નવગ્રહ સૂક્તમ્

1. (દેવતા - આદિત્યઃ, અધિદેવતા- અગ્નિઃ, પ્રત્યધિદેવતા - પશુપતિઃ)
ૐ આસત્યેન રજસા વર્તમાનો નિવેશયન્નમૃત-મ્મર્ત્યઞ્ચ ।
હિરણ્યયેન સવિતા રથેના ઽદેવો યાતિ ભુવના વિપશ્યન્ન્ ॥
(તૈ. સં. 3.4.11.2)
અગ્નિ-ન્દૂતં-વૃઁણીમહે હોતારં-વિઁશ્વવેદસમ્ । અસ્ય યજ્ઞસ્ય સુક્રતુમ્ ॥ (તૈ. બ્રા. 3.5.2.3)
યેષામીશે પશુપતિઃ પશૂનાં-ચતુષ્પદામુત ચ દ્વિપદામ્ ।
નિષ્ક્રીતો-ઽયં-યઁજ્ઞિય-મ્ભાગમેતુ રાયસ્પોષા યજમાનસ્ય સન્તુ ॥ (તૈ. સં. 3.1.4.1)
(ૐ અધિદેવતા પ્રત્યધિદેવતા સહિતાય ભગવતે આદિત્યાય નમઃ) 1
2. (દેવતા - અઙ્ગારકઃ, અધિદેવતા - પૃથિવી, પ્રત્યધિદેવતા - ક્ષેત્રપતિઃ)
ૐ અગ્નિર્મૂર્દ્ધા દિવઃ કકુત્પતિઃ પૃથિવ્યા અયમ્ ।
અપાગ્ં રેતાગ્ંસિ જિન્વતિ ॥ (તૈ. સં. 1.5.5.1)
સ્યોના પૃથિવિ ભવા-ઽનૃક્ષરા નિવેશની ।
યચ્છાન-શ્શર્મ સપ્રથાઃ॥ (તૈ. અર. 6.1.10)
ક્ષેત્રસ્ય પતિના વયગ્ં હિતેનેવ જયામસિ ।
ગામશ્વ-મ્પોષયિત્ન્વા સ નો મૃડાતી-દૃશે ॥ (તૈ. સં. 1.1.14.2)
(ૐ અધિદેવતા પ્રત્યધિદેવતા સહિતાય ભગવતે અઙ્ક્રકાય નમઃ) 2
3. (દેવતા - શુક્રઃ, અધિદેવતા - ઇન્દ્રાણી, પ્રત્યધિદેવતા - ઇન્દ્રઃ)
ઓ-મ્પ્રવશ્શુક્રાય ભાનવે ભરધ્વગ્ં હવ્ય-મ્મતિ-ઞ્ચાગ્નયે સુપૂતમ્ ।
યો દૈવ્યાનિ માનુષા જનૂગ્-ષ્યન્તર્ વિશ્વાનિ વિદ્મના જિગાતિ ॥ (તૈ. બ્રા. 2.8.2.3)
ઇન્દ્રાણી માસુ નારિષુ સુપત્ની-મહમશ્રવમ્ ।
ન હ્યસ્યા અપરઞ્ચન જરસા મરતે પતિઃ ॥ (તૈ. સં. 1.7.13.1)
ઇન્દ્રં-વોઁ વિશ્વતસ્પરિ હવામહે જનેભ્યઃ ।
અસ્માકમસ્તુ કેવલઃ ॥ (તૈ. સં. 1.6.12.1)
(ૐ અધિદેવતા પ્રત્યધિદેવતા સહિતાય ભગવતે શુક્રાય નમઃ) 3
4. (દેવતા - સોમઃ/ચન્દ્રમા, અધિદેવતા- અપઃ, પ્રત્યધિદેવતા - ગૌરી)
ૐ આપ્યાયસ્વ સમેતુ તે વિશ્વત-સ્સોમ વૃષ્ણિયમ્ ।
ભવા વાજસ્ય સઙ્ગથે ॥ (તૈ. સં. 4.2.7.4)
અફ્સુમે સોમો અબ્રવીદન્તર્ વિશ્વાનિ ભેષજા ।
અગ્નિઞ્ચ વિશ્વશભુંવઁ-માપશ્ચ વિશ્વભેષજીઃ ॥ (તૈ. બ્રા. 2.5.8.6)
ગૌરી મિમાય સલિલાનિ તક્ષત્યેકપદી દ્વિપદી સા ચતુષ્પદી ।
અષ્ટાપદી નવપદી બભૂવુષી સહસ્રાક્ષરા પરમે વ્યોમન્ન્ ॥ (તૈ. બ્રા. .2.4.6.11)
(ૐ અધિદેવતા પ્રત્યધિદેવતા સહિતાય ભગવતે સોમાય નમઃ) 4
5. (દેવતા - બુધઃ, અધિદેવતા - વિષ્ણુઃ, પ્રત્યધિદેવતા - પુરુષ નારાયણઃ)
ૐ ઉદ્બુદ્ધ્યસ્વાગ્ને પ્રતિજાગૃહ્યેન મિષ્ટાપૂર્તે સગ્ં સૃજેથા મયઞ્ચ ।
પુનઃ કૃણ્વગ્ગ્સ્ત્વા પિતરં-યુઁવાન-મન્વાતાગ્ંસી ત્વયિ તન્તુમેતમ્ ॥ (તૈ. સં. 4.7.13.5)
ઇદં-વિઁષ્ણુર્ વિચક્રમે ત્રેધા નિદધે પદમ્ ।
સમૂઢમસ્ય પાગ્ં સુરે ॥ (તૈ. સં. 1.2.13.1)
વિષ્ણો રરાટમસિ વિષ્ણોઃ પૃષ્ઠમસિ વિષ્ણો-શ્નપ્ત્રેસ્થો વિષ્ણો સ્સ્યૂરસિ વિષ્ણોર્ ધ્રુવમસિ વૈષ્ણવમસિ વિષ્ણવે ત્વા ॥ (તૈ. સં. 1.2.13.3)
(ૐ અધિદેવતા પ્રત્યધિદેવતા સહિતાય ભગવતે બુધાય નમઃ) 5
6. (દેવતા - બુહસ્પતિઃ, અધિદેવતા - ઇન્દ્ર-મરુત, પ્રત્યધિદેવતા - બ્રહ્મ)
ઓ-મ્બૃહસ્પતે અતિ યદર્યો અર્હદ્ દ્યુમ-દ્વિભાતિ ક્રતુ મજ્જનેષુ ।
યદ્દીદ યચ્છ વસર્ત પ્રજાત તદસ્માસુ દ્રવિણ-ન્ધેહિ ચિત્રમ્ ॥ (તૈ. સં. 1.8.22.2)
ઇન્દ્રમરુત્વ ઇહ પાહિ સોમં-યઁથા શાર્યાતે અપિબસ્સુતસ્ય ।
તવ પ્રણીતી તવ શૂર શર્મન્ના-વિવાસન્તિ કવયઃ સુયજ્ઞાઃ ॥ (તૈ. સં. 1.4.18.1)
બ્રહ્મજજ્ઞાન-મ્પ્રથમ-મ્પુરસ્તાદ્ વિસીમત-સ્સુરુચો વેન આવઃ ।
સબુદ્ધ્નિયા ઉપમા અસ્ય વિષ્ઠાસ્સતશ્ચ યોનિમ-સતશ્ચ વિવઃ ॥ (તૈ. સં. 4.2.8.2)
(ૐ અધિદેવતા પ્રત્યધિદેવતા સહિતાય ભગવતે બૃહસ્પતયે નમઃ) 6
7. (દેવતા - શનૈશ્ચરઃ, અધિદેવતા - પ્રજાપતિઃ, પ્રત્યધિદેવતા - યમઃ)
ૐ શન્નો દેવી-રભિષ્ટય આપો ભવન્તુ પીતયે ।
શં-યોઁરભિ-સ્રવન્તુ નઃ ॥ (તૈ. અર. 7.42.4)
પ્રજાપતે ન ત્વદેતા-ન્યન્યો વિશ્વા જાતાનિ પરિતા બભૂવ ।
યત્કામાસ્તે જુહુમસ્તન્નો અસ્તુ વયગ્ગ્ સ્યામ પતયો રયીણામ્ ॥ (તૈ. સં. 1.8.14.2)
ઇમં-યઁમ પ્રસ્તરમાહિ સીદાઙ્કિરોભિઃ પિતૃભિઃ સંવિઁદાનઃ ।
આત્વા મન્ત્રાઃ કવિશસ્તા વહન્ત્વેના રાજન્ હવિષા માદયસ્વ ॥ (તૈ. સં. 2.6.12.6)
(ૐ અધિદેવતા પ્રત્યધિદેવતા સહિતાય ભગવતે શનૈશ્ચરાય નમઃ) 7
8. (દેવતા - રાહુ, અધિદેવતા- સર્પઃ, પ્રત્યધિદેવતા - નિર્-ઋત)
ઓ-ઙ્કયા નશ્ચિત્ર આભુવદૂતી સદાવૃધ સ્સખા ।
કયા શચિષ્ઠયા વૃતા ॥ (તૈ. સં. 4.2.11.2)
આ-ઽયઙ્કૌઃ પૃશ્નિરક્રમી-દસન-ન્માતર-મ્પુનઃ ।
પિતરઞ્ચ પ્રયન્થ્સુવઃ ॥ (તૈ. સં. 1.5.3.1)
યત્તે દેવી નિર્-ઋતિ રાબબન્ધ દામ ગ્રીવાસ્વ-વિચર્ત્યમ્ ।
ઇદન્તે તદ્વિષ્યા-મ્યાયુષો ન મદ્ધ્યા-દથા જીવઃ
પિતુમદ્ધિ પ્રમુક્તઃ ॥ (તૈ. સં. 4.2.5.3)
(ૐ અધિદેવતા પ્રત્યધિદેવતા સહિતાય ભગવતે રાહવે નમઃ) 8
9. (દેવતા - કેતુઃ , અધિદેવતા - બ્રહ્મ, પ્રત્યધિદેવતા - ચિત્રગુપ્તઃ)
ઓ-ઙ્કેતુ-ઙ્કૃણ્વન્નકેતવે પેશો મર્યા અપેશસે ।
સમુષદ્ભિરજાયથાઃ ॥ (તૈ. સં. 7.4.20.1)
બ્રહ્મા દેવાના-મ્પદવીઃ કવીના-મૃષિર્વિપ્રાણા-મ્મહિષો મૃગાણામ્ ।
શ્યેનો ગૃદ્ધ્રાણાગ્ સ્વધિતિર્ વનાનાગ્ં સોમઃ પવિત્ર મત્યેતિ રેભન્ન્ ॥ (તૈ. સં. 3.4.11.1)
સચિત્ર ચિત્ર-ઞ્ચિતયન્ત-મસ્મે ચિત્રક્ષત્ર ચિત્રતમં-વઁયોધામ્ ।
ચન્દ્રં રયિ-મ્પુરુવીર-મ્બૃહન્ત-ઞ્ચન્દ્ર-ચન્દ્રાભિર્-ગૃણતે યુવસ્વ ॥ (ઋગ્. વે. 6.6.7).
(ૐ અધિદેવતા પ્રત્યધિદેવતા સહિતેભ્યો ભગવદ્ભ્યઃ કેતુભ્યો નમઃ) 9
॥ ૐ આદિત્યાદિ નવગ્રહ દેવતાભ્યો નમો નમઃ॥
ૐ શાન્તિ-શ્શાન્તિ-શ્શાન્તિઃ ॥