॥ श्री बद्रीनाथाष्टकम् ॥
भूवैकुण्ठकृतावासं देवदेवं जगत्पतिम् ।
चतुर्वर्गप्रदातारं श्रीबद्रीशं नमाम्यहम् ॥ १ ॥
चतुर्वर्गप्रदातारं श्रीबद्रीशं नमाम्यहम् ॥ १ ॥
तापत्रयहरं साक्षाच्छान्तिपुष्टिबलप्रदम् ।
परमानन्ददातारं श्रीबद्रीशं नमाम्यहम् ॥ २ ॥
परमानन्ददातारं श्रीबद्रीशं नमाम्यहम् ॥ २ ॥
सद्यः पापक्षयकरं सद्यः कैवल्यदायकम् ।
लोकत्रयविधातारं श्रीबद्रीशं नमाम्यहम् ॥ ३ ॥
लोकत्रयविधातारं श्रीबद्रीशं नमाम्यहम् ॥ ३ ॥
भक्तवाञ्छाकल्पतरुं करुणारसविग्रहम् ।
भवाब्धिपारकर्तारं श्रीबद्रीशं नमाम्यहम् ॥ ४ ॥
भवाब्धिपारकर्तारं श्रीबद्रीशं नमाम्यहम् ॥ ४ ॥
सर्वदेवनुतं शश्वत् सर्वतीर्थास्पदं विभुम् ।
लीलयोपात्तवपुषं श्रीबद्रीशं नमाम्यहम् ॥ ५ ॥
लीलयोपात्तवपुषं श्रीबद्रीशं नमाम्यहम् ॥ ५ ॥
अनादिनिधनं कालकालं भीमयमच्युतम् ।
सर्वाश्चर्यमयं देवं श्रीबद्रीशं नमाम्यहम् ॥ ६ ॥
सर्वाश्चर्यमयं देवं श्रीबद्रीशं नमाम्यहम् ॥ ६ ॥
गन्धमादनकूटस्थं नरनारायणात्मकम् ।
बदरीखण्डमध्यस्थं श्रीबद्रीशं नमाम्यहम् ॥ ७ ॥
बदरीखण्डमध्यस्थं श्रीबद्रीशं नमाम्यहम् ॥ ७ ॥
शत्रूदासीनमित्राणां सर्वज्ञं समदर्शिनम् ।
ब्रह्मानन्दचिदाभासं श्रीबद्रीशं नमाम्यहम् ॥ ८ ॥
ब्रह्मानन्दचिदाभासं श्रीबद्रीशं नमाम्यहम् ॥ ८ ॥
॥ फलश्रुति ॥
श्रीबद्रीशाष्टकमिदं यः पठेत् प्रयतः शुचिः ।
सर्वपापविनिर्मुक्तः स शान्तिं लभते पराम् ॥ ९ ॥
सर्वपापविनिर्मुक्तः स शान्तिं लभते पराम् ॥ ९ ॥
॥ इति श्री बद्रीनाथाष्टकम् सम्पूर्णम् ॥