ರಾಧಾಕೃಷ್ಣಂ ಸದಾ ವನ್ದೇ ವೃನ್ದಾವನವಿಹಾರಿಣಮ್ ।
ಮಧುರತಾಸುಧಾಸಿನ್ಧುಂ ದೀನಬನ್ಧುಂ ದಯಾಕರಮ್ ॥ ೧॥
ಮಧುರತಾಸುಧಾಸಿನ್ಧುಂ ದೀನಬನ್ಧುಂ ದಯಾಕರಮ್ ॥ ೧॥
ಸೌರಿಕೂಲಸುಕುಞ್ಜೇಷು ವಿಹರನ್ತಂ ಹೃದಾ ಭಜೇ ।
ವಕುಲ-ಕದಲೀ ಕುಞ್ಜೇ ರಾಧಾಕೃಷ್ಣ-ವಿರಾಜಿತಮ್ ॥ ೨॥
ವಕುಲ-ಕದಲೀ ಕುಞ್ಜೇ ರಾಧಾಕೃಷ್ಣ-ವಿರಾಜಿತಮ್ ॥ ೨॥
ಸಖೀವೃನ್ದೈ-ರ್ಮುದಾರಾಧ್ಯಂ ಪುಷ್ಪಮಾಲಾ ಸುಶೋಭಿತಮ್ ।
ಸ್ಮರಾಮಿ ರಾಧಿಕಾಕೃಷ್ಣಂ ಭಕ್ತವಾಞ್ಛಾಪ್ರದಾಯಕಮ್ ॥ ೩॥
ಸ್ಮರಾಮಿ ರಾಧಿಕಾಕೃಷ್ಣಂ ಭಕ್ತವಾಞ್ಛಾಪ್ರದಾಯಕಮ್ ॥ ೩॥
ಸುರವೃನ್ದೈಃ ಸದಾ ಸೇವ್ಯಂ ರಾಧಾಕೃಷ್ಣಂ ನಮಾಮ್ಯಹಮ್ ।
ಅನನ್ಯರಸಿಕೈರ್ಧ್ಯೇಯಂ ಜಗದ್ಬೀಜಂ ವ್ರಜಾಧಿಪಮ್ ॥ ೪॥
ಅನನ್ಯರಸಿಕೈರ್ಧ್ಯೇಯಂ ಜಗದ್ಬೀಜಂ ವ್ರಜಾಧಿಪಮ್ ॥ ೪॥
ಶ್ರುತಿಮನ್ತ್ರೈಃ ಸಮಾರಾಧ್ಯಂ ಗೀಯಮಾನಂ ಸುಧೀಜನೈಃ ।
ರಾಧಾಕೃಷ್ಣಂ ಪ್ರಭಾತೇ ಚ ಪ್ರಣಮಾಮಿ ಕೃಪಾಸ್ಪದಮ್ ॥ ೫॥
ರಾಧಾಕೃಷ್ಣಂ ಪ್ರಭಾತೇ ಚ ಪ್ರಣಮಾಮಿ ಕೃಪಾಸ್ಪದಮ್ ॥ ೫॥
ಸುಭಗಂ ರಾಧಿಕಾಕೃಷ್ಣಂ ಕಿಶೋರವಯಸಂಯುತಮ್ ।
ಅಸೀಮಕರುಣಾಗಾರಂ ನಮಾಮಿ ಜಗದೀಶ್ವರಮ್ ॥ ೬॥
ಅಸೀಮಕರುಣಾಗಾರಂ ನಮಾಮಿ ಜಗದೀಶ್ವರಮ್ ॥ ೬॥
ಜಮ್ಬೂ-ರಸಾಲಕುಞ್ಜೇಷು ರಾಧಾಕೃಷ್ಣ ಸುಶೋಭಿತಮ್ ।
ಮುನೀನ್ದ್ರಾದಿ ಗಿರಾಗೀತಂ ಪ್ರಣಮಾಮಿ ಪುನಃ ಪುನಃ ॥ ೭॥
ಮುನೀನ್ದ್ರಾದಿ ಗಿರಾಗೀತಂ ಪ್ರಣಮಾಮಿ ಪುನಃ ಪುನಃ ॥ ೭॥
ಭಕ್ತೈಶ್ಚ ಭಾವನಾಲಭ್ಯಂ ಗುಣಜ್ಞೈಃ ಪರಿಕೀರ್ತಿತಮ್ ।
ರಾಧಾಕೃಷ್ಣಂ ರಸಾಧಾರಂ ವನ್ದೇ ಪ್ರಣತಿಪೂರ್ವಕಮ್ ॥ ೮॥
ರಾಧಾಕೃಷ್ಣಂ ರಸಾಧಾರಂ ವನ್ದೇ ಪ್ರಣತಿಪೂರ್ವಕಮ್ ॥ ೮॥
ರಾಧಾಕೃಷ್ಣಾಷ್ಟಕಂ ಸ್ತೋತ್ರಂ ಯುಗ್ಮಾಽಙ್ಘ್ರಿ ಭಕ್ತಿಸಮ್ಪ್ರದಮ್ ।
ರಾಧಾಸರ್ವೇಶ್ವರಾದ್ಯೇನ ಶರಣಾನ್ತೇನ ನಿರ್ಮಿತಮ್ ॥ ೯॥
ರಾಧಾಸರ್ವೇಶ್ವರಾದ್ಯೇನ ಶರಣಾನ್ತೇನ ನಿರ್ಮಿತಮ್ ॥ ೯॥
॥ ಇತಿ ಶ್ರೀರಾಧಾಕೃಷ್ಣಾಷ್ಟಕಸ್ತೋತ್ರಂ ಸಮ್ಪೂರ್ಣಮ್ ॥