(തൈ. സം. 4.6.4.1 - തൈ. സം. 4.6.4.5)
ആശു-ശ്ശിശാനോ വൃഷഭോ ന യുധ്മോ ഘനാഘനഃ, ക്ഷോഭണ-ശ്ചര്ഷണീനാമ് ।
ആശു-ശ്ശിശാനോ വൃഷഭോ ന യുധ്മോ ഘനാഘനഃ, ക്ഷോഭണ-ശ്ചര്ഷണീനാമ് ।
സങ്ക്രന്ദനോ-ഽനിമിഷ ഏക വീരശ്ശതഗ്ം സേനാ അജയഥ്സാ-കമിന്ദ്രഃ ।
സങ്ക്രന്ദനേനാ നിമിഷേണ ജിഷ്ണുനാ യുത്കാരേണ ദുശ്ച്യവനേന ധൃഷ്ണുനാ ।
തദിന്ദ്രേണ ജയത തഥ്സഹധ്വം-യുഁധോ നര ഇഷു ഹസ്തേന വൃഷ്ണാ ।
സ ഇഷുഹസ്തൈ-സ്സ നിഷങ്ഗിഭി ര്വശീ സഗ്ഗ്സ്രഷ്ടാ സയുധ ഇന്ദ്രോ ഗണേന ।
സഗ്ംസൃഷ്ട-ജിഥ്സോമപാ ബാഹു ശര്ധ്യൂര്ധ്വ-ധന്വാ പ്രതിഹിതാ-ഭിരസ്താ ।
ബൃഹസ്പതേ പരിദീയാ രഥേന രക്ഷോഹാ-ഽമിത്രാഗ്ം അപ ബാധമാനഃ । 1
പ്രഭഞ്ജ-ന്ഥ്സേനാഃ പ്രമൃണോ യുധാ ജയന്നസ്മാക-മേദ്ധ്യവിതാ രഥാനാമ് ।
പ്രഭഞ്ജ-ന്ഥ്സേനാഃ പ്രമൃണോ യുധാ ജയന്നസ്മാക-മേദ്ധ്യവിതാ രഥാനാമ് ।
ഗോത്രഭിദ-ങ്ഗോവിദം-വഁജ്രബാഹു-ഞ്ജയന്തമജ്മ പ്രമൃണന്ത-മോജസാ ।
ഇമഗ്ം സജാതാ അനുവീര-യധ്വമിന്ദ്രഗ്ം സഖായോ-ഽനു സരഭധ്വമ് ।
ബലവിജ്ഞായ-സ്സ്ഥവിരഃ പ്രവീര-സ്സഹസ്വാന് വാജീ സഹമാന ഉഗ്രഃ ।
അഭിവീരോ അഭിസത്വാ സഹോജാ ജൈത്രമിന്ദ്ര രഥമാതിഷ്ഠ ഗോവിത് । 2
അഭി ഗോത്രാണി സഹസാ ഗാഹമാനോ-ഽദായോ വീര ശ്ശത-മന്യുരിന്ദ്രഃ ।
അഭി ഗോത്രാണി സഹസാ ഗാഹമാനോ-ഽദായോ വീര ശ്ശത-മന്യുരിന്ദ്രഃ ।
ദുശ്ച്യവനഃ പൃതനാഷാഡ യുദ്ധ്യോ-ഽസ്മാകഗ്ം സേനാ അവതു പ്രയുഥ്സു ।
ഇന്ദ്ര ആസാ-ന്നേതാ ബൃഹസ്പതി ര്ദക്ഷിണാ യജ്ഞഃ പുര ഏതു സോമഃ ।
ദേവസേനാനാ-മഭിഭ-ഞ്ജതീനാ-ഞ്ജയന്തീനാ-മ്മരുതോ യന്ത്വഗ്രേ ।
ഇന്ദ്രസ്യ വൃഷ്ണോ വരുണസ്യ രാജ്ഞ ആദിത്യാനാ-മ്മരുതാഗ്ം ശര്ധ ഉഗ്രമ് ।
മഹാമനസാ-മ്ഭുവനച്യവാനാ-ങ്ഘോഷോ ദേവാനാ-ഞ്ജയതാ മുദസ്ഥാത് ।
മഹാമനസാ-മ്ഭുവനച്യവാനാ-ങ്ഘോഷോ ദേവാനാ-ഞ്ജയതാ മുദസ്ഥാത് ।
അസ്മാക-മിന്ദ്രഃ-സമൃതേഷു-ധ്വജേ-ഷ്വസ്മാകം-യാഁ ഇഷവസ്താ ജയന്തു । 3
അസ്മാകം-വീഁരാ ഉത്തരേ ഭവന്ത്വസ്മാനു ദേവാ അവതാ ഹവേഷു । ഉദ്ധര്ഷയ മഘവന്നാ-യുധാ-ന്യുഥ്സത്വനാ-മ്മാമകാനാ-മ്മഹാഗ്ംസി ।
അസ്മാകം-വീഁരാ ഉത്തരേ ഭവന്ത്വസ്മാനു ദേവാ അവതാ ഹവേഷു । ഉദ്ധര്ഷയ മഘവന്നാ-യുധാ-ന്യുഥ്സത്വനാ-മ്മാമകാനാ-മ്മഹാഗ്ംസി ।
ഉദ്വൃത്രഹന് വാജിനാം-വാഁജിനാ-ന്യുദ്രഥാനാ-ഞ്ജയതാമേതു ഘോഷഃ ।
ഉപപ്രേത ജയതാ നര-സ്സ്ഥിരാ വഃ സന്തു ബാഹവഃ । ഇന്ദ്രോ വ-ശ്ശര്മ യച്ഛത്വനാ-ധൃഷ്യാ യഥാ-ഽസഥ । അവസൃഷ്ടാ പരാപത ശരവ്യേ ബ്രഹ്മ സഗ്ംശിതാ । ഗച്ഛാമിത്രാ-ന്പ്രവിശ മൈഷാ-ങ്കഞ്ചനോച്ഛിഷഃ ।
മര്മാണി തേ വര്മഭിശ്ഛാ-ദയാമി സോമസ്ത്വാ രാജാ-ഽമൃതേനാ-ഭിവസ്താമ് । ഉരോ ര്വരീയോ വരിവസ്തേ അസ്തു ജയന്ത-ന്ത്വാമനു മദന്തു ദേവാഃ । യത്ര ബാണാ-സ്സമ്പതന്തി കുമാരാ വിശിഖാ ഇവ ।
ഇന്ദ്രോ നസ്തത്ര വൃത്രഹാ വിശ്വാഹാ ശര്മ യച്ഛതു ॥ 4 ॥
ഓ-ന്നമോ ഭഗവതേ രുദ്രായ ॥ ആശുശ്ശിശാനോ-ഽപ്രതിരഥ-ങ്കവചായ ഹുമ് ।
ഓ-ന്നമോ ഭഗവതേ രുദ്രായ ॥ ആശുശ്ശിശാനോ-ഽപ്രതിരഥ-ങ്കവചായ ഹുമ് ।