સરસ્વતી નિત્ય પૂજા વિધાનમ્

આવશ્યકાનિ વસ્તૂનિ
- આસનં
- દીપઃ
- ગન્ધઃ
- કુઙ્કુમં
- અક્ષતાઃ
- પુષ્પાણિ
- ધૂપઃ
- નૈવેદ્યં
- તામ્બૂલં
- આચમનીયં
- પૂજા પાત્રં
- કલશઃ
- શઙ્ખઃ [optional]
- સરસ્વતી દેવી પ્રતિમા વા ચિત્રપટઃ વા
પૂર્વાઙ્ગ પૂજા
શ્રીમહાગણાધિપતયે નમઃ ।
શ્રી ગુરુભ્યો નમઃ ।
હરિઃ ઓમ્ ।

શુચિઃ
અપવિત્રઃ પવિત્રો વા સર્વાવસ્થાં ગતોઽપિ વા ।
યઃ સ્મરેત્ પુણ્ડરીકાક્ષં સ બાહ્યાભ્યન્તરઃ શુચિઃ ॥
પુણ્ડરીકાક્ષ પુણ્ડરીકાક્ષ પુણ્ડરીકાક્ષાય નમઃ ॥

પ્રાર્થના
શુક્લામ્બરધરં વિષ્ણું શશિવર્ણં ચતુર્ભુજમ્ ।
પ્રસન્નવદનં ધ્યાયેત્ સર્વવિઘ્નોપશાન્તયે ॥
અગજાનન પદ્માર્કં ગજાનનમહર્નિશમ્ ।
અનેકદં તં ભક્તાનાં એકદન્તમુપાસ્મહે ॥
તદેવ લગ્નં સુદિનં તદેવ
તારાબલં ચન્દ્રબલં તદેવ ।
વિદ્યાબલં દૈવબલં તદેવ
લક્ષ્મીપતે તેઽઙ્ઘ્રિયુગં સ્મરામિ ॥
ગુરુર્બ્રહ્મા ગુરુર્વિષ્ણુઃ ગુરુર્દેવો મહેશ્વરઃ ।
ગુરુઃ સાક્ષાત્ પરબ્રહ્મ તસ્મૈ શ્રીગુરવે નમઃ ॥
સર્વમઙ્ગલ માઙ્ગલ્યે શિવે સર્વાર્થસાધિકે ।
શરણ્યે ત્ર્યમ્બકે ગૌરી નારાયણિ નમોઽસ્તુ તે ॥
શ્રીલક્ષ્મીનારાયણાભ્યાં નમઃ ।
ઉમામહેશ્વરાભ્યાં નમઃ ।
વાણીહિરણ્યગર્ભાભ્યાં નમઃ ।
શચીપુરન્દરાભ્યાં નમઃ ।
અરુન્ધતીવસિષ્ઠાભ્યાં નમઃ ।
શ્રીસીતારામાભ્યાં નમઃ ।
માતાપિતૃભ્યો નમઃ ।
સર્વેભ્યો મહાજનેભ્યો નમઃ ।

આચમનં
ૐ કેશવાય સ્વાહા ।
ૐ નારાયણાય સ્વાહા ।
ૐ માધવાય સ્વાહા ।
ૐ ગોવિન્દાય નમઃ ।
ૐ વિષ્ણવે નમઃ ।
ૐ મધુસૂદનાય નમઃ ।
ૐ ત્રિવિક્રમાય નમઃ ।
ૐ વામનાય નમઃ ।
ૐ શ્રીધરાય નમઃ ।
ૐ હૃષીકેશાય નમઃ ।
ૐ પદ્મનાભાય નમઃ ।
ૐ દામોદરાય નમઃ ।
ૐ સઙ્કર્ષણાય નમઃ ।
ૐ વાસુદેવાય નમઃ ।
ૐ પ્રદ્યુમ્નાય નમઃ ।
ૐ અનિરુદ્ધાય નમઃ ।
ૐ પુરુષોત્તમાય નમઃ ।
ૐ અધોક્ષજાય નમઃ ।
ૐ નારસિંહાય નમઃ ।
ૐ અચ્યુતાય નમઃ ।
ૐ જનાર્દનાય નમઃ ।
ૐ ઉપેન્દ્રાય નમઃ ।
ૐ હરયે નમઃ ।
ૐ શ્રીકૃષ્ણાય નમઃ ।

દીપારાધનમ્
દીપસ્ત્વં બ્રહ્મરૂપોઽસિ જ્યોતિષાં પ્રભુરવ્યયઃ ।
સૌભાગ્યં દેહિ પુત્રાંશ્ચ સર્વાન્કામાંશ્ચ દેહિ મે ॥
ભો દીપ દેવિ રૂપસ્ત્વં કર્મસાક્ષી હ્યવિઘ્નકૃત્ ।
યાવત્પૂજાં કરિષ્યામિ તાવત્ત્વં સુસ્થિરો ભવ ॥
દીપારાધન મુહૂર્તઃ સુમુહૂર્તોઽસ્તુ ॥

ભૂતોચ્ચાટનમ્
ઉત્તિષ્ઠન્તુ ભૂતપિશાચાઃ ય એતે ભૂમિભારકાઃ ।
એતેષામવિરોધેન બ્રહ્મકર્મ સમારભે ॥
અપસર્પન્તુ તે ભૂતા યે ભૂતા ભૂમિસંસ્થિતાઃ ।
યે ભૂતા વિઘ્નકર્તારસ્તે ગચ્છન્તુ શિવાઽજ્ઞયા ॥

પ્રાણાયામઃ
ઓ-મ્ભૂઃ । ઓ-મ્ભુવઃ । ઓગ્ં સુવઃ । ઓ-મ્મહઃ । ઓ-ઞ્જનઃ । ઓ-ન્તપઃ । ઓગ્ં સત્યમ્ ।
ઓ-ન્તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥
ઓમાપો જ્યોતી રસો-ઽમૃત-મ્બ્રહ્મ ભૂર્ભુવસ્સુવરોમ્ ॥

સઙ્કલ્પઃ
મમ ઉપાત્ત સમસ્ત દુરિતક્ષય દ્વારા શ્રીપરમેશ્વર પ્રીત્યર્થં, મમ/અસ્માકં સહકુટુમ્બસ્ય ક્ષેમ-સ્થૈર્ય-ધૈર્ય-વીર્ય-વિજય-અભય-આયુઃ-આરોગ્ય-ઐશ્વર્ય-અભિવૃદ્ધ્યર્થં, પ્રજ્ઞા-મેધા-વિદ્યા-વિવેક-વાગ્વિલાસ-સિદ્ધ્યર્થં, ધર્માર્થ-કામ-મોક્ષ-ચતુર્વિધ-પુરુષાર્થ-ફલ-સિદ્ધ્યર્થં, શ્રીસરસ્વતી દેવી-પ્રીત્યર્થં, યાવચ્છક્તિ ધ્યાન-આવાહનાદિ-ષોડશોપચાર-પૂજાં કરિષ્યે ॥
તદઙ્ગ કલશારાધનં કરિષ્યે ॥
કલશારાધનમ્
કલશે ગન્ધ પુષ્પાક્ષતૈરભ્યર્ચ્ય ।
કલશે ઉદકં પૂરયિત્વા ।
કલશસ્યોપરિ હસ્તં નિધાય ।
કલશસ્ય મુખે વિષ્ણુઃ કણ્ઠે રુદ્રઃ સમાશ્રિતઃ ।
મૂલે ત્વસ્ય સ્થિતો બ્રહ્મા મધ્યે માતૃગણાઃ સ્મૃતાઃ ॥
કુક્ષૌ તુ સાગરાઃ સર્વે સપ્તદ્વીપા વસુન્ધરા ।
ઋગ્વેદોઽથ યજુર્વેદો સામવેદો હ્યથર્વણઃ ॥
અઙ્ગૈશ્ચ સહિતાઃ સર્વે કલશામ્બુ સમાશ્રિતાઃ ॥
ગઙ્ગે ચ યમુને ચૈવ ગોદાવરી સરસ્વતી ।
નર્મદે સિન્ધુ કાવેરી જલેઽસ્મિન્ સન્નિધિં કુરુ ॥
કાવેરી તુઙ્ગભદ્રા ચ કૃષ્ણવેણી ચ ગૌતમી ।
ભાગીરથીતિ વિખ્યાતાઃ પઞ્ચગઙ્ગાઃ પ્રકીર્તિતાઃ ॥
આયાન્તુ દેવપૂજાર્થં મમ દુરિતક્ષયકારકાઃ ।
કલશોદકેન પૂજા દ્રવ્યાણિ સમ્પ્રોક્ષ્ય, દેવં સમ્પ્રોક્ષ્ય, આત્માનં ચ સમ્પ્રોક્ષ્ય ॥

શઙ્ખપૂજા
શઙ્ખં ચન્દ્રાર્ક દૈવતં મધ્યે વરુણ દેવતામ્ ।
પૃષ્ઠે પ્રજાપતિં વિન્દ્યાદગ્રે ગઙ્ગા સરસ્વતીમ્ ॥
ત્રૈલોક્યે યાનિ તીર્થાનિ વાસુદેવસ્ય આજ્ઞયા ।
શઙ્ખે તિષ્ઠન્તુ વિપ્રેન્દ્રાઃ તસ્માત્ શઙ્ખં પ્રપૂજયેત્ ॥
ૐ શઙ્ખાય નમઃ ।
ૐ ધવલાય નમઃ ।
ૐ પાઞ્ચજન્યાય નમઃ ।
ૐ શઙ્ખદેવતાભ્યો નમઃ ।
સકલપૂજાર્થે અક્ષતાન્ સમર્પયામિ ॥

ઘણ્ટાનાદઃ
આગમાર્થં તુ દેવાનાં ગમનાર્થં તુ રાક્ષસામ્ ।
ઘણ્ટારવં કરોમ્યાદૌ દેવતાહ્વાન લાઞ્છનમ્ ॥
ૐ ઘણ્ટાદેવતાભ્યો નમઃ ।
સકલોપચાર પૂજાર્થે અક્ષતાન્ સમર્પયામિ ॥

શ્રી મહાગણપતિ પૂજા
ઓ-ઙ્ગણાના-ન્ત્વા ગણપતિગ્ં હવામહે કવિ-ઙ્કવીનાં ઉપમશ્રવસ્તવમ્ ।
જ્યેષ્ઠરાજ-મ્બ્રહ્મણા-મ્બ્રહ્મણસ્પત આ નઃ શૃણ્વન્નૂતિભિસ્સીદ સાદનમ્ ॥
સુમુખશ્ચૈકદન્તશ્ચ કપિલો ગજકર્ણકઃ ।
લમ્બોદરશ્ચ વિકટો વિઘ્નરાજો ગણાધિપઃ ॥
ધૂમકેતુર્ગણાધ્યક્ષઃ ફાલચન્દ્રો ગજાનનઃ ।
વક્રતુણ્ડઃ શૂર્પકર્ણો હેરમ્બઃ સ્કન્દપૂર્વજઃ ॥
ૐ શ્રીમહાગણપતયે નમઃ ।
ધ્યાયામિ । આવાહયામિ । આસનં સમર્પયામિ ।
પાદ્યં સમર્પયામિ । અર્ઘ્યં સમર્પયામિ । આચમનીયં સમર્પયામિ ।
સ્નાનં સમર્પયામિ । વસ્ત્રં સમર્પયામિ । યજ્ઞોપવીતં સમર્પયામિ ।
ગન્ધં સમર્પયામિ । પુષ્પાણિ સમર્પયામિ ।
ધૂપમાઘ્રાપયામિ । દીપં દર્શયામિ ।
નૈવેદ્યં સમર્પયામિ । તામ્બૂલં સમર્પયામિ ।
નીરાજનં સમર્પયામિ । મન્ત્રપુષ્પં સમર્પયામિ ।
પ્રદક્ષિણ નમસ્કારાન્ સમર્પયામિ ॥

ષોડશોપચાર પૂજા
સરસ્વતી દેવી ધ્યાનમ્
યા કુન્દેન્દુ તુષારહારધવલા યા શુભ્રવસ્ત્રાવૃતા ।
યા વીણાવરદણ્ડમણ્ડિતકરા યા શ્વેતપદ્માસના ॥
યા બ્રહ્માચ્યુતશઙ્કરપ્રભૃતિભિર્દેવૈઃ સદા પૂજિતા ।
સા માં પાતુ સરસ્વતી ભગવતી નિશ્શેષજાડ્યાપહા ॥
અઙ્કુશં ચાક્ષસૂત્રં ચ પાશં વીણાં ચ ધારિણીમ્ ।
મુક્તાહારસમાયુક્તાં મોદરૂપાં મનોહરામ્ ॥
પ્ર ણો દેવી સરસ્વતી વાજેભિર્વાજિનીવતી ।
ધીનામવિત્ર્યવતુ ॥
ૐ શ્રીસરસ્વત્યૈ નમઃ ।
ધ્યાયામિ । ધ્યાનં સમર્પયામિ ॥

આવાહનમ્
અત્રાગચ્છ જગદ્વન્દ્યે સર્વલોકૈક પૂજિતે ।
મયા કૃતમિમાં પૂજાં ગૃહાણ જગદીશ્વરિ ॥
ૐ શ્રીસરસ્વત્યૈ નમઃ ।
આવાહયામિ । સ્થાપયામિ । પૂજયામિ ॥

આસનમ્
અનેક રત્નસંયુક્તં સુવર્ણેન વિરાજિતમ્ ।
મુક્તામણિયુતં ચારુ ચાસનં તે દદામ્યહમ્ ॥
ૐ શ્રીસરસ્વત્યૈ નમઃ ।
આસનં સમર્પયામિ ॥

પાદ્યમ્
ગન્ધ પુષ્પાક્ષતૈઃ સાર્ધં શુદ્ધ તોયેન સંયુતમ્ ।
શુદ્ધસ્ફટિકતુલ્યાઙ્ગિ પાદ્યં તે પ્રતિગૃહ્યતામ્ ॥
ૐ શ્રીસરસ્વત્યૈ નમઃ ।
પાદયોઃ પાદ્યં સમર્પયામિ ॥

અર્ઘ્યમ્
ભક્તાભીષ્ટપ્રદે દેવિ દેવદેવાદિવન્દિતે ।
ધાતૃપ્રિયે જગદ્ધાત્રિ દદામ્યર્ઘ્યં ગૃહાણ મે ॥
ૐ શ્રીસરસ્વત્યૈ નમઃ ।
હસ્તયોઃ અર્ઘ્યં સમર્પયામિ ॥

આચમનીયમ્
પૂર્ણચન્દ્રસમાનાભે કોટિસૂર્યસમપ્રભે ।
ભક્ત્યા સમર્પિતં વાણિ ગૃહાણાચમનીયકમ્ ॥
ૐ શ્રીસરસ્વત્યૈ નમઃ ।
મુખે આચમનીયં સમર્પયામિ ॥

સ્નાનમ્
આપો હિષ્ઠા મયોભુવસ્તા ન ઊર્જે દધાતન ।
મહે રણાય ચક્ષસે ॥
યો વઃ શિવતમો રસસ્તસ્ય ભાજયતેહ નઃ ।
ઉશતીરિવ માતરઃ ॥
તસ્મા અર-ઙ્ગમામ વો યસ્ય ક્ષયાય જિન્વથ ।
આપો જનયથા ચ નઃ ॥
ૐ શ્રીસરસ્વત્યૈ નમઃ ।
શુદ્ધોદક સ્નાનં સમર્પયામિ ॥
સ્નાનાનન્તરં આચમનીયં સમર્પયામિ ॥

વસ્ત્રમ્
શુક્લવસ્ત્રદ્વયં દેવિ કોમલં કુટિલાલકે ।
મયિ પ્રીત્યા ત્વયા વાણિ બ્રહ્માણિ પ્રતિગૃહ્યતામ્ ॥
ૐ શ્રીસરસ્વત્યૈ નમઃ ।
વસ્ત્રં સમર્પયામિ ॥

યજ્ઞોપવીતમ્
શબ્દબ્રહ્માત્મિકે દેવિ શબ્દશાસ્ત્ર કૃતાલયે ।
બ્રહ્મસૂત્રં ગૃહાણ ત્વં બ્રહ્મશક્રાદિ પૂજિતે ॥
ૐ શ્રીસરસ્વત્યૈ નમઃ ।
યજ્ઞોપવીતં સમર્પયામિ ॥

ગન્ધમ્
ચન્દનાગરુ કસ્તૂરી કર્પૂરાદ્યૈશ્ચ સંયુતમ્ ।
ગન્ધં ગૃહાણ ત્વં દેવિ વિધિપત્નિ નમોઽસ્તુ તે ॥
ૐ શ્રીસરસ્વત્યૈ નમઃ ।
ગન્ધં સમર્પયામિ ॥

અર્ચન
અક્ષતાન્ ધવલાન્ દિવ્યાન્ પુષ્પાણિ ચ સુગન્ધીનિ ।
ભક્ત્યા દત્તાનિ ગૃહ્યન્તાં સર્વદેવાઃ પ્રસીદત ॥

અઙ્ગ પૂજા
ૐ બ્રહ્મણ્યૈ નમઃ - પાદૌ પૂજયામિ ।
ૐ ભારત્યૈ નમઃ - ગુલ્ફૌ પૂજયામિ ।
ૐ જગત્સ્વરૂપિણ્યૈ નમઃ - જઙ્ઘે પૂજયામિ ।
ૐ જગદાદ્યાયૈ નમઃ - જાનુની પૂજયામિ ।
ૐ ચારુવિલાસિન્યૈ નમઃ - ઊરૂ પૂજયામિ ।
ૐ કમલભૂમયે નમઃ - કટિં પૂજયામિ ।
ૐ ગમ્ભીરનાભયે નમઃ - નાભિં પૂજયામિ ।
ૐ લોકમાત્રે નમઃ - સ્તનૌ પૂજયામિ ।
ૐ વેદસ્વરૂપાયૈ નમઃ - વક્ત્રં પૂજયામિ ।
ૐ પુસ્તકધારિણ્યૈ નમઃ - હસ્તૌ પૂજયામિ ।
ૐ કમલાક્ષ્યૈ નમઃ - નેત્રે પૂજયામિ ।
ૐ શ્રીસરસ્વત્યૈ નમઃ - શિરઃ પૂજયામિ ।
ૐ બ્રહ્મરૂપિણ્યૈ નમઃ - સર્વાણ્યઙ્ગાનિ પૂજયામિ ॥
[Recite the sarasvatI aShTOttara Sata nAmAvaLI, or at least a few known names of Saraswati. Offer flowers or akshatas with each name.]
સરસ્વતી અષ્ટોત્તર શત નામાવલી>
અથવા સરસ્વતી નામાવલી પઠનમ્ ॥
ૐ શ્રીસરસ્વત્યૈ નમઃ ।
અષ્ટોત્તર શત નામાવલી પૂજાં સમર્પયામિ ।
અક્ષતાન્ પુષ્પાણિ ચ સમર્પયામિ ॥

ધૂપમ્
દશાઙ્ગં ગુગ્ગુલોપેતં સુગન્ધં ચ મનોહરમ્ ।
ધૂપં ગૃહાણ કલ્યાણિ વરદે પ્રતિગૃહ્યતામ્ ॥
ૐ શ્રીસરસ્વત્યૈ નમઃ ।
ધૂપમાઘ્રાપયામિ ॥

દીપમ્
ઘૃતત્રિવર્તિ સંયુક્તં દીપિતં દીપમમ્બિકે ।
ગૃહાણ ચિત્સ્વરૂપે ત્વં કમલાસનવલ્લભે ॥
ૐ શ્રીસરસ્વત્યૈ નમઃ ।
દીપં દર્શયામિ ॥

નૈવેદ્યમ્
નૈવેદ્યં ગૃહ્યતાં દેવિ ભક્ત્યા સમ્પાદિતં મયા ।
ઇદં ફલં ચ પાનીયં સર્વોપચાર સંયુતમ્ ॥
ઓ-મ્ભૂર્ભુવસ્સુવઃ । તત્સવિતુર્વરેણ્ય-મ્ભર્ગો દેવસ્ય ધીમહિ ।
ધિયો યો નઃ પ્રચોદયાત્ ॥
સત્યં ત્વા ઋતેન પરિષિઞ્ચામિ ।
અમૃતમસ્તુ । અમૃતોપસ્તરણમસિ ।
ૐ પ્રાણાય સ્વાહા । ૐ અપાનાય સ્વાહા । ૐ વ્યાનાય સ્વાહા ।
ૐ ઉદાનાય સ્વાહા । ૐ સમાનાય સ્વાહા ।
મધ્યે મધ્યે પાનીયં સમર્પયામિ ।
અમૃતાપિધાનમસિ ।
ઉત્તરાપોશનં સમર્પયામિ ।
હસ્તૌ પ્રક્ષાલયામિ । પાદૌ પ્રક્ષાલયામિ ।
શુદ્ધાચમનીયં સમર્પયામિ ॥
ૐ શ્રીસરસ્વત્યૈ નમઃ ।
નૈવેદ્યં સમર્પયામિ ॥

તામ્બૂલમ્
તામ્બૂલં ચ સકર્પૂરં પૂગનાગદલૈર્યુતમ્ ।
ગૃહાણ દેવદેવેશિ તત્ત્વરૂપિ નમોઽસ્તુ તે ॥
ૐ શ્રીસરસ્વત્યૈ નમઃ ।
તામ્બૂલં સમર્પયામિ ॥

નીરાજનમ્
નીરાજનં ગૃહાણ ત્વં જગદાનન્દદાયિનિ ।
જગત્તિમિરમાર્તણ્ડમણ્ડલે તે નમો નમઃ ॥
ૐ શ્રીસરસ્વત્યૈ નમઃ ।
નીરાજનં સમર્પયામિ ॥

મન્ત્રપુષ્પમ્
પ્ર ણો દેવી સરસ્વતી વાજેભિર્વાજિનીવતી ।
ધીનામવિત્ર્યવતુ ॥
યા કુન્દેન્દુ તુષારહારધવલા યા શુભ્રવસ્ત્રાવૃતા ।
યા વીણાવરદણ્ડમણ્ડિતકરા યા શ્વેતપદ્માસના ॥
યા બ્રહ્માચ્યુતશઙ્કરપ્રભૃતિભિર્દેવૈઃ સદા પૂજિતા ।
સા માં પાતુ સરસ્વતી ભગવતી નિશ્શેષજાડ્યાપહા ॥
શારદે લોકમાતસ્ત્વમાશ્રિતાભીષ્ટદાયિનિ ।
પુષ્પાઞ્જલિં ગૃહાણ ત્વં મયા ભક્ત્યા સમર્પિતમ્ ॥
ૐ શ્રીસરસ્વત્યૈ નમઃ ।
મન્ત્રપુષ્પં સમર્પયામિ ॥

પ્રદક્ષિણમ્
યાનિ કાનિ ચ પાપાનિ જન્માન્તર કૃતાનિ ચ ।
તાનિ તાનિ પ્રણશ્યન્તિ પ્રદક્ષિણ પદે પદે ॥
પાશાઙ્કુશધરા વાણી વીણાપુસ્તકધારિણી ।
મમ વક્ત્રે વસેન્નિત્યં દુગ્ધકુન્દેન્દુનિર્મલા ॥
ચતુર્દશ સુવિદ્યાસુ રમતે યા સરસ્વતી ।
ચતુર્દશેષુ લોકેષુ સા મે વાચિ વસેચ્ચિરમ્ ॥
ૐ શ્રીસરસ્વત્યૈ નમઃ ।
પ્રદક્ષિણ નમસ્કારાન્ સમર્પયામિ ॥

નમસ્કારઃ
ઉરસા શિરસા દૃષ્ટ્યા મનસા વચસા તથા ।
પદ્ભ્યાં કરાભ્યાં કર્ણાભ્યાં પ્રણામોઽષ્ટાઙ્ગ ઉચ્યતે ॥
ૐ શ્રીસરસ્વત્યૈ નમઃ ।
નમસ્કારાન્ સમર્પયામિ ॥

સર્વોપચારાઃ
ૐ શ્રીસરસ્વત્યૈ નમઃ ।
છત્રં સમર્પયામિ ।
ચામરં સમર્પયામિ ।
ગીતં શ્રાવયામિ ।
નૃત્યં દર્શયામિ ।
સમસ્ત રાજોપચારાન્ દેવોપચારાન્ સમર્પયામિ ॥
સ્તોત્ર/સૂક્ત પઠનમ્
સરસ્વતી સૂક્તમ્ (ઋગ્વેદ)>
સરસ્વતી સૂક્તમ્ (યજુર્વેદીય)>

ક્ષમાપ્રાર્થના
અપરાધસહસ્રાણિ ક્રિયન્તેઽહર્નિશં મયા ।
દાસોઽયમિતિ માં મત્વા ક્ષમસ્વ પરમેશ્વરિ ॥
મન્ત્રહીનં ક્રિયાહીનં ભક્તિહીનં મહેશ્વરિ ।
યત્પૂજિતં મયા દેવિ પરિપૂર્ણં તદસ્તુ તે ॥
કાયેન વાચા મનસેન્દ્રિયૈર્વા
બુદ્ધ્યાત્મના વા પ્રકૃતેઃ સ્વભાવાત્ ।
કરોમિ યદ્યત્ સકલં પરસ્મૈ
નારાયણાયેતિ સમર્પયામિ ॥
અનયા ધ્યાન-આવાહનાદિ-ષોડશોપચાર પૂજયા શ્રીસરસ્વતી દેવી સુપ્રીતા સુપ્રસન્ના વરદા ભવતુ ॥

ઉદ્વાસનમ્
ૐ શ્રીસરસ્વત્યૈ નમઃ ।
યથાસ્થાનં ઉદ્વાસયામિ ।
શોભનાર્થે ક્ષેમાય પુનરાગમનાય ચ ॥

પ્રસાદ ગ્રહણમ્
અકાલમૃત્યુહરણં સર્વવ્યાધિનિવારણમ્ ।
સમસ્તપાપક્ષયકરં દેવતા પાદોદકં શુભમ્ ॥
શ્રીસરસ્વતી દેવી પ્રસાદં શિરસા ગૃહ્ણામિ ॥

ૐ શાન્તિઃ શાન્તિઃ શાન્તિઃ ॥

ૐ તત્સત્ બ્રહ્માર્પણમસ્તુ ॥