നവഗ്രഹ സൂക്തമ്

1. (ദേവതാ - ആദിത്യഃ, അധിദേവതാ- അഗ്നിഃ, പ്രത്യധിദേവതാ - പശുപതിഃ)
ഓം ആസത്യേന രജസാ വര്തമാനോ നിവേശയന്നമൃത-മ്മര്ത്യഞ്ച ।
ഹിരണ്യയേന സവിതാ രഥേനാ ഽദേവോ യാതി ഭുവനാ വിപശ്യന്ന് ॥
(തൈ. സം. 3.4.11.2)
അഗ്നി-ന്ദൂതം-വൃഁണീമഹേ ഹോതാരം-വിഁശ്വവേദസമ് । അസ്യ യജ്ഞസ്യ സുക്രതുമ് ॥ (തൈ. ബ്രാ. 3.5.2.3)
യേഷാമീശേ പശുപതിഃ പശൂനാം-ചതുഷ്പദാമുത ച ദ്വിപദാമ് ।
നിഷ്ക്രീതോ-ഽയം-യഁജ്ഞിയ-മ്ഭാഗമേതു രായസ്പോഷാ യജമാനസ്യ സന്തു ॥ (തൈ. സം. 3.1.4.1)
(ഓം അധിദേവതാ പ്രത്യധിദേവതാ സഹിതായ ഭഗവതേ ആദിത്യായ നമഃ) 1
2. (ദേവതാ - അങ്ഗാരകഃ, അധിദേവതാ - പൃഥിവീ, പ്രത്യധിദേവതാ - ക്ഷേത്രപതിഃ)
ഓം അഗ്നിര്മൂര്ദ്ധാ ദിവഃ കകുത്പതിഃ പൃഥിവ്യാ അയമ് ।
അപാഗ്ം രേതാഗ്ംസി ജിന്വതി ॥ (തൈ. സം. 1.5.5.1)
സ്യോനാ പൃഥിവി ഭവാ-ഽനൃക്ഷരാ നിവേശനീ ।
യച്ഛാന-ശ്ശര്മ സപ്രഥാഃ॥ (തൈ. അര. 6.1.10)
ക്ഷേത്രസ്യ പതിനാ വയഗ്ം ഹിതേനേവ ജയാമസി ।
ഗാമശ്വ-മ്പോഷയിത്ന്വാ സ നോ മൃഡാതീ-ദൃശേ ॥ (തൈ. സം. 1.1.14.2)
(ഓം അധിദേവതാ പ്രത്യധിദേവതാ സഹിതായ ഭഗവതേ അങ്ക്രകായ നമഃ) 2
3. (ദേവതാ - ശുക്രഃ, അധിദേവതാ - ഇന്ദ്രാണീ, പ്രത്യധിദേവതാ - ഇന്ദ്രഃ)
ഓ-മ്പ്രവശ്ശുക്രായ ഭാനവേ ഭരധ്വഗ്ം ഹവ്യ-മ്മതി-ഞ്ചാഗ്നയേ സുപൂതമ് ।
യോ ദൈവ്യാനി മാനുഷാ ജനൂഗ്-ഷ്യന്തര് വിശ്വാനി വിദ്മനാ ജിഗാതി ॥ (തൈ. ബ്രാ. 2.8.2.3)
ഇന്ദ്രാണീ മാസു നാരിഷു സുപത്നീ-മഹമശ്രവമ് ।
ന ഹ്യസ്യാ അപരഞ്ചന ജരസാ മരതേ പതിഃ ॥ (തൈ. സം. 1.7.13.1)
ഇന്ദ്രം-വോഁ വിശ്വതസ്പരി ഹവാമഹേ ജനേഭ്യഃ ।
അസ്മാകമസ്തു കേവലഃ ॥ (തൈ. സം. 1.6.12.1)
(ഓം അധിദേവതാ പ്രത്യധിദേവതാ സഹിതായ ഭഗവതേ ശുക്രായ നമഃ) 3
4. (ദേവതാ - സോമഃ/ചന്ദ്രമാ, അധിദേവതാ- അപഃ, പ്രത്യധിദേവതാ - ഗൌരീ)
ഓം ആപ്യായസ്വ സമേതു തേ വിശ്വത-സ്സോമ വൃഷ്ണിയമ് ।
ഭവാ വാജസ്യ സങ്ഗഥേ ॥ (തൈ. സം. 4.2.7.4)
അഫ്സുമേ സോമോ അബ്രവീദന്തര് വിശ്വാനി ഭേഷജാ ।
അഗ്നിഞ്ച വിശ്വശഭുംവഁ-മാപശ്ച വിശ്വഭേഷജീഃ ॥ (തൈ. ബ്രാ. 2.5.8.6)
ഗൌരീ മിമായ സലിലാനി തക്ഷത്യേകപദീ ദ്വിപദീ സാ ചതുഷ്പദീ ।
അഷ്ടാപദീ നവപദീ ബഭൂവുഷീ സഹസ്രാക്ഷരാ പരമേ വ്യോമന്ന് ॥ (തൈ. ബ്രാ. .2.4.6.11)
(ഓം അധിദേവതാ പ്രത്യധിദേവതാ സഹിതായ ഭഗവതേ സോമായ നമഃ) 4
5. (ദേവതാ - ബുധഃ, അധിദേവതാ - വിഷ്ണുഃ, പ്രത്യധിദേവതാ - പുരുഷ നാരായണഃ)
ഓം ഉദ്ബുദ്ധ്യസ്വാഗ്നേ പ്രതിജാഗൃഹ്യേന മിഷ്ടാപൂര്തേ സഗ്ം സൃജേഥാ മയഞ്ച ।
പുനഃ കൃണ്വഗ്ഗ്സ്ത്വാ പിതരം-യുഁവാന-മന്വാതാഗ്ംസീ ത്വയി തന്തുമേതമ് ॥ (തൈ. സം. 4.7.13.5)
ഇദം-വിഁഷ്ണുര് വിചക്രമേ ത്രേധാ നിദധേ പദമ് ।
സമൂഢമസ്യ പാഗ്ം സുരേ ॥ (തൈ. സം. 1.2.13.1)
വിഷ്ണോ രരാടമസി വിഷ്ണോഃ പൃഷ്ഠമസി വിഷ്ണോ-ശ്നപ്ത്രേസ്ഥോ വിഷ്ണോ സ്സ്യൂരസി വിഷ്ണോര് ധ്രുവമസി വൈഷ്ണവമസി വിഷ്ണവേ ത്വാ ॥ (തൈ. സം. 1.2.13.3)
(ഓം അധിദേവതാ പ്രത്യധിദേവതാ സഹിതായ ഭഗവതേ ബുധായ നമഃ) 5
6. (ദേവതാ - ബുഹസ്പതിഃ, അധിദേവതാ - ഇന്ദ്ര-മരുത, പ്രത്യധിദേവതാ - ബ്രഹ്മ)
ഓ-മ്ബൃഹസ്പതേ അതി യദര്യോ അര്ഹദ് ദ്യുമ-ദ്വിഭാതി ക്രതു മജ്ജനേഷു ।
യദ്ദീദ യച്ഛ വസര്ത പ്രജാത തദസ്മാസു ദ്രവിണ-ന്ധേഹി ചിത്രമ് ॥ (തൈ. സം. 1.8.22.2)
ഇന്ദ്രമരുത്വ ഇഹ പാഹി സോമം-യഁഥാ ശാര്യാതേ അപിബസ്സുതസ്യ ।
തവ പ്രണീതീ തവ ശൂര ശര്മന്നാ-വിവാസന്തി കവയഃ സുയജ്ഞാഃ ॥ (തൈ. സം. 1.4.18.1)
ബ്രഹ്മജജ്ഞാന-മ്പ്രഥമ-മ്പുരസ്താദ് വിസീമത-സ്സുരുചോ വേന ആവഃ ।
സബുദ്ധ്നിയാ ഉപമാ അസ്യ വിഷ്ഠാസ്സതശ്ച യോനിമ-സതശ്ച വിവഃ ॥ (തൈ. സം. 4.2.8.2)
(ഓം അധിദേവതാ പ്രത്യധിദേവതാ സഹിതായ ഭഗവതേ ബൃഹസ്പതയേ നമഃ) 6
7. (ദേവതാ - ശനൈശ്ചരഃ, അധിദേവതാ - പ്രജാപതിഃ, പ്രത്യധിദേവതാ - യമഃ)
ഓം ശന്നോ ദേവീ-രഭിഷ്ടയ ആപോ ഭവന്തു പീതയേ ।
ശം-യോഁരഭി-സ്രവന്തു നഃ ॥ (തൈ. അര. 7.42.4)
പ്രജാപതേ ന ത്വദേതാ-ന്യന്യോ വിശ്വാ ജാതാനി പരിതാ ബഭൂവ ।
യത്കാമാസ്തേ ജുഹുമസ്തന്നോ അസ്തു വയഗ്ഗ് സ്യാമ പതയോ രയീണാമ് ॥ (തൈ. സം. 1.8.14.2)
ഇമം-യഁമ പ്രസ്തരമാഹി സീദാങ്കിരോഭിഃ പിതൃഭിഃ സംവിഁദാനഃ ।
ആത്വാ മന്ത്രാഃ കവിശസ്താ വഹന്ത്വേനാ രാജന് ഹവിഷാ മാദയസ്വ ॥ (തൈ. സം. 2.6.12.6)
(ഓം അധിദേവതാ പ്രത്യധിദേവതാ സഹിതായ ഭഗവതേ ശനൈശ്ചരായ നമഃ) 7
8. (ദേവതാ - രാഹു, അധിദേവതാ- സര്പഃ, പ്രത്യധിദേവതാ - നിര്-ഋത)
ഓ-ങ്കയാ നശ്ചിത്ര ആഭുവദൂതീ സദാവൃധ സ്സഖാ ।
കയാ ശചിഷ്ഠയാ വൃതാ ॥ (തൈ. സം. 4.2.11.2)
ആ-ഽയങ്കൌഃ പൃശ്നിരക്രമീ-ദസന-ന്മാതര-മ്പുനഃ ।
പിതരഞ്ച പ്രയന്ഥ്സുവഃ ॥ (തൈ. സം. 1.5.3.1)
യത്തേ ദേവീ നിര്-ഋതി രാബബന്ധ ദാമ ഗ്രീവാസ്വ-വിചര്ത്യമ് ।
ഇദന്തേ തദ്വിഷ്യാ-മ്യായുഷോ ന മദ്ധ്യാ-ദഥാ ജീവഃ
പിതുമദ്ധി പ്രമുക്തഃ ॥ (തൈ. സം. 4.2.5.3)
(ഓം അധിദേവതാ പ്രത്യധിദേവതാ സഹിതായ ഭഗവതേ രാഹവേ നമഃ) 8
9. (ദേവതാ - കേതുഃ , അധിദേവതാ - ബ്രഹ്മ, പ്രത്യധിദേവതാ - ചിത്രഗുപ്തഃ)
ഓ-ങ്കേതു-ങ്കൃണ്വന്നകേതവേ പേശോ മര്യാ അപേശസേ ।
സമുഷദ്ഭിരജായഥാഃ ॥ (തൈ. സം. 7.4.20.1)
ബ്രഹ്മാ ദേവാനാ-മ്പദവീഃ കവീനാ-മൃഷിര്വിപ്രാണാ-മ്മഹിഷോ മൃഗാണാമ് ।
ശ്യേനോ ഗൃദ്ധ്രാണാഗ് സ്വധിതിര് വനാനാഗ്ം സോമഃ പവിത്ര മത്യേതി രേഭന്ന് ॥ (തൈ. സം. 3.4.11.1)
സചിത്ര ചിത്ര-ഞ്ചിതയന്ത-മസ്മേ ചിത്രക്ഷത്ര ചിത്രതമം-വഁയോധാമ് ।
ചന്ദ്രം രയി-മ്പുരുവീര-മ്ബൃഹന്ത-ഞ്ചന്ദ്ര-ചന്ദ്രാഭിര്-ഗൃണതേ യുവസ്വ ॥ (ഋഗ്. വേ. 6.6.7).
(ഓം അധിദേവതാ പ്രത്യധിദേവതാ സഹിതേഭ്യോ ഭഗവദ്ഭ്യഃ കേതുഭ്യോ നമഃ) 9
॥ ഓം ആദിത്യാദി നവഗ്രഹ ദേവതാഭ്യോ നമോ നമഃ॥
ഓം ശാന്തി-ശ്ശാന്തി-ശ്ശാന്തിഃ ॥