॥ શ્રી દત્ત માનસપૂજા ॥
પરાનન્દમયો વિષ્ણુર્હૃત્સ્થો વેદ્યોપ્યતીન્દ્રિયઃ ।
સદા સમ્પૂજ્યતે ભક્તૈર્ભગવાન્ ભક્તિભાવનઃ ॥ ૧ ॥
સદા સમ્પૂજ્યતે ભક્તૈર્ભગવાન્ ભક્તિભાવનઃ ॥ ૧ ॥
અચિન્ત્યસ્ય કુતો ધ્યાનમ્ કૂટસ્થાવાહનં કુતઃ ।
ક્વાસનં વિશ્વસંસ્થસ્ય પાદ્યં પૂતાત્મનઃ કુતઃ ॥ ૨ ॥
ક્વાસનં વિશ્વસંસ્થસ્ય પાદ્યં પૂતાત્મનઃ કુતઃ ॥ ૨ ॥
ક્વાનર્ઘોરુક્રમસ્યાર્ઘ્યં વિષ્ણોરાચમનં કુતઃ ।
નિર્મલસ્ય કુતઃ સ્નાનં ક્વ નિરાવરણેમ્બરમ્ ॥ ૩ ॥
નિર્મલસ્ય કુતઃ સ્નાનં ક્વ નિરાવરણેમ્બરમ્ ॥ ૩ ॥
સ્વસૂત્રસ્ય કુતઃ સૂત્રં નિર્મલસ્ય ચ લેપનમ્ ।
નિસ્તૃષઃ સુમનોભિઃ કિં કિમક્લેદ્યસ્ય ધૂપતઃ ॥ ૪ ॥
નિસ્તૃષઃ સુમનોભિઃ કિં કિમક્લેદ્યસ્ય ધૂપતઃ ॥ ૪ ॥
સ્વપ્રકાશસ્ય દીપૈઃ કિં કિં ભક્ષ્યાદ્યૈર્જગદ્ભૃતઃ ।
કિં દેયં પરિતૃપ્તસ્ય વિરાજઃ ક્વ પ્રદક્ષિણાઃ ॥ ૫ ॥
કિં દેયં પરિતૃપ્તસ્ય વિરાજઃ ક્વ પ્રદક્ષિણાઃ ॥ ૫ ॥
કિમનન્તસ્ય નતિભિઃ સ્તૌતિ કો વાગગોચરમ્ ।
અન્તર્બહિઃ પ્રપૂર્ણસ્ય કથમુદ્વાસનં ભવેત્ ॥ ૬ ॥
અન્તર્બહિઃ પ્રપૂર્ણસ્ય કથમુદ્વાસનં ભવેત્ ॥ ૬ ॥
સર્વતોઽપીત્યસમ્ભાવ્યો ભાવ્યતે ભક્તિભાવનઃ ।
સેવ્યસેવકભાવેન ભક્તૈર્લીલાનૃવિગ્રહઃ ॥ ૭ ॥
સેવ્યસેવકભાવેન ભક્તૈર્લીલાનૃવિગ્રહઃ ॥ ૭ ॥
તવેશાતીન્દ્રિયસ્યાપિ પારમ્પર્યાશ્રુતાં તનુમ્ ।
પ્રકલ્પ્યાશ્માદાવર્ચન્તિ પ્રાર્ચયેઽર્ચાં મનોમયીમ્ ॥ ૮ ॥
પ્રકલ્પ્યાશ્માદાવર્ચન્તિ પ્રાર્ચયેઽર્ચાં મનોમયીમ્ ॥ ૮ ॥
॥ માનસ પૂજનમ્ ॥
કલસુશ્લોકગીતેન ભગવન્ દત્ત જાગૃહિ ।
ભક્તવત્સલ સામીપ્યં કુરુ મે માનસાર્ચને ॥ ૯ ॥
ભક્તવત્સલ સામીપ્યં કુરુ મે માનસાર્ચને ॥ ૯ ॥
શ્રીદત્તં ખેચરીમુદ્રામુદ્રિતં યોગિસદ્ગુરુમ્ ।
સિદ્ધાસનસ્થં ધ્યાયેઽભીવરપ્રદકરં હરિમ્ ॥ ૧૦ ॥
સિદ્ધાસનસ્થં ધ્યાયેઽભીવરપ્રદકરં હરિમ્ ॥ ૧૦ ॥
દત્તાત્રેયાહ્વયામ્યત્ર પરિવારૈઃ સહાર્ચને ।
શ્રદ્ધાભક્ત્યેશ્વરાગચ્છ ધ્યાતધામ્નાઞ્જસા વિભો ॥ ૧૧ ॥
શ્રદ્ધાભક્ત્યેશ્વરાગચ્છ ધ્યાતધામ્નાઞ્જસા વિભો ॥ ૧૧ ॥
સૌવર્ણં રત્નજડિતં કલ્પિતં દેવતામયમ્ ।
રમ્યં સિંહાસનં દત્ત તત્રોપવિશ યન્ત્રિતે ॥ ૧૨ ॥
રમ્યં સિંહાસનં દત્ત તત્રોપવિશ યન્ત્રિતે ॥ ૧૨ ॥
પાદ્યં ચન્દનકર્પૂરસુરભિ સ્વાદુ વારિ તે ।
ગૃહાણ કલ્પિતં તેન દત્તાઙ્ઘ્રી ક્ષાલયામિ તે ॥ ૧૩ ॥
ગૃહાણ કલ્પિતં તેન દત્તાઙ્ઘ્રી ક્ષાલયામિ તે ॥ ૧૩ ॥
ગન્ધાબ્જતુલસીબિલ્વશમીપત્રાક્ષતાન્વિતમ્ ।
સામ્બ્વર્ઘ્યં સ્વર્ણપાત્રેણ કલ્પિતં દત્ત ગૃહ્યતામ્ ॥ ૧૪ ॥
સામ્બ્વર્ઘ્યં સ્વર્ણપાત્રેણ કલ્પિતં દત્ત ગૃહ્યતામ્ ॥ ૧૪ ॥
સુસ્વાદ્વાચમનીયામ્બુ હૈમપાત્રેણ કલ્પિતમ્ ।
તુભ્યમાચમ્યતાં દત્ત મધુપર્કં ગૃહાણ ચ ॥ ૧૫ ॥
તુભ્યમાચમ્યતાં દત્ત મધુપર્કં ગૃહાણ ચ ॥ ૧૫ ॥
પુષ્પવાસિતસત્તૈલમઙ્ગેષ્વાલિપ્ય દત્ત ભોઃ ।
પઞ્ચામૃતૈશ્ચ ગાઙ્ગાદ્ભિઃ સ્નાનં તે કલ્પયામ્યહમ્ ॥ ૧૬ ॥
પઞ્ચામૃતૈશ્ચ ગાઙ્ગાદ્ભિઃ સ્નાનં તે કલ્પયામ્યહમ્ ॥ ૧૬ ॥
ભક્ત્યા દિગમ્બરાચાન્ત જલેદં દત્ત કલ્પિતમ્ ।
કાષાયપરિધાનં તદ્ગૃહાણૈણેયચર્મ ચ ॥ ૧૭ ॥
કાષાયપરિધાનં તદ્ગૃહાણૈણેયચર્મ ચ ॥ ૧૭ ॥
નાનાસૂત્રધરૈતે તે બ્રહ્મસૂત્રે પ્રકલ્પિતે ।
ગૃહાણ દૈવતમયે શ્રીદત્ત નવતન્તુકે ॥ ૧૮ ॥
ગૃહાણ દૈવતમયે શ્રીદત્ત નવતન્તુકે ॥ ૧૮ ॥
ભૂતિમૃત્સ્નાસુકસ્તૂરીકેશરાન્વિતચન્દનમ્ ।
રત્નાક્ષતાઃ કલ્પિતાસ્ત્વામલઙ્કુર્વેઽથ દત્ત તૈઃ ॥ ૧૯ ॥
રત્નાક્ષતાઃ કલ્પિતાસ્ત્વામલઙ્કુર્વેઽથ દત્ત તૈઃ ॥ ૧૯ ॥
સચ્છમીબિલ્વતુલસીપત્રૈઃ સૌગન્ધિકૈઃ સુમૈઃ ।
મનસા કલ્પિતૈર્નાનાવિધૈર્દત્તાર્ચયામ્યહમ્ ॥ ૨૦ ॥
મનસા કલ્પિતૈર્નાનાવિધૈર્દત્તાર્ચયામ્યહમ્ ॥ ૨૦ ॥
લાક્ષાસિતાભ્રશ્રીવાસશ્રીખણ્ડાગરુગુગ્ગુલૈઃ ।
યુક્તોઽગ્નિયોજિતો ધૂપો હૃદા સ્વીકુરુ દત્ત તમ્ ॥ ૨૧ ॥
યુક્તોઽગ્નિયોજિતો ધૂપો હૃદા સ્વીકુરુ દત્ત તમ્ ॥ ૨૧ ॥
સ્વર્ણપાત્રે ગોઘૃતાક્તવર્તિપ્રજ્વાલિતં હૃદા ।
દીપં દત્ત સકર્પૂરં ગૃહાણ સ્વપ્રકાશક ॥ ૨૨ ॥
દીપં દત્ત સકર્પૂરં ગૃહાણ સ્વપ્રકાશક ॥ ૨૨ ॥
સષડ્રસં ષડ્વિધાન્નં નૈવેદ્યં ગવ્યસમ્યુતમ્ ।
કલ્પિતં હૈમપાત્રે તે ભુઙ્ક્ષ્વ દત્તામ્બ્વદઃ પિબ ॥ ૨૩ ॥
કલ્પિતં હૈમપાત્રે તે ભુઙ્ક્ષ્વ દત્તામ્બ્વદઃ પિબ ॥ ૨૩ ॥
પ્રક્ષાલ્યાસ્યં કરૌ ચાદ્ભિર્દત્તાચમ્ય પ્રગૃહ્યતામ્ ।
તામ્બૂલં દક્ષિણાં હૈમીં કલ્પિતાનિ ફલાનિ ચ ॥ ૨૪ ॥
તામ્બૂલં દક્ષિણાં હૈમીં કલ્પિતાનિ ફલાનિ ચ ॥ ૨૪ ॥
નીરાજ્ય રત્નદીપૈસ્ત્વાં પ્રણમ્ય મનસા ચ તે ।
પરિતસ્ત્વત્કથોદ્ઘાતૈઃ કુર્વે દત્ત પ્રદક્ષિણાઃ ॥ ૨૫ ॥
પરિતસ્ત્વત્કથોદ્ઘાતૈઃ કુર્વે દત્ત પ્રદક્ષિણાઃ ॥ ૨૫ ॥
મન્ત્રવન્નિહિતો મૂર્ધ્નિ દત્ત તે કુસુમાઞ્જલિઃ ।
કલ્પ્યન્તે મનસા ગીતવાદ્યનૃત્યોપચારકાઃ ॥ ૨૬ ॥
કલ્પ્યન્તે મનસા ગીતવાદ્યનૃત્યોપચારકાઃ ॥ ૨૬ ॥
પ્રેર્યમાણપ્રેરકેણ ત્વયા દત્તેરિતેન તે ।
કૃતેયં મનસા પૂજા શ્રીમંસ્તુષ્ટો ભવાનયા ॥ ૨૭ ॥
કૃતેયં મનસા પૂજા શ્રીમંસ્તુષ્ટો ભવાનયા ॥ ૨૭ ॥
દત્ત માનસતલ્પે મે સુખનિદ્રાં રહઃ કુરુ ।
રમ્યે વ્યાયતભક્ત્યામતૂલિકાઢ્યે સુવીજિતે ॥ ૨૮ ॥
રમ્યે વ્યાયતભક્ત્યામતૂલિકાઢ્યે સુવીજિતે ॥ ૨૮ ॥
॥ ઇતિ શ્રીવાસુદેવાનન્દસરસ્વતી વિરચિતં શ્રી દત્ત માનસપૂજા સમ્પૂર્ણા ॥