રાધા સહસ્રનામ સ્તોત્રમ્

વન્દે વૃન્દાવનાનન્દા રાધિકા પરમેશ્વરી ।
ગોપિકાં પરમાં શ્રેષ્ઠાં હ્લાદિનીં શક્તિરૂપિણીમ્ ॥
શ્રીરાધાં પરમારાજ્યાં કૃષ્ણસેવાપરાયણામ્ ।
શ્રીકૃષ્ણાઙ્ગ સદાધ્યાત્રી નવધાભક્તિકારિણી ॥
યેષાં ગુણમયી-રાધા વૃષભાનુકુમારિકા ।
દામોદરપ્રિયા-રાધા મનોભીષ્ટપ્રદાયિની ॥
તસ્યા નામસહસ્રં ત્વં શ્રુણુ ભાગવતોત્તમા ॥
માનસતન્ત્રે અનુષ્ટુપ્છન્દસે અકારાદિ ક્ષકારાન્તાનિ
શ્રીરાધિકાસહસ્રનામાનિ ॥
અથ સ્તોત્રમ્
ૐ અનન્તરૂપિણી-રાધા અપારગુણસાગરા ।
અધ્યક્ષરા આદિરૂપા અનાદિરાશેશ્વરી ॥ 1॥

અણિમાદિ સિદ્ધિદાત્રી અધિદેવી અધીશ્વરી ।
અષ્ટસિદ્ધિપ્રદાદેવી અભયા અખિલેશ્વરી ॥ 2॥

અનઙ્ગમઞ્જરીભગ્ના અનઙ્ગદર્પનાશિની ।
અનુકમ્પાપ્રદા-રાધા અપરાધપ્રણાશિની ॥ 3॥

અન્તર્વેત્રી અધિષ્ઠાત્રી અન્તર્યામી સનાતની ।
અમલા અબલા બાલા અતુલા ચ અનૂપમા ॥ 4॥

અશેષગુણસમ્પન્ના અન્તઃકરણવાસિની ।
અચ્યુતા રમણી આદ્યા અઙ્ગરાગવિધાયિની ॥ 5॥

અરવિન્દપદદ્વન્દ્વા અધ્યક્ષા પરમેશ્વરી ।
અવનીધારિણીદેવી અચિન્ત્યાદ્ભુતરૂપિણી ॥ 6॥

અશેષગુણસારાચ અશોકાશોકનાશિની ।
અભીષ્ટદા અંશમુખી અક્ષયાદ્ભુતરૂપિણી ॥ 7॥

અવલમ્બા અધિષ્ઠાત્રી અકિઞ્ચનવરપ્રદા ।
અખિલાનન્દિની આદ્યા અયાના કૃષ્ણમોહિની ॥ 8॥
અવધીસર્વશાસ્ત્રાણામાપદુદ્ધારિણી શુભા ।
આહ્લાદિની આદિશક્તિરન્નદા અભયાપિ ચ ॥ 7॥
અન્નપૂર્ણા અહોધન્યા અતુલ્યા અભયપ્રદા ।
ઇન્દુમુખી દિવ્યહાસા ઇષ્ટભક્તિપ્રદાયિની ॥ 10॥
ઇચ્છામયી ઇચ્છારૂપા ઇન્દિરા ઈશ્વરીઽપરા ।
ઇષ્ટદાયીશ્વરી માયા ઇષ્ટમન્ત્રસ્વરૂપિણી ॥ 11॥
ઓઙ્કારરૂપિણીદેવી ઉર્વીસર્વજનેશ્વરી ।
ઐરાવતવતી પૂજ્યા અપારગુણસાગરા ॥ 12॥
કૃષ્ણપ્રાણાધિકારાધા કૃષ્ણપ્રેમવિનોદિની ।
શ્રીકૃષ્ણાઙ્ગસદાધ્યાયી કૃષ્ણાનન્દપ્રદાયિની ॥ 13॥
કૃષ્ણાઽહ્લાદિનીદેવી કૃષ્ણધ્યાનપરાયણા ।
કૃષ્ણસમ્મોહિનીનિત્યા કૃષ્ણાનન્દપ્રવર્ધિની ॥ 14॥
કૃષ્ણાનન્દા સદાનન્દા કૃષ્ણકેલિ સુખાસ્વદા ।
કૃષ્ણપ્રિયા કૃષ્ણકાન્તા કૃષ્ણસેવાપરાયણા ॥ 15॥
કૃષ્ણપ્રેમાબ્ધિસભરી કૃષ્ણપ્રેમતરઙ્ગિણી ।
કૃષ્ણચિત્તહરાદેવી કીર્તિદાકુલપદ્મિની ॥ 16॥
કૃષ્ણમુખી હાસમુખી સદાકૃષ્ણકુતૂહલી ।
કૃષ્ણાનુરાગિણી ધન્યા કિશોરી કૃષ્ણવલ્લભા ॥ 17॥
કૃષ્ણકામા કૃષ્ણવન્દ્યા કૃષ્ણાબ્ધે સર્વકામના ।
કૃષ્ણપ્રેમમયી-રાધા કલ્યાણી કમલાનના ॥। 18॥
કૃષ્ણસૂન્માદિની કામ્યા કૃષ્ણલીલા શિરોમણી ।
કૃષ્ણસઞ્જીવની-રાધા કૃષ્ણવક્ષસ્થલસ્થિતા ॥ 19॥
કૃષ્ણપ્રેમસદોન્મત્તા કૃષ્ણસઙ્ગવિલાસિની ।
શ્રીકૃષ્ણરમણીરાધા કૃષ્ણપ્રેમાઽકલઙ્કિણી ॥ 20॥
કૃષ્ણપ્રેમવતીકર્ત્રી કૃષ્ણભક્તિપરાયણા ।
શ્રીકૃષ્ણમહિષી પૂર્ણા શ્રીકૃષ્ણાઙ્ગપ્રિયઙ્કરી ॥ 21॥
કામગાત્રા કામરૂપા કલિકલ્મષનાશિની ।
કૃષ્ણસંયુક્તકામેશી શ્રીકૃષ્ણપ્રિયવાદિની ॥ 22॥
કૃષ્ણશક્તિ કાઞ્ચનાભા કૃષ્ણાકૃષ્ણપ્રિયાસતી ।
કૃષ્ણપ્રાણેશ્વરી ધીરા કમલાકુઞ્જવાસિની ॥ 23॥
કૃષ્ણપ્રાણાધિદેવી ચ કિશોરાનન્દદાયિની ।
કૃષ્ણપ્રસાધ્યમાના ચ કૃષ્ણપ્રેમપરાયણા ॥ 24॥
કૃષ્ણવક્ષસ્થિતાદેવી શ્રીકૃષ્ણાઙ્ગસદાવ્રતા ।
કુઞ્જાધિરાજમહિષી પૂજન્નૂપુરરઞ્જની ॥ 25॥
કારુણ્યામૃતપાધોધી કલ્યાણી કરુણામયી ।
કુન્દકુસુમદન્તા ચ કસ્તૂરિબિન્દુભિઃ શુભા ॥ 26॥
કુચકુટમલસૌન્દર્યા કૃપામયી કૃપાકરી ।
કુઞ્જવિહારિણી ગોપી કુન્દદામસુશોભિની ॥ 27॥
કોમલાઙ્ગી કમલાઙ્ઘ્રી કમલાઽકમલાનના ।
કન્દર્પદમનાદેવી કૌમારી નવયૌવના ॥ 28॥
કુઙ્કુમાચર્ચિતાઙ્ગી ચ કેસરીમધ્યમોત્તમા ।
કાઞ્ચનાઙ્ગી કુરઙ્ગાક્ષી કનકાઙ્ગુલિધારિણી ॥ 29॥
કરુણાર્ણવસમ્પૂર્ણા કૃષ્ણપ્રેમતરઙ્ગિણી ।
કલ્પદૃમા કૃપાધ્યક્ષા કૃષ્ણસેવા પરાયણા ॥ 30॥
ખઞ્જનાક્ષી ખનીપ્રેમ્ણા અખણ્ડિતા માનકારિણી ।
ગોલોકધામિની-રાધા ગોકુલાનન્દદાયિની ॥ 31॥
ગોવિન્દવલ્લભાદેવી ગોપિની ગુણસાગરા ।
ગોપાલવલ્લભા ગોપી ગૌરાઙ્ગી ગોધનેશ્વરી ॥ 32॥
ગોપાલી ગોપિકાશ્રેષ્ઠા ગોપકન્યા ગણેશ્વરી ।
ગજેન્દ્રગામિનીગન્યા ગન્ધર્વકુલપાવની ॥ 33॥
ગુણાધ્યક્ષા ગણાધ્યક્ષા ગવોન્ગતી ગુણાકરા ।
ગુણગમ્યા ગૃહલક્ષ્મી ગોપ્યેચૂડાગ્રમાલિકા ॥। 34॥
ગઙ્ગાગીતાગતિર્દાત્રી ગાયત્રી બ્રહ્મરૂપિણી ।
ગન્ધપુષ્પધરાદેવી ગન્ધમાલ્યાદિધારિણી ॥ 35॥
ગોવિન્દપ્રેયસી ધીરા ગોવિન્દબન્ધકારણા ।
જ્ઞાનદાગુણદાગમ્યા ગોપિની ગુણશોભિની ॥ 36॥
ગોદાવરી ગુણાતીતા ગોવર્ધનધનપ્રિયા ।
ગોપિની ગોકુલેન્દ્રાણી ગોપિકા ગુણશાલિની ॥ 37॥
ગન્ધેશ્વરી ગુણાલમ્બા ગુણાઙ્ગી ગુણપાવની ।
ગોપાલસ્ય પ્રિયારાધા કુઞ્જપુઞ્જવિહારિણી ॥ 38॥
ગોકુલેન્દુમુખી વૃન્દા ગોપાલપ્રાણવલ્લભા ।
ગોપાઙ્ગનાપ્રિયારાધા ગૌરાઙ્ગી ગૌરવાન્વિતા ॥ 39॥
ગોવત્સધારિણીવત્સા સુબલાવેશધારિણી ।
ગીર્વાણવન્દ્યા ગીર્વાણી ગોપિની ગણશોભિતા ॥ 40॥
ઘનશ્યામપ્રિયાધીરા ઘોરસંસારતારિણી ।
ઘૂર્ણાયમાનનયના ઘોરકલ્મષનાશિની ॥ 41॥
ચૈતન્યરૂપિણીદેવી ચિત્તચૈતન્યદાયિની ।
ચન્દ્રાનની ચન્દ્રકાન્તી ચન્દ્રકોટિસમપ્રભા ॥ 42॥
ચન્દ્રાવલી શુક્લપક્ષા ચન્દ્રાચ કૃષ્ણવલ્લભા ।
ચન્દ્રાર્કનખરજ્યોતી ચારુવેણીશિખારુચિઃ ॥ 43॥
ચન્દનૈશ્ચર્ચિતાઙ્ગી ચ ચતુરાચઞ્ચલેક્ષણા ।
ચારુગોરોચનાગૌરી ચતુર્વર્ગપ્રદાયિની ॥ 44॥
શ્રીમતીચતુરાધ્યક્ષા ચરમાગતિદાયિની ।
ચરાચરેશ્વરીદેવી ચિન્તાતીતા જગન્મયી ॥ 45॥
ચતુઃષષ્ટિકલાલમ્બા ચમ્પાપુષ્પવિધારિણી ।
ચિન્મયી ચિત્શક્તિરૂપા ચર્ચિતાઙ્ગી મનોરમા ॥ 46॥
ચિત્રલેખાચ શ્રીરાત્રી ચન્દ્રકાન્તિજિતપ્રભા ।
ચતુરાપાઙ્ગમાધુર્યા ચારુચઞ્ચલલોચના ॥ 47॥
છન્દોમયી છન્દરૂપા છિદ્રછન્દોવિનાશિની ।
જગત્કર્ત્રી જગદ્ધાત્રી જગદાધારરૂપિણી ॥ 48॥
જયઙ્કરી જગન્માતા જયદાદિયકારિણી ।
જયપ્રદાજયાલક્ષ્મી જયન્તી સુયશપ્રદા ॥ 49॥
જામ્બૂનદા હેમકાન્તી જયાવતી યશસ્વિની ।
જગહિતા જગત્પૂજ્યા જનની લોકપાલિની ॥ 50॥
જગદ્ધાત્રી જગત્કર્ત્રી જગદ્બીજસ્વરૂપિણી ।
જગન્માતા યોગમાયા જીવાનાં ગતિદાયિની ॥ 51॥
જીવાકૃતિર્યોગગમ્યા યશોદાનન્દદાયિની ।
જપાકુસુમસઙ્કાશા પાદાબ્જામણિમણ્ડિતા ॥ 52॥
જાનુદ્યુતિજિતોત્ફુલ્લા યન્ત્રણાવિઘ્નઘાતિની ।
જિતેન્દ્રિયા યજ્ઞરૂપા યજ્ઞાઙ્ગી જલશાયિની ॥ 53॥
જાનકીજન્મશૂન્યાચ જન્મમૃત્યુજરાહરા ।
જાહ્નવી યમુનારૂપા જામ્બૂનદસ્વરૂપિણી ॥ 54॥
ઝણત્કૃતપદામ્ભોજા જડતારિનિવારિણી ।
ટઙ્કારિણી મહાધ્યાના દિવ્યવાદ્યવિનોદિની ॥ 55॥
તપ્તકાઞ્ચનવર્ણાભા ત્રૈલોક્યલોકતારિણી ।
તિલપુષ્પજિતાનાસા તુલસીમઞ્જરીપ્રિયા ॥ 56॥
ત્રૈલોક્યાઽકર્ષિણી-રાધા ત્રિવર્ગફલદાયિની ।
તુલસીતોષકર્ત્રી ચ કૃષ્ણચન્દ્રતપસ્વિની ॥ 57॥
તરુણાદિત્યસઙ્કાશા નખશ્રેણિસમપ્રભા ।
ત્રૈલોક્યમઙ્ગલાદેવી દિગ્ધમૂલપદદ્વયી ॥ 58॥
ત્રૈલોક્યજનની-રાધા તાપત્રયનિવારિણી ।
ત્રૈલોક્યસુન્દરી ધન્યા તન્ત્રમન્ત્રસ્વરૂપિણી ॥ 59॥
ત્રિકાલજ્ઞા ત્રાણકર્ત્રી ત્રૈલોક્યમઙ્ગલાસદા ।
તેજસ્વિની તપોમૂર્તી તાપત્રયવિનાશિની ॥ 60॥
ત્રિગુણાધારિણી દેવી તારિણી ત્રિદશેશ્વરી ।
ત્રયોદશવયોનિત્યા તરુણીનવયૌવના ॥ 61॥
હૃત્પદ્મેસ્થિતિમતિ સ્થાનદાત્રી પદામ્બુજે ।
સ્થિતિરૂપા સ્થિરા શાન્તા સ્થિતસંસારપાલિની ॥ 62॥
દામોદરપ્રિયાધીરા દુર્વાસોવરદાયિની ।
દયામયી દયાધ્યક્ષા દિવ્યયોગપ્રદર્શિની ॥ 63॥
દિવ્યાનુલેપનારાગા દિવ્યાલઙ્કારભૂષણા ।
દુર્ગતિનાશિની-રાધા દુર્ગા દુઃખવિનાશિની ॥ 64॥
દેવદેવીમહાદેવી દયાશીલા દયાવતી ।
દયાર્દ્રસાગરારાધા મહાદારિદ્ર્યનાશિની ॥ 65॥
દેવતાનાં દુરારાધ્યા મહાપાપવિનાશિની ।
દ્વારકાવાસિની દેવી દુઃખશોકવિનાશિની ॥ 66॥
દયાવતી દ્વારકેશા દોલોત્સવવિહારિણી ।
દાન્તા શાન્તા કૃપાધ્યક્ષા દક્ષિણાયજ્ઞકારિણી ॥ 67॥
દીનબન્ધુપ્રિયાદેવી શુભા દુર્ઘટનાશિની ।
ધ્વજવજ્રાબ્જપાશાઙ્ઘ્રી ધીમહીચરણામ્બુજા ॥ 68॥
ધર્માતીતા ધરાધ્યક્ષા ધનધાન્યપ્રદાયિની ।
ધર્માધ્યક્ષા ધ્યાનગમ્યા ધરણીભારનાશિની ॥ 69॥
ધર્મદાધૈર્યદાધાત્રી ધન્યધન્યધુરન્ધરી ।
ધરણીધારિણીધન્યા ધર્મસઙ્કટરક્ષિણી ॥ 70॥
ધર્માધિકારિણીદેવી ધર્મશાસ્ત્રવિશારદા ।
ધર્મસંસ્થાપનાધાગ્રા ધ્રુવાનન્દપ્રદાયિની ॥ 71॥
નવગોરોચના ગૌરી નીલવસ્ત્રવિધારિણી ।
નવયૌવનસમ્પન્ના નન્દનન્દનકારિણી ॥ 72॥
નિત્યાનન્દમયી નિત્યા નીલકાન્તમણિપ્રિયા ।
નાનારત્નવિચિત્રાઙ્ગી નાનાસુખમયીસુધા ॥ 73॥
નિગૂઢરસરાસજ્ઞા નિત્યાનન્દપ્રદાયિની ।
નવીનપ્રવણાધન્યા નીલપદ્મવિધારિણી ॥ 74॥
નન્દાઽનન્દા સદાનન્દા નિર્મલા મુક્તિદાયિની ।
નિર્વિકારા નિત્યરૂપા નિષ્કલઙ્કા નિરામયા ॥ 75॥
નલિની નલિનાક્ષી ચ નાનાલઙ્કારભૂષિતા ।
નિતમ્બિનિ નિરાકાઙ્ક્ષા નિત્યા સત્યા સનાતની ॥ 76॥
નીલામ્બરપરીધાના નીલાકમલલોચના ।
નિરપેક્ષા નિરૂપમા નારાયણી નરેશ્વરી ॥ 77॥
નિરાલમ્બા રક્ષકર્ત્રી નિગમાર્થપ્રદાયિની ।
નિકુઞ્જવાસિની-રાધા નિર્ગુણાગુણસાગરા ॥ 78॥
નીલાબ્જા કૃષ્ણમહિષી નિરાશ્રયગતિપ્રદા ।
નિધૂવનવનાનન્દા નિકુઞ્જશી ચ નાગરી ॥ 79॥
નિરઞ્જના નિત્યરક્તા નાગરી ચિત્તમોહિની ।
પૂર્ણચન્દ્રમુખી દેવી પ્રધાનાપ્રકૃતિપરા ॥ 80॥
પ્રેમરૂપા પ્રેમમયી પ્રફુલ્લજલજાનના ।
પૂર્ણાનન્દમયી-રાધા પૂર્ણબ્રહ્મસનાતની ॥ 81॥
પરમાર્થપ્રદા પૂજ્યા પરેશા પદ્મલોચના ।
પરાશક્તિ પરાભક્તિ પરમાનન્દદાયિની ॥ 82॥
પતિતોદ્ધારિણી પુણ્યા પ્રવીણા ધર્મપાવની ।
પઙ્કજાક્ષી મહાલક્ષ્મી પીનોન્નતપયોધરા ॥ 83॥
પ્રેમાશ્રુપરિપૂર્ણાઙ્ગી પદ્મેલસદૃષાનના ।
પદ્મરાગધરાદેવી પૌર્ણમાસીસુખાસ્વદા ॥ 84॥
પૂર્ણોત્તમો પરઞ્જ્યોતી પ્રિયઙ્કરી પ્રિયંવદા ।
પ્રેમભક્તિપ્રદા-રાધા પ્રેમાનન્દપ્રદાયિની ॥ 85॥
પદ્મગન્ધા પદ્મહસ્તા પદ્માઙ્ઘ્રી પદ્મમાલિની ।
પદ્માસના મહાપદ્મા પદ્મમાલા-વિધારિણી ॥ 86॥
પ્રબોધિની પૂર્ણલક્ષ્મી પૂર્ણેન્દુસદૃષાનના ।
પુણ્ડરીકાક્ષપ્રેમાઙ્ગી પુણ્ડરીકાક્ષરોહિની ॥ 87॥
પરમાર્થપ્રદાપદ્મા તથા પ્રણવરૂપિણી ।
ફલપ્રિયા સ્ફૂર્તિદાત્રી મહોત્સવવિહારિણી ॥ 88॥
ફુલ્લાબ્જદિવ્યનયના ફણિવેણિસુશોભિતા ।
વૃન્દાવનેશ્વરી-રાધા વૃન્દાવનવિલાસિની ॥ 89॥
વૃષભાનુસુતાદેવી વ્રજવાસીગણપ્રિયા ।
વૃન્દા વૃન્દાવનાનન્દા વ્રજેન્દ્રા ચ વરપ્રદા ॥ 90॥
વિદ્યુત્ગૌરી સુવર્ણાઙ્ગી વંશીનાદવિનોદિની ।
વૃષભાનુરાધેકન્યા વ્રજરાજસુતપ્રિયા ॥ 91॥
વિચિત્રપટ્ટચમરી વિચિત્રામ્બરધારિણી ।
વેણુવાદ્યપ્રિયારાધા વેણુવાદ્યપરાયણા ॥ 92॥
વિશ્વમ્ભરી વિચિત્રાઙ્ગી બ્રહ્માણ્ડોદરીકાસતી ।
વિશ્વોદરી વિશાલાક્ષી વ્રજલક્ષ્મી વરપ્રદા ॥ 93॥
બ્રહ્મમયી બ્રહ્મરૂપા વેદાઙ્ગી વાર્ષભાનવી ।
વરાઙ્ગના કરામ્ભોજા વલ્લવી વૃજમોહિની ॥ 94॥
વિષ્ણુપ્રિયા વિશ્વમાતા બ્રહ્માણ્ડપ્રતિપાલિની ।
વિશ્વેશ્વરી વિશ્વકર્ત્રી વેદ્યમન્ત્રસ્વરૂપિણી ॥ 95॥
વિશ્વમાયા વિષ્ણુકાન્તા વિશ્વાઙ્ગી વિશ્વપાવની ।
વ્રજેશ્વરી વિશ્વરૂપા વૈષ્ણવી વિઘ્નનાશિની ॥ 96॥
બ્રહ્માણ્ડજનની-રાધા વત્સલા વ્રજવત્સલા ।
વરદા વાક્યસિદ્ધા ચ બુદ્ધિદા વાક્પ્રદાયિની ॥ 97॥
વિશાખાપ્રાણસર્વસ્વા વૃષભાનુકુમારિકા ।
વિશાખાસખ્યવિજિતા વંશીવટવિહારિણી ॥ 98॥
વેદમાતા વેદગમ્યા વેદ્યવર્ણા શુભઙ્કરી ।
વેદાતીતા ગુણાતીતા વિદગ્ધા વિજનપ્રિયા ॥ 99।
ભક્તભક્તિપ્રિયા-રાધા ભક્તમઙ્ગલદાયિની ।
ભગવન્મોહિની દેવી ભવક્લેશવિનાશિની ॥ 100॥
ભાવિની ભવતી ભાવ્યા ભારતી ભક્તિદાયિની ।
ભાગીરથી ભાગ્યવતી ભૂતેશી ભવકારિણી ॥ 101॥
ભવાર્ણવત્રાણકર્ત્રી ભદ્રદા ભુવનેશ્વરી ।
ભક્તાત્મા ભુવનાનન્દા ભાવિકા ભક્તવત્સલા ॥ 102॥
ભુક્તિમુક્તિપ્રદા-રાધા શુભા ભુજમૃણાલિકા ।
ભાનુશક્તિચ્છલાધીરા ભક્તાનુગ્રહકારિણી ॥ 103॥
માધવી માધવાયુક્તા મુકુન્દાદ્યાસનાતની ।
મહાલક્ષ્મી મહામાન્યા માધવસ્વાન્તમોહિની ॥ 104॥
મહાધન્યા મહાપુણ્યા મહામોહવિનાશિની ।
મોક્ષદા માનદા ભદ્રા મઙ્ગલાઽમઙ્ગલાત્પદા ॥ 105॥
મનોભીષ્ટપ્રદાદેવી મહાવિષ્ણુસ્વરૂપિણી ।
માધવ્યાઙ્ગી મનોરામા રમ્યા મુકુરરઞ્જની ॥ 106॥
મનીશા વનદાધારા મુરલીવાદનપ્રિયા ।
મુકુન્દાઙ્ગકૃતાપાઙ્ગી માલિની હરિમોહિની ॥ 107॥
માનગ્રાહી મધુવતી મઞ્જરી મૃગલોચના ।
નિત્યવૃન્દા મહાદેવી મહેન્દ્રકૃતશેખરી ॥ 108॥
મુકુન્દપ્રાણદાહન્ત્રી મનોહરમનોહરા ।
માધવમુખપદ્મસ્યા મથુપાનમધુવ્રતા ॥ 109॥
મુકુન્દમધુમાધુર્યા મુખ્યાવૃન્દાવનેશ્વરી ।
મન્ત્રસિદ્ધિકૃતા-રાધા મૂલમન્ત્રસ્વરૂપિણી ॥ 110॥
મન્મથા સુમતીધાત્રી મનોજ્ઞમતિમાનિતા ।
મદનામોહિનીમાન્યા મઞ્જીરચરણોત્પલા ॥ 111॥
યશોદાસુતપત્ની ચ યશોદાનન્દદાયિની ।
યૌવનાપૂર્ણસૌન્દર્યા યમુનાતટવાસિની ॥ 112॥
યશસ્વિની યોગમાયા યુવરાજવિલાસિની ।
યુગ્મશ્રીફલસુવત્સા યુગ્માઙ્ગદવિધારિણી ॥ 113॥
યન્ત્રાતિગાનનિરતા યુવતીનાંશિરોમણી ।
શ્રીરાધા પરમારાધ્યા રાધિકા કૃષ્ણમોહિની ॥ 114॥
રૂપયૌવનસમ્પન્ના રાસમણ્ડલકારિણી ।
રાધાદેવી પરાપ્રાપ્તા શ્રીરાધાપરમેશ્વરી ॥ 115॥
રાધાવાગ્મી રસોન્માદી રસિકા રસશેખરી ।
રાધારાસમયીપૂર્ણા રસજ્ઞા રસમઞ્જરી ॥ 116॥
રાધિકા રસદાત્રી ચ રાધારાસવિલાસિની ।
રઞ્જની રસવૃન્દાચ રત્નાલઙ્કારધારિણી ॥ 117॥
રામારત્નારત્નમયી રત્નમાલાવિધારિણી ।
રમણીરામણીરમ્યા રાધિકારમણીપરા ॥ 118॥
રાસમણ્ડલમધ્યસ્થા રાજરાજેશ્વરી શુભા ।
રાકેન્દુકોટિસૌન્દર્યા રત્નાઙ્ગદવિધારિણી ॥ 119॥
રાસપ્રિયા રાસગમ્યા રાસોત્સવવિહારિણી ।
લક્ષ્મીરૂપા ચ લલના લલિતાદિસખિપ્રિયા ॥ 120॥
લોકમાતા લોકધાત્રી લોકાનુગ્રહકારિણી ।
લોલાક્ષી લલિતાઙ્ગી ચ લલિતાજીવતારકા ॥ 121॥
લોકાલયા લજ્જારૂપા લાસ્યવિદ્યાલતાશુભા ।
લલિતાપ્રેમલલિતાનુગ્ધપ્રેમલિલાવતી ॥ 122॥
લીલાલાવણ્યસમ્પન્ના નાગરીચિત્તમોહિની ।
લીલારઙ્ગીરતી રમ્યા લીલાગાનપરાયણા ॥ 123॥
લીલાવતી રતિપ્રીતા લલિતાકુલપદ્મિની ।
શુદ્ધકાઞ્ચનગૌરાઙ્ગી શઙ્ખકઙ્કણધારિણી ॥ 124॥
શક્તિસઞ્ચારિણી દેવી શક્તીનાં શક્તિદાયિની ।
સુચારુકબરીયુક્તા શશિરેખા શુભઙ્કરી ॥ 125॥
સુમતી સુગતિર્દાત્રી શ્રીમતી શ્રીહરિપિયા ।
સુન્દરાઙ્ગી સુવર્ણાઙ્ગી સુશીલા શુભદાયિની ॥ 126॥
શુભદા સુખદા સાધ્વી સુકેશી સુમનોરમા ।
સુરેશ્વરી સુકુમારી શુભાઙ્ગી સુમશેખરા ॥ 127॥
શાકમ્ભરી સત્યરૂપા શસ્તા શાન્તા મનોરમા ।
સિદ્ધિધાત્રી મહાશાન્તી સુન્દરી શુભદાયિની ॥ 128॥
શબ્દાતીતા સિન્ધુકન્યા શરણાગતપાલિની ।
શાલગ્રામપ્રિયા-રાધા સર્વદા નવયૌવના ॥ 129॥
સુબલાનન્દિનીદેવી સર્વશાસ્ત્રવિશારદા ।
સર્વાઙ્ગસુન્દરી-રાધા સર્વસલ્લક્ષણાન્વિતા ॥ 130॥
સર્વગોપીપ્રધાના ચ સર્વકામફલપ્રદા ।
સદાનન્દમયીદેવી સર્વમઙ્ગલદાયિની ॥ 131॥
સર્વમણ્ડલજીવાતુ સર્વસમ્પત્પ્રદાયિની ।
સંસારપારકરણી સદાકૃષ્ણકુતૂહલા ॥ 132॥
સર્વાગુણમયી-રાધા સાધ્યા સર્વગુણાન્વિતા ।
સત્યસ્વરૂપા સત્યા ચ સત્યનિત્યા સનાતની ॥ 133॥
સર્વમાધવ્યલહરી સુધામુખશુભઙ્કરી ।
સદાકિશોરિકાગોષ્ઠી સુબલાવેશધારિણી ॥ 134॥
સુવર્ણમાલિની-રાધા શ્યામસુન્દરમોહિની ।
શ્યામામૃતરસેમગ્ના સદાસીમન્તિનીસખી ॥ 135॥
ષોડશીવયસાનિત્યા ષડરાગવિહારિણી ।
હેમાઙ્ગીવરદાહન્ત્રી ભૂમાતા હંસગામિની ॥ 136॥
હાસમુખી વ્રજાધ્યક્ષા હેમાબ્જા કૃષ્ણમોહિની ।
હરિવિનોદિની-રાધા હરિસેવાપરાયણા ॥ 137॥
હેમારમ્ભા મદારમ્ભા હરિહારવિલોચના ।
હેમાઙ્ગવર્ણારમ્યા શ્રેષહૃત્પદ્મવાસિની ॥ 138॥
હરિપાદાબ્જમધુપા મધુપાનમધુવ્રતા ।
ક્ષેમઙ્કરી ક્ષીણમધ્યા ક્ષમારૂપા ક્ષમાવતી ॥ 139॥
ક્ષેત્રાઙ્ગી શ્રીક્ષમાદાત્રી ક્ષિતિવૃન્દાવનેશ્વરી ।
ક્ષમાશીલા ક્ષમાદાત્રી ક્ષૌમવાસોવિધારિણી ।
ક્ષાન્તિનામાવયવતી ક્ષીરોદાર્ણવશાયિની ॥ 140॥
રાધાનામસહસ્રાણિ પઠેદ્વા શ્રુણુયાદપિ ।
ઇષ્ટસિદ્ધિર્ભવેત્તસ્યા મન્ત્રસિદ્ધિર્ભવેત્ ધ્રુવમ્ ॥ 141॥
ધર્માર્થકામમોક્ષાંશ્ચ લભતે નાત્ર સંશયઃ ।
વાઞ્છાસિદ્ધિર્ભવેત્તસ્ય ભક્તિસ્યાત્ પ્રેમલક્ષણ ॥ 142॥
લક્ષ્મીસ્તસ્યવસેત્ગેહે મુખેભાતિસરસ્વતી ।
અન્તકાલેભવેત્તસ્ય રાધાકૃષ્ણેચસંસ્થિતિઃ ॥ 143॥