সৰস্ৱতী নিত্য পূজা ৱিধানম্

আৱশ্যকানি ৱস্তূনি
- আসনং
- দীপঃ
- গন্ধঃ
- কুঙ্কুমং
- অক্ষতাঃ
- পুষ্পাণি
- ধূপঃ
- নৈৱেদ্যং
- তাম্বূলং
- আচমনীযং
- পূজা পাত্ৰং
- কলশঃ
- শঙ্খঃ [optional]
- সৰস্ৱতী দেৱী প্ৰতিমা ৱা চিত্ৰপটঃ ৱা
পূৰ্ৱাঙ্গ পূজা
শ্ৰীমহাগণাধিপতযে নমঃ ।
শ্ৰী গুৰুভ্যো নমঃ ।
হৰিঃ ওম্ ।

শুচিঃ
অপৱিত্ৰঃ পৱিত্ৰো ৱা সৰ্ৱাৱস্থাং গতোঽপি ৱা ।
যঃ স্মৰেত্ পুণ্ডৰীকাক্ষং স বাহ্যাভ্যন্তৰঃ শুচিঃ ॥
পুণ্ডৰীকাক্ষ পুণ্ডৰীকাক্ষ পুণ্ডৰীকাক্ষায নমঃ ॥

প্ৰাৰ্থনা
শুক্লাম্বৰধৰং ৱিষ্ণুং শশিৱৰ্ণং চতুৰ্ভুজম্ ।
প্ৰসন্নৱদনং ধ্যাযেত্ সৰ্ৱৱিঘ্নোপশান্তযে ॥
অগজানন পদ্মাৰ্কং গজাননমহৰ্নিশম্ ।
অনেকদং তং ভক্তানাং একদন্তমুপাস্মহে ॥
তদেৱ লগ্নং সুদিনং তদেৱ
তাৰাবলং চন্দ্ৰবলং তদেৱ ।
ৱিদ্যাবলং দৈৱবলং তদেৱ
লক্ষ্মীপতে তেঽঙ্ঘ্ৰিযুগং স্মৰামি ॥
গুৰুৰ্ব্ৰহ্মা গুৰুৰ্ৱিষ্ণুঃ গুৰুৰ্দেৱো মহেশ্ৱৰঃ ।
গুৰুঃ সাক্ষাত্ পৰব্ৰহ্ম তস্মৈ শ্ৰীগুৰৱে নমঃ ॥
সৰ্ৱমঙ্গল মাঙ্গল্যে শিৱে সৰ্ৱাৰ্থসাধিকে ।
শৰণ্যে ত্ৰ্যম্বকে গৌৰী নাৰাযণি নমোঽস্তু তে ॥
শ্ৰীলক্ষ্মীনাৰাযণাভ্যাং নমঃ ।
উমামহেশ্ৱৰাভ্যাং নমঃ ।
ৱাণীহিৰণ্যগৰ্ভাভ্যাং নমঃ ।
শচীপুৰন্দৰাভ্যাং নমঃ ।
অৰুন্ধতীৱসিষ্ঠাভ্যাং নমঃ ।
শ্ৰীসীতাৰামাভ্যাং নমঃ ।
মাতাপিতৃভ্যো নমঃ ।
সৰ্ৱেভ্যো মহাজনেভ্যো নমঃ ।

আচমনং
ওঁ কেশৱায স্ৱাহা ।
ওঁ নাৰাযণায স্ৱাহা ।
ওঁ মাধৱায স্ৱাহা ।
ওঁ গোৱিন্দায নমঃ ।
ওঁ ৱিষ্ণৱে নমঃ ।
ওঁ মধুসূদনায নমঃ ।
ওঁ ত্ৰিৱিক্ৰমায নমঃ ।
ওঁ ৱামনায নমঃ ।
ওঁ শ্ৰীধৰায নমঃ ।
ওঁ হৃষীকেশায নমঃ ।
ওঁ পদ্মনাভায নমঃ ।
ওঁ দামোদৰায নমঃ ।
ওঁ সঙ্কৰ্ষণায নমঃ ।
ওঁ ৱাসুদেৱায নমঃ ।
ওঁ প্ৰদ্যুম্নায নমঃ ।
ওঁ অনিৰুদ্ধায নমঃ ।
ওঁ পুৰুষোত্তমায নমঃ ।
ওঁ অধোক্ষজায নমঃ ।
ওঁ নাৰসিংহায নমঃ ।
ওঁ অচ্যুতায নমঃ ।
ওঁ জনাৰ্দনায নমঃ ।
ওঁ উপেন্দ্ৰায নমঃ ।
ওঁ হৰযে নমঃ ।
ওঁ শ্ৰীকৃষ্ণায নমঃ ।

দীপাৰাধনম্
দীপস্ত্ৱং ব্ৰহ্মৰূপোঽসি জ্যোতিষাং প্ৰভুৰৱ্যযঃ ।
সৌভাগ্যং দেহি পুত্ৰাংশ্চ সৰ্ৱান্কামাংশ্চ দেহি মে ॥
ভো দীপ দেৱি ৰূপস্ত্ৱং কৰ্মসাক্ষী হ্যৱিঘ্নকৃত্ ।
যাৱত্পূজাং কৰিষ্যামি তাৱত্ত্ৱং সুস্থিৰো ভৱ ॥
দীপাৰাধন মুহূৰ্তঃ সুমুহূৰ্তোঽস্তু ॥

ভূতোচ্চাটনম্
উত্তিষ্ঠন্তু ভূতপিশাচাঃ য এতে ভূমিভাৰকাঃ ।
এতেষামৱিৰোধেন ব্ৰহ্মকৰ্ম সমাৰভে ॥
অপসৰ্পন্তু তে ভূতা যে ভূতা ভূমিসংস্থিতাঃ ।
যে ভূতা ৱিঘ্নকৰ্তাৰস্তে গচ্ছন্তু শিৱাঽজ্ঞযা ॥

প্ৰাণাযামঃ
ও-ম্ভূঃ । ও-ম্ভুৱঃ । ওগ্ং সুৱঃ । ও-ম্মহঃ । ও-ঞ্জনঃ । ও-ন্তপঃ । ওগ্ং সত্যম্ ।
ও-ন্তত্সৱিতুৰ্ৱৰেণ্য-ম্ভৰ্গো দেৱস্য ধীমহি ।
ধিযো যো নঃ প্ৰচোদযাত্ ॥
ওমাপো জ্যোতী ৰসো-ঽমৃত-ম্ব্ৰহ্ম ভূৰ্ভুৱস্সুৱৰোম্ ॥

সঙ্কল্পঃ
মম উপাত্ত সমস্ত দুৰিতক্ষয দ্ৱাৰা শ্ৰীপৰমেশ্ৱৰ প্ৰীত্যৰ্থং, মম/অস্মাকং সহকুটুম্বস্য ক্ষেম-স্থৈৰ্য-ধৈৰ্য-ৱীৰ্য-ৱিজয-অভয-আযুঃ-আৰোগ্য-ঐশ্ৱৰ্য-অভিৱৃদ্ধ্যৰ্থং, প্ৰজ্ঞা-মেধা-ৱিদ্যা-ৱিৱেক-ৱাগ্ৱিলাস-সিদ্ধ্যৰ্থং, ধৰ্মাৰ্থ-কাম-মোক্ষ-চতুৰ্ৱিধ-পুৰুষাৰ্থ-ফল-সিদ্ধ্যৰ্থং, শ্ৰীসৰস্ৱতী দেৱী-প্ৰীত্যৰ্থং, যাৱচ্ছক্তি ধ্যান-আৱাহনাদি-ষোডশোপচাৰ-পূজাং কৰিষ্যে ॥
তদঙ্গ কলশাৰাধনং কৰিষ্যে ॥
কলশাৰাধনম্
কলশে গন্ধ পুষ্পাক্ষতৈৰভ্যৰ্চ্য ।
কলশে উদকং পূৰযিত্ৱা ।
কলশস্যোপৰি হস্তং নিধায ।
কলশস্য মুখে ৱিষ্ণুঃ কণ্ঠে ৰুদ্ৰঃ সমাশ্ৰিতঃ ।
মূলে ত্ৱস্য স্থিতো ব্ৰহ্মা মধ্যে মাতৃগণাঃ স্মৃতাঃ ॥
কুক্ষৌ তু সাগৰাঃ সৰ্ৱে সপ্তদ্ৱীপা ৱসুন্ধৰা ।
ঋগ্ৱেদোঽথ যজুৰ্ৱেদো সামৱেদো হ্যথৰ্ৱণঃ ॥
অঙ্গৈশ্চ সহিতাঃ সৰ্ৱে কলশাম্বু সমাশ্ৰিতাঃ ॥
গঙ্গে চ যমুনে চৈৱ গোদাৱৰী সৰস্ৱতী ।
নৰ্মদে সিন্ধু কাৱেৰী জলেঽস্মিন্ সন্নিধিং কুৰু ॥
কাৱেৰী তুঙ্গভদ্ৰা চ কৃষ্ণৱেণী চ গৌতমী ।
ভাগীৰথীতি ৱিখ্যাতাঃ পঞ্চগঙ্গাঃ প্ৰকীৰ্তিতাঃ ॥
আযান্তু দেৱপূজাৰ্থং মম দুৰিতক্ষযকাৰকাঃ ।
কলশোদকেন পূজা দ্ৰৱ্যাণি সম্প্ৰোক্ষ্য, দেৱং সম্প্ৰোক্ষ্য, আত্মানং চ সম্প্ৰোক্ষ্য ॥

শঙ্খপূজা
শঙ্খং চন্দ্ৰাৰ্ক দৈৱতং মধ্যে ৱৰুণ দেৱতাম্ ।
পৃষ্ঠে প্ৰজাপতিং ৱিন্দ্যাদগ্ৰে গঙ্গা সৰস্ৱতীম্ ॥
ত্ৰৈলোক্যে যানি তীৰ্থানি ৱাসুদেৱস্য আজ্ঞযা ।
শঙ্খে তিষ্ঠন্তু ৱিপ্ৰেন্দ্ৰাঃ তস্মাত্ শঙ্খং প্ৰপূজযেত্ ॥
ওঁ শঙ্খায নমঃ ।
ওঁ ধৱলায নমঃ ।
ওঁ পাঞ্চজন্যায নমঃ ।
ওঁ শঙ্খদেৱতাভ্যো নমঃ ।
সকলপূজাৰ্থে অক্ষতান্ সমৰ্পযামি ॥

ঘণ্টানাদঃ
আগমাৰ্থং তু দেৱানাং গমনাৰ্থং তু ৰাক্ষসাম্ ।
ঘণ্টাৰৱং কৰোম্যাদৌ দেৱতাহ্ৱান লাঞ্ছনম্ ॥
ওঁ ঘণ্টাদেৱতাভ্যো নমঃ ।
সকলোপচাৰ পূজাৰ্থে অক্ষতান্ সমৰ্পযামি ॥

শ্ৰী মহাগণপতি পূজা
ও-ঙ্গণানা-ন্ত্ৱা গণপতিগ্ং হৱামহে কৱি-ঙ্কৱীনাং উপমশ্ৰৱস্তৱম্ ।
জ্যেষ্ঠৰাজ-ম্ব্ৰহ্মণা-ম্ব্ৰহ্মণস্পত আ নঃ শৃণ্ৱন্নূতিভিস্সীদ সাদনম্ ॥
সুমুখশ্চৈকদন্তশ্চ কপিলো গজকৰ্ণকঃ ।
লম্বোদৰশ্চ ৱিকটো ৱিঘ্নৰাজো গণাধিপঃ ॥
ধূমকেতুৰ্গণাধ্যক্ষঃ ফালচন্দ্ৰো গজাননঃ ।
ৱক্ৰতুণ্ডঃ শূৰ্পকৰ্ণো হেৰম্বঃ স্কন্দপূৰ্ৱজঃ ॥
ওঁ শ্ৰীমহাগণপতযে নমঃ ।
ধ্যাযামি । আৱাহযামি । আসনং সমৰ্পযামি ।
পাদ্যং সমৰ্পযামি । অৰ্ঘ্যং সমৰ্পযামি । আচমনীযং সমৰ্পযামি ।
স্নানং সমৰ্পযামি । ৱস্ত্ৰং সমৰ্পযামি । যজ্ঞোপৱীতং সমৰ্পযামি ।
গন্ধং সমৰ্পযামি । পুষ্পাণি সমৰ্পযামি ।
ধূপমাঘ্ৰাপযামি । দীপং দৰ্শযামি ।
নৈৱেদ্যং সমৰ্পযামি । তাম্বূলং সমৰ্পযামি ।
নীৰাজনং সমৰ্পযামি । মন্ত্ৰপুষ্পং সমৰ্পযামি ।
প্ৰদক্ষিণ নমস্কাৰান্ সমৰ্পযামি ॥

ষোডশোপচাৰ পূজা
সৰস্ৱতী দেৱী ধ্যানম্
যা কুন্দেন্দু তুষাৰহাৰধৱলা যা শুভ্ৰৱস্ত্ৰাৱৃতা ।
যা ৱীণাৱৰদণ্ডমণ্ডিতকৰা যা শ্ৱেতপদ্মাসনা ॥
যা ব্ৰহ্মাচ্যুতশঙ্কৰপ্ৰভৃতিভিৰ্দেৱৈঃ সদা পূজিতা ।
সা মাং পাতু সৰস্ৱতী ভগৱতী নিশ্শেষজাড্যাপহা ॥
অঙ্কুশং চাক্ষসূত্ৰং চ পাশং ৱীণাং চ ধাৰিণীম্ ।
মুক্তাহাৰসমাযুক্তাং মোদৰূপাং মনোহৰাম্ ॥
প্ৰ ণো দেৱী সৰস্ৱতী ৱাজেভিৰ্ৱাজিনীৱতী ।
ধীনামৱিত্ৰ্যৱতু ॥
ওঁ শ্ৰীসৰস্ৱত্যৈ নমঃ ।
ধ্যাযামি । ধ্যানং সমৰ্পযামি ॥

আৱাহনম্
অত্ৰাগচ্ছ জগদ্ৱন্দ্যে সৰ্ৱলোকৈক পূজিতে ।
মযা কৃতমিমাং পূজাং গৃহাণ জগদীশ্ৱৰি ॥
ওঁ শ্ৰীসৰস্ৱত্যৈ নমঃ ।
আৱাহযামি । স্থাপযামি । পূজযামি ॥

আসনম্
অনেক ৰত্নসংযুক্তং সুৱৰ্ণেন ৱিৰাজিতম্ ।
মুক্তামণিযুতং চাৰু চাসনং তে দদাম্যহম্ ॥
ওঁ শ্ৰীসৰস্ৱত্যৈ নমঃ ।
আসনং সমৰ্পযামি ॥

পাদ্যম্
গন্ধ পুষ্পাক্ষতৈঃ সাৰ্ধং শুদ্ধ তোযেন সংযুতম্ ।
শুদ্ধস্ফটিকতুল্যাঙ্গি পাদ্যং তে প্ৰতিগৃহ্যতাম্ ॥
ওঁ শ্ৰীসৰস্ৱত্যৈ নমঃ ।
পাদযোঃ পাদ্যং সমৰ্পযামি ॥

অৰ্ঘ্যম্
ভক্তাভীষ্টপ্ৰদে দেৱি দেৱদেৱাদিৱন্দিতে ।
ধাতৃপ্ৰিযে জগদ্ধাত্ৰি দদাম্যৰ্ঘ্যং গৃহাণ মে ॥
ওঁ শ্ৰীসৰস্ৱত্যৈ নমঃ ।
হস্তযোঃ অৰ্ঘ্যং সমৰ্পযামি ॥

আচমনীযম্
পূৰ্ণচন্দ্ৰসমানাভে কোটিসূৰ্যসমপ্ৰভে ।
ভক্ত্যা সমৰ্পিতং ৱাণি গৃহাণাচমনীযকম্ ॥
ওঁ শ্ৰীসৰস্ৱত্যৈ নমঃ ।
মুখে আচমনীযং সমৰ্পযামি ॥

স্নানম্
আপো হিষ্ঠা মযোভুৱস্তা ন ঊৰ্জে দধাতন ।
মহে ৰণায চক্ষসে ॥
যো ৱঃ শিৱতমো ৰসস্তস্য ভাজযতেহ নঃ ।
উশতীৰিৱ মাতৰঃ ॥
তস্মা অৰ-ঙ্গমাম ৱো যস্য ক্ষযায জিন্ৱথ ।
আপো জনযথা চ নঃ ॥
ওঁ শ্ৰীসৰস্ৱত্যৈ নমঃ ।
শুদ্ধোদক স্নানং সমৰ্পযামি ॥
স্নানানন্তৰং আচমনীযং সমৰ্পযামি ॥

ৱস্ত্ৰম্
শুক্লৱস্ত্ৰদ্ৱযং দেৱি কোমলং কুটিলালকে ।
মযি প্ৰীত্যা ত্ৱযা ৱাণি ব্ৰহ্মাণি প্ৰতিগৃহ্যতাম্ ॥
ওঁ শ্ৰীসৰস্ৱত্যৈ নমঃ ।
ৱস্ত্ৰং সমৰ্পযামি ॥

যজ্ঞোপৱীতম্
শব্দব্ৰহ্মাত্মিকে দেৱি শব্দশাস্ত্ৰ কৃতালযে ।
ব্ৰহ্মসূত্ৰং গৃহাণ ত্ৱং ব্ৰহ্মশক্ৰাদি পূজিতে ॥
ওঁ শ্ৰীসৰস্ৱত্যৈ নমঃ ।
যজ্ঞোপৱীতং সমৰ্পযামি ॥

গন্ধম্
চন্দনাগৰু কস্তূৰী কৰ্পূৰাদ্যৈশ্চ সংযুতম্ ।
গন্ধং গৃহাণ ত্ৱং দেৱি ৱিধিপত্নি নমোঽস্তু তে ॥
ওঁ শ্ৰীসৰস্ৱত্যৈ নমঃ ।
গন্ধং সমৰ্পযামি ॥

অৰ্চন
অক্ষতান্ ধৱলান্ দিৱ্যান্ পুষ্পাণি চ সুগন্ধীনি ।
ভক্ত্যা দত্তানি গৃহ্যন্তাং সৰ্ৱদেৱাঃ প্ৰসীদত ॥

অঙ্গ পূজা
ওঁ ব্ৰহ্মণ্যৈ নমঃ - পাদৌ পূজযামি ।
ওঁ ভাৰত্যৈ নমঃ - গুল্ফৌ পূজযামি ।
ওঁ জগত্স্ৱৰূপিণ্যৈ নমঃ - জঙ্ঘে পূজযামি ।
ওঁ জগদাদ্যাযৈ নমঃ - জানুনী পূজযামি ।
ওঁ চাৰুৱিলাসিন্যৈ নমঃ - ঊৰূ পূজযামি ।
ওঁ কমলভূমযে নমঃ - কটিং পূজযামি ।
ওঁ গম্ভীৰনাভযে নমঃ - নাভিং পূজযামি ।
ওঁ লোকমাত্ৰে নমঃ - স্তনৌ পূজযামি ।
ওঁ ৱেদস্ৱৰূপাযৈ নমঃ - ৱক্ত্ৰং পূজযামি ।
ওঁ পুস্তকধাৰিণ্যৈ নমঃ - হস্তৌ পূজযামি ।
ওঁ কমলাক্ষ্যৈ নমঃ - নেত্ৰে পূজযামি ।
ওঁ শ্ৰীসৰস্ৱত্যৈ নমঃ - শিৰঃ পূজযামি ।
ওঁ ব্ৰহ্মৰূপিণ্যৈ নমঃ - সৰ্ৱাণ্যঙ্গানি পূজযামি ॥
[Recite the sarasvatI aShTOttara Sata nAmAvaLI, or at least a few known names of Saraswati. Offer flowers or akshatas with each name.]
সৰস্ৱতী অষ্টোত্তৰ শত নামাৱলী>
অথৱা সৰস্ৱতী নামাৱলী পঠনম্ ॥
ওঁ শ্ৰীসৰস্ৱত্যৈ নমঃ ।
অষ্টোত্তৰ শত নামাৱলী পূজাং সমৰ্পযামি ।
অক্ষতান্ পুষ্পাণি চ সমৰ্পযামি ॥

ধূপম্
দশাঙ্গং গুগ্গুলোপেতং সুগন্ধং চ মনোহৰম্ ।
ধূপং গৃহাণ কল্যাণি ৱৰদে প্ৰতিগৃহ্যতাম্ ॥
ওঁ শ্ৰীসৰস্ৱত্যৈ নমঃ ।
ধূপমাঘ্ৰাপযামি ॥

দীপম্
ঘৃতত্ৰিৱৰ্তি সংযুক্তং দীপিতং দীপমম্বিকে ।
গৃহাণ চিত্স্ৱৰূপে ত্ৱং কমলাসনৱল্লভে ॥
ওঁ শ্ৰীসৰস্ৱত্যৈ নমঃ ।
দীপং দৰ্শযামি ॥

নৈৱেদ্যম্
নৈৱেদ্যং গৃহ্যতাং দেৱি ভক্ত্যা সম্পাদিতং মযা ।
ইদং ফলং চ পানীযং সৰ্ৱোপচাৰ সংযুতম্ ॥
ও-ম্ভূৰ্ভুৱস্সুৱঃ । তত্সৱিতুৰ্ৱৰেণ্য-ম্ভৰ্গো দেৱস্য ধীমহি ।
ধিযো যো নঃ প্ৰচোদযাত্ ॥
সত্যং ত্ৱা ঋতেন পৰিষিঞ্চামি ।
অমৃতমস্তু । অমৃতোপস্তৰণমসি ।
ওঁ প্ৰাণায স্ৱাহা । ওঁ অপানায স্ৱাহা । ওঁ ৱ্যানায স্ৱাহা ।
ওঁ উদানায স্ৱাহা । ওঁ সমানায স্ৱাহা ।
মধ্যে মধ্যে পানীযং সমৰ্পযামি ।
অমৃতাপিধানমসি ।
উত্তৰাপোশনং সমৰ্পযামি ।
হস্তৌ প্ৰক্ষালযামি । পাদৌ প্ৰক্ষালযামি ।
শুদ্ধাচমনীযং সমৰ্পযামি ॥
ওঁ শ্ৰীসৰস্ৱত্যৈ নমঃ ।
নৈৱেদ্যং সমৰ্পযামি ॥

তাম্বূলম্
তাম্বূলং চ সকৰ্পূৰং পূগনাগদলৈৰ্যুতম্ ।
গৃহাণ দেৱদেৱেশি তত্ত্ৱৰূপি নমোঽস্তু তে ॥
ওঁ শ্ৰীসৰস্ৱত্যৈ নমঃ ।
তাম্বূলং সমৰ্পযামি ॥

নীৰাজনম্
নীৰাজনং গৃহাণ ত্ৱং জগদানন্দদাযিনি ।
জগত্তিমিৰমাৰ্তণ্ডমণ্ডলে তে নমো নমঃ ॥
ওঁ শ্ৰীসৰস্ৱত্যৈ নমঃ ।
নীৰাজনং সমৰ্পযামি ॥

মন্ত্ৰপুষ্পম্
প্ৰ ণো দেৱী সৰস্ৱতী ৱাজেভিৰ্ৱাজিনীৱতী ।
ধীনামৱিত্ৰ্যৱতু ॥
যা কুন্দেন্দু তুষাৰহাৰধৱলা যা শুভ্ৰৱস্ত্ৰাৱৃতা ।
যা ৱীণাৱৰদণ্ডমণ্ডিতকৰা যা শ্ৱেতপদ্মাসনা ॥
যা ব্ৰহ্মাচ্যুতশঙ্কৰপ্ৰভৃতিভিৰ্দেৱৈঃ সদা পূজিতা ।
সা মাং পাতু সৰস্ৱতী ভগৱতী নিশ্শেষজাড্যাপহা ॥
শাৰদে লোকমাতস্ত্ৱমাশ্ৰিতাভীষ্টদাযিনি ।
পুষ্পাঞ্জলিং গৃহাণ ত্ৱং মযা ভক্ত্যা সমৰ্পিতম্ ॥
ওঁ শ্ৰীসৰস্ৱত্যৈ নমঃ ।
মন্ত্ৰপুষ্পং সমৰ্পযামি ॥

প্ৰদক্ষিণম্
যানি কানি চ পাপানি জন্মান্তৰ কৃতানি চ ।
তানি তানি প্ৰণশ্যন্তি প্ৰদক্ষিণ পদে পদে ॥
পাশাঙ্কুশধৰা ৱাণী ৱীণাপুস্তকধাৰিণী ।
মম ৱক্ত্ৰে ৱসেন্নিত্যং দুগ্ধকুন্দেন্দুনিৰ্মলা ॥
চতুৰ্দশ সুৱিদ্যাসু ৰমতে যা সৰস্ৱতী ।
চতুৰ্দশেষু লোকেষু সা মে ৱাচি ৱসেচ্চিৰম্ ॥
ওঁ শ্ৰীসৰস্ৱত্যৈ নমঃ ।
প্ৰদক্ষিণ নমস্কাৰান্ সমৰ্পযামি ॥

নমস্কাৰঃ
উৰসা শিৰসা দৃষ্ট্যা মনসা ৱচসা তথা ।
পদ্ভ্যাং কৰাভ্যাং কৰ্ণাভ্যাং প্ৰণামোঽষ্টাঙ্গ উচ্যতে ॥
ওঁ শ্ৰীসৰস্ৱত্যৈ নমঃ ।
নমস্কাৰান্ সমৰ্পযামি ॥

সৰ্ৱোপচাৰাঃ
ওঁ শ্ৰীসৰস্ৱত্যৈ নমঃ ।
ছত্ৰং সমৰ্পযামি ।
চামৰং সমৰ্পযামি ।
গীতং শ্ৰাৱযামি ।
নৃত্যং দৰ্শযামি ।
সমস্ত ৰাজোপচাৰান্ দেৱোপচাৰান্ সমৰ্পযামি ॥
স্তোত্ৰ/সূক্ত পঠনম্
সৰস্ৱতী সূক্তম্ (ঋগ্ৱেদ)>
সৰস্ৱতী সূক্তম্ (যজুৰ্ৱেদীয)>

ক্ষমাপ্ৰাৰ্থনা
অপৰাধসহস্ৰাণি ক্ৰিযন্তেঽহৰ্নিশং মযা ।
দাসোঽযমিতি মাং মত্ৱা ক্ষমস্ৱ পৰমেশ্ৱৰি ॥
মন্ত্ৰহীনং ক্ৰিযাহীনং ভক্তিহীনং মহেশ্ৱৰি ।
যত্পূজিতং মযা দেৱি পৰিপূৰ্ণং তদস্তু তে ॥
কাযেন ৱাচা মনসেন্দ্ৰিযৈৰ্ৱা
বুদ্ধ্যাত্মনা ৱা প্ৰকৃতেঃ স্ৱভাৱাত্ ।
কৰোমি যদ্যত্ সকলং পৰস্মৈ
নাৰাযণাযেতি সমৰ্পযামি ॥
অনযা ধ্যান-আৱাহনাদি-ষোডশোপচাৰ পূজযা শ্ৰীসৰস্ৱতী দেৱী সুপ্ৰীতা সুপ্ৰসন্না ৱৰদা ভৱতু ॥

উদ্ৱাসনম্
ওঁ শ্ৰীসৰস্ৱত্যৈ নমঃ ।
যথাস্থানং উদ্ৱাসযামি ।
শোভনাৰ্থে ক্ষেমায পুনৰাগমনায চ ॥

প্ৰসাদ গ্ৰহণম্
অকালমৃত্যুহৰণং সৰ্ৱৱ্যাধিনিৱাৰণম্ ।
সমস্তপাপক্ষযকৰং দেৱতা পাদোদকং শুভম্ ॥
শ্ৰীসৰস্ৱতী দেৱী প্ৰসাদং শিৰসা গৃহ্ণামি ॥

ওঁ শান্তিঃ শান্তিঃ শান্তিঃ ॥

ওঁ তত্সত্ ব্ৰহ্মাৰ্পণমস্তু ॥