॥ শ্ৰী দত্ত মানসপূজা ॥
পৰানন্দমযো ৱিষ্ণুৰ্হৃত্স্থো ৱেদ্যোপ্যতীন্দ্ৰিযঃ ।
সদা সম্পূজ্যতে ভক্তৈৰ্ভগৱান্ ভক্তিভাৱনঃ ॥ ১ ॥
সদা সম্পূজ্যতে ভক্তৈৰ্ভগৱান্ ভক্তিভাৱনঃ ॥ ১ ॥
অচিন্ত্যস্য কুতো ধ্যানম্ কূটস্থাৱাহনং কুতঃ ।
ক্ৱাসনং ৱিশ্ৱসংস্থস্য পাদ্যং পূতাত্মনঃ কুতঃ ॥ ২ ॥
ক্ৱাসনং ৱিশ্ৱসংস্থস্য পাদ্যং পূতাত্মনঃ কুতঃ ॥ ২ ॥
ক্ৱানৰ্ঘোৰুক্ৰমস্যাৰ্ঘ্যং ৱিষ্ণোৰাচমনং কুতঃ ।
নিৰ্মলস্য কুতঃ স্নানং ক্ৱ নিৰাৱৰণেম্বৰম্ ॥ ৩ ॥
নিৰ্মলস্য কুতঃ স্নানং ক্ৱ নিৰাৱৰণেম্বৰম্ ॥ ৩ ॥
স্ৱসূত্ৰস্য কুতঃ সূত্ৰং নিৰ্মলস্য চ লেপনম্ ।
নিস্তৃষঃ সুমনোভিঃ কিং কিমক্লেদ্যস্য ধূপতঃ ॥ ৪ ॥
নিস্তৃষঃ সুমনোভিঃ কিং কিমক্লেদ্যস্য ধূপতঃ ॥ ৪ ॥
স্ৱপ্ৰকাশস্য দীপৈঃ কিং কিং ভক্ষ্যাদ্যৈৰ্জগদ্ভৃতঃ ।
কিং দেযং পৰিতৃপ্তস্য ৱিৰাজঃ ক্ৱ প্ৰদক্ষিণাঃ ॥ ৫ ॥
কিং দেযং পৰিতৃপ্তস্য ৱিৰাজঃ ক্ৱ প্ৰদক্ষিণাঃ ॥ ৫ ॥
কিমনন্তস্য নতিভিঃ স্তৌতি কো ৱাগগোচৰম্ ।
অন্তৰ্বহিঃ প্ৰপূৰ্ণস্য কথমুদ্ৱাসনং ভৱেত্ ॥ ৬ ॥
অন্তৰ্বহিঃ প্ৰপূৰ্ণস্য কথমুদ্ৱাসনং ভৱেত্ ॥ ৬ ॥
সৰ্ৱতোঽপীত্যসম্ভাৱ্যো ভাৱ্যতে ভক্তিভাৱনঃ ।
সেৱ্যসেৱকভাৱেন ভক্তৈৰ্লীলানৃৱিগ্ৰহঃ ॥ ৭ ॥
সেৱ্যসেৱকভাৱেন ভক্তৈৰ্লীলানৃৱিগ্ৰহঃ ॥ ৭ ॥
তৱেশাতীন্দ্ৰিযস্যাপি পাৰম্পৰ্যাশ্ৰুতাং তনুম্ ।
প্ৰকল্প্যাশ্মাদাৱৰ্চন্তি প্ৰাৰ্চযেঽৰ্চাং মনোমযীম্ ॥ ৮ ॥
প্ৰকল্প্যাশ্মাদাৱৰ্চন্তি প্ৰাৰ্চযেঽৰ্চাং মনোমযীম্ ॥ ৮ ॥
॥ মানস পূজনম্ ॥
কলসুশ্লোকগীতেন ভগৱন্ দত্ত জাগৃহি ।
ভক্তৱত্সল সামীপ্যং কুৰু মে মানসাৰ্চনে ॥ ৯ ॥
ভক্তৱত্সল সামীপ্যং কুৰু মে মানসাৰ্চনে ॥ ৯ ॥
শ্ৰীদত্তং খেচৰীমুদ্ৰামুদ্ৰিতং যোগিসদ্গুৰুম্ ।
সিদ্ধাসনস্থং ধ্যাযেঽভীৱৰপ্ৰদকৰং হৰিম্ ॥ ১০ ॥
সিদ্ধাসনস্থং ধ্যাযেঽভীৱৰপ্ৰদকৰং হৰিম্ ॥ ১০ ॥
দত্তাত্ৰেযাহ্ৱযাম্যত্ৰ পৰিৱাৰৈঃ সহাৰ্চনে ।
শ্ৰদ্ধাভক্ত্যেশ্ৱৰাগচ্ছ ধ্যাতধাম্নাঞ্জসা ৱিভো ॥ ১১ ॥
শ্ৰদ্ধাভক্ত্যেশ্ৱৰাগচ্ছ ধ্যাতধাম্নাঞ্জসা ৱিভো ॥ ১১ ॥
সৌৱৰ্ণং ৰত্নজডিতং কল্পিতং দেৱতামযম্ ।
ৰম্যং সিংহাসনং দত্ত তত্ৰোপৱিশ যন্ত্ৰিতে ॥ ১২ ॥
ৰম্যং সিংহাসনং দত্ত তত্ৰোপৱিশ যন্ত্ৰিতে ॥ ১২ ॥
পাদ্যং চন্দনকৰ্পূৰসুৰভি স্ৱাদু ৱাৰি তে ।
গৃহাণ কল্পিতং তেন দত্তাঙ্ঘ্ৰী ক্ষালযামি তে ॥ ১৩ ॥
গৃহাণ কল্পিতং তেন দত্তাঙ্ঘ্ৰী ক্ষালযামি তে ॥ ১৩ ॥
গন্ধাব্জতুলসীবিল্ৱশমীপত্ৰাক্ষতান্ৱিতম্ ।
সাম্ব্ৱৰ্ঘ্যং স্ৱৰ্ণপাত্ৰেণ কল্পিতং দত্ত গৃহ্যতাম্ ॥ ১৪ ॥
সাম্ব্ৱৰ্ঘ্যং স্ৱৰ্ণপাত্ৰেণ কল্পিতং দত্ত গৃহ্যতাম্ ॥ ১৪ ॥
সুস্ৱাদ্ৱাচমনীযাম্বু হৈমপাত্ৰেণ কল্পিতম্ ।
তুভ্যমাচম্যতাং দত্ত মধুপৰ্কং গৃহাণ চ ॥ ১৫ ॥
তুভ্যমাচম্যতাং দত্ত মধুপৰ্কং গৃহাণ চ ॥ ১৫ ॥
পুষ্পৱাসিতসত্তৈলমঙ্গেষ্ৱালিপ্য দত্ত ভোঃ ।
পঞ্চামৃতৈশ্চ গাঙ্গাদ্ভিঃ স্নানং তে কল্পযাম্যহম্ ॥ ১৬ ॥
পঞ্চামৃতৈশ্চ গাঙ্গাদ্ভিঃ স্নানং তে কল্পযাম্যহম্ ॥ ১৬ ॥
ভক্ত্যা দিগম্বৰাচান্ত জলেদং দত্ত কল্পিতম্ ।
কাষাযপৰিধানং তদ্গৃহাণৈণেযচৰ্ম চ ॥ ১৭ ॥
কাষাযপৰিধানং তদ্গৃহাণৈণেযচৰ্ম চ ॥ ১৭ ॥
নানাসূত্ৰধৰৈতে তে ব্ৰহ্মসূত্ৰে প্ৰকল্পিতে ।
গৃহাণ দৈৱতমযে শ্ৰীদত্ত নৱতন্তুকে ॥ ১৮ ॥
গৃহাণ দৈৱতমযে শ্ৰীদত্ত নৱতন্তুকে ॥ ১৮ ॥
ভূতিমৃত্স্নাসুকস্তূৰীকেশৰান্ৱিতচন্দনম্ ।
ৰত্নাক্ষতাঃ কল্পিতাস্ত্ৱামলঙ্কুৰ্ৱেঽথ দত্ত তৈঃ ॥ ১৯ ॥
ৰত্নাক্ষতাঃ কল্পিতাস্ত্ৱামলঙ্কুৰ্ৱেঽথ দত্ত তৈঃ ॥ ১৯ ॥
সচ্ছমীবিল্ৱতুলসীপত্ৰৈঃ সৌগন্ধিকৈঃ সুমৈঃ ।
মনসা কল্পিতৈৰ্নানাৱিধৈৰ্দত্তাৰ্চযাম্যহম্ ॥ ২০ ॥
মনসা কল্পিতৈৰ্নানাৱিধৈৰ্দত্তাৰ্চযাম্যহম্ ॥ ২০ ॥
লাক্ষাসিতাভ্ৰশ্ৰীৱাসশ্ৰীখণ্ডাগৰুগুগ্গুলৈঃ ।
যুক্তোঽগ্নিযোজিতো ধূপো হৃদা স্ৱীকুৰু দত্ত তম্ ॥ ২১ ॥
যুক্তোঽগ্নিযোজিতো ধূপো হৃদা স্ৱীকুৰু দত্ত তম্ ॥ ২১ ॥
স্ৱৰ্ণপাত্ৰে গোঘৃতাক্তৱৰ্তিপ্ৰজ্ৱালিতং হৃদা ।
দীপং দত্ত সকৰ্পূৰং গৃহাণ স্ৱপ্ৰকাশক ॥ ২২ ॥
দীপং দত্ত সকৰ্পূৰং গৃহাণ স্ৱপ্ৰকাশক ॥ ২২ ॥
সষড্ৰসং ষড্ৱিধান্নং নৈৱেদ্যং গৱ্যসম্যুতম্ ।
কল্পিতং হৈমপাত্ৰে তে ভুঙ্ক্ষ্ৱ দত্তাম্ব্ৱদঃ পিব ॥ ২৩ ॥
কল্পিতং হৈমপাত্ৰে তে ভুঙ্ক্ষ্ৱ দত্তাম্ব্ৱদঃ পিব ॥ ২৩ ॥
প্ৰক্ষাল্যাস্যং কৰৌ চাদ্ভিৰ্দত্তাচম্য প্ৰগৃহ্যতাম্ ।
তাম্বূলং দক্ষিণাং হৈমীং কল্পিতানি ফলানি চ ॥ ২৪ ॥
তাম্বূলং দক্ষিণাং হৈমীং কল্পিতানি ফলানি চ ॥ ২৪ ॥
নীৰাজ্য ৰত্নদীপৈস্ত্ৱাং প্ৰণম্য মনসা চ তে ।
পৰিতস্ত্ৱত্কথোদ্ঘাতৈঃ কুৰ্ৱে দত্ত প্ৰদক্ষিণাঃ ॥ ২৫ ॥
পৰিতস্ত্ৱত্কথোদ্ঘাতৈঃ কুৰ্ৱে দত্ত প্ৰদক্ষিণাঃ ॥ ২৫ ॥
মন্ত্ৰৱন্নিহিতো মূৰ্ধ্নি দত্ত তে কুসুমাঞ্জলিঃ ।
কল্প্যন্তে মনসা গীতৱাদ্যনৃত্যোপচাৰকাঃ ॥ ২৬ ॥
কল্প্যন্তে মনসা গীতৱাদ্যনৃত্যোপচাৰকাঃ ॥ ২৬ ॥
প্ৰেৰ্যমাণপ্ৰেৰকেণ ত্ৱযা দত্তেৰিতেন তে ।
কৃতেযং মনসা পূজা শ্ৰীমংস্তুষ্টো ভৱানযা ॥ ২৭ ॥
কৃতেযং মনসা পূজা শ্ৰীমংস্তুষ্টো ভৱানযা ॥ ২৭ ॥
দত্ত মানসতল্পে মে সুখনিদ্ৰাং ৰহঃ কুৰু ।
ৰম্যে ৱ্যাযতভক্ত্যামতূলিকাঢ্যে সুৱীজিতে ॥ ২৮ ॥
ৰম্যে ৱ্যাযতভক্ত্যামতূলিকাঢ্যে সুৱীজিতে ॥ ২৮ ॥
॥ ইতি শ্ৰীৱাসুদেৱানন্দসৰস্ৱতী ৱিৰচিতং শ্ৰী দত্ত মানসপূজা সম্পূৰ্ণা ॥