ব্রহ্মোবাচ ।
নৌমীড্য তেঽভ্রবপুষে তডিদম্বরায
গুঞ্জাবতংসপরিপিচ্ছলসন্মুখায ।
বন্যস্রজে কবলবেত্রবিষাণবেণু-
লক্ষ্মশ্রিযে মৃদুপদে পশুপাঙ্গজায ॥ 1 ॥
গুঞ্জাবতংসপরিপিচ্ছলসন্মুখায ।
বন্যস্রজে কবলবেত্রবিষাণবেণু-
লক্ষ্মশ্রিযে মৃদুপদে পশুপাঙ্গজায ॥ 1 ॥
অস্যাপি দেব বপুষো মদনুগ্রহস্য
স্বেচ্ছামযস্য ন তু ভূতমযস্য কোঽপি ।
নেশেমহি ত্ববসিতুং মনসান্তরেণ
সাক্ষাত্তবৈব কিমুতাত্মসুখানুভূতেঃ ॥ 2 ॥
স্বেচ্ছামযস্য ন তু ভূতমযস্য কোঽপি ।
নেশেমহি ত্ববসিতুং মনসান্তরেণ
সাক্ষাত্তবৈব কিমুতাত্মসুখানুভূতেঃ ॥ 2 ॥
জ্ঞানে প্রযাসমুদপাস্য নমন্ত এব
জীবন্তি সন্মুখরিতাং ভবদীযবার্তাম্ ।
স্থানে স্থিতাঃ শ্রুতিগতাং তনুবাম্মনোভিঃ
যে প্রাযশোঽজিত জিতোঽপ্যসি তৈস্ত্রিলোক্যাম্ ॥ 3 ॥
জীবন্তি সন্মুখরিতাং ভবদীযবার্তাম্ ।
স্থানে স্থিতাঃ শ্রুতিগতাং তনুবাম্মনোভিঃ
যে প্রাযশোঽজিত জিতোঽপ্যসি তৈস্ত্রিলোক্যাম্ ॥ 3 ॥
শ্রেযঃস্রুতিং ভক্তিমুদস্য তে বিভো ক্লিশ্যন্তি যে কেবলবোধলব্ধযে ।
তেষামসৌ ক্লেশল এব শিষ্যতে নান্যদ্যথা স্থূলতুষাবঘাতিনাম্ ॥ 4 ॥
তেষামসৌ ক্লেশল এব শিষ্যতে নান্যদ্যথা স্থূলতুষাবঘাতিনাম্ ॥ 4 ॥
পুরেহ ভূমন্ বহবোঽপি যোগিনস্ত্বদর্পিতেহা নিজকর্মলব্ধযা ।
বিবুধ্য ভক্ত্যৈব কথোপনীতযা প্রপেদিরেঽঞ্জোঽচ্যুত তে গতিং পরাম্ ॥ 5 ॥
বিবুধ্য ভক্ত্যৈব কথোপনীতযা প্রপেদিরেঽঞ্জোঽচ্যুত তে গতিং পরাম্ ॥ 5 ॥
তথাপি ভূমন্ মহিমাঽগুণস্য তে বিবোদ্ধুমর্হত্যমলান্তরাত্মভিঃ ।
অবিক্রিযাত্স্বানুভবাদরূপতো হ্যনন্যবোধ্যাত্মতযা ন চান্যথা ॥ 6 ॥
অবিক্রিযাত্স্বানুভবাদরূপতো হ্যনন্যবোধ্যাত্মতযা ন চান্যথা ॥ 6 ॥
গুণাত্মনস্তেঽপি গুণান্ বিমাতুং হিতাবতীর্ণস্য ক ঈশিরেঽস্য ।
কালেন যৈর্বা বিমিতাঃ সুকল্পৈর্ভূপাংসবঃ খে মিহিকা দ্যুভাসঃ ॥ 7 ॥
কালেন যৈর্বা বিমিতাঃ সুকল্পৈর্ভূপাংসবঃ খে মিহিকা দ্যুভাসঃ ॥ 7 ॥
তত্তেঽনুকম্পাং সুসমীক্ষমাণো ভুঞ্জান এবাত্মকৃতং বিপাকম্ ।
হৃদ্বাগ্বপুর্ভির্বিদধন্নমস্তে জীবেত যো মুক্তিপদে স দাযভাক্ ॥ 8 ॥
হৃদ্বাগ্বপুর্ভির্বিদধন্নমস্তে জীবেত যো মুক্তিপদে স দাযভাক্ ॥ 8 ॥
পশ্যেশ মেঽনার্যমনন্ত আদ্যে পরাত্মনি ত্বয্যপি মাযিমাযিনি ।
মাযাং বিতত্যেক্ষিতুমাত্মবৈভবং হ্যহং কিযানৈচ্ছমিবার্চিরগ্নৌ ॥ 9 ॥
মাযাং বিতত্যেক্ষিতুমাত্মবৈভবং হ্যহং কিযানৈচ্ছমিবার্চিরগ্নৌ ॥ 9 ॥
অতঃ ক্ষমস্বাচ্যুত মে রজোভুবো হ্যজানতস্ত্বত্পৃথগীশমানিনঃ ।
অজাবলেপান্ধতমোঽন্ধচক্ষুষ এষোঽনুকম্প্যো মযি নাথবানিতি ॥ 10 ॥
অজাবলেপান্ধতমোঽন্ধচক্ষুষ এষোঽনুকম্প্যো মযি নাথবানিতি ॥ 10 ॥
ক্বাহং তমোমহদহঙ্খচরাগ্নিবার্ভূসংবেষ্টিতাণ্ডঘটসপ্তবিতস্তকাযঃ ।
ক্বেদৃগ্বিধাবিগণিতাণ্ডপরাণুচর্যাবাতাধ্বরোমবিবরস্য চ তে মহিত্বম্ ॥ 11 ॥
ক্বেদৃগ্বিধাবিগণিতাণ্ডপরাণুচর্যাবাতাধ্বরোমবিবরস্য চ তে মহিত্বম্ ॥ 11 ॥
উত্ক্ষেপণং গর্ভগতস্য পাদযোঃ কিং কল্পতে মাতুরধোঽক্ষজাগসে ।
কিমস্তি নাস্তিব্যপদেশভূষিতং তবাস্তি কুক্ষেঃ কিযদপ্যনন্তঃ ॥ 12 ॥
কিমস্তি নাস্তিব্যপদেশভূষিতং তবাস্তি কুক্ষেঃ কিযদপ্যনন্তঃ ॥ 12 ॥
জগত্ত্রযান্তোদধিসম্প্লবোদে নারাযণস্যোদরনাভিনালাত্ ।
বিনির্গতোঽজস্ত্বিতি বান্ন বৈ মৃষা কিং ত্বীশ্বরত্বান্ন বিনির্গতোঽস্মি . ।
নারাযণস্ত্বং ন হি সর্বদেহিনামাত্মাস্যধীশাখিললোকসাক্ষী ।
নারাযণোঽঙ্গং নরভূজলাযনাত্তচ্চাপি সত্যং ন তবৈব মাযা ॥ 14 ॥
বিনির্গতোঽজস্ত্বিতি বান্ন বৈ মৃষা কিং ত্বীশ্বরত্বান্ন বিনির্গতোঽস্মি . ।
নারাযণস্ত্বং ন হি সর্বদেহিনামাত্মাস্যধীশাখিললোকসাক্ষী ।
নারাযণোঽঙ্গং নরভূজলাযনাত্তচ্চাপি সত্যং ন তবৈব মাযা ॥ 14 ॥
তচ্চেজ্জলস্থং তব সজ্জগদ্বপুঃ কিং মে ন দৃষ্টং ভগবংস্তদৈব ।
কিং বা সুদৃষ্টং হৃদি মে তদৈব কিং নো সপদ্যেব পুনর্ব্যদর্শি ॥ 15 ॥
কিং বা সুদৃষ্টং হৃদি মে তদৈব কিং নো সপদ্যেব পুনর্ব্যদর্শি ॥ 15 ॥
অত্রৈব মাযাদমনাবতারে হ্যস্য প্রপঞ্চস্য বহিঃ স্ফুটস্য ।
কৃত্স্নস্য চান্তর্জঠরে জনন্যা মাযাত্বমেব প্রকটীকৃতং তে ॥ 16 ॥
কৃত্স্নস্য চান্তর্জঠরে জনন্যা মাযাত্বমেব প্রকটীকৃতং তে ॥ 16 ॥
যস্য কুক্ষাবিদং সর্বং সাত্মং ভাতি যথা তথা ।
তত্ত্বয্যপীহ তত্সর্বং কিমিদং মাযযা বিনা ॥ 17 ॥
তত্ত্বয্যপীহ তত্সর্বং কিমিদং মাযযা বিনা ॥ 17 ॥
অদ্যৈব ত্বদৃতেঽস্য কিং মম ন তে মাযাত্বমাদর্শিতং
একোঽসি প্রথমং ততো ব্রজসুহৃদ্বত্সাঃ সমস্তা অপি ।
তাবন্তোঽসি চতুর্ভুজাস্তদখিলৈঃ সাকং মযোপাসিতা-
স্তাবন্ত্যেব জগন্ত্যভূস্তদমিতং ব্রহ্মাদ্বযং শিষ্যতে ॥ 18 ॥
একোঽসি প্রথমং ততো ব্রজসুহৃদ্বত্সাঃ সমস্তা অপি ।
তাবন্তোঽসি চতুর্ভুজাস্তদখিলৈঃ সাকং মযোপাসিতা-
স্তাবন্ত্যেব জগন্ত্যভূস্তদমিতং ব্রহ্মাদ্বযং শিষ্যতে ॥ 18 ॥
অজানতাং ত্বত্পদবীমনাত্মন্যাত্মাঽত্মনা ভাসি বিতত্য মাযাম্ ।
সৃষ্টাবিবাহং জগতো বিধান ইব ত্বমেষোঽন্ত ইব ত্রিনেত্রঃ ॥ 19 ॥
সৃষ্টাবিবাহং জগতো বিধান ইব ত্বমেষোঽন্ত ইব ত্রিনেত্রঃ ॥ 19 ॥
সুরেষ্বৃষিষ্বীশ তথৈব নৃষ্বপি তির্যক্ষু যাদঃস্বপি তেঽজনস্য ।
জন্মাসতাং দুর্মদনিগ্রহায প্রভো বিধাতঃ সদনুগ্রহায চ ॥ 20 ॥
জন্মাসতাং দুর্মদনিগ্রহায প্রভো বিধাতঃ সদনুগ্রহায চ ॥ 20 ॥
কো বেত্তি ভূমন্ ভগবন্ পরাত্মন্ যোগেশ্বরোতীর্ভবতস্ত্রিলোক্যাম্ ।
ক্ব বা কথং বা কতি বা কদেতি বিস্তারযন্ ক্রীডসি যোগমাযাম্ ॥ 21 ॥
ক্ব বা কথং বা কতি বা কদেতি বিস্তারযন্ ক্রীডসি যোগমাযাম্ ॥ 21 ॥
তস্মাদিদং জগদশেষমসত্স্বরূপং স্বপ্নাভমস্তধিষণং পুরুদুঃখদুঃখম্ ।
ত্বয্যেব নিত্যসুখবোধতনাবনন্তে মাযাত উদ্যদপি যত্সদিবাবভাতি ॥ 22 ॥
ত্বয্যেব নিত্যসুখবোধতনাবনন্তে মাযাত উদ্যদপি যত্সদিবাবভাতি ॥ 22 ॥
একস্ত্বমাত্মা পুরুষঃ পুরাণঃ সত্যঃ স্বযঞ্জ্যোতিরনন্ত আদ্যঃ ।
নিত্যোঽক্ষরোঽজস্রসুখো নিরঞ্জনঃ পূর্ণোঽদ্বযো মুক্ত উপাধিতোঽমৃতঃ ॥ 23 ॥
নিত্যোঽক্ষরোঽজস্রসুখো নিরঞ্জনঃ পূর্ণোঽদ্বযো মুক্ত উপাধিতোঽমৃতঃ ॥ 23 ॥
এবংবিধং ত্বাং সকলাত্মনামপি স্বাত্মানমাত্মাঽত্মতযা বিচক্ষতে ।
গুর্বর্কলব্ধোপনিষত্সুচক্ষুষা যে তে তরন্তীব ভবানৃতাম্বুধিম্ ॥ 24 ॥
গুর্বর্কলব্ধোপনিষত্সুচক্ষুষা যে তে তরন্তীব ভবানৃতাম্বুধিম্ ॥ 24 ॥
আত্মানমেবাত্মতযাঽবিজানতাং তেনৈব জাতং নিখিলং প্রপঞ্চিতম্ ।
জ্ঞানেন ভূযোঽপি চ তত্প্রলীযতে রজ্জ্বামহের্ভোগভবাভবৌ যথা ॥ 25 ॥
জ্ঞানেন ভূযোঽপি চ তত্প্রলীযতে রজ্জ্বামহের্ভোগভবাভবৌ যথা ॥ 25 ॥
অজ্ঞানসঞ্জ্ঞৌ ভববন্ধমোক্ষৌ দ্বৌ নাম নান্যৌ স্ত ঋতজ্ঞভাবাত্ ।
অজস্রচিত্যাঽত্মনি কেবলে পরে বিচার্যমাণে তরণাবিবাহনী ॥ 26 ॥
অজস্রচিত্যাঽত্মনি কেবলে পরে বিচার্যমাণে তরণাবিবাহনী ॥ 26 ॥
ত্বামাত্মানং পরং মত্বা পরমাত্মানমেব চ ।
আত্মা পুনর্বহির্মৃগ্য অহোঽজ্ঞজনতাঽজ্ঞতা ॥ 27 ॥
আত্মা পুনর্বহির্মৃগ্য অহোঽজ্ঞজনতাঽজ্ঞতা ॥ 27 ॥
অন্তর্ভবেঽনন্ত ভবন্তমেব হ্যতত্ত্যজন্তো মৃগযন্তি সন্তঃ ।
অসন্তমপ্যন্ত্যহিমন্তরেণ সন্তং গুণং তং কিমু যন্তি সন্তঃ ॥ 28 ॥
অসন্তমপ্যন্ত্যহিমন্তরেণ সন্তং গুণং তং কিমু যন্তি সন্তঃ ॥ 28 ॥
অথাপি তে দেব পদাম্বুজদ্বযপ্রসাদলেশানুগৃহীত এব হি ।
জানাতি তত্ত্বং ভগবন্ মহিম্নো ন চান্য একোঽপি চিরং বিচিন্বন্ ॥ 29 ॥
জানাতি তত্ত্বং ভগবন্ মহিম্নো ন চান্য একোঽপি চিরং বিচিন্বন্ ॥ 29 ॥
তদস্তু মে নাথ স ভূরিভাগো ভবেঽত্র বান্যত্র তু বা তিরশ্চাম্ ।
যেনাহমেকোঽপি ভবজ্জনানাং ভূত্বা নিষেবে তব পাদপল্লবম্ ॥ 30 ॥
যেনাহমেকোঽপি ভবজ্জনানাং ভূত্বা নিষেবে তব পাদপল্লবম্ ॥ 30 ॥
অহোঽতিধন্যা ব্রজগোরমণ্যঃ স্তন্যামৃতং পীতমতীব তে মুদা ।
যাসাং বিভো বত্সতরাত্মজাত্মনা যত্তৃপ্তযেঽদ্যাপি ন চালমধ্বরাঃ ॥ 31 ॥
যাসাং বিভো বত্সতরাত্মজাত্মনা যত্তৃপ্তযেঽদ্যাপি ন চালমধ্বরাঃ ॥ 31 ॥
অহো ভাগ্যমহো ভাগ্যং নন্দগোপব্রজৌকসাম্ ।
যন্মিত্রং পরমানন্দং পূর্ণং ব্রহ্ম সনাতনম্ ॥ 32 ॥
যন্মিত্রং পরমানন্দং পূর্ণং ব্রহ্ম সনাতনম্ ॥ 32 ॥
এষাং তু ভাগ্যমহিমাঽচ্যুত তাবদাস্তা-
মেকাদশৈব হি বযং বত ভূরিভাগাঃ ।
এতদ্ধৃষীকচষকৈরসকৃত্পিবামঃ
শর্বাদযোঽঙ্ঘ্র্যুদজমধ্বমৃতাসবং তে ॥ 33 ॥
মেকাদশৈব হি বযং বত ভূরিভাগাঃ ।
এতদ্ধৃষীকচষকৈরসকৃত্পিবামঃ
শর্বাদযোঽঙ্ঘ্র্যুদজমধ্বমৃতাসবং তে ॥ 33 ॥
তদ্ভূরিভাগ্যমিহ জন্ম কিমপ্যটব্যাং
যদ্গোকুলেঽপি কতমাঙ্ঘ্রিরজোঽভিষেকম্ ।
যজ্জীবিতং তু নিখিলং ভগবান্ মুকুন্দ-
স্ত্বদ্যাপি যত্পদরজঃ শ্রুতিমৃগ্যমেব ॥ 34 ॥
যদ্গোকুলেঽপি কতমাঙ্ঘ্রিরজোঽভিষেকম্ ।
যজ্জীবিতং তু নিখিলং ভগবান্ মুকুন্দ-
স্ত্বদ্যাপি যত্পদরজঃ শ্রুতিমৃগ্যমেব ॥ 34 ॥
এষাং ঘোষনিবাসিনামুত ভবান্ কিং দেব রাতেতি নঃ
চেতো বিশ্বফলাত্ফলং ত্বদপরং কুত্রাপ্যযন্ মুহ্যতি ।
সদ্বেষাদিব পূতনাঽপি সকুলা ত্বামেব দেবাপিতা
যদ্ধামার্থসুহৃত্প্রিযাত্মতনযপ্রাণাশযাস্ত্বত্কৃতে ॥ 35 ॥
চেতো বিশ্বফলাত্ফলং ত্বদপরং কুত্রাপ্যযন্ মুহ্যতি ।
সদ্বেষাদিব পূতনাঽপি সকুলা ত্বামেব দেবাপিতা
যদ্ধামার্থসুহৃত্প্রিযাত্মতনযপ্রাণাশযাস্ত্বত্কৃতে ॥ 35 ॥
তাবদ্রাগাদযঃ স্তেনাস্তাবত্কারাগৃহং গৃহম্ ।
তাবন্মোহোঽঙ্ঘ্রিনিগডো যাবত্কৃষ্ণ ন তে জনাঃ ॥ 36 ॥
তাবন্মোহোঽঙ্ঘ্রিনিগডো যাবত্কৃষ্ণ ন তে জনাঃ ॥ 36 ॥
প্রপঞ্চং নিষ্প্রপঞ্চোঽপি বিডম্বযসি ভূতলে ।
প্রপন্নজনতানন্দসন্দোহং প্রথিতুং প্রভো ॥ 37 ॥
প্রপন্নজনতানন্দসন্দোহং প্রথিতুং প্রভো ॥ 37 ॥
জানন্ত এব জানন্তু কিং বহূক্ত্যা ন মে প্রভো ।
মনসো বপুষো বাচো বৈভবং তব গোচরঃ ॥ 38 ॥
মনসো বপুষো বাচো বৈভবং তব গোচরঃ ॥ 38 ॥
অনুজানীহি মাং কৃষ্ণ সর্বং ত্বং বেত্সি সর্বদৃক্ ।
ত্বমেব জগতাং নাথো জগদেতত্তবার্পিতম্ ॥ 39 ॥
ত্বমেব জগতাং নাথো জগদেতত্তবার্পিতম্ ॥ 39 ॥
শ্রীকৃষ্ণ বৃষ্ণিকুলপুষ্করজোষদাযিন্
ক্ষ্মানির্জরদ্বিজপশূদধিবৃদ্ধিকারিন্ ।
উদ্ধর্মশার্বরহর ক্ষিতিরাক্ষসধ্রুগ্
আকল্পমার্কমর্হন্ ভগবন্ নমস্তে ॥ 40 ॥
ক্ষ্মানির্জরদ্বিজপশূদধিবৃদ্ধিকারিন্ ।
উদ্ধর্মশার্বরহর ক্ষিতিরাক্ষসধ্রুগ্
আকল্পমার্কমর্হন্ ভগবন্ নমস্তে ॥ 40 ॥
ইতি শ্রীমদ্ভাগবতমহাপুরাণে দশমস্কন্ধে পূর্বার্ধে
চতুর্দশাধ্যাযান্তর্গতং ব্রহ্মকৃতং শ্রীকৃষ্ণস্তুতিঃ সমাপ্তা ।
ভাগবতপুরাণ . অধ্যায 10/14/1-40 . ।