7.1 - প্রজননং জ্যোতিরগ্নিঃ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযাং সপ্তমকাণ্ডে প্রথমঃ প্রশ্নঃ- অশ্বমেধগতমন্ত্রাণামভিধানং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
প্রজনন-ঞ্জ্যোতিরগ্নি-র্দেবতানা-ঞ্জ্যোতির্বিরাট্ ছন্দসা-ঞ্জ্যোতির্বিরা-ড্বাচো-ঽগ্নৌ স-ন্তিষ্ঠতে বিরাজমভি সম্পদ্যতে তস্মা-ত্তজ্জ্যোতিরুচ্যতে দ্বৌ স্তোমৌ প্রাতস্সবনং-বঁহতো যথা প্রাণশ্চা-ঽপানশ্চ দ্বৌ মাদ্ধ্যদিন্নগ্ং সবনং-যঁথা চক্ষুশ্চ শ্রোত্র-ঞ্চ দ্বৌ তৃতীযসবনং-যঁথা বাক্চ প্রতিষ্ঠা চ পুরুষসম্মিতো বা এষ যজ্ঞো-ঽস্থূরি- [যজ্ঞো-ঽস্থূরিঃ, য-ঙ্কাম-ঙ্কামযতে] 1
-র্য-ঙ্কাম-ঙ্কামযতে তমেতেনাভ্যশ্ঞুতে সর্বগ্গ্ হ্যস্থূরিণা-ঽভ্যশ্ঞুতে ঽগ্নিষ্টোমেন বৈ প্রজাপতিঃ প্রজা অসৃজত তা অগ্নিষ্টোমেনৈব পর্যগৃহ্ণা-ত্তাসা-ম্পরিগৃহীতানা-মশ্বতরো-ঽত্যপ্রবত তস্যানুহাযরেত আ-ঽদত্ত ত-দ্গর্দভে ন্যমার্-ট্তস্মা-দ্গর্দভো দ্বিরেতা অথো আহুর্বডবাযা-ন্ন্যমার্ডিতি তস্মা-দ্বডবা দ্বিরেতা অথো আহু-রোষধীষু- [আহু-রোষধীষু, ন্যমার্ডিতি] 2
-ন্যমার্ডিতি তস্মাদোষধযো ঽনভ্যক্তা রেভন্ত্যথো আহুঃ প্রজাসু ন্যমার্ডিতি তস্মা-দ্যমৌ জাযেতে তস্মাদশ্বতরো ন প্র জাযত আত্তরেতা হি তস্মা-দ্বর্হিষ্যনবকৢপ্ত-স্সর্ববেদসে বা সহস্রে বা-ঽব কৢপ্তো-ঽতি হ্যপ্রবত য এবং-বিঁদ্বানগ্নিষ্টোমেন যজতে প্রাজাতাঃ প্রজা জনযতি পরি প্রজাতা গৃহ্ণাতি তস্মাদাহুর্জ্যেষ্ঠযজ্ঞ ইতি [ ] 3
প্রজাপতির্বাব জ্যেষ্ঠ-স্স হ্যেতেনাগ্রে-ঽযজত প্রজাপতিরকামযত প্র জাযেযেতি স মুখতস্ত্রিবৃত-ন্নিরমিমীত তমগ্নির্দেবতা ঽন্বসৃজ্যত গাযত্রী ছন্দো রথন্তরগ্ং সাম ব্রাহ্মণো মনুষ্যাণামজঃ পশূনা-ন্তস্মা-ত্তে মুখ্যা মুখতো হ্যসৃজ্যন্তোরসো বাহুভ্যা-ম্পঞ্চদশ-ন্নিরমিমীত তমিন্দ্রো দেবতা ঽন্বসৃজ্যত ত্রিষ্টু-প্ছন্দো বৃহ- [বৃহত্, সাম রাজন্যো] 4
-থ্সাম রাজন্যো মনুষ্যাণামবিঃ পশূনা-ন্তস্মা-ত্তে বীর্যাবন্তো বীর্যাদ্ধ্যসৃজ্যন্ত মদ্ধ্যত-স্সপ্তদশ-ন্নিরমিমীত তং-বিঁশ্বে দেবা দেবতা অন্বসৃজ্যন্ত জগতী ছন্দো বৈ রূপগ্ং সাম বৈশ্যো মনুষ্যাণা-ঙ্গাবঃ পশূনা-ন্তস্মা-ত্ত আদ্যা অন্নধানাদ্ধ্য সৃজ্যন্ত তস্মা-দ্ভূযাগ্ংসো ঽন্যেভ্যো ভূযিষ্ঠা হি দেবতা অন্বসৃজ্যন্ত পত্ত একবিগ্ং শ-ন্নিরমিমীত তমনুষ্টু-প্ছন্দো- [তমনুষ্টু-প্ছন্দঃ, অন্বসৃজ্যত] 5
-ঽন্বসৃজ্যত বৈরাজগ্ং সাম শূদ্রো মনুষ্যাণা-মশ্বঃ পশূনা-ন্তস্মা-ত্তৌ ভূতস-ঙ্ক্রামিণাবশ্বশ্চ শূদ্রশ্চ তস্মাচ্ছূদ্রো যজ্ঞে-ঽনবকৢপ্তো ন হি দেবতা অন্বসৃজ্যত তস্মা-ত্পাদাবুপ জীবতঃ পত্তো হ্যসৃজ্যেতা-ম্প্রাণা বৈ ত্রিবৃদর্ধমাসাঃ পঞ্চদশঃ প্রজাপতি-স্সপ্তদশস্ত্রয ইমে লোকা অসাবাদিত্য একবিগ্ংশ এতস্মিন্ বা এতে শ্রিতা এতস্মি-ন্প্রতিষ্ঠিতা য এবং-বেঁদৈতস্মিন্নেব শ্রযত এতস্মি-ন্প্রতি তিষ্ঠতি ॥ 6 ॥

(অস্থূরি - রোষধীষু - জ্যেষ্ঠযজ্ঞ ইতি - বৃহ - দনুষ্টু-প্ছন্দঃ - প্রতিষ্ঠিতা - নব চ) (অ. 1)
প্রাতস্সবনে বৈ গাযত্রেণ ছন্দসা ত্রিবৃতে স্তোমায জ্যোতির্দধদেতি ত্রিবৃতা ব্রহ্মবর্চসেন পঞ্চদশায জ্যোতির্দধদেতি পঞ্চদশেনৌজসা বীর্যেণ সপ্তদশায জ্যোতির্দধদেতি সপ্তদশেন প্রাজাপত্যেন প্রজননেনৈকবিগ্ংশায জ্যোতির্দধদেতি স্তোম এব ত-থ্স্তোমায জ্যোতির্দধদেত্যথো স্তোম এব স্তোমমভি প্র ণযতি যাবন্তো বৈ স্তোমাস্তাবন্তঃ কামাস্তাবন্তো লোকা -স্তাবন্তি জ্যোতীগ্ষ্যেতাবত এব স্তোমানেতাবতঃ কামানেতাবতো লোকানেতাবন্তি জ্যোতীগ্ষ্যব রুন্ধে ॥ 7 ॥

(তাবন্তো লোকা - স্ত্রযোদশ চ) (অ. 2)
ব্রহ্মবাদিনো বদন্তি স ত্বৈ যজেত যো-ঽগ্নিষ্টোমেন যজমানো-ঽথ সর্বস্তোমেন যজেতেতি যস্য ত্রিবৃতমন্তর্যন্তি প্রাণাগ্-স্তস্যান্তর্যন্তি প্রাণেষু মে-ঽপ্যসদিতি খলু বৈ যজ্ঞেন যজমানো যজতে যস্য পঞ্চদশমন্তর্যন্তি বীর্য-ন্তস্যান্তর্যন্তি বীর্যে মে-ঽপ্যসদিতি খলু বৈ যজ্ঞেন যজমানো যজতে যস্য সপ্তদশ-মন্তর্যন্তি [ ] 8
প্রজা-ন্তস্যান্তর্যন্তি প্রজাযা-ম্মে-ঽপ্যসদিতি খলু বৈ যজ্ঞেন যজমানো যজতে যস্যৈকবিগ্ংশমন্তর্যন্তি প্রতিষ্ঠা-ন্তস্যান্তর্যন্তি প্রতিষ্ঠাযা-ম্মে-ঽপ্যসদিতি খলু বৈ যজ্ঞেন যজমানো যজতে যস্য ত্রিণবমন্তর্যন্ত্যৃতূগ্শ্চ তস্য নক্ষত্রিযা-ঞ্চ বিরাজমন্তর্যন্ত্যৃতুষু মে-ঽপ্যসন্নক্ষত্রিযাযা-ঞ্চ বিরাজীতি [বিরাজীতি, খলু বৈ] 9
খলু বৈ যজ্ঞেন যজমানো যজতে যস্য ত্রযস্ত্রিগ্ংশমন্তর্যন্তি দেবতাস্তস্যান্তর্যন্তি দেবতাসু মে-ঽপ্যসদিতি খলু বৈ যজ্ঞেন যজমানো যজতে যো বৈ স্তোমানামবম-ম্পরমতা-ঙ্গচ্ছন্তং-বেঁদ পরমতামেব গচ্ছতি ত্রিবৃদ্বৈ স্তোমানামবমস্ত্রিবৃ-ত্পরমো য এবং-বেঁদ পরমতামেব গচ্ছতি ॥ 10 ॥

(সপ্তদশমন্তর্যন্তি - বিরাজীতি - চতুশ্চত্বারিগ্ংশচ্চ) (অ. 3)
অঙ্গিরসো বৈ সত্রমাসত তে সুবর্গং-লোঁকমায-ন্তেষাগ্ং হবিষ্মাগ্শ্চ হবিষ্কৃচ্চা-ঽহীযেতা-ন্তাবকামযেতাগ্ং সুবর্গং-লোঁকমিযাবেতি তাবেত-ন্দ্বিরাত্রমপশ্যতা-ন্তমা-ঽহরতা-ন্তেনাযজেতা-ন্ততো বৈ তৌ সুবর্গং-লোঁকমৈতাং-যঁ এবং-বিঁদ্বা-ন্দ্বিরাত্রেণ যজতে সুবর্গমেব লোকমেতি তাবৈতা-ম্পূর্বেণাহ্না ঽগচ্ছতা-মুত্তরেণা- [-মুত্তরেণ, অভিপ্লবঃ পূর্ব] 11
-ভিপ্লবঃ পূর্ব-মহর্ভবতি গতিরুত্তর-ঞ্জ্যোতিষ্টোমো-ঽগ্নিষ্টোমঃ পূর্বমহর্ভবতি তেজস্তেনাব রুন্ধে সর্বস্তোমো-ঽতিরাত্র উত্তরগ্ং সর্বস্যা-ঽঽপ্ত্যৈ সর্বস্যা-ঽবরুদ্ধ্যৈ গাযত্র-ম্পূর্বে-ঽহন্থ্সাম ভবতি তেজো বৈ গাযত্রী গাযত্রী ব্রহ্মবর্চস-ন্তেজ এব ব্রহ্মবর্চসমাত্ম-ন্ধত্তে ত্রৈষ্টুভমুত্তর ওজো বৈ বীর্য-ন্ত্রিষ্টুগোজ এব বীর্যমাত্ম-ন্ধত্তে রথন্তর-ম্পূর্বে- [রথন্তর-ম্পূর্বে, অহন্-থ্সাম] 12
-ঽহন্-থ্সাম ভবতীযং-বৈঁ রথন্তরমস্যামেব প্রতি তিষ্ঠতি বৃহদুত্তরে-ঽসৌ বৈ বৃহদমুষ্যামেব প্রতি তিষ্ঠতি তদাহুঃ ক্ব জগতী চা-ঽনুষ্টু-প্চেতি বৈখানস-ম্পূর্বে-ঽহন্-থ্সাম ভবতি তেন জগত্যৈ নৈতি ষোডশ্যুত্তরে তেনানুষ্টুভো-ঽথা ঽঽহুর্য-থ্সমানে-ঽর্ধমাসে স্যাতা-মন্যতরস্যাহ্নো বীর্যমনু পদ্যেতেত্য-মাবাস্যাযা-ম্পূর্বমহ-র্ভবত্যুত্তরস্মি-ন্নুত্তর-ন্নানৈবা ঽর্ধমাসযোর্ভবতো নানাবীর্যে ভবতো হবিষ্মন্নিধন-ম্পূর্বমহর্ভবতি হবিষ্কৃন্নিধন-মুত্তর-ম্প্রতিষ্ঠিত্যৈ ॥ 13 ॥
(উত্তরেণ - রথন্তর-ম্পূর্বে - ঽন্বে - কবিগ্ংশতিশ্চ) (অ. 4)
আপো বা ইদমগ্রে সলিলমাসী-ত্তস্মি-ন্প্রজাপতি-র্বাযুর্ভূত্বা ঽচর-থ্স ইমামপশ্য-ত্তাং-বঁরাহো ভূত্বা-ঽহর-ত্তাং-বিঁশ্বকর্মা ভূত্বা ব্যমাট্র্-থ্সা-ঽপ্রথত সা পৃথিব্যভব-ত্ত-ত্পৃথিব্যৈ পৃথিবিত্ব-ন্তস্যামশ্রাম্য-ত্প্রজাপতি-স্স দেবানসৃজত বসূ-ন্রুদ্রানাদিত্যা-ন্তে দেবাঃ প্রজাপতিমব্রুব-ন্প্রজাযামহা ইতি সো-ঽব্রবী- [সো-ঽব্রবীত্, যথা-ঽহং-] 14
-দ্যথা-ঽহং-যুঁষ্মাগ্স্তপসা ঽসৃক্ষ্যেব-ন্তপসি প্রজনন-মিচ্ছদ্ধ্বমিতি তেভ্যো-ঽগ্নিমাযতন-ম্প্রা-ঽযচ্ছদেতেনা-ঽঽযতনেন শ্রাম্যতেতি তে-ঽগ্নিনা-ঽঽযতনেনা-ঽ-শ্রাম্য-ন্তে সংবঁথ্সর একা-ঙ্গামসৃজন্ত তাং-বঁসুভ্যো রুদ্রেভ্য আদিত্যেভ্যঃ প্রা-ঽযচ্ছন্নেতাগ্ং রক্ষদ্ধ্বমিতি তাং-বঁসবো রুদ্রা আদিত্যা অরক্ষন্ত সা বসুভ্যো রুদ্রেভ্য আদিত্যেভ্যঃ প্রাজাযতত্রীণি চ [ ] 15
শতানি ত্রযস্ত্রিগ্ংশত-ঞ্চাথ সৈব সহস্রতম্যভব-ত্তে দেবাঃ প্রজাপতিমব্রুবন্-থ্সহস্রেণ নো যাজযেতি সো-ঽগ্নিষ্টোমেন বসূনযাজয-ত্ত ইমং-লোঁকমজয-ন্তচ্চাদদু-স্স উক্থ্যেন রুদ্রানযাজয-ত্তে-ঽন্তরিক্ষমজয-ন্তচ্চাদদু-স্সো-ঽতিরাত্রেণা-ঽঽদিত্যানযাজয-ত্তে-ঽমুং-লোঁকমজয-ন্তচ্চা-ঽদদু-স্তদন্তরিক্ষং- [-স্তদন্তরিক্ষম্, ব্যবৈর্যত] 16
-ঁব্যবৈর্যত তস্মা-দ্রুদ্রা ঘাতুকা অনাযতনা হি তস্মাদাহু-শ্শিথিলং-বৈঁ মদ্ধ্যম-মহস্ত্রিরাত্রস্য বি হি তদবৈর্যতেতি ত্রৈষ্টুভ-ম্মদ্ধ্যমস্যাহ্ন আজ্য-ম্ভবতি সংযাঁনানি সূক্তানি শগ্ংসতি ষোডশিনগ্ং শগ্ংসত্যহ্নো ধৃত্যা অশিথিলম্ভাবায তস্মা-ত্ত্রিরাত্রস্যাগ্নিষ্টোম এব প্রথমমহঃ স্যাদথোক্থ্যো ঽথা-ঽতিরাত্র এষাং-লোঁকানাং-বিঁধৃত্যৈ ত্রীণিত্রীণি শতা-ন্যনূচীনাহ-মব্যবচ্ছিন্নানি দদা- [দদাতি, এষাং-লোঁকানা-] 17
-ত্যেষাং-লোঁকানা-মনু সন্তত্যৈ দশত-ন্ন বিচ্ছিন্দ্যা-দ্বিরাজ-ন্নেদ্বিচ্ছিনদানীত্যথ যা সহস্রতম্যাসী-ত্তস্যামিন্দ্রশ্চ বিষ্ণুশ্চ ব্যাযচ্ছেতাগ্ং স ইন্দ্রো-ঽমন্যতানযা বা ইদং-বিঁষ্ণুঃ সহস্রং-বঁর্ক্ষ্যত ইতি তস্যামকল্পেতা-ন্দ্বিভাগ ইন্দ্রস্তৃতীযে বিষ্ণুস্তদ্বা এষা-ঽভ্যনূচ্যত উভা জিগ্যথুরিতি তাং-বাঁ এতামচ্ছাবাক [এতামচ্ছাবাকঃ, এব] 18
এব শগ্ংসত্যথ যা সহস্রতমী সা হোত্রে দেযেতি হোতারং-বাঁ অভ্যতিরিচ্যতে যদতিরিচ্যতে হোতা ঽনাপ্তস্যা-ঽঽপযিতা ঽথা-ঽহুরুন্নেত্রে দেযেত্যতিরিক্তা বা এষা সহস্রস্যাতিরিক্ত উন্নেতর্ত্বিজামথা-ঽঽহু-স্সর্বেভ্য-স্সদস্যেভ্যো দেযেত্যথা-ঽঽহুরুদা কৃত্যা সা বশ-ঞ্চরেদিত্যথা-ঽঽহুর্ব্রহ্মণে চাগ্নীধে চ দেযেতি [দেযেতি, দ্বিভাগ-] 19
দ্বিভাগ-ম্ব্রহ্মণে তৃতীযমগ্নীধ ঐন্দ্রো বৈ ব্রহ্মা বৈষ্ণবো-ঽগ্নীদ্যথৈব তাবকল্পেতামিত্যথা ঽঽহুর্যা কল্যাণী বহুরূপা সা দেযেত্যথা ঽঽহুর্যা দ্বিরূপোভযতএনী সা দেযেতি সহস্রস্য পরিগৃহীত্যৈ তদ্বা এত-থ্সহস্রস্যা-ঽযনগ্ং সহস্রগ্গ্ স্তোত্রীযা-স্সহস্র-ন্দক্ষিণা-স্সহস্রসম্মিত-স্সুবর্গো লোক-স্সুবর্গস্য লোকস্যাভিজিত্যৈ ॥ 20 ॥
(অব্রবী - চ্চ - তদন্তরিক্ষং - দদাত্য - চ্ছাবাক - শ্চ দেযেতি - সপ্তচত্বারিগ্ংশচ্চ) (অ. 5)
সোমো বৈ সহস্রমবিন্দ-ত্তমিন্দ্রো ঽন্ববিন্দ-ত্তৌ যমো ন্যাগচ্ছ-ত্তাবব্রবীদস্তু মে-ঽত্রা-ঽপীত্যস্তু হী(3) ইত্যব্রূতাগ্ং স যম একস্যাং-বীঁর্য-ম্পর্যপশ্যদিযং-বাঁ অস্য সহস্রস্য বীর্য-ম্বিভর্তীতি তাবব্রবীদিয-ম্মমাস্ত্বেত-দ্যুবযোরিতি তাবব্রূতাগ্ং সর্বে বা এতদেতস্যাং-বীঁর্য- [এতদেতস্যাং-বীঁর্যম্, পরি] 21
-ম্পরি পশ্যামো-ঽগ্ংশমা হরামহা ইতি তস্যামগ্ংশমা-ঽহরন্ত তামফ্সু প্রা-ঽবেশযন্-থ্সোমাযোদেহীতি সা রোহিণী পিঙ্গলৈকহাযনী রূপ-ঙ্কৃত্বা ত্রযস্ত্রিগ্ংশতা চ ত্রিভিশ্চ শতৈ-স্সহোদৈ-ত্তস্মা-দ্রোহিণ্যা পিঙ্গলযৈকহাযন্যা সোম-ঙ্ক্রীণীযাদ্য এবং-বিঁদ্বা-ন্রোহিণ্যা পিঙ্গলযৈকহাযন্যা সোম-ঙ্ক্রীণাতি ত্রযস্ত্রিগ্ংশতা চৈবাস্য ত্রিভিশ্চ [ ] 22
শতৈ-স্সোমঃ ক্রীতো ভবতি সুক্রীতেন যজতে তামফ্সু প্রাবেশয-ন্নিন্দ্রাযোদেহীতি সা রোহিণী লক্ষ্মণা পষ্ঠৌহী বার্ত্রঘ্নী রূপ-ঙ্কৃত্বা ত্রযস্ত্রিগ্ংশতা চ ত্রিভিশ্চ শতৈ-স্সহোদৈ-ত্তস্মা-দ্রোহিণীং-লঁক্ষ্মণা-ম্পষ্ঠৌহীং-বাঁর্ত্রঘ্নী-ন্দদ্যাদ্য এবং-বিঁদ্বা-ন্রোহিণীং-লঁক্ষ্মণা-ম্পষ্ঠৌহীং-বাঁর্ত্রঘ্নী-ন্দদাতি ত্রযস্ত্রিগ্ংশচ্চৈবাস্য ত্রীণি চ শতানি সা দত্তা [দত্তা, ভবতি তামফ্সু] 23
ভবতি তামফ্সু প্রাবেশযন্ যমাযোদেহীতি সা জরতী মূর্খা তজ্জঘন্যা রূপ-ঙ্কৃত্বা ত্রযস্ত্রিগ্ংশতা চ ত্রিভিশ্চ শতৈ-স্সহোদৈ-ত্তস্মাজ্জরতী-ম্মূর্খা-ন্তজ্জঘন্যা-মনুস্তরণী-ঙ্কুর্বীত য এবং-বিঁদ্বাঞ্জরতী-ম্মূর্খা-ন্তজ্জঘন্যা-মনুস্তরণী-ঙ্কুরুতে ত্রযস্ত্রিগ্ংশচ্চৈবাস্য ত্রীণি চ শতানি সা-ঽমুষ্মিঁল্লোকে ভবতি বাগেব সহস্রতমী তস্মা- [তস্মাত্, বরো দেয-স্সা] 24
-দ্বরো দেয-স্সা হি বরঃ সহস্রমস্য সা দত্তা ভবতি তস্মা-দ্বরো ন প্রতিগৃহ্য-স্সা হি বরঃ সহস্রমস্য প্রতিগৃহীত-ম্ভবতীযং-বঁর ইতি ব্রূযাদথান্যা-ম্ব্রূযাদিয-ম্মমেতি তথা-ঽস্য ত-থ্সহস্র-মপ্রতিগৃহীত-ম্ভবত্যুভযতএনী স্যা-ত্তদাহুরন্যত এনী স্যা-থ্সহস্র-ম্পরস্তাদেতমিতি যৈব বরঃ [বরঃ, কল্যাণী রূপসমৃদ্ধা সা] 25
কল্যাণী রূপসমৃদ্ধা সা স্যা-থ্সা হি বর-স্সমৃদ্ধ্যৈ তামুত্তরেণা-ঽঽগ্নীদ্ধ্র-ম্পর্যাণীযা-ঽঽহবনীযস্যান্তে দ্রোণকলশমব ঘ্রাপযেদা জিঘ্র কলশ-ম্মহ্যুরুধারা পযস্বত্যা ত্বা বিশন্ত্বিন্দব-স্সমুদ্রমিব সিন্ধব-স্সা মা সহস্র আ ভজ প্রজযা পশুভিঃ সহ পুনর্মা ঽঽবিশতা-দ্রযিরিতি প্রজযৈবৈন-ম্পশুভী রয্যা স- [রয্যা সম্, অর্ধযতি প্রজাবা-] 26
-মর্ধযতি প্রজাবা-ন্পশুমা-ন্রযিমা-ন্ভবতি য এবং-বেঁদ তযা সহা-ঽঽগ্নীদ্ধ্র-ম্পরেত্য পুরস্তা-ত্প্রতীচ্যা-ন্তিষ্ঠন্ত্যা-ঞ্জুহুযাদুভা জিগ্যথুর্ন পরা জযেথে ন পরা জিগ্যে কতরশ্চনৈনোঃ । ইন্দ্রশ্চ বিষ্ণো যদপস্পৃধেথা-ন্ত্রেধা সহস্রং-বিঁ তদৈরযেথামিতি, ত্রেধাবিভক্তং-বৈঁ ত্রিরাত্রে সহস্রগ্ং সাহস্রীমেবৈনা-ঙ্করোতি সহস্রস্যৈবৈনা-ম্মাত্রা- [-ম্মাত্রাম্, করোতি রূপাণি জুহোতি] 27
-ঙ্করোতি রূপাণি জুহোতি রূপৈরেবৈনাগ্ং সমর্ধযতি তস্যা উপোত্থায কর্ণমা জপেদিডে রন্তে-ঽদিতে সরস্বতি প্রিযে প্রেযসি মহি বিশ্রুত্যেতানি তে অঘ্নিযে নামানি সুকৃত-ম্মা দেবেষু ব্রূতাদিতি দেবেভ্য এবৈনমা বেদযত্যন্বেন-ন্দেবা বুদ্ধ্যন্তে ॥ 28 ॥
( এতদেতস্যাং-বীঁর্য - মস্য ত্রিভিশ্চ - দত্তা - সহস্রতমী তস্মা - দেব বরঃ - সং - মাত্রা - মেকান্নচত্বারিগ্ংশচ্চ) (অ. 6)
সহস্রতম্যা বৈ যজমান-স্সুবর্গং-লোঁকমেতি সৈনগ্ং সুবর্গং-লোঁক-ঙ্গমযতি সা মা সুবর্গং-লোঁক-ঙ্গমযেত্যাহ সুবর্গমেবৈনং-লোঁক-ঙ্গমযতি সা মা জ্যোতিষ্মন্তং-লোঁক-ঙ্গমযেত্যাহ জ্যোতিষ্মন্তমেবৈনং-লোঁক-ঙ্গমযতি সা মা সর্বা-ন্পুণ্যা-ল্লোঁকা-ন্গমযেত্যাহ সর্বানেবৈন-ম্পুণ্যা-ল্লোঁকা-ন্গমযতি সা [সা, মা প্রতিষ্ঠা-ঙ্গময প্রজযা] 29
মা প্রতিষ্ঠা-ঙ্গময প্রজযা পশুভিঃ সহ পুনর্মা-ঽঽ বিশতা-দ্রযিরিতি প্রজযৈবৈন-ম্পশুভী রয্যা-ম্প্রতি ষ্ঠাপযতি প্রজাবা-ন্পশুমা-ন্রযিমা-ন্ভবতি য এবং-বেঁদ তামগ্নীধে বা ব্রহ্মণে বা হোত্রে বোদ্গাত্রে বা-ঽদ্ধ্বর্যবে বা দদ্যা-থ্সহস্রমস্য সা দত্তা ভবতি সহস্রমস্য প্রতিগৃহীত-ম্ভবতি যস্তামবিদ্বা- [যস্তামবিদ্বান্, প্রতিগৃহ্ণাতি] 30
-ন্প্রতিগৃহ্ণাতি তা-ম্প্রতিগৃহ্ণীযাদেকা-ঽসি ন সহস্রমেকা-ন্ত্বা ভূতা-ম্প্রতি গৃহ্ণামি ন সহস্রমেকা মা ভূতা-ঽঽ বিশ মা সহস্রমিত্যেকামেবৈনা-ম্ভূতা-ম্প্রতিগৃহ্ণাতি ন সহস্রং-যঁ এবং-বেঁদ স্যোনা-ঽসি সুষদা সুশেবা স্যোনা মা ঽঽবিশ সুষদা মা ঽঽবিশ সুশেবা মা ঽঽবিশে- [মা ঽঽবিশ, ইত্যাহ] 31
-ত্যাহ স্যোনৈবৈনগ্ং সুষদা সুশেবা ভূতা-ঽঽ বিশতি নৈনগ্ং হিনস্তি ব্রহ্মবাদিনো বদন্তি সহস্রগ্ং সহস্রতম্যন্বেতী(3) সহস্রতমীগ্ং সহস্রা(3)মিতি য-ত্প্রাচীমু-থ্সৃজে-থ্সহস্রগ্ং সহস্রতম্যন্বিযা-ত্ত-থ্সহস্রমপ্রজ্ঞাত্রগ্ং সুবর্গং-লোঁক-ন্ন প্র জানীযা-ত্প্রতীচী-মুথ্সৃজতি তাগ্ং সহস্রমনু পর্যাবর্ততে সা প্রজানতী সুবর্গং-লোঁকমেতি যজমান -মভ্যু-থ্সৃজতি ক্ষিপ্রে সহস্র-ম্প্র জাযত উত্তমা নীযতে প্রথমা দেবা-ন্গচ্ছতি ॥ 32 ॥
(লোকা-ন্গমযতি সা - ঽবিদ্বান্থ্ - সুশেবা মা-ঽঽ বিশ - যজমানং - দ্বাদশ চ) (অ. 7)
অত্রিরদদাদৌর্বায প্রজা-ম্পুত্রকামায স রিরিচানো-ঽমন্যত নির্বীর্য-শ্শিথিলো যাতযামা স এত-ঞ্চতূরাত্র-মপশ্য-ত্তমা-ঽহর-ত্তেনাযজত ততো বৈ তস্য চত্বারো বীরা আ-ঽজাযন্ত সুহোতা সূদ্গাতা স্বদ্ধ্বর্যু-স্সুসভেযো য এবং-বিঁদ্বাগ্শ্চতূরাত্রেণ যজত আ-ঽস্য চত্বারো বীরা জাযন্তে সুহোতা সূদ্গাতা স্বদ্ধ্বর্যু-স্সুসভেযো যে চতুর্বিগ্ংশাঃ পবমানা ব্রহ্মবর্চস-ন্ত- [ব্রহ্মবর্চস-ন্তত্, য উদ্যন্ত-] 33
-দ্য উদ্যন্ত-স্স্তোমা-শ্শ্রী-স্সা ঽত্রিগ্গ্ শ্রদ্ধাদেবং-যঁজমান-ঞ্চত্বারি বীর্যাণি নোপা-ঽনম-ন্তেজ ইন্দ্রিয-ম্ব্রহ্মবর্চস-মন্নাদ্যগ্ং স এতাগ্শ্চতুরশ্চতুষ্টোমান্-থ্সোমান-পশ্য-ত্তানা-ঽহর-ত্তৈরযজত তেজ এব প্রথমেনা ঽবারুন্ধেন্দ্রিয-ন্দ্বিতীযেন ব্রহ্মবর্চস-ন্তৃতীযেনান্নাদ্য-ঞ্চতুর্থেন য এবং-বিঁদ্বাগ্শ্চতুরশ্চতুষ্টোমান্-থ্সোমানাহরতি তৈর্যজতে তেজ এব প্রথমেনাব রুন্ধ ইন্দ্রিয-ন্দ্বিতীযেন ব্রহ্মবর্চস-ন্তৃতীযেনা-ঽন্নাদ্য-ঞ্চতুর্থেন যামেবাত্রির্ ঋদ্ধিমার্ধ্নো-ত্তামেব যজমান ঋদ্ধ্নোতি ॥ 34 ॥
( তত্-তেজ এবা-ষ্টাদশ চ) (অ. 8)
জমদগ্নিঃ পুষ্টিকাম-শ্চতূরাত্রেণা-যজত স এতা-ন্পোষাগ্ং অপুষ্য-ত্তস্মা-ত্পলিতৌ জামদগ্নিযৌ ন স-ঞ্জানাতে এতানেব পোষা-ন্পুষ্যতি য এবং-বিঁদ্বাগ্শ্চতূরাত্রেণ যজতে পুরোডাশিন্য উপসদো ভবন্তি পশবো বৈ পুরোডাশঃ পশূনেবাব রুন্ধে ঽন্নং-বৈঁ পুরোডাশো-ঽন্নমেবাব রুন্ধে ঽন্নাদঃ পশুমা-ন্ভবতি য এবং-বিঁদ্বাগ্শ্চতূরাত্রেণ যজতে ॥ 35 ॥
(জমদগ্নি - রষ্টাচত্বারিগ্ংশত্) (অ. 9)
সংবঁথ্সরো বা ইদমেক আসী-থ্সো-ঽকামযতর্তূন্-থ্সৃজেযেতি স এত-ম্পঞ্চরাত্রমপশ্য-ত্তমা-ঽহর-ত্তেনাযজত ততো বৈ স ঋতূনসৃজত য এবং-বিঁদ্বা-ন্পঞ্চরাত্রেণ যজতে প্রৈব জাযতে ত ঋতবঃ সৃষ্টা ন ব্যাবর্তন্ত ত এত-ম্পঞ্চরাত্রমপশ্য-ন্তমা-ঽহর-ন্তেনাযজন্ত ততো বৈ তে ব্যাবর্তন্ত [ব্যাবর্তন্ত, য এবং-বিঁদ্বা-ন্পঞ্চরাত্রেণ] 36
য এবং-বিঁদ্বা-ন্পঞ্চরাত্রেণ যজতে বি পাপ্মনা ভ্রাতৃব্যেণা-ঽঽ বর্ততে সার্বসেনি-শ্শৌচেযো-ঽকামযত পশুমান্-থ্স্যামিতি স এত-ম্পঞ্চরাত্রমা-ঽহর-ত্তেনা-ঽযজত ততো বৈ স সহস্র-ম্পশূ-ন্প্রা-ঽঽপ্নোদ্য এবং-বিঁদ্বা-ন্পঞ্চরাত্রেণ যজতে প্র সহস্র-ম্পশূনাপ্নোতি ববরঃ প্রাবাহণি-রকামযত বাচঃ প্রবদিতা স্যামিতি স এত-ম্পঞ্চরাত্রমা- [এত-ম্পঞ্চরাত্রমা, আহর-ত্তেনা-] 37
-ঽহর-ত্তেনা-যজত ততো বৈ স বাচঃ প্রবদিতা-ঽভবদ্য এবং-বিঁদ্বা-ন্পঞ্চরাত্রেণ যজতে প্রবদিতৈব বাচো ভবত্যথো এনং-বাঁচস্পতি-রিত্যাহুরনাপ্ত-শ্চতূরাত্রো-ঽতিরিক্ত-ষ্ষড্-রাত্রো-ঽথ বা এষ সপ্রন্তি যজ্ঞো য-ত্পঞ্চরাত্রো য এবং-বিঁদ্বা-ন্পঞ্চরাত্রেণ যজতে সম্প্রত্যেব যজ্ঞেন যজতে পঞ্চরাত্রো ভবতি পঞ্চ বা ঋতবঃ সংবঁথ্সর [ঋতবঃ সংবঁথ্সরঃ, ঋতুষ্বেব সংবঁথ্সরে] 38
ঋতুষ্বেব সংবঁথ্সরে প্রতি তিষ্ঠত্যথো পঞ্চাক্ষরা পঙ্ক্তিঃ পাঙ্ক্তো যজ্ঞো যজ্ঞমেবাব রুন্ধে ত্রিবৃদগ্নিষ্টোমো ভবতি তেজ এবাব রুন্ধে পঞ্চদশো ভবতীন্দ্রিযমেবাব রুন্ধে সপ্তদশো ভবত্যন্নাদ্যস্যা-বরুদ্ধ্যা অথো প্রৈব তেন জাযতে পঞ্চবিগ্ংশো ঽগ্নিষ্টোমো ভবতি প্রজাপতেরাপ্ত্যৈ মহাব্রতবা-নন্নাদ্যস্যা-বরুদ্ধ্যৈ বিশ্বজি-থ্সর্বপৃষ্ঠো-ঽতিরাত্রো ভবতি সর্বস্যাভিজিত্যৈ ॥ 39 ॥
(তে ব্যাবর্তন্ত - প্রবদিতা স্যামিতি স এত-ম্পঞ্চরাত্রমা - সংবঁথ্সরো- ভিজিত্যৈ) (অ. 10)
দেবস্যত্বা সবিতুঃ প্রসবে-ঽশ্বিনোর্বাহুভ্যা-ম্পূষ্ণো হস্তাভ্যামা দদ ইমামগৃভ্ণ-ন্রশনামৃতস্য পূর্ব আযুষি বিদথেষু কব্যা । তযা দেবা-স্সুতমা বভূবুর্-ঋতস্য সামন্-থ্সরমারপন্তী ॥ অভিধা অসি ভুবনমসি যন্তা-ঽসি ধর্তা-ঽসি সো-ঽগ্নিং-বৈঁশ্বানরগ্ং সপ্রথস-ঙ্গচ্ছ স্বাহাকৃতঃ পৃথিব্যাং-যঁন্তা রাড্ যন্তা-ঽসি যমনো ধর্তা-ঽসি ধরুণঃ কৃষ্যৈ ত্বা ক্ষেমায ত্বা রয্যৈ ত্বা পোষায ত্বা পৃথিব্যৈ ত্বা ঽন্তরিক্ষায ত্বা দিবে ত্বা সতে ত্বা-ঽসতে ত্বাদ্ভ্যস্ত্বৌ-ষধীভ্যস্ত্বা বিশ্বেভ্যস্ত্বা ভূতেভ্যঃ ॥ 40 ॥
(ধরুণঃ - পঞ্চবিগ্ংশতিশ্চ) (অ. 11)
বিভূর্মাত্রা প্রভূঃ পিত্রাশ্বো-ঽসি হযো-ঽস্যত্যো-ঽসি নরো-ঽস্যর্বা-ঽসি সপ্তিরসি বাজ্যসি বৃষা-ঽসি নৃমণা অসি যযুর্নামাস্যাদিত্যানা-ম্পত্বান্বিহ্যগ্নযে স্বাহা স্বাহেন্দ্রাগ্নিভ্যাগ্ স্বাহা প্রজাপতযে স্বাহা বিশ্বেভ্যো দেবেভ্য-স্স্বাহা সর্বাভ্যো দেবেতাভ্য ইহ ধৃতি-স্স্বাহেহ বিধৃতি-স্স্বাহেহ রন্তি-স্স্বাহে -হ রমতি-স্স্বাহা ভূরসি ভুবে ত্বা ভব্যায ত্বা ভবিষ্যতে ত্বা বিশ্বেভ্যস্ত্বা ভূতেভ্যো দেবা আশাপালা এত-ন্দেবেভ্যো-ঽশ্ব-ম্মেধায প্রোক্ষিত-ঙ্গোপাযত ॥ 41 ॥
(রন্তি-স্স্বাহা - দ্বাবিগ্ংশতিশ্চ) (অ. 12)
আযনায স্বাহা প্রাযণায স্বাহোদ্দ্রাবায স্বাহোদ্দ্রুতায স্বাহা শূকারায স্বাহা শূকৃতায স্বাহা পলাযিতায স্বাহা ঽঽপলাযিতায স্বাহা ঽঽবল্গতে স্বাহা পরাবল্গতে স্বাহা ঽঽযতে স্বাহা প্রযতে স্বাহা সর্বস্মৈ স্বাহা ॥ 42 ॥
(আযনাযোত্তরমাপলাযিতায ষড্বিগ্ংশতিঃ) (অ. 13)
অগ্নযে স্বাহা সোমায স্বাহা বাযবে স্বাহা ঽপা-ম্মোদায স্বাহা সবিত্রে স্বাহা সরস্বত্যৈ স্বাহে-ন্দ্রায স্বাহা বৃহস্পতযে স্বাহা মিত্রায স্বাহা বরুণায স্বাহা সর্বস্মৈ স্বাহা ॥ 43 ॥
(অগ্নযে বাযবে-ঽপা-ম্মোদাযেন্দ্রায ত্রযোবিগ্ংশতিঃ) (অ. 14)
পৃথিব্যৈ স্বাহা ঽন্তরিক্ষায স্বাহা দিবে স্বাহা সূর্যায স্বাহা চন্দ্রমসে স্বাহা নক্ষত্রেভ্য-স্স্বাহা প্রাচ্যৈ দিশে স্বাহা দক্ষিণাযৈ দিশে স্বাহা প্রতীচ্যৈ দিশে স্বাহো-দীচ্যৈ দিশে স্বাহোর্ধ্বাযৈ দিশে স্বাহা দিগ্ভ্য-স্স্বাহা ঽবান্তরদিশাভ্য-স্স্বাহা সমাভ্য-স্স্বাহা শরদ্ভ্য-স্স্বাহা ঽহোরাত্রেভ্য-স্স্বাহা ঽর্ধমাসেভ্য-স্স্বাহা মাসেভ্য-স্স্বাহর্তুভ্য-স্স্বাহা সংবঁথ্সরায স্বাহা সর্বস্মৈ স্বাহা ॥ 44 ॥
(পৃথিব্যৈ সূর্যায নক্ষত্রেভ্যঃ প্রাচ্যৈ সপ্তচত্বারিগ্ংশত্) (অ. 15)
অগ্নযে স্বাহা সোমায স্বাহা সবিত্রে স্বাহা সরস্বত্যৈ স্বাহা পূষ্ণে স্বাহা বৃহস্পতযে স্বাহা ঽপা-ম্মোদায স্বাহা বাযবে স্বাহা মিত্রায স্বাহা বরুণায স্বাহা সর্বস্মৈ স্বাহা ॥ 45 ॥
(অগ্নযে সবিত্রে পূষ্ণে-ঽপা-ম্মোদায বাযবে ত্রযোবিগ্ংশতিঃ) (অ. 16)
পৃথিব্যৈ স্বাহা ঽন্তরিক্ষায স্বাহা দিবে স্বাহা ঽগ্নযে স্বাহা সোমায স্বাহা সূর্যায স্বাহা চন্দ্রমসে স্বাহা ঽহ্নে স্বাহা রাত্রিযৈ স্বাহর্জবে স্বাহা সাধবে স্বাহা সুক্ষিত্যৈ স্বাহা ক্ষুধে স্বাহা ঽঽশিতিম্নে স্বাহা রোগায স্বাহা হিমায স্বাহা শীতায স্বাহা ঽঽতপায স্বাহা ঽরণ্যায স্বাহা সুবর্গায স্বাহা লোকায স্বাহা সর্বস্মৈ স্বাহা ॥ 46 ॥
(পৃথিব্যা অগ্নযে-ঽহ্নে রাত্রিযৈ চতুশ্চত্বারিগ্ংশত্) (অ. 17)
ভুবো দেবানা-ঙ্কর্মণা-ঽপসর্তস্য পথ্যা-ঽসি বসুভি-র্দেবেভি-র্দেবতযা গাযত্রেণ ত্বা ছন্দসা যুনজ্মি বসন্তেন ত্বর্তুনা হবিষা দীক্ষযামি রুদ্রেভি-র্দেবেভি-র্দেবতযা ত্রৈষ্টুভেন ত্বা ছন্দসা যুনজ্মি গ্রীষ্মেণ ত্বর্তুনা হবিষা দীক্ষযা-ম্যাদিত্যেভি-র্দেবেভি-র্দেবতযা জাগতেন ত্বা ছন্দসা যুনজ্মি বর্ষাভিস্ত্বর্তুনা হবিষা দীক্ষযামি বিশ্বেভি-র্দেবেভি-র্দেবতযা ঽঽনুষ্টুভেন ত্বা ছন্দসা যুনজ্মি [ ] 47
শরদা ত্বর্তুনা হবিষা দীক্ষযাম্যঙ্গিরোভি-র্দেবেভি-র্দেবতযা পাঙ্ক্তেন ত্বা ছন্দসা যুনজ্মি হেমন্তশিশিরাভ্যা-ন্ত্বর্তুনা হবিষা দীক্ষযাম্যা-ঽহ-ন্দীক্ষামরুহমৃতস্য পত্নী-ঙ্গাযত্রেণ ছন্দসা ব্রহ্মণা চর্তগ্ং সত্যে-ঽধাগ্ং সত্যমৃতে-ঽধাম্ ॥ মহী মূ ষু >1সুত্রামাণ >2-মিহ ধৃতি-স্স্বাহেহ বিধৃতি-স্স্বাহেহ রন্তি-স্স্বাহেহ রমতি-স্স্বাহা ॥ 48 ॥
(আনুষ্টুভেন ত্বা ছন্দসা যুনজ্ম্যে - কান্ন পঞ্চাশচ্চ) (অ. 18)
ঈকাংরায স্বাহে-ঙ্কৃতায স্বাহা ক্রন্দতে স্বাহা ঽবক্রন্দতে স্বাহা প্রোথতে স্বাহা প্রপ্রোথতে স্বাহা গন্ধায স্বাহা ঘ্রাতায স্বাহা প্রাণায স্বাহা ব্যানায স্বাহা ঽপানায স্বাহা সন্দীযমানায স্বাহা সন্দিতায স্বাহা বিচৃত্যমানায স্বাহা বিচৃত্তায স্বাহা পলাযিষ্যমাণায স্বাহা পলাযিতায স্বাহোপরগ্গ্স্যতে স্বাহোপরতায স্বাহা নিবেক্ষ্যতে স্বাহা নিবিশমানায স্বাহা নিবিষ্টায স্বাহা নিষথ্স্যতে স্বাহা নিষীদতে স্বাহা নিষণ্ণায স্বাহা- [নিষণ্ণায স্বাহা, আসিষ্যতে স্বাহা] 49
-ঽঽসিষ্যতে স্বাহা ঽঽসীনায স্বাহা ঽঽসিতায স্বাহা নিপথ্স্যতে স্বাহা নিপদ্যমানায স্বাহা নিপন্নায স্বাহা শযিষ্যতে স্বাহা শযানায স্বাহা শযিতায স্বাহা সম্মীলিষ্যতে স্বাহা সমীংলঁতে স্বাহা সম্মীলিতায স্বাহা স্বফ্স্যতে স্বাহা স্বপতে স্বাহা সুপ্তায স্বাহা প্রভোথ্স্যতে স্বাহা প্রবুদ্ধ্যমানায স্বাহা প্রবুদ্ধায স্বাহা জাগরিষ্যতে স্বাহা জাগ্রতে স্বাহা জাগরিতায স্বাহা শুশ্রূষমাণায স্বাহা শৃণ্বতে স্বাহা শ্রুতায স্বাহা বীক্ষিষ্যতে স্বাহা [বীক্ষিষ্যতে স্বাহা, বীক্ষমাণায স্বাহা] 50
বীক্ষমাণায স্বাহা বীক্ষিতায স্বাহা সগ্ংহাস্যতে স্বাহা সজিংহানায স্বাহো-জ্জিহানায স্বাহা বিবর্থ্স্যতে স্বাহা বিবর্তমানায স্বাহা বিবৃত্তায স্বাহো-ত্থাস্যতে স্বাহোত্তিষ্ঠতে স্বাহোত্থিতায স্বাহা বিধবিষ্যতে স্বাহা বিধূন্বানায স্বাহা বিধূতায স্বাহো-ত্ক্রগ্গ্স্যতে স্বাহোত্ক্রামতে স্বাহোত্ক্রান্তায স্বাহা চঙ্ক্রমিষ্যতে স্বাহা চঙ্ক্রম্যমাণায স্বাহা চঙ্ক্রমিতায স্বাহা কণ্ডূযিষ্যতে স্বাহা কণ্ডূযমানায স্বাহা কণ্ডূযিতায স্বাহা নিকষিষ্যতে স্বাহা নিকষমাণায স্বাহা নিকষিতায স্বাহা যদত্তি তস্মৈ স্বাহা য-ত্পিবতি তস্মৈ স্বাহা যন্মেহতি তস্মৈ স্বাহা যচ্ছকৃ-ত্করোতি তস্মৈ স্বাহা রেতসে স্বাহা প্রজাভ্য-স্স্বাহা প্রজননায স্বাহা সর্বস্মৈ স্বাহা ॥ 51 ॥
(নিষণ্ণায স্বাহা - বীক্ষিষ্যতে স্বাহা - নিকষমাণায স্বাহা - সপ্তবিগ্ংশতিশ্চ) (অ. 19)
অগ্নযে স্বাহা বাযবে স্বাহা সূর্যায স্বাহর্ত-মস্যৃতস্যর্তমসি সত্যমসি সত্যস্য সত্য-মস্যৃতস্য পন্থা অসি দেবানা-ঞ্ছাযা-ঽমৃতস্য নাম ত-থ্সত্যং-যঁ-ত্ত্ব-ম্প্রজাপতিরস্যধি যদস্মিন্ বাজিনীব শুভ-স্স্পর্ধন্তে দিব-স্সূর্যেণ বিশো-ঽপো বৃণানঃ পবতে কব্য-ন্পশু-ন্ন গোপা ইর্যঃ পরিজ্মা ॥ 52 ॥
(অগ্নযে বাযবে সূর্যাযা - ঽষ্টাচত্বারিগ্ংশত্) (অ. 20)
(প্রজননং - প্রাতস্সবনে বৈ - ব্রহ্মবাদিন-স্স ত্বা - অঙ্গিরস- আপো বৈ - সোমো বৈ - সহস্রতম্যা - ত্রি - র্জমদগ্নিঃ - সংবঁথ্সরো - দেবস্য -বিভূ - রাযনাযা- ঽগ্নযে - পৃথিব্যা - অগ্নযে - পৃথিব্যৈ - ভুব - ঈকাংরাযা - গ্নযে বাযবে সূর্যায - বিগ্ংশতিঃ )
(প্রজনন - মঙ্গিরসঃ - সোমো বৈ - প্রতিগৃহ্ণাতি - বিভূ - র্বীক্ষমাণায - দ্বিপঞ্চাশত্)
(প্রজনন, ম্পরিজ্মা)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয সংহিতাযাং সপ্তমকাণ্ডে প্রথমঃ প্রশ্ন-স্সমাপ্তঃ ॥