ஹநுமத்பஞ்ஜரஸ்தோத்ரம்

ஶ்ரீபராஶரஸம்ஹிதாந்தர்கதே சதுஸ்ஸப்ததிதமஃ படலஃ
ஹநுமத்பஞ்ஜரகதநம் -
பராஶரஃ -
பஞ்ஜரந்து ப்ரவக்ஷ்யாமி ஶ்ரு'ணு மைத்ரேய ! ஆதராத் ॥ ௧॥

॥ அத விநியோகஃ ॥

அஸ்ய பஞ்ஜரஸ்ய ரு'ஷிஃ ஶ்ரீராமசந்த்ர பகவாநிதி ச ।
சந்தோ'நுஷ்டுப் । ஶ்ரீபஞ்சவக்த்ரஹநுமாந தேவதேதி ச । ஹ்ராம் பீஜம் ।
ஸ்வாஹா ஶக்திஃ । ப்ரணவோ கீலகம் ஸ்ம்ரு'தஃ । மந்த்ரோக்த
தேவதாப்ரஸாதஸித்யர்தே விநியோகஃ ॥

தீர்கயாமாயயாயுக்தைஃ ஷடங்கைஃ பரிகீர்திதஃ ।
ராமதூத, வாநரமுக, வாயுநந்தந ததா ந்ரு'ஸிம்ஹமுகபூர்வகம்
அஞ்ஜநாஸூநுஃ பரஞ்ச । கருடமுக ச ததா ஹரிமர்கட பதம் பரம் ।
க்ரோடமுகம் பதஞ்சாந்தம் ராமகார்யதுரந்தரஃ ।
ததோ அஶ்வமுகஞ்சாந்தம் । ஸர்வராக்ஷஸநாஶநஃ ।
ஸர்வேமுகஶப்தாந்தாஃ ஸர்வம் சதுர்க்யம் தம் கதாஃ ।
ஷடங்கே கராங்காதயோ ஹ்ராம் ஷட்காதிபிஸ்ஸம்யுதம் । ந்யஸேத்ஸர்வ மநந்யதீஃ ।
ததோ த்யாநம் படித்வாது பூர்வோக்தமார்கதோ வாபி பஞ்ஜரமாரபேத்ததஃ ॥ ௨॥

ஆதௌ ப்ரணவமுச்சார்யம் வந்தே ஹரிபதம் ததஃ ।
உச்சார்ய மர்கடபதம் மர்கடாயேதி சோச்சரேத் ॥ ௩॥

அக்நிஜாயாம் ஸமுச்சார்ய த்வாதஶார்ணோ மஹாமநுஃ ॥ ௪॥

ஶிரஃ பாது மம ஸதா ஸர்வஸௌக்யப்ரதாயகஃ ॥ ௫॥

ஆதௌ ப்ரணவமுச்சார்ய கபிபீஜம் ததோச்சரேத் ।
ந்ரு'ஸிம்ஹபீஜமுச்சார்ய காருடஞ்ச ஸமுச்சரேத் ॥ ௬॥

வராஹபீஜமுச்சார்ய ஹயக்ரீவம் ததோச்சரேந் ।
நமஃ பதம் ததோச்சார்ய ஸ பஞ்சாஸ்ய மஹாகபேஃ ।
சதுர்தஶார்ணமந்த்ரோ'யம் முகம் பாயாத்ஸதா மம ॥ ௭॥

ஆதௌ ப்ரணவமுச்சார்ய நமோ பகவதே பதம் ।
பஞ்சவதநாய சோச்சார்ய பூர்வமுகேதி சோச்சரேத் ॥ ௮॥

வாநரம் பீஜமுச்சார்ய கபிமுகாய சோச்சரேத் ।
ஸர்வஶத்ருஹராயேதி மஹாபலாய சோச்சரேத் ॥ ௯॥

அக்நிஜாயாம் ததோச்சார்ய ஸப்தத்ரிம்ஶாக்ஷராபிதஃ ।
கண்டம் மம ஸதா பாது ஸர்வஶத்ருவிநாஶகஃ ॥ ௧௦॥

உச்சார்யம் ப்ரணவம் சாதௌ நமோ பகவதேதிச ।
நாரஸிம்ஹ மஹாபீஜ கராலபதமுச்சரேத் ॥ ௧௧॥

ந்ரு'ஸிம்ஹாய பதம் சோக்த்யா ஸகலபூதப்ரேதச ।
பிஶாச்சப்ரஹ்மராக்ஷஸ ப்ரமதநாய பதம் வதேத் ॥ ௧௨॥

அக்நிஜாயாம் ததோச்சார்ய வஸு வேதார்ணகோ மநுஃ ।
ஹ்ரு'தயம் மே ஸதா பாது ஸர்வஶத்ருவிநாஶகஃ ॥ ௧௩॥

ௐ நமோ பகவதேதி பஞ்சவதநாய ததஃ ।
பஶ்சிமமுகேதி சோச்சார்ய காருடம் பீஜமுச்சரேத் ॥ ௧௪॥

வீரகருடாய மஹாபலாயேதி பதம் ததஃ ।
ஸர்வநாக ப்ரமதநா யாந்தே ஸகலவிஷேதி ॥ ௧௫॥

ஹராய ஸ்வாஹா த்வம் ததஃ வேதாப்யக்ஷரஸம்யுதஃ ।
ஹநுமந்மமோதரம் பாது ஸர்வரோகநிபர்ஹணஃ ॥ ௧௬॥

ௐ நமோ பகவதேதி பஞ்சவதநாய ததஃ ।
உத்தரமுகே சோஜ்சார்யம் க்ரோடவாக்பீஜமுச்சரேத் ॥ ௧௭॥

ஆதிவாராஹ ஸர்வஸம்பத்ப்ரதாய நிதி பூமிச ।
ப்ரதாய பஶ்சாஜ்ஜ்வரேதி ரோக நிக்ரு'ந்தந ஸ்வாஹா ॥ ௧௮॥

நாபிம் பாது மம ஸதா ஸுகஸௌபாக்ய ஹேதுகஃ ।
நேத்ர பாணார்ணகோ மநோஃ பஶ்சாத்ப்ரணவமுச்சரேத் ॥ ௧௯॥

ௐ நமோ பகவதே பஞ்சவதநாய பதம் ததஃ ।
ஊர்த்வமுகேத்யந்தே ஹயபீஜம் ததஃ பரம் ॥ ௨௦॥

ஹயக்ரீவாய ஸகலப்ரதாய ஸகலேதிச ।
ஜநவஶீகரணாய ஸகல தாநவாந்தகாய ॥ ௨௧॥

பஶ்சாத்ப்ராஜ்ஞாய ஸ்வாஹேதி ஷட்பஞ்சாஶத்வர்ணகோ மநுஃ ।
மம ஜாநுத்வயம் பாது ஸர்வ ராக்ஷஸநாஶகஃ ॥ ௨௨॥

ௐ ச ஹ்ரீமித்யயம் சோக்த்வா நமோ பகவதே ததஃ ।
ப்ரஹ்மாஸ்த்ரஸம்ஹாரகாய ராக்ஷஸகுலநாஶயேதி ॥ ௨௩॥

பதாக ஹநுமதேதி மாயாபீஜத்ரயம் ததஃ ।
க்ரோடாஸ்த்ர வஹ்நிஜாயாம் தம் மநுஃ பாதத்வயம் மம ॥ ௨௪॥

ஹ்ராம் நமஃ பஞ்சவக்த்ராய நாபிதேஶம் ஸதா மம ।
ஹ்ரீம் நமஃ பஞ்சவக்த்ராய பாது ஜங்கத்வயம் மம ।
ஹ்ரூம் நமஃ பஞ்சவக்த்ராய பாது ஜாநுத்வயம் மம ।
ஹ்ரைம் நமஃ பஞ்சவக்த்ராய பாதத்வந்த்வம் ஸதாவது ।
ஹ்ரௌம் நமஃ பஞ்சவக்த்ராய கடிதேஶம் ஸதாவது ।
ஹ்ரஃ நமஃ பஞ்சவக்த்ராய சோதரம் பாது ஸர்வதா ।
ஐம் நமஃ பஞ்சவக்த்ராய ஹ்ரு'தயம் பாது ஸர்வதா ।
க்லாம் நமஃ பஞ்சவக்த்ராய பாஹுயுக்மம் ஸதாவது ।
க்லீம் நமஃ பஞ்சவக்த்ராய கரயுக்மம் ஸதா மம ।
க்லூம் நமஃ பஞ்சவக்த்ராய கண்டதேஶம் ஸதாவது ।
க்லைம் நமஃ பஞ்சவக்த்ராய சுபுகம் மே ஸதாவது ।
க்லௌம் நமஃ பஞ்சவக்த்ராய பாது சோஷ்டத்வயம் மம ।
க்லஃ நமஃ பஞ்சவக்த்ராய நேத்ரயுக்மம் ஸதாவது ।
ராம் நமஃ பஞ்சவக்த்ராய ஶோத்ரயுக்மம் ஸதாவது ।
ரீம் நமஃ பஞ்சவக்த்ராய பாலம் பாது மஹாபலஃ ।
ரூம் நமஃ பஞ்சவக்த்ராய ஶிரஃ பாயாத்ஸதா மம ।
ரைம் நமஃ பஞ்சவக்த்ராய ஶிகாம் மம ஸதாவது ।
ரௌம் நமஃ பஞ்சவக்த்ராய மூர்தாநம் பாது ஸர்வதா ।
ரஃ நமஃ பஞ்சவக்த்ராய முகம் பாது ஸதா மம ।
க்ஷ்ராம் நமஃ பஞ்சவக்த்ராய ஶ்ரோத்ரயுக்மம் ஸதாவது ।
க்ஷ்ரீம் நமஃ பஞ்சவக்த்ராய நேத்ரயுக்மம் ஸதா மம ।
க்ஷ்ரூம் நமஃ பஞ்சவக்த்ராய பாது சோஷ்டத்வயம் மம ।
க்ஷ்ரைம் நமஃ பஞ்சவக்த்ராய ப்ரூ'யுக்மம் பாது ஸர்வதா ।
க்ஷ்ரௌம் நமஃ பஞ்சவக்த்ராய நாஸிகாம் பாது ஸர்வதா ।
க்ஷஃ நமஃ பஞ்சவக்த்ராய கண்டம் பாது கபீஶ்வரஃ ।
க்லாம் நமஃ பஞ்சவக்த்ராய பாது வக்ஷஸ்தலம் மம ।
க்லீம் நமஃ பஞ்சவக்த்ராய பாஹுயுக்மம் ஸதா மம ।
க்லூம் நமஃ பஞ்சவக்த்ராய கரயுக்மம் ஸதாவது ।
க்லைம் நமஃ பஞ்சவக்த்ராய மம பாது வலித்ரய ।
க்லௌம் நமஃ பஞ்சவக்த்ராய சோரதம் பாது ஸர்வதா ।
க்லஃ நமஃ பஞ்சவக்த்ராய நாபிம் பாது ஸதா மம ।
ஆம் நமஃ பஞ்சவக்த்ராய வாநராய கடிம் மம ।
ஈம் நமஃ பஞ்சவக்த்ராய ஊருயுக்மம் ஸதாவது ।
ஊம் நமஃ பஞ்சவக்த்ராய ஜாநுத்வந்த்வம் ஸதா மம ।
ஐம் நமஃ பஞ்சவக்த்ராய குல்பத்வந்த்வம் ஸதாவது ।
ஔம் நமஃ பஞ்சவக்த்ராய பாதத்வந்த்வம் ஸதாவது ।
அஃ நமஃ பஞ்சவக்த்ராய ஸர்வாங்காநி ஸதாவது ॥ ௨௫॥

வாநரஃ பூர்வதஃ பாது தக்ஷிணே நரகேஸரிஃ ।
ப்ரதீச்யாம் பாது கருட உத்தரே பாது ஸூகரஃ ।
ஊர்த்வம் ஹயாநநஃ பாது ஸர்வதஃ பாது ம்ரு'த்யுஹா ॥ ௨௬॥

வாநரஃ பூர்வதஃ பாது ஆக்நேய்யாம் வாயுநந்தநஃ ।
தக்ஷிணே பாது ஹநுமாந் நிர்ரு'தே கேஸரீப்ரியஃ ॥ ௨௭॥

ப்ரதீச்யாம் பாது தைத்யாரிஃ வாயவ்யாம் பாது மங்கலஃ ।
உத்தரே ராமதாஸஸ்து நிம்நம் யுத்தவிஶாரதஃ ॥ ௨௮॥

ஊர்த்வே ராமஸகஃ பாது பாதாலே ச கபீஶ்வரஃ ।
ஸர்வதஃ பாது பஞ்சாஸ்யஃ ஸர்வரோகவிக்ரு'ந்தநஃ ॥ ௨௯॥

ஹநுமாந பூர்வதஃ பாது தக்ஷிணே பவநாத்மஜஃ ।
பாது ப்ரதீசி மக்ஷக்நோ உதீச்யாம் ஸாகரதாரகஃ ॥ ௩௦॥

ஊர்த்வம் கேஸரீநந்தநஃ பாத்வதஸ்தாத்விஷ்ணுபக்தஃ ।
பாது மத்யப்ரதேஶேது ஸர்வலங்கா விதாஹகஃ ॥ ௩௧॥

ஏவம் ஸர்வதோ மாம் பாது பஞ்சவக்த்ரஃ ஸதா கபிஃ ॥ ௩௨॥

ஸுக்ரீவஸசிவஃ பாது மஸ்தகம் மம ஸர்வதா ।
வாயுநந்தநஃ பாலம் மே மஹாவீரஃ ப்ரூமத்யமம் ॥ ௩௩॥

நேத்ரே சாயாபஹாரீச பாது ஶ்ரோத்ரே ப்லவங்கமஃ ।
கபோலௌ கர்ணமூலேச பாது ஶ்ரீராமகிங்கரஃ ॥ ௩௪॥

நாஸாக்ரமஞ்ஜநாஸூநுஃ பாது வக்த்ரஃ ஹரீஶ்வரஃ ।
பாது கண்டச தைத்யாரிஃ ஸ்கந்தௌ பாதுஸுரார்சிதஃ ॥ ௩௫॥

ஜாநௌ பாது மஹாதேஜஃ கூர்பரௌ சரணாயுதஃ ।
நகாந் நகாயுதஃ பாது கக்ஷம் பாது கபீஶ்வரஃ ॥ ௩௬॥

ஸீதாஶோகாபஹாரீது ஸ்தநௌ பாது நிரந்தரம் ।
லக்ஷ்மணப்ராணதாதா'ஸௌ குக்ஷி பாத்வநிஶம் மம ॥ ௩௭॥

வக்ஷௌ முத்ராபஹாரீச பாது புஜாயுதஃ ।
லகிணீபஞ்ஜநஃ பாது ப்ரு'ஷ்டதேஶே நிரந்தரம் ॥ ௩௮॥

நாபிஞ்ச ராமதாஸஸ்து கடிம் பாத்வநிலாத்மஜஃ ।
குஹ்யம் பாது மஹாப்ராஜ்ஞஃ ஸந்தௌ பாது ஶிவப்ரியஃ ॥ ௩௯॥

ஊரூச ஜாநுநீ பாது லங்காப்ராஸாதபஞ்ஜநஃ ।
ஜங்கௌ பாது கபிஶ்ரேஷ்டஃ குல்போ பாது மஹாபலஃ ॥ ௪௦॥

அசலோத்தாரகஃ பாது பாதௌ பாஸ்கரஸந்நிபஃ ।
அங்காந்யமிதஸத்வாட்யஃ பாது பாதாங்குலிஸ்ஸதா ॥ ௪௧॥

ஸர்வாங்காநி மஹாஶூரஃ பாது மாம் ரோமவாந் ஸதா ।
பார்யாம் பாது மஹாதேஜஃ புத்ராந் பாது நகாயுதஃ ॥ ௪௨॥

பஶூந் பஞ்சாநநஃ பாது க்ஷேத்ரம் பாது கபீஶ்வரஃ ।
பந்தூந் பாது ரகுஶ்ரேஷ்டஃ தாஸஃ பவநஸம்பவஃ ॥ ௪௩॥

ஸீதா ஶோகாபஹாரீ ஸஃ க்ரு'ஹாந் மம ஸதாவது ॥ ௪௪॥

॥ அத பலஶ்ருதிஃ ॥

ஹநுமத்பஞ்ஜரம் யஸ்து படேத்வித்வாந் விசக்ஷணஃ ।
ஸ ஏஷ புருஷஶ்ரேஷ்டோ பக்தி முக்திஞ்ச விந்ததி ॥ ௪௫॥

காலத்ரயே'ப்யேககாலே படேந்மாஸத்ரயம் நரஃ ।
ஸர்வஶத்ரூந் க்ஷணே ஜித்வா ஸ்வயஞ்ச விஜயீ பவேத் ॥ ௪௬॥

அர்தராத்ரௌ ஜலே ஸ்தித்வா ஸப்தவாரம் படேத்யதி ।
க்ஷயாபஸ்மாரகுஷ்டாதி தாபஜ்வரநிவாரணம் ॥ ௪௭॥

அர்கவாரே'ஶ்வத்தமூலே ஸ்தித்வா படதி யஃ புமாந் ।
ஸ புமாந் ஶ்ரியமாப்நோதி ஸங்க்ராமே விஜயீ பவேத் ॥ ௪௮॥

அநேந மந்த்ரிதம் சாபி யஃ பிபேத் ரோகபீடிதஃ ।
ஸ நரோ ரோகநிர்முக்தஃ ஸுகீ பவதி நிஶ்சயஃ ॥ ௪௯॥

யோ நித்யம் த்யாயேத்யஸ்து ஸர்வமந்த்ரவிநிர்மிதம் ।
தம் த்ரு'ஷ்ட்வா தேவதாஸ்ஸர்வே நமஸ்யந்தி கபீஶ்வரம் ॥ ௫௦॥

ராக்ஷஸாஸ்து பலாயந்தே பூதா தாவந்தி ஸர்வதஃ ॥ ௫௧॥

இதம் பஞ்ஜரமஜ்ஞாத்வா யோ ஜபந்மந்த்ரநாயகம் ।
ந ஶீக்ரம் பலமாப்நோதி ஸத்யம் ஸத்யம் மயோதிதம் ॥ ௫௨॥

த்ரிகாலமேககாலம் வா பஞ்ஜரம் தாரயேச்சுபம் ।
பஞ்ஜரம் விதிவஜ்ஜப்த்வா ஸ்தோத்ரைஃ வேதாந்தஸம்மிதைஃ ।
தோஷயேதஞ்ஜநாஸூநும் ஸர்வராக்ஷஸமர்தநம் ॥ ௫௩॥

இதீதம் பஞ்ஜரம் யஸ்து பஞ்சவக்த்ரஹநுமதஃ ।
தாரயேத் ஶ்ராவயேத்வாபி க்ரு'தக்ரு'த்யோ பவேந்நரஃ ॥ ௫௪॥