ನವಗ್ರಹ ಸೂಕ್ತಮ್

1. (ದೇವತಾ - ಆದಿತ್ಯಃ, ಅಧಿದೇವತಾ- ಅಗ್ನಿಃ, ಪ್ರತ್ಯಧಿದೇವತಾ - ಪಶುಪತಿಃ)
ಓಂ ಆಸತ್ಯೇನ ರಜಸಾ ವರ್ತಮಾನೋ ನಿವೇಶಯನ್ನಮೃತ-ಮ್ಮರ್ತ್ಯಞ್ಚ ।
ಹಿರಣ್ಯಯೇನ ಸವಿತಾ ರಥೇನಾ ಽದೇವೋ ಯಾತಿ ಭುವನಾ ವಿಪಶ್ಯನ್ನ್ ॥
(ತೈ. ಸಂ. 3.4.11.2)
ಅಗ್ನಿ-ನ್ದೂತಂ-ವೃಁಣೀಮಹೇ ಹೋತಾರಂ-ವಿಁಶ್ವವೇದಸಮ್ । ಅಸ್ಯ ಯಜ್ಞಸ್ಯ ಸುಕ್ರತುಮ್ ॥ (ತೈ. ಬ್ರಾ. 3.5.2.3)
ಯೇಷಾಮೀಶೇ ಪಶುಪತಿಃ ಪಶೂನಾಂ-ಚತುಷ್ಪದಾಮುತ ಚ ದ್ವಿಪದಾಮ್ ।
ನಿಷ್ಕ್ರೀತೋ-ಽಯಂ-ಯಁಜ್ಞಿಯ-ಮ್ಭಾಗಮೇತು ರಾಯಸ್ಪೋಷಾ ಯಜಮಾನಸ್ಯ ಸನ್ತು ॥ (ತೈ. ಸಂ. 3.1.4.1)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಆದಿತ್ಯಾಯ ನಮಃ) 1
2. (ದೇವತಾ - ಅಙ್ಗಾರಕಃ, ಅಧಿದೇವತಾ - ಪೃಥಿವೀ, ಪ್ರತ್ಯಧಿದೇವತಾ - ಕ್ಷೇತ್ರಪತಿಃ)
ಓಂ ಅಗ್ನಿರ್ಮೂರ್ದ್ಧಾ ದಿವಃ ಕಕುತ್ಪತಿಃ ಪೃಥಿವ್ಯಾ ಅಯಮ್ ।
ಅಪಾಗ್ಂ ರೇತಾಗ್ಂಸಿ ಜಿನ್ವತಿ ॥ (ತೈ. ಸಂ. 1.5.5.1)
ಸ್ಯೋನಾ ಪೃಥಿವಿ ಭವಾ-ಽನೃಕ್ಷರಾ ನಿವೇಶನೀ ।
ಯಚ್ಛಾನ-ಶ್ಶರ್ಮ ಸಪ್ರಥಾಃ॥ (ತೈ. ಅರ. 6.1.10)
ಕ್ಷೇತ್ರಸ್ಯ ಪತಿನಾ ವಯಗ್ಂ ಹಿತೇನೇವ ಜಯಾಮಸಿ ।
ಗಾಮಶ್ವ-ಮ್ಪೋಷಯಿತ್ನ್ವಾ ಸ ನೋ ಮೃಡಾತೀ-ದೃಶೇ ॥ (ತೈ. ಸಂ. 1.1.14.2)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಅಙ್ಕ್ರಕಾಯ ನಮಃ) 2
3. (ದೇವತಾ - ಶುಕ್ರಃ, ಅಧಿದೇವತಾ - ಇನ್ದ್ರಾಣೀ, ಪ್ರತ್ಯಧಿದೇವತಾ - ಇನ್ದ್ರಃ)
ಓ-ಮ್ಪ್ರವಶ್ಶುಕ್ರಾಯ ಭಾನವೇ ಭರಧ್ವಗ್ಂ ಹವ್ಯ-ಮ್ಮತಿ-ಞ್ಚಾಗ್ನಯೇ ಸುಪೂತಮ್ ।
ಯೋ ದೈವ್ಯಾನಿ ಮಾನುಷಾ ಜನೂಗ್-ಷ್ಯನ್ತರ್ ವಿಶ್ವಾನಿ ವಿದ್ಮನಾ ಜಿಗಾತಿ ॥ (ತೈ. ಬ್ರಾ. 2.8.2.3)
ಇನ್ದ್ರಾಣೀ ಮಾಸು ನಾರಿಷು ಸುಪತ್ನೀ-ಮಹಮಶ್ರವಮ್ ।
ನ ಹ್ಯಸ್ಯಾ ಅಪರಞ್ಚನ ಜರಸಾ ಮರತೇ ಪತಿಃ ॥ (ತೈ. ಸಂ. 1.7.13.1)
ಇನ್ದ್ರಂ-ವೋಁ ವಿಶ್ವತಸ್ಪರಿ ಹವಾಮಹೇ ಜನೇಭ್ಯಃ ।
ಅಸ್ಮಾಕಮಸ್ತು ಕೇವಲಃ ॥ (ತೈ. ಸಂ. 1.6.12.1)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಶುಕ್ರಾಯ ನಮಃ) 3
4. (ದೇವತಾ - ಸೋಮಃ/ಚನ್ದ್ರಮಾ, ಅಧಿದೇವತಾ- ಅಪಃ, ಪ್ರತ್ಯಧಿದೇವತಾ - ಗೌರೀ)
ಓಂ ಆಪ್ಯಾಯಸ್ವ ಸಮೇತು ತೇ ವಿಶ್ವತ-ಸ್ಸೋಮ ವೃಷ್ಣಿಯಮ್ ।
ಭವಾ ವಾಜಸ್ಯ ಸಙ್ಗಥೇ ॥ (ತೈ. ಸಂ. 4.2.7.4)
ಅಫ್ಸುಮೇ ಸೋಮೋ ಅಬ್ರವೀದನ್ತರ್ ವಿಶ್ವಾನಿ ಭೇಷಜಾ ।
ಅಗ್ನಿಞ್ಚ ವಿಶ್ವಶಭುಂವಁ-ಮಾಪಶ್ಚ ವಿಶ್ವಭೇಷಜೀಃ ॥ (ತೈ. ಬ್ರಾ. 2.5.8.6)
ಗೌರೀ ಮಿಮಾಯ ಸಲಿಲಾನಿ ತಕ್ಷತ್ಯೇಕಪದೀ ದ್ವಿಪದೀ ಸಾ ಚತುಷ್ಪದೀ ।
ಅಷ್ಟಾಪದೀ ನವಪದೀ ಬಭೂವುಷೀ ಸಹಸ್ರಾಕ್ಷರಾ ಪರಮೇ ವ್ಯೋಮನ್ನ್ ॥ (ತೈ. ಬ್ರಾ. .2.4.6.11)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಸೋಮಾಯ ನಮಃ) 4
5. (ದೇವತಾ - ಬುಧಃ, ಅಧಿದೇವತಾ - ವಿಷ್ಣುಃ, ಪ್ರತ್ಯಧಿದೇವತಾ - ಪುರುಷ ನಾರಾಯಣಃ)
ಓಂ ಉದ್ಬುದ್ಧ್ಯಸ್ವಾಗ್ನೇ ಪ್ರತಿಜಾಗೃಹ್ಯೇನ ಮಿಷ್ಟಾಪೂರ್ತೇ ಸಗ್ಂ ಸೃಜೇಥಾ ಮಯಞ್ಚ ।
ಪುನಃ ಕೃಣ್ವಗ್ಗ್ಸ್ತ್ವಾ ಪಿತರಂ-ಯುಁವಾನ-ಮನ್ವಾತಾಗ್ಂಸೀ ತ್ವಯಿ ತನ್ತುಮೇತಮ್ ॥ (ತೈ. ಸಂ. 4.7.13.5)
ಇದಂ-ವಿಁಷ್ಣುರ್ ವಿಚಕ್ರಮೇ ತ್ರೇಧಾ ನಿದಧೇ ಪದಮ್ ।
ಸಮೂಢಮಸ್ಯ ಪಾಗ್ಂ ಸುರೇ ॥ (ತೈ. ಸಂ. 1.2.13.1)
ವಿಷ್ಣೋ ರರಾಟಮಸಿ ವಿಷ್ಣೋಃ ಪೃಷ್ಠಮಸಿ ವಿಷ್ಣೋ-ಶ್ನಪ್ತ್ರೇಸ್ಥೋ ವಿಷ್ಣೋ ಸ್ಸ್ಯೂರಸಿ ವಿಷ್ಣೋರ್ ಧ್ರುವಮಸಿ ವೈಷ್ಣವಮಸಿ ವಿಷ್ಣವೇ ತ್ವಾ ॥ (ತೈ. ಸಂ. 1.2.13.3)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಬುಧಾಯ ನಮಃ) 5
6. (ದೇವತಾ - ಬುಹಸ್ಪತಿಃ, ಅಧಿದೇವತಾ - ಇನ್ದ್ರ-ಮರುತ, ಪ್ರತ್ಯಧಿದೇವತಾ - ಬ್ರಹ್ಮ)
ಓ-ಮ್ಬೃಹಸ್ಪತೇ ಅತಿ ಯದರ್ಯೋ ಅರ್ಹದ್ ದ್ಯುಮ-ದ್ವಿಭಾತಿ ಕ್ರತು ಮಜ್ಜನೇಷು ।
ಯದ್ದೀದ ಯಚ್ಛ ವಸರ್ತ ಪ್ರಜಾತ ತದಸ್ಮಾಸು ದ್ರವಿಣ-ನ್ಧೇಹಿ ಚಿತ್ರಮ್ ॥ (ತೈ. ಸಂ. 1.8.22.2)
ಇನ್ದ್ರಮರುತ್ವ ಇಹ ಪಾಹಿ ಸೋಮಂ-ಯಁಥಾ ಶಾರ್ಯಾತೇ ಅಪಿಬಸ್ಸುತಸ್ಯ ।
ತವ ಪ್ರಣೀತೀ ತವ ಶೂರ ಶರ್ಮನ್ನಾ-ವಿವಾಸನ್ತಿ ಕವಯಃ ಸುಯಜ್ಞಾಃ ॥ (ತೈ. ಸಂ. 1.4.18.1)
ಬ್ರಹ್ಮಜಜ್ಞಾನ-ಮ್ಪ್ರಥಮ-ಮ್ಪುರಸ್ತಾದ್ ವಿಸೀಮತ-ಸ್ಸುರುಚೋ ವೇನ ಆವಃ ।
ಸಬುದ್ಧ್ನಿಯಾ ಉಪಮಾ ಅಸ್ಯ ವಿಷ್ಠಾಸ್ಸತಶ್ಚ ಯೋನಿಮ-ಸತಶ್ಚ ವಿವಃ ॥ (ತೈ. ಸಂ. 4.2.8.2)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಬೃಹಸ್ಪತಯೇ ನಮಃ) 6
7. (ದೇವತಾ - ಶನೈಶ್ಚರಃ, ಅಧಿದೇವತಾ - ಪ್ರಜಾಪತಿಃ, ಪ್ರತ್ಯಧಿದೇವತಾ - ಯಮಃ)
ಓಂ ಶನ್ನೋ ದೇವೀ-ರಭಿಷ್ಟಯ ಆಪೋ ಭವನ್ತು ಪೀತಯೇ ।
ಶಂ-ಯೋಁರಭಿ-ಸ್ರವನ್ತು ನಃ ॥ (ತೈ. ಅರ. 7.42.4)
ಪ್ರಜಾಪತೇ ನ ತ್ವದೇತಾ-ನ್ಯನ್ಯೋ ವಿಶ್ವಾ ಜಾತಾನಿ ಪರಿತಾ ಬಭೂವ ।
ಯತ್ಕಾಮಾಸ್ತೇ ಜುಹುಮಸ್ತನ್ನೋ ಅಸ್ತು ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ॥ (ತೈ. ಸಂ. 1.8.14.2)
ಇಮಂ-ಯಁಮ ಪ್ರಸ್ತರಮಾಹಿ ಸೀದಾಙ್ಕಿರೋಭಿಃ ಪಿತೃಭಿಃ ಸಂವಿಁದಾನಃ ।
ಆತ್ವಾ ಮನ್ತ್ರಾಃ ಕವಿಶಸ್ತಾ ವಹನ್ತ್ವೇನಾ ರಾಜನ್ ಹವಿಷಾ ಮಾದಯಸ್ವ ॥ (ತೈ. ಸಂ. 2.6.12.6)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ಶನೈಶ್ಚರಾಯ ನಮಃ) 7
8. (ದೇವತಾ - ರಾಹು, ಅಧಿದೇವತಾ- ಸರ್ಪಃ, ಪ್ರತ್ಯಧಿದೇವತಾ - ನಿರ್-ಋತ)
ಓ-ಙ್ಕಯಾ ನಶ್ಚಿತ್ರ ಆಭುವದೂತೀ ಸದಾವೃಧ ಸ್ಸಖಾ ।
ಕಯಾ ಶಚಿಷ್ಠಯಾ ವೃತಾ ॥ (ತೈ. ಸಂ. 4.2.11.2)
ಆ-ಽಯಙ್ಕೌಃ ಪೃಶ್ನಿರಕ್ರಮೀ-ದಸನ-ನ್ಮಾತರ-ಮ್ಪುನಃ ।
ಪಿತರಞ್ಚ ಪ್ರಯನ್ಥ್ಸುವಃ ॥ (ತೈ. ಸಂ. 1.5.3.1)
ಯತ್ತೇ ದೇವೀ ನಿರ್-ಋತಿ ರಾಬಬನ್ಧ ದಾಮ ಗ್ರೀವಾಸ್ವ-ವಿಚರ್ತ್ಯಮ್ ।
ಇದನ್ತೇ ತದ್ವಿಷ್ಯಾ-ಮ್ಯಾಯುಷೋ ನ ಮದ್ಧ್ಯಾ-ದಥಾ ಜೀವಃ
ಪಿತುಮದ್ಧಿ ಪ್ರಮುಕ್ತಃ ॥ (ತೈ. ಸಂ. 4.2.5.3)
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾಯ ಭಗವತೇ ರಾಹವೇ ನಮಃ) 8
9. (ದೇವತಾ - ಕೇತುಃ , ಅಧಿದೇವತಾ - ಬ್ರಹ್ಮ, ಪ್ರತ್ಯಧಿದೇವತಾ - ಚಿತ್ರಗುಪ್ತಃ)
ಓ-ಙ್ಕೇತು-ಙ್ಕೃಣ್ವನ್ನಕೇತವೇ ಪೇಶೋ ಮರ್ಯಾ ಅಪೇಶಸೇ ।
ಸಮುಷದ್ಭಿರಜಾಯಥಾಃ ॥ (ತೈ. ಸಂ. 7.4.20.1)
ಬ್ರಹ್ಮಾ ದೇವಾನಾ-ಮ್ಪದವೀಃ ಕವೀನಾ-ಮೃಷಿರ್ವಿಪ್ರಾಣಾ-ಮ್ಮಹಿಷೋ ಮೃಗಾಣಾಮ್ ।
ಶ್ಯೇನೋ ಗೃದ್ಧ್ರಾಣಾಗ್ ಸ್ವಧಿತಿರ್ ವನಾನಾಗ್ಂ ಸೋಮಃ ಪವಿತ್ರ ಮತ್ಯೇತಿ ರೇಭನ್ನ್ ॥ (ತೈ. ಸಂ. 3.4.11.1)
ಸಚಿತ್ರ ಚಿತ್ರ-ಞ್ಚಿತಯನ್ತ-ಮಸ್ಮೇ ಚಿತ್ರಕ್ಷತ್ರ ಚಿತ್ರತಮಂ-ವಁಯೋಧಾಮ್ ।
ಚನ್ದ್ರಂ ರಯಿ-ಮ್ಪುರುವೀರ-ಮ್ಬೃಹನ್ತ-ಞ್ಚನ್ದ್ರ-ಚನ್ದ್ರಾಭಿರ್-ಗೃಣತೇ ಯುವಸ್ವ ॥ (ಋಗ್. ವೇ. 6.6.7).
(ಓಂ ಅಧಿದೇವತಾ ಪ್ರತ್ಯಧಿದೇವತಾ ಸಹಿತೇಭ್ಯೋ ಭಗವದ್ಭ್ಯಃ ಕೇತುಭ್ಯೋ ನಮಃ) 9
॥ ಓಂ ಆದಿತ್ಯಾದಿ ನವಗ್ರಹ ದೇವತಾಭ್ಯೋ ನಮೋ ನಮಃ॥
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥