॥ ശ്രീ ദത്ത മാനസപൂജാ ॥
പരാനന്ദമയോ വിഷ്ണുര്ഹൃത്സ്ഥോ വേദ്യോപ്യതീന്ദ്രിയഃ ।
സദാ സമ്പൂജ്യതേ ഭക്തൈര്ഭഗവാന് ഭക്തിഭാവനഃ ॥ ൧ ॥
സദാ സമ്പൂജ്യതേ ഭക്തൈര്ഭഗവാന് ഭക്തിഭാവനഃ ॥ ൧ ॥
അചിന്ത്യസ്യ കുതോ ധ്യാനമ് കൂടസ്ഥാവാഹനം കുതഃ ।
ക്വാസനം വിശ്വസംസ്ഥസ്യ പാദ്യം പൂതാത്മനഃ കുതഃ ॥ ൨ ॥
ക്വാസനം വിശ്വസംസ്ഥസ്യ പാദ്യം പൂതാത്മനഃ കുതഃ ॥ ൨ ॥
ക്വാനര്ഘോരുക്രമസ്യാര്ഘ്യം വിഷ്ണോരാചമനം കുതഃ ।
നിര്മലസ്യ കുതഃ സ്നാനം ക്വ നിരാവരണേമ്ബരമ് ॥ ൩ ॥
നിര്മലസ്യ കുതഃ സ്നാനം ക്വ നിരാവരണേമ്ബരമ് ॥ ൩ ॥
സ്വസൂത്രസ്യ കുതഃ സൂത്രം നിര്മലസ്യ ച ലേപനമ് ।
നിസ്തൃഷഃ സുമനോഭിഃ കിം കിമക്ലേദ്യസ്യ ധൂപതഃ ॥ ൪ ॥
നിസ്തൃഷഃ സുമനോഭിഃ കിം കിമക്ലേദ്യസ്യ ധൂപതഃ ॥ ൪ ॥
സ്വപ്രകാശസ്യ ദീപൈഃ കിം കിം ഭക്ഷ്യാദ്യൈര്ജഗദ്ഭൃതഃ ।
കിം ദേയം പരിതൃപ്തസ്യ വിരാജഃ ക്വ പ്രദക്ഷിണാഃ ॥ ൫ ॥
കിം ദേയം പരിതൃപ്തസ്യ വിരാജഃ ക്വ പ്രദക്ഷിണാഃ ॥ ൫ ॥
കിമനന്തസ്യ നതിഭിഃ സ്തൌതി കോ വാഗഗോചരമ് ।
അന്തര്ബഹിഃ പ്രപൂര്ണസ്യ കഥമുദ്വാസനം ഭവേത് ॥ ൬ ॥
അന്തര്ബഹിഃ പ്രപൂര്ണസ്യ കഥമുദ്വാസനം ഭവേത് ॥ ൬ ॥
സര്വതോഽപീത്യസമ്ഭാവ്യോ ഭാവ്യതേ ഭക്തിഭാവനഃ ।
സേവ്യസേവകഭാവേന ഭക്തൈര്ലീലാനൃവിഗ്രഹഃ ॥ ൭ ॥
സേവ്യസേവകഭാവേന ഭക്തൈര്ലീലാനൃവിഗ്രഹഃ ॥ ൭ ॥
തവേശാതീന്ദ്രിയസ്യാപി പാരമ്പര്യാശ്രുതാം തനുമ് ।
പ്രകല്പ്യാശ്മാദാവര്ചന്തി പ്രാര്ചയേഽര്ചാം മനോമയീമ് ॥ ൮ ॥
പ്രകല്പ്യാശ്മാദാവര്ചന്തി പ്രാര്ചയേഽര്ചാം മനോമയീമ് ॥ ൮ ॥
॥ മാനസ പൂജനമ് ॥
കലസുശ്ലോകഗീതേന ഭഗവന് ദത്ത ജാഗൃഹി ।
ഭക്തവത്സല സാമീപ്യം കുരു മേ മാനസാര്ചനേ ॥ ൯ ॥
ഭക്തവത്സല സാമീപ്യം കുരു മേ മാനസാര്ചനേ ॥ ൯ ॥
ശ്രീദത്തം ഖേചരീമുദ്രാമുദ്രിതം യോഗിസദ്ഗുരുമ് ।
സിദ്ധാസനസ്ഥം ധ്യായേഽഭീവരപ്രദകരം ഹരിമ് ॥ ൧൦ ॥
സിദ്ധാസനസ്ഥം ധ്യായേഽഭീവരപ്രദകരം ഹരിമ് ॥ ൧൦ ॥
ദത്താത്രേയാഹ്വയാമ്യത്ര പരിവാരൈഃ സഹാര്ചനേ ।
ശ്രദ്ധാഭക്ത്യേശ്വരാഗച്ഛ ധ്യാതധാമ്നാഞ്ജസാ വിഭോ ॥ ൧൧ ॥
ശ്രദ്ധാഭക്ത്യേശ്വരാഗച്ഛ ധ്യാതധാമ്നാഞ്ജസാ വിഭോ ॥ ൧൧ ॥
സൌവര്ണം രത്നജഡിതം കല്പിതം ദേവതാമയമ് ।
രമ്യം സിംഹാസനം ദത്ത തത്രോപവിശ യന്ത്രിതേ ॥ ൧൨ ॥
രമ്യം സിംഹാസനം ദത്ത തത്രോപവിശ യന്ത്രിതേ ॥ ൧൨ ॥
പാദ്യം ചന്ദനകര്പൂരസുരഭി സ്വാദു വാരി തേ ।
ഗൃഹാണ കല്പിതം തേന ദത്താങ്ഘ്രീ ക്ഷാലയാമി തേ ॥ ൧൩ ॥
ഗൃഹാണ കല്പിതം തേന ദത്താങ്ഘ്രീ ക്ഷാലയാമി തേ ॥ ൧൩ ॥
ഗന്ധാബ്ജതുലസീബില്വശമീപത്രാക്ഷതാന്വിതമ് ।
സാമ്ബ്വര്ഘ്യം സ്വര്ണപാത്രേണ കല്പിതം ദത്ത ഗൃഹ്യതാമ് ॥ ൧൪ ॥
സാമ്ബ്വര്ഘ്യം സ്വര്ണപാത്രേണ കല്പിതം ദത്ത ഗൃഹ്യതാമ് ॥ ൧൪ ॥
സുസ്വാദ്വാചമനീയാമ്ബു ഹൈമപാത്രേണ കല്പിതമ് ।
തുഭ്യമാചമ്യതാം ദത്ത മധുപര്കം ഗൃഹാണ ച ॥ ൧൫ ॥
തുഭ്യമാചമ്യതാം ദത്ത മധുപര്കം ഗൃഹാണ ച ॥ ൧൫ ॥
പുഷ്പവാസിതസത്തൈലമങ്ഗേഷ്വാലിപ്യ ദത്ത ഭോഃ ।
പഞ്ചാമൃതൈശ്ച ഗാങ്ഗാദ്ഭിഃ സ്നാനം തേ കല്പയാമ്യഹമ് ॥ ൧൬ ॥
പഞ്ചാമൃതൈശ്ച ഗാങ്ഗാദ്ഭിഃ സ്നാനം തേ കല്പയാമ്യഹമ് ॥ ൧൬ ॥
ഭക്ത്യാ ദിഗമ്ബരാചാന്ത ജലേദം ദത്ത കല്പിതമ് ।
കാഷായപരിധാനം തദ്ഗൃഹാണൈണേയചര്മ ച ॥ ൧൭ ॥
കാഷായപരിധാനം തദ്ഗൃഹാണൈണേയചര്മ ച ॥ ൧൭ ॥
നാനാസൂത്രധരൈതേ തേ ബ്രഹ്മസൂത്രേ പ്രകല്പിതേ ।
ഗൃഹാണ ദൈവതമയേ ശ്രീദത്ത നവതന്തുകേ ॥ ൧൮ ॥
ഗൃഹാണ ദൈവതമയേ ശ്രീദത്ത നവതന്തുകേ ॥ ൧൮ ॥
ഭൂതിമൃത്സ്നാസുകസ്തൂരീകേശരാന്വിതചന്ദനമ് ।
രത്നാക്ഷതാഃ കല്പിതാസ്ത്വാമലങ്കുര്വേഽഥ ദത്ത തൈഃ ॥ ൧൯ ॥
രത്നാക്ഷതാഃ കല്പിതാസ്ത്വാമലങ്കുര്വേഽഥ ദത്ത തൈഃ ॥ ൧൯ ॥
സച്ഛമീബില്വതുലസീപത്രൈഃ സൌഗന്ധികൈഃ സുമൈഃ ।
മനസാ കല്പിതൈര്നാനാവിധൈര്ദത്താര്ചയാമ്യഹമ് ॥ ൨൦ ॥
മനസാ കല്പിതൈര്നാനാവിധൈര്ദത്താര്ചയാമ്യഹമ് ॥ ൨൦ ॥
ലാക്ഷാസിതാഭ്രശ്രീവാസശ്രീഖണ്ഡാഗരുഗുഗ്ഗുലൈഃ ।
യുക്തോഽഗ്നിയോജിതോ ധൂപോ ഹൃദാ സ്വീകുരു ദത്ത തമ് ॥ ൨൧ ॥
യുക്തോഽഗ്നിയോജിതോ ധൂപോ ഹൃദാ സ്വീകുരു ദത്ത തമ് ॥ ൨൧ ॥
സ്വര്ണപാത്രേ ഗോഘൃതാക്തവര്തിപ്രജ്വാലിതം ഹൃദാ ।
ദീപം ദത്ത സകര്പൂരം ഗൃഹാണ സ്വപ്രകാശക ॥ ൨൨ ॥
ദീപം ദത്ത സകര്പൂരം ഗൃഹാണ സ്വപ്രകാശക ॥ ൨൨ ॥
സഷഡ്രസം ഷഡ്വിധാന്നം നൈവേദ്യം ഗവ്യസമ്യുതമ് ।
കല്പിതം ഹൈമപാത്രേ തേ ഭുങ്ക്ഷ്വ ദത്താമ്ബ്വദഃ പിബ ॥ ൨൩ ॥
കല്പിതം ഹൈമപാത്രേ തേ ഭുങ്ക്ഷ്വ ദത്താമ്ബ്വദഃ പിബ ॥ ൨൩ ॥
പ്രക്ഷാല്യാസ്യം കരൌ ചാദ്ഭിര്ദത്താചമ്യ പ്രഗൃഹ്യതാമ് ।
താമ്ബൂലം ദക്ഷിണാം ഹൈമീം കല്പിതാനി ഫലാനി ച ॥ ൨൪ ॥
താമ്ബൂലം ദക്ഷിണാം ഹൈമീം കല്പിതാനി ഫലാനി ച ॥ ൨൪ ॥
നീരാജ്യ രത്നദീപൈസ്ത്വാം പ്രണമ്യ മനസാ ച തേ ।
പരിതസ്ത്വത്കഥോദ്ഘാതൈഃ കുര്വേ ദത്ത പ്രദക്ഷിണാഃ ॥ ൨൫ ॥
പരിതസ്ത്വത്കഥോദ്ഘാതൈഃ കുര്വേ ദത്ത പ്രദക്ഷിണാഃ ॥ ൨൫ ॥
മന്ത്രവന്നിഹിതോ മൂര്ധ്നി ദത്ത തേ കുസുമാഞ്ജലിഃ ।
കല്പ്യന്തേ മനസാ ഗീതവാദ്യനൃത്യോപചാരകാഃ ॥ ൨൬ ॥
കല്പ്യന്തേ മനസാ ഗീതവാദ്യനൃത്യോപചാരകാഃ ॥ ൨൬ ॥
പ്രേര്യമാണപ്രേരകേണ ത്വയാ ദത്തേരിതേന തേ ।
കൃതേയം മനസാ പൂജാ ശ്രീമംസ്തുഷ്ടോ ഭവാനയാ ॥ ൨൭ ॥
കൃതേയം മനസാ പൂജാ ശ്രീമംസ്തുഷ്ടോ ഭവാനയാ ॥ ൨൭ ॥
ദത്ത മാനസതല്പേ മേ സുഖനിദ്രാം രഹഃ കുരു ।
രമ്യേ വ്യായതഭക്ത്യാമതൂലികാഢ്യേ സുവീജിതേ ॥ ൨൮ ॥
രമ്യേ വ്യായതഭക്ത്യാമതൂലികാഢ്യേ സുവീജിതേ ॥ ൨൮ ॥
॥ ഇതി ശ്രീവാസുദേവാനന്ദസരസ്വതീ വിരചിതം ശ്രീ ദത്ത മാനസപൂജാ സമ്പൂര്ണാ ॥