What is Sakala Janani Stavam?

Read Sakala Janani Stavam in Assamese script — full lyrics with English meaning and transliteration. Sakala Janani Stavam is a hymn of thirty-nine verses addressed to the Divine Mother as the origin of all that lives. Its verses turn on a single recognition: that seekers caught in the knot of her māyā contend with one another and come to ruin until she herself grants the sight that releases them. She is praised as beyond the reach of speech and inference, her radiance likened to the blue lotus, worshipped by Śiva himself. It is recited by those who approach her not for any boon but for refuge, and for the ending of the fever of birth.

Which deity is Sakala Janani Stavam dedicated to?

Sakala Janani Stavam is a Sanskrit hymn dedicated to Goddess Devi.

Sakala Janani Stavam in Assamese – Meaning & Word-by-Word

অজানন্তো যান্তি ক্ষযমৱশমন্যোন্যকলহৈ-
-ৰমী মাযাগ্ৰন্থৌ তৱ পৰিলুঠন্তঃ সমযিনঃ ।
জগন্মাতৰ্জন্মজ্ৱৰভযতমঃ কৌমুদি ৱযং
নমস্তে কুৰ্ৱাণাঃ শৰণমুপযামো ভগৱতীম্ ॥ ১ ॥

ৱচস্তৰ্কাগম্যস্ৱৰসপৰমানন্দৱিভৱ-
-প্ৰবোধাকাৰায দ্যুতিতুলিতনীলোত্পলৰুচে ।
শিৱাদ্যাৰাধ্যায স্তনভৰৱিনম্ৰায সততং
নমস্তস্মৈ কস্মৈচন ভৱতু মুগ্ধায মহসে ॥ ২ ॥

অনাদ্যন্তাভেদপ্ৰণযৰসিকাপি প্ৰণযিনী
শিৱস্যাসীৰ্যত্ত্ৱং পৰিণযৱিধৌ দেৱি গৃহিণী ।
সৱিত্ৰী ভূতানামপি যদুদভূঃ শৈলতনযা
তদেতত্সংসাৰপ্ৰণযনমহানাটকমুখম্ ॥ ৩ ॥

ব্ৰুৱন্ত্যেকে তত্ত্ৱং ভগৱতি সদন্যে ৱিদুৰস-
-ত্পৰে মাতঃ প্ৰাহুস্তৱ সদসদন্যে সুকৱযঃ ।
পৰে নৈতত্সৰ্ৱং সমভিদধতে দেৱি সুধিয-
-স্তদেতত্ত্ৱন্মাযাৱিলসিতমশেষং ননু শিৱে ॥ ৪ ॥

লুঠদ্গুঞ্জাহাৰস্তনভৰনমন্মধ্যলতিকা-
-মুদঞ্চদ্ধৰ্মাম্ভঃ কণগুণিতৱক্ত্ৰাম্বুজৰুচম্ ।
শিৱং পাৰ্থত্ৰাণপ্ৰৱণমৃগযাকাৰগুণিতং
শিৱামন্ৱগ্যান্তীং শৰণমহমন্ৱেমি শবৰীম্ ॥ ৫ ॥

মিথঃ কেশাকেশিপ্ৰথননিধনাস্তৰ্কঘটনাঃ
বহুশ্ৰদ্ধাভক্তিপ্ৰণতিৱিষযাঃ শাস্ত্ৰৱিধযঃ ।
প্ৰসীদ প্ৰত্যক্ষীভৱ গিৰিসুতে দেহি শৰণং
নিৰালম্বং চেতঃ পৰিলুঠতি পাৰিপ্লৱমিদম্ ॥ ৬ ॥

শুনাং ৱা ৱহ্নেৰ্ৱা খগপৰিষদো ৱা যদশনং
কদা কেন ক্ৱেতি ক্ৱচিদপি ন কশ্চিত্কলযতি ।
অমুষ্মিন্ৱিশ্ৱাসং ৱিজহিহি মমাহ্নায ৱপুষি
প্ৰপদ্যেথাশ্চেতঃ সকলজননীমেৱ শৰণম্ ॥ ৭ ॥

তটিত্কোটিজ্যোতিৰ্দ্যুতিদলিতষড্গ্ৰন্থিগহনং
প্ৰৱিষ্টং স্ৱাধাৰং পুনৰপি সুধাৱৃষ্টিৱপুষা ।
কিমপ্যষ্টাৱিংশত্কিৰণসকলীভূতমনিশং
ভজে ধাম শ্যামং কুচভৰনতং বৰ্বৰকচম্ ॥ ৮ ॥

চতুষ্পত্ৰান্তঃ ষড্দলপুটভগান্তস্ত্ৰিৱলয-
-স্ফুৰদ্ৱিদ্যুদ্ৱহ্নিদ্যুমণিনিযুতাভদ্যুতিলতে ।
ষডশ্ৰং ভিত্ত্ৱাদৌ দশদলমথ দ্ৱাদশদলং
কলাশ্ৰং চ দ্ৱ্যশ্ৰং গতৱতি নমস্তে গিৰিসুতে ॥ ৯ ॥

কুলং কেচিত্প্ৰাহুৰ্ৱপুৰকুলমন্যে তৱ বুধাঃ
পৰে তত্সম্ভেদং সমভিদধতে কৌলমপৰে ।
চতুৰ্ণামপ্যেষামুপৰি কিমপি প্ৰাহুৰপৰে
মহামাযে তত্ত্ৱং তৱ কথমমী নিশ্চিনুমহে ॥ ১০ ॥

ষডধ্ৱাৰণ্যানীং প্ৰলযৰৱিকোটিপ্ৰতিৰুচা
ৰুচা ভস্মীকৃত্য স্ৱপদকমলপ্ৰহ্ৱশিৰসাম্ ।
ৱিতন্ৱানঃ শৈৱং কিমপি ৱপুৰিন্দীৱৰৰুচিঃ
কুচাভ্যামানম্ৰস্তৱ পুৰুষকাৰো ৱিজযতে ॥ ১১ ॥

প্ৰকাশানন্দাভ্যামৱিদিতচৰীং মধ্যপদৱীং
প্ৰৱিশ্যৈতদ্দ্ৱন্দ্ৱং ৰৱিশশিসমাখ্যং কবলযন্ ।
প্ৰপদ্যোৰ্ধ্ৱং নাদং লযদহনভস্মীকৃতকুলঃ
প্ৰসাদাত্তে জন্তুঃ শিৱমকুলমম্ব প্ৰৱিশতি ॥ ১২ ॥

মনুষ্যাস্তিৰ্যঞ্চো মৰুত ইতি লোকত্ৰযমিদং
ভৱাম্ভোধৌ মগ্নং ত্ৰিগুণলহৰীকোটিলুঠিতম্ ।
কটাক্ষশ্চেদ্যত্ৰ ক্ৱচন তৱ মাতঃ কৰুণযা
শৰীৰী সদ্যোঽযং ৱ্ৰজতি পৰমানন্দতনুতাম্ ॥ ১৩ ॥

প্ৰিযঙ্গুশ্যামাঙ্গীমৰুণতৰৱাসং কিসলযাং
সমুন্মীলন্মুক্তাফলৱহলনেপথ্যসুভগাম্ ।
স্তনদ্ৱন্দ্ৱস্ফাৰস্তবকনমিতাং কল্পলতিকাং
সকৃদ্ধ্যাযন্তস্ত্ৱাং দধতি শিৱচিন্তামণিপদম্ ॥ ১৪ ॥

ষডাধাৰাৱৰ্তৈৰপৰিমিতমন্ত্ৰোৰ্মিপটলৈঃ
লসন্মুদ্ৰাফেনৈৰ্বহুৱিধলসদ্দৈৱতঝষৈঃ ।
ক্ৰমস্ৰোতোভিস্ত্ৱং ৱহসি পৰনাদামৃতনদী
ভৱানি প্ৰত্যগ্ৰা শিৱচিদমৃতাব্ধিপ্ৰণযিনী ॥ ১৫ ॥

মহীপাথোৱহ্নিশ্ৱসনৱিযদাত্মেন্দুৰৱিভি-
-ৰ্ৱপুৰ্ভিগ্ৰস্তাশৈৰপি তৱ কিযানম্ব মহিমা ।
অমূন্যালোক্যন্তে ভগৱতি ন কুত্ৰাপ্যণুতমা-
-মৱস্থাং প্ৰাপ্তানি ত্ৱযি তু পৰমৱ্যোমৱপুষি ॥ ১৬ ॥

কলামাজ্ঞাং প্ৰজ্ঞাং সমযমনুভূতিং সমৰসং
গুৰুং পাৰম্পৰ্যং ৱিনযমুপদেশং শিৱপদম্ ।
প্ৰমাণং নিৰ্ৱাণং প্ৰকৃতিমভিভূতিং পৰগুহাং
ৱিধিং ৱিদ্যামাহুঃ সকলজননীমেৱ মুনযঃ ॥ ১৭ ॥

প্ৰলীনে শব্দৌঘে তদনু ৱিৰতে বিন্দুৱিভৱে
ততস্তত্ত্ৱে চাষ্টধ্ৱনিভিৰনপাযিন্যধিগতে ।
শ্ৰিতে শাক্তে পৰ্ৱণ্যনুকলিতচিন্মাত্ৰ গহনাং
স্ৱসংৱিত্তিং যোগী ৰসযতি শিৱাখ্যাং ভগৱতীম্ ॥ ১৮ ॥

পৰানন্দাকাৰাং নিৰৱধিশিৱৈশ্ৱৰ্যৱপুষং
নিৰাকাৰাং জ্ঞানপ্ৰকৃতিমপৰিচ্ছিন্নকৰুণাম্ ।
সৱিত্ৰীং লোকানাং নিৰতিশযধামাস্পদপদাং
ভৱো ৱা মোক্ষো ৱা ভৱতু ভৱতীমেৱ ভজতাম্ ॥ ১৯ ॥

জগত্কাযে কৃত্ৱা তদপি হৃদযে তচ্চ পুৰুষে
পুমাংসং বিন্দুস্থং তদপি ৱিযদাখ্যে চ গহনে ।
তদেতদ্জ্ঞানাখ্যে তদপি পৰমানন্দগহনে
মহাৱ্যোমাকাৰে ত্ৱদনুভৱশীলো ৱিজযতে ॥ ২০ ॥

ৱিধে ৱেদ্যে ৱিদ্যে ৱিৱিধসমযে ৱেদগুলিকে
ৱিচিত্ৰে ৱিশ্ৱাদ্যে ৱিনযসুলভে ৱেদজননি ।
শিৱজ্ঞে শূলস্থে শিৱপদৱদান্যে শিৱনিধে
শিৱে মাতৰ্মহ্যং ত্ৱযি ৱিতৰ ভক্তিং নিৰুপমাম্ ॥ ২১ ॥

ৱিধেৰ্মুণ্ডং হৃত্ৱা যদকুৰুত পাত্ৰং কৰতলে
হৰিং শূলপ্ৰোতং যদগমযদংসাভৰণতাম্ ।
অলঞ্চক্ৰে কণ্ঠং যদপি গৰলেনাম্ব গিৰিশঃ
শিৱস্থাযাঃ শক্তেস্তদিদমখিলং তে ৱিলসিতম্ ॥ ২২ ॥

ৱিৰিঞ্চ্যাখ্যা মাতঃ সৃজসি হৰিসঞ্জ্ঞা ত্ৱমৱসি
ত্ৰিলোকীং ৰুদ্ৰাখ্যা হৰসি ৱিদধাসীশ্ৱৰদশাম্ ।
ভৱন্তী নাদাখ্যা ৱিহৰসি চ পাশৌঘদলনী
ত্ৱমেৱৈকাঽনেকা ভৱসি কৃতিভেদৈৰ্গিৰিসুতে ॥ ২৩ ॥

মুনীনাং চেতোভিঃ প্ৰমৃদিতকষাযৈৰপি মনা-
-গশক্যং সংস্প্ৰষ্টুং চকিতচকিতৈৰম্ব সততম্ ।
শ্ৰুতীনাং মূৰ্ধানঃ প্ৰকৃতিকঠিনাঃ কোমলতৰে
কথং তে ৱিন্দন্তে পদকিসলযে পাৰ্ৱতি পদম্ ॥ ২৪ ॥

তটিদ্ৱল্লীং নিত্যামমৃতসৰিতং পাৰৰহিতাং
মলোত্তীৰ্ণাং জ্যোত্স্নাং প্ৰকৃতিমগুণগ্ৰন্থিগহনাম্ ।
গিৰাং দূৰাং ৱিদ্যামৱিনতকুচাং ৱিশ্ৱজননী-
-মপৰ্যন্তাং লক্ষ্মীমভিদধতি সন্তো ভগৱতীম্ ॥ ২৫ ॥

শৰীৰং ক্ষিত্যম্ভঃ প্ৰভৃতিৰচিতং কেৱলমচিত্
সুখং দুঃখং চাযং কলযতি পুমাংশ্চেতন ইতি ।
স্ফুটং জানানোঽপি প্ৰভৱতি ন দেহী ৰহযিতুং
শৰীৰাহঙ্কাৰং তৱ সমযবাহ্যো গিৰিসুতে ॥ ২৬ ॥

পিতা মাতা ভ্ৰাতা সুহৃদনুচৰঃ সদ্ম গৃহিণী
ৱপুঃ ক্ষেত্ৰং মিত্ৰং ধনমপি যদা মাং ৱিজহতি ।
তদা মে ভিন্দানা সপদি ভযমোহান্ধতমসং
মহাজ্যোত্স্নে মাতৰ্ভৱ কৰুণযা সন্নিধিকৰী ॥ ২৭ ॥

সুতা দক্ষস্যাদৌ কিল সকলমাতস্ত্ৱমুদভূঃ
সদোষং তং হিত্ৱা তদনু গিৰিৰাজস্য দুহিতা ।
অনাদ্যন্তা শম্ভোৰপৃথগপি শক্তিৰ্ভগৱতী
ৱিৱাহাজ্জাযাসীত্যহহ চৰিতং ৱেত্তি তৱ কঃ ॥ ২৮ ॥

কণাস্ত্ৱদ্দীপ্তীনাং ৰৱিশশিকৃশানুপ্ৰভৃতযঃ
পৰং ব্ৰহ্ম ক্ষুদ্ৰং তৱ নিযতমানন্দকণিকা ।
শিৱাদি ক্ষিত্যন্তং ত্ৰিৱলযতনোঃ সৰ্ৱমুদৰে
তৱাস্তে ভক্তস্য স্ফুৰসি হৃদি চিত্ৰং ভগৱতি ॥ ২৯ ॥

পুৰঃ পশ্চাদন্তৰ্বহিৰপৰিমেযং পৰিমিতং
পৰং স্থূলং সূক্ষ্মং সকলমকুলং গুহ্যমগুহম্ ।
দৱীযো নেদীযঃ সদসদিতি ৱিশ্ৱং ভগৱতী
সদা পশ্যন্ত্যাখ্যাং ৱহসি ভুৱনক্ষোভজননীম্ ॥ ৩০ ॥

প্ৰৱিশ্য ত্ৱন্মাৰ্গং সহজদযযা দেশিকদৃশা
ষডধ্ৱধ্ৱান্তৌঘচ্ছিদুৰগণনাতীতকৰুণাম্ ।
পৰামাজ্ঞাকাৰাং সপদি শিৱযন্তীং শিৱতনুং
স্ৱমাত্মানং ধন্যাশ্চিৰমুপলভন্তে ভগৱতীম্ ॥ ৩১ ॥

মযূখাঃ পূষ্ণীৱ জ্ৱলন ইৱ তদ্দীপ্তিকণিকাঃ
পযোধৌ কল্লোলাঃ প্ৰতিহতমহিম্নীৱ পৃষতঃ ।
উদেত্যোদেত্যাম্ব ত্ৱযি সহ নিজৈঃ সাত্ত্ৱিকগুণৈ-
-ৰ্ভজন্তে তত্ত্ৱৌঘাঃ প্ৰশমমনুকল্পং পৰৱশাঃ ॥ ৩২ ॥

ৱিধুৰ্ৱিষ্ণুৰ্ব্ৰহ্মা প্ৰকৃতিৰণুৰাত্মা দিনকৰঃ
স্ৱভাৱো জৈনেন্দ্ৰঃ সুগতমুনিৰাকাশমলিনঃ ।
শিৱঃ শক্তিশ্চেতি শ্ৰুতিৱিষযতাং তামুপগতাং
ৱিকল্পৈৰেভিস্ত্ৱামভিদধতি সন্তো ভগৱতীম্ ॥ ৩৩ ॥

শিৱস্ত্ৱং শক্তিস্ত্ৱং ত্ৱমসি সমযা ত্ৱং সমযিনী
ত্ৱমাত্মা ত্ৱং দীক্ষা ত্ৱমযমণিমাদিৰ্গুণগণঃ ।
অৱিদ্যা ত্ৱং ৱিদ্যা ত্ৱমসি নিখিলং ত্ৱং কিমপৰং
পৃথক্তত্ত্ৱং ত্ৱত্তো ভগৱতি ন ৱীক্ষামহ ইমে ॥ ৩৪ ॥

ত্ৱযাসৌ জানীতে ৰচযতি ভৱত্যৈৱ সততং
ত্ৱযৈৱেচ্ছত্যম্ব ত্ৱমসি নিখিলা যস্য তনৱঃ ।
জগত্সাম্যং শম্ভোৰ্ৱহসি পৰমৱ্যোমৱপুষঃ
তথাপ্যৰ্ধং ভূত্ৱা ৱিহৰসি শিৱস্যেতি কিমিদম্ ॥ ৩৫ ॥

অসঙ্খ্যৈঃ প্ৰাচীনৈৰ্জননি জননৈঃ কৰ্মৱিলযা-
-ত্সকৃজ্জন্মন্যন্তে গুৰুৱপুষমাসাদ্য গিৰিশম্ ।
অৱাপ্যাজ্ঞাং শৈৱীং শিৱতনুমপি ত্ৱাং ৱিদিতৱা-
-ন্নযেযং ত্ৱত্পূজাস্তুতিৱিৰচনেনৈৱ দিৱসান্ ॥ ৩৬ ॥

যত্ষট্পত্ৰং কমলমুদিতং তস্য যা কৰ্ণিকাখ্যা
যোনিস্তস্যাঃ প্ৰথিতমুদৰে যত্তদোঙ্কাৰপীঠম্ ।
তস্যাপ্যন্তঃ কুচভৰনতাং কুণ্ডলীতি প্ৰসিদ্ধাং
শ্যামাকাৰাং সকলজননীং সন্ততং ভাৱযামি ॥ ৩৭ ॥

ভুৱি পযসি কৃশানৌ মাৰুতে খে শশাঙ্কে
সৱিতৰি যজমানেঽপ্যষ্টধা শক্তিৰেকা ।
ৱহসি কুচভৰাভ্যাং যাৱনম্ৰাপি ৱিশ্ৱং
সকলজননি সা ত্ৱং পাহি মামিত্যৱাচ্যম্ ॥ ৩৮ ॥

ইতি শ্ৰীকালিদাস ৱিৰচিত পঞ্চস্তৱ্যাং পঞ্চমঃ সকলজননীস্তৱঃ ।

More Devi Stotras

Explore More