આધારભૂતે ચાધેયે ધૃતિરૂપે ધુરન્ધરે । ધ્રુવે ધ્રુવપદે ધીરે જગદ્ધાત્રિ નમોઽસ્તુ તે ॥૧॥
શવાકારે શક્તિરૂપે શક્તિસ્થે શક્તિવિગ્રહે । શાક્તાચારપ્રિયે દેવિ જગદ્ધાત્રિ નમોઽસ્તુ તે ॥૨॥
જયદે જગદાનન્દે જગદેકપ્રપૂજિતે । જય સર્વગતે દુર્ગે જગદ્ધાત્રિ નમોઽસ્તુ તે ॥૩॥
સૂક્ષ્માતિસૂક્ષ્મરૂપે ચ પ્રાણાપાનાદિરૂપિણિ । ભાવાભાવસ્વરૂપે ચ જગદ્ધાત્રિ નમોઽસ્તુ તે ॥૪॥
કાલાદિરૂપે કાલેશે કાલાકાલ વિભેદિનિ । સર્વસ્વરૂપે સર્વજ્ઞે જગદ્ધાત્રિ નમોઽસ્તુ તે ॥૫॥
મહાવિઘ્ને મહોત્સાહે મહામાયે વરપ્રદે । પ્રપઞ્ચસારે સાધ્વીશે જગદ્ધાત્રિ નમોઽસ્તુ તે ॥૬॥
અગમ્યે જગતામાદ્યે માહેશ્વરિ વરાઙ્ગને । અશેષરૂપે રૂપસ્થે જગદ્ધાત્રિ નમોઽસ્તુ તે ॥૭॥
દ્વિસપ્તકોટિમન્ત્રાણાં શક્તિરૂપે સનાતનિ । સર્વશક્તિસ્વરૂપે ચ જગદ્ધાત્રિ નમોઽસ્તુ તે ॥૮॥
તીર્થયજ્ઞતપોદાનયોગસારે જગન્મયિ । ત્વમેવ સર્વં સર્વસ્થે જગદ્ધાત્રિ નમોઽસ્તુ તે ॥૯॥
દયારૂપે દયાદૃષ્ટે દયાર્દ્રે દુઃખમોચનિ । સર્વાપત્તારિકે દુર્ગે જગદ્ધાત્રિ નમોઽસ્તુ તે ॥૧૦॥
અગમ્યધામધામસ્થે મહાયોગિશહૃત્પુરે । અમેયભાવકૂટસ્થે જગદ્ધાત્રિ નમોઽસ્તુ તે ॥૧૧॥