নৱগ্ৰহ সূক্তম্

1. (দেৱতা - আদিত্যঃ, অধিদেৱতা- অগ্নিঃ, প্ৰত্যধিদেৱতা - পশুপতিঃ)
ওঁ আসত্যেন ৰজসা ৱৰ্তমানো নিৱেশযন্নমৃত-ম্মৰ্ত্যঞ্চ ।
হিৰণ্যযেন সৱিতা ৰথেনা ঽদেৱো যাতি ভুৱনা ৱিপশ্যন্ন্ ॥
(তৈ. সং. 3.4.11.2)
অগ্নি-ন্দূতং-ৱৃঁণীমহে হোতাৰং-ৱিঁশ্ৱৱেদসম্ । অস্য যজ্ঞস্য সুক্ৰতুম্ ॥ (তৈ. ব্ৰা. 3.5.2.3)
যেষামীশে পশুপতিঃ পশূনাং-চতুষ্পদামুত চ দ্ৱিপদাম্ ।
নিষ্ক্ৰীতো-ঽযং-যঁজ্ঞিয-ম্ভাগমেতু ৰাযস্পোষা যজমানস্য সন্তু ॥ (তৈ. সং. 3.1.4.1)
(ওঁ অধিদেৱতা প্ৰত্যধিদেৱতা সহিতায ভগৱতে আদিত্যায নমঃ) 1
2. (দেৱতা - অঙ্গাৰকঃ, অধিদেৱতা - পৃথিৱী, প্ৰত্যধিদেৱতা - ক্ষেত্ৰপতিঃ)
ওঁ অগ্নিৰ্মূৰ্দ্ধা দিৱঃ ককুত্পতিঃ পৃথিৱ্যা অযম্ ।
অপাগ্ং ৰেতাগ্ংসি জিন্ৱতি ॥ (তৈ. সং. 1.5.5.1)
স্যোনা পৃথিৱি ভৱা-ঽনৃক্ষৰা নিৱেশনী ।
যচ্ছান-শ্শৰ্ম সপ্ৰথাঃ॥ (তৈ. অৰ. 6.1.10)
ক্ষেত্ৰস্য পতিনা ৱযগ্ং হিতেনেৱ জযামসি ।
গামশ্ৱ-ম্পোষযিত্ন্ৱা স নো মৃডাতী-দৃশে ॥ (তৈ. সং. 1.1.14.2)
(ওঁ অধিদেৱতা প্ৰত্যধিদেৱতা সহিতায ভগৱতে অঙ্ক্ৰকায নমঃ) 2
3. (দেৱতা - শুক্ৰঃ, অধিদেৱতা - ইন্দ্ৰাণী, প্ৰত্যধিদেৱতা - ইন্দ্ৰঃ)
ও-ম্প্ৰৱশ্শুক্ৰায ভানৱে ভৰধ্ৱগ্ং হৱ্য-ম্মতি-ঞ্চাগ্নযে সুপূতম্ ।
যো দৈৱ্যানি মানুষা জনূগ্-ষ্যন্তৰ্ ৱিশ্ৱানি ৱিদ্মনা জিগাতি ॥ (তৈ. ব্ৰা. 2.8.2.3)
ইন্দ্ৰাণী মাসু নাৰিষু সুপত্নী-মহমশ্ৰৱম্ ।
ন হ্যস্যা অপৰঞ্চন জৰসা মৰতে পতিঃ ॥ (তৈ. সং. 1.7.13.1)
ইন্দ্ৰং-ৱোঁ ৱিশ্ৱতস্পৰি হৱামহে জনেভ্যঃ ।
অস্মাকমস্তু কেৱলঃ ॥ (তৈ. সং. 1.6.12.1)
(ওঁ অধিদেৱতা প্ৰত্যধিদেৱতা সহিতায ভগৱতে শুক্ৰায নমঃ) 3
4. (দেৱতা - সোমঃ/চন্দ্ৰমা, অধিদেৱতা- অপঃ, প্ৰত্যধিদেৱতা - গৌৰী)
ওঁ আপ্যাযস্ৱ সমেতু তে ৱিশ্ৱত-স্সোম ৱৃষ্ণিযম্ ।
ভৱা ৱাজস্য সঙ্গথে ॥ (তৈ. সং. 4.2.7.4)
অফ্সুমে সোমো অব্ৰৱীদন্তৰ্ ৱিশ্ৱানি ভেষজা ।
অগ্নিঞ্চ ৱিশ্ৱশভুংৱঁ-মাপশ্চ ৱিশ্ৱভেষজীঃ ॥ (তৈ. ব্ৰা. 2.5.8.6)
গৌৰী মিমায সলিলানি তক্ষত্যেকপদী দ্ৱিপদী সা চতুষ্পদী ।
অষ্টাপদী নৱপদী বভূৱুষী সহস্ৰাক্ষৰা পৰমে ৱ্যোমন্ন্ ॥ (তৈ. ব্ৰা. .2.4.6.11)
(ওঁ অধিদেৱতা প্ৰত্যধিদেৱতা সহিতায ভগৱতে সোমায নমঃ) 4
5. (দেৱতা - বুধঃ, অধিদেৱতা - ৱিষ্ণুঃ, প্ৰত্যধিদেৱতা - পুৰুষ নাৰাযণঃ)
ওঁ উদ্বুদ্ধ্যস্ৱাগ্নে প্ৰতিজাগৃহ্যেন মিষ্টাপূৰ্তে সগ্ং সৃজেথা মযঞ্চ ।
পুনঃ কৃণ্ৱগ্গ্স্ত্ৱা পিতৰং-যুঁৱান-মন্ৱাতাগ্ংসী ত্ৱযি তন্তুমেতম্ ॥ (তৈ. সং. 4.7.13.5)
ইদং-ৱিঁষ্ণুৰ্ ৱিচক্ৰমে ত্ৰেধা নিদধে পদম্ ।
সমূঢমস্য পাগ্ং সুৰে ॥ (তৈ. সং. 1.2.13.1)
ৱিষ্ণো ৰৰাটমসি ৱিষ্ণোঃ পৃষ্ঠমসি ৱিষ্ণো-শ্নপ্ত্ৰেস্থো ৱিষ্ণো স্স্যূৰসি ৱিষ্ণোৰ্ ধ্ৰুৱমসি ৱৈষ্ণৱমসি ৱিষ্ণৱে ত্ৱা ॥ (তৈ. সং. 1.2.13.3)
(ওঁ অধিদেৱতা প্ৰত্যধিদেৱতা সহিতায ভগৱতে বুধায নমঃ) 5
6. (দেৱতা - বুহস্পতিঃ, অধিদেৱতা - ইন্দ্ৰ-মৰুত, প্ৰত্যধিদেৱতা - ব্ৰহ্ম)
ও-ম্বৃহস্পতে অতি যদৰ্যো অৰ্হদ্ দ্যুম-দ্ৱিভাতি ক্ৰতু মজ্জনেষু ।
যদ্দীদ যচ্ছ ৱসৰ্ত প্ৰজাত তদস্মাসু দ্ৰৱিণ-ন্ধেহি চিত্ৰম্ ॥ (তৈ. সং. 1.8.22.2)
ইন্দ্ৰমৰুত্ৱ ইহ পাহি সোমং-যঁথা শাৰ্যাতে অপিবস্সুতস্য ।
তৱ প্ৰণীতী তৱ শূৰ শৰ্মন্না-ৱিৱাসন্তি কৱযঃ সুযজ্ঞাঃ ॥ (তৈ. সং. 1.4.18.1)
ব্ৰহ্মজজ্ঞান-ম্প্ৰথম-ম্পুৰস্তাদ্ ৱিসীমত-স্সুৰুচো ৱেন আৱঃ ।
সবুদ্ধ্নিযা উপমা অস্য ৱিষ্ঠাস্সতশ্চ যোনিম-সতশ্চ ৱিৱঃ ॥ (তৈ. সং. 4.2.8.2)
(ওঁ অধিদেৱতা প্ৰত্যধিদেৱতা সহিতায ভগৱতে বৃহস্পতযে নমঃ) 6
7. (দেৱতা - শনৈশ্চৰঃ, অধিদেৱতা - প্ৰজাপতিঃ, প্ৰত্যধিদেৱতা - যমঃ)
ওঁ শন্নো দেৱী-ৰভিষ্টয আপো ভৱন্তু পীতযে ।
শং-যোঁৰভি-স্ৰৱন্তু নঃ ॥ (তৈ. অৰ. 7.42.4)
প্ৰজাপতে ন ত্ৱদেতা-ন্যন্যো ৱিশ্ৱা জাতানি পৰিতা বভূৱ ।
যত্কামাস্তে জুহুমস্তন্নো অস্তু ৱযগ্গ্ স্যাম পতযো ৰযীণাম্ ॥ (তৈ. সং. 1.8.14.2)
ইমং-যঁম প্ৰস্তৰমাহি সীদাঙ্কিৰোভিঃ পিতৃভিঃ সংৱিঁদানঃ ।
আত্ৱা মন্ত্ৰাঃ কৱিশস্তা ৱহন্ত্ৱেনা ৰাজন্ হৱিষা মাদযস্ৱ ॥ (তৈ. সং. 2.6.12.6)
(ওঁ অধিদেৱতা প্ৰত্যধিদেৱতা সহিতায ভগৱতে শনৈশ্চৰায নমঃ) 7
8. (দেৱতা - ৰাহু, অধিদেৱতা- সৰ্পঃ, প্ৰত্যধিদেৱতা - নিৰ্-ঋত)
ও-ঙ্কযা নশ্চিত্ৰ আভুৱদূতী সদাৱৃধ স্সখা ।
কযা শচিষ্ঠযা ৱৃতা ॥ (তৈ. সং. 4.2.11.2)
আ-ঽযঙ্কৌঃ পৃশ্নিৰক্ৰমী-দসন-ন্মাতৰ-ম্পুনঃ ।
পিতৰঞ্চ প্ৰযন্থ্সুৱঃ ॥ (তৈ. সং. 1.5.3.1)
যত্তে দেৱী নিৰ্-ঋতি ৰাববন্ধ দাম গ্ৰীৱাস্ৱ-ৱিচৰ্ত্যম্ ।
ইদন্তে তদ্ৱিষ্যা-ম্যাযুষো ন মদ্ধ্যা-দথা জীৱঃ
পিতুমদ্ধি প্ৰমুক্তঃ ॥ (তৈ. সং. 4.2.5.3)
(ওঁ অধিদেৱতা প্ৰত্যধিদেৱতা সহিতায ভগৱতে ৰাহৱে নমঃ) 8
9. (দেৱতা - কেতুঃ , অধিদেৱতা - ব্ৰহ্ম, প্ৰত্যধিদেৱতা - চিত্ৰগুপ্তঃ)
ও-ঙ্কেতু-ঙ্কৃণ্ৱন্নকেতৱে পেশো মৰ্যা অপেশসে ।
সমুষদ্ভিৰজাযথাঃ ॥ (তৈ. সং. 7.4.20.1)
ব্ৰহ্মা দেৱানা-ম্পদৱীঃ কৱীনা-মৃষিৰ্ৱিপ্ৰাণা-ম্মহিষো মৃগাণাম্ ।
শ্যেনো গৃদ্ধ্ৰাণাগ্ স্ৱধিতিৰ্ ৱনানাগ্ং সোমঃ পৱিত্ৰ মত্যেতি ৰেভন্ন্ ॥ (তৈ. সং. 3.4.11.1)
সচিত্ৰ চিত্ৰ-ঞ্চিতযন্ত-মস্মে চিত্ৰক্ষত্ৰ চিত্ৰতমং-ৱঁযোধাম্ ।
চন্দ্ৰং ৰযি-ম্পুৰুৱীৰ-ম্বৃহন্ত-ঞ্চন্দ্ৰ-চন্দ্ৰাভিৰ্-গৃণতে যুৱস্ৱ ॥ (ঋগ্. ৱে. 6.6.7).
(ওঁ অধিদেৱতা প্ৰত্যধিদেৱতা সহিতেভ্যো ভগৱদ্ভ্যঃ কেতুভ্যো নমঃ) 9
॥ ওঁ আদিত্যাদি নৱগ্ৰহ দেৱতাভ্যো নমো নমঃ॥
ওঁ শান্তি-শ্শান্তি-শ্শান্তিঃ ॥