শ্ৰীমদ্ৱাল্মীকীয ৰামাযণে বালকাণ্ডম্ ।
অথ প্ৰথমস্সৰ্গঃ ।
তপস্স্ৱাধ্যাযনিৰতং তপস্ৱী ৱাগ্ৱিদাং ৱৰম্ ।
নাৰদং পৰিপপ্ৰচ্ছ ৱাল্মীকিৰ্মুনিপুঙ্গৱম্ ॥ 1 ॥
নাৰদং পৰিপপ্ৰচ্ছ ৱাল্মীকিৰ্মুনিপুঙ্গৱম্ ॥ 1 ॥
কোঽন্ৱস্মিন্সাম্প্ৰতং লোকে গুণৱান্ কশ্চ ৱীৰ্যৱান্ ।
ধৰ্মজ্ঞশ্চ কৃতজ্ঞশ্চ সত্যৱাক্যো দৃঢৱ্ৰতঃ ॥ 2 ॥
ধৰ্মজ্ঞশ্চ কৃতজ্ঞশ্চ সত্যৱাক্যো দৃঢৱ্ৰতঃ ॥ 2 ॥
চাৰিত্ৰেণ চ কো যুক্তঃ সৰ্ৱভূতেষু কো হিতঃ ।
ৱিদ্ৱান্ কঃ কঃ সমৰ্থশ্চ কশ্চৈকপ্ৰিযদৰ্শনঃ ॥ 3 ॥
ৱিদ্ৱান্ কঃ কঃ সমৰ্থশ্চ কশ্চৈকপ্ৰিযদৰ্শনঃ ॥ 3 ॥
আত্মৱান্ কো জিতক্ৰোধো দ্যুতিমান্ কোঽনসূযকঃ ।
কস্য বিভ্যতি দেৱাশ্চ জাতৰোষস্য সংযুগে ॥ 4 ॥
কস্য বিভ্যতি দেৱাশ্চ জাতৰোষস্য সংযুগে ॥ 4 ॥
এতদিচ্ছাম্যহং শ্ৰোতুং পৰং কৌতূহলং হি মে ।
মহৰ্ষে ত্ৱং সমৰ্থোঽসি জ্ঞাতুমেৱংৱিধং নৰম্ ॥ 5 ॥
মহৰ্ষে ত্ৱং সমৰ্থোঽসি জ্ঞাতুমেৱংৱিধং নৰম্ ॥ 5 ॥
শ্ৰুত্ৱা চৈতত্ত্ৰিলোকজ্ঞো ৱাল্মীকেৰ্নাৰদো ৱচঃ ।
শ্ৰূযতামিতি চামন্ত্ৰ্য প্ৰহৃষ্টো ৱাক্যমব্ৰৱীত্ ॥ 6 ॥
শ্ৰূযতামিতি চামন্ত্ৰ্য প্ৰহৃষ্টো ৱাক্যমব্ৰৱীত্ ॥ 6 ॥
বহৱো দুৰ্লভাশ্চৈৱ যে ত্ৱযা কীৰ্তিতা গুণাঃ ।
মুনে ৱক্ষ্যাম্যহং বুদ্ধ্ৱা তৈৰ্যুক্তঃ শ্ৰূযতাং নৰঃ ॥ 7 ॥
মুনে ৱক্ষ্যাম্যহং বুদ্ধ্ৱা তৈৰ্যুক্তঃ শ্ৰূযতাং নৰঃ ॥ 7 ॥
ইক্ষ্ৱাকুৱংশপ্ৰভৱো ৰামো নাম জনৈঃ শ্ৰুতঃ ।
নিযতাত্মা মহাৱীৰ্যো দ্যুতিমান্ ধৃতিমান্ ৱশী ॥ 8 ॥
নিযতাত্মা মহাৱীৰ্যো দ্যুতিমান্ ধৃতিমান্ ৱশী ॥ 8 ॥
বুদ্ধিমান্ নীতিমান্ ৱাগ্মী শ্ৰীমান্ শত্ৰুনিবৰ্হণঃ ।
ৱিপুলাংসো মহাবাহুঃ কম্বুগ্ৰীৱো মহাহনুঃ ॥ 9 ॥
ৱিপুলাংসো মহাবাহুঃ কম্বুগ্ৰীৱো মহাহনুঃ ॥ 9 ॥
মহোৰস্কো মহেষ্ৱাসো গূঢজত্ৰুৰৰিন্দমঃ ।
আজানুবাহুঃ সুশিৰাঃ সুললাটঃ সুৱিক্ৰমঃ ॥ 10 ॥
আজানুবাহুঃ সুশিৰাঃ সুললাটঃ সুৱিক্ৰমঃ ॥ 10 ॥
সমঃ সমৱিভক্তাঙ্গঃ স্নিগ্ধৱৰ্ণঃ প্ৰতাপৱান্ ।
পীনৱক্ষা ৱিশালাক্ষো লক্ষ্মীৱান্ শুভলক্ষণঃ ॥ 11 ॥
পীনৱক্ষা ৱিশালাক্ষো লক্ষ্মীৱান্ শুভলক্ষণঃ ॥ 11 ॥
ধৰ্মজ্ঞঃ সত্যসন্ধশ্চ প্ৰজানাং চ হিতে ৰতঃ ।
যশস্ৱী জ্ঞানসম্পন্নঃ শুচিৰ্ৱশ্যঃ সমাধিমান্ ॥ 12 ॥
যশস্ৱী জ্ঞানসম্পন্নঃ শুচিৰ্ৱশ্যঃ সমাধিমান্ ॥ 12 ॥
প্ৰজাপতিসমঃ শ্ৰীমান্ ধাতা ৰিপুনিষূদনঃ ।
ৰক্ষিতা জীৱলোকস্য ধৰ্মস্য পৰিৰক্ষিতা ॥ 13 ॥
ৰক্ষিতা জীৱলোকস্য ধৰ্মস্য পৰিৰক্ষিতা ॥ 13 ॥
ৰক্ষিতা স্ৱস্য ধৰ্মস্য স্ৱজনস্য চ ৰক্ষিতা ।
ৱেদৱেদাঙ্গতত্ত্ৱজ্ঞো ধনুৰ্ৱেদে চ নিষ্ঠিতঃ ॥ 14 ॥
ৱেদৱেদাঙ্গতত্ত্ৱজ্ঞো ধনুৰ্ৱেদে চ নিষ্ঠিতঃ ॥ 14 ॥
সৰ্ৱশাস্ত্ৰাৰ্থতত্ত্ৱজ্ঞো স্মৃতিমান্প্ৰতিভানৱান্ ।
সৰ্ৱলোকপ্ৰিযঃ সাধুৰদীনাত্মা ৱিচক্ষণঃ ॥ 15 ॥
সৰ্ৱলোকপ্ৰিযঃ সাধুৰদীনাত্মা ৱিচক্ষণঃ ॥ 15 ॥
সৰ্ৱদাভিগতঃ সদ্ভিঃ সমুদ্ৰ ইৱ সিন্ধুভিঃ ।
আৰ্যঃ সৰ্ৱসমশ্চৈৱ সদৈকপ্ৰিযদৰ্শনঃ ॥ 16 ॥
আৰ্যঃ সৰ্ৱসমশ্চৈৱ সদৈকপ্ৰিযদৰ্শনঃ ॥ 16 ॥
স চ সৰ্ৱগুণোপেতঃ কৌসল্যানন্দৱৰ্ধনঃ ।
সমুদ্ৰ ইৱ গাম্ভীৰ্যে ধৈৰ্যেণ হিমৱানিৱ ॥ 17 ॥
সমুদ্ৰ ইৱ গাম্ভীৰ্যে ধৈৰ্যেণ হিমৱানিৱ ॥ 17 ॥
ৱিষ্ণুনা সদৃশো ৱীৰ্যে সোমৱত্প্ৰিযদৰ্শনঃ ।
কালাগ্নিসদৃশঃ ক্ৰোধে ক্ষমযা পৃথিৱীসমঃ ॥ 18 ॥
কালাগ্নিসদৃশঃ ক্ৰোধে ক্ষমযা পৃথিৱীসমঃ ॥ 18 ॥
ধনদেন সমস্ত্যাগে সত্যে ধৰ্ম ইৱাপৰঃ ।
তমেৱং গুণসম্পন্নং ৰামং সত্যপৰাক্ৰমম্ ॥ 19 ॥
তমেৱং গুণসম্পন্নং ৰামং সত্যপৰাক্ৰমম্ ॥ 19 ॥
জ্যেষ্ঠং শ্ৰেষ্ঠগুণৈৰ্যুক্তং প্ৰিযং দশৰথঃ সুতম্ ।
প্ৰকৃতীনাং হিতৈৰ্যুক্তং প্ৰকৃতি প্ৰিয কাম্যযা ॥ 20 ॥
প্ৰকৃতীনাং হিতৈৰ্যুক্তং প্ৰকৃতি প্ৰিয কাম্যযা ॥ 20 ॥
যৌৱৰাজ্যেন সংযোক্তুমৈচ্ছত্প্ৰীত্যা মহীপতিঃ ।
তস্যাভিষেকসম্ভাৰান্ দৃষ্ট্ৱা ভাৰ্যাঽথ কৈকযী ॥ 21 ॥
তস্যাভিষেকসম্ভাৰান্ দৃষ্ট্ৱা ভাৰ্যাঽথ কৈকযী ॥ 21 ॥
পূৰ্ৱং দত্তৱৰা দেৱী ৱৰমেনমযাচত ।
ৱিৱাসনং চ ৰামস্য ভৰতস্যাভিষেচনম্ ॥ 22 ॥
ৱিৱাসনং চ ৰামস্য ভৰতস্যাভিষেচনম্ ॥ 22 ॥
স সত্যৱচনাদ্ৰাজা ধৰ্মপাশেন সংযতঃ ।
ৱিৱাসযামাস সুতং ৰামং দশৰথঃ প্ৰিযম্ ॥ 23 ॥
ৱিৱাসযামাস সুতং ৰামং দশৰথঃ প্ৰিযম্ ॥ 23 ॥
স জগাম ৱনং ৱীৰঃ প্ৰতিজ্ঞামনুপালযন্ ।
পিতুৰ্ৱচননিৰ্দেশাত্কৈকেয্যাঃ প্ৰিযকাৰণাত্ ॥ 24 ॥
পিতুৰ্ৱচননিৰ্দেশাত্কৈকেয্যাঃ প্ৰিযকাৰণাত্ ॥ 24 ॥
তং ৱ্ৰজন্তং প্ৰিযো ভ্ৰাতা লক্ষ্মণোঽনুজগাম হ ।
স্নেহাদ্ৱিনযসম্পন্নঃ সুমিত্ৰানন্দৱৰ্ধনঃ ॥ 25 ॥
স্নেহাদ্ৱিনযসম্পন্নঃ সুমিত্ৰানন্দৱৰ্ধনঃ ॥ 25 ॥
ভ্ৰাতৰং দযিতো ভ্ৰাতুঃ সৌভ্ৰাত্ৰমনুদৰ্শযন্ ।
ৰামস্য দযিতা ভাৰ্যা নিত্যং প্ৰাণসমাহিতা ॥ 26 ॥
ৰামস্য দযিতা ভাৰ্যা নিত্যং প্ৰাণসমাহিতা ॥ 26 ॥
জনকস্য কুলে জাতা দেৱমাযেৱ নিৰ্মিতা ।
সৰ্ৱলক্ষণসম্পন্না নাৰীণামুত্তমা ৱধূঃ ॥ 27 ॥
সৰ্ৱলক্ষণসম্পন্না নাৰীণামুত্তমা ৱধূঃ ॥ 27 ॥
সীতাঽপ্যনুগতা ৰামং শশিনং ৰোহিণী যথা ।
পৌৰৈৰনুগতো দূৰং পিত্ৰা দশৰথেন চ ॥ 28 ॥
পৌৰৈৰনুগতো দূৰং পিত্ৰা দশৰথেন চ ॥ 28 ॥
শৃঙ্গিবেৰপুৰে সূতং গঙ্গাকূলে ৱ্যসৰ্জযত্ ।
গুহমাসাদ্য ধৰ্মাত্মা নিষাদাধিপতিং প্ৰিযম্ ॥ 29 ॥
গুহমাসাদ্য ধৰ্মাত্মা নিষাদাধিপতিং প্ৰিযম্ ॥ 29 ॥
গুহেন সহিতো ৰামঃ লক্ষ্মণেন চ সীতযা ।
তে ৱনেন ৱনং গত্ৱা নদীস্তীৰ্ত্ৱা বহূদকাঃ ॥ 30 ॥
তে ৱনেন ৱনং গত্ৱা নদীস্তীৰ্ত্ৱা বহূদকাঃ ॥ 30 ॥
চিত্ৰকূটমনুপ্ৰাপ্য ভৰদ্ৱাজস্য শাসনাত্ ।
ৰম্যমাৱসথং কৃত্ৱা ৰমমাণা ৱনে ত্ৰযঃ ॥ 31 ॥
ৰম্যমাৱসথং কৃত্ৱা ৰমমাণা ৱনে ত্ৰযঃ ॥ 31 ॥
দেৱগন্ধৰ্ৱসঙ্কাশাস্তত্ৰ তে ন্যৱসন্সুখম্ ।
চিত্ৰকূটং গতে ৰামে পুত্ৰশোকাতুৰস্তথা ॥ 32 ॥
চিত্ৰকূটং গতে ৰামে পুত্ৰশোকাতুৰস্তথা ॥ 32 ॥
ৰাজা দশৰথঃ স্ৱৰ্গং জগাম ৱিলপন্সুতম্ ।
মৃতে তু তস্মিন্ভৰতো ৱসিষ্ঠপ্ৰমুখৈৰ্দ্ৱিজৈঃ ॥ 33 ॥
মৃতে তু তস্মিন্ভৰতো ৱসিষ্ঠপ্ৰমুখৈৰ্দ্ৱিজৈঃ ॥ 33 ॥
নিযুজ্যমানো ৰাজ্যায নৈচ্ছদ্ৰাজ্যং মহাবলঃ ।
স জগাম ৱনং ৱীৰো ৰামপাদপ্ৰসাদকঃ ॥ 34 ॥
স জগাম ৱনং ৱীৰো ৰামপাদপ্ৰসাদকঃ ॥ 34 ॥
গত্ৱা তু স মহাত্মানং ৰামং সত্যপৰাক্ৰমম্ ।
অযাচদ্ভ্ৰাতৰং ৰামং আৰ্যভাৱপুৰস্কৃতঃ ॥ 35 ॥
অযাচদ্ভ্ৰাতৰং ৰামং আৰ্যভাৱপুৰস্কৃতঃ ॥ 35 ॥
ত্ৱমেৱ ৰাজা ধৰ্মজ্ঞ ইতি ৰামং ৱচোঽব্ৰৱীত্ ।
ৰামোঽপি পৰমোদাৰঃ সুমুখস্সুমহাযশাঃ ॥ 36 ॥
ৰামোঽপি পৰমোদাৰঃ সুমুখস্সুমহাযশাঃ ॥ 36 ॥
ন চৈচ্ছত্পিতুৰাদেশাদ্ৰাজ্যং ৰামো মহাবলঃ ।
পাদুকে চাস্য ৰাজ্যায ন্যাসং দত্ত্ৱা পুনঃ পুনঃ ॥ 37 ॥
পাদুকে চাস্য ৰাজ্যায ন্যাসং দত্ত্ৱা পুনঃ পুনঃ ॥ 37 ॥
নিৱৰ্তযামাস ততো ভৰতং ভৰতাগ্ৰজঃ ।
স কামমনৱাপ্যৈৱ ৰামপাদাৱুপস্পৃশন্ ॥ 38 ॥
স কামমনৱাপ্যৈৱ ৰামপাদাৱুপস্পৃশন্ ॥ 38 ॥
নন্দিগ্ৰামেঽকৰোদ্ৰাজ্যং ৰামাগমনকাঙ্ক্ষযা ।
গতে তু ভৰতে শ্ৰীমান্ সত্যসন্ধো জিতেন্দ্ৰিযঃ ॥ 39 ॥
গতে তু ভৰতে শ্ৰীমান্ সত্যসন্ধো জিতেন্দ্ৰিযঃ ॥ 39 ॥
ৰামস্তু পুনৰালক্ষ্য নাগৰস্য জনস্য চ ।
তত্ৰাগমনমেকাগ্ৰো দণ্ডকান্প্ৰৱিৱেশ হ ॥ 40 ॥
তত্ৰাগমনমেকাগ্ৰো দণ্ডকান্প্ৰৱিৱেশ হ ॥ 40 ॥
প্ৰৱিশ্য তু মহাৰণ্যং ৰামো ৰাজীৱলোচনঃ ।
ৱিৰাধং ৰাক্ষসং হত্ৱা শৰভঙ্গং দদৰ্শ হ ॥ 41 ॥
ৱিৰাধং ৰাক্ষসং হত্ৱা শৰভঙ্গং দদৰ্শ হ ॥ 41 ॥
সুতীক্ষ্ণং চাপ্যগস্ত্যং চ অগস্ত্যভ্ৰাতৰং তথা ।
অগস্ত্যৱচনাচ্চৈৱ জগ্ৰাহৈন্দ্ৰং শৰাসনম্ ॥ 42 ॥
অগস্ত্যৱচনাচ্চৈৱ জগ্ৰাহৈন্দ্ৰং শৰাসনম্ ॥ 42 ॥
খড্গং চ পৰমপ্ৰীতস্তূণী চাক্ষযসাযকৌ ।
ৱসতস্তস্য ৰামস্য ৱনে ৱনচৰৈঃ সহ ॥ 43 ॥
ৱসতস্তস্য ৰামস্য ৱনে ৱনচৰৈঃ সহ ॥ 43 ॥
ঋষযোঽভ্যাগমন্সৰ্ৱে ৱধাযাসুৰৰক্ষসাম্ ।
স তেষাং প্ৰতিশুশ্ৰাৱ ৰাক্ষসানাং তথা ৱনে ॥ 44 ॥
স তেষাং প্ৰতিশুশ্ৰাৱ ৰাক্ষসানাং তথা ৱনে ॥ 44 ॥
প্ৰতিজ্ঞাতশ্চ ৰামেণ ৱধঃ সংযতি ৰক্ষসাম্ ।
ঋষীণামগ্নিকল্পানাং দণ্ডকাৰণ্যৱাসিনাম্ ॥ 45 ॥
ঋষীণামগ্নিকল্পানাং দণ্ডকাৰণ্যৱাসিনাম্ ॥ 45 ॥
তেন তত্ৰৈৱ ৱসতা জনস্থাননিৱাসিনী ।
ৱিৰূপিতা শূৰ্পণখা ৰাক্ষসী কামৰূপিণী ॥ 46 ॥
ৱিৰূপিতা শূৰ্পণখা ৰাক্ষসী কামৰূপিণী ॥ 46 ॥
ততঃ শূৰ্পণখাৱাক্যাদুদ্যুক্তান্সৰ্ৱৰাক্ষসান্ ।
খৰং ত্ৰিশিৰসং চৈৱ দূষণং চৈৱ ৰাক্ষসম্ ॥ 47 ॥
খৰং ত্ৰিশিৰসং চৈৱ দূষণং চৈৱ ৰাক্ষসম্ ॥ 47 ॥
নিজঘান ৰণে ৰামস্তেষাং চৈৱ পদানুগান্ ।
ৱনে তস্মিন্নিৱসতা জনস্থাননিৱাসিনাম্ ॥ 48 ॥
ৱনে তস্মিন্নিৱসতা জনস্থাননিৱাসিনাম্ ॥ 48 ॥
ৰক্ষসাং নিহতান্যাসন্সহস্ৰাণি চতুৰ্দশ ।
ততো জ্ঞাতিৱধং শ্ৰুত্ৱা ৰাৱণঃ ক্ৰোধমূৰ্ছিতঃ ॥ 49 ॥
ততো জ্ঞাতিৱধং শ্ৰুত্ৱা ৰাৱণঃ ক্ৰোধমূৰ্ছিতঃ ॥ 49 ॥
সহাযং ৱৰযামাস মাৰীচং নাম ৰাক্ষসম্ ।
ৱাৰ্যমাণঃ সুবহুশো মাৰীচেন স ৰাৱণঃ ॥ 50 ॥
ৱাৰ্যমাণঃ সুবহুশো মাৰীচেন স ৰাৱণঃ ॥ 50 ॥
ন ৱিৰোধো বলৱতা ক্ষমো ৰাৱণ তেন তে ।
অনাদৃত্য তু তদ্ৱাক্যং ৰাৱণঃ কালচোদিতঃ ॥ 51 ॥
অনাদৃত্য তু তদ্ৱাক্যং ৰাৱণঃ কালচোদিতঃ ॥ 51 ॥
জগাম সহমাৰীচঃ তস্যাশ্ৰমপদং তদা ।
তেন মাযাৱিনা দূৰমপৱাহ্য নৃপাত্মজৌ ॥ 52 ॥
তেন মাযাৱিনা দূৰমপৱাহ্য নৃপাত্মজৌ ॥ 52 ॥
জহাৰ ভাৰ্যাং ৰামস্য গৃধ্ৰং হত্ৱা জটাযুষম্ ।
গৃধ্ৰং চ নিহতং দৃষ্ট্ৱা হৃতাং শ্ৰুত্ৱা চ মৈথিলীম্ ॥ 53 ॥
গৃধ্ৰং চ নিহতং দৃষ্ট্ৱা হৃতাং শ্ৰুত্ৱা চ মৈথিলীম্ ॥ 53 ॥
ৰাঘৱঃ শোকসন্তপ্তো ৱিললাপাকুলেন্দ্ৰিযঃ ।
ততস্তেনৈৱ শোকেন গৃধ্ৰং দগ্ধ্ৱা জটাযুষম্ ॥ 54 ॥
ততস্তেনৈৱ শোকেন গৃধ্ৰং দগ্ধ্ৱা জটাযুষম্ ॥ 54 ॥
মাৰ্গমাণো ৱনে সীতাং ৰাক্ষসং সন্দদৰ্শ হ ।
কবন্ধং নাম ৰূপেণ ৱিকৃতং ঘোৰদৰ্শনম্ ॥ 55 ॥
কবন্ধং নাম ৰূপেণ ৱিকৃতং ঘোৰদৰ্শনম্ ॥ 55 ॥
তং নিহত্য মহাবাহুঃ দদাহ স্ৱৰ্গতশ্চ সঃ ।
স চাস্য কথযামাস শবৰীং ধৰ্মচাৰিণীম্ ॥ 56 ॥
স চাস্য কথযামাস শবৰীং ধৰ্মচাৰিণীম্ ॥ 56 ॥
শ্ৰমণীং ধৰ্মনিপুণামভিগচ্ছেতি ৰাঘৱম্ ।
সোঽভ্যগচ্ছন্মহাতেজাঃ শবৰীং শত্ৰুসূদনঃ ॥ 57 ॥
সোঽভ্যগচ্ছন্মহাতেজাঃ শবৰীং শত্ৰুসূদনঃ ॥ 57 ॥
শবৰ্যা পূজিতঃ সম্যগ্ৰামো দশৰথাত্মজঃ ।
পম্পাতীৰে হনুমতা সঙ্গতো ৱানৰেণ হ ॥ 58 ॥
পম্পাতীৰে হনুমতা সঙ্গতো ৱানৰেণ হ ॥ 58 ॥
হনুমদ্ৱচনাচ্চৈৱ সুগ্ৰীৱেণ সমাগতঃ ।
সুগ্ৰীৱায চ তত্সৰ্ৱং শংসদ্ৰামো মহাবলঃ ॥ 59 ॥
সুগ্ৰীৱায চ তত্সৰ্ৱং শংসদ্ৰামো মহাবলঃ ॥ 59 ॥
আদিতস্তদ্যথাৱৃত্তং সীতযাশ্চ ৱিশেষতঃ ।
সুগ্ৰীৱশ্চাপি তত্সৰ্ৱং শ্ৰুত্ৱা ৰামস্য ৱানৰঃ ॥ 60 ॥
সুগ্ৰীৱশ্চাপি তত্সৰ্ৱং শ্ৰুত্ৱা ৰামস্য ৱানৰঃ ॥ 60 ॥
চকাৰ সখ্যং ৰামেণ প্ৰীতশ্চৈৱাগ্নিসাক্ষিকম্ ।
ততো ৱানৰৰাজেন ৱৈৰানুকথনং প্ৰতি ॥ 61 ॥
ততো ৱানৰৰাজেন ৱৈৰানুকথনং প্ৰতি ॥ 61 ॥
ৰামাযাৱেদিতং সৰ্ৱং প্ৰণযাদ্দুঃখিতেন চ ।
প্ৰতিজ্ঞাতং চ ৰামেণ তদা ৱালিৱধং প্ৰতি ॥ 62 ॥
প্ৰতিজ্ঞাতং চ ৰামেণ তদা ৱালিৱধং প্ৰতি ॥ 62 ॥
ৱালিনশ্চ বলং তত্ৰ কথযামাস ৱানৰঃ ।
সুগ্ৰীৱঃ শঙ্কিতশ্চাসীন্নিত্যং ৱীৰ্যেণ ৰাঘৱে ॥ 63 ॥
সুগ্ৰীৱঃ শঙ্কিতশ্চাসীন্নিত্যং ৱীৰ্যেণ ৰাঘৱে ॥ 63 ॥
ৰাঘৱঃ প্ৰত্যযাৰ্থং তু দুন্দুভেঃ কাযমুত্তমম্ ।
দৰ্শযামাস সুগ্ৰীৱো মহাপৰ্ৱত সন্নিভম্ ॥ 64 ॥
দৰ্শযামাস সুগ্ৰীৱো মহাপৰ্ৱত সন্নিভম্ ॥ 64 ॥
উত্স্মযিত্ৱা মহাবাহুঃ প্ৰেক্ষ্য চাস্থি মহাবলঃ ।
পাদাঙ্গুষ্ঠেন চিক্ষেপ সম্পূৰ্ণং দশযোজনম্ ॥ 65 ॥
পাদাঙ্গুষ্ঠেন চিক্ষেপ সম্পূৰ্ণং দশযোজনম্ ॥ 65 ॥
বিভেদ চ পুনঃ সালান্সপ্তৈকেন মহেষুণা ।
গিৰিং ৰসাতলং চৈৱ জনযন্ প্ৰত্যযং তদা ॥ 66 ॥
গিৰিং ৰসাতলং চৈৱ জনযন্ প্ৰত্যযং তদা ॥ 66 ॥
ততঃ প্ৰীতমনাস্তেন ৱিশ্ৱস্তঃ স মহাকপিঃ ।
কিষ্কিন্ধাং ৰামসহিতো জগাম চ গুহাং তদা ॥ 67 ॥
কিষ্কিন্ধাং ৰামসহিতো জগাম চ গুহাং তদা ॥ 67 ॥
ততোঽগৰ্জদ্ধৰিৱৰঃ সুগ্ৰীৱো হেমপিঙ্গলঃ ।
তেন নাদেন মহতা নিৰ্জগাম হৰীশ্ৱৰঃ ॥ 68 ॥
তেন নাদেন মহতা নিৰ্জগাম হৰীশ্ৱৰঃ ॥ 68 ॥
অনুমান্য তদা তাৰাং সুগ্ৰীৱেণ সমাগতঃ ।
নিজঘান চ তত্ৰৈনং শৰেণৈকেন ৰাঘৱঃ ॥ 69 ॥
নিজঘান চ তত্ৰৈনং শৰেণৈকেন ৰাঘৱঃ ॥ 69 ॥
ততঃ সুগ্ৰীৱৱচনাদ্ধত্ৱা ৱালিনমাহৱে ।
সুগ্ৰীৱমেৱ তদ্ৰাজ্যে ৰাঘৱঃ প্ৰত্যপাদযত্ ॥ 70 ॥
সুগ্ৰীৱমেৱ তদ্ৰাজ্যে ৰাঘৱঃ প্ৰত্যপাদযত্ ॥ 70 ॥
স চ সৰ্ৱান্সমানীয ৱানৰান্ৱানৰৰ্ষভঃ ।
দিশঃ প্ৰস্থাপযামাস দিদৃক্ষুৰ্জনকাত্মজাম্ ॥ 71 ॥
দিশঃ প্ৰস্থাপযামাস দিদৃক্ষুৰ্জনকাত্মজাম্ ॥ 71 ॥
ততো গৃধ্ৰস্য ৱচনাত্সম্পাতেৰ্হনুমান্বলী ।
শতযোজনৱিস্তীৰ্ণং পুপ্লুৱে লৱণাৰ্ণৱম্ ॥ 72 ॥
শতযোজনৱিস্তীৰ্ণং পুপ্লুৱে লৱণাৰ্ণৱম্ ॥ 72 ॥
তত্ৰ লঙ্কাং সমাসাদ্য পুৰীং ৰাৱণপালিতাম্ ।
দদৰ্শ সীতাং ধ্যাযন্তীং অশোকৱনিকাং গতাম্ ॥ 73 ॥
দদৰ্শ সীতাং ধ্যাযন্তীং অশোকৱনিকাং গতাম্ ॥ 73 ॥
নিৱেদযিত্ৱাঽভিজ্ঞানং প্ৰৱৃত্তিং চ নিৱেদ্য চ ।
সমাশ্ৱাস্য চ ৱৈদেহীং মৰ্দযামাস তোৰণম্ ॥ 74 ॥
সমাশ্ৱাস্য চ ৱৈদেহীং মৰ্দযামাস তোৰণম্ ॥ 74 ॥
পঞ্চ সেনাগ্ৰগান্হত্ৱা সপ্ত মন্ত্ৰিসুতানপি ।
শূৰমক্ষং চ নিষ্পিষ্য গ্ৰহণং সমুপাগমত্ ॥ 75 ॥
শূৰমক্ষং চ নিষ্পিষ্য গ্ৰহণং সমুপাগমত্ ॥ 75 ॥
অস্ত্ৰেণোন্মুক্তমাত্মানং জ্ঞাত্ৱা পৈতামহাদ্ৱৰাত্ ।
মৰ্ষযন্ৰাক্ষসান্ৱীৰো যন্ত্ৰিণস্তান্যদৃচ্ছযা ॥ 76 ॥
মৰ্ষযন্ৰাক্ষসান্ৱীৰো যন্ত্ৰিণস্তান্যদৃচ্ছযা ॥ 76 ॥
ততো দগ্ধ্ৱা পুৰীং লঙ্কাং ঋতে সীতাং চ মৈথিলীম্ ।
ৰামায প্ৰিযমাখ্যাতুং পুনৰাযান্মহাকপিঃ ॥ 77 ॥
ৰামায প্ৰিযমাখ্যাতুং পুনৰাযান্মহাকপিঃ ॥ 77 ॥
সোঽভিগম্য মহাত্মানং কৃত্ৱা ৰামং প্ৰদক্ষিণম্ ।
ন্যৱেদযদমেযাত্মা দৃষ্টা সীতেতি তত্ত্ৱতঃ ॥ 78 ॥
ন্যৱেদযদমেযাত্মা দৃষ্টা সীতেতি তত্ত্ৱতঃ ॥ 78 ॥
ততঃ সুগ্ৰীৱসহিতো গত্ৱা তীৰং মহোদধেঃ ।
সমুদ্ৰং ক্ষোভযামাস শৰৈৰাদিত্যসন্নিভৈঃ ॥ 79 ॥
সমুদ্ৰং ক্ষোভযামাস শৰৈৰাদিত্যসন্নিভৈঃ ॥ 79 ॥
দৰ্শযামাস চাত্মানং সমুদ্ৰঃ সৰিতাং পতিঃ ।
সমুদ্ৰৱচনাচ্চৈৱ নলং সেতুমকাৰযত্ ॥ 80 ॥
সমুদ্ৰৱচনাচ্চৈৱ নলং সেতুমকাৰযত্ ॥ 80 ॥
তেন গত্ৱা পুৰীং লঙ্কাং হত্ৱা ৰাৱণমাহৱে ।
ৰামঃ সীতামনুপ্ৰাপ্য পৰাং ৱ্ৰীডামুপাগমত্ ॥ 81 ॥
ৰামঃ সীতামনুপ্ৰাপ্য পৰাং ৱ্ৰীডামুপাগমত্ ॥ 81 ॥
তামুৱাচ ততো ৰামঃ পৰুষং জনসংসদি ।
অমৃষ্যমাণা সা সীতা ৱিৱেশ জ্ৱলনং সতী ॥ 82 ॥
অমৃষ্যমাণা সা সীতা ৱিৱেশ জ্ৱলনং সতী ॥ 82 ॥
ততোঽগ্নিৱচনাত্সীতাং জ্ঞাত্ৱা ৱিগতকল্মষাম্ ।
বভৌ ৰামঃ সম্প্ৰহৃষ্টঃ পূজিতঃ সৰ্ৱদৈৱতৈঃ ॥ 83 ॥
বভৌ ৰামঃ সম্প্ৰহৃষ্টঃ পূজিতঃ সৰ্ৱদৈৱতৈঃ ॥ 83 ॥
কৰ্মণা তেন মহতা ত্ৰৈলোক্যং সচৰাচৰম্ ।
সদেৱৰ্ষিগণং তুষ্টং ৰাঘৱস্য মহাত্মনঃ ॥ 84 ॥
সদেৱৰ্ষিগণং তুষ্টং ৰাঘৱস্য মহাত্মনঃ ॥ 84 ॥
অভিষিচ্য চ লঙ্কাযাং ৰাক্ষসেন্দ্ৰং ৱিভীষণম্ ।
কৃতকৃত্যস্তদা ৰামো ৱিজ্ৱৰঃ প্ৰমুমোদ হ ॥ 85 ॥
কৃতকৃত্যস্তদা ৰামো ৱিজ্ৱৰঃ প্ৰমুমোদ হ ॥ 85 ॥
দেৱতাভ্যো ৱৰং প্ৰাপ্য সমুত্থাপ্য চ ৱানৰান্ ।
অযোধ্যাং প্ৰস্থিতো ৰামঃ পুষ্পকেণ সুহৃদ্ৱৃতঃ ॥ 86 ॥
অযোধ্যাং প্ৰস্থিতো ৰামঃ পুষ্পকেণ সুহৃদ্ৱৃতঃ ॥ 86 ॥
ভৰদ্ৱাজাশ্ৰমং গত্ৱা ৰামঃ সত্যপৰাক্ৰমঃ ।
ভৰতস্যান্তিকং ৰামো হনূমন্তং ৱ্যসৰ্জযত্ ॥ 87 ॥
ভৰতস্যান্তিকং ৰামো হনূমন্তং ৱ্যসৰ্জযত্ ॥ 87 ॥
পুনৰাখ্যাযিকাং জল্পন্সুগ্ৰীৱসহিতশ্চ সঃ ।
পুষ্পকং তত্সমাৰুহ্য নন্দিগ্ৰামং যযৌ তদা ॥ 88 ॥
পুষ্পকং তত্সমাৰুহ্য নন্দিগ্ৰামং যযৌ তদা ॥ 88 ॥
নন্দিগ্ৰামে জটাং হিত্ৱা ভ্ৰাতৃভিঃ সহিতোঽনঘঃ ।
ৰামঃ সীতামনুপ্ৰাপ্য ৰাজ্যং পুনৰৱাপ্তৱান্ ॥ 89 ॥
ৰামঃ সীতামনুপ্ৰাপ্য ৰাজ্যং পুনৰৱাপ্তৱান্ ॥ 89 ॥
প্ৰহৃষ্টমুদিতো লোকস্তুষ্টঃ পুষ্টঃ সুধাৰ্মিকঃ ।
নিৰামযো হ্যৰোগশ্চ দুৰ্ভিক্ষ ভযৱৰ্জিতঃ ॥ 90 ॥
নিৰামযো হ্যৰোগশ্চ দুৰ্ভিক্ষ ভযৱৰ্জিতঃ ॥ 90 ॥
ন পুত্ৰমৰণং কিঞ্চিদ্দ্ৰক্ষ্যন্তি পুৰুষাঃ ক্ৱচিত্ ।
নাৰ্যশ্চাৱিধৱা নিত্যং ভৱিষ্যন্তি পতিৱ্ৰতাঃ ॥ 91 ॥
নাৰ্যশ্চাৱিধৱা নিত্যং ভৱিষ্যন্তি পতিৱ্ৰতাঃ ॥ 91 ॥
ন চাগ্নিজং ভযং কিঞ্চিন্নাপ্সু মজ্জন্তি জন্তৱঃ ।
ন ৱাতজং ভযং কিঞ্চিন্নাপি জ্ৱৰকৃতং তথা ॥ 92 ॥
ন ৱাতজং ভযং কিঞ্চিন্নাপি জ্ৱৰকৃতং তথা ॥ 92 ॥
ন চাপি ক্ষুদ্ভযং তত্ৰ ন তস্কৰভযং তথা ।
নগৰাণি চ ৰাষ্ট্ৰাণি ধনধান্যযুতানি চ ॥ 93 ॥
নগৰাণি চ ৰাষ্ট্ৰাণি ধনধান্যযুতানি চ ॥ 93 ॥
নিত্যং প্ৰমুদিতাঃ সৰ্ৱে যথা কৃতযুগে তথা ।
অশ্ৱমেধশতৈৰিষ্ট্ৱা তথা বহুসুৱৰ্ণকৈঃ ॥ 94 ॥
অশ্ৱমেধশতৈৰিষ্ট্ৱা তথা বহুসুৱৰ্ণকৈঃ ॥ 94 ॥
গৱাং কোট্যযুতং দত্ৱা ব্ৰহ্মলোকং প্ৰযাস্যতি ।
অসঙ্খ্যেযং ধনং দত্ৱা ব্ৰাহ্মণেভ্যো মহাযশাঃ ॥ 95 ॥
অসঙ্খ্যেযং ধনং দত্ৱা ব্ৰাহ্মণেভ্যো মহাযশাঃ ॥ 95 ॥
ৰাজৱংশান্ শতগুণান্ স্থাপযিষ্যতি ৰাঘৱঃ ।
চাতুৰ্ৱৰ্ণ্যং চ লোকেঽস্মিন্ স্ৱে স্ৱে ধৰ্মে নিযোক্ষ্যতি ॥ 96 ॥
চাতুৰ্ৱৰ্ণ্যং চ লোকেঽস্মিন্ স্ৱে স্ৱে ধৰ্মে নিযোক্ষ্যতি ॥ 96 ॥
দশৱৰ্ষসহস্ৰাণি দশৱৰ্ষশতানি চ ।
ৰামো ৰাজ্যমুপাসিত্ৱা ব্ৰহ্মলোকং গমিষ্যতি ॥ 97 ॥
ৰামো ৰাজ্যমুপাসিত্ৱা ব্ৰহ্মলোকং গমিষ্যতি ॥ 97 ॥
ইদং পৱিত্ৰং পাপঘ্নং পুণ্যং ৱেদৈশ্চ সম্মিতম্ ।
যঃ পঠেদ্ৰামচৰিতং সৰ্ৱপাপৈঃ প্ৰমুচ্যতে ॥ 98 ॥
যঃ পঠেদ্ৰামচৰিতং সৰ্ৱপাপৈঃ প্ৰমুচ্যতে ॥ 98 ॥
এতদাখ্যানমাযুষ্যং পঠন্ৰামাযণং নৰঃ ।
সপুত্ৰপৌত্ৰঃ সগণঃ প্ৰেত্য স্ৱৰ্গে মহীযতে ॥ 99 ॥
সপুত্ৰপৌত্ৰঃ সগণঃ প্ৰেত্য স্ৱৰ্গে মহীযতে ॥ 99 ॥
পঠন্ দ্ৱিজো ৱাগৃষভত্ৱমীযাত্
স্যাত্ ক্ষত্ৰিযো ভূমিপতিত্ৱমীযাত্ ।
ৱণিগ্জনঃ পণ্যফলত্ৱমীযাত্
জনশ্চ শূদ্ৰোঽপি মহত্ত্ৱমীযাত্ ॥ 100 ॥
স্যাত্ ক্ষত্ৰিযো ভূমিপতিত্ৱমীযাত্ ।
ৱণিগ্জনঃ পণ্যফলত্ৱমীযাত্
জনশ্চ শূদ্ৰোঽপি মহত্ত্ৱমীযাত্ ॥ 100 ॥
ইত্যাৰ্ষে শ্ৰীমদ্ৰামাযণে ৱাল্মীকীযে আদিকাৱ্যে বালকাণ্ডে নাৰদৱাক্যং নাম প্ৰথমঃ সৰ্গঃ ॥