവതേ പഞ്ചവദനായ പദം തതഃ ।
ഊര്ധ്വമുഖേത്യന്തേ ഹയബീജം തതഃ പരമ് ॥ ൨൦॥

ഹയഗ്രീവായ സകലപ്രദായ സകലേതിച ।
ജനവശീകരണായ സകല ദാനവാന്തകായ ॥ ൨൧॥

പശ്ചാത്പ്രാജ്ഞായ സ്വാഹേതി ഷട്പഞ്ചാശദ്വര്ണകോ മനുഃ ।
മമ ജാനുദ്വയം പാതു സര്വ രാക്ഷസനാശകഃ ॥ ൨൨॥

ഓം ച ഹ്രീമിത്യയം ചോക്ത്വാ നമോ ഭഗവതേ തതഃ ।
ബ്രഹ്മാസ്ത്രസംഹാരകായ രാക്ഷസകുലനാശയേതി ॥ ൨൩॥

പതാക ഹനുമതേതി മായാബീജത്രയം തതഃ ।
ക്രോഡാസ്ത്ര വഹ്നിജായാം തം മനുഃ പാദദ്വയം മമ ॥ ൨൪॥

ഹ്രാം നമഃ പഞ്ചവക്ത്രായ നാഭിദേശം സദാ മമ ।
ഹ്രീം നമഃ പഞ്ചവക്ത്രായ പാതു ജങ്ഘദ്വയം മമ ।
ഹ്രൂം നമഃ പഞ്ചവക്ത്രായ പാതു ജാനുദ്വയം മമ ।
ഹ്രൈം നമഃ പഞ്ചവക്ത്രായ പാദദ്വന്ദ്വം സദാവതു ।
ഹ്രൌം നമഃ പഞ്ചവക്ത്രായ കടിദേശം സദാവതു ।
ഹ്രഃ നമഃ പഞ്ചവക്ത്രായ ചോദരം പാതു സര്വദാ ।
ഐം നമഃ പഞ്ചവക്ത്രായ ഹൃദയം പാതു സര്വദാ ।
ക്ലാം നമഃ പഞ്ചവക്ത്രായ ബാഹുയുഗ്മം സദാവതു ।
ക്ലീം നമഃ പഞ്ചവക്ത്രായ കരയുഗ്മം സദാ മമ ।
ക്ലൂം നമഃ പഞ്ചവക്ത്രായ കണ്ഠദേശം സദാവതു ।
ക്ലൈം നമഃ പഞ്ചവക്ത്രായ ചുബുകം മേ സദാവതു ।
ക്ലൌം നമഃ പഞ്ചവക്ത്രായ പാതു ചോഷ്ഠദ്വയം മമ ।
ക്ലഃ നമഃ പഞ്ചവക്ത്രായ നേത്രയുഗ്മം സദാവതു ।
രാം നമഃ പഞ്ചവക്ത്രായ ശോത്രയുഗ്മം സദാവതു ।
രീം നമഃ പഞ്ചവക്ത്രായ ഫാലം പാതു മഹാബലഃ ।
രൂം നമഃ പഞ്ചവക്ത്രായ ശിരഃ പായാത്സദാ മമ ।
രൈം നമഃ പഞ്ചവക്ത്രായ ശിഖാം മമ സദാവതു ।
രൌം നമഃ പഞ്ചവക്ത്രായ മൂര്ധാനം പാതു സര്വദാ ।
രഃ നമഃ പഞ്ചവക്ത്രായ മുഖം പാതു സദാ മമ ।
ക്ഷ്രാം നമഃ പഞ്ചവക്ത്രായ ശ്രോത്രയുഗ്മം സദാവതു ।
ക്ഷ്രീം നമഃ പഞ്ചവക്ത്രായ നേത്രയുഗ്മം സദാ മമ ।
ക്ഷ്രൂം നമഃ പഞ്ചവക്ത്രായ പാതു ചോഷ്ഠദ്വയം മമ ।
ക്ഷ്രൈം നമഃ പഞ്ചവക്ത്രായ ഭൄയുഗ്മം പാതു സര്വദാ ।
ക്ഷ്രൌം നമഃ പഞ്ചവക്ത്രായ നാസികാം പാതു സര്വദാ ।
ക്ഷഃ നമഃ പഞ്ചവക്ത്രായ കണ്ഠം പാതു കപീശ്വരഃ ।
ഗ്ലാം നമഃ പഞ്ചവക്ത്രായ പാതു വക്ഷസ്ഥലം മമ ।
ഗ്ലീം നമഃ പഞ്ചവക്ത്രായ ബാഹുയുഗ്മം സദാ മമ ।
ഗ്ലൂം നമഃ പഞ്ചവക്ത്രായ കരയുഗ്മം സദാവതു ।
ഗ്ലൈം നമഃ പഞ്ചവക്ത്രായ മമ പാതു വലിത്രയ ।
ഗ്ലൌം നമഃ പഞ്ചവക്ത്രായ ചോരദം പാതു സര്വദാ ।
ഗ്ലഃ നമഃ പഞ്ചവക്ത്രായ നാഭിം പാതു സദാ മമ ।
ആം നമഃ പഞ്ചവക്ത്രായ വാനരായ കടിം മമ ।
ഈം നമഃ പഞ്ചവക്ത്രായ ഊരുയുഗ്മം സദാവതു ।
ഊം നമഃ പഞ്ചവക്ത്രായ ജാനുദ്വന്ദ്വം സദാ മമ ।
ഐം നമഃ പഞ്ചവക്ത്രായ ഗുല്ഫദ്വന്ദ്വം സദാവതു ।
ഔം നമഃ പഞ്ചവക്ത്രായ പാദദ്വന്ദ്വം സദാവതു ।
അഃ നമഃ പഞ്ചവക്ത്രായ സര്വാങ്ഗാനി സദാവതു ॥ ൨൫॥

വാനരഃ പൂര്വതഃ പാതു ദക്ഷിണേ നരകേസരിഃ ।
പ്രതീച്യാം പാതു ഗരുഡ ഉത്തരേ പാതു സൂകരഃ ।
ഊര്ധ്വം ഹയാനനഃ പാതു സര്വതഃ പാതു മൃത്യുഹാ ॥ ൨൬॥

വാനരഃ പൂര്വതഃ പാതു ആഗ്നേയ്യാം വായുനന്ദനഃ ।
ദക്ഷിണേ പാതു ഹനുമാന് നിരൃതേ കേസരീപ്രിയഃ ॥ ൨൭॥

പ്രതീച്യാം പാതു ദൈത്യാരിഃ വായവ്യാം പാതു മങ്ഗലഃ ।
ഉത്തരേ രാമദാസസ്തു നിമ്നം യുദ്ധവിശാരദഃ ॥ ൨൮॥

ഊര്ധ്വേ രാമസഖഃ പാതു പാതാലേ ച കപീശ്വരഃ ।
സര്വതഃ പാതു പഞ്ചാസ്യഃ സര്വരോഗവികൃന്തനഃ ॥ ൨൯॥

ഹനുമാന പൂര്വതഃ പാതു ദക്ഷിണേ പവനാത്മജഃ ।
പാതു പ്രതീചി മക്ഷഘ്നോ ഉദീച്യാം സാഗരതാരകഃ ॥ ൩൦॥

ഊര്ധ്വം കേസരീനന്ദനഃ പാത്വധസ്താദ്വിഷ്ണുഭക്തഃ ।
പാതു മധ്യപ്രദേശേതു സര്വലങ്കാ വിദാഹകഃ ॥ ൩൧॥

ഏവം സര്വതോ മാം പാതു പഞ്ചവക്ത്രഃ സദാ കപിഃ ॥ ൩൨॥

സുഗ്രീവസചിവഃ പാതു മസ്തകം മമ സര്വദാ ।
വായുനന്ദനഃ ഫാലം മേ മഹാവീരഃ ഭ്രൂമധ്യമമ് ॥ ൩൩॥

നേത്രേ ഛായാപഹാരീച പാതു ശ്രോത്രേ പ്ലവങ്ഗമഃ ।
കപോലൌ കര്ണമൂലേച പാതു ശ്രീരാമകിങ്കരഃ ॥ ൩൪॥

നാസാഗ്രമഞ്ജനാസൂനുഃ പാതു വക്ത്രഃ ഹരീശ്വരഃ ।
പാതു കണ്ഠച ദൈത്യാരിഃ സ്കന്ധൌ പാതുസുരാര്ചിതഃ ॥ ൩൫॥

ജാനൌ പാതു മഹാതേജഃ കൂര്പരൌ ചരണായുധഃ ।
നഖാന് നഖായുധഃ പാതു കക്ഷം പാതു കപീശ്വരഃ ॥ ൩൬॥

സീതാശോകാപഹാരീതു സ്തനൌ പാതു നിരന്തരമ് ।
ലക്ഷ്മണപ്രാണദാതാഽസൌ കുക്ഷി പാത്വനിശം മമ ॥ ൩൭॥

വക്ഷൌ മുദ്രാപഹാരീച പാതു ഭുജായുധഃ ।
ലഖിണീഭഞ്ജനഃ പാതു പൃഷ്ഠദേശേ നിരന്തരമ് ॥ ൩൮॥

നാഭിഞ്ച രാമദാസസ്തു കടിം പാത്വനിലാത്മജഃ ।
ഗുഹ്യം പാതു മഹാപ്രാജ്ഞഃ സന്ധൌ പാതു ശിവപ്രിയഃ ॥ ൩൯॥

ഊരൂച ജാനുനീ പാതു ലങ്കാപ്രാസാദഭഞ്ജനഃ ।
ജങ്ഘൌ പാതു കപിശ്രേഷ്ഠഃ ഗുല്ഫോ പാതു മഹാബലഃ ॥ ൪൦॥

അചലോദ്ധാരകഃ പാതു പാദൌ ഭാസ്കരസന്നിഭഃ ।
അങ്ഗാന്യമിതസത്വാഢ്യഃ പാതു പാദാങ്ഗുലിസ്സദാ ॥ ൪൧॥

സര്വാങ്ഗാനി മഹാശൂരഃ പാതു മാം രോമവാന് സദാ ।
ഭാര്യാം പാതു മഹാതേജഃ പുത്രാന് പാതു നഖായുധഃ ॥ ൪൨॥

പശൂന് പഞ്ചാനനഃ പാതു ക്ഷേത്രം പാതു കപീശ്വരഃ ।
ബന്ധൂന് പാതു രഘുശ്രേഷ്ഠഃ ദാസഃ പവനസമ്ഭവഃ ॥ ൪൩॥

സീതാ ശോകാപഹാരീ സഃ ഗൃഹാന് മമ സദാവതു ॥ ൪൪॥

॥ അഥ ഫലശ്രുതിഃ ॥

ഹനുമത്പഞ്ജരം യസ്തു പഠേദ്വിദ്വാന് വിചക്ഷണഃ ।
സ ഏഷ പുരുഷശ്രേഷ്ഠോ ഭക്തി മുക്തിഞ്ച വിന്ദതി ॥ ൪൫॥

കാലത്രയേഽപ്യേകകാലേ പഠേന്മാസത്രയം നരഃ ।
സര്വശത്രൂന് ക്ഷണേ ജിത്വാ സ്വയഞ്ച വിജയീ ഭവേത് ॥ ൪൬॥

അര്ധരാത്രൌ ജലേ സ്ഥിത്വാ സപ്തവാരം പഠേദ്യദി ।
ക്ഷയാപസ്മാരകുഷ്ഠാദി താപജ്വരനിവാരണമ് ॥ ൪൭॥

അര്കവാരേഽശ്വത്ഥമൂലേ സ്ഥിത്വാ പഠതി യഃ പുമാന് ।
സ പുമാന് ശ്രിയമാപ്നോതി സങ്ഗ്രാമേ വിജയീ ഭവേത് ॥ ൪൮॥

അനേന മന്ത്രിതം ചാപി യഃ പിബേത് രോഗപീഡിതഃ ।
സ നരോ രോഗനിര്മുക്തഃ സുഖീ ഭവതി നിശ്ചയഃ ॥ ൪൯॥

യോ നിത്യം ധ്യായേദ്യസ്തു സര്വമന്ത്രവിനിര്മിതമ് ।
തം ദൃഷ്ട്വാ ദേവതാസ്സര്വേ നമസ്യന്തി കപീശ്വരമ് ॥ ൫൦॥

രാക്ഷസാസ്തു പലായന്തേ ഭൂതാ ധാവന്തി സര്വതഃ ॥ ൫൧॥

ഇദം പഞ്ജരമജ്ഞാത്വാ യോ ജപന്മന്ത്രനായകമ് ।
ന ശീഘ്രം ഫലമാപ്നോതി സത്യം സത്യം മയോദിതമ് ॥ ൫൨॥

ത്രികാലമേകകാലം വാ പഞ്ജരം ധാരയേച്ഛുഭമ് ।
പഞ്ജരം വിധിവജ്ജപ്ത്വാ സ്തോത്രൈഃ വേദാന്തസമ്മിതൈഃ ।
തോഷയേദഞ്ജനാസൂനും സര്വരാക്ഷസമര്ദനമ് ॥ ൫൩॥

ഇതീദം പഞ്ജരം യസ്തു പഞ്ചവക്ത്രഹനുമതഃ ।
ധാരയേത് ശ്രാവയേദ്വാപി കൃതകൃത്യോ ഭവേന്നരഃ ॥ ൫൪॥