॥ শ্ৰী শিৱ কৃত দুৰ্গা স্তোত্ৰ ॥
ৰক্ষ ৰক্ষ মহাদেৱি দুৰ্গে দুৰ্গতিনাশিনি। মাং ভক্তমনুৰক্তং চ শত্ৰুগ্ৰস্তং কৃপামযি॥
ৱিষ্ণুমাযে মহাভাগে নাৰাযণি সনাতনি। ব্ৰহ্মস্ৱৰূপে পৰমে নিত্যানন্দস্ৱৰূপিণী॥
ত্ৱং চ ব্ৰহ্মাদিদেৱানামম্বিকে জগদম্বিকে। ত্ৱং সাকাৰে চ গুণতো নিৰাকাৰে চ নিৰ্গুণাত্॥
মাযযা পুৰুষস্ত্ৱং চ মাযযা প্ৰকৃতিঃ স্ৱযম্। তযোঃ পৰং ব্ৰহ্ম পৰং ত্ৱং বিভৰ্ষি সনাতনি॥
ৱেদানাং জননী ত্ৱং চ সাৱিত্ৰী চ পৰাত্পৰা। ৱৈকুণ্ঠে চ মহালক্ষ্মীঃ সৰ্ৱসম্পত্স্ৱৰূপিণী॥
মৰ্ত্যলক্ষ্মীশ্চ ক্ষীৰোদে কামিনী শেষশাযিনঃ। স্ৱৰ্গেষু স্ৱৰ্গলক্ষ্মীস্ত্ৱং ৰাজলক্ষ্মীশ্চ ভূতলে॥
নাগাদিলক্ষ্মীঃ পাতালে গৃহেষু গৃহদেৱতা। সৰ্ৱশস্যস্ৱৰূপা ত্ৱং সৰ্ৱৈশ্ৱৰ্যৱিধাযিনী॥
ৰাগাধিষ্ঠাতৃদেৱী ত্ৱং ব্ৰহ্মণশ্চ সৰস্ৱতী। প্ৰাণানামধিদেৱী ত্ৱং কৃষ্ণস্য পৰমাত্মনঃ॥
গোলোকে চ স্ৱযং ৰাধা শ্ৰীকৃষ্ণস্যৈৱ ৱক্ষসি। গোলোকাধিষ্ঠিতা দেৱী ৱৃন্দাৱনৱনে ৱনে॥
শ্ৰীৰাসমণ্ডলে ৰম্যা ৱৃন্দাৱনৱিনোদিনী। শতশৃঙ্গাধিদেৱী ত্ৱং নাম্না চিত্ৰাৱলীতি চ॥
দক্ষকন্যা কুত্ৰ কল্পে কুত্ৰ কল্পে চ শৈলজা। দেৱমাতাদিতিস্ত্ৱং চ সৰ্ৱাধাৰা ৱসুন্ধৰা॥
ত্ৱমেৱ গঙ্গা তুলসী ত্ৱং চ স্ৱাহা স্ৱধা সতী। ত্ৱদংশাংশাংশকলযা সৰ্ৱদেৱাদিযোষিতঃ॥
স্ত্ৰীৰূপং চাপিপুৰুষং দেৱি ত্ৱং চ নপুংসকম্। ৱৃক্ষাণাং ৱৃক্ষৰূপা ত্ৱং সৃষ্টা চাঙ্কুৰৰূপিণী॥
ৱহ্নৌ চ দাহিকাশক্তিৰ্জলে শৈত্যস্ৱৰূপিণী। সূৰ্যে তেজঃ স্ৱৰূপা চ প্ৰভাৰূপা চ সংততম্॥
গন্ধৰূপা চ ভূমৌ চ আকাশে শব্দৰূপিণী। শোভাস্ৱৰূপা চন্দ্ৰে চ পদ্মসঙ্ঘে চ নিশ্চিতম্॥
সৃষ্টৌ সৃষ্টিস্ৱৰূপা চ পালনে পৰিপালিকা। মহামাৰী চ সংহাৰে জলে চ জলৰূপিণী॥
ক্ষুত্ত্ৱং দযা ত্ৱং নিদ্ৰা ত্ৱং তৃষ্ণা ত্ৱং বুদ্ধিৰূপিণী। তুষ্টিস্ত্ৱং চাপি পুষ্টিস্ত্ৱং শ্ৰদ্ধা ত্ৱং চ ক্ষমা স্ৱযম্॥
শান্তিস্ত্ৱং চ স্ৱযং ভ্ৰান্তিঃ কান্তিস্ত্ৱং কীৰ্তিৰেৱ চ। লজ্জা ত্ৱং চ তথা মাযা ভুক্তি মুক্তি স্ৱৰূপিণী॥
সৰ্ৱশক্তিস্ৱৰূপা ত্ৱং সৰ্ৱসম্পত্প্ৰদাযিনী। ৱেদেঽনিৰ্ৱচনীযা ত্ৱং ত্ৱাং ন জানাতি কশ্চন॥
সহস্ৰৱক্ত্ৰস্ত্ৱাং স্তোতুং ন চ শক্তঃ সুৰেশ্ৱৰি। ৱেদা ন শক্তাঃ কো ৱিদ্ৱান্ ন চ শক্তাঃ সৰস্ৱতী॥
স্ৱযং ৱিধাতা শক্তো ন ন চ ৱিষ্ণুঃ সনাতনঃ। কিং স্তৌমি পঞ্চৱক্ত্ৰেণ ৰণত্ৰস্তো মহেশ্ৱৰি॥
কৃপাং কুৰু মহামাযে মম শত্ৰুক্ষযং কুৰু॥