କୁଞ୍ଚରଚର୍ମକୃତାମ୍ବରମମ୍ବୁରୁହାସନମାଧଵଗେଯଗୁଣଂ
ଶଙ୍କରମନ୍ତକମାନହରଂ ସ୍ମରଦାହକଲୋଚନମେଣଧରମ୍ ।
ଶଙ୍କରମନ୍ତକମାନହରଂ ସ୍ମରଦାହକଲୋଚନମେଣଧରମ୍ ।
ସାଞ୍ଜଲିଯୋଗିପତଞ୍ଜଲିସନ୍ନୁତମିନ୍ଦୁକଲାଧରମବ୍ଜମୁଖଂ
ମଞ୍ଜୁଲଶିଞ୍ଜିତରଞ୍ଜିତକୁଞ୍ଚିତଵାମପଦଂ ଭଜ ନୃତ୍ଯପତିମ୍ ॥ ୧॥
ମଞ୍ଜୁଲଶିଞ୍ଜିତରଞ୍ଜିତକୁଞ୍ଚିତଵାମପଦଂ ଭଜ ନୃତ୍ଯପତିମ୍ ॥ ୧॥
ପିଙ୍ଗଲତୁଙ୍ଗଜଟାଵଲିଭାସୁରଗଙ୍ଗମମଙ୍ଗଲନାଶକରଂ
ପୁଙ୍ଗଵଵାହମୁମାଙ୍ଗଧରଂ ରିପୁଭଙ୍ଗକରଂ ସୁରଲୋକନତମ୍ ।
ପୁଙ୍ଗଵଵାହମୁମାଙ୍ଗଧରଂ ରିପୁଭଙ୍ଗକରଂ ସୁରଲୋକନତମ୍ ।
ଭୃଙ୍ଗଵିନୀଲଗଲଂ ଗଣନାଥସୁତଂ ଭଜ ମାନସ ପାପହରଂ
ମଙ୍ଗଲଦଂ ଵରରଙ୍ଗପତିଂ ଭଵସଙ୍ଗହରଂ ଧନରାଜସଖମ୍ ॥ ୨॥
ମଙ୍ଗଲଦଂ ଵରରଙ୍ଗପତିଂ ଭଵସଙ୍ଗହରଂ ଧନରାଜସଖମ୍ ॥ ୨॥
ପାଣିନିସୂତ୍ରଵିନିର୍ମିତିକାରଣପାଣିଲସଡ୍ଡମରୂତ୍ଥରଵଂ
ମାଧଵନାଦିତମର୍ଦଲନିର୍ଗତନାଦଲଯୋଦ୍ଧୃତଵାମପଦମ୍ ।
ମାଧଵନାଦିତମର୍ଦଲନିର୍ଗତନାଦଲଯୋଦ୍ଧୃତଵାମପଦମ୍ ।
ସର୍ଵଜଗତ୍ପ୍ରଲଯପ୍ରଭୁଵହ୍ନିଵିରାଜିତପାଣିମୁମାଲସିତଂ
ପନ୍ନଗଭୂଷଣମୁନ୍ନତସନ୍ନୁତମାନମ ମାନସ ସାମ୍ବଶିଵମ୍ ॥ ୩॥
ପନ୍ନଗଭୂଷଣମୁନ୍ନତସନ୍ନୁତମାନମ ମାନସ ସାମ୍ବଶିଵମ୍ ॥ ୩॥
ଚଣ୍ଡଗୁଣାନ୍ଵିତମଣ୍ଡଲଖଣ୍ଡନପଣ୍ଡିତମିନ୍ଦୁକଲାକଲିତଂ
ଦଣ୍ଡଧରାନ୍ତକଦଣ୍ଡକରଂ ଵରତାଣ୍ଡଵମଣ୍ଡିତହେମସଭମ୍ ।
ଦଣ୍ଡଧରାନ୍ତକଦଣ୍ଡକରଂ ଵରତାଣ୍ଡଵମଣ୍ଡିତହେମସଭମ୍ ।
ଅଣ୍ଡକରାଣ୍ଡଜଵାହସଖଂ ନମ ପାଣ୍ଡଵମଧ୍ଯମମୋଦକରଂ
କୁଣ୍ଡଲଶୋଭିତଗଣ୍ଡତଲଂ ମୁନିଵୃନ୍ଦନୁତଂ ସକଲାଣ୍ଡଧରମ୍ ॥ ୪॥
କୁଣ୍ଡଲଶୋଭିତଗଣ୍ଡତଲଂ ମୁନିଵୃନ୍ଦନୁତଂ ସକଲାଣ୍ଡଧରମ୍ ॥ ୪॥
ଵ୍ଯାଘ୍ରପଦାନତମୁଗ୍ରତରାସୁରଵିଗ୍ରହମର୍ଦିପଦାମ୍ବୁରୁହଂ
ଶକ୍ରମୁଖାମରଵର୍ଗମନୋହରନୃତ୍ଯକରଂ ଶ୍ରୁତିନୁତ୍ଯଗୁଣମ୍ ।
ଶକ୍ରମୁଖାମରଵର୍ଗମନୋହରନୃତ୍ଯକରଂ ଶ୍ରୁତିନୁତ୍ଯଗୁଣମ୍ ।
ଵ୍ଯଗ୍ରତରଙ୍ଗିତଦେଵଧୁନୀଧୃତଗର୍ଵହରାଯତକେଶଚଯଂ
ଭାର୍ଗଵରାଵଣପୂଜିତମୀଶମୁମାରମଣଂ ଭଜ ଶୂଲଧରମ୍ ॥ ୫॥
ଭାର୍ଗଵରାଵଣପୂଜିତମୀଶମୁମାରମଣଂ ଭଜ ଶୂଲଧରମ୍ ॥ ୫॥
ଆସୁରଶକ୍ତିଵିନାଶକରଂ ବହୁଭାସୁରକାଯମନଙ୍ଗରିପୁଂ
ଭୂସୁରସେଵିତପାଦସରୋରୁହମୀଶ୍ଵମକ୍ଷରମୁକ୍ଷଧୃତମ୍ ।
ଭୂସୁରସେଵିତପାଦସରୋରୁହମୀଶ୍ଵମକ୍ଷରମୁକ୍ଷଧୃତମ୍ ।
ଭାସ୍କରଶୀତକରାକ୍ଷମନାତୁରମାଶ୍ଵରଵିନ୍ଦପଦଂ ଭଜ ତଂ
ନଶ୍ଵରସଂସୃତିମୋହଵିନାଶମହସ୍କରଦନ୍ତନିପାତକରମ୍ ॥ ୬॥
ନଶ୍ଵରସଂସୃତିମୋହଵିନାଶମହସ୍କରଦନ୍ତନିପାତକରମ୍ ॥ ୬॥
ଭୂତିକରଂ ସିତଭୂତିଧରଂ ଗତନୀତିହରଂ ଵରଗୀତିନୁତଂ
ଭକ୍ତିଯୁତୋତ୍ତମମୁକ୍ତିକରଂ ସମଶକ୍ତିଯୁତଂ ଶୁଭଭୁକ୍ତିକରମ୍ ।
ଭକ୍ତିଯୁତୋତ୍ତମମୁକ୍ତିକରଂ ସମଶକ୍ତିଯୁତଂ ଶୁଭଭୁକ୍ତିକରମ୍ ।
ଭଦ୍ରକରୋତ୍ତମନାମଯୁତଂ ଶ୍ରୁତିସାମନୁତଂ ନମ ସୋମଧରଂ
ସ୍ତୁତ୍ଯଗୁଣଂ ଭଜ ନିତ୍ଯମଗାଧଭଵାମ୍ବୁଧିତାରକନୃତ୍ଯପତିମ୍ ॥ ୭॥
ସ୍ତୁତ୍ଯଗୁଣଂ ଭଜ ନିତ୍ଯମଗାଧଭଵାମ୍ବୁଧିତାରକନୃତ୍ଯପତିମ୍ ॥ ୭॥
ଶୂଲଧରଂ ଭଵଜାଲହରଂ ନିଟିଲାଗ୍ନିଧରଂ ଜଟିଲଂ ଧଵଲଂ
ନୀଲଗଲୋଜ୍ଵଲମଙ୍ଗଲସଦ୍ଗିରିରାଜସୁତାମୃଦୁପାଣିତଲମ୍ ।
ନୀଲଗଲୋଜ୍ଵଲମଙ୍ଗଲସଦ୍ଗିରିରାଜସୁତାମୃଦୁପାଣିତଲମ୍ ।
ଶୈଲକୁଲାଧିପମୌଲିନତଂ ଛଲହୀନମୁପୈମି କପାଲଧରଂ
କାଲଵିଷାଶମନନ୍ତମିଲାନୁତମଦ୍ଭୁତଲାସ୍ଯକରଂ ଗିରିଶମ୍ ॥ ୮॥
କାଲଵିଷାଶମନନ୍ତମିଲାନୁତମଦ୍ଭୁତଲାସ୍ଯକରଂ ଗିରିଶମ୍ ॥ ୮॥
ଚିତ୍ତହରାତୁଲନୃତ୍ତପତିପ୍ରିଯଵୃତ୍ତକୃତୋତ୍ତମଗୀତିମିମାଂ
ପ୍ରାତରୁମାପତିସନ୍ନିଧିଗୋ ଯଦି ଗାଯତି ଭକ୍ତିଯୁତୋ ମନସି ।
ପ୍ରାତରୁମାପତିସନ୍ନିଧିଗୋ ଯଦି ଗାଯତି ଭକ୍ତିଯୁତୋ ମନସି ।
ସର୍ଵସୁଖଂ ଭୁଵି ତସ୍ଯ ଭଵତ୍ଯମରାଧିପଦୁର୍ଲଭମତ୍ଯଧିକଂ
ନାସ୍ତି ପୁନର୍ଜନିରେତି ଚ ଧାମ ସ ଶାମ୍ଭଵମୁତ୍ତମମୋଦକରମ୍ ॥ ୯॥
ନାସ୍ତି ପୁନର୍ଜନିରେତି ଚ ଧାମ ସ ଶାମ୍ଭଵମୁତ୍ତମମୋଦକରମ୍ ॥ ୯॥
ଇତି ନଟରାଜାଷ୍ଟକଂ ସମ୍ପୂର୍ଣମ୍ ।