শ্রীমদ্বাল্মীকীয রামাযণে বালকাণ্ডম্ ।
অথ প্রথমস্সর্গঃ ।
তপস্স্বাধ্যাযনিরতং তপস্বী বাগ্বিদাং বরম্ ।
নারদং পরিপপ্রচ্ছ বাল্মীকির্মুনিপুঙ্গবম্ ॥ 1 ॥
নারদং পরিপপ্রচ্ছ বাল্মীকির্মুনিপুঙ্গবম্ ॥ 1 ॥
কোঽন্বস্মিন্সাম্প্রতং লোকে গুণবান্ কশ্চ বীর্যবান্ ।
ধর্মজ্ঞশ্চ কৃতজ্ঞশ্চ সত্যবাক্যো দৃঢব্রতঃ ॥ 2 ॥
ধর্মজ্ঞশ্চ কৃতজ্ঞশ্চ সত্যবাক্যো দৃঢব্রতঃ ॥ 2 ॥
চারিত্রেণ চ কো যুক্তঃ সর্বভূতেষু কো হিতঃ ।
বিদ্বান্ কঃ কঃ সমর্থশ্চ কশ্চৈকপ্রিযদর্শনঃ ॥ 3 ॥
বিদ্বান্ কঃ কঃ সমর্থশ্চ কশ্চৈকপ্রিযদর্শনঃ ॥ 3 ॥
আত্মবান্ কো জিতক্রোধো দ্যুতিমান্ কোঽনসূযকঃ ।
কস্য বিভ্যতি দেবাশ্চ জাতরোষস্য সংযুগে ॥ 4 ॥
কস্য বিভ্যতি দেবাশ্চ জাতরোষস্য সংযুগে ॥ 4 ॥
এতদিচ্ছাম্যহং শ্রোতুং পরং কৌতূহলং হি মে ।
মহর্ষে ত্বং সমর্থোঽসি জ্ঞাতুমেবংবিধং নরম্ ॥ 5 ॥
মহর্ষে ত্বং সমর্থোঽসি জ্ঞাতুমেবংবিধং নরম্ ॥ 5 ॥
শ্রুত্বা চৈতত্ত্রিলোকজ্ঞো বাল্মীকের্নারদো বচঃ ।
শ্রূযতামিতি চামন্ত্র্য প্রহৃষ্টো বাক্যমব্রবীত্ ॥ 6 ॥
শ্রূযতামিতি চামন্ত্র্য প্রহৃষ্টো বাক্যমব্রবীত্ ॥ 6 ॥
বহবো দুর্লভাশ্চৈব যে ত্বযা কীর্তিতা গুণাঃ ।
মুনে বক্ষ্যাম্যহং বুদ্ধ্বা তৈর্যুক্তঃ শ্রূযতাং নরঃ ॥ 7 ॥
মুনে বক্ষ্যাম্যহং বুদ্ধ্বা তৈর্যুক্তঃ শ্রূযতাং নরঃ ॥ 7 ॥
ইক্ষ্বাকুবংশপ্রভবো রামো নাম জনৈঃ শ্রুতঃ ।
নিযতাত্মা মহাবীর্যো দ্যুতিমান্ ধৃতিমান্ বশী ॥ 8 ॥
নিযতাত্মা মহাবীর্যো দ্যুতিমান্ ধৃতিমান্ বশী ॥ 8 ॥
বুদ্ধিমান্ নীতিমান্ বাগ্মী শ্রীমান্ শত্রুনিবর্হণঃ ।
বিপুলাংসো মহাবাহুঃ কম্বুগ্রীবো মহাহনুঃ ॥ 9 ॥
বিপুলাংসো মহাবাহুঃ কম্বুগ্রীবো মহাহনুঃ ॥ 9 ॥
মহোরস্কো মহেষ্বাসো গূঢজত্রুররিন্দমঃ ।
আজানুবাহুঃ সুশিরাঃ সুললাটঃ সুবিক্রমঃ ॥ 10 ॥
আজানুবাহুঃ সুশিরাঃ সুললাটঃ সুবিক্রমঃ ॥ 10 ॥
সমঃ সমবিভক্তাঙ্গঃ স্নিগ্ধবর্ণঃ প্রতাপবান্ ।
পীনবক্ষা বিশালাক্ষো লক্ষ্মীবান্ শুভলক্ষণঃ ॥ 11 ॥
পীনবক্ষা বিশালাক্ষো লক্ষ্মীবান্ শুভলক্ষণঃ ॥ 11 ॥
ধর্মজ্ঞঃ সত্যসন্ধশ্চ প্রজানাং চ হিতে রতঃ ।
যশস্বী জ্ঞানসম্পন্নঃ শুচির্বশ্যঃ সমাধিমান্ ॥ 12 ॥
যশস্বী জ্ঞানসম্পন্নঃ শুচির্বশ্যঃ সমাধিমান্ ॥ 12 ॥
প্রজাপতিসমঃ শ্রীমান্ ধাতা রিপুনিষূদনঃ ।
রক্ষিতা জীবলোকস্য ধর্মস্য পরিরক্ষিতা ॥ 13 ॥
রক্ষিতা জীবলোকস্য ধর্মস্য পরিরক্ষিতা ॥ 13 ॥
রক্ষিতা স্বস্য ধর্মস্য স্বজনস্য চ রক্ষিতা ।
বেদবেদাঙ্গতত্ত্বজ্ঞো ধনুর্বেদে চ নিষ্ঠিতঃ ॥ 14 ॥
বেদবেদাঙ্গতত্ত্বজ্ঞো ধনুর্বেদে চ নিষ্ঠিতঃ ॥ 14 ॥
সর্বশাস্ত্রার্থতত্ত্বজ্ঞো স্মৃতিমান্প্রতিভানবান্ ।
সর্বলোকপ্রিযঃ সাধুরদীনাত্মা বিচক্ষণঃ ॥ 15 ॥
সর্বলোকপ্রিযঃ সাধুরদীনাত্মা বিচক্ষণঃ ॥ 15 ॥
সর্বদাভিগতঃ সদ্ভিঃ সমুদ্র ইব সিন্ধুভিঃ ।
আর্যঃ সর্বসমশ্চৈব সদৈকপ্রিযদর্শনঃ ॥ 16 ॥
আর্যঃ সর্বসমশ্চৈব সদৈকপ্রিযদর্শনঃ ॥ 16 ॥
স চ সর্বগুণোপেতঃ কৌসল্যানন্দবর্ধনঃ ।
সমুদ্র ইব গাম্ভীর্যে ধৈর্যেণ হিমবানিব ॥ 17 ॥
সমুদ্র ইব গাম্ভীর্যে ধৈর্যেণ হিমবানিব ॥ 17 ॥
বিষ্ণুনা সদৃশো বীর্যে সোমবত্প্রিযদর্শনঃ ।
কালাগ্নিসদৃশঃ ক্রোধে ক্ষমযা পৃথিবীসমঃ ॥ 18 ॥
কালাগ্নিসদৃশঃ ক্রোধে ক্ষমযা পৃথিবীসমঃ ॥ 18 ॥
ধনদেন সমস্ত্যাগে সত্যে ধর্ম ইবাপরঃ ।
তমেবং গুণসম্পন্নং রামং সত্যপরাক্রমম্ ॥ 19 ॥
তমেবং গুণসম্পন্নং রামং সত্যপরাক্রমম্ ॥ 19 ॥
জ্যেষ্ঠং শ্রেষ্ঠগুণৈর্যুক্তং প্রিযং দশরথঃ সুতম্ ।
প্রকৃতীনাং হিতৈর্যুক্তং প্রকৃতি প্রিয কাম্যযা ॥ 20 ॥
প্রকৃতীনাং হিতৈর্যুক্তং প্রকৃতি প্রিয কাম্যযা ॥ 20 ॥
যৌবরাজ্যেন সংযোক্তুমৈচ্ছত্প্রীত্যা মহীপতিঃ ।
তস্যাভিষেকসম্ভারান্ দৃষ্ট্বা ভার্যাঽথ কৈকযী ॥ 21 ॥
তস্যাভিষেকসম্ভারান্ দৃষ্ট্বা ভার্যাঽথ কৈকযী ॥ 21 ॥
পূর্বং দত্তবরা দেবী বরমেনমযাচত ।
বিবাসনং চ রামস্য ভরতস্যাভিষেচনম্ ॥ 22 ॥
বিবাসনং চ রামস্য ভরতস্যাভিষেচনম্ ॥ 22 ॥
স সত্যবচনাদ্রাজা ধর্মপাশেন সংযতঃ ।
বিবাসযামাস সুতং রামং দশরথঃ প্রিযম্ ॥ 23 ॥
বিবাসযামাস সুতং রামং দশরথঃ প্রিযম্ ॥ 23 ॥
স জগাম বনং বীরঃ প্রতিজ্ঞামনুপালযন্ ।
পিতুর্বচননির্দেশাত্কৈকেয্যাঃ প্রিযকারণাত্ ॥ 24 ॥
পিতুর্বচননির্দেশাত্কৈকেয্যাঃ প্রিযকারণাত্ ॥ 24 ॥
তং ব্রজন্তং প্রিযো ভ্রাতা লক্ষ্মণোঽনুজগাম হ ।
স্নেহাদ্বিনযসম্পন্নঃ সুমিত্রানন্দবর্ধনঃ ॥ 25 ॥
স্নেহাদ্বিনযসম্পন্নঃ সুমিত্রানন্দবর্ধনঃ ॥ 25 ॥
ভ্রাতরং দযিতো ভ্রাতুঃ সৌভ্রাত্রমনুদর্শযন্ ।
রামস্য দযিতা ভার্যা নিত্যং প্রাণসমাহিতা ॥ 26 ॥
রামস্য দযিতা ভার্যা নিত্যং প্রাণসমাহিতা ॥ 26 ॥
জনকস্য কুলে জাতা দেবমাযেব নির্মিতা ।
সর্বলক্ষণসম্পন্না নারীণামুত্তমা বধূঃ ॥ 27 ॥
সর্বলক্ষণসম্পন্না নারীণামুত্তমা বধূঃ ॥ 27 ॥
সীতাঽপ্যনুগতা রামং শশিনং রোহিণী যথা ।
পৌরৈরনুগতো দূরং পিত্রা দশরথেন চ ॥ 28 ॥
পৌরৈরনুগতো দূরং পিত্রা দশরথেন চ ॥ 28 ॥
শৃঙ্গিবেরপুরে সূতং গঙ্গাকূলে ব্যসর্জযত্ ।
গুহমাসাদ্য ধর্মাত্মা নিষাদাধিপতিং প্রিযম্ ॥ 29 ॥
গুহমাসাদ্য ধর্মাত্মা নিষাদাধিপতিং প্রিযম্ ॥ 29 ॥
গুহেন সহিতো রামঃ লক্ষ্মণেন চ সীতযা ।
তে বনেন বনং গত্বা নদীস্তীর্ত্বা বহূদকাঃ ॥ 30 ॥
তে বনেন বনং গত্বা নদীস্তীর্ত্বা বহূদকাঃ ॥ 30 ॥
চিত্রকূটমনুপ্রাপ্য ভরদ্বাজস্য শাসনাত্ ।
রম্যমাবসথং কৃত্বা রমমাণা বনে ত্রযঃ ॥ 31 ॥
রম্যমাবসথং কৃত্বা রমমাণা বনে ত্রযঃ ॥ 31 ॥
দেবগন্ধর্বসঙ্কাশাস্তত্র তে ন্যবসন্সুখম্ ।
চিত্রকূটং গতে রামে পুত্রশোকাতুরস্তথা ॥ 32 ॥
চিত্রকূটং গতে রামে পুত্রশোকাতুরস্তথা ॥ 32 ॥
রাজা দশরথঃ স্বর্গং জগাম বিলপন্সুতম্ ।
মৃতে তু তস্মিন্ভরতো বসিষ্ঠপ্রমুখৈর্দ্বিজৈঃ ॥ 33 ॥
মৃতে তু তস্মিন্ভরতো বসিষ্ঠপ্রমুখৈর্দ্বিজৈঃ ॥ 33 ॥
নিযুজ্যমানো রাজ্যায নৈচ্ছদ্রাজ্যং মহাবলঃ ।
স জগাম বনং বীরো রামপাদপ্রসাদকঃ ॥ 34 ॥
স জগাম বনং বীরো রামপাদপ্রসাদকঃ ॥ 34 ॥
গত্বা তু স মহাত্মানং রামং সত্যপরাক্রমম্ ।
অযাচদ্ভ্রাতরং রামং আর্যভাবপুরস্কৃতঃ ॥ 35 ॥
অযাচদ্ভ্রাতরং রামং আর্যভাবপুরস্কৃতঃ ॥ 35 ॥
ত্বমেব রাজা ধর্মজ্ঞ ইতি রামং বচোঽব্রবীত্ ।
রামোঽপি পরমোদারঃ সুমুখস্সুমহাযশাঃ ॥ 36 ॥
রামোঽপি পরমোদারঃ সুমুখস্সুমহাযশাঃ ॥ 36 ॥
ন চৈচ্ছত্পিতুরাদেশাদ্রাজ্যং রামো মহাবলঃ ।
পাদুকে চাস্য রাজ্যায ন্যাসং দত্ত্বা পুনঃ পুনঃ ॥ 37 ॥
পাদুকে চাস্য রাজ্যায ন্যাসং দত্ত্বা পুনঃ পুনঃ ॥ 37 ॥
নিবর্তযামাস ততো ভরতং ভরতাগ্রজঃ ।
স কামমনবাপ্যৈব রামপাদাবুপস্পৃশন্ ॥ 38 ॥
স কামমনবাপ্যৈব রামপাদাবুপস্পৃশন্ ॥ 38 ॥
নন্দিগ্রামেঽকরোদ্রাজ্যং রামাগমনকাঙ্ক্ষযা ।
গতে তু ভরতে শ্রীমান্ সত্যসন্ধো জিতেন্দ্রিযঃ ॥ 39 ॥
গতে তু ভরতে শ্রীমান্ সত্যসন্ধো জিতেন্দ্রিযঃ ॥ 39 ॥
রামস্তু পুনরালক্ষ্য নাগরস্য জনস্য চ ।
তত্রাগমনমেকাগ্রো দণ্ডকান্প্রবিবেশ হ ॥ 40 ॥
তত্রাগমনমেকাগ্রো দণ্ডকান্প্রবিবেশ হ ॥ 40 ॥
প্রবিশ্য তু মহারণ্যং রামো রাজীবলোচনঃ ।
বিরাধং রাক্ষসং হত্বা শরভঙ্গং দদর্শ হ ॥ 41 ॥
বিরাধং রাক্ষসং হত্বা শরভঙ্গং দদর্শ হ ॥ 41 ॥
সুতীক্ষ্ণং চাপ্যগস্ত্যং চ অগস্ত্যভ্রাতরং তথা ।
অগস্ত্যবচনাচ্চৈব জগ্রাহৈন্দ্রং শরাসনম্ ॥ 42 ॥
অগস্ত্যবচনাচ্চৈব জগ্রাহৈন্দ্রং শরাসনম্ ॥ 42 ॥
খড্গং চ পরমপ্রীতস্তূণী চাক্ষযসাযকৌ ।
বসতস্তস্য রামস্য বনে বনচরৈঃ সহ ॥ 43 ॥
বসতস্তস্য রামস্য বনে বনচরৈঃ সহ ॥ 43 ॥
ঋষযোঽভ্যাগমন্সর্বে বধাযাসুররক্ষসাম্ ।
স তেষাং প্রতিশুশ্রাব রাক্ষসানাং তথা বনে ॥ 44 ॥
স তেষাং প্রতিশুশ্রাব রাক্ষসানাং তথা বনে ॥ 44 ॥
প্রতিজ্ঞাতশ্চ রামেণ বধঃ সংযতি রক্ষসাম্ ।
ঋষীণামগ্নিকল্পানাং দণ্ডকারণ্যবাসিনাম্ ॥ 45 ॥
ঋষীণামগ্নিকল্পানাং দণ্ডকারণ্যবাসিনাম্ ॥ 45 ॥
তেন তত্রৈব বসতা জনস্থাননিবাসিনী ।
বিরূপিতা শূর্পণখা রাক্ষসী কামরূপিণী ॥ 46 ॥
বিরূপিতা শূর্পণখা রাক্ষসী কামরূপিণী ॥ 46 ॥
ততঃ শূর্পণখাবাক্যাদুদ্যুক্তান্সর্বরাক্ষসান্ ।
খরং ত্রিশিরসং চৈব দূষণং চৈব রাক্ষসম্ ॥ 47 ॥
খরং ত্রিশিরসং চৈব দূষণং চৈব রাক্ষসম্ ॥ 47 ॥
নিজঘান রণে রামস্তেষাং চৈব পদানুগান্ ।
বনে তস্মিন্নিবসতা জনস্থাননিবাসিনাম্ ॥ 48 ॥
বনে তস্মিন্নিবসতা জনস্থাননিবাসিনাম্ ॥ 48 ॥
রক্ষসাং নিহতান্যাসন্সহস্রাণি চতুর্দশ ।
ততো জ্ঞাতিবধং শ্রুত্বা রাবণঃ ক্রোধমূর্ছিতঃ ॥ 49 ॥
ততো জ্ঞাতিবধং শ্রুত্বা রাবণঃ ক্রোধমূর্ছিতঃ ॥ 49 ॥
সহাযং বরযামাস মারীচং নাম রাক্ষসম্ ।
বার্যমাণঃ সুবহুশো মারীচেন স রাবণঃ ॥ 50 ॥
বার্যমাণঃ সুবহুশো মারীচেন স রাবণঃ ॥ 50 ॥
ন বিরোধো বলবতা ক্ষমো রাবণ তেন তে ।
অনাদৃত্য তু তদ্বাক্যং রাবণঃ কালচোদিতঃ ॥ 51 ॥
অনাদৃত্য তু তদ্বাক্যং রাবণঃ কালচোদিতঃ ॥ 51 ॥
জগাম সহমারীচঃ তস্যাশ্রমপদং তদা ।
তেন মাযাবিনা দূরমপবাহ্য নৃপাত্মজৌ ॥ 52 ॥
তেন মাযাবিনা দূরমপবাহ্য নৃপাত্মজৌ ॥ 52 ॥
জহার ভার্যাং রামস্য গৃধ্রং হত্বা জটাযুষম্ ।
গৃধ্রং চ নিহতং দৃষ্ট্বা হৃতাং শ্রুত্বা চ মৈথিলীম্ ॥ 53 ॥
গৃধ্রং চ নিহতং দৃষ্ট্বা হৃতাং শ্রুত্বা চ মৈথিলীম্ ॥ 53 ॥
রাঘবঃ শোকসন্তপ্তো বিললাপাকুলেন্দ্রিযঃ ।
ততস্তেনৈব শোকেন গৃধ্রং দগ্ধ্বা জটাযুষম্ ॥ 54 ॥
ততস্তেনৈব শোকেন গৃধ্রং দগ্ধ্বা জটাযুষম্ ॥ 54 ॥
মার্গমাণো বনে সীতাং রাক্ষসং সন্দদর্শ হ ।
কবন্ধং নাম রূপেণ বিকৃতং ঘোরদর্শনম্ ॥ 55 ॥
কবন্ধং নাম রূপেণ বিকৃতং ঘোরদর্শনম্ ॥ 55 ॥
তং নিহত্য মহাবাহুঃ দদাহ স্বর্গতশ্চ সঃ ।
স চাস্য কথযামাস শবরীং ধর্মচারিণীম্ ॥ 56 ॥
স চাস্য কথযামাস শবরীং ধর্মচারিণীম্ ॥ 56 ॥
শ্রমণীং ধর্মনিপুণামভিগচ্ছেতি রাঘবম্ ।
সোঽভ্যগচ্ছন্মহাতেজাঃ শবরীং শত্রুসূদনঃ ॥ 57 ॥
সোঽভ্যগচ্ছন্মহাতেজাঃ শবরীং শত্রুসূদনঃ ॥ 57 ॥
শবর্যা পূজিতঃ সম্যগ্রামো দশরথাত্মজঃ ।
পম্পাতীরে হনুমতা সঙ্গতো বানরেণ হ ॥ 58 ॥
পম্পাতীরে হনুমতা সঙ্গতো বানরেণ হ ॥ 58 ॥
হনুমদ্বচনাচ্চৈব সুগ্রীবেণ সমাগতঃ ।
সুগ্রীবায চ তত্সর্বং শংসদ্রামো মহাবলঃ ॥ 59 ॥
সুগ্রীবায চ তত্সর্বং শংসদ্রামো মহাবলঃ ॥ 59 ॥
আদিতস্তদ্যথাবৃত্তং সীতযাশ্চ বিশেষতঃ ।
সুগ্রীবশ্চাপি তত্সর্বং শ্রুত্বা রামস্য বানরঃ ॥ 60 ॥
সুগ্রীবশ্চাপি তত্সর্বং শ্রুত্বা রামস্য বানরঃ ॥ 60 ॥
চকার সখ্যং রামেণ প্রীতশ্চৈবাগ্নিসাক্ষিকম্ ।
ততো বানররাজেন বৈরানুকথনং প্রতি ॥ 61 ॥
ততো বানররাজেন বৈরানুকথনং প্রতি ॥ 61 ॥
রামাযাবেদিতং সর্বং প্রণযাদ্দুঃখিতেন চ ।
প্রতিজ্ঞাতং চ রামেণ তদা বালিবধং প্রতি ॥ 62 ॥
প্রতিজ্ঞাতং চ রামেণ তদা বালিবধং প্রতি ॥ 62 ॥
বালিনশ্চ বলং তত্র কথযামাস বানরঃ ।
সুগ্রীবঃ শঙ্কিতশ্চাসীন্নিত্যং বীর্যেণ রাঘবে ॥ 63 ॥
সুগ্রীবঃ শঙ্কিতশ্চাসীন্নিত্যং বীর্যেণ রাঘবে ॥ 63 ॥
রাঘবঃ প্রত্যযার্থং তু দুন্দুভেঃ কাযমুত্তমম্ ।
দর্শযামাস সুগ্রীবো মহাপর্বত সন্নিভম্ ॥ 64 ॥
দর্শযামাস সুগ্রীবো মহাপর্বত সন্নিভম্ ॥ 64 ॥
উত্স্মযিত্বা মহাবাহুঃ প্রেক্ষ্য চাস্থি মহাবলঃ ।
পাদাঙ্গুষ্ঠেন চিক্ষেপ সম্পূর্ণং দশযোজনম্ ॥ 65 ॥
পাদাঙ্গুষ্ঠেন চিক্ষেপ সম্পূর্ণং দশযোজনম্ ॥ 65 ॥
বিভেদ চ পুনঃ সালান্সপ্তৈকেন মহেষুণা ।
গিরিং রসাতলং চৈব জনযন্ প্রত্যযং তদা ॥ 66 ॥
গিরিং রসাতলং চৈব জনযন্ প্রত্যযং তদা ॥ 66 ॥
ততঃ প্রীতমনাস্তেন বিশ্বস্তঃ স মহাকপিঃ ।
কিষ্কিন্ধাং রামসহিতো জগাম চ গুহাং তদা ॥ 67 ॥
কিষ্কিন্ধাং রামসহিতো জগাম চ গুহাং তদা ॥ 67 ॥
ততোঽগর্জদ্ধরিবরঃ সুগ্রীবো হেমপিঙ্গলঃ ।
তেন নাদেন মহতা নির্জগাম হরীশ্বরঃ ॥ 68 ॥
তেন নাদেন মহতা নির্জগাম হরীশ্বরঃ ॥ 68 ॥
অনুমান্য তদা তারাং সুগ্রীবেণ সমাগতঃ ।
নিজঘান চ তত্রৈনং শরেণৈকেন রাঘবঃ ॥ 69 ॥
নিজঘান চ তত্রৈনং শরেণৈকেন রাঘবঃ ॥ 69 ॥
ততঃ সুগ্রীববচনাদ্ধত্বা বালিনমাহবে ।
সুগ্রীবমেব তদ্রাজ্যে রাঘবঃ প্রত্যপাদযত্ ॥ 70 ॥
সুগ্রীবমেব তদ্রাজ্যে রাঘবঃ প্রত্যপাদযত্ ॥ 70 ॥
স চ সর্বান্সমানীয বানরান্বানরর্ষভঃ ।
দিশঃ প্রস্থাপযামাস দিদৃক্ষুর্জনকাত্মজাম্ ॥ 71 ॥
দিশঃ প্রস্থাপযামাস দিদৃক্ষুর্জনকাত্মজাম্ ॥ 71 ॥
ততো গৃধ্রস্য বচনাত্সম্পাতের্হনুমান্বলী ।
শতযোজনবিস্তীর্ণং পুপ্লুবে লবণার্ণবম্ ॥ 72 ॥
শতযোজনবিস্তীর্ণং পুপ্লুবে লবণার্ণবম্ ॥ 72 ॥
তত্র লঙ্কাং সমাসাদ্য পুরীং রাবণপালিতাম্ ।
দদর্শ সীতাং ধ্যাযন্তীং অশোকবনিকাং গতাম্ ॥ 73 ॥
দদর্শ সীতাং ধ্যাযন্তীং অশোকবনিকাং গতাম্ ॥ 73 ॥
নিবেদযিত্বাঽভিজ্ঞানং প্রবৃত্তিং চ নিবেদ্য চ ।
সমাশ্বাস্য চ বৈদেহীং মর্দযামাস তোরণম্ ॥ 74 ॥
সমাশ্বাস্য চ বৈদেহীং মর্দযামাস তোরণম্ ॥ 74 ॥
পঞ্চ সেনাগ্রগান্হত্বা সপ্ত মন্ত্রিসুতানপি ।
শূরমক্ষং চ নিষ্পিষ্য গ্রহণং সমুপাগমত্ ॥ 75 ॥
শূরমক্ষং চ নিষ্পিষ্য গ্রহণং সমুপাগমত্ ॥ 75 ॥
অস্ত্রেণোন্মুক্তমাত্মানং জ্ঞাত্বা পৈতামহাদ্বরাত্ ।
মর্ষযন্রাক্ষসান্বীরো যন্ত্রিণস্তান্যদৃচ্ছযা ॥ 76 ॥
মর্ষযন্রাক্ষসান্বীরো যন্ত্রিণস্তান্যদৃচ্ছযা ॥ 76 ॥
ততো দগ্ধ্বা পুরীং লঙ্কাং ঋতে সীতাং চ মৈথিলীম্ ।
রামায প্রিযমাখ্যাতুং পুনরাযান্মহাকপিঃ ॥ 77 ॥
রামায প্রিযমাখ্যাতুং পুনরাযান্মহাকপিঃ ॥ 77 ॥
সোঽভিগম্য মহাত্মানং কৃত্বা রামং প্রদক্ষিণম্ ।
ন্যবেদযদমেযাত্মা দৃষ্টা সীতেতি তত্ত্বতঃ ॥ 78 ॥
ন্যবেদযদমেযাত্মা দৃষ্টা সীতেতি তত্ত্বতঃ ॥ 78 ॥
ততঃ সুগ্রীবসহিতো গত্বা তীরং মহোদধেঃ ।
সমুদ্রং ক্ষোভযামাস শরৈরাদিত্যসন্নিভৈঃ ॥ 79 ॥
সমুদ্রং ক্ষোভযামাস শরৈরাদিত্যসন্নিভৈঃ ॥ 79 ॥
দর্শযামাস চাত্মানং সমুদ্রঃ সরিতাং পতিঃ ।
সমুদ্রবচনাচ্চৈব নলং সেতুমকারযত্ ॥ 80 ॥
সমুদ্রবচনাচ্চৈব নলং সেতুমকারযত্ ॥ 80 ॥
তেন গত্বা পুরীং লঙ্কাং হত্বা রাবণমাহবে ।
রামঃ সীতামনুপ্রাপ্য পরাং ব্রীডামুপাগমত্ ॥ 81 ॥
রামঃ সীতামনুপ্রাপ্য পরাং ব্রীডামুপাগমত্ ॥ 81 ॥
তামুবাচ ততো রামঃ পরুষং জনসংসদি ।
অমৃষ্যমাণা সা সীতা বিবেশ জ্বলনং সতী ॥ 82 ॥
অমৃষ্যমাণা সা সীতা বিবেশ জ্বলনং সতী ॥ 82 ॥
ততোঽগ্নিবচনাত্সীতাং জ্ঞাত্বা বিগতকল্মষাম্ ।
বভৌ রামঃ সম্প্রহৃষ্টঃ পূজিতঃ সর্বদৈবতৈঃ ॥ 83 ॥
বভৌ রামঃ সম্প্রহৃষ্টঃ পূজিতঃ সর্বদৈবতৈঃ ॥ 83 ॥
কর্মণা তেন মহতা ত্রৈলোক্যং সচরাচরম্ ।
সদেবর্ষিগণং তুষ্টং রাঘবস্য মহাত্মনঃ ॥ 84 ॥
সদেবর্ষিগণং তুষ্টং রাঘবস্য মহাত্মনঃ ॥ 84 ॥
অভিষিচ্য চ লঙ্কাযাং রাক্ষসেন্দ্রং বিভীষণম্ ।
কৃতকৃত্যস্তদা রামো বিজ্বরঃ প্রমুমোদ হ ॥ 85 ॥
কৃতকৃত্যস্তদা রামো বিজ্বরঃ প্রমুমোদ হ ॥ 85 ॥
দেবতাভ্যো বরং প্রাপ্য সমুত্থাপ্য চ বানরান্ ।
অযোধ্যাং প্রস্থিতো রামঃ পুষ্পকেণ সুহৃদ্বৃতঃ ॥ 86 ॥
অযোধ্যাং প্রস্থিতো রামঃ পুষ্পকেণ সুহৃদ্বৃতঃ ॥ 86 ॥
ভরদ্বাজাশ্রমং গত্বা রামঃ সত্যপরাক্রমঃ ।
ভরতস্যান্তিকং রামো হনূমন্তং ব্যসর্জযত্ ॥ 87 ॥
ভরতস্যান্তিকং রামো হনূমন্তং ব্যসর্জযত্ ॥ 87 ॥
পুনরাখ্যাযিকাং জল্পন্সুগ্রীবসহিতশ্চ সঃ ।
পুষ্পকং তত্সমারুহ্য নন্দিগ্রামং যযৌ তদা ॥ 88 ॥
পুষ্পকং তত্সমারুহ্য নন্দিগ্রামং যযৌ তদা ॥ 88 ॥
নন্দিগ্রামে জটাং হিত্বা ভ্রাতৃভিঃ সহিতোঽনঘঃ ।
রামঃ সীতামনুপ্রাপ্য রাজ্যং পুনরবাপ্তবান্ ॥ 89 ॥
রামঃ সীতামনুপ্রাপ্য রাজ্যং পুনরবাপ্তবান্ ॥ 89 ॥
প্রহৃষ্টমুদিতো লোকস্তুষ্টঃ পুষ্টঃ সুধার্মিকঃ ।
নিরামযো হ্যরোগশ্চ দুর্ভিক্ষ ভযবর্জিতঃ ॥ 90 ॥
নিরামযো হ্যরোগশ্চ দুর্ভিক্ষ ভযবর্জিতঃ ॥ 90 ॥
ন পুত্রমরণং কিঞ্চিদ্দ্রক্ষ্যন্তি পুরুষাঃ ক্বচিত্ ।
নার্যশ্চাবিধবা নিত্যং ভবিষ্যন্তি পতিব্রতাঃ ॥ 91 ॥
নার্যশ্চাবিধবা নিত্যং ভবিষ্যন্তি পতিব্রতাঃ ॥ 91 ॥
ন চাগ্নিজং ভযং কিঞ্চিন্নাপ্সু মজ্জন্তি জন্তবঃ ।
ন বাতজং ভযং কিঞ্চিন্নাপি জ্বরকৃতং তথা ॥ 92 ॥
ন বাতজং ভযং কিঞ্চিন্নাপি জ্বরকৃতং তথা ॥ 92 ॥
ন চাপি ক্ষুদ্ভযং তত্র ন তস্করভযং তথা ।
নগরাণি চ রাষ্ট্রাণি ধনধান্যযুতানি চ ॥ 93 ॥
নগরাণি চ রাষ্ট্রাণি ধনধান্যযুতানি চ ॥ 93 ॥
নিত্যং প্রমুদিতাঃ সর্বে যথা কৃতযুগে তথা ।
অশ্বমেধশতৈরিষ্ট্বা তথা বহুসুবর্ণকৈঃ ॥ 94 ॥
অশ্বমেধশতৈরিষ্ট্বা তথা বহুসুবর্ণকৈঃ ॥ 94 ॥
গবাং কোট্যযুতং দত্বা ব্রহ্মলোকং প্রযাস্যতি ।
অসঙ্খ্যেযং ধনং দত্বা ব্রাহ্মণেভ্যো মহাযশাঃ ॥ 95 ॥
অসঙ্খ্যেযং ধনং দত্বা ব্রাহ্মণেভ্যো মহাযশাঃ ॥ 95 ॥
রাজবংশান্ শতগুণান্ স্থাপযিষ্যতি রাঘবঃ ।
চাতুর্বর্ণ্যং চ লোকেঽস্মিন্ স্বে স্বে ধর্মে নিযোক্ষ্যতি ॥ 96 ॥
চাতুর্বর্ণ্যং চ লোকেঽস্মিন্ স্বে স্বে ধর্মে নিযোক্ষ্যতি ॥ 96 ॥
দশবর্ষসহস্রাণি দশবর্ষশতানি চ ।
রামো রাজ্যমুপাসিত্বা ব্রহ্মলোকং গমিষ্যতি ॥ 97 ॥
রামো রাজ্যমুপাসিত্বা ব্রহ্মলোকং গমিষ্যতি ॥ 97 ॥
ইদং পবিত্রং পাপঘ্নং পুণ্যং বেদৈশ্চ সম্মিতম্ ।
যঃ পঠেদ্রামচরিতং সর্বপাপৈঃ প্রমুচ্যতে ॥ 98 ॥
যঃ পঠেদ্রামচরিতং সর্বপাপৈঃ প্রমুচ্যতে ॥ 98 ॥
এতদাখ্যানমাযুষ্যং পঠন্রামাযণং নরঃ ।
সপুত্রপৌত্রঃ সগণঃ প্রেত্য স্বর্গে মহীযতে ॥ 99 ॥
সপুত্রপৌত্রঃ সগণঃ প্রেত্য স্বর্গে মহীযতে ॥ 99 ॥
পঠন্ দ্বিজো বাগৃষভত্বমীযাত্
স্যাত্ ক্ষত্রিযো ভূমিপতিত্বমীযাত্ ।
বণিগ্জনঃ পণ্যফলত্বমীযাত্
জনশ্চ শূদ্রোঽপি মহত্ত্বমীযাত্ ॥ 100 ॥
স্যাত্ ক্ষত্রিযো ভূমিপতিত্বমীযাত্ ।
বণিগ্জনঃ পণ্যফলত্বমীযাত্
জনশ্চ শূদ্রোঽপি মহত্ত্বমীযাত্ ॥ 100 ॥
ইত্যার্ষে শ্রীমদ্রামাযণে বাল্মীকীযে আদিকাব্যে বালকাণ্ডে নারদবাক্যং নাম প্রথমঃ সর্গঃ ॥