ૐ જય દુર્ગે! શિવદે!, જય જય દુર્ગે શિવદે!
દુર્ગતિ-હારિણિ! માતઃ!, તવ ચરણે પ્રણિપાતઃ,
હે શુભદે! વરદે!, (તવ) પદ-પદ્મં વન્દે॥
હે શુભદે! વરદે!, (તવ) પદ-પદ્મં વન્દે॥
ૐ જય દુર્ગે! શિવદે!, જય જય દુર્ગે શિવદે!॥
કેશરિ-વાહિનિ! ગૌરિ, ત્વં ગિરિરાજ-સુતા।
આદ્યા શક્તિઃ સુભગા, સુર-નરવૃન્દ-નુતા॥૧॥
આદ્યા શક્તિઃ સુભગા, સુર-નરવૃન્દ-નુતા॥૧॥
દુષ્ટ-વિદારણ-રુદ્રા, ત્વં ત્રિભુવન-ધાત્રી।
મહિષ-વિમર્દિનિ! દેવિ, જગતાં પરિપાત્રી॥૨॥
મહિષ-વિમર્દિનિ! દેવિ, જગતાં પરિપાત્રી॥૨॥
મઙ્ગલમયિ! માતસ્ત્વં, ગઙ્ગાધર-કાન્તા।
દિવ્યાભરણૈ-ર્ભવ્યા, પ્રેમમયી શાન્તા॥૩॥
દિવ્યાભરણૈ-ર્ભવ્યા, પ્રેમમયી શાન્તા॥૩॥
દુરિતં હર જનની મે, કુરુ સુદયાં પ્રતિ મામ્।
હૈમવતીં નૌમિ ત્વાં, સ્નેહમયીં પ્રતિમામ્॥૪॥
હૈમવતીં નૌમિ ત્વાં, સ્નેહમયીં પ્રતિમામ્॥૪॥
સ્વસ્તિમયં તવ હસ્તે, શૂલં વિકરાલમ્।
શઙ્કરિ! સકલાતઙ્કં, હર સઙ્કટજાલમ્॥૫॥
શઙ્કરિ! સકલાતઙ્કં, હર સઙ્કટજાલમ્॥૫॥
તવ શુભ-દિવ્યં જ્યોતિઃ, ઉજ્જ્વલયતુ ભુવનમ્।
સુન્દરયતુ પરિવેશં, સુખયતુ વિશ્વજનમ્॥૬॥
સુન્દરયતુ પરિવેશં, સુખયતુ વિશ્વજનમ્॥૬॥
તવ કરુણામૃત-ધારા, શમયતુ ગુરુ-તાપમ્।
શીતલયતુ સંસારં, હૃત્વા કલિ-પાપમ્॥૭॥
શીતલયતુ સંસારં, હૃત્વા કલિ-પાપમ્॥૭॥
ભવભય-નાશિનિ! ભીમાં, પરમાનન્દ-ભરામ્।
ત્વાં ભગવતીં નતોઽહં, સૌમ્યાં ભક્તિપરામ્॥૮॥
ત્વાં ભગવતીં નતોઽહં, સૌમ્યાં ભક્તિપરામ્॥૮॥
માર્જય સકલં દોષં, કુરુ માં કૃતકૃત્યમ્।
માતસ્તવાર્ચનેયં, શં વિતરતુ નિત્યમ્॥૯॥
માતસ્તવાર્ચનેયં, શં વિતરતુ નિત્યમ્॥૯॥
॥ ઇતિ સંપૂર્ણમ્ ॥