(তৈ. সং. 4.6.4.1 - তৈ. সং. 4.6.4.5)
আশু-শ্শিশানো বৃষভো ন যুধ্মো ঘনাঘনঃ, ক্ষোভণ-শ্চর্ষণীনাম্ ।
আশু-শ্শিশানো বৃষভো ন যুধ্মো ঘনাঘনঃ, ক্ষোভণ-শ্চর্ষণীনাম্ ।
সঙ্ক্রন্দনো-ঽনিমিষ এক বীরশ্শতগ্ং সেনা অজযথ্সা-কমিন্দ্রঃ ।
সঙ্ক্রন্দনেনা নিমিষেণ জিষ্ণুনা যুত্কারেণ দুশ্চ্যবনেন ধৃষ্ণুনা ।
তদিন্দ্রেণ জযত তথ্সহধ্বং-যুঁধো নর ইষু হস্তেন বৃষ্ণা ।
স ইষুহস্তৈ-স্স নিষঙ্গিভি র্বশী সগ্গ্স্রষ্টা সযুধ ইন্দ্রো গণেন ।
সগ্ংসৃষ্ট-জিথ্সোমপা বাহু শর্ধ্যূর্ধ্ব-ধন্বা প্রতিহিতা-ভিরস্তা ।
বৃহস্পতে পরিদীযা রথেন রক্ষোহা-ঽমিত্রাগ্ং অপ বাধমানঃ । 1
প্রভঞ্জ-ন্থ্সেনাঃ প্রমৃণো যুধা জযন্নস্মাক-মেদ্ধ্যবিতা রথানাম্ ।
প্রভঞ্জ-ন্থ্সেনাঃ প্রমৃণো যুধা জযন্নস্মাক-মেদ্ধ্যবিতা রথানাম্ ।
গোত্রভিদ-ঙ্গোবিদং-বঁজ্রবাহু-ঞ্জযন্তমজ্ম প্রমৃণন্ত-মোজসা ।
ইমগ্ং সজাতা অনুবীর-যধ্বমিন্দ্রগ্ং সখাযো-ঽনু সরভধ্বম্ ।
বলবিজ্ঞায-স্স্থবিরঃ প্রবীর-স্সহস্বান্ বাজী সহমান উগ্রঃ ।
অভিবীরো অভিসত্বা সহোজা জৈত্রমিন্দ্র রথমাতিষ্ঠ গোবিত্ । 2
অভি গোত্রাণি সহসা গাহমানো-ঽদাযো বীর শ্শত-মন্যুরিন্দ্রঃ ।
অভি গোত্রাণি সহসা গাহমানো-ঽদাযো বীর শ্শত-মন্যুরিন্দ্রঃ ।
দুশ্চ্যবনঃ পৃতনাষাড যুদ্ধ্যো-ঽস্মাকগ্ং সেনা অবতু প্রযুথ্সু ।
ইন্দ্র আসা-ন্নেতা বৃহস্পতি র্দক্ষিণা যজ্ঞঃ পুর এতু সোমঃ ।
দেবসেনানা-মভিভ-ঞ্জতীনা-ঞ্জযন্তীনা-ম্মরুতো যন্ত্বগ্রে ।
ইন্দ্রস্য বৃষ্ণো বরুণস্য রাজ্ঞ আদিত্যানা-ম্মরুতাগ্ং শর্ধ উগ্রম্ ।
মহামনসা-ম্ভুবনচ্যবানা-ঙ্ঘোষো দেবানা-ঞ্জযতা মুদস্থাত্ ।
মহামনসা-ম্ভুবনচ্যবানা-ঙ্ঘোষো দেবানা-ঞ্জযতা মুদস্থাত্ ।
অস্মাক-মিন্দ্রঃ-সমৃতেষু-ধ্বজে-ষ্বস্মাকং-যাঁ ইষবস্তা জযন্তু । 3
অস্মাকং-বীঁরা উত্তরে ভবন্ত্বস্মানু দেবা অবতা হবেষু । উদ্ধর্ষয মঘবন্না-যুধা-ন্যুথ্সত্বনা-ম্মামকানা-ম্মহাগ্ংসি ।
অস্মাকং-বীঁরা উত্তরে ভবন্ত্বস্মানু দেবা অবতা হবেষু । উদ্ধর্ষয মঘবন্না-যুধা-ন্যুথ্সত্বনা-ম্মামকানা-ম্মহাগ্ংসি ।
উদ্বৃত্রহন্ বাজিনাং-বাঁজিনা-ন্যুদ্রথানা-ঞ্জযতামেতু ঘোষঃ ।
উপপ্রেত জযতা নর-স্স্থিরা বঃ সন্তু বাহবঃ । ইন্দ্রো ব-শ্শর্ম যচ্ছত্বনা-ধৃষ্যা যথা-ঽসথ । অবসৃষ্টা পরাপত শরব্যে ব্রহ্ম সগ্ংশিতা । গচ্ছামিত্রা-ন্প্রবিশ মৈষা-ঙ্কঞ্চনোচ্ছিষঃ ।
মর্মাণি তে বর্মভিশ্ছা-দযামি সোমস্ত্বা রাজা-ঽমৃতেনা-ভিবস্তাম্ । উরো র্বরীযো বরিবস্তে অস্তু জযন্ত-ন্ত্বামনু মদন্তু দেবাঃ । যত্র বাণা-স্সম্পতন্তি কুমারা বিশিখা ইব ।
ইন্দ্রো নস্তত্র বৃত্রহা বিশ্বাহা শর্ম যচ্ছতু ॥ 4 ॥
ও-ন্নমো ভগবতে রুদ্রায ॥ আশুশ্শিশানো-ঽপ্রতিরথ-ঙ্কবচায হুম্ ।
ও-ন্নমো ভগবতে রুদ্রায ॥ আশুশ্শিশানো-ঽপ্রতিরথ-ঙ্কবচায হুম্ ।