কুঞ্চরচর্মকৃতাম্বরমম্বুরুহাসনমাধবগেযগুণং
শঙ্করমন্তকমানহরং স্মরদাহকলোচনমেণধরম্ ।
শঙ্করমন্তকমানহরং স্মরদাহকলোচনমেণধরম্ ।
সাঞ্জলিযোগিপতঞ্জলিসন্নুতমিন্দুকলাধরমব্জমুখং
মঞ্জুলশিঞ্জিতরঞ্জিতকুঞ্চিতবামপদং ভজ নৃত্যপতিম্ ॥ ১॥
মঞ্জুলশিঞ্জিতরঞ্জিতকুঞ্চিতবামপদং ভজ নৃত্যপতিম্ ॥ ১॥
পিঙ্গলতুঙ্গজটাবলিভাসুরগঙ্গমমঙ্গলনাশকরং
পুঙ্গববাহমুমাঙ্গধরং রিপুভঙ্গকরং সুরলোকনতম্ ।
পুঙ্গববাহমুমাঙ্গধরং রিপুভঙ্গকরং সুরলোকনতম্ ।
ভৃঙ্গবিনীলগলং গণনাথসুতং ভজ মানস পাপহরং
মঙ্গলদং বররঙ্গপতিং ভবসঙ্গহরং ধনরাজসখম্ ॥ ২॥
মঙ্গলদং বররঙ্গপতিং ভবসঙ্গহরং ধনরাজসখম্ ॥ ২॥
পাণিনিসূত্রবিনির্মিতিকারণপাণিলসড্ডমরূত্থরবং
মাধবনাদিতমর্দলনির্গতনাদলযোদ্ধৃতবামপদম্ ।
মাধবনাদিতমর্দলনির্গতনাদলযোদ্ধৃতবামপদম্ ।
সর্বজগত্প্রলযপ্রভুবহ্নিবিরাজিতপাণিমুমালসিতং
পন্নগভূষণমুন্নতসন্নুতমানম মানস সাম্বশিবম্ ॥ ৩॥
পন্নগভূষণমুন্নতসন্নুতমানম মানস সাম্বশিবম্ ॥ ৩॥
চণ্ডগুণান্বিতমণ্ডলখণ্ডনপণ্ডিতমিন্দুকলাকলিতং
দণ্ডধরান্তকদণ্ডকরং বরতাণ্ডবমণ্ডিতহেমসভম্ ।
দণ্ডধরান্তকদণ্ডকরং বরতাণ্ডবমণ্ডিতহেমসভম্ ।
অণ্ডকরাণ্ডজবাহসখং নম পাণ্ডবমধ্যমমোদকরং
কুণ্ডলশোভিতগণ্ডতলং মুনিবৃন্দনুতং সকলাণ্ডধরম্ ॥ ৪॥
কুণ্ডলশোভিতগণ্ডতলং মুনিবৃন্দনুতং সকলাণ্ডধরম্ ॥ ৪॥
ব্যাঘ্রপদানতমুগ্রতরাসুরবিগ্রহমর্দিপদাম্বুরুহং
শক্রমুখামরবর্গমনোহরনৃত্যকরং শ্রুতিনুত্যগুণম্ ।
শক্রমুখামরবর্গমনোহরনৃত্যকরং শ্রুতিনুত্যগুণম্ ।
ব্যগ্রতরঙ্গিতদেবধুনীধৃতগর্বহরাযতকেশচযং
ভার্গবরাবণপূজিতমীশমুমারমণং ভজ শূলধরম্ ॥ ৫॥
ভার্গবরাবণপূজিতমীশমুমারমণং ভজ শূলধরম্ ॥ ৫॥
আসুরশক্তিবিনাশকরং বহুভাসুরকাযমনঙ্গরিপুং
ভূসুরসেবিতপাদসরোরুহমীশ্বমক্ষরমুক্ষধৃতম্ ।
ভূসুরসেবিতপাদসরোরুহমীশ্বমক্ষরমুক্ষধৃতম্ ।
ভাস্করশীতকরাক্ষমনাতুরমাশ্বরবিন্দপদং ভজ তং
নশ্বরসংসৃতিমোহবিনাশমহস্করদন্তনিপাতকরম্ ॥ ৬॥
নশ্বরসংসৃতিমোহবিনাশমহস্করদন্তনিপাতকরম্ ॥ ৬॥
ভূতিকরং সিতভূতিধরং গতনীতিহরং বরগীতিনুতং
ভক্তিযুতোত্তমমুক্তিকরং সমশক্তিযুতং শুভভুক্তিকরম্ ।
ভক্তিযুতোত্তমমুক্তিকরং সমশক্তিযুতং শুভভুক্তিকরম্ ।
ভদ্রকরোত্তমনামযুতং শ্রুতিসামনুতং নম সোমধরং
স্তুত্যগুণং ভজ নিত্যমগাধভবাম্বুধিতারকনৃত্যপতিম্ ॥ ৭॥
স্তুত্যগুণং ভজ নিত্যমগাধভবাম্বুধিতারকনৃত্যপতিম্ ॥ ৭॥
শূলধরং ভবজালহরং নিটিলাগ্নিধরং জটিলং ধবলং
নীলগলোজ্বলমঙ্গলসদ্গিরিরাজসুতামৃদুপাণিতলম্ ।
নীলগলোজ্বলমঙ্গলসদ্গিরিরাজসুতামৃদুপাণিতলম্ ।
শৈলকুলাধিপমৌলিনতং ছলহীনমুপৈমি কপালধরং
কালবিষাশমনন্তমিলানুতমদ্ভুতলাস্যকরং গিরিশম্ ॥ ৮॥
কালবিষাশমনন্তমিলানুতমদ্ভুতলাস্যকরং গিরিশম্ ॥ ৮॥
চিত্তহরাতুলনৃত্তপতিপ্রিযবৃত্তকৃতোত্তমগীতিমিমাং
প্রাতরুমাপতিসন্নিধিগো যদি গাযতি ভক্তিযুতো মনসি ।
প্রাতরুমাপতিসন্নিধিগো যদি গাযতি ভক্তিযুতো মনসি ।
সর্বসুখং ভুবি তস্য ভবত্যমরাধিপদুর্লভমত্যধিকং
নাস্তি পুনর্জনিরেতি চ ধাম স শাম্ভবমুত্তমমোদকরম্ ॥ ৯॥
নাস্তি পুনর্জনিরেতি চ ধাম স শাম্ভবমুত্তমমোদকরম্ ॥ ৯॥
ইতি নটরাজাষ্টকং সম্পূর্ণম্ ।