sarasvatī nitya pūjā vidhānam

āvaśyakāni vastūni
- āsanaṃ
- dīpaḥ
- gandhaḥ
- kuṅkumaṃ
- akṣatāḥ
- puṣpāṇi
- dhūpaḥ
- naivedyaṃ
- tāmbūlaṃ
- ācamanīyaṃ
- pūjā pātraṃ
- kalaśaḥ
- śaṅkhaḥ [optional]
- sarasvatī devī pratimā vā citrapaṭaḥ vā
pūrvāṅga pūjā
śrīmahāgaṇādhipataye namaḥ |
śrī gurubhyo namaḥ |
hariḥ om |

śuciḥ
apavitraḥ pavitro vā sarvāvasthāṃ gato'pi vā |
yaḥ smaret puṇḍarīkākṣaṃ sa bāhyābhyantaraḥ śuciḥ ||
puṇḍarīkākṣa puṇḍarīkākṣa puṇḍarīkākṣāya namaḥ ||

prārthanā
śuklāmbaradharaṃ viṣṇuṃ śaśivarṇaṃ caturbhujam |
prasannavadanaṃ dhyāyet sarvavighnopaśāntaye ||
agajānana padmārkaṃ gajānanamaharniśam |
anekadaṃ taṃ bhaktānāṃ ekadantamupāsmahe ||
tadeva lagnaṃ sudinaṃ tadeva
tārābalaṃ candrabalaṃ tadeva |
vidyābalaṃ daivabalaṃ tadeva
lakṣmīpate te'ṅghriyugaṃ smarāmi ||
gururbrahmā gururviṣṇuḥ gururdevo maheśvaraḥ |
guruḥ sākṣāt parabrahma tasmai śrīgurave namaḥ ||
sarvamaṅgala māṅgalye śive sarvārthasādhike |
śaraṇye tryambake gaurī nārāyaṇi namo'stu te ||
śrīlakṣmīnārāyaṇābhyāṃ namaḥ |
umāmaheśvarābhyāṃ namaḥ |
vāṇīhiraṇyagarbhābhyāṃ namaḥ |
śacīpurandarābhyāṃ namaḥ |
arundhatīvasiṣṭhābhyāṃ namaḥ |
śrīsītārāmābhyāṃ namaḥ |
mātāpitṛbhyo namaḥ |
sarvebhyo mahājanebhyo namaḥ |

ācamanaṃ
oṃ keśavāya svāhā |
oṃ nārāyaṇāya svāhā |
oṃ mādhavāya svāhā |
oṃ govindāya namaḥ |
oṃ viṣṇave namaḥ |
oṃ madhusūdanāya namaḥ |
oṃ trivikramāya namaḥ |
oṃ vāmanāya namaḥ |
oṃ śrīdharāya namaḥ |
oṃ hṛṣīkeśāya namaḥ |
oṃ padmanābhāya namaḥ |
oṃ dāmodarāya namaḥ |
oṃ saṅkarṣaṇāya namaḥ |
oṃ vāsudevāya namaḥ |
oṃ pradyumnāya namaḥ |
oṃ aniruddhāya namaḥ |
oṃ puruṣottamāya namaḥ |
oṃ adhokṣajāya namaḥ |
oṃ nārasiṃhāya namaḥ |
oṃ acyutāya namaḥ |
oṃ janārdanāya namaḥ |
oṃ upendrāya namaḥ |
oṃ haraye namaḥ |
oṃ śrīkṛṣṇāya namaḥ |

dīpārādhanam
dīpastvaṃ brahmarūpo'si jyotiṣāṃ prabhuravyayaḥ |
saubhāgyaṃ dehi putrāṃśca sarvānkāmāṃśca dehi me ||
bho dīpa devi rūpastvaṃ karmasākṣī hyavighnakṛt |
yāvatpūjāṃ kariṣyāmi tāvattvaṃ susthiro bhava ||
dīpārādhana muhūrtaḥ sumuhūrto'stu ||

bhūtoccāṭanam
uttiṣṭhantu bhūtapiśācāḥ ya ete bhūmibhārakāḥ |
eteṣāmavirodhena brahmakarma samārabhe ||
apasarpantu te bhūtā ye bhūtā bhūmisaṃsthitāḥ |
ye bhūtā vighnakartāraste gacchantu śivā'jñayā ||

prāṇāyāmaḥ
o-mbhūḥ | o-mbhuvaḥ̭ | ogṃ suvaḥ̭ | o-mmahaḥ̭ | o-ñjanaḥ̭ | o-ntapaḥ̭ | ogṃ satyam |
o-ntatsa̭viturvareṇya-mbhargo̭ devasya̭ dhīmahi |
dhiyo yo naḥ̭ pracodayāt ||
omāpo jyotī raso-'mṛta-mbrahma bhūrbhuvassuvarom ||

saṅkalpaḥ
mama upātta samasta duritakṣaya dvārā śrīparameśvara prītyarthaṃ, mama/asmākaṃ sahakuṭumbasya kṣema-sthairya-dhairya-vīrya-vijaya-abhaya-āyuḥ-ārogya-aiśvarya-abhivṛddhyarthaṃ, prajñā-medhā-vidyā-viveka-vāgvilāsa-siddhyarthaṃ, dharmārtha-kāma-mokṣa-caturvidha-puruṣārtha-phala-siddhyarthaṃ, śrīsarasvatī devī-prītyarthaṃ, yāvacchakti dhyāna-āvāhanādi-ṣoḍaśopacāra-pūjāṃ kariṣye ||
tadaṅga kalaśārādhanaṃ kariṣye ||
kalaśārādhanam
kalaśe gandha puṣpākṣatairabhyarcya |
kalaśe udakaṃ pūrayitvā |
kalaśasyopari hastaṃ nidhāya |
kalaśasya mukhe viṣṇuḥ kaṇṭhe rudraḥ samāśritaḥ |
mūle tvasya sthito brahmā madhye mātṛgaṇāḥ smṛtāḥ ||
kukṣau tu sāgarāḥ sarve saptadvīpā vasundharā |
ṛgvedo'tha yajurvedo sāmavedo hyatharvaṇaḥ ||
aṅgaiśca sahitāḥ sarve kalaśāmbu samāśritāḥ ||
gaṅge ca yamune caiva godāvarī sarasvatī |
narmade sindhu kāverī jale'smin sannidhiṃ kuru ||
kāverī tuṅgabhadrā ca kṛṣṇaveṇī ca gautamī |
bhāgīrathīti vikhyātāḥ pañcagaṅgāḥ prakīrtitāḥ ||
āyāntu devapūjārthaṃ mama duritakṣayakārakāḥ |
kalaśodakena pūjā dravyāṇi samprokṣya, devaṃ samprokṣya, ātmānaṃ ca samprokṣya ||

śaṅkhapūjā
śaṅkhaṃ candrārka daivataṃ madhye varuṇa devatām |
pṛṣṭhe prajāpatiṃ vindyādagre gaṅgā sarasvatīm ||
trailokye yāni tīrthāni vāsudevasya ājñayā |
śaṅkhe tiṣṭhantu viprendrāḥ tasmāt śaṅkhaṃ prapūjayet ||
oṃ śaṅkhāya namaḥ |
oṃ dhavalāya namaḥ |
oṃ pāñcajanyāya namaḥ |
oṃ śaṅkhadevatābhyo namaḥ |
sakalapūjārthe akṣatān samarpayāmi ||

ghaṇṭānādaḥ
āgamārthaṃ tu devānāṃ gamanārthaṃ tu rākṣasām |
ghaṇṭāravaṃ karomyādau devatāhvāna lāñchanam ||
oṃ ghaṇṭādevatābhyo namaḥ |
sakalopacāra pūjārthe akṣatān samarpayāmi ||

śrī mahāgaṇapati pūjā
o-ṅgaṇānā-ntvā gaṇapa̭tigṃ havāmahe kavi-ṅka̭vīnāṃ upamaśra̭vastavam |
jyeṣṭharāja-mbrahma̭ṇā-mbrahmaṇaspata ā naḥ̭ śṛṇvannūtibhi̭ssīda sāda̭nam ||
sumukhaścaikadantaśca kapilo gajakarṇakaḥ |
lambodaraśca vikaṭo vighnarājo gaṇādhipaḥ ||
dhūmaketurgaṇādhyakṣaḥ phālacandro gajānanaḥ |
vakratuṇḍaḥ śūrpakarṇo herambaḥ skandapūrvajaḥ ||
oṃ śrīmahāgaṇapataye namaḥ |
dhyāyāmi | āvāhayāmi | āsanaṃ samarpayāmi |
pādyaṃ samarpayāmi | arghyaṃ samarpayāmi | ācamanīyaṃ samarpayāmi |
snānaṃ samarpayāmi | vastraṃ samarpayāmi | yajñopavītaṃ samarpayāmi |
gandhaṃ samarpayāmi | puṣpāṇi samarpayāmi |
dhūpamāghrāpayāmi | dīpaṃ darśayāmi |
naivedyaṃ samarpayāmi | tāmbūlaṃ samarpayāmi |
nīrājanaṃ samarpayāmi | mantrapuṣpaṃ samarpayāmi |
pradakṣiṇa namaskārān samarpayāmi ||

ṣoḍaśopacāra pūjā
sarasvatī devī dhyānam
yā kundendu tuṣārahāradhavalā yā śubhravastrāvṛtā |
yā vīṇāvaradaṇḍamaṇḍitakarā yā śvetapadmāsanā ||
yā brahmācyutaśaṅkaraprabhṛtibhirdevaiḥ sadā pūjitā |
sā māṃ pātu sarasvatī bhagavatī niśśeṣajāḍyāpahā ||
aṅkuśaṃ cākṣasūtraṃ ca pāśaṃ vīṇāṃ ca dhāriṇīm |
muktāhārasamāyuktāṃ modarūpāṃ manoharām ||
pra ṇo̭ devī sara̭svatī vājḙbhirvājinī̭vatī |
dhīnāma̭vitrya̭vatu ||
oṃ śrīsarasvatyai namaḥ |
dhyāyāmi | dhyānaṃ samarpayāmi ||

āvāhanam
atrāgaccha jagadvandye sarvalokaika pūjite |
mayā kṛtamimāṃ pūjāṃ gṛhāṇa jagadīśvari ||
oṃ śrīsarasvatyai namaḥ |
āvāhayāmi | sthāpayāmi | pūjayāmi ||

āsanam
aneka ratnasaṃyuktaṃ suvarṇena virājitam |
muktāmaṇiyutaṃ cāru cāsanaṃ te dadāmyaham ||
oṃ śrīsarasvatyai namaḥ |
āsanaṃ samarpayāmi ||

pādyam
gandha puṣpākṣataiḥ sārdhaṃ śuddha toyena saṃyutam |
śuddhasphaṭikatulyāṅgi pādyaṃ te pratigṛhyatām ||
oṃ śrīsarasvatyai namaḥ |
pādayoḥ pādyaṃ samarpayāmi ||

arghyam
bhaktābhīṣṭaprade devi devadevādivandite |
dhātṛpriye jagaddhātri dadāmyarghyaṃ gṛhāṇa me ||
oṃ śrīsarasvatyai namaḥ |
hastayoḥ arghyaṃ samarpayāmi ||

ācamanīyam
pūrṇacandrasamānābhe koṭisūryasamaprabhe |
bhaktyā samarpitaṃ vāṇi gṛhāṇācamanīyakam ||
oṃ śrīsarasvatyai namaḥ |
mukhe ācamanīyaṃ samarpayāmi ||

snānam
āpo hiṣṭhā ma̭yobhuvastā na̭ ūrje da̭dhātana |
mahe raṇā̭ya cakṣa̭se ||
yo vaḥ̭ śivata̭mo rasastasya̭ bhājayateha naḥ̭ |
uśatīri̭va māta̭raḥ ||
tasmā ara̭-ṅgamāma vo yasya kṣayā̭ya jinva̭tha |
āpo̭ janaya̭thā ca naḥ ||
oṃ śrīsarasvatyai namaḥ |
śuddhodaka snānaṃ samarpayāmi ||
snānānantaraṃ ācamanīyaṃ samarpayāmi ||

vastram
śuklavastradvayaṃ devi komalaṃ kuṭilālake |
mayi prītyā tvayā vāṇi brahmāṇi pratigṛhyatām ||
oṃ śrīsarasvatyai namaḥ |
vastraṃ samarpayāmi ||

yajñopavītam
śabdabrahmātmike devi śabdaśāstra kṛtālaye |
brahmasūtraṃ gṛhāṇa tvaṃ brahmaśakrādi pūjite ||
oṃ śrīsarasvatyai namaḥ |
yajñopavītaṃ samarpayāmi ||

gandham
candanāgaru kastūrī karpūrādyaiśca saṃyutam |
gandhaṃ gṛhāṇa tvaṃ devi vidhipatni namo'stu te ||
oṃ śrīsarasvatyai namaḥ |
gandhaṃ samarpayāmi ||

arcana
akṣatān dhavalān divyān puṣpāṇi ca sugandhīni |
bhaktyā dattāni gṛhyantāṃ sarvadevāḥ prasīdata ||

aṅga pūjā
oṃ brahmaṇyai namaḥ - pādau pūjayāmi |
oṃ bhāratyai namaḥ - gulphau pūjayāmi |
oṃ jagatsvarūpiṇyai namaḥ - jaṅghe pūjayāmi |
oṃ jagadādyāyai namaḥ - jānunī pūjayāmi |
oṃ cāruvilāsinyai namaḥ - ūrū pūjayāmi |
oṃ kamalabhūmaye namaḥ - kaṭiṃ pūjayāmi |
oṃ gambhīranābhaye namaḥ - nābhiṃ pūjayāmi |
oṃ lokamātre namaḥ - stanau pūjayāmi |
oṃ vedasvarūpāyai namaḥ - vaktraṃ pūjayāmi |
oṃ pustakadhāriṇyai namaḥ - hastau pūjayāmi |
oṃ kamalākṣyai namaḥ - netre pūjayāmi |
oṃ śrīsarasvatyai namaḥ - śiraḥ pūjayāmi |
oṃ brahmarūpiṇyai namaḥ - sarvāṇyaṅgāni pūjayāmi ||
[Recite the sarasvatI aShTOttara Sata nAmAvaLI, or at least a few known names of Saraswati. Offer flowers or akshatas with each name.]
sarasvatī aṣṭottara śata nāmāvalī>
athavā sarasvatī nāmāvalī paṭhanam ||
oṃ śrīsarasvatyai namaḥ |
aṣṭottara śata nāmāvalī pūjāṃ samarpayāmi |
akṣatān puṣpāṇi ca samarpayāmi ||

dhūpam
daśāṅgaṃ guggulopetaṃ sugandhaṃ ca manoharam |
dhūpaṃ gṛhāṇa kalyāṇi varade pratigṛhyatām ||
oṃ śrīsarasvatyai namaḥ |
dhūpamāghrāpayāmi ||

dīpam
ghṛtatrivarti saṃyuktaṃ dīpitaṃ dīpamambike |
gṛhāṇa citsvarūpe tvaṃ kamalāsanavallabhe ||
oṃ śrīsarasvatyai namaḥ |
dīpaṃ darśayāmi ||

naivedyam
naivedyaṃ gṛhyatāṃ devi bhaktyā sampāditaṃ mayā |
idaṃ phalaṃ ca pānīyaṃ sarvopacāra saṃyutam ||
o-mbhūrbhuvassuvaḥ | tatsa̭viturvareṇya-mbhargo̭ devasya̭ dhīmahi |
dhiyo yo naḥ̭ pracodayāt ||
satyaṃ tvā ṛtena pariṣiñcāmi |
amṛtamastu | amṛtopastaraṇamasi |
oṃ prāṇāya svāhā | oṃ apānāya svāhā | oṃ vyānāya svāhā |
oṃ udānāya svāhā | oṃ samānāya svāhā |
madhye madhye pānīyaṃ samarpayāmi |
amṛtāpidhānamasi |
uttarāpośanaṃ samarpayāmi |
hastau prakṣālayāmi | pādau prakṣālayāmi |
śuddhācamanīyaṃ samarpayāmi ||
oṃ śrīsarasvatyai namaḥ |
naivedyaṃ samarpayāmi ||

tāmbūlam
tāmbūlaṃ ca sakarpūraṃ pūganāgadalairyutam |
gṛhāṇa devadeveśi tattvarūpi namo'stu te ||
oṃ śrīsarasvatyai namaḥ |
tāmbūlaṃ samarpayāmi ||

nīrājanam
nīrājanaṃ gṛhāṇa tvaṃ jagadānandadāyini |
jagattimiramārtaṇḍamaṇḍale te namo namaḥ ||
oṃ śrīsarasvatyai namaḥ |
nīrājanaṃ samarpayāmi ||

mantrapuṣpam
pra ṇo̭ devī sara̭svatī vājḙbhirvājinī̭vatī |
dhīnāma̭vitrya̭vatu ||
yā kundendu tuṣārahāradhavalā yā śubhravastrāvṛtā |
yā vīṇāvaradaṇḍamaṇḍitakarā yā śvetapadmāsanā ||
yā brahmācyutaśaṅkaraprabhṛtibhirdevaiḥ sadā pūjitā |
sā māṃ pātu sarasvatī bhagavatī niśśeṣajāḍyāpahā ||
śārade lokamātastvamāśritābhīṣṭadāyini |
puṣpāñjaliṃ gṛhāṇa tvaṃ mayā bhaktyā samarpitam ||
oṃ śrīsarasvatyai namaḥ |
mantrapuṣpaṃ samarpayāmi ||

pradakṣiṇam
yāni kāni ca pāpāni janmāntara kṛtāni ca |
tāni tāni praṇaśyanti pradakṣiṇa pade pade ||
pāśāṅkuśadharā vāṇī vīṇāpustakadhāriṇī |
mama vaktre vasennityaṃ dugdhakundendunirmalā ||
caturdaśa suvidyāsu ramate yā sarasvatī |
caturdaśeṣu lokeṣu sā me vāci vasecciram ||
oṃ śrīsarasvatyai namaḥ |
pradakṣiṇa namaskārān samarpayāmi ||

namaskāraḥ
urasā śirasā dṛṣṭyā manasā vacasā tathā |
padbhyāṃ karābhyāṃ karṇābhyāṃ praṇāmo'ṣṭāṅga ucyate ||
oṃ śrīsarasvatyai namaḥ |
namaskārān samarpayāmi ||

sarvopacārāḥ
oṃ śrīsarasvatyai namaḥ |
chatraṃ samarpayāmi |
cāmaraṃ samarpayāmi |
gītaṃ śrāvayāmi |
nṛtyaṃ darśayāmi |
samasta rājopacārān devopacārān samarpayāmi ||
stotra/sūkta paṭhanam
sarasvatī sūktam (ṛgveda)>
sarasvatī sūktam (yajurvedīya)>

kṣamāprārthanā
aparādhasahasrāṇi kriyante'harniśaṃ mayā |
dāso'yamiti māṃ matvā kṣamasva parameśvari ||
mantrahīnaṃ kriyāhīnaṃ bhaktihīnaṃ maheśvari |
yatpūjitaṃ mayā devi paripūrṇaṃ tadastu te ||
kāyena vācā manasendriyairvā
buddhyātmanā vā prakṛteḥ svabhāvāt |
karomi yadyat sakalaṃ parasmai
nārāyaṇāyeti samarpayāmi ||
anayā dhyāna-āvāhanādi-ṣoḍaśopacāra pūjayā śrīsarasvatī devī suprītā suprasannā varadā bhavatu ||

udvāsanam
oṃ śrīsarasvatyai namaḥ |
yathāsthānaṃ udvāsayāmi |
śobhanārthe kṣemāya punarāgamanāya ca ||

prasāda grahaṇam
akālamṛtyuharaṇaṃ sarvavyādhinivāraṇam |
samastapāpakṣayakaraṃ devatā pādodakaṃ śubham ||
śrīsarasvatī devī prasādaṃ śirasā gṛhṇāmi ||

oṃ śāntiḥ śāntiḥ śāntiḥ ||

oṃ tatsat brahmārpaṇamastu ||